سال 2024 مرکزی وزارت داخلہ کی طرف سے شروع کی گئی تاریخی اصلاحات کا سال تھا جس کا مقصد 'سب کے لیے انصاف کی آسانی' کو یقینی بنانا اور وزیر اعظم جناب نریندر مودی جی کے تصور کے مطابق ایک محفوظ بھارت کی تعمیر کرنا ہے۔ وزارت نے کئی انقلابی فیصلے کیے، جن سے عہد ساز اصلاحات کی راہ ہموار ہوئی اور آئین ہند میں درج شہریوں کے حقوق کو حاصل کرنے میں بے مثال کامیابیاں حاصل ہوئیں ۔

نوآبادیاتی نظام کے تمام آثار کو مٹانے کے لیے وزیر اعظم نریندر مودی جی کی اپیل پر سرگرمی سے عمل کرتے ہوئے، وزارت  داخلہ نے نوآبادیاتی دور میں برطانوی پارلیمنٹ  کے ذریعہ نافذ کیے گئے  تعزیرات ہند ، ضابطہ فوجداری  اور انڈین ایویڈینس ایکٹ کو بھارتیہ نیائے سنہیتا ، بھارتیہ سرکشا سنہتا، اور بھارتیہ ساکشیہ ادھینیم  سے تبدیل کرنے کا فیصلہ کیا ۔ مقامی طور پر بنائے گئے فوجداری قوانین قدیم ہندوستانی متون میں دستیاب ہندوستانی علم قانون سے بہت زیادہ اخذ  کیے گئے ہیں اور آزادی کے بعد پہلی بار فوجداری نظام کی مرکزیت میں انصاف کی فراہمی کو شامل کرتے ہیں۔ نئے قوانین یکم جولائی 2024 سے نافذ ہوئےہیں ۔

تاہم، صرف یہی نہیں ہوا۔ وزارت داخلہ نے سلامتی ، خواتین کے حقوق، پسماندہ طبقوں کی شمولیت، اور بھارت کے سفر کو عظمت کے ایک نئے دور کی طرف کئی گنا آگے بڑھاتے ہوئے انقلاباتی اقدامات کا ایک سلسلہ شروع کیا۔ وزارت داخلہ کے ذریعہ متعارف کرائے گئے نئے اقدامات درج ذیل ہیں:

تاریخی قانون سازی کے ذریعہ شہریوں کو بااختیار بنانا: انصاف، شہریت، اور سماجی مساوات

تین نئے فوجداری قوانین (آزاد بھارت کے نئے قانون)

• تین نئے فوجداری قوانین—بھارتیہ نیا ئےسنہتا، بھارتیہ ناگرک  سرکشا سنہتا، اور بھارتیہ ساکشیہ ادھینیم — یکم جولائی 2024 کو نافذ ہوئے۔ امور داخلہ اور باہمی تعاون کے مرکزی وزیر جناب امت شاہ نے ایک پریس کانفرنس میں نئے قوانین کے فوائد کی وضاحت کی۔

(یکم جولائی، 2024، https://pib.gov.in/PressReleasePage.aspx?PRID=2030088)

• تین نئے فوجداری قوانین وزیر اعظم جناب نریندر مودی جی کی اپیل کے بعد متعارف کرائے گئے تاکہ ہمارے قانونی نظام میں نوآبادیات کے تمام آثار کو مٹا دیا جائے۔ یہ قوانین ہمارے فوجداری نظام انصاف  کو ہمارے پرانے قانون کے علم کے ستونوں پر قائم ہیں۔ وزیر اعظم جناب نریندر مودی جی نے ان قوانین کے مکمل نفاذ کو چندی گڑھ کے لوگوں کو وقف کیا۔ ریاست ہریانہ 31 مارچ 2025 سے پہلے ان قوانین کے مکمل نفاذ کے لیے پرعزم ہے۔ اسی سمت میں، اتراکھنڈ اور باقی ریاستیں اور مرکز کے زیر انتظام علاقے بھی جلد از جلد ان کو مکمل طور پر نافذ کریں گے۔
• نئے قوانین انصاف پر مبنی اور متاثرین پر مرکوز ہیں۔ نئے قوانین میں سزا کے بجائے انصاف کو ترجیح دی گئی ہے۔ یہ تیز رفتار اور فوری انصاف کو یقینی بناتا ہے۔ یہ نئے قوانین دنیا کی سب سے بڑی اصلاحات ثابت ہوں گے۔ یہ ملک کے فوجداری نظام انصاف کو جدید ترین بنائیں گے اور سزا کی شرح میں خاطر خواہ اضافہ کریں گے۔
• نئے قوانین میں اولین ترجیح خواتین اور بچوں کے خلاف جرائم سے نمٹنا ہے۔ بچوں اور خواتین کے خلاف جرائم پر ایک نئے باب کا اضافہ کرکے انہیں مزید حساس بنایا گیا۔
• نئے قوانین کے ذریعہ متاثرین کے حقوق کے تحفظ  کو بھی یقینی بنایا گیا ہے۔ نئے قوانین نے نہ صرف ٹیکنالوجی کو اپنایا ہے بلکہ اسے اس طرح شامل کیا ہے کہ وہ تکنیکی تبدیلیوں کو برقرار رکھ سکیں جو اگلے 50 سالوں میں بنی نوع انسان کو متاثر کر سکتی ہیں۔
• ان قوانین کے بغیر کسی رکاوٹ کے نفاذ کو یقینی بنانے کے لیے، وزارت داخلہ نے چندی گڑھ میں تین نئے فوجداری قوانین کے لیے ای ساکشیہ، نیا ئے سیتو، نیا ئے شروتی، اور ای سمن ایپ لانچ کی ہے۔

(04 اگست 2024، https://pib.gov.in/PressReleasePage.aspx?PRID=2041322)

 

• ای ساکشیہ، نیا ئے سیتو، نیا ئے شروتی، اور ای سمن ایپ بروقت اور شفاف انصاف کی فراہمی میں ہمارے فوجداری نظام انصاف کی افادیت میں اضافہ کریں گی۔ ای ساکشیہ کے تحت ویڈیو گرافی، فوٹو گرافی اور شہادتیں ای ایویڈینس سرور پر محفوظ کی جائیں گی، جو عدالتوں میں بھی فوری دستیاب ہوں گی۔
• ای سمن کے تحت سمن عدالت سے الیکٹرانک طریقے سے پولیس اسٹیشن اور مطلوبہ افراد کو بھیجا جائے گا۔ نیا سیتو ڈیش بورڈ پر پولیس، میڈیکل، فارنسک، پراسیکیوشن اور جیل ایک دوسرے سے جڑے ہوئے ہیں، جو پولیس کو تفتیش سے متعلق تمام معلومات صرف ایک کلک پر فراہم کرے گا۔
• نیا ئے شروتی کے ذریعہ عدالت ویڈیو کانفرنسنگ کے ذریعہ گواہوں کی سماعت کر سکے گی۔ اس سے وقت اور پیسے کی بچت ہوگی اور مقدمات بھی تیزی سے نمٹائے جائیں گے۔

سی اے اے

• وزیر اعظم جناب نریندر مودی جی نے ہمارے آئین کے بنانے والوں کی خواہشات کو پورا کرتے ہوئے شہریت ترمیمی ایکٹ نافذ کیا، جس کے قوانین 11 مارچ 2024 کو مطلع کیے گئے تھے۔ شہریت ترمیمی قانون پاکستان، افغانستان اور بنگلہ دیش سے تعلق رکھنے والی مظلوم اقلیتوں یعنی  ہندو، سکھ، جین، بدھ، پارسی اور عیسائی برادریوں کو شہریت فراہم کرتا ہے۔
• مطلع کیے گئے شہریت (ترمیمی) قوانین  2024 ، شہریت کے سرٹیفکیٹ کا پہلا سیٹ سی اے اے قوانین ، 2024 کے نوٹیفکیشن کے بعد جاری کیا گیا تھا۔

(15 مئی 2024، https://pib.gov.in/PressReleasePage.aspx?PRID=2020671)

جموں و کشمیر کے لیے سماجی مساوات

• جموں و کشمیر میں امن و سلامتی  مودی حکومت کی ترجیح رہی ہے۔ وزیر اعظم جناب نریندر مودی جی کے وژن کے تحت، وزارت داخلہ  نے جموں و کشمیر کی حکمرانی اور معاشرے کے مرکز میں امن، مساوات اور انصاف کو قائم کرنے کے لیے متعدد اقدامات کیے ہیں۔
• اس وسیع وژن کے تحت، پارلیمنٹ نے آئین (جموں و کشمیر) درج فہرست قبائل حکم نامہ (ترمیمی) بل، 2024 منظور کیا۔ اس تاریخی بل کا مقصد پہاڑی نسلی گروپ، پڈاری قبائل، کولی، اور گڈا برہمن کو بااختیار بنانا ہے۔

(11 فروری 2024، https://pib.gov.in/PressReleaseIframePage.aspx?PRID=2004918)

• یہ بل مستحق برادریوں کے لیے تحفظات فراہم کرکے جموں و کشمیر کی پہاڑیوں اور وادیوں میں سماجی مساوات کے جوہر کو براہ راست  مستحکم کرتا ہے۔
• یہ بل لوگوں کے درمیان تعلق اور اتحاد کے ایک نئے احساس کی نشاندہی کرتا ہے۔

