PIB Headquarters
কোভিদ-১৯ গী মতাংদা পি আই বীগী নুমিৎ খুদিংগী বুল্লেতিন
Posted On:
20 APR 2020 6:25PM by PIB Imphal
(প্রেস রিলিজশিং অসিদা হৌখিবা পুং ২৪দা থোকখিবা কোভি-১৯গা মরী লৈনবশিং,ফিল্ড ওফিসশিংদগী ফংবা পাউশিং, সোসিয়েল মেদিয়াগী থবকশিং অমসুং পি আই বীগী ফেক চেকশিং য়াওরি )
প্রেস ইনফোরমেসন বিউরো
ইনফোরমেসন অমসুং ব্রোর্দকাস্তিং মিনিস্ত্রি
ভারত সরকার
হেল্থ অমসুং ফেমিলি ৱেলফিয়ার মিনিস্ত্রিদগী কোভিদ-১৯গী অনৌবা পাউ
লৈবাক অসিদা অপুনবা কোভিদ-১৯ কেস ১৭,২৬৫ য়ৌরে । অপুনবা কেসকী চাদা ১৪.৭৫ হায়বদি মীওই ২৫৪৭ অনাবা ফবদগী দিসচার্জ তৌখ্রে । কোভিদ-১৯না হৌজিক ফাওবদা মীওই ৫৪৩ শিহল্লে । অথিংবা থমদ্রিঙৈ মমাংদা ভারতকী শরুক অনি হেনগৎপগী চাং অসি ৩.৪ ওইরম্বদগী ২০২০গী এপ্রিল ১৯দা ৭.৫ ওইখি ।
অকুপ্পা মরোলশিংগীদমক: https://pib.gov.in/PressReleseDetail.aspx?PRID=1616415
কোভিদ-১৯ মতমগী পুন্সি
নহারোলশিং অমসুং শীনফম কয়াগী মীওইশিংনা পাম্নগদবা ৱাখল্লোল খর প্রধান মন্ত্রী নরেন্দ্র মোদীনা লিঙ্কইনদা ফোংদোক্লি । মহাক্না হায়খি ঙসিদি মালেম অসি অনৌবা ললোন-ইতিক্কী নমুনাশিংদা মাইওনশিল্লে । মসিগী অনৌবা থবকশিংগী মমিং চৎলিবা নহারোলশিংগী লৈবাক অমা ওইরবা ভারতনা থবক শুবগী অনৌবা চৎনবী হৌদোকপদা মাংজিল থাবা ঙমগনি । মহাক্না মখা তানা হায়খি মসিগী অনৌবা ললোল-ইতিক্কী থবকশিং অমসুং থবক শুবগী চৎনবী অসি মখাগী ভোৱেলশিং- এদাবতেবিলিতি, ইফিসিয়েন্সি, ইনক্লুসিবিতি, ওপুরচুনিতি অমসুং য়ুনিভর্সেলিজমদা অমুক হন্না মশক তাবা য়াগনি ।
কোভিদ-১৯ লাকশিন্নবা অমসুং শন্দোরকপা থিংনবা রাজ্যগী থবকশিং মতেং পাংনবা অমসুং ফিবম য়েংশিন্নবা কেন্দ্র সরকারনা ইন্তর-মিনিস্ত্রিয়েল তিম ৬ শেম্লে
মীয়ামগী য়াইফনবা রাজ্য সরকারশিংদা দরকার ওইবা পাউতাকশিং পীনবা অমসুং থেংনরিবা ফিবমশিং চৎতুনা য়েংশিন্নবা কেন্দ্র সরকারনা ইন্তর-মিনিস্ত্রিয়েল তিম ৬ শেম্লে । নোংচুপ বেঙ্গলদা অমসুং মহারাস্ত্রাগী ২/২ অমসুং মৈধ্য প্রদেস অমসুং রাজাস্থানগী ১/১ শেম্লে ।
