(মসিদা হৌখিবা পুং ২৪ দা থোকখিবা কোবিদ -১৯গা মরী লৈনবা চেফোংশিং, ফিল্দ ওফিসশিংদগী ফংবা পাউশিং, অমসুং পি.আই.বি.না লৌখৎপা ফেক্ত চেকশিং য়াওরি )

• হৌখিবা পুং ২৪দা মীওই ৬৯২২ নাবা ফদুনা অপুনবা নাবা ফবা মশিং ১,৮৬,৯৩৪ য়ৌদুনা রিকোবরী রেৎ ৫২.৮০%দা হেনগৎখ্রে
• লেব ৯২৪না তেস্ত তৌরি
• অনলোক ১.০ মতুংগী ফিবম খন্ননবা প্রধান মন্ত্রীনা চীফ মিনিস্তরশিংগা অনিসুবা তাঙ্কক্তা ৱারী শানখ্রে; লোকদাউনগী তোকঙা শন্দোকপা থিংদুনা অনলোক ২.০গী শেম শাশি হায়খ্রে
• কেন্দ্রগী গৃহ মন্ত্রী শ্রী অমিৎ শাহগী পাউতাক মতুং ইন্না দিল্লীদা লৈরিবা হোস্পিতাল পুম্নমক্না কোবিদ-১৯না লৈখিদ্রবশিংগী অরোইবা মথৌ মঙম পাংথোকপদা খোঙজেল য়াংশিল্লে
• ভারত রেলৱেজনা রাজ্য ৫দা কোবিদ কিয়ার কোচ ৯৬০ থম্লে
• সরকারগী এজেন্সীশিংনা গেহু লৈশিনবগী থবক মতম পুম্বগী ওইনা ৱাংলে

কোবিদ-১৯গী অপদেৎ; নাবা ফগৎলকপগী চাং চাদা ৫২.৮ য়ৌরে

হৌখিবা পুং ২৪গী মনুংদা কোবিদনা নারবা মীওই ৬৯২২ নাবা ফখ্রে। হৌজিক ফাওবদা কোবিদ-১৯না নারবা মীওই পুন্না ১,৮৬,৯৩৪ নাবা ফখ্রে। নাবা ফগৎলকপগী চাং অসি চাদা ৫২.৮দা হেঙ্গৎলে। হৌজিক্কী ওইনা এক্তিব কেস ১,৫৫,২২৭ মেদিকেলগী মিৎয়েংখাদা থম্লি। সরকারগী লেবশিংগী মশিং ৬৭৪দা হেঙ্গৎলে অমসুং প্রাইবেৎ লেবশিংগী মশিং ২৫০দা হেঙ্গৎলে (পুন্না ৯২৪)। হৌখিবা পুং ২৪দা, সেম্পল ১,৬৩,১৮৭ তেস্ত তৌখ্রে। হৌজিক ফাওবদা তেস্ত তৌখিবা অপুনবা মশিং অসি ৬০,৮৪,২৫৬নি।

অকুপ্পা মরোলগীদমকঃ https://pib.gov.in/PressReleasePage.aspx?PRID=1632051

অনলোক ১.০ মতুংগী ফিবম খন্ননবা প্রধান মন্ত্রীনা চীফ মিনিস্তরশিংগা অনিসুবা তাঙ্কক্তা ৱারী শানখ্রে

