(মসিদা হৌখিবা পুং ২৪ দা থোকখিবা কোবিদ -১৯গা মরী লৈনবা চেফোংশিং, ফিল্দ ওফিসশিংদগী ফংবা পাউশিং, অমসুং পি.আই.বি.না লৌখৎপা ফেক্ত চেকশিং য়াওরি )

• কোবিদ পোজিতিব কেসশিং ফগৎপগী চাং হেনগৎলক্লি অমসুং মীওই ১,৪৭,১৯৪ নাবা ফগত্তুন ৪৯.৪৭%তা লৈরে
• এক্তিব কেস ১,৪১,৮৪২ অসি মেদিকেল সুপর্বিজন্দা লৈরি
• লোকদাউন হৌরকপদা লৈরম্বা দব্লিং রেৎ নুমিৎ ১৭.৪দগী হৌজিক নুমিৎ ৩.৪দা লৈরে
• কেবিনেৎ সেক্রেতরীনা রাজ্য খুদিংদা কনতেনমেন্ত, তেস্তিং অমসুং ত্রেসিং, হকশেলগী ইনফ্রাস্ত্রকচর ফগৎহনবা, কেস ক্লিনিকেল মেনেজমেন্ত অমসুং কন্ন্যুনিতী ইঙ্গেজমেন্তা মিৎয়েং চংনবা হায়খ্রে
• জি.এস.তি. কাউন্সিলনা লো অমসুং প্রোসিজরগী অহোংবশিংগী অকক্নবা রিকম্মেন্দসন খরা পীখ্রে
• শ্রী পিয়ুশ গোয়ালনা কোবিদকী মতুংদা ওইরক্কদবা মতমদা ক্বালিতীনা ভারতকী তুংগী ৱাহন্থোক পীগনি হায়খ্রে

কোবিদ-১৯গী অপদেৎ, ফগৎখিবগী চাং চাদা ৪৯.৪৭ হেনগৎখ্রে, পুন্না মীওই ১,৪৭,১৯৪ লায়েংদুনা ফগৎখ্রে

কোবিদকী পোজিতিব কেসশিং লায়েংদুনা ফগৎখিবা অসি লেপ্তনা হেনগৎলক্তুনা হৌজিক চাদা ৪৯.৪৭দা হেনগৎখ্রে। পুন্না মীওই ১,৪৭,১৯৪ লায়েংদুনা ফগৎখিবদা মীওই ১,৪১,৮৪২না নিংথিজবা মওংগী মেদিকেলগী সুপরভিজনগী মখাদা লৈরি। হৌখিবা পুং ২৪সিদা পুন্না মীওই ৬,১৬৬ ফগৎখ্রে। কেবিনেৎ সেক্রতরীনা সেক্রতরীশিং, হকশেলগী সেক্রতরী অমসুং রাজ্য পুম্নমক্কী খুঙ্গং চাওখৎনবগী সেক্রতরীশিংগা ভিদিও কনফরেন্স অমা পাংথোকখ্রে। কোবিদ-১৯ নিংথিজনা য়েংশিন্দুনা ফহন্নবা রাজ্যশিংদা কন্তেন্তমেন্ত, তেস্তিং অমসুং ত্রেসিং, হেল্থকী ইনফ্রাস্ত্রকচর থাক ৱাংখৎহনবদা, কেস ক্লিনিকেল মেনেজমেন্ত অমসুং কম্ম্যুনিতী এঙ্গেজমেন্তকী পাওতাক পীখি। আই.সি.এম.না মখা তানা লায়না অসি চংলবা মীশিংদা নোবেল কোরোনাভাইরস খংদোক্নবা তেস্ত তৌবগী চাংশিং হেনগৎহনখ্রে। হৌজিক-হৌজিক লৈবাক অসিদা পুন্না লেব ৮৭৭ (সরকারগী লেবশিং-৬৩৭ অমসুং লন্নাইগী লেব ২৪০)না থবক তৌরি। হৌখিবা পুং ২৪ সিদা সেম্পল ১,৫০,৩০৫ তেস্ত তৌখ্রে। তেস্ত তৌখ্রবা সেম্পলগী মশিং অসি হৌজিক ফাওবদা পুন্না ৫৩,৬৩,৪৪৫নি।