قدرتی آفات  کی صورتحال میں شہریوں کے تحفظ  میں اضافہ

• قدرتی آفات کی صورتحال میں صفر ہلاکتوں کو یقینی بنانے کے مشن کو آگے بڑھاتے ہوئے لوک سبھا نے ڈیزاسٹر مینجمنٹ (ترمیمی) بل کو پاس کیا۔ قانون سازی ریسپانس فورسز کو زیادہ افادیت اور چستی کے ساتھ آفات سے نمٹنے کا اختیار دیتی ہے۔

(12 دسمبر 2024، https://pib.gov.in/PressReleaseIframePage.aspx?PRID=2083982)

• یہ بل قدرتی آفات سے نمٹنے  کے نقطہ نظر کو ایک رد عمل سے ایک فعال  سرگرمی کی طرف منتقل کرتا ہے جس میں روک تھام، تخفیف اور تیاری پر نئے سرے سے زور دیا گیا ہے۔
• قانون سازی ایجنسیوں کے درمیان ہم آہنگی کو فروغ دے کر حکومت کو پوری طرح سے حکومتی نقطہ نظر کے ساتھ آفات سے نمٹنے کے قابل بنائے گی۔
• یہ بل این ڈی ایم اے اور ایس ڈی ایم اے کو بہتر تیاری اور تیز ترین ردعمل کو فروغ دینے کے لیے ڈیٹا بیس بنانے کا اختیار دیتا ہے۔

صفر دہشت گردی ، 100فیصد  پیش رفت: شمولیتی ترقی اور چوکسی کے ساتھ جموں و کشمیر کو بااختیار بنانا

• مودی حکومت ایک کثیر جہتی نقطہ نظر کے ذریعہ دہشت گردی سے پاک جموں و کشمیر کی تعمیر کر رہی ہے۔ جب کہ سیکورٹی افواج زمین پر دہشت گردی کے خلاف بھرپور جنگ لڑ رہی ہیں، وزارت داخلہ  دہشت گردی اور ہندوستان مخالف سرگرمیوں میں ملوث افراد اور تنظیموں پر پابندی لگا کر انہیں بااختیار بنا رہا ہے۔
• اسمبلی انتخابات اور لوک سبھا کے انتخابات میں جموں و کشمیر کے لوگوں کی بے مثال شرکت یہ ظاہر کرتی ہے کہ انہیں جمہوریت پر پورا بھروسہ ہے۔
• 2024 کے لوک سبھا انتخابات میں جموں و کشمیر نے 58.46 فیصد کے ساتھ 35 سال میں سب سے زیادہ حق رائے دہندگی کا استعمال کیا۔
• 2024 کے اسمبلی انتخابات میں، جموں و کشمیر میں 63.88 فیصد ووٹر ٹرن آؤٹ دیکھا گیا۔
• مرکزی حکومت کی مسلسل اور مربوط کوششوں کی وجہ سے جموں و کشمیر میں دہشت گردی کا ماحولیاتی نظام تقریباً ختم ہو چکا ہے۔
• پارلیمنٹ نے آئین (جموں و کشمیر) درج فہرست قبائل حکم نامہ (ترمیمی) بل 2024 کو بھی منظور کیا۔ اس تاریخی بل کا مقصد پہاڑی نسلی گروپ، پڈاری قبائل، کولی، اور گڈا برہمن کو اس سمت میں بااختیار بنانا ہے۔

(11 فروری 2024، https://pib.gov.in/PressReleaseIframePage.aspx?PRID=2004918)

• جموں و کشمیر میں درج فہرست قبائل کی فہرست میں ان برادریوں کو شامل کرنے سے موجودہ درج فہرست قبائلی برادریوں جیسے گوجر اور بکروال کو دستیاب تحفظات کی موجودہ سطح پر قطعی طور پر کوئی اثر نہیں پڑے گا۔ انہیں پہلے کی طرح تحفظات حاصل ہوتے رہیں گے۔
• امور داخلہ اور باہمی تعاون کے مرکزی وزیر جناب امت شاہ نے نئی دہلی میں جموں و کشمیر میں سیکورٹی کے منظر نامے پر ایک اعلیٰ سطحی جائزہ میٹنگ کی صدارت کی۔ (16 جون 2024، https://pib.gov.in/PressReleasePage.aspx?PRID=2025700)
• امور داخلہ اور باہمی تعاون کے مرکزی وزیر جناب امت شاہ نے نئی دہلی میں جموں و کشمیر پر ایک اعلیٰ سطحی سیکورٹی جائزہ میٹنگ کی صدارت کی۔ (19 دسمبر 2024، https://pib.gov.in/PressReleasePage.aspx?PRID=2086245)
• امور داخلہ اور باہمی تعاون کے مرکزی وزیر جناب امت شاہ نے مرکز کے زیر انتظام جموں و کشمیر کی سیکورٹی صورتحال پر ایک جائزہ میٹنگ کی صدارت کی۔ (2 جنوری 2024، https://pib.gov.in/PressReleasePage.aspx?PRID=1992514)
• مرکزی وزیر داخلہ نے ایجنسیوں کو ہدایت دی کہ وہ جموں ڈویژن میں ایریا ڈومینیشن پلان اور صفر دہشت گردی پلان کے ذریعہ وادی کشمیر میں حاصل کی گئی کامیابیوں کا ادادہ کریں ۔
• حکومت جدید طریقوں سے دہشت گردوں کے خلاف کریک ڈاؤن کرکے مثال قائم کرنے کے لیے پرعزم ہے۔
• وزیر اعظم جناب نریندر مودی جی کی دہشت گردی کے خلاف صفر برداشت کی  پالیسی کے مطابق ’دہشت گردی سے پاک جموں و کشمیر‘ کے ہدف کو جلد از جلد حاصل کیا جائے گا۔
• امور داخلہ اور باہمی تعاون کے مرکزی وزیر جناب امت شاہ نے جموں میں ایک ای-بس سروس کا آغاز کیا اور نئی دہلی سے ویڈیو کانفرنسنگ کے ذریعہ جموں و کشمیر مشترکہ امتحان -2024 اور ہمدردانہ تقرریوں کے لیے ایک ہزار سے زیادہ تقرری  نامے تقسیم کیے۔

(25 جنوری 2024، https://pib.gov.in/PressReleasePage.aspx?PRID=1999556)۔

• 100 ایئر کنڈیشنڈ ای بسوں کا افتتاح کیا گیا ہے جو نہ صرف نقل و حمل کو آسان بنائے گی بلکہ ماحولیاتی تحفظ میں بھی مددگار ثابت ہوں گی۔
• کشمیر میں سفارشات کا دور ختم۔ اب تمام تقرریاں صلاحیت کی بنیاد پر کی جاتی ہیں۔
• جموں و کشمیر میں دہشت گردی، بم دھماکے، فائرنگ، پتھراؤ اور ہڑتالوں کے بجائے اب تعلیم، تکنیکی ادارے، صنعتیں اور انفراسٹرکچر نظر آ رہے ہیں۔

31 مارچ 2026 سے پہلے بائیں بازو کی انتہا پسندی کو کچلنا: ترقی کے لیے فیصلہ کن جنگ

• سال 2024 میں، سیکورٹی افواج نے بائیں بازو کی انتہا پسندی کو روکنے، 287 نکسلیوں کو ہلاک کرنے اور 992 کو گرفتار کرنے میں مثالی کامیابی حاصل کی ہے۔ ہلاک کیے گئے نکسلیوں میں سے 14 کا تعلق پولٹ بیورو سے تھا۔ بائیں بازو کی انتہا پسندی سے متاثرہ علاقوں میں ہلاک ہونے والوں کی تعداد 4 دہائیوں میں پہلی بار 100 سے نیچے آگئی ہے۔
• مرکزی وزیر داخلہ جناب امت شاہ نے 31 مارچ 2026 سے پہلے بائیں بازو کی انتہا پسندی کی لعنت کو ختم کرنے کا عزم کیا ہے۔
• مرکزی وزیر داخلہ جناب امت شاہ نے رائے پور میں چھتیس گڑھ میں بائیں بازو کی انتہا پسندی کی صورتحال کے جائزہ اجلاس کی صدارت کی۔

(21 جنوری 2024، https://pib.gov.in/PressReleasePage.aspx?PRID=1998439)

• امور داخلہ اور باہمی تعاون کے مرکزی وزیر جناب امت شاہ نے رائے پور، چھتیس گڑھ میں چھتیس گڑھ اور پڑوسی ریاستوں کے ساتھ بائیں بازو کی انتہا پسندی پر ایک جائزہ میٹنگ اور بین ریاستی رابطہ میٹنگ کی صدارت کی۔

(24 اگست 2024، https://pib.gov.in/PressReleaseIframePage.aspx?PRID=2048587)

• امور داخلہ اور باہمی تعاون کے مرکزی وزیر جناب امت شاہ نے نئی دہلی میں بائیں بازو کی انتہا پسندی (ایل ڈبلیو ای) پر ایک جائزہ میٹنگ کی صدارت کی۔

(07 اکتوبر 2024، https://pib.gov.in/PressReleasePage.aspx?PRID=2062905)