অনলোক ১.০ মতুংগী ফিবম অমসুং কোবিদ-১৯ লাইচৎ থেংননবা পায়খৎলিবা থৌরাংগী মতাংদা ভিদিও কনফরেন্সিংগী খুৎথাংদা প্রধান মন্ত্রী শ্রী নরেন্দ্র মোদীনা চীফ মিনিস্তরশিংগা নুমিৎ নিনি ৱারী শানবগী অনিসুবা শরুক ঙসি পাংথোকখ্রে। প্রধান মন্ত্রীনা হায়খি অচৌবা রাজ্যশিং অমসুং সহরশিংদা ভাইরস অসি পাক-শন্না শন্দোক্লে। মী কুংনা তাবা, থাপ্না লৈবদা খুদোংচাদবা অমসুং মশিং য়াম্লবা মীওই কয়া নোংমগী চৎথোক-চৎশিন তৌবা অসিনা ফিবম অসি ওইরকপনি, অদুবু মীয়ামগী খাংবা কনবা, লৈঙাক্কী শেম-শাবা অমসুং কোরোনা লান্মীশিংগী কৎথোকপা অসিনা লাইচৎ শন্দোরকপা লাকশিনবা ঙম্বনি। মতম চানা খোঙ্গুল লিবা, লায়েংবা অমসুং পাউ পীবদগী অনাবা ফবা মশিং হেনগৎলক্লি। লোকদাউন মনুংদা মীয়াম্না উৎখিবা থকশি-খাসি অদুনা কোবিদ-১৯ শন্দোরকপা হেনগৎলকপা থিংখিবনি। হৌজিক লৈবাক অসি লোকদাউনগী তাঙ্কক অমদা লৈরিবা মরম্না লোকদাউনগী তোকঙাশিং থেংনবা দরকার ওই। হৌজিক ঐখোয় অনলোক্কী অনিসুবা তাঙ্কক্কী ৱাখল খনবা দরকার ওইরে অমসুং ঐখোয়গী মীয়ামদা য়ারিবমখৈ খুদোংচাদবা থোকহন্দনবা খনগদবনি।

অকুপ্পা মরোলগীদমকঃ https://pib.gov.in/PressReleasePage.aspx?PRID=1632116

পি.এম.না মুখ্য মন্ত্রীশিংগা ভর্চুৱেল কনফরেন্স তৌবগী অহানবা ঙাংবা ৱারোল

অকুপ্পা মরোলগীদমকঃ https://pib.gov.in/PressReleasePage.aspx?PRID=1632069

কেন্দ্রগী গৃহ মন্ত্রী শ্রী অমিৎ শাহগী পাউতাক মতুং ইন্না দিল্লীদা লৈরিবা হোস্পিতাল পুম্নমক্না কোবিদ-১৯না লৈখিদ্রবশিংগী অরোইবা মথৌ মঙম পাংথোকপদা খোঙজেল য়াংশিল্লে

কেন্দ্রগী গৃহ মন্ত্রী শ্রী অমিৎ শাহগী পাউতাক মতুং ইন্না দিল্লীদা লৈরিবা হোস্পিতাল (কেন্দ্র অমসুং রাজ্য সরকারগী অমদি প্রাইবেৎ) পুম্নমক্না জুন ১৪দা গৃহ মন্ত্রীনা লুচিংদুনা ফমখিবা মীফমদা লৌখিবা ৱারেপকী মতুং ইন্না কোবিদ-১৯না লৈখিদ্রবশিংগী অরোইবা মথৌ মঙম পাংথোকপদা খোঙজেল য়াংশিল্লে। হোস্পিতাল স্তাফশিংনা কোবিদ-১৯না লৈখিদ্রবা অয়াম্বগী অরোইবা মথৌ মঙম মখোয়গী ইমুং-মনুং অমসুং মরী-মতাশিং শরুক য়াদুনা পাংথোক্লি। মখোয়গী নক্নবা মরী-মতা দিল্লীদা লৈতবনা মরম ওইদুনা লেমহৌরিবা লৈখিদ্রবা ৩৬কী অরোইবা মথৌ মঙম হয়েং ফাওবদা পাংথোক্লগনি। মদুগী মতুং অরোইবা মথৌ মঙম পাংথোকপদা থেংথবা তৌদনবা গৃহ মন্ত্রালয়না হোস্পিতালশিংদা অকনবা পাউতাক পীখ্রে।

অকুপ্পা মরোলগীদমকঃ https://pib.gov.in/PressReleasePage.aspx?PRID=1631964

ভারত রেলৱেজনা রাজ্য ৫দা কোবিদ কিয়ার কোচ ৯৬০ থম্লে

কোবিদ-১৯ থেংননবা ভারত রেলৱেজনা রাজ্য সরকারশিংগী হকশেলগী থবকশিংদা মতেং পাংলি । রাজ্যশিং কোবিদ কিয়র কোচ ৫২৩১ পীনবা ভারত রেলৱেজনা থৌরাং তৌরে । জোনেল রেলৱেজশিংনা কোচশিং ফিবম ফরিবা অনাবশিং লায়েংনবা কোবিদ কিয়র কোচশিং ওন্থোক্লে। হৌজিক ফাওবদা দিল্লি, উত্তর প্রদেস, অন্ধ্র প্রদেস, তেলঙ্গানা অমসুং মৈধ্য প্রদেস রাজশিংদা ভারত রেলৱেজনা কোবিদ কিয়র কোচ ৯৬০ থম্লে । মসিগী মনুংদা কোবিদ কিয়র কোচ ৫০৩ দিল্লিদা, অন্ধ্র প্রদেসতা ২০, তেলঙ্গানাদা ৬০, উত্তর প্রদেসতা ৩৭২ অমসুং মৈধ্য প্রদেসতা ৫ থমলে।