অকুপ্পা মরোলগীদমকঃ https://pib.gov.in/PressReleasePage.aspx?PRID=1631123

কোবিদ-১৯গী য়েংদুনা অর্বান ত্রান্সপোর্ত সর্বিস পীনবা রাজ্যশিং/য়ু.তি.শিং/শহরশিং/মেত্রো রেল কম্পেনীশিংনা পায়খৎকদবা থবকশিং এম.ও.ঐচ.য়ু.এ.না এদবাইজরী ফোংখ্রে

হাউজিং অমসুং অর্বান এফিয়ার্স মন্ত্রালয়না রাজ্যশিং, য়ু.তি.শিং, শহরশিং অমসুং মেত্রো রেল কম্পেনীশিংদা মশা অহুম লোংবা পথাপ অমা মথং-মথং [অতেনবা (থা ৬কী মনুংদা), ময়ায় ওইরপ্পা মতম (চহী ১গী মনুংদা) উমসুং অশাংবা মতমগী (চহী ১-৩)] ওইনা পায়খৎনবা এদবাইজরী অমা ফোংখ্রে। এদবাইজরী অসি ঐখোয়গী পুন্সি মহিং অমসুং ঐখোয়গী মনাক নকপা মফমশিং অমসিং মালেমগী ত্রান্সপোর্তকী পথাপ্তা অথুবা মতমদা অয়েৎপা পীরক্লিবা কোবিদ-১৯গী লায়চৎ অসি য়েংদুনা শেম্বনি। কোবিদ-১৯না অতোপ্পা পব্লিক ত্রান্সপোর্তকী মখল কয়া অমা থিবগী খুদোংচাবা পীদুনা অকোয়বগা চান্নবা, পোল্যুসন থোক্লোইদবা, শিজিন্নবা নুংঙাইবা অমসুং তুং কোইনা চৎকদবা পাম্বৈ কয়া ফংবা ঙম্লে। মসিনা নন-মোতোরাইজদ ত্রান্সপোর্ত অমসুং তেক্নোলোজী চাউনা শিজিন্নবা পব্লিক ত্রান্সপোর্তনা চৎলিঙৈ অমসুং চত্ত্রিঙৈগী মমাংদা পেমেন্ত তৌবা য়াহনবা অমসুং চৎলিবা মীওইশিংদা ই-পাউ পীবগী পথাপ লৈবা থৌওংসিং অসিদা মিৎয়েং চংফম থোকই। পোৎ লৈফম শিংসু মীওইশিংনা চত্থোক চৎশিন তৌবা য়াবা লম্বী শেমদুনা মী চিনদবা অমসুং পোৎ লৈবদা নুংঙাইবা এক্সপেরিএন্স ফংনবা শিনফম থোকই।

অকুপ্পা মরোলগীদমকঃ https://pib.gov.in/PressReleasePage.aspx?PRID=1631071

জি.এস.তি. কাউন্সিলগা মরী লৈনবা লো অমসুং প্রোসিজরগী রিকম্মেন্দেসন

কেন্দ্রগী শেলথুম অমসুং কোর্পোরেৎ এফিয়ার্স মন্ত্রী শ্রীমতি নিরমলা সিতারামনগী লুচিং মখাদা ভিদীও কনফরেন্সিংগী খুত্থাংদা জি.এস.তি. কাউন্সিলগী ৪০শুবা মীফম ফমখ্রে অমসুং লো অমসুং প্রোসিজরগী অহোংবশিংগী মতাংদা রিকম্মেন্দেসন খরা পীখ্রে। ললোন ইতিক নুংঙাইহনবগী খোংথাংশিং অসিদা মমাংগী রিতর্ন তৌবদা লেৎ ফীদা তাথবা; ফেব্রুৱারি, মার্চ অমসুং এপ্রিল ২০২০গী তেক্সকী মতমগী ওইনা থেংনা ফাইলিং তৌবদা অপিকপা কারবারশিংদা খুদোংচাবা পীবা; থংনবা মতমগী (মে, জুন অমসুং জুলাই ২০২০)তেক্সকী মতমগী ওইনা থেংনা ফাইলিং তৌবদা অপিকপা কারবারশিংদা খুদোংচাবা পীবা; রেজিস্ত্রেসন কেন্সেল তৌবগী মতম লৌবগী মতাংদা খরা কোম্থোকপা। সি.জি.এস.তি. এক্ত ২০১৭ শেমদোক্লিবা ফাইনেন্স এক্ত ২০২০ অমসুং আই.জি.এস.তি. এক্ত, ২০১৭গী অখন্নবা ক্লোজ খরা ৩০.০৬.২০২০দগী চৎনবা হৌরগনি।