• امور داخلہ اور باہمی تعاون کے مرکزی وزیر جناب امت شاہ نے چھتیس گڑھ میں بائیں بازو کی انتہا پسندی (ایل ڈبلیو ای) کی صورتحال کا جائزہ لینے کے لیے رائے پور میں ایک جائزہ میٹنگ کی صدارت کی۔

(16 دسمبر 2024، https://pib.gov.in/PressReleasePage.aspx?PRID=2085058)

• ریاستی پولیس کے ذریعہ  بقیہ حفاظتی خلاء کو پُر کرنے، جامع تحقیقات کو یقینی بنانے، پراسیکیوشن کی کڑی نگرانی، اور مالیاتی سلسلے کو کم کرنے کے لیے، ایل ڈبلیو ای سے متاثرہ جغرافیہ اور تشدد دونوں میں نمایاں کمی آئی ہے۔
• مرکزی وزیر داخلہ نے ایل ڈبلیو ای سے متاثرہ اضلاع میں مرکزی اور ریاستی حکومت کی اسکیموں کی سو فیصد کوریج کی ضرورت پر زور دیا۔
• بائیں بازو کی انتہا پسندی کے خلاف مشن میں، وزارت داخلہ ترقی، نفاذ اور عمل درآمد کے تینوں محاذوں پر حکمت عملی کے ساتھ بائیں بازو کی انتہا پسندی کے خلاف ایک کامیاب جنگ لڑ رہی ہے۔
• ایل ڈبلیو ای سے متاثرہ ریاستوں میں سیکورٹی کے اخراجات تقریباً تین گنا بڑھ کر 3,006 کروڑروپے  تک پہنچ گئے ہیں۔
• امور داخلہ اور باہمی تعاون کے مرکزی وزیر جناب امت شاہ نے نئی دہلی میں اپنی رہائش گاہ پر چھتیس گڑھ کے نکسل تشدد کے متاثرین سے بات چیت کی۔

(20 ستمبر 2024، https://pib.gov.in/PressReleasePage.aspx?PRID=2056910)

• نکسل ازم انسانیت اور ملک کی اندرونی سلامتی دونوں کے لیے خطرہ ہے۔
• 3 ماہ کے اندر، مرکزی حکومت اور چھتیس گڑھ حکومت ایل ڈبلیو ای سے متاثرہ لوگوں کی مجموعی ترقی کے لیے ایک جامع اسکیم لائے گی۔
• امور داخلہ اور باہمی تعاون کے مرکزی وزیر جناب امت شاہ نے چھتیس گڑھ کے جگدل پور میں بستر اولمپکس کی اختتامی تقریب میں بطور مہمان خصوصی شرکت کی۔

(15 دسمبر 2024، https://pib.gov.in/PressReleasePage.aspx?PRID=2084648)

• بستر اولمپکس پورے خطے کے لیے امید کی علامت بنیں گے، ترقی کے ایک نئے باب کی راہ ہموار کریں گے اور نکسل ازم کے مکمل خاتمے کے لیے ایک مضبوط بنیاد کے طور پر کام کریں گے۔ جب بستر کی ایک لڑکی اولمپکس میں تمغہ جیتے گی تو پوری دنیا کو یہ پیغام جائے گا کہ آگے کا راستہ صرف ترقی ہے، تشدد نہیں۔
• بستر بدل رہا ہے۔ 2026 میں جب بستر اولمپکس کا دوبارہ انعقاد کیا جائے گا، تب تک خطہ ایک گہری تبدیلی سے گزرے گا۔ ان کھیلوں نے "تبدیلی" سے "مکمل طور پر تبدیلی" میں منتقلی کا آغاز کیا ہے۔
• امور داخلہ اور باہمی تعاون کے مرکزی وزیر جناب امت شاہ نے چھتیس گڑھ کے جگدل پور میں ہتھیارڈال کر سماج کے مرکزی دھارے میں شامل ہونے والے لوگوں سے ملاقات کی۔

(15 دسمبر 2024، https://pib.gov.in/PressReleasePage.aspx?PRID=2084657)

• وزیر اعظم جناب نریندر مودی جی نے نکسل سے متاثرہ علاقوں میں 15 ہزار سے زیادہ مکانات کی تعمیر کو منظوری دی ہے۔
• نکسل متاثرہ علاقوں میں ہر خاندان کو ایک گائے یا بھینس دے کر ایک ڈیری کوآپریٹیو شروع کیا جا رہا ہے۔
• چھتیس گڑھ حکومت نے سب سے بہترین ہتھیار ڈالنے کی پالیسی بنائی ہے، اور اسے پورے ملک میں دہراتے ہوئے، ہتھیار ڈالنے والے نوجوانوں کو معاشرے میں دوبارہ آباد کیا جائے گا۔
• امور داخلہ اور باہمی تعاون کے مرکزی وزیر جناب امت شاہ نے جگدل پور، چھتیس گڑھ کے شہید اسمارک میں شہیدوں کو خراج عقیدت پیش کیا اور شہید فوجیوں اور نکسل تشدد کے متاثرین کے اہل خانہ سے ملاقات کی۔

(16 دسمبر 2024، https://pib.gov.in/PressReleasePage.aspx?PRID=2084865)

• مرکزی حکومت نکسل تشدد سے متاثرہ خاندانوں کی مدد کے لیے پرعزم ہے۔
• مرکزی وزیر داخلہ جناب امت شاہ نے بیجاپور میں سیکورٹی افواج کے فارورڈ آپریٹنگ بیس گنڈم کا دورہ کیا اور  افواج کی آپریشنل تیاریوں کا جائزہ لیا۔ انہوں نے جوانوں کو 2024 میں نکسلزم کے خلاف ان کی بے مثال کامیابی پر مبارکباد دی اور انہیں اسی جوش کے ساتھ نکسلزم کے خلاف لڑائی جاری رکھنے کی ترغیب دی۔
• مرکزی وزیر داخلہ جناب امت شاہ نے بیجاپور، چھتیس گڑھ میں نکسلزم سے متاثرہ گاؤں گنڈم کا دورہ کیا، جہاں انہوں نے اسکولوں، مناسب قیمت کی دکانوں اور عوامی طبی دیکھ بھال کی سہولیات کا معائنہ کیا۔ جناب شاہ نے وہاں رہنے والے لوگوں سے بھی بات چیت کی۔ گنڈم گاؤں کو کسی زمانے میں نکسلائٹ کے اڈے کے طور پر جانا جاتا تھا، لیکن مودی حکومت نے اسے ترقی کے دھارے میں شامل کر دیا ہے اور وہاں ایسے اسکول کھولے ہیں جو طلباء کے ذریعہ گائے گئے قومی ترانے کی گونج میں  شامل ہیں۔

منشیات کے خلاف  صفر برداشت: منشیات – دہشت گردی کے گٹھ جوڑ کو توڑنا

• وزیر اعظم مودی جی کے منشیات سے پاک بھارت کے وژن پر عمل کرتے ہوئے ایجنسیوں نے ملک میں منشیات کی سب سے بڑی آف شور ضبطی میں شاندار کامیابی حاصل کی۔
• وزارت داخلہ  منشیات کی لعنت اور جرم کے مرتکب افراد کو ختم کرنے کے اپنے مشن میں پوری حکومتی نقطہ نظر کے ساتھ آگے بڑھ رہی ہے۔
• این سی بی، بحریہ اور گجرات پولیس کے مشترکہ آپریشن میں 3132 کلو منشیات کی ایک بڑی کھیپ پکڑی گئی۔
• سیکورٹی ایجنسیوں نے گجرات میں منشیات کی اسمگلنگ کے ایک بین الاقوامی گروہ کا پردہ فاش کیا اور 700 کلو گرام سے زیادہ ممنوعہ میتھیمفیٹامائن ضبط کی۔ این سی بی نے نئی دہلی میں 82.53 کلو گرام ہائی گریڈ کوکین ضبط کی۔
• دہلی کے ایک کورئیر سینٹر میں منشیات کی ایک وافر مقدار پکڑے جانے کے بعد تقریباً 900 کروڑ روپے کی بھاری مقدار میں منشیات کی کھیپ کو نیچے سے اوپر تک تلاش کیا گیا۔
• ایجنسیوں نے گہرے سمندروں سے سال 2024 میں مجموعی طور پر 4,134 کلو گرام منشیات بھی ضبط کیں۔
• وزارت داخلہ نے منشیات کے گروہوں کو سخت پیغام کے طور پر ضبط شدہ منشیات کو ٹھکانے لگانے کا ہدف مقرر کیا ہے۔ سال 2024 میں وزارت داخلہ کے ماتحت ایجنسیوں نے 1,17,284 کلوگرام منشیات کو تلف کیا۔
• نئی دہلی میں نیشنل نارکوٹکس ہیلپ لائن ’مانس‘ کا آغاز اور امور داخلہ اور باہمی تعاون کے مرکزی وزیر جناب امیت شاہ کا این سی او آر ڈی کی 7ویں اعلیٰ سطحی میٹنگ سے خطاب۔

(18 جولائی 2024، https://pib.gov.in/PressReleasePage.aspx?PRID=2034137)

• امور داخلہ اور باہمی تعاون کے مرکزی وزیر جناب امت شاہ نے رائے پور میں این سی بی کے زونل یونٹ آفس کا ورچوئل انداز میں افتتاح کیا اور چھتیس گڑھ میں منشیات کے منظر نامے پر ایک جائزہ میٹنگ کی صدارت بھی کی۔