অকুপ্পা মরোলগীদমকঃ https://pib.gov.in/PressReleasePage.aspx?PRID=163211

সরকারগী এজেন্সীশিংনা গেহু লৈশিনবগী থবক মতম পুম্বগী ওইনা ৱাংলে

লৌমীশিংদগী সরকারগী এজেন্সীশিংনা গেহু লৈবগী থবক অসি সেন্ত্রেল পুলগী ওইনা ২০১২-১৩দা মেত্রিক তন লাখ ৩৮১.৪৮ লৈখিবা মমাঙগী রেকোর্দ অদুদগী হেন্দুনা হন্দক্কী ওইনা মেত্রিক তন লাখ ৩৮২ লৈশিন্দুনা মতম চুপ্পগী ওইনা খ্বাইদগী ৱাংলে। হায়রিবসি লৈবাক অসিনা কোবিদ-১৯না মরম ওইদুনা লোকদাউন তৌখিবদগী খম থেংনা ৱানরিবা মতম অসিদা য়ৌবা ঙমখিবনি। হন্দক্কী চহীগী ওইনা মধ্য প্রদেশনা সেন্ত্রেল পুলদা গেহু মেত্রিক তন লাখ ১২৯ কন্ত্রিব্যুত তৌদুনা খ্বাইদগী চাউবা কন্ত্রিব্যুতর ওইদুনা পঞ্জাবনা মেত্রিক তন লাখ ১২৭ লৈশিনখিবদগী হেনখ্রে।

অকুপ্পা মরোলগীদমকঃ https://pib.gov.in/PressReleasePage.aspx?PRID=1632102

প্রধান মন্ত্রী শ্রী নরেন্দ্র মোদী অমসুং কনাদাগী প্রধান মন্ত্রী জস্তিন ত্রুদো অনিগী মরক্তা তেলিফোন্দা ৱারী শানখ্রে

ঙসি প্রধান মন্ত্রীনা কনাদাগী প্রধান মন্ত্রী জস্তিন ত্রুদোগা তেলিফোন্দা ৱারী শানখ্রে

লুচিংবা অনিমক্না কোবিদ-১৯ লাইচৎনা মখোয়গী লৈবাকশিংদা ওইরক্লিবা ফিবমগী মতাংদা ৱারী শানখি অমসুং হকশেল অমসুং শেল-থুমগী অৱাবশিং কোকহন্নবা মালেমগী ওইনা মতেং পাংনবা য়াবশিংগী মতাংদা খন্নখি। মালেমগী ওইনা মীওইবা খুন্নাইগী অফবা মগুনশিং চাউখৎহনবা য়াওনা কোবিদ মতুংগী মাংলেমদা ভারত-কনাদাগী মরুপ-মপাং ওইবা মরী অসি তুংকোইনা ফোর্স অমা ওইহনবা হায়না মখোয়না য়ানখি। ৱাল্দ হেল্থ ওর্গনাইজেসন য়াওনা মালেমগী লুপশিং মপাঙ্গল কনখৎহনবগী দরকার ওইবা অদু লুচিংবশিংনা তকশিনখি অমসুং হকশেল, খুন্নাই, শেন-থুম অমসুং রাজনীতিগী ওইবা ৱাফমশিংদা মালেমগী তোঙান-তোঙানবা ফম্বাকশিংদা পুন্না থবক তৌমিন্নবা হায়না য়ানখি।

অকুপ্পা মরোলগীদমকঃ https://pib.gov.in/PressReleasePage.aspx?PRID=1632004

নেস্নেল ইলিজিবিলিতী কম এন্ত্রান্স তেস্ত (নীত) য়ু.জি., জুলাই-২০২০ য়ৈথোকপগা মরী লৈননা থোকখিবা শাশিন্নবা নোতিস অদুগী অরানবা পাউ অদুদা এন.তি.এ.না শেংদোকখ্রে