ই-কম্মর্সগী য়াওনা তঙাইফদবা পোৎলমশিং ফংহন্নবা রাজ্যশিংনা থবক নিংথিনা পায়খৎকদবনি
ই-কম্মর্সগী য়াওনা তঙাইফদবা পোৎলমশিং মীয়ামদা মরাং কাইনা য়ৌহন্নবা এম ঐচ এনা রাজ্যশিং/য়ু তিশিংদা খঙহনখ্রে । হৌজিক থেংনরিবা ফিবম অসি চুমথোক্নবা রাজ্য সরকারশিং অমসুং য়ু তিশিংদা এম ঐচ এনা পীখিবা চৎন-কাংলোনশিং অমশুং ওর্দরশিং শেমদোকপা য়াই ।
অকুপ্পা মরোলগীদমক:https://pib.gov.in/PressReleasePage.aspx?PRID=1616113
কোভিদ-১৯ লাকশিন্নবা অমসুং থেংননবা মরুওইবা মীওইশিংগী ওনলাইন দেতা পুল অমা সরকারনা হৌদোক্লে
রাজ্য, জিলা অমসুং মিনিউসিপালগী থাকশিংদা শীজিন্ননবা দোক্তরশিং, অয়ুস দোক্তরশিং, নর্সশিং, হকশেলগী মীওইশিং, এন ৱাই কে, এন সি সি, এন এস এস অমসুং পি এম জি কে ভি ৱাই ভোলুন্তিয়রশিং অমসুং এক্স-সর্বিসমেনশিং য়াওবা ওনলাইন দেতা পুল অমা https://covidwarriors.gov.in দা কেন্দ্র সরকারনা শেমলে । চাংনাইনা নৌথোকহনবা দাসবোর্দ অমদা ই-পাউশিং থাগৎলে । মসিগী পাউ অসি কোভিদ-১৯ লাকশিন্নবা অমসুং থেংননবা মরুওইবা মীওইশিং মরমদা খঙহল্লি ।
কোভিদ-১৯ লাকশিন্নবা থবকশিং পায়খৎনবা জি-২০ হেল্থ মিনিস্তরশিংগী মীফম পাংথোকখি
ভিদিও কনফরেন্সকী খুৎথাংদা পাংথোকখিবা জি-২০ হেল্থ মিনিস্তরশিংগী মীফমদা দোক্তর হর্স ভরধন্না হায়খি কোভিদ-১৯ লাকশিন্নবা মতেং পীনবা অমসুং অমনা অমবু ইকায়খুম্নবা উৎপা অমসুং পুন্না থবক তৌমিন্নবা দরকার ওই । মালেমগী হকশেলগী পান্দম ফংনবা ভারতনা শৌগৎপা অদু দোক্তর হর্স ভরধন্না অমুক হন্না পনখি অমসুং হায়খি কোভিদ-১৯ লাকশিন্নবা অমতা ওইনা থবক তৌমিন্ননবা জি-২০ লৈবাকশিংগা পুন্না থবক তৌমিন্ননবা ভারতনা থাজবা থম্লি ।
কোভিদ-১৯গী অথিংবা লৈরবসু, লৌমীশিংগী দরকার ওইবা ফংনবা হার মখলশিংগী শুংবা অমসুং পুথোক-পুশিনগী থবক পায়খৎলি
অথিংবা মনুংদা, নোংমদা খ্বাইদগী য়াম্না পুবা ওইনা এপ্রিল ১৭দা প্লান্তশিং অমসুং হিথাংফমশিংদগী ফরতিলাইজর রেকসশিং মশিং খ্বাইদগী য়াম্না হোনখি ।
অথিংবা মনুংদা অৱাং-নোংপোক্ত এফ সি আইগী থবকশিং