অকুপ্পা মরোলগীদমকঃ https://pib.gov.in/PressReleasePage.aspx?PRID=1631127

শ্রী পিয়ুশ গোয়ালনা ভারতকী ক্বালিতী কাউন্সিল য়েংশিনখ্রে; আত্মানির্ভর ভারতনা মগুন লৈবা পোত্থোকশিং অমসুং সেভাদা য়ুম্ফম ওইরগা চাউখৎকনি হায়খ্রে

কম্মর্স অমসুং ইন্দস্ত্রী মন্ত্রী শ্রী পিয়ুশ গোয়ালনা ক্বালিতীনা ভারতকী তুংগী ৱাহন্থোক ওইগনি হায়খ্রে। ক্বালিতী কাউন্সিল ওফ ইন্দিয়াগী থবকশিংবু য়েংশিল্লদুনা শ্রী গোয়ালনা আত্মানির্ভর ভারতনা মসিগী পোত্থোকশিংগী মতিক মগুন্দা য়ুম্ফম ওইরগা চাউখৎকনি হায়খি। ক্বালিতীগী মতাংদা খংবা অসিনা ইচম চম্বা মীওই অমগী থাক অমসুং পুন্সিগী নাৎ অমসুং চৎনবিগী হীরমদা কান্নবা অমসুং চাউখৎপা কয়া পুরক্কনি। মহাক্না ক্যু.সি.আই.দা কোবিদকী মতমগী মতুংদা অতোপ্পা লৈবাকশিংদা চৎনরকপা খ্বাইদগী ফবা থবকশিংবু মফম অসিগী চান্নবশিং য়েংদুনা শিজিন্ননবা হায়খি। লৈবাক অসিদা লৈরিবা স্কিলগী অহাংবা অসি য়েংশিন্দুনা অমসুং করম্না মেনশিংদগে হায়না খন্নবা ক্যু.সি.আই.দা হায়খি।

অকুপ্পা মরোলগীদমকঃ https://pib.gov.in/PressReleasePage.aspx?PRID=1631132

কোবিদ-১৯গী ওইরিবা ফীভম অসিনা মরম ওইরগা রক্ষা মন্ত্রালয়না ইরদমসিদা শাবা পোৎশিংগী কেপিতেল এক্বিজিসনগী দেলিবরীশিং থা মরি শাংদোকখ্রে

রক্ষা মন্ত্রালয় (এম.ও.দি.)না ভারতকী পোৎ য়োনবা মীশিংগা তৌনরিবা কেপিতেল এক্বিজিসন কন্ত্রেক্তশিংগী মতম অসি তমথিরবা কোবিদ-১৯গী লায়চৎ অসিনা পরিং নাইনা সপ্লাই তৌবদা অপনবা পীরকপা অসিনা মরম ওইদুনা দেলিবরী তৌবগী মতম থা মরি শাংদোকখ্রে। রক্ষা মন্ত্রী শ্রী রাজনাথ সিংহনা অয়াবা য়াওরবা মন্ত্রালয় অসিগী এক্বিজিসন ৱীংনা ৱাফম অসি ঙসিদগী চৎনবা হৌনবা ওর্দর অমা থোকখ্রে। মসিদা হায়রি, “ফোর্স মেজ্যুর অসি থা মরিগী ওইবা মতমগী ওইনা চৎনবা য়ারনি, হায়বদি মার্চ ২৫,২০২০দগীনা জুলাই ২৪,২০২০ ফাওবা।” ওর্দর অসিদা মখা তানা হায়রি, “কন্ত্রেক্ত তৌনরিবা ইক্বুইপমেন্তশিং/সর্বিস অমসুং লিক্বিদেতেদ দেমেজ চার্জকী দেলিবরীদা থেংথবা অসি হোৎপা মতমদা ফোর্স মেজ্যুর অসি য়াওরোই।” থৌরাং অসিনা কোবিদ-১৯গী ফীভম অসিনা চৈথেংনা পোৎ পুত্থোকপগী মতমশিং শোইহল্লবা ইরদমগী ওইবা দিফেন্সকী ইন্দস্ত্রীদা চাওনা কোমথোকহল্লগনি।

অকুপ্পা মরোলগীদমকঃ https://pib.gov.in/PressReleasePage.aspx?PRID=1631078

রাজ্যশিংনা হায়রকপগী মতুং ইন্না ইন্দিয়ান রেলৱেজনা শ্রামিক স্পিসিএল ত্রেনশিং পীগনি