(18 جولائی 2024، https://pib.gov.in/PressReleasePage.aspx?PRID=2034137)

• مانس کے پاس ایک ٹول فری نمبر 1933، ایک ویب پورٹل، ایک موبائل ایپ، اور امنگ ایپ ہوگی تاکہ ملک کے شہری این سی بی  سے چوبیس گھنٹے گمنام طور پر رابطہ کر سکیں اور نشے سے نجات اور بحالی کے بارے میں مشورہ حاصل کر سکیں اور منشیات کی اسمگلنگ سے متعلق معلومات کا اشتراک کر سکیں۔
• مرکزی حکومت نے پچھلے 5 سالوں میں اس جنگ کو 'پورے حکومتی نقطہ نظر' اور ساختی، ادارہ جاتی اور معلوماتی اصلاحات کے تین ستونوں پر لڑنے کی کوشش کی ہے۔
• مرکزی حکومت ہر ریاست میں این سی بی کے دفاتر قائم کرے گی اور ریاستی حکومتوں کے تعاون سے منشیات کے کاروبار کو ختم کرے گی۔

قدرتی آفات میں صفر  ہلاکتیں: آفات سے نمٹنے کے لیے ایک فعال نقطہ نظر

• آفات میں صفر ہلاکتوں کے وزیر اعظم جناب نریندر مودی جی کے وژن کو بروئے کار لاتے ہوئے، وزارت داخلہ نے ڈیزاسٹر مینجمنٹ کے لیے رد عمل کے بجائے ایک فعال انداز اپنایا ہے۔
• لوک سبھا نے ڈیزاسٹر مینجمنٹ (ترمیمی) بل، 2024 منظور کر لیا۔

(12 دسمبر 2024، https://pib.gov.in/PressReleaseIframePage.aspx?PRID=2083982)

• یہ بل ڈیزاسٹر مینجمنٹ کے نقطہ نظر کو ایک رد عمل سے ایک فعال انداز  کی طرف منتقل کرتا ہے جس میں روک تھام، تخفیف اور تیاری پر نئے سرے سے زور دیا گیا ہے۔
• قانون سازی ایجنسیوں کے درمیان ہم آہنگی کو فروغ دے کر حکومت کو پوری طرح سے حکومتی نقطہ نظر کے ساتھ آفات سے نمٹنے کے قابل بنائے گی۔
• یہ بل این ڈی ایم اے اور ایس ڈی ایم اے کو بہتر تیاری اور تیز ترین ردعمل کو فروغ دینے کے لیے ڈیٹا بیس بنانے کا اختیار دیتا ہے۔
• یہ بل قومی بحران  مینجمنٹ کمیٹی اور اعلیٰ سطحی کمیٹی کو شدید آفات کے دوران امداد کے لیے امدادی رقم منظور کرنے کا اختیار دیتا ہے۔
• 25-2024 کے دوران، مرکزی حکومت نے  12 ریاستوں کو ریاستی ڈیزاسٹر رسپانس فنڈ (ایس ڈی آر ایف) سے  مرکزی حصہ کے طور پر 16566.00 کروڑ روپے اور نیشنل ڈیزاسٹر ریسپانس فنڈ (این ڈی آر ایف ) سے اب تک 18 ریاستوں کو 4808.32 کروڑ روپے جاری کیے ہیں ۔
• اسی طرح مرکزی حکومت نے اب تک 12 ریاستوں کو اسٹیٹ ڈیزاسٹر مٹیگیشن فنڈ (ایس ڈی ایم ایف) سے مرکزی حصہ کے طور پر 1610.454 کروڑ روپے اور نیشنل ڈیزاسٹر مٹیگیشن فنڈ (این ڈی ایم ایف) سے 7 ریاستوں کو 646.546 کروڑ روپے جاری کیے ہیں۔
• اعلیٰ سطحی کمیٹی نے ممبئی، کولکاتہ، بنگلورو، حیدرآباد، احمد آباد اور پونے میں شہری سیلاب کے انتظام کے لیے 2514.36 کروڑ روپے کے چھ پروجیکٹوں کو منظوری دی۔ (25 جولائی 2024، https://pib.gov.in/PressReleaseIframePage.aspx?PRID=2037164#:~:text=The%20High-Level%20Committee%20in,Bengaluru%2C%20Hyderabad%2C%20AandPhabad)
• کمیٹی نے آسام، کرناٹک اور تمل ناڈو کے لیے "ریاستوں میں  آگ بجھانے کی خدمات کی توسیع اور جدید کاری" کے تحت 810.64 کروڑ روپے کے تین پروجیکٹوں کو بھی منظوری دی۔
• بین وزارتی مرکزی ٹیمیں (آئی ایم سی ٹی) سیلاب سے متاثرہ آسام، میزورم، کیرالہ، تریپورہ، ناگالینڈ، گجرات، آندھرا پردیش، تلنگانہ اور منی پور میں نقصانات کا موقع پر جائزہ لینے کے لیے تعینات ہیں۔
• مرکزی حکومت نے تمام لاجسٹک امداد بھی فراہم کی ہے جس میں تمام سیلاب سے متاثرہ ریاستوں کو این ڈی آر ایف کی مطلوبہ ٹیموں، فوج کی ٹیموں اور فضائیہ کی مدد کی تعیناتی بھی شامل ہے۔
• وزارت داخلہ نے سیلاب سے متاثرہ 14 ریاستوں کو اسٹیٹ ڈیزاسٹر ریسپانس فنڈ (ایس ڈی آر ایف) سے مرکزی حصہ کے طور پر 5858.60 کروڑ اور نیشنل ڈیزاسٹر ریسپانس فنڈ (این ڈی آر ایف) سے پیشگی رقم جاری کی۔

(01 اکتوبر 2024، https://pib.gov.in/PressReleasePage.aspx?PRID=2060802)

• امور داخلہ اور باہمی تعاون کے مرکزی وزیر  جناب امت شاہ کی صدارت میں ایک اعلیٰ سطحی کمیٹی نے چھتیس گڑھ، اوڈیشہ اور مغربی بنگال کے لیے "ریاستوں میں  آگ بجھانے کی خدمات کی توسیع اور جدید کاری" کے تحت 725.62 کروڑ روپے کے تین پروجیکٹوں کو منظوری دی۔

(11 نومبر 2024، https://pib.gov.in/PressReleasePage.aspx?PRID=2072386)

• امور داخلہ اور باہمی تعاون کے مرکزی وزیر  جناب امت شاہ کی صدارت میں ایک اعلیٰ سطحی کمیٹی (ایچ ایل سی) نے مختلف ریاستوں کے لیے آفات سے نمٹنے اور صلاحیت سازی کے پروجیکٹوں کے لیے 1115.67 کروڑ روپے کی منظوری دی۔

(26 نومبر 2024، https://pib.gov.in/PressReleasePage.aspx?PRID=20772900)

• ایچ ایل سی نے 15 ریاستوں میں 1000 کروڑ روپے کے لینڈ سلائیڈ کے خطرات میں کمی کے قومی پروجیکٹ کو منظوری دی۔
• کمیٹی نے اتراکھنڈ کے لیے 139 کروڑ، ہماچل پردیش کے لیے 139 کروڑ، شمال مشرقی آٹھ ریاستوں کے لیے 378 کروڑ، مہاراشٹر کے لیے 100 کروڑ، کرناٹک کے لیے 72 کروڑ، کیرالہ کے لیے 72 کروڑ، تمل ناڈو کے لیے 50 کروڑ روپے اور مغربی بنگال کے لیے 50 کروڑ روپے کی منظوری دی۔
• ایچ سی ایل نے قومی ڈیزاسٹر رسپانس فنڈ  (این ڈی آر ایف) کی 115.67 کروڑ روپے کی فنڈنگ ​​ سے تیاری اور صلاحیت سازی کے تحت تمام ریاستوں اورمرکز کے زیر انتظام علاقوں میں شہری دفاع کی تربیت اور صلاحیت سازی کی تجویز کو بھی منظوری دی۔
• وزارت داخلہ  نے طوفان 'فینگل' سے متاثرہ لوگوں کی مدد کے لیے ریاستی ڈیزاسٹر رسپانس فنڈ  (ایس ڈی آر ایف) سے مرکزی حصہ کے طور پر تمل ناڈو کی ریاستی حکومت کو 944.80 کروڑ  روپے جاری کرنے کی منظوری دی۔

(6 دسمبر 2024، https://pib.gov.in/PressReleasePage.aspx?PRID=2081611)

شمال مشرق میں اختلافات   اور تنازعات ختم کرنے کا معاہدہ

• مودی حکومت نے بے مثال کامیابی کے ساتھ امن کے دور کا آغاز کرنے کے لیے شمال مشرق میں اتحاد کا پل تعمیر کرنے کا راستہ اختیار کیا ہے۔
• حکومت ہند، حکومت تریپورہ اور دی انڈیجینس پروگریسو ریجنل الائنس/ٹیپرا اور دیگر شراکت داروں کے درمیان وزیر داخلہ کی موجودگی میں ایک سہ فریقی معاہدے پر دستخط ہوئے۔

(2 مارچ 2024، https://pib.gov.in/PressReleaseIframePage.aspx?PRID=2010880)