নুমিৎ ২৮গী অথিংবা মনুংদা অৱাং-নোংপোক্কী রাজ্যশিংদা এফ সি আইনা এম তি ৪,৪২,০০০গী চানবা চেং ত্রেন মপোৎ ১৫৮ পুখি, মসি মমাংগী থাদা চাংচত্ত ত্রেন মপোৎ ৮০ পুরম্বা অদুদগী শরুক অনি হেনগৎলবনি । অৱাং-নোংপোক্কী মনুং হুঞ্জিনবা মফমশিং য়ৌনবা রেলনা পুরিবা অসিদা লম্বীদা অমুক পুদুনা মতেং পাংখি ।
অকুপ্পা মরোলশিংগীদমক:https://pib.gov.in/PressReleasePage.aspx?PRID=1616175
প্রধান মন্ত্রী অমসুং মালদিবসকী প্রসিদেন্তগী মরক্ত তেলিফোন্দা ৱারি শানখি
ঙসি প্রধান মন্ত্রী নরেন্দ্র মোদীনা মালদিবসকী প্রসিদেন্ত ইব্রাহিম মোহমদ সোলিহগা তেলিফোনদা ৱারি শানখি । মখোয়গী লৈবাকশিংদা হৌজিক ওইরিবা কোভদ-১৯গী ফিবমশিং লুচিংবশিংনা ফোংদোক্নখি । সার্ক লৈবাকশিংগী মরক্ত মতেং পাংনরিবা অসিদা মখোয়না অপেনবা ফোংদোকখি ।
নারেলা ক্বারেনতাইন সেন্তরদা লান্মীনা মতেং পাংলি
দিল্লিদা কোভি-১৯ চিংনবা মীওইশিং থম্লিবা খ্বাইদগী চাউবা মফমশিংগী মনুংদা দিল্লিদা লৈবা নারেলা ক্বারেনতাইন সেন্তর য়াওরি । সেন্তর অসি ২০২০গী মার্চ ময়াইদা দিল্লি সরকারনা লিংখৎখিবনি । এপ্রিল ১দগী সেন্তর অসিদা লান্মীগী দোক্তরশিং অমসুং নর্স কাংবু অমনা লৈঙাক্কী মতেং পাংদুনা লাকলি । এপ্রিল ১৬দগী সেন্তর অসি শেন্নবগী থবক লান্মীনা অয়ুক পুং ৮দগী নুমিদাংগী পুং ৮ ফাওবা পাংথোক্লি অমসুং দিল্লি সরকারগী দোক্তরশিং অমসুং মেদিকেলগী মীওইশিংনা নুমিদাংগী মতম খক্তদা থবক তৌরি ।
অকুপ্পা মরোলশিংগীদমক: https://pib.gov.in/PressReleasePage.aspx?PRID=1616144
কোভিদ-১৯গী মায়োক্ত হৌজিক শোক্নরিবা লাল অসিদা মতেং পাংনবা কেন্দ্র বিদ্যলায়া সঙ্গথন্না থবক কয়া পায়খৎলি
কোভিদ-১৯গী মায়োক্ত হৌজিক শোক্নরিবা লাল অসিদা মতেং পাংনবা কেন্দ্র বিদ্যলায়া সঙ্গথন্না থবক কয়া পায়খৎলি । হৌজিক ফাওবদা কেন্দ্র বিদ্যলায়া ৮০ মরী লৈনবা ওথোরিতিশিংদা ক্বারেনতাইন সেন্তর ওইনা শীজিন্ননবা মখোয়দা শীন্নখ্রে । তোঙান তোঙানবা ওনলাইন প্লেতফোর্মশিংগী খুৎথাংদা ওজা ৩২,২৪৭না ক্লাস ৭, ৮গী মহৈরোয় ৩১২ ক্লাস লৌরি ।
লৈবাক অসিদা কোভিদ-১৯ লাইচৎ শন্দোরকপা লাকশিন্নবা পায়খৎলিবা থবকশিংদা লৈবাক শীনবা থুংনা লৈরিবা জিলা থাক্কী লৈঙাক অমসুং গ্রাম পঞ্জায়তশিংনা মতেং পাংলি