রাজ্যশিংগী তঙাই ফদবগী মতুং ইন্না শ্রামিক স্পেসিএল ত্রেনগী খুত্থাংদা মাইগ্রেন্তশিংদা নুংঙাইনা য়ুমদা হলহন্নবা সেবা ইন্দিয়ন রেলৱেজনা পীনবা লৈরি। হৌজিক ফাওবদা রেলৱে বোর্দকী চেয়রমেন্না রাজ্যশিংদা হায়খ্রবা মতুংদা রাজ্যশিংনা শ্রামিক স্পেসিএল ত্রেন ৬৩গী তঙাই ফদবা লৈ হায়রকখ্রে। অপুনবা রাজ্য ৭, কেরলা, আন্ধ্র প্রদেশ, করনাতকা, তমিল নাদু, নোংচুপ বেঙ্গোল, গুজরাত অমসুং জম্মু অমসুং কশ্মিরনা শ্রামিক স্পেসিএল ত্রেনশিং চলায়বিয়ু হায়রক্লি। অপুনবা ওইনা শ্রামিক স্পেসিএল ত্রেনশিং – আন্ধ্র প্রদেশনা ৩, গুজরাতনা ১, জম্মু অমসুং কশ্মিরনা ৯, করনাতকানা ৬, কেরলানা ৩২, তমিল নাদুনা ১০ অমসুং নোংচুপ বেঙ্গোলনা ২ হায়রকখ্রে। উত্তর প্রদেশ সরকারনা মখোয়গী তঙাই ফদবা পীরকপা ৱাৎলি।

অকুপ্পা মরোলগীদমকঃ https://pib.gov.in/PressReleasePage.aspx?PRID=1631092

আত্মানির্ভর ভারত পেকেজগী মখাদা মে অমসুং জুন্দা বেনিফিসরী লাখ ৪৫.৬২দা হৱাই চেংৱাই এম.তি. ২২৮১২ য়েন্থোকখ্রে; রাজ্য/য়ু.তি.শিংনা গ্রাম এম.তি. ২০৯২ য়েন্থোকখ্রে

এফ.সি.আই.না হৌজিক ফাওবদা চেং এল.এম.তি. ২৭০.৮৯ অমসুং গেহু এল.এম.তি. ৫৪০.৮০ লৈ। মতৌ অসুম্না হৱাই চেংৱাই এল.এম.তি. অপুনবা ৮১১.৬৯ স্তোক্তা লৈরি ( লৈদি লৈখ্রগা দোদাউন্দদি য়ৌরক্ত্রিবা য়াওদনা)। এন.এফ.এস.এ. উমসুং অতোপ্পা ৱেলফিয়ার স্কিমগী মখাদা হৱাই চেংৱাই এল.এম.তি. ৫৫মুক্কী তঙাই ফদবা লৈ। আত্মানির্ভর ভারত পেকেজগী মখাদা রাজ্য অমসুং য়ু.তি.শিংনা জুন্দা বেনিফিসরী লাখ ৪৫.৬২দা হৱাই চেংৱাই এম.তি. ২২৮১২ য়েন্থোকখ্রে (মেদা লাখ ৩৫.৩২ অমসুং জুন্দা লাখ ১০.৩০)। পি.এম.জি.কে.এ.ৱাই.গী মখাদা এপ্রিল-জুন, থা ৩গী ওইনা চাং এল.এম.তি. ১০৪.৩ অমসুং গেহু এল.এম.তি. ১৫.২গী তঙাই ফদবা লৈ অমসুং মসিগী মনুংদা চেং এল.এম.তি. ৯৪.৭১ অমসুং গেহু এল.এম.তি. ১৪.২০দি রাজ্য অমসুং য়ু.তি.শিংনা লৌখৎখ্রে।

অকুপ্পা মরোলগীদমকঃ https://pib.gov.in/PressReleasePage.aspx?PRID=1631110

কোবিদ-১৯ লৈরগসু রামাগুন্দম প্লান্ত অসি সেপ্তেম্বর ২০২০দা অদুগা গোরখপুর, বরৌনী অমসুং সিন্দ্রীদনা মে ২০২০দা পোৎ পুথোকপা হৌরবা য়ারি

কেমিকেলস অমসুং ফর্তিলাইজরগী কেন্দ্র মন্ত্রী শ্রী মনশুখ মন্দাবিয়ানা ভিদিও কনফরেন্সকী থোংদা পালান্ত ৫দা অমুক থবক তৌবা হৌরকপগী খুমাং চাওশিনবগী মতাংদা ফর্তিলাইজর বিভাগকী ওফিসরশিংগা মীতিং অমা পাংথোকখ্রে। রামাগুন্দন ফর্তিলাইজর্স অমসুং কেমিকেল লিমিতেদ(আর.এফ.সি.এল.)না হান্ননা চাদা ৯৯.৫৩দা থবক তৌবদা খুমাং চাওশিনবা ঙমখ্রে অমসুং কোবিদ-১৯না মরম ওইদুনা মচাক মচা-মচা খরা ৱাৎলি হায়না শ্রী মন্দাবিয়াদা পাওদমখি। সেপ্তেম্বর ২০২০দা য়ুরিয়া পুথোকপগী থবক অসি হৌদোক্লবা য়াই হায়বগী থাজবা লৈ। মতৌ অসিগুম্না গোরখপুর, সিন্দ্রী অমসুং বরৌনী ফর্তিলাইজর প্লান্তশিংদা থবক্তা খুমাং চাওশিনবা অসি মথং-মথং চাদা ৭৭, ৭০ অমসুং ৬৯ য়ৌরে হায়না মন্ত্রীদা হায়খি। গোরখপুর, বরাওনি অমসুং শিন্দ্রীগী প্লান্তশিং অসি মে ২০২১গ মমাংদা লোইশিনবা ঙম্লগনি হায়না থাদনরি। হৌজিক-হৌজিক ওরিশাগী তালচের ফর্তিলাইজর প্লান্ততা প্রোজেক্কী মমাংগী থবকশিং চত্থরি হায়নসু পাওদমখি। মসিগী প্রোজেকশিং অসি কোবিদ-১৯ থোরকপনা মরম ওইদুনা থোরকপা শিংনবা কয়ানা খরা থেংথহল্লবসু প্রোজেকশিং অসিগী থবক অসি অকনবা মওংদা পাংথোক্নবা হোৎনরি।

অকুপ্পা মরোলগীদমকঃ https://pib.gov.in/PressReleasePage.aspx?PRID=1631097

এন.সি.আর. মফমশিংদা নিকখিবা; নেস্নেল সেন্তর ফোর সিস্মোলোজীগী মকোক্না পাখৎনিংঙাই ওইদে হায়খ্রে

নেস্নেল সেন্তর ফোর সিস্মোলোজীগী দাইরেক্তর দাক্তর বি.কে. বন্সালনা ইকুই কুইদনা দিল্লী-এন.সি.আর. মফমশিংদা সিস্মিক এক্তিবিতী খরা থোকখিবা অদুগী মতাংদা করিমত্তা পাখৎনিংঙাই লৈত্রে হায়খ্রে। অদুবু য়ুহা-হাবনা থোকহনলক্কদবা খুদোংচাদবশিংগী ওইনা চেকশিন থৌরাং লৌখৎপদি মরু ওই হায়খি।

অকুপ্পা মরোলগীদমকঃ https://pib.gov.in/PressReleasePage.aspx?PRID=1630974

শ্রী নরেন্দ্র সিংহ তোমারনা ইন্তর্নশিপ প্রোগ্রামগী স্কিমঃ সাহাকার মিত্র হৌদোকখ্রে

স্কিম অসি হৌদোক্লদুনা শ্রী তোমারনা অমত্তা ওইবা কো-ওপরেতিব সেক্তর দিবেলপমেন্ত ফাইনান্স ওর্গানাইজেসন ওইরিবা নেস্নেল কো-ওপরেতিব দিবেলপমেন্ত কোর্পোরেসন, এন.সি.দি.সি.না কেপাসিতী দিবেলপমেন্তকী খুত্থাংদা কো-ওপরেতিব সেক্তর ওন্তোপ্রিনর্শিপ দিবেলপমেন্ত ইকোসীস্তেমগীদমক্তা থবক পরিং অমা পায়খৎলি, নহাশিংদা ইন্তর্নশিপ পীদুনা অমসুং অনৌবা স্তার্ত অপ মোদতা নহা ওইরিবা কোর্পোরেতরশিংদা লিবরেল ওইরবা লোন কয়া পীরি। সাহাকার মিত্র স্কিম্না কো-ওপরেতিব ইন্সতিত্যুসনশিংদা নহা ওইরিবা প্রোফেস্নেলশিংগী অনৌবা ৱাখল্লোন কয়া খংবা ঙমগনি অমসুং ইন্তর্নশিংনা ফিল্দদা এক্সপেরিএন্স কয়া ফংদুনা মরোমদোম লেপচবা ঙম্বদা মতেং পাংগনি।

অকুপ্পা মরোলগীদমকঃ https://pib.gov.in/PressReleasePage.aspx?PRID=1631125

• পি.আই.বি. ফিল্দ ওফিসশিংদগী ফংবা পাউ
• মহারস্ত্রাঃ শগোলশেল নুমিত্তা কোবিদ-১৯গী কেস অনৌবা ৩৬০৭ লাক্তুনা অপুনবা কেস মশিং ৯৭৬৪৮ য়ৌখ্রে। শগোলশেল নুমিত্তা অপুনবা এক্তিব কেস ৪৭৯৬৮ ওইদুনা মীওই ১৫২ লৈখিদ্রে। শগোলশেল নুমিত্তা হোৎস্পোৎ মুম্বাইদা কেস ১৫৪০ লাক্তুনা শহরসিগী অপুনবা কেস মশিং ৫৩৯৮৫ য়ৌখ্রে। মুম্বািগী হোস্পিতালশিংদা কোবিদ-১৯ নারবা মীওইশিংনা ফমুং ফংদবগী অৱাবা য়েংলদুনা ব্রিহনমুম্বাই ম্যুনিসিপাল কোর্পোরেসন্না দিসেন্ত্রেলাইজদ হোস্পপিতাল বেদ মেনেজমেন্ত সীস্তেম অমা পুথোক্তুনা ৱার্দ ২৪মক্তা শিজিন্নবা হৌখরে।
• গুজরাতঃ হৌখিবা পুং ২৪দা অনৌবা কেস ৫১৩ লাক্তুনা রাজ্যসিগী অপুনবা কোরোনাভাইরসকী কেস মশিং ২২০৩২ শুখ্রে। মমাংগী পুং ২৪দা অনাবা মীওই ৩৬৬ দিসচার্জ তৌখিদুনা নাবা ফখ্রবা অপুনবা মশিং রাজ্যসিগী ওইনা ১৫১০৯ শুখ্রে অমসুং মীওই ৩৮ লৈখিদবদগী অপুনবা লৈখিদবা মশিং ১৩৮৫ য়ৌখ্রে। রাজ্য সরকারনা হান্না লৌখিবা ৱারেপ হন্দোক্লদুনা ঙসিদগী প্রাইবেৎ লেবশিংনা এম.দি.গী থাক্তা লৈবা ফিজিসিয়ান্না প্রিস্ক্রাইব তৌরকপা তেস্ত তৌবা য়াহনখ্রে।
• রাজস্থানঃ ঙসি অয়ুক ফাওবদা কোবিদ-১৯গী অনৌবা কেস ৯২ লাকখি। মসিগী অয়াম্বা কেসশিং অসি সিরোহিদগীনি অমসুং জয়পুরনা মতুং ইল্লি। অফবা অমনা কোবিদ-১৯গী অনাবা ফগৎপগী চাং অসি রাজ্যসিদা ৭৪%দগী হেন্না ফগৎলে। হৌজিক ফাওবদা অনাবা ১১৯৩০গী মনুংদগী মীওই ৮৮৪৩দি নাবা ফখ্রে। ঙসি ফাওবগী ওইরিবা এক্তিব কেস অসি ২৮১৮নি অমসুং মীওই ২৬৯ লৈখিদ্রে।
• মধ্য প্রদেশঃ হৌখিবা পুং ২৪দা কোরোনাভাইরসকী কেস ১৯২ অনৌবা লাকপদগী অপুনবা মশিং ১০২৪১ য়ৌখ্রে। শগোলশেল নুমিত্তা মীওই ৪ থাদুনা পুন্না লৈখিদবা মশিং অসি ৪৩১ য়ৌখ্রে। মে ৩১দগী লোকদাউন হাংদোকখ্রবা মতুংদা রাজ্যসিনা কোবিদ-১৯গী কেস অনৌবা ২১৫২ উবা ফংখি।
• ছতিসগরঃ শগোলশেল নুমিত্তা কোবিদ-১৯গী অনৌবা কেস ৪৬ লাকখি অমসুং অপুনবা