PIB Headquarters

কোবিদ-১৯গী মতাংদা নুমিৎ খুদিংগী ফোংবা পি.আই.বি.গী বুলেতিন

Posted On: 20 JUN 2020 7:00PM by PIB Imphal

  

(মসিদা হৌখিবা পুং ২৪ দা থোকখিবা কোবিদ -১৯গা মরী লৈনবা চেফোংশিং, ফিল্দ ওফিসশিংদগী ফংবা পাউশিং, অমসুং পি.আই.বি.না লৌখৎপা ফেক্ত চেকশিং য়াওরি )

 

  • মমাংগী পুং ২৪দা কোবিদ-১৯গী অনাবা ৯১২০২ নাবা ফবদগী অপুনবা মশিং ২,১৩,৮৩০ য়ৌদুনা রিকোবরী রেৎ ৫৪.১২%দা হেনগৎখ্রে
  • কোবিদ-১৯গী মরমদগী মাইগ্রেন্ত মশিং য়াম্না হল্লক্তুনা লৈবা মফমশিংদা লৈবা মীওইশিংদুগী শেন্দান লম্বী পীবগী খুদোংচাবা পীনবা পি.এম.না গরীব কলয়ান রোজগার অভিয়ান হৌদোকখ্রে
  • প্রধান মন্ত্রী গরীব কলয়ান পেকেজগী মখাদা হৌজিকফাওবা লায়রবা মীওই কোতি ৪২না লুপা কোতি ৬৫,৪৫৪গী শেলগী মতেং ফংখ্রে
  • কেন্দ্রনা রাজ্যশিংদা হোম আইসোলেসন নিংথিনা পাংথোকপগী গাইদলাইন ইন্নবা হায়খ্রে
  • কোবিদ-১৯না সোসিএল অমসুং শেন্মিৎলোন্দা শাথিনা শোকহল্লিবা অসিবু খরা হন্থহন্নবা এ.আই.আই.বি. ভারত্তা মিলিয়ন দোল্লর ৭৫০গী তেংবাং পীগনি

কোবিদ-১৯গী অপদেৎ; কোবিদ-১৯গী অনাবা ২,১৩,৮৩০ হৌজিক নাবা ফরে; অনাবা ফগৎলকপগী চাং হেনগৎলক্তুনা চাদা ৫৪.১৩ য়ৌরে

হৌখিবা পুং ২৪দা কোবিদ-১৯দগী অপুনবা মীওই ৯,১২০ নাবা ফদুনা অপুনবা মীওই ২,১২,৮৩০ নাবা ফরে। কোবিদ-১৯গী অনাবশিংগী রিকোবরী রেৎ অসি ৫৪.১৩%দা হেনগৎখ্রে। হোঔজিক হৌজিক এক্তিব কেস ১,৬৮,২৬৯ লৈরি অমসুং মখোয় পুম্নমক লায়েংলি। সরকারগী লেবোরেতোরি মশিং ৭১৫দা হেনগৎলে অমসুং লনাইগী লেব মশিংনা ২৫৯দা হেনগৎলে (অপুনবা মশিংনা ৯৭৪ ওইরে) । হৌখিবা পুং ২৪দা সেম্পল ১,৮৯,৮৬৯ তেস্ত তৌখি । হৌজিক ফাওবদা অপুনবা সেম্পল ৬৬,১৬,৪৯৬ তেস্ত তৌখ্রে ।

অকুপ্পা মরোলগীদমকঃ https://pib.gov.in/PressReleasePage.aspx?PRID=1632879

প্রধান মন্ত্রী নরেন্দ্র মোদীনা জুন ২০, ২০২০দা কোবিদ-১৯ শন্দোক্লকপদগী মশাগী খুঙ্গংশিংদা হন্নখ্রবা অতোপ্পা লমদা থবক শুরুবা শিন্মীশিংদা থবক্কী খুদোংচাবা অমসুং হিংনবগী লম্বী পীনবগীদমক গরীব কল্যান রোজগার অভিয়ান হৌদোকখ্রে

মাং তাক্নীংঙাই ওইরবা কোবিদ-১৯না মরম ওইদুনা অতোপ্পা লমদা থবক শুদুনা হিংবা শিন্মী কয়া অমনা মশাগী খুঙ্গংশিংদা হল্লক্লিবশিং অসি য়েংলদুনা মখোয়বু মপাঙ্গল পীবীনবা অমসুং মখোয়গী খুঙ্গংশিংদা হিংবগী লম্বী পীবীনবগীদমক প্রধান মন্ত্রী নরেন্দ্র মোদীনা ঙসি 'গরীব কল্যান রোজগার অভিয়ান' কৌবা পাক শন্না খুঙ্গংগী মীয়ামদা থবক পীননবা কেম্পেন অমা হৌদোকখ্রে। মসিগী কেম্পেন অসি শিন্মী ওইনা লৈরিবা ইনাও অমসুং ইচলশিংগীদমক, নহাশিংগীদমক, ঐখোয়গী খুঙ্গংদা লৈরিবা ইচল অমসুং ইচাশিংদা কত্থোক্লবনি। মসিগী কেম্পেন অসিগী মখাদা শিন্মীশিংনা মখোয়গী ময়ুমদগী লাপ্তনা থবক শুবা ফংনবা হোৎনবা হায়বসি ঐখোয়গী পান্দম্নি হায়না মহাক্না ফোংদোকখি। খুঙ্গংদা মতম শাংনা চৎপা অফবা ইনফ্রাস্ত্রকচরশিং শাগৎনবগীদক গরীব কল্যান রোজগার অভিয়ানগী মখাদা লুপা কোতি ৫০,০০০ কাইথগনি হায়না প্রধান মন্ত্রীনা লাউথোকখি। তোঙান-তোঙানবা চাউখৎ থৌরাংগী থবক্কীদমক খুঙ্গংশিংদা থবক পীননবগীদমক থবক ২৫ লৌখৎলে হায়না মহাক্না হায়খি। হায়রিবা থবক ২৫ নত্ত্রগা প্রোজেক্তশিং অসি লাইরবশিংগী য়ুমকৈ শাবদা, প্লান্তেসন, জল জীবন মিসনগী মখাদা থক্নবা ঈশিং পীবা, পঞ্চায়ৎ ভাবনশিং, কম্ম্যুনিতী তোইলেৎ, খুঙ্গংগী মন্দিশিং, খুঙ্গংগী লম্বী, শঙ্গোন শঙ, অঙ্গনৱাদি ভাবন্নচিংবা অতোপ্পা ইনফ্রাস্তকচরশিং শেমগৎ শাগৎপগী তঙাইফদবশিং পীবগা মরী লৈনৈ। অভিয়ান অসিনা খুঙ্গংগী মফমশিংদা হৌজিক্কানগী ওইবা খুদোংচাবশিংসু পীগনি হায়না প্রধান মন্ত্রীনা ফোংদোকখি। মহাক্না হায়খি.

অকুপ্পা মরোলগীদমকঃ https://pib.gov.in/PressReleasePage.aspx?PRID=1632861

গরীব কলয়ান রোজগার অভিয়ান হৌদোকপদা পি.এম.না ঙাংখিবা ৱারোল

অকুপ্পা মরোলগীদমকঃ https://pib.gov.in/PressReleasePage.aspx?PRID=1632864

মশাগী খুঙ্গংশিংদা হল্লক্লবা মাইগ্রেন্ত শিন্মীশিংদা থবক পীনবা সরকারনা মিসন মোদতা খোংথাং লৌখৎলি শ্রী নরেন্দ্রা সিংহ তোমার

থৌরম অসিদা খুঙ্গংগী চাওখৎ থৌরাং অমসুং পঞ্চায়তি রাজকী কেন্দ্রগী মন্ত্রী শ্রী নরেন্দ্রা সিংহ তোমারনা ভারত অমসুং মলেম পুম্বা কোবিদ লায়না লাইচৎ মনুং অসিদা অচৌবা অৱাবশিং মায়োক্নরি হায়না ফোঙদোকখি। লোকদাউন অসি লাউথোকখিনা মতমদগী হৌনা খুঞ্জাশিং, লায়রবা মীওই, লৌমীশিং অমসুং মাইগ্রেন্ত শিন্মীশিংনা মায়োক্নরিবা অৱাবশিং অসি প্রধান মন্ত্রী শ্রী নরেন্দ্রা মোদীনা মরু ওইনা মীৎয়েং চংলিবা হীরমশিংগী মরক্তগী অমনি। প্রধান মন্ত্রীগী লুচিংগী মখাদা তৌরিবা অদু উবা ঙম্বা অমসুং অকুপ্পা ৱারোল অদু থম্লদুনা খুঙ্গংগী চাওখৎ থৌরাং অমসুং পঞ্চায়তি রাজকী কেন্দ্রগী মন্ত্রীনা হায় গরিব কাল্যন রোজগার অভিয়ান অসি স্তেৎ ৬কী জিলা ১১৬দা পাইখৎপা হৌখ্রে। মসি কেন্দ্র সরকারগী মন্ত্রী ১১গা পুন্না থৱায় য়াওনা মখোংদগী হৌরগা ইমপ্লিমেন্ত তৌরগনি। অভিয়ান অসি নুমিৎ ১২৫ তৌগনি অমসুং লোইশিন্নবা থবক ২৫ খন্দোকখ্রে। মরম অসিনা, থবক কয়া পীবা ঙমহল্লগনি। মসি মীয়ামদা মিসন ওইআন থবক পীনবা মরু ওইবা খোংথাং অমা ওইরগনি।

অকুপ্পা মরোলগীদমকঃ https://pib.gov.in/PressReleasePage.aspx?PRID=1632878

প্রধান মন্ত্রীগী গরীব কলয়ান পেকেজগী হৌজিক ফাওবগী ওইবা মায় পাকপশিং

অকুপ্পা মরোলগীদমকঃ https://pib.gov.in/PressReleasePage.aspx?PRID=1632863

কেন্দ্রনা রাজ্যশিংদা হোম আইসোলেসন নিংথিনা পাংথোকপগী গাইদলাইন ইন্নবা হায়খ্রে

হকশেল অমসুং য়াইফ য়ুম্বাল মন্ত্রালয়না মে ১০, ২০২০দা হোম আইসোলেসন্দা ইনগদবা শেমদোক্লবা কাংলোনশিং ফোংখ্রে। কাংলোনশিং অসিগী মতুং ইন্না করিগুম্বা য়াম্না লুদবা অমসুং প্রি-সিম্পতোমেতিক ওইবা অনাবা অদুগী অমাংশংগী খুদোংচাবা অমসুং শেন্নবীনবা মীওই লৈদুনা তোঙানবা মশাগী কা লৈরবদি হোম আইসোলেসন তৌজবা য়াই। লোয়ননা অনাবদুনা মশাগী হকশেলগী ফিভম য়েংশিঞ্জদুনা অমসুং সর্বেলিএন্স তিম্না ফোল্লো-অপ তৌবা য়ানবা দিস্ত্রিক্ত সর্বেলিএন্স ওফিসারদা মতম মতমগী মতুং ইনবা হকশেলগী ফিভমগী রিপোর্ত পীবগী অয়াবা পীবা তাই। হকশেল অমসুং য়াইফ য়ুম্বাল মন্ত্রালয়না রাজ্যশিংদা কোবিদ-১৯গী লায়চৎ অসি নিংথিনা শন্দোকহন্দনবা হোৎননবগী ওইনা হোম আইসোলেসনগী কাংলোনশিং অসি শোয়দনা ইলহন্নবা হোৎনগদবনি।

অকুপ্পা মরোলগীদমকঃ https://pib.gov.in/PressReleasePage.aspx?PRID=1632764

লৈঙাক্না বেঙ্কিং সেক্তরনা রেপো রেত হন্থরকপগী ত্রান্সমিসন য়েংশিল্লি অমদি ৱেল্থ ক্রিএতরশিংদা ভারতকী চাউখৎলোনগী ৱারী শেমবদা লৌরিবা থৌদাং শকখঙলি: শেলথুম মন্ত্রী

কেন্দ্রগী শেনথুম অমদি কোর্পোরেত এফ্যার্স মন্ত্রী শ্রীমতি নিরমলা সিতরমন্না ঙসি ভিদও কন্ফরেন্সিংগী খুত্থাঙদা পি. ঐচ. দি. চেমবর ওফ কম্মর্স এন্দ ইন্দস্ত্রীগী মেনেজিং কম্মিতী মেম্বরশিংগা ৱারী ৱাতায় শান্নবদা লৈঙাক অসিনা ৱেল্থ ক্রিএতরশিংনা থবক পীবগী খুদোংচাবা পুথোকপা অমদি মচাক মথুমশিং মতিং লৈনা শীজিন্নদুনা লৈবাকসিগী খুন্নাইলোন-শেন্মিৎলোনবু য়োকখৎলিবা অসিগীদমক মখোয়গী মরুওইববু শকখঙদুনা লাক্লি‍। প্রধান মন্ত্রীনা মতম পুম্নমক্তাএম. এস. এম. .শিংবু শকখঙবা অমদি মখোয়দা তেংবাংগী খুৎ লান্থোকপবুসু শেনথুম মন্ত্রীনা একনোলেজ তৌখি‍। লৈঙাক্না লাউথোক্লিবা রিলিফকী থৌরাংশিং গ্রাউন্দ লেভেলদা নীংথিনা য়ৌহন্নবা মরূওইনা রেপো রেত হন্থরিবসিনা শেন্দোয়গী চাং হন্থহন্দুনা কঞ্জুমরশিংদা য়ৌহন্নবগীদমক ঐখোয়না ফীভম অসিবু কুপ্না য়েংশিল্লি হায়না শ্রীমতি সিতরমন্না হায়খি‍। শেনথুমগী মন্ত্রীনা হায়খিবদা ত্রেদ এন্দ ইন্দস্ত্রীদা কোবিদ-১৯ লাইচৎনা পীরিবা তুজুংনিংঙাই ওইরবা শাফু অসি হন্থহন্নগীদমক লল্লোন ইতিক তৌবশিংদা লুপা লাখ করোর ৩গী কোলেতরেল ফ্রী ওতোমেতিক লোন পীবগী থৌওংদা ওইরক্লিবা ফীভমশিং মখোয়না কুপ্না য়েংশিল্লি‍।

অকুপ্পা মরোলগীদমকঃ https://pib.gov.in/PressReleasePage.aspx?PRID=1632656

ভারত লৈঙাক অমদি এ. আই. আই. বি.না ভারত্তা কোবিদ-১৯গী ঙাক্লৌ পীনবগীদমক দোল্লর মিলিয়ন ৭৫০গী য়ানচে খুৎয়েক পীনখ্রে

ভারত লৈঙাক অমদি এসিয়ন ইন্ফ্রাস্ত্রকচর ইনভেস্তমেন্ত বেঙ্ক (. আই. আই. বি.)গা ভারত্তা কোবিদ-১৯না মখোয়গী লায়রবা অমদি খুদোংথিনিংঙাই ওইরিবা য়ুমথোঙশিংদা পীরিবা শাফু মায়োক্নবগী থৌরাং কনখৎহনবদা মতেং ওইননবা দোল্লর মিলিয়ন ৭৫০গী “কোবিদ-১৯ এক্তিভ রেসপোন্স এন্দ এক্সপেন্দিচর সপ্পোর্ত প্রোগ্রাম” ঙসি মফমসিদা খুৎয়েক পীনখ্রে‍। থৌরাং অসিনা ভারত লৈঙাকপু কোবিদ-১৯না খুন্নাইগী অমদি শেন্মিৎলোনগী শাথিবা শাফম অমা পীরিবসিদগী ফীভম ফগৎহন্নবগীদমক শেনথুমগী ঙাক্লৌ অমা পীরগনি‍। মসিগী মরুওইবা প্রোগ্রাম বিনিফিসরীশিংদি লায়রবগী পনখৈ মখাদা লৈবা, লৌমী, হকশেলগী শিন্মী, নুপীশিং, নুপীশিংগী সেল্ফ-হেল্প গ্রুপশিং, লুখ্রাবীশিং, শোইনাইরবা মীওইশিং, সেনিয়র সিতিজনশিং, খুৎশুমল পীক্না ফংবা মীওইশিং, কন্সত্রক্সন ৱর্করশিং অমদি অতৈ খুদোংচাদবা কাঙবুশিংগী ঈমুংশিং ওইগনি‍।

অকুপ্পা মরোলগীদমকঃ https://pib.gov.in/PressReleasePage.aspx?PRID=1632652

মালেমগী যোগ নুমিৎ ২০২০ শৌগৎনবা বোল্লিৱুদকী শক্নাইরবা কয়ানা ৱাশকখি

মালেমগী যোগ নুমিৎ ২০২০ পাংথোক্কদবা নোংমা খক ৱাৎলি । লৈবাক অসিনা কোবিদ-১৯ থেংনরিঙৈদা, অশীন-অরাংগী থবকশিং তপথরে। হৌজিক ওইরিবা ফিবম অসিদা মী য়াম্না পুনদনবা খঙহনবদগী ৬সুবা মালেমগী যোগ নুমিৎ ২০২০ য়ুমদা ইমুং-মনুংগা লোয়ননা পাংথোক্নবা অয়ুস মিনিস্ত্রিনা ‘য়ুমদা যোগ, ইমুং-মনুংগা যোগ’ পুক্নিং থৌগৎলি।

মালেমগী যোগ নুমিৎ ২০২০ শরুক য়ানবা মীওই লাখ কয়ানা থাজবা পীখ্রে অমসুং অয়ুস মিনিস্ত্রিগী পান্দমদি যোগ শানরগা নুংঙাইবা পুরকপনি। ৬সুবা মালেমগী যোগ নুমিৎ শরুক য়ানবা মীয়ামগী পুক্নিং থৌগৎনবা পাউজেল কয়া শক্নাইরবশিংনা পীখি। শক্নাইরবশিংগী মনুংদা এক্তর অকসে কুমার, অনুকসা শর্মা, মিলিন্দ সোমান অমসুং সিলপা সেত্তি কুন্দ্র য়াওরি।

অকুপ্পা মরোলগীদমকঃ https://pib.gov.in/PressReleasePage.aspx?PRID=1632913

লৈবাক অসিদা লৈরিবা লনাইগী মেদিকেল প্রেক্তিস্নরশিংদগী কেন্দ্রগী মন্ত্রী দোক্তর জিতেন্দ্রা সিংহনা কোবিদকী ফিদবেক লৌখ্রে

পুং অমা মখায়রোম শাংবা ৱেবিনারদা অদুদা, চেন্নাই, ন্যূ দিল্লী, মুম্বাই, নাগপুর, পত্না, কোতা, ইরোদ, অসিনচিংবা ভারতকী তোঙান তোঙানবা সহরশিংগী মেদিকেল সাইন্সকী মখল কয়াগী স্ত্রীমশিংদা লুচিংলিবা ফিজিসিয়নশিং অমসুং স্পেসিএলিস্তশিংনা মখোয়গী ইনপুৎশিং ফোঙদোক্লকখি। ভারতকী মেদিকেলগী লমদা লৈরিবশিংনা ফীভম অসি য়ৌনা শীংথানিঙাই ওইনা থবক তৌবা অমসুং মাই পাকনা কোরোনাগী মায়োক্তা লান্থেংনবা অসিগীদমক থৌরম অসিদা শরুক য়ারদুনা দোক্তর জিতেন্দ্রা সিংহনা থগৎপা ফোঙদোকখ্রে। মেদিকেলগী লমদা লৈরিবা লোয়ননা ভারতকী হেলথ ইনফ্রাস্ত্রকচরনা অৱাবগী তানফম অসিদা লৌখৎলিবা অসিনা মখোয়না তৌবা ঙম্বা অমসুং অতেনবা মতমগী মনুংদা মশাগী মথৌ তাবা অদুদা ওনশিনবা ঙম্বা অমসুং মীয়ামগীদমক্তা মাই পাকনা থৌদাংশিং লৌবা ঙম্মি হায়বা অসি মলেমদা উৎখি।

অকুপ্পা মরোলগীদমকঃ https://pib.gov.in/PressReleasePage.aspx?PRID=1632686

দি.এ.আর.পি.জি.গী সেক্রেতরী দাক্তর কে. শিবাজীনা ইন্দিয়ন তেক্নিকেল অমসুং ইকোনোমিকেল কো-ওপরেসন (আই.তি.ই.সি.)-নেস্নেল সেন্তর ফোর গুদ গবর্নেন্স (এন.সি.জি.জি.)তা পাংথোকখিবা কোবিদ-১৯, গুদ গবরনেন্স প্রেক্তিস ইন এ পেন্দেমিক ফোর সিবিল সর্বেন্তশকী নুমিৎ ২গী ৱর্কশোপকী লোয়শিনবগী ৱা ঙাংখ্রে

অকুপ্পা মরোলগীদমকঃ https://pib.gov.in/PressReleasePage.aspx?PRID=1632778

পি.আই.বি. ফিল্দ ওফিসশিংদগী লাকপা ইনপুৎশিং

  • অরুনাচল প্রদেশঃ রাজ্যসিদা কোবিদ-১৯গী অনৌবা কেস ৩২ লাকখি। কেস ১৩দি রাজ্যগী কোনুংদগীনি অমসুং চাংলাংদগী ১০, নোংচুপ কামেংদগী ৮ অমসুং লোহিৎ জিলাদগী ১না মতুং ইল্লি।
  • মনিপুরঃ রাজ্যসিগী কোবিদ-১৯গী খ্বাইদগী য়াম্বা পোজিতিব কেস অসি উখ্রুল (৩০) অমসুং চুরাচান্দপুর (২৯)দগীনি। খ্বাইদগী য়াম্বা অসিনা কেস ৯৪ ওইদুনা চুরাচান্দপুরনি। মখোয় অয়াম্বশিং অসি মপান্দগী লাকপা ঙাক্তনি।
  • মিজোরমঃ রাজ্যসিদা সেম্পল ১৮৪গী রিজলত ঙাইরি। অপুনবা পোজিতিব কেস ১৪০ অমসুং এক্তিব কেস ১৩১নি।
  • নাগালেন্দঃ রাজ্যসিদা চংলকপগী অখন্নবা এস.ও.পি. ফোংখ্রে। অনৌবা এস.ও.পি. অসিদা রাজ্য অমসুং কেন্দ্র সরকারগী দ্যুতী তৌবা লাকপশিং, মখুৎ মশা হৈবা শিন্মীশিং। মেকানিকশিং, তেক্নিসিয়ন অমসুং ইঞ্জিনিয়রশিং য়াওই। রাজ্যসিদা কোবিদ-১৯গী অপুনবা সেম্পল ৮১৭৪ তেস্ত তৌখ্রে। সেম্পল ৬৯৮৯গী রিজল্ত লাক্লে অমসুং ১১৮৫গীদি ঙাইনরি।
  • সিক্কিমঃ রাজ্যসিগী সি.এনা মহাক্কী মালেমগী য়োগ নুমিৎকী ৱারোলদা মীয়াম্না য়োগ তৌদুনা পুন্সি মহিং শেমদোক্তুনা হকশেল ফবা, ইনাক খুনবা অমসুং তংদু লৈতাবা খুন্নাই অমা ওইহল্লসি হায়খি।
  • চান্দিগরঃ হকশেল বিভাগকী আয়ুশকী দাইরেক্তোরেৎনা জুন ২১, ২০২০দা ওনলাইন ওইনা গবর্নমেন্ত কোলেজ ওফ য়োগ ইদুকেসন এন্দ হেলথকা খুৎশম্নদুনা ৬শুবা মালেমগী য়োগ নুমিৎকী থৌরম পাংথোক্কনি। কোবিদ-১৯গী লায়চৎ অসিনা মরম ওইদুনা মালেমগী য়োগ নুমিৎ অসি য়ুমদা ওইনা পাংথোক্লগনি অমসুং মীয়াম তিনবগী চৎনবি তৌবিগনু হায়নসি হন্দক্কী চহীসিগী ইথিল অমা ওইরগনি। মরম অদুনা মন্ত্রালয়না মীয়ামদা য়ুমদা ইমুং মনুংগী মীওইশিংগা লোয়ননা য়োগ তৌবিয়ু হায়খ্রে।
  • পঞ্জাবঃ কোবিদ-১৯গী অনাবশিংবু মায় পাক্না লায়েংনবা মেদিকেলগী মীওইশিংদা খ্বাইদগী নৌবা খুৎশু খুৎলায় অমসুং লায়েংবগী থৌওং শিজিন্নহনবা ওইনা পঞ্জাবকী দিপার্তমেন্ত ওফ মেদিকেল ইদুকেসন অমসুং রিসর্চনা পি.জি.আই.গা খুৎশম্নদুনা অনাবশিংদা স্তেরোইদ অমসুং প্লাস্মা থেরাপীগী কান্নবগী মতাংদা থিজিনবা হৌখ্রে। রাজ্যসিদা অখং অহৈগী গ্রুপ অমা শেমখ্রে অমসুং মখোয়না ফোন তৌবা অমসুং ভিদীও কনফরেনশিংগী খুত্থাংদা কোবিদ-১৯গী অনাবশিংবু করম্না শেন্নগদগে হায়দুনা তোয়না খন্ন নৈনরি। গ্রুপ অসিদা পি.জি.আই.এম.আর., এমস, য়ূ.এস.এ., য়ু.কে., কেনাদা, দি.এম.সি. লুধিয়ানা অমসুং পঞ্জাবতা লৈবা রাহ্যসিগী মেদিকেল কোলেজ অহুমগী দাক্তরশিং য়াওরি।
  • হরয়ানাঃ তরুকশুবা মালেমগী য়োগ নুমিৎকা মাংওইননা মুখ্য মন্ত্রীনা কোবিদ-১৯না মরম ওইদুনা মীয়াম্না য়ুমদা ইমুং মনুংগী মীওইশিংগা য়োগ তৌমিন্ননবা হায়খ্রে। মহাক্না হায়খিবদা কোবিদ-১৯গী লায়চৎ অসিনা মরম অমা ওইদুনা ঐখোয়না য়ুমদগী ওইনা নুমিৎ অসি পালন তৌবা তাবনি হায়খি। য়োগ তৌবা অসি অনৌবা থৌওং নত্তে, মসিদি ঐখোয়গা নাৎকা কুইনদগী শাগোন্নরগা লাক্লবনি অমসুং মীপুং খুদিংনা ভারতকী চৎনবি অসি পুন্সি চুপ্পগী ওইনা পাংথোক্কদবনি হায়না মখা তানা হায়খি।
  • কেরলাঃ হৌরকফম খংদবা কোবিদ-১৯গী কেস মশিং (৬০দগী হেনবা) হেনগৎলকপা অসিনা রাজ্যসিগী সরকারবু অরুবা ফিভম অমদা থম্লে; মালাপুরমদা অসিগুম্বা হৌরকফম খংদবা কোবিদ-১৯গী অনাবদগী মীওই ৮ লৈখিদ্রে। মসিগা মান্ননা ঙরাং রাজ্যসিগী কোনুংদা ত্রাবেল হিস্তরী লৈতবা অমসুং সোর্স কন্তেক্ত খংদবা ওতো থৌবা মীওই অমসু পোজিতিব ওইবদগী হেলথ দিপার্তমেন্তশু হাই এলর্ত্তা লৈখ্রে। পুলিস্কী ওফিসার অমা কোবিদ-১৯ পোজিতিব ওইবদগী মহাক্কী কন্তেক্ত লিস্ততা য়াওবা হাই কোর্তকী জজ অমসু সেলফ আইসোলেসন্দা লৈখ্রে। ঙরাং কোবিদ-১৯গী নোঙমদা অনৌবা কেস মশিং খ্বাইদগী য়াম্বা (১১৮) অমসুং খ্বাইদগী য়াম্না নাবা ফখিবা (৯৬)গী রিপোর্ত লাকখি। অনাবা মীওই ১৩৮০ কন্না লায়ংলি অমসুং অপুনবা মীশিং ১৩২৫৬৯বুনা কুপ্না য়েংশিন্দুনা থম্লি।
  • তমিল নাদুঃ পুদিচেরীদা লৈবা মাস্ক শাবা কম্পেনী অমদা থবক তৌবা মীওই ১৬ কোবিদ-১৯গী পোজিতিব ওইখ্রে; য়ু.তি. অপুনবা মশিং ৩৩৮ য়ৌখ্রে। জিপমেরগী একজাম্না মহৈরোয়শিংবু খঞ্জান্নহল্লে; চেন্নইদা জুন ২১দা পাংথোক্কদবা পি.জি. ইন্ত্রান্স তেস্তকী ই.-পাস ফংবদা অরুবা থবক অমা ওইরে; ময়াম অমা লায়না লৌনরক্কনি হায়বগী পাখৎনরি। দি.জি.ই.না ক্লাস ১০গী মহৈরোয় খুদিংমক প্রমোসন পীরগনি হায়খ্রে; স্কুলগী মন্ত্রীনা স্কুলশিংদা মার্ক শেমদোক্তনবা হায়খ্রে। ঙরাং অনৌবা কেস ২১১৫, নাবা ফবা ১৬৩০ অমসুং লৈখিদবা ৪০গী রিপোর্ত লাকখি। হোউজিক ফাওবগী অপুনবা কেস-৫৪৪৪৯, এক্তিব কেস-২৩৫০৯, লৈখিদবা-৬৬৬ অমসুং চেন্নইগী এক্তিব কেস-১৬৬৯৯।
  • করনাতকাঃ রাজ্য সরকারনা কোবিদ কেয়র সেন্তরশিংদা সিম্পতম উত্তবা অনাবশিংগী ক্লিনিকেল এসেসমেন্ত তৌবা অমসুং এদমিসন তৌবগী গাইদলাইন অমা থোকখ্রে। অনাবা ৮২৮১গী মনুংদা ৩৬ খক্তনা বেন্তিলাতের দরকার ওই। মার্চ ২৪দগী ঙসিফাওবদা মীওই লাখ ১.২না লোকদাউন খুগায়খি হায়না রাজ্য সরকারনা হাই কোর্ত্তা খংহনখ্রে। রাজ্য সরকারনা ঈশিং চাউরকপগী শেম শাবা ওইনা গ্রাম পঞ্চায়ৎ অমসুং অতোপ্পা খুদোংথিনিংঙাই থোকপা য়াবা মফমশিংসু শেম শাবা অসিগী মনুং চনগনি। অপুনবা কোবিদ কেস ৮২৮১৪ য়ৌখ্রে অমসুং বেঙ্গালোরবা কেস খ্বাইদগী য়াম্মি। ঙরাংগী ওইনা অনৌবা কেস-৩৩৭, দিসচার্জ-২৩০ অমসুং মীওই ১০ লৈখিদে। অপুনবা এক্তিব কেস-২৯৪৩, লৈখিদবা-১২৪ অমসুং দিসচার্জ তৌখ্রবা-৫২১০নি।
  • আন্ধ্র প্রদেশঃ রাজ্যগী রাজ্যপাল বিস্বাভুসন হরিচন্দন্না মীয়ম্না য়োগ তৌদুনা নুংঙাইবা উমসুং হকচাং ফবগী কান্নবা লৌবিয়ু হায়খ্রে। সি.এম.না রাজ্যসিগী ফিশাবশিংদা শেলগী তেংবাং পীবা ‘ৱাই.এস.আর. নেথন্না নেসথম’গী অনিশুবা তাঙ্কক্কী থবক পায়খৎনবা শেল থাদরকখ্রে। স্কিম অসিগী মখাদা চহী খুদিংগী ওইনা ফিশাবা ইমুং অমনা শেলগী তেংবাং ওইনা লুপা ২৪০০০ ফংগনি। ঙরাং অনৌবা কেস ৩৭৬, দিসচার্জ ৮২ অমসুং মীওই ৪ লৈখিদবগী রিপোর্ত লাকখি। অপুনবা কেস-৬২৩০, এক্তিব-৩০৬৯, নাবা ফরবা-৩০৬৫ অমসুং লৈখিদবা-৯৬নি।
  • তেলঙ্গানাঃ রাজ্যসিগী হেলথ দিপার্তমেন্তনা কোবিদ-১৯গী তেস্ত তৌবা মশিং হেনগৎহন্না হোৎনবগী থৌওং মায় পাকখিদ্রে; হান্না খন্নবদৌনা লাক্কনি হায়না পাবা মীওইশিং সেম্পল পীনবা লাক্নখিদ্রে। জিলা মঙাদা জি.ঐচ.এম.সি.গী মখাদা লৈবা জিলা অহুম য়াওনা পুন্না তেস্ত ৫০০০০ তৌগনি হায়না পানরম্বনি। জুন ১৯ ফাওবগী অপুনবা এক্তিব কেস-৬৫২৬, লৈখিদবা-১৯৮, নাবা ফরবা-৩৩৫২নি।
  • মহারাস্ত্রাঃ হৌজিক্কী ওইবা কোবিদ-১৯গী অপুনবা কেস মশিং অসি ১২৪৩৩১নি। ইরাই নুমিৎকী নুংথিল ফাওবদা অনৌবা কেস ৩৮২৭ লাকখি। এক্তিব কেস মশিং ৫৫৬৫১নি। মুম্বাইনা কেস ১২৬৯ অমসুং লৈখিদবা ১১৪গী রিপোর্ত লাকখি। ব্রিহনমুম্বাই ম্যুনিসিপাল কাউন্সিলনা ফমুং ১০০০ লৈবা (মসিগী মনুংদা ৩০০দি আই.সি.য়ু. বেদনি) কোবিদ-১৯ হোস্পিতাল অমা বাইকুল্লাগী মনুংদা লৈবা রাচার্দসন এন্দ ক্রুদাসকী মনুংদা শেমখ্রে। মসি হন্দক্কী থা লোইশল্লকপা মতমদগী থবক হৌরগনি।
  • গুজরাতঃ হৌখিবা পুং ২৪গী মনুংদা অনৌবা কেস ৫৪০ লাক্তুনা অপুনবা কেস মশিং ২৬১৯৮ য়ৌখ্রে। মসিগা লোয়ননা মীওই ২৭ লৈখিদবগী মতুংদা অপুনবা লৈখিদবা মশিং অসি ১৬১৯ য়ৌক্ষ্রে।
  • রাজস্থানঃ ঙসি অয়ুক ফাওবদা অনৌবা কেস ১৫৮ লাক্তুনা অপুনবা কেস মশিং ১৪৩১৪ য়ৌখ্রে অমসুং মসিগী মনুংদা এক্তিব কেস ২৮৬০ য়াওরি। রাজ্যসিদা মীওই ১১১২১ নাবা ফরে উমসুং ঙসি ফাওবদা মীওই ৩৩৩ লৈখিদ্রে। খ্বাইদগী য়াম্বা অনৌবা কেস অসি ধোলপুর জিলাদগী লাকখি অমসুং জয়পুর অমদি ভারতপুরনা তুং ইল্লি।
  • মধ্য প্রদেশঃ অনৌবা কেস ১৫৬ লাক্তুনা কোবিদ-১৯গী অপুনবা কেস মশিং ১১৫৮২ য়ৌখ্রে। মীওই ৯ লৈতবগী রিপোর্ত লাকখিবগী তুংদা অপুনবা লৈখিদবা মশিং ৪৯৫ শুখ্রে। ইন্দোর অমসুং ভোপালদগী অনৌবা কেস ৫০/৫০ লাকখি। ভোপাল দা ৱিকেন্দ লোকদাউন চত্থরি। তঙাই ফদবা পোৎশিংগী দুকান নত্তনা অতৈ দুকান অমত্তা থাংজ অমসুং নোংমাইজিং নুমিৎশিংদা হাংদে।
  • ছতিসগরঃ ইরাই নুমিত্তা অনৌবা কোবিদ-১৯গী কেস ৭০ লাক্তুনা রাজ্যসিগী অপুনবা কেস মশিং ২০১৮ য়ৌখ্রে। মসিগী মনুংদা এক্তিব কেস ৭০৩নি।
  • গোৱা: অনৌবা কেস ২০ লাক্তুনা অপুবা কেস মশিং ৭২৫ য়ৌখ্রে। হৌজিক রাজ্যসিদা এক্তিব কেস অপুনবা ৬০৭ লৈরি।

 

******



(Release ID: 1633034) Visitor Counter : 11