পাউতাক পীনবা কম্মিতিশিং শেম্বা; লায়না অসিগী মরমদা মীয়ামদা খঙহন্নবা ফক্লাংদা লাই য়েকপা; মাক্স শাবা; লায়রবশিংদা চানবা য়েন্থোকপা অমসুং মীয়ামগী মফমশিং হিদাক কাপথোকপা য়াওনা থবক কয়া পায়খৎলি ।
কোভিদ-১৯ লায়েংবগী পায়খৎলিবা থবকশিং অমুক হন্না য়েংশিন্নবা রজিব গান্ধী সুপর স্পিসিয়েলিতি হোস্পিতালদা দোক্তর হর্স ভরধন চৎখি
অথু-অকায়গী শেম-শাবা ওইনা রজিব গান্ধী সুপর স্পিসিয়েলিতি হোস্পিতালদা কোভিদ-১৯গী আইসোলেসন ৱার্দশিং অমসুং ফম্মুংশিং য়াওনা ফম্মুং ৪৫০ থৌরাং তৌদুনা থম্লি । মিনিস্তরনা হায়খি রাজ্যশিংগা খুৎশম্নদুনা লৈবাক অসিদা কোভিদ-১৯ লাকশিনবা অমসুং লায়েংবগী থবকশিং অৱাংবা থাক্তা চাংনাইনা য়েংশিল্লি ।
উনাদা কেন্সর নারিবা অঙাং অমদা ইন্দিয়া পোস্তনা হিদাক য়ৌহনখি
হিমাচল প্রদেসকী উনাদগী কেন্সর নারিবী চহি ৮শুরবী সালিনি(মমিং হোংলে)গীদমক ইন্দিয়া পোস্তনা হিদাক-লাংথকশিং য়ৌহনখি ।
ধাবাশিং অমসুং ত্রক শেম্নবা দুকানশিং য়াওবা লিস্ত য়াওবা দাসবোর্দ রোদ মিনিস্ত্রিনা মসিগী ৱেবসাইত্ত হৌদোক্লে
ধাবাশিং অমসুং ত্রক শেম্নবা দুকানশিং য়াওবা লিস্ত য়াওবা দাসবোর্দ রোদ ত্রান্সপোর্ত অমসুং হায়ৱেজ মিনিস্ত্রিনা মসিগী ৱেবসাইত্ত হৌদোক্লে । মসিনা কোভি-১৯ লাইচৎকী অথিংবা মনুংদা লৈবাক্কী তোঙান-তোঙানবা মফমশিংদা পোৎ পুনবা ত্রকশিং অমসুং কার্গো দ্রাইভরশিং চৎপদা মতেং পাংগনি ।
অকুপ্পা মরোলশিংগীদমক:https://pib.gov.in/PressReleasePage.aspx?PRID=1616391
ভারত রেলৱেজনা লায়রবশিংদা চাক্লেন লাখ ২০ হেন্না লেম্না পীজখি
কোভি-১৯গী অথিংবা মনুংদা ভারত রেলৱেজনা লেম্না ফোং ফোং শাবা চাক পুখমশিং য়েন্থোকপা ঙসি লাখ ২০.৫ হেল্লে । কোভিদ-১৯না মরম ওইদুনা অথিংবা থমখিবদগী ২০২০গী মার্চ ২৮দগী ভারত রেলৱেজগী মীওইশিংনা চোকথবা লৈতনা লায়রবশিংদা অশাবা চাক পীজদুনা লাক্লি । আই আর সি তি সিগী চাকখুমশিং, আর পি এফ অমসুং এন জি ওশিং য়াওনা রেলৱেজনা পুন্না থোকপা চাক চেগী প্লেতশিংদা অয়ুক অমসুং নুমিদাংদা ফংহল্লি । লায়রবশিংদা চানবা য়েন্থোকপা মতমদা মীয়াম থাপ্না লৈনখি।