• مرکزی وزیر داخلہ جناب امت شاہ کی موجودگی میں حکومت ہند، حکومت تریپورہ، این ایل ایف ٹی اور اے ٹی ٹی ایف کے درمیان مفاہمت کی یادداشت پر دستخط ہوئے ۔

(4 ستمبر 2024، https://pib.gov.in/PressReleasePage.aspx?PRID=2051900)

• دستخط شدہ امن سمجھوتوں سے شمال مشرق میں طویل عرصے سے زیر التوا مطالبات کو پورا کرتے ہوئے تنازعات کو ختم کیا جائے گا۔
• مودی حکومت مختلف گروپوں کے ساتھ معاہدوں پر دستخط کرکے پرامن شمال مشرق کی تعمیر کررہی ہے۔
• امور داخلہ اور باہمی تعاون کے مرکزی وزیر جناب امت شاہ نے شیلانگ میں شمال مشرقی کونسل کے 71ویں مکمل اجلاس سے خطاب کیا۔

(19 جنوری 2024، https://pib.gov.in/PressReleasePage.aspx?PRID=1997838)

• مودی حکومت کے 10 سال شمال مشرق کے لیے سنہری دور مانے جائیں گے۔
• مودی حکومت میں تشدد چھوڑ کر شمال مشرق امن اور خوشحالی کے راستے پر چل رہا ہے۔

• وزارت داخلہ نے ملک کی داخلی سلامتی کو یقینی بنانے اور میانمار کی سرحد سے متصل ہندوستان کی شمال مشرقی ریاستوں کے آبادیاتی ڈھانچے کو برقرار رکھنے کے لیے ہندوستان اور میانمار کے درمیان آزادانہ آمد و رفت کے قانون (ایف ایم آر) کو ختم کرنے کا فیصلہ کیا۔ (8 فروری 2024، https://pib.gov.in/PressReleasePage.aspx?PRID=2003884#:~:text=Ministry%20of%20Home%20Affairs%20)
• امور داخلہ اور باہمی تعاون کے مرکزی وزیر جناب امت شاہ نے اگرتلہ، تریپورہ میں شمال مشرقی کونسل (این ای سی) کی 72ویں مکمل میٹنگ سے خطاب کیا۔

(21 دسمبر 2024، https://pib.gov.in/PressReleaseIframePage.aspx?PRID=2086818)

• مودی حکومت 'ایکٹ ایسٹ، ایکٹ فاسٹ اور پہلے ایکٹ' کے منتر پر قائم ہے۔
• شمال مشرق کی ہر ریاست میں پولیس کے نقطہ نظر، تربیت اور توجہ کو تبدیل کرنے کی کوششیں کی جا رہی ہیں، پولیسنگ کے کلچر اور سمت کو تبدیل کرنے کی کوشش کی جا رہی ہے۔
• اب وقت آگیا ہے کہ شمال مشرق کے ہر شہری کو جائیداد، وقار اور سلامتی کے آئینی حقوق حاصل ہوں، جو تین نئے فوجداری قوانین میں شامل ہیں۔
• شمال مشرق کی ترقی کو تیز کرنے کے لیے مودی حکومت نے سرمایہ کاروں کو راغب کیا ہے اور خطے کے لیے عالمی منڈیوں کو کھول دیا ہے۔
• امور داخلہ اور باہمی تعاون کے مرکزی وزیر جناب امت شاہ نے اگرتلہ، تریپورہ میں شمال مشرقی خلائی ایپلی کیشن سینٹر (این ای ایس اے سی) سوسائٹی کی 12ویں میٹنگ کی صدارت کی۔

(21 دسمبر 2024، https://pib.gov.in/PressReleasePage.aspx?PRID=2086875)

• این ای ایس اے سی  سوسائٹی کو شمال مشرقی ریاستوں میں اپنے کام کا دائرہ مزید وسیع کرنا چاہیے۔
• این ای ایس اے سی سوسائٹی کو شمال مشرق کی تمام ریاستوں سے سائنس کے پس منظر کے حامل 100 طلباء کو اسرو  ہیڈکوارٹر کے دورے پر لے جانا چاہیے۔
• این ای ایس اے سی کی مدد سے 20 آبی گزرگاہیں تعمیر کی گئی ہیں اور سوسائٹی کو مزید آبی گزرگاہوں کی تعمیر کا امکان تلاش کرنا چاہیے۔
• شمال مشرقی ریاستوں میں معدنیات، تیل اور کوئلے کے ذخائر کے لیے وسیع نقشہ سازی کی ضرورت ہے، جس سے ان معدنیات کے لیے ملنے والی رائلٹی سے مالی طور پر فائدہ ہوگا۔
• ہندوستان-میانمار سرحد کے ساتھ لوگوں کے آبادیاتی اعداد و شمار، خاص طور پر ناگالینڈ، میزورم اور منی پور میں، سرحد پر باڑ لگانے اور دراندازی کو روکنے میں مدد کے لیے نقشہ بنایا جانا چاہیے۔
• خلائی سائنس کا استعمال کرتے ہوئے جنگلات کے رقبے کی ترقی کو این ای ایس اے سی سوسائٹی  کی توجہ مرکوز ہونی چاہیے۔
• شمال مشرقی ریاستوں کو انجینئرنگ کالجوں میں خلائی ٹیکنالوجی سے متعلق نئے کورس شروع کرنے چاہئیں۔
• امور داخلہ اور باہمی تعاون کے مرکزی وزیر جناب امت شاہ نے برو-ریانگ پناہ گزینوں سے ملاقات کی اور ان کے گھروں کا دورہ کیا اور ان کے لیے بنائی گئی صحت اور تعلیم کی سہولیات کا معائنہ کیا۔ (22 دسمبر 2024، https://pib.gov.in/PressReleaseIframePage.aspx?PRID=2087010#:~:text=Shri%20Amit%20Shah%20interacted%20with,Chief%20Minister%20of%20%20Trip)
• برو-ریانگ کمیونٹی کو نسلی جھڑپوں کے درمیان کئی دہائیوں تک بے رحمانہ تشدد کا نشانہ بنایا گیا۔ جناب امیت شاہ کی قیادت میں وزارت داخلہ نے 2020 میں تشدد کے خاتمے کے لیے ایک امن معاہدے پر دستخط کیے اور 38,000 برو-ریانگ پناہ گزینوں کو 11 کالونیوں میں آباد کیا جو کہ صحت مند زندگی گزارنے کے لیے درکار تمام سہولیات سے آراستہ ہیں۔

دہشت گردی کے خلاف کامیابی: حفاظتی آلات سے لیس کرنا

• دہشت گردی سے پاک بھارت کی تعمیر کا وزیر اعظم نریندر مودی جی کا وژن ہے۔ وزارت داخلہ ، جناب امت شاہ کی قیادت میں، دہشت گردی کے خلاف  صفر برداشتے کے نقطہ نظر کے ساتھ اس مقصد کو حاصل کرنے کی طرف بڑھ رہی ہے۔
• اس وژن کے تحت، وزارت داخلہ نے یو اے پی اے کے تحت حزب التحریر کو دہشت گرد تنظیم کے طور پر نامزد کیا۔ گولڈی برار اور قاسم گجر کو دہشت گرد قرار دیا گیا۔
• نو تنظیموں کو غیر قانونی قرار دیا گیا ہے۔
• اس مقصد کی طرف ایک اہم قدم کے طور پر، الیکٹرانکس کارپوریشن آف انڈیا لمیٹڈ، جوہری توانائی کے محکمے اور ڈی آر ڈی او کے ذریعہ مقامی طور پر تیار کردہ دھماکہ خیز مواد کی دو مختلف قسموں کو سیکورٹی  افواج کے لئے  حکومت ہند کے پرنسپل سائنسی مشیر کے ذریعہ ڈائریکٹر، آئی بی کے حوالے کیا گیا۔
• مقامی طور پر تیار کیے گئے ڈیٹیکٹر کو آئی بی نے 12 شناخت شدہ سیکیورٹی ایجنسیوں کو فیلڈ میں تعیناتی کے لیے حوالے کیا ہے۔
• امور داخلہ اور باہمی تعاون کے مرکزی وزیر جناب امت شاہ نے سیکورٹی اور قانون نافذ کرنے والے اداروں کے مختلف سربراہوں کے ساتھ ایک اعلیٰ سطحی میٹنگ کی صدارت کی جس میں آئی بی کے ملٹی ایجنسی سینٹر(ایم اے سی) ، نئی دہلی کے کام کاج کا جائزہ لیا گیا، جو ملک میں سیکورٹی چیلنجوں سے نمٹنے کے لیے ذمہ دار ہے۔

(19 جولائی 2024، https://pib.gov.in/PressReleasePage.aspx?PRID=2034467)