পোস্পোনমেন্ত ওফ নেস্নেল ইলিজিবিলিতি কম এন্ত্রান্স তেস্ত (নীত) য়ু.জি., জুলাই-২০২০গা লোয়ননা তাং ১৫.০৬.২০২০দা থোকখিবা শাশিন্নবা নোতিস অমা তোঙান তোঙানবা সোর্সশিং অমসুং সোসিএল মেদিয়াগী ফোরমশিংগী খু্ত্থাংদা শন্দোক্লে হায়বা নেস্নেল তেস্তিং এজেন্সিনা (এন.তি.এ.) খঙবা ঙমখ্রে। এন.তি.এ.না মসি য়াম্না লুম্না লৌদুনা কেন্দিদেৎশিং, মমা মাপশিং অমসুং মীয়াম প্রজাবু লান্না লমজিংবগী মরাল অমগা লোয়ননা শাশিন্নবা নোতিস অদুগী হোরকফম থীগৎলি। অসিগুম্বা মীয়ামগী মায়োক্তা লৈবা ৱাফম অসিগী অকনবা থবক লৌখৎকনি।

অকুপ্পা মরোলগীদমকঃ https://pib.gov.in/PressReleasePage.aspx?PRID=1632059

প্রধান মন্ত্রী ভারতিয়া জনঔসধী কেন্দ্রশিংদা সেনিতরী নেপকিন্স পেদ অমদা লুপা ১দা ফংহল্লি

হৌজিক ওইরিবা ফিবম অসি য়েংদুনা মীয়ামগীদমক তৌবা থবক অমা ওইনা লৈবাক শীনবা থুংনা লৈরিবা প্রধান মন্ত্রী ভারতিয়া জনঔসধী পরিয়োজনা – পি.এম.বি.জে.পি. কেন্দ্র ৬৩০০দা জন ঔসধী সুবিধা সেনেতরী নেপকিনশিং শাদুনা পেদ অমদা খ্বাইদগী তাবা মমলদা লুপা ১দা য়োল্লি। অসিগুম্বা মান্নবা সেনিতরী নেপকিনশিংগী কৈথেলদা ফংবা মমল অসি পেদ অমদা লুপা ৩দগী লুপা ৮ ফাওবনি। পি.এম.বি.জে.পি. কেন্দ্রশিং অসিনা কোবিদ-১৯ লাইচৎকী লুরবা তানফম মরক্তা মথৌ তৌরি অমসুং হিদাক অমসুং তঙাইফদবা পোৎলম কয়া লৈজদ্রবা মীওইশিংদা ফংহনলি। জন ঔসধী সুবিধা সেনিতরী নেপকিনশিং অসি কেন্দ্র খুদিংমক্তা ফংলি। পি.এম.বি.জে.পি.গী মখাদা পেদ কোতি ১.৪২রোম মার্চ, এপ্রিল অমসুং মে ২০২০দা লৈবাক শীনবা থুংনা য়োনখ্রে। সুবিধা পেদশিং অসি কেন্দ্র খুদিংমক্তা মতীক চানা ফংহনলি।