অকুপ্পা মরোলশিংগীদমক:https://pib.gov.in/PressReleasePage.aspx?PRID=1616340
কোভিদ-১৯ থেংননবা কোয়লা অমসুং মাইন্সকী পি এস য়ুশিংনা খ্বাইদগী ফবা থবকশিং পাংথোকলি : প্রালহাদ জোসি
ঙসি কয়লা অমসুং মাইন্সকী য়ুনিয়ন মিনিস্তর প্রালহাদ জোজি, পেত্রোলিয়ম অমসুং নেচরেল গ্যাসকী য়ুনিয়ন মিনিস্তর ধরমেন্দ্র প্রধাননা ওদিসাগী চীফ মিনিস্তর নবিন পাতনাইক য়াওনা ভিদিও কনফরেন্সকী খুৎথাংদা শঙ্গাখিবা কোভিদ-১৯গী হোস্পিতাল অনি নেসনেল এলুমিনিয়ম কম্পেনি অমসুং কোয়ল ইন্দিয়াগী সবসিদিয়ারি মহানদি কোয়েলফিল্দস লিমিতেদনা শেন পুথোক্লি । ওদিসা সরকারনা হৌদোকখিবা হোস্পিতালশিং অসি রাজ্য অসিগী তোঙান-তোঙানবা মেদিকেল হোস্পিতালশিংগী মতেংগা লোয়ননা থবক তৌগনি ।
অকুপ্পা মরোলশিংগীদমক:https://pib.gov.in/PressReleasePage.aspx?PRID=1616347
কোভিদ-১৯ লান্থেংনরিবা অমোৎপা খোম্বা দ্রাইভরশিংগী গারিশিংদা চান্দিগর সিতিনা গারি খোঙ্গুল লীনবা এপ্পস অমসুং জি পি এস য়াওবা স্মার্দ ঘরিশিং শীজিন্নরি
চান্দিগরদা অহানবা কোভিদ-১৯ পোজিতিব ওইবা হেক থেংনবগা, মীওই অদুগা শম্নরুবা মীওইশিং সহর অসিনা ক্বারেনতাইন তৌবা হৌখি । ক্বারেনতাইন তৌরিবা মীওইশিং অদু সি ভি দি ত্রেক্তর এপ্প শীজিন্নদুনা খোঙ্গুল লীখি । ক্বারেনতাইন তৌরিবা ইমুংশিংদা তঙাইফদনা চংদ্রবা য়াদ্রবা পোৎলমশিং ফংহনখি ।
অকুপ্পা মরোলশিংগীদমক:https://pib.gov.in/PressReleasePage.aspx?PRID=1616393
ভারতকী মফম কয়াদা মেদিকেল কার্গোশিং য়ৌহন্নবা লাইফলাইন উরান ফ্লাইতশিংনা কিলোমিতর লাখ ৩ হেন্না পাইখি
তঙাইফদবা মেদিকেল কার্গো তন ৫০৭.৮৫ য়ৌহন্নবা লাইফলাইন উরান ফ্লাইতশিংনা কিলোমিতর লাখ ৩ হেন্না পাইখি । লাইফলাইন উরানগী মখাদা এয়র ইন্দিয়া, এল্লাইন্স এয়র, আই এ এফ অমসুং লনাই এয়রলাইনশিংগী ফ্লাইত ৩০১ থবক তৌরি ।
গ্রাম-নেগেতিব সেপসিস অনাবা মীওইশিংগী পুন্সি কন্নবা সি এস আই আরনা মতেং পীদুনা হিদাক অমা পুথোক্নবা থবক পায়খৎলি