• ایم اے سی  فریم ورک اپنی رسائی اور افادیت کو بڑھانے کے لیے ایک بڑے تکنیکی اور آپریشنل تجدید سے گزرنے کے لیے تیار ہے۔
• مرکزی وزیر داخلہ نے دہشت گردی کے نیٹ ورک اور ان کے معاون ماحولیاتی نظاموں کو ختم کرنے کے لیے تمام ایجنسیوں کے درمیان زیادہ سے زیادہ ہم آہنگی پر زور دیا تاکہ ملک کے بڑھتے ہوئے سیکورٹی خطرات  کے منظر نامے سے نمٹا جا سکے۔
• مرکزی وزیر داخلہ نے بڑے اعداد و شمار اور اے آئی-ایم ایل پر مبنی تجزیات اور تکنیکی ترقی کا استعمال کرتے ہوئے دہشت گردی کے ماحولیاتی نظام کو ختم کرنے کے لیے قومی سلامتی میں شامل تمام ایجنسیوں سے نوجوان، تکنیکی طور پر ماہر اور پرجوش افسران کی ایک ٹیم تشکیل دینے پر بھی زور دیا۔
• امور داخلہ اور باہمی تعاون کے مرکزی وزیر جناب امت شاہ نے نئی دہلی میں دو روزہ ساتویں قومی سلامتی کی حکمت عملی کانفرنس 2024 کا افتتاح کیا۔

(13 ستمبر 2024، https://pib.gov.in/PressReleasePage.aspx?PRID=2054743)

• وزیر اعظم جناب نریندر مودی کی زیر صدارت سالانہ ڈی جی پی/آئی جی پی کانفرنس کے دوران لئے گئے فیصلوں کو نافذ کرنے کے لئے، مرکزی وزیر داخلہ نے این سی آر بی کے ذریعہ تیار کردہ ڈی جی پی/آئی جی پی کانفرنس کی سفارشات کا ڈیش بورڈ لانچ کیا۔
• وزارت داخلہ  نے قومی تفتیشی ایجنسی (این آئی اے) کے منفرد ڈیجیٹل کریمنل کیس مینجمنٹ سسٹم (سی سی ایم ایس) پلیٹ فارم کا آغاز کیا۔

(14 مارچ 2024، https://pib.gov.in/PressReleasePage.aspx?PRID=2014738)

• نئے تیار کردہ سی سی ایم ایس دہشت گردی اور منظم جرائم کے  معاملات کے خلاف این آئی اے کو مضبوط کرے گا۔
• سی سی ایم ایس این آئی اے کے کام کاج میں تال میل کو بہتر بنائے گا جس سے نظام انصاف میں بہتری آئے گی۔
• وزارت داخلہ نے ایک موبائل ایپ ، 'سنکلن' - این سی آر بی کے نئے فوجداری قوانین کا مجموعہ بھی لانچ کیا ہے۔ ’سنکلن‘ ایک جامع گائیڈ ہے، جو پرانی اور نئی قانونی دفعات کا تفصیل سے موازنہ کرنے کے قابل ہے۔
• امور داخلہ اور باہمی تعاون کے مرکزی وزیر جناب امت شاہ نے نئی دہلی میں دو روزہ ’’انسداد دہشت گردی کانفرنس-2024‘‘ کے افتتاحی اجلاس سے خطاب کیا۔

(07 نومبر 2024، https://pib.gov.in/PressReleasePage.aspx?PRID=2071564)

• دہشت گردی کے خلاف  صفر برداشت کی پالیسی کو پوری دنیا نے قبول کیا ہے۔
• وزارت داخلہ جلد ہی دہشت گردی کے پورے 'ماحولیاتی نظام ' سے لڑنے کے لیے ایک قومی انسداد دہشت گردی کی پالیسی اور حکمت عملی تیار کرے گا۔
• حکومت دہشت گردی کے خلاف ایک مضبوط ماحولیاتی نظام بنانے اور اس کے خاتمے کے لیے پرعزم ہے۔
• دہشت گردی کی مالی معاونت روکنے کے لیے 25 نکاتی مربوط منصوبہ بنایا گیا۔ جہادی دہشت گردی سے لے کر شمال مشرق میں شورش، بائیں بازو کی انتہا پسندی، جعلی کرنسی اور منشیات کے معاملات میں کئی اقدامات کیے گئے ہیں۔
• امور داخلہ اور باہمی تعاون کے مرکزی وزیر جناب امت شاہ نے گجرات کے گاندھی نگر میں 50ویں آل انڈیا پولیس سائنس کانفرنس سے بطور مہمان خصوصی خطاب کیا۔

(19 نومبر 2024، https://pib.gov.in/PressReleasePage.aspx?PRID=2074684)

• پولیس سائنس کانفرنس کو مختلف دستیاب ڈیٹا کو نتیجہ پر مبنی اور زیادہ موثر بنانے کے لیےمصنوعی ذہانت  (اے آئی) کا استعمال کرنے کی ضرورت ہے۔
• پانچ شعبوں میں سائبر کرائم، دراندازی، ڈرون کے غیر قانونی استعمال کی روک تھام، منشیات اور ڈارک ویب کے غلط استعمال میں قانون نافذ کرنے والے اداروں کو مجرموں سے بہت آگے رہنا چاہیے۔
• امور داخلہ اور باہمی تعاون کے مرکزی وزیر جناب امت شاہ نے بھونیشور، اوڈیشہ میں 59ویں ڈی جی پی/آئی جی پی کانفرنس 2024 کا افتتاح کیا۔

(29 نومبر 2024، https://pib.gov.in/PressReleasePage.aspx?PRID=2079248)

• مرکزی وزیر داخلہ نے کہا کہ مشرقی سرحد پر ابھرتے ہوئے سیکورٹی چیلنجوں، امیگریشن اور شہری پولیسنگ کے رجحانات پر توجہ مرکوز کرنی چاہئے۔
• مرکزی وزیر داخلہ نے صفر برداشت کی حکمت عملی اور صفر برداشت کی پالیسی کو لاگو کرنے کے لیے صفر برداشت کی  کارروائی کی طرف پہل کرنے پر زور دیا۔
• امور داخلہ اور باہمی تعاون کے مرکزی وزیر جناب امت شاہ نے گجرات کے گاندھی نگر میں 14ویں آل انڈیا ہوم گارڈز اور شہری دفاع کانفرنس سے خطاب کیا۔

(22 اکتوبر 2024، https://pib.gov.in/PressReleasePage.aspx?PRID=2067195)

• مودی حکومت ہوم گارڈز اور شہری دفاع کے چارٹر کو کئی نئے پہلوؤں اور بروقت تبدیلیوں کو شامل کرکے مزید موزوں اور مفید بنائے گی۔

بھارت کی حفاظت: ڈیجیٹل دفاع کو مضبوط بنانا اور فرانزک مہارت کو تیز کرنا

• مودی حکومت اپنی قانونی اور تفتیشی مشینری کی طاقت کو ٹیکنالوجی کی طاقت سے نواز کر بھارت اور اس کے شہریوں کو جرائم سے محفوظ کر رہی ہے۔
• کابینہ نے سینٹرل سیکٹر اسکیم "قومی فرانزک  بنیادی ڈھانچے کے فروغ  کی اسکیم"  (این ایف ایل ای ایس) کو منظوری دی۔

(19 جون 2024، https://pib.gov.in/PressReleasePage.aspx?PRID=2026705)

• کیمپس، لیب، اور انفراسٹرکچر کو بڑھانے کے لیے 2254.43 کروڑ روپے کا مالی خرچ کا تخمینہ۔
• حکومت ہند ثبوتوں کے سائنسی اور بروقت فرانزک جانچ پر مبنی ایک موثر اور موثر فوجداری نظام انصاف  کے قیام کے لیے پرعزم ہے۔
• ملک میں نیشنل فارنسک سائنسز یونیورسٹی (این ایف ایس یو) کے کیمپس کا قیام۔
• ملک میں مرکزی فرانزک سائنس لیبارٹریوں کا قیام۔
• این ایف ایس یو کے دہلی کیمپس کے موجودہ بنیادی ڈھانچے کو بڑھانا۔
• یہ اسکیم ایک موثر فوجداری نظام انصاف کے عمل کے لیے ثبوت کی بروقت اور سائنسی جانچ میں اعلیٰ معیار کے، تربیت یافتہ فرانزک پیشہ ور افراد کی اہمیت کو اجاگر کرتی ہے، ٹیکنالوجی میں ہونے والی پیشرفت اور جرائم کے مظاہر اور طریقوں کو تیار کرتی ہے۔
• امور داخلہ اور باہمی تعاون کے مرکزی وزیر جناب امت شاہ نے ورچوئل طریقے سے این آئی اے کے منفرد ڈیجیٹل کریمنل کیس مینجمنٹ سسٹم (سی سی ایم ایس) پلیٹ فارم کا آغاز کیا۔

(14 مارچ 2024، https://pib.gov.in/PressReleasePage.aspx?PRID=2014738)

• مرکزی وزیر داخلہ نے سائبر فراڈ مٹیگیشن سینٹر (سی ایف ایم سی)  قوم کے نام وقف کیا، سمنوے پلیٹ فارم (جوائنٹ سائبر کرائم انویسٹی گیشن فیسیلیٹیشن سسٹم)، 'سائبر کمانڈوز' پروگرام اور مشتبہ رجسٹری کا آغاز کیا۔

(10 ستمبر 2024، https://pib.gov.in/PressReleaseIframePage.aspx?PRID=2053438)