অকুপ্পা মরোলগীদমকঃ https://pib.gov.in/PressReleasePage.aspx?PRID=1632082

পি.আই.বি. ফিল্দ ওফিসশিংদগী লাকপা ইনপুৎশিং

• পঞ্জাবঃ পঞ্জাব সরকারনা কোবিদ লাকশিন্নবা য়ুম্থোং খুদিংদা চত্তুনা য়েংশিনবগী থৌওং অসিবু থাগৎপা ফোংদোক্লদুনা প্রধান ম্নত্রী শ্রী নরেন্দ্র মোদীনা অতোপ্পা রাজ্যশিংনসু মোদেল অসি ইন্দুনা পঞ্জাব সরকারনা লায়চৎ অসিবু মশল থোকপা ঙম্না থেংনরিবা অসিগুম্না থেংনবা ঙম্নবা হায়খি। রাজ্যসিনা লায়চৎ অসিবু থেংননবা শেম শারিবশিং অসি পল্লদুনা মুখ্য মন্ত্রীনা প্রধান মন্ত্রীনা হায়খিবদা সরকারগী লেবেল ১ অমসুং ২গী ফেসিলিতীশিংদা অয়াইসোলেসন বেদ ৫০০০ শেম শাদুন লৈরে, মসিগী মথক্তা য়াম্না কন্না নাদবা মীওইশিংগী ওইনা লেবেল ১গী কোবিদ কেয়র সেন্তরশিংদা অহেনবা বেদ ১০-১৫,০০০ লৈ। তঙাই ফদবগী মতুং ইন্না লেবেল ১দা লৈরিবা বেদশিং অসি ৩০,০০০দা হেনগৎহনবা য়াই অমসুং তর্সিএরী লেবেলগী ওইনদি সরকারনা লন্নাইগী হোস্পিতালশিংশু তর্সিএরী লেবেলদা কেয়র পীনবা হায়নদুনা লৈরে হায়না মখা তানা হায়খি।
• হরয়ানাঃ হরয়ানাগী হকশেল মন্ত্রীনা কোবিদ-১৯গী অনাবশিং অসি অয়ুশমান ভারত প্রধান মন্ত্রী জন অরোগ্য য়োজনা (এ.বি. পি.এম.-জে.এ.ৱাই.)গী মনুং চল্লগনি হায়খ্রে। মসিগী মথক্তা স্তেৎ হেলথ ওথোরিতীনা মেদিকেল মেনেজমেন্ত পেকেজ অসি অসিগুম্বা অনাবশিং অসিবু নিংথিনা লায়েংবা ঙম্নবা হায়দুনা চাদা ২০ হেনগৎখ্রে।
• হিমাচল প্রদেশঃ মুখ্য মন্ত্রীনা হায়খিবদা কোরোনা ভাইরস অসিনা মালেম অসি তোঙানবা মওং কয়া অমদা অৱাবা পীরিবা অসিদা ভারতসু য়াওরিবনি হায়খি। ভাইরস অসিনা ঐখোয়গী চাউখৎপগী খোংথাংগী থবক কয়া পায়খৎপদা নৌনা খনহল্লে হায়খি। লোকদাউন হৌরকপা মতমদা রাজ্যসিগী মীওই লাখ কয়া, মরু ওইনা মহৈরোয় কয়া লৈবাক্কী তোঙান তোঙানবা মফমশিংদা অৱাবা কয়া থেংদুনা পন্দুনা লৈখি। মখোয়বু ময়ুমদা অমুক পুরকপা অসি রাজ্য অসিগী তৌফম থোকপনি। মখোয়শিং অসি রাজ্য সরকারনা বস অমসুং অখন্নবা ত্রেন ১৩না য়ুমদা পুরকখি। মপান্দগী লাক্লিবা মীওই খুদিংমক ইন্সতিত্যুস্নেল নত্ত্রগা হোম ক্বারেন্তাইন তৌহনখি হায়খি। রাজ্য সরকারনা হৌদোকখিবা এক্তিব কেস ফাইন্দিং কেম্পেন অসিনা আই.এল.আই. সিম্পতম লৈবা অমসুং মতম কুইনা নারক্লবা অনাবা লৈবা মীওই মশক খংদোকপদা মতেং পাংলি হায়না মহাক্না মখা তানা হায়খি।
• মহারস্ত্রাঃ লৈবাকপোকপা নুমিত্তা অনৌবা কেস ২৭০১ লাক্তুনা কোরোনাভাইরস্কী অপুনবা কেস মশিং ১১৩৪৪৫ য়ৌখি অমসুং মসিগী মনুংদা এক্তিব কেসনা ৫০০৪৪ ওইখি। মসিগা লোয়ননা মীওই ১৮০২ নাবা ফদুনা অপুনবা মশিং ৫৭৮৫৮১ ওইখি অমসুং মীওই ৮১ লৈখিদে। হোৎস্পোৎ ওইরিবা গ্রেতর মুম্বাইগী মফমশিংদগী পোজিতিব কেস ৯৪১ লাক্তুনা অপুনবা কোবিদ-১৯ কেস ৬০১৪২ ওইখি।
• গুজরাতঃ হৌখিবা পুং ২৪দা জিলা ১৯দগী কোবিদ-১৯গী কেস অনৌবা ৫২৪ লাক্তুনা অপুনবা কেস ২৪৬২৮ য়ৌখি। মসিগা লোয়ননা মীওই ৪১৮ হোস্পিতালদগী থাদোকখিদুনা নাবা ফরবা অপুনবা মশিং ১৭০৯০ য়ৌখ্রে। লায়না অসিদগী অনৌবা মীওই ২৮ লৈখিদবা থারগা অপুনবা লৈখিদবগী মশিং ১৫৩৪ য়ৌখ্রে। খ্বাইদগী য়াম্না শোকহল্লবা জিলা ওইরিবা অহমেদবাদ খক্তনা অনৌবা কেস ৩৩২ অমসুং লৈখিদবা মশিং ২১ শুবগী রিপোর্ত লাকখি।
• রাজস্থানঃ ঙসি কোবিদ-১৯গী অনৌবা কেস ১২২ লাক্তুনা রাজ্যসিগী অপুনবা মশিং ১৩,৩৩৮ য়ৌখ্রে। মসিগা লোয়ননা ঙসি ফাওবদা অনাবা মীওই ১০১২৫ নাবা ফখ্রে। অনৌবা কেস অয়াম্বসি ভারতপুর জিলাদগীনি অমসুং পালি অমসুং চুরু জিলানা মতুং ইল্লি। মসিদগী রাজস্থান সরকারনা ইন্তর-স্তেৎ ত্রাফিক্কী ওইনা থম্লম্বা কাংলোনশিং লোয়না লৌথোকখ্রে। রাজ্যসিদা চংলকপা নত্ত্রগা অতোপ্পা রাজ্যদা চৎখিবা অনৌবা মীওই অমত্তনা পাস নত্ত্রগা এন.ও.সি. পাইদ্রবসু য়ারগনি। অদুবু হায়রিবা মীওইশিং অসি স্ক্রীন তৌবগী চৎনবিদি অদুমক মখা চত্থখিগনি।
• মধ্য প্রদেশঃ হৌখিবা পুং ২৪দা অনৌবা কেস ১৩৪ লাক্তুনা রাজ্যসিগী কোরোনাভাইরসকী অপুনবা মশিং ১১০৬৯ য়ৌখ্রে অমসুং মীওই ১১ লৈখিদবা থারগা অপুনবা মশিং ৪৭৬ য়ৌখ্রে। হৌজিক ফাওবদা মীওই ৮১৫২ নাবা ফখ্রে অমসুং লৈবাকপোকপা নুমিত্তা অনৌবা কেস অমত্তা জিলা ৩১দগী লাকখিদে। ভোপালনা অনৌবা কেস ৪৮ অমসুং মসিগী মতুংদা লৈবাক অসিগী কোবিদ-১৯গী হোৎস্পোৎ ওইরিবা ইন্দোরদগী কেস ২১ লাকখি।
• ছতিসগরঃ অনৌবা কেস ৩১ লাকপগা লোয়ননা রাজ্যসিগী তোঙান তোঙানবা জিলাশিংদগী অনাবা ১০২ নাবা ফরবা তুংদা দিসচার্জ তৌখ্রে। লৈবাকপোকপা নুমিত্তা লাকপা পোজিতিব কেস অয়াম্বা বালোদাবাজারদগী লাকখি। লৈবাকপোকপা নুমিৎফাওবদা কোবিদ-১৯গী কেস পুন্না ১৭৮৪ লৈবগী মনুংদা এক্তিব কেস্তি ৮৪২নি।
• গোৱা: লৈবাকপোকপা নুমিত্তা রাজ্যসিদা অনৌবা কেস ৩৭ লাক্তুনা কোবিদ-১৯গী অপুনবা পকেস মশিং ৬২৯ ওইরে অমসুং এক্তিব কেসনা ৫৪৪ ওইরি। রাজ্যসিদা কেস য়াম্না হেনগৎলক্লিবা বাইনাগী মফম অসি কন্তেনমেন্ত জোন ওইনা লাউথোক্লবা য়াই।
• অরুনাচল প্রদেশঃ রাজ্যসিগী ইতানগরদা লৈবা সাঙ্গো রিজোর্তনা মফমসিদা কোবিদ-১৯গীদমক্তা থবক তৌরিবা পুলিসশিংদগী চাবা অমসুং লৈবগী শেল লৌররোই। নেস্নেল কম্মিসন ফোর প্রোতেক্সন ফোর চাইল্দ রাইৎকী মেম্বর রোজি তাবানা হায়খিবদা জিলাশিংদা লৈরিবা স্তেৎ চাইল্দ প্রোতেক্সন সোসাইতী অমসুং চাইল্দ ৱেলফিয়ার কম্মিত্তী কোবিদ-১৯গী লায়চৎ অসিগী মনুংদা তশেং তশেংনা থবক তৌগদবনি হায়খি।
• অসমঃ গুৱাহাতিদা লৈবা এন.ঐচ. পার্কিং তৌফমদা ঙসি অসম তারগেতেদ সর্বেলিএন্স প্রোগ্রাম (এ.তি.এস.পি.) হৌখ্রে। প্রোগ্রাম অসিগী মখাদা শহর অসিদা কোবিদ-১৯গী অপুনবা তেস্ত ৫০০০০ তৌগনি হায়না রাজ্যগী হকশেল মন্ত্রীনা হায়খ্রে।
• মনিপুরঃ রাজ্যগী কোবিদ-১৯ ত্রেনিং তিম্না কোবিদ কেয়র অমসুং মেনেজমেন্তকীদমক্তা মেদিকেল ওফিসার ৫২২, নর্স ৯০৭ অমসুং অতোপ্পা স্তাফ ২৫০০ হেনবদা ত্রেনিং পীখ্রে। হৌজিক ফাওবদা কোবিদ-১৯ নাবা ফবা মীওই ১৫৯ লোইদুনা রাজ্যসিগী রিকোবরী রেৎ অসি ৩২%দা হেনগৎখ্রে।
• মিজোরমঃ আইজোলগী কোলাশিবতগী বোলুন্তিয়র গ্রুপ অমনা কোলাশিবকী চিফ মেদিকেল ওফিসারদা পি.পি.ই. ৬৪ অমসুং ফেস মাস্ক ২৫০ পীরকখ্রে। কেন্দ্রগী শান্ন-খোৎনবগী মন্ত্রীনা আইজোলদা খেলো ইন্দিয়া স্তেৎ সেন্তর ফোর একসেলেন্স (কে.আই.এস.সি.ই.) লিংখৎলগনি।
• নাগালেন্দঃ কোবিদ-১৯গী লান্থেংনবদা মতেং পাংবগী মতৌ উৎলদুনা নাগালেন্দদা লৈবা মোকোকচুং বত্তালিয়ন অসম রাইফলসনা জিলা অসিগী ফ্রন্তলাইন থৌমীশিংনা শিজিন্ননবা শেমদোক্লবা ফেস মাস্ক ১৫০০ পীরকখ্রে।
• কেরলাঃ মপান লমদগী রাজ্যসিদা লাকপা মীওই খুদিংমক্না কোবিদ-১৯ নেগেতিব সর্তিফিকেৎ পায়গদবনি হায়না কেরলাগী কেবিনেৎনা ৱারেপ অমা লৌখ্রে। মীওই খুদিংনা ফ্লাইৎ তোংদ্রিঙৈগী মমাংদা পুং অমগী মনুংদা রিজলত পীবা ঙম্বা ত্রুনেৎ রেপিদ তেস্ত তৌহন্নবা হায়দুনা কেবিনেৎনা কেন্দ্রদা মতেং পাংবিয়ু হায়গনি হায়খ্রে। মৈগী বিল ৱাংখৎপগী পেন্দবা ফোংদোক্নরিবা মরম অসিদা স্তেৎ ইলেক্ত্রিসিতী বোর্দনা কস্তমরশিংদা শেল তারগনি অমসুং ইন্সতোলমেন্ত ওইনা পীবা য়ারগনি হায়খ্রে। অমরোমদা লাকফম থিদোকপা ঙমদবা অনৌবা কোবিদ কেস খরা লাকপদগী রাজ্যগী কোনুং অসি হাই এলর্ততা থমখ্রে। রাজ্যসিগী মপান্দা লৈবা কেরলাইৎ ৮ অমসু লৈখিদ্রে। অনৌবা কোবিদ-১৯গী কেস কনফর্ম তৌবগা লোয়ননা মীওই ৬০সু নাবা ফখ্রে। মীওই ১৩৬৬ লায়েংদুনা লৈবগা লোয়ননা রাজ্য শিনবা থুংনা মীওই ১২২১৪৩ কুপ্না য়েংশিন্দুনা লৈরি।
• তমিল নাদুঃ পুদুচেরীদা কোবিদ-১৯গী অনৌবা কেস ৩০ হেনগত্তুনা নোংমদা খ্বাইদগী য়াম্না হেনগৎপা ওইরে; জিপমেরদা মীওই ১ লৈখিদ্রে। মসিগা লোয়ননা য়ু.তি. অসিগী অপুনবা কেস মশিং ২৪৫ য়ৌখ্রে অমসুং মীওই ৫ লৈখিদ্রে। তি.এন. সরকারনা লন্নাইগী সেক্তরদা থবক থিবগী ৱেব পোর্তেল হাংদোকখ্রে; মসিনা শেল চংদনা থবক থিবা মীওইশিংনা লন্নাইগী কম্পেনীশিংদা থবক থিবা য়ারগনি। ঙরাং অনৌবা কেস ১৮৪৩, নাবা ফরবা ৭৯৭ অমসুং লৈখিদবা ৪৪গী রিপোর্ত লাকখি। চেন্নইদগী কেস ১২৫৭ লাকখি। অপুনবা কেস-৪৬৫০৪, এক্তিব কেস-২০৬৭৮, লৈখিদবা-৪৭৯, দিসচার্জ তৌখিবা-২৪৫৪৭, তেস্ত তৌখিবা সেম্পল-৭২৯০০২নি। চেন্নইগী এক্তিব কেস-১৫৩৮৫নি।
• করনাতকাঃ য়ুমশকৈশা নুমিত্তগী হুব্বালিদগী ফ্লাইৎ অমুক পায়বা হৌরবা য়াই হায়না হুব্বালি এয়রপোর্ত দাইরেক্তরনা হায়খ্রে। মেদিকেল ইদুকেসন মন্ত্রী দাক্তর কে. শুধাকরনা কেস মশিং হেনগৎলকপা থেংননবা রাজ্যসিনা লন্নাইগী হোস্পিতালশিংগী মতেং লৌরগনি হায়খ্রে। হৌখিবা চয়োল অনিদগী কেস মশিং হেনগৎলক্লিবা অসি য়েংলদুনা লায়নাদি নারগা সিম্পতম উত্তবা মীওইশিং য়েংশিন্নবা অমসুং লায়েংনবা কোবিদ কেয়র সেন্তর শেম্লগনি হায়খ্রে। হৌখিবা চয়োল অনিদগী কেস মশিং হেনগৎলক্লিবা অসি য়েংলদুনা সরকারনা নোংমদা সেম্পল ১৫০০০দগী ২০০০০ ফাওবা তেস্ত তৌনবা থৌরাং তৌরি হায়না মখা তাখি। ঙরাং অনৌবা কেস ২১৩, দিসচার্জ ১৮০ অমসুং লৈখিদবা ২গী রিপোর্ত লাকখি। অপুনবা পোজিতিব কেস-৭২১৩, এক্তিব কেস-২৯৮৭, লৈখিদবা-৮৮ অমসুং দিসচার্জ তৌখিবা-৪১৩৫নি।
• আন্ধ্র প্রদেশঃ হৌখিবা পুং ২৪দা সেম্পল ১৫১৮৮ তেস্ত তৌবদা অনৌবা কেস ২৭৫ লাকখি, মীওই ২ লৈখিদে অমসুং মীওই ৫৫ দিসচার্জ তৌখি। অপুনবা কেস-৫৫৫৫, এক্তিব-২৫৫৯, নাবা ফরবা-২৯০৬, লৈখিদবা-৯০নি।
• তেলঙ্গানাঃ সরকারগী থবক তৌবা মীওইশিংগী তোলোব, পেন্সন অমসুং ইন্সতিত্যুসনশিংদা শেল পীথোকপগী থেংথবগী অখন্নবা কান্নবা খরা পীবগী ৱারোল অমা তেলঙ্গানা সরকারনা মীয়ামদা খংহনখ্রে। হৌজিক ফাওবগী অপুনবা কেস-৫৪০৬, এক্তিব কেস-২১৮৮ অমসুং নাবা ফরবা-৩০২৭নি।

ফেক্ত চেক

*****