কোভিদ-১৯ অনাবা অকনবা মীওইশিং শিবগী চাং হন্থহন্নবা হিদাক অমা কয়া য়াম্না ফহনবা ঙম্বগে হায়বগী ক্লিনিকেল ত্রাইয়েল অমা হৌজিক সি এস আই আরনা পাংথোক্লি ।
অকুপ্পা মরোলশিংগীদমক:https://pib.gov.in/PressReleasePage.aspx?PRID=1616379
পি আই বী ফিল্ড ওফিসশিংগী ফংবা পাউ
- পঞ্জাব : লাইচৎ মনুং অসিদা অপনবা লৈতনা গেহু লৈবা য়ানবা পঞ্জাব মন্দি বোর্দনা মাক্স লাখ ১.৫০ অমসুং সেনিতাইজর লিক্লি ১৫,০০০ মসিগী ওফিসিয়েল ৫,৬০০দা য়েন্থোকখ্রে । নুপীশিংনা শাবা মাক্স লাখ ৩ হেন্না সরকারগী দিপার্তমেন্তশিংদা য়েন্থোকখি ।
- হিমাচল প্রদেস : মীয়াম অনা-অয়েকশিংদগী ঙাকথোক্নবা অয়ুস মিনিস্ত্রিনা পীবা পাউতাকশিং ইন্নবা হিমাচল প্রদেস সরকারনা মীয়ামদা তকশিনখি ।
- অরুনাচল প্রদেস : অথিংবা থুগাইবা ১৬৬৯ বুক তৌখি, মীওই ৪৯২ ফাখি , গারি ৭৫০ ফাখি অমসুং এফ আই আর ১৬১ পান্দুনা লুপা লাখ ৬.৫ ফাইনা ওইনা খোমগৎখি ।
- অসাম : রাজ্য অসিগী ৱাংমদা পন্দুনা লৈরিবা মীওই ৮৬,০০০দা লুপা ২০০০ হাপখি হায়না হেল্থ মিনিস্তর হিমান্তানা তুইত তৌখি ।
- মনিপুর : ইম্ফাল ৱেস্ত অমসুং ইস্ত জিলাশিংগী অখন্নবা পেত্রোল য়ুনিতশিংগী নৌনা লৈবা কারশিং সি এমনা শীন্নখি ।
- মিজোরম : অথিংবনা মরম ওইদুনা এপ্রিল ২২দগী হৌগদবা স্তেৎ বোর্দকী ক্লাস ১২গী পরিখা য়ৈথোক্লে ।
- নাগালেন্দ : ত্রাইয়েলদা লৈরিবশিং অমুক হন্না য়েংশিনবগী মীফম জিলাশিংদা পাংথোকখ্রে । কোভিদ-১৯ লাইচৎ লাকপদগী হৌজিক ফাওবদা অন্দরত্রাইয়েল ১০৯ অমসুং অঙাং ৮ থাদোকখ্রে ।
- সিক্কিম : কোভিদ-১৯ থেংননবা পৱরগ্রিদনা দি সি ৱেস্ততা লুপা লাখ ৭.৮৫, দি সি ইস্ত অমসুং দি সি নোর্থতা লুপা লাখ ৭/৭ অমসুং দি সি সাউথতা লুপা লাখ ৩ পীখি ।
- ত্রিপুরা : সরকারগী চৎন-কাংলোনশিংগী মতুংইন্না, সরকার অমসুং লনাইগী ইন্দস্ত্রি ১৬ থবক হৌবা সরকারনা অয়াবা পীরে ।
- কেরলা : ইতালিগী মীওই অমা কোরোনা ভাইরস ফরবা মতুংদা রাজ্য অদু থাদোকখ্রে । ঙরাং ফাওবদা মীওই ১৩ অনাবা ফখি অমসুং অনৌবা কেস ২ থেংনখি , হৌজিক মীওই ১২৯ লায়েংলি ।
- তামিলনাদু : কোভিদ-১৯না শিখিবা দোক্তর অমা কিলপাউকতা ফুম্বদা লৈকায়গী মীয়াম্না য়াদবদগী অতোপ্পা মফম অমদা ফুমখি । হৌজিক ফাওবদা অপুনবা কেস ১৪৭৭; শিখিবা ১৬; দিসচার্জ ৪১১ নি ।
- করনাতাকা : ঙসি অনৌবা কেস ৫ থেংনখি । হৌজিক ফাওবদা অপুনবা কেস ৩৯৫; শিখিবা ১৬; দিসচার্জ ১১২ নি ।
- অন্ধ্র প্রদেস : হৌখিবা পুং ২৪দা অনৌবা কেস ৭৫ থেংনখি । অপুনবা কেস ৭২২ য়ৌরে অমসুং অপুনবা শিখিবা মীওই ২০ য়ৌরে । রাজ্য অসিদা মীওই অমমমদা মাক্স ৩ লেম্না পীনবা থবক পায়খৎলে ।
- তেলাঙ্গানা : রাজ্য অসিগী অপুনবা কেস ৫৮৫ য়ৌরে । একতিব কেসনা ৬৫১; শিখিবা ২১ অমসুং দিসচার্জ তৌখিবা ১৮৬ নি ।
- মহারাস্ত্রা : রাজ্য অসিগী অপুনবা কোভিদ-১৯ কেস ৪,২০৩ য়ৌরে । হৌজিক ফাওবদা মীওই ২২৩ শিখ্রে অমসুং মীওই ৫০৭ অনাবা ফখ্রে । পোজিতিব ওইখিবা মীওই শরুক অহুম থোকপগী শরুক অনিদি লাইওং উৎতবা মীওইশিংনি ।
- গৱা : অখন্নবা ফ্লাইত অমদা ঙসি বৃতিসমচা ২৬৫ য়ু কেগীদমক গৱা থাদোকখ্রে । মসি গৱাদগী পাইখৎখিবা মপানগী লমকোয়বা মীওইশিং পুখিবা ২৭শুবা অখন্নবা ফ্লাইতনি । মার্চ ২৪দা অথিংবা থমখিবদগী রুসিয়া, ফ্রান্স, য়ু এস, কানাদাগী য়াওনা মপানগী লমকোয়বা মীওই ৫,০০০ হেন্না পন্দুনা লৈখি ।
- গুজরাত : অনৌবা কেস ১৩৯ থেংনদুনা রাজ্য অসিগী অপুনবা কোরোনাভাইরস কেস ১৭৪৩ য়ৌরে । হৌজিক ফাওবদা মীওই ১০৫ অনাবা ফখ্রে অমসুং মীওই ৬৩ শিখ্রে । গুজরাত সরকারনা রাজ্য অদুগী ফারমা কম্পেনি ১৩দা হিদাক শানবা লাইসেন্স ২০ পীখ্রে ।
- রাজাস্থান : রাজ্য অসিদা কোভিদ-১৯ কেস হৌজিক ফাওবদা ১,৪৭৮ য়ৌরে অমসুং মীওই ১৪ শিখ্রে । লাইচৎ অসি ঙাকথোক্নবা রাজ্য সরকারনা আয়ু অমসুং সেহাত সাথি এপ্প অপুনবা অমগী খুৎথাংদা মীয়ামদা হিদাক অমসুং লায়েংবগী খুদোংচাবা ফংহল্লি ।
- মৈধ্য প্রদেস : রাজ্য অসিদা পোজিতিব ওইবা মীওই ১,৪০৭ য়ৌরে অমসুং মীওই ১৩১ অনাবা ফরে অমসুং মীওই ৭২ শিখ্রে ।
Fact Check on #Covid19
(Release ID: 1616595)
Visitor Counter : 313
Read this release in:
English
,
Urdu
,
Hindi
,
Marathi
,
Assamese
,
Bengali
,
Punjabi
,
Gujarati
,
Odia
,
Tamil
,
Telugu
,
Kannada
,
Malayalam