• سائبر فراڈ مٹیگیشن سینٹر ایک ایسا ادارہ ہے جس کی نمائندگی قانون نافذ کرنے والے اداروں اور نجی شعبے دونوں کی طرف سے کی جاتی ہے تاکہ سائبر کرائم سے نمٹنے کے لیے ہموار رابطہ قائم کیا جا سکے، کیونکہ کوئی بھی ادارہ اس خطرے سے تنہا نمٹ نہیں سکتا۔
• سمنوے ایک ڈیٹا ریپوزٹری پلیٹ فارم ہے جو ڈیٹا شیئرنگ اور تجزیہ کو قابل بناتا ہے۔
• ملک میں سائبر سیکورٹی کے خطرات سے نمٹنے کے لیے ریاستوں/ مرکز کے زیر انتظام علاقوں اور مرکزی پولیس تنظیموں (سی پی او) میں 5,000 'سائبر کمانڈوز' کی فوج قائم کی جائے گی۔
• بینکوں اور مالیاتی ثالثوں کے ساتھ مل کر مالیاتی ماحولیاتی نظام کی دھوکہ دہی کے خطرے کے انتظام کی صلاحیتوں کو مضبوط بنانے کے لیے مختلف شناخت کنندگان کی مشکوک رجسٹری نیشنل سائبر کرائم رپورٹنگ پورٹل (این سی آر پی) کی بنیاد پر بنائی جا رہی ہے ۔
• من کی بات کے ذریعہ قوم سے اپنے خطاب میں، وزیر اعظم جناب نریندر مودی جی نے لوگوں کو 'ڈیجیٹل گرفتاری' کی دھمکی دے کر دھوکہ دہی کے خطرے سے سماج کو بیدار کیا۔

(27 اکتوبر 2024، https://pib.gov.in/PressReleasePage.aspx?PRID=2068698)

• ان دھوکہ بازوں کا طریقہ کار پولیس، سی بی آئی،  منشیات مخالف ، یا آر بی آئی کے افسران کے طور پر ظاہر کرنا اور ویڈیو کال پر غیر مشکوک شہریوں کو دھمکی دینا ہے۔
• مودی جی نے اس طرح کی دھوکہ دہی کو روکنے کے لیے شہریوں کی طرف سے اٹھائے جانے والے اقدامات کی وضاحت کی، انہیں یاد دلاتے ہوئے کہ کوئی بھی سرکاری ایجنسی فون یا ویڈیو کال کے ذریعہ تحقیقات نہیں کرتی ہے۔
• اس برائی کو ختم کرنے کے لیے، مودی جی نے 'روکو، سوچو اور ایکشن لو' کے منتر کی اپیل کی اور حکام کو فوری طور پر ہیلپ لائن نمبر 1930 یا https://cybercrime.gov.in   پر اطلاع دینے کی اپیل کی۔ مودی حکومت سائبر محفوظ بھارت کی تعمیر کے لیے پرعزم ہے۔
• امور داخلہ اور باہمی تعاون کے مرکزی وزیر جناب امت شاہ گجرات کے گاندھی نگر میں نیشنل فارنسک سائنس یونیورسٹی (این ایف ایس یو) کی 5ویں بین الاقوامی اور 44ویں آل انڈیا کریمنولوجی کانفرنس سے خطاب کیا ۔

(23 جنوری 2024، https://pib.gov.in/PressReleasePage.aspx?PRID=1998860)

• حکومت نے پچھلے 10 سالوں میں 50 سے زیادہ اہم کام کیے ہیں۔
• نئے قوانین میں ٹیکنالوجی کے استعمال سے انصاف اب دستیاب،  کفایتی اور قابل رسائی ہوگا۔
• آنے والے سال میں ملک بھر میں این ایف ایس یو کے مزید نو کیمپس کھولے جائیں گے۔

ترقی بھی وارثت بھی: وراثت کا احترام کرنے والی خواہشات کی تکمیل

• وزیر اعظم جناب نریندر مودی جی نے قوم کو ایک منفرد طرز حکمرانی کا ماڈل دیا ہے جہاں ترقی ملک کے شاندار ورثے کی خوبصورتی کے ساتھ مل کر آگے بڑھتی ہے۔وزارت داخلہ نے برابری کے ساتھ وراثت کے ساتھ ترقی کو فروغ دے کر اس ایجنڈے کو آگے بڑھایا ہے۔
• اس سمت میں امور داخلہ اور باہمی تعاون کے مرکزی وزیر جناب امت شاہ نے انڈمان و نکوبار جزائر پورٹ بلیئر کے دارالحکومت کا نام بدل کر "سری وجئے پورم" رکھنے کے تاریخی فیصلے کا اعلان کیا۔

(13 ستمبر 2024، https://pib.gov.in/PressReleasePage.aspx?PRID=2054647)

• حکومت ہند، وزیر اعظم جناب نریندر مودی کی قیادت میں، سردار پٹیل کی 150ویں یوم پیدائش کو ان کی یادگار خدمات کو خراج تحسین پیش کرنے کے لیے 2024 سے 2026 تک دو سالہ ملک گیر جشن کے ساتھ منا رہی ہے۔

(23 اکتوبر 2024، https://pib.gov.in/PressReleasePage.aspx?PRID=2067316)

• پہلی بار، سی اے پی ایف میں کانسٹیبلوں کی بھرتی کے لیے کانسٹیبل (جی ڈی) امتحان ہندی اور انگریزی کے علاوہ 13 علاقائی زبانوں میں لیا گیا۔

(11 فروری 2024، https://pib.gov.in/PressReleaseIframePage.aspx?PRID=2004935)

خواتین کو بااختیار بنانا: حفاظت، تحفظ، اور وقار

• مودی حکومت خواتین کی حفاظت اور تحفظ کو اپنی ترجیحات میں سب سے اونچے مقام پر رکھتی ہے۔ اس کا پختہ یقین ہے کہ خواتین کی سلامتی کا تحفظ نہ صرف بھارت کا تہذیبی عہد ہے بلکہ ترقی کو یقینی بنانے کا ایک راستہ بھی ہے۔
• اس اصول کی روشنی میں مودی حکومت نے سی آئی ایس ایف کی پہلی  تمام خواتین پر مشتمل  بٹالین کے قیام کی منظوری دی۔

(13 نومبر 2024 https://pib.gov.in/PressReleaseIframePage.aspx?PRID=2072993)

• مرکزی کابینہ نے 22-2021 سے 26-2025 کی مدت کے دوران  1179.72 کروڑ روپے  کی  مجموعی لاگت سے 'خواتین کی حفاظت' سے متعلق ایک اہم  اسکیم کے نفاذ کو جاری رکھنے کی وزارت داخلہ کی تجویز کو منظوری دی۔

(21 فروری 2024، https://pib.gov.in/PressReleaseIframePage.aspx?PRID=2007872)

• 1179.72 کروڑ روپے کے مجموعی پروجیکٹ کے اخراجات میں سے، کل 885.49 کروڑ روپے وزارت داخلہ اپنے بجٹ سے فراہم کرے گا اور  294.23 کروڑ روپے  نربھیا فنڈ سے فراہم کیے جائیں گے۔

بھارت کو محفوظ بنانے کے لیے محفوظ سرحد

• مودی حکومت کا رہنما اصول یہ ہے کہ ایک محفوظ سرحد ایک محفوظ ملک کے لیے پیشگی شرط ہے۔
• وزارت داخلہ نے ملک کی داخلی سلامتی کو یقینی بنانے اور میانمار کی سرحد سے متصل ہندوستان کی شمال مشرقی ریاستوں کے آبادیاتی ڈھانچے کو برقرار رکھنے کے لیے ہندوستان اور میانمار کے درمیان آزادانہ آمد و رفت کے قانون (ایف ایم آر) کو ختم کرنے کا فیصلہ کیا۔ (8 فروری 2024، https://pib.gov.in/PressReleasePage.aspx?PRID=2003884#:~:text=Ministry%20of%20Home%20Affairs%20)
• امور داخلہ اور باہمی تعاون کے مرکزی وزیر جناب امت شاہ نے مغربی بنگال کے پیٹرا پول میں مسافر ٹرمینل بلڈنگ اور میتری دوار کا افتتاح کیا، جسے لینڈ پورٹ اتھارٹی آف انڈیا  ایل پی اے آئی) نے  487 کروڑ  روپے کی لاگت سے تعمیر کیا ہے۔

(27 اکتوبر 2024، https://pib.gov.in/PressReleasePage.aspx?PRID=2068695)

• مرکزی حکومت نے نہ صرف سرحدوں کو محفوظ بنانے بلکہ انہیں ترقی سے جوڑنے کے لیے بھی کام کیا ہے۔

لداخ کو بااختیار بنانا: نئے اضلاع، نئی حکومت

• ایک ترقی یافتہ اور خوشحال لداخ کی تعمیر کے وزیر اعظم جناب نریندر مودی جی کے وژن  پر عمل کرنے میں، وزارت داخلہ نے مرکز کے زیر انتظام علاقے میں 5 نئے اضلاع بنانے کا فیصلہ کیا۔
• نئے اضلاع، یعنی زنسکار، دراس، شام، نوبرا، اور چانگتھانگ، عوام کے لیے بنائے گئے فوائد کو ان کی دہلیز تک لے جائیں گے اور ہر جگہ  حکمرانی کو تقویت پہنچائیں گے۔

(26 اگست 2024، https://pib.gov.in/PressReleaseIframePage.aspx?PRID=2048877)

• لداخ میں اب کل سات اضلاع ہوں گے جن میں لیہہ اور کارگل شامل ہیں۔ انتہائی دشوار گزار اور ناقابل رسائی ہونے کی وجہ سے اس وقت ضلعی انتظامیہ کو نچلی سطح تک پہنچنے میں بہت سی مشکلات کا سامنا ہے۔
• ان اضلاع کی تشکیل کے بعد اب مرکزی حکومت اور لداخ انتظامیہ کی تمام عوامی فلاحی اسکیمیں عوام تک آسانی سے پہنچ سکیں گی اور زیادہ سے زیادہ لوگ ان سے فائدہ اٹھا سکیں گے۔

سی اے ایف اے: سیکورٹی  افواج کے لیے اختراع اور بنیادی ڈھانچے کو فروغ دینا

• مودی حکومت نے سی آئی ایس ایف کی تمام خواتین پر مشتمل  پہلی بٹالین کے قیام کو منظوری دے دی۔

(13 نومبر 2024 https://pib.gov.in/PressReleaseIframePage.aspx?PRID=2072993)

• سینٹرل آرمڈ پولیس فورسس انسٹی ٹیوٹ آف میڈیکل سائنسز کو ایمس، نئی دہلی کے کیمپس کے طور پر چلانے کے لیے سی اے پی ایف ایف آئی ایم ایس اور ایمس کے درمیان ایک  معاہدے  (ایم او اے) پر دستخط ہوئے۔

(9 مارچ 2024، https://pib.gov.in/PressReleasePage.aspx?PRID=2013015)

• 2091 کروڑ روپے کی لاگت سے قائم کیا گیا، سی اے پی ایف ایف آئی ایم ایس ایک جدید ترین میڈیکل انسٹی ٹیوٹ ہے جس میں 970 بستروں والا ریفرل اینڈ ریسرچ ہسپتال، 500 بستروں والا جنرل ہسپتال، 300 بستروں والا سپر اسپیشلٹی ہسپتال اور 170 بستر والا  آئی سی یو/اہم نگہداشت کا یونٹ ہے۔
• سی اے پی ایف کے جوانوں نے 15 نومبر 2024 تک 6 کروڑ سے زیادہ درخت لگائے۔
• پہلی بار، سینٹرل آرمڈ پولیس فورس (سی اے پی ایف) میں کانسٹیبلوں کی بھرتی کے لیے کانسٹیبل (جی ڈی) امتحان ہندی اور انگریزی کے علاوہ 13 علاقائی زبانوں میں منعقد ہوا۔

(11 فروری 2024، https://pib.gov.in/PressReleasePage.aspx?PRID=2004935)

• یہ امتحان 20 فروری سے 7 مارچ 2024 تک ملک بھر کے 128 شہروں میں تقریباً 48 لاکھ امیدواروں کے لیے منعقد کیا گیا۔
• ایم ایچ اے نے فلاحی اقدام کے طور پر کیندریہ پولیس کلیان بھنڈار سے سامان کی خریداری پر جی ایس ٹی پر 50فیصد کی مالی مدد دینے کا فیصلہ کیا، یہ فیصلہ یکم اپریل 2024 سے لاگو ہوگا۔

(13 مارچ 2024، https://pib.gov.in/PressReleasePage.aspx?PRID=2014368)

• یہ فیصلہ سی اے پی ایف ، مرکزی پولیس تنظیموں، ریاستی پولیس فورسز اور ان کے خاندانوں کے حاضر سروس اور ریٹائرڈ اہلکاروں کو فائدہ پہنچانے کے لیے کیا گیا ہے۔

دیگر اہم اقدامات

• امور داخلہ اور باہمی تعاون کے مرکزی وزیر جناب امت شاہ نے نئی دہلی کے اندرا گاندھی بین الاقوامی ہوائی اڈے کے ٹرمینل-3 پر ’فاسٹ ٹریک امیگریشن – ٹرسٹڈ ٹریولر پروگرام‘ کا افتتاح کیا۔

(22 جون 2024، https://pib.gov.in/PressReleasePage.aspx?PRID=2027936)

• ٹرسٹڈ ٹریولر پروگرام (ایف ٹی آئی-ٹی ٹی پی) حکومت ہند کا ایک وژنری اقدام ہے، جو دوسرے ممالک سے آنے والے ہندوستانی شہریوں اور او سی آئی مسافروں کو مزید سہولیات فراہم کرے گا۔
• ایف ٹی آئی-ٹی ٹی پی پہل سب کے لیے سفری سہولت اور کارکردگی کو بڑھانے کے لیے مرکزی حکومت کے عزم کی عکاسی کرتی ہے۔
• ایف ٹی آئی-ٹی ٹی پی ملک کے 21 بڑے ہوائی اڈوں پر شروع کیا جائے گا، پہلے مرحلے میں، دہلی ہوائی اڈے کے ساتھ ساتھ، اسے 7 بڑے ہوائی اڈوں ممبئی، چنئی، کولکاتہ، بنگلورو، حیدرآباد، کوچی اور احمد آباد پر شروع کیا جائے گا۔
• وزیر اعظم جناب نریندر مودی جی کی قیادت میں حکومت ہند نے ہر سال 25 جون کو ’سمودھان ہتیہ دیوس‘ منانے کا فیصلہ کیا ہے۔

(12 جولائی 2024، https://pib.gov.in/PressReleasePage.aspx?PRID=2032795)

• ’سمودھن ہتیہ دیوس‘جمہوریت کی حفاظت اور ہر ہندوستانی میں انفرادی آزادی کے لازوال شعلے کو زندہ رکھنے کے لیے  ہے۔
• امور داخلہ اور باہمی تعاون کے مرکزی وزیر جناب امت شاہ کو متفقہ طور پر پارلیمانی کمیٹی برائے سرکاری زبان کے چیئرپرسن کے طور پر دوبارہ منتخب کیا گیا۔

(9 ستمبر 2024، https://pib.gov.in/PressReleasePage.aspx?PRID=2053252)

• مرکزی وزیر داخلہ جناب امت شاہ نے کہا کہ ہمیں ہندی کو تمام علاقائی زبانوں کا ساتھی بنانے کے مقصد کے ساتھ آگے بڑھنا چاہیے۔
• کسی بھی ہندوستانی زبان سے مقابلہ کیے بغیر ہمیں ہندی کی قبولیت کو بڑھانے کی ضرورت ہے۔
• مرکزی حکومت نے مختلف زبانوں کے الفاظ کو ہندی میں شامل کیا ہے اور اسے مزید لچکدار بنایا ہے۔
• امور داخلہ اور باہمی تعاون کے مرکزی وزیر جناب امت شاہ نے نئی دہلی میں سرکاری زبان کی ڈائمنڈ جوبلی تقریبات اور چوتھے اکھل بھارتیہ راج بھاشا سمیلن سے خطاب کیا۔

(14 ستمبر 2024، https://pib.gov.in/PressReleasePage.aspx?PRID=2054956)

• ہندی دیوس کا مقصد سرکاری زبان کو مواصلات، لوگوں اور ٹیکنالوجی کی زبان بنانا اور اسے ایک بین الاقوامی زبان کے طور پر پھیلانا ہے۔
• نئی تعلیمی پالیسی میں وزیر اعظم جناب نریندر مودی کا زور مادری زبانوں میں پرائمری تعلیم پر ہے۔
• ہندوستانی زبانوں کا سیکشن آنے والے سالوں میں تمام ہندوستانی زبانوں کے تحفظ کا مرکز بن جائے گا۔
• تمام ہندوستانی زبانوں کو مضبوط بنائے اور ہندی کے ساتھ ان کی باہمی ہم آہنگی قائم کیے بغیر دفتری زبان کو فروغ نہیں دیا جا سکتا۔
• امور داخلہ اور باہمی تعاون کے مرکزی وزیر جناب امت شاہ نے نئی دہلی میں مردم شماری کی عمارت میں سردار ولبھ بھائی پٹیل کے مجسمے کی نقاب کشائی کی اور سول رجسٹریشن سسٹم(سی آر ایس) موبائل ایپلی کیشن کا آغاز کیا۔

(29 اکتوبر 2024، https://pib.gov.in/PressReleasePage.aspx?PRID=2069328)

• قومی مفاد کے لیے جدوجہد اور قربانی کی علامت سردار پٹیل کا یہ مجسمہ ملک میں جمہوری اقدار کو قائم کرنے کے لیے ان کی غیر متزلزل لگن کے ثبوت کے طور پر سب کو ترغیب دیتا رہے گا۔
• وزیر اعظم نریندر مودی جی کے ڈیجیٹل انڈیا کے وژن کے تحت سول رجسٹریشن سسٹم (سی آر ایس) موبائل ایپلی کیشن کا آغاز ٹیکنالوجی کو گورننس کے ساتھ مربوط کرنے کی ایک اہم پہل ہے۔
• اس درخواست کے ساتھ، شہری کہیں سے بھی اپنی ریاست کی سرکاری زبان میں پیدائش اور اموات کا اندراج کر سکیں گے، جس سے رجسٹریشن کے لیے درکار وقت میں نمایاں کمی آئے  گی۔

۔۔۔۔۔۔۔۔۔۔۔۔۔۔۔۔۔۔۔۔۔

(ش ح ۔ رض۔ن م  (

4700

(Release ID: 2088998) Visitor Counter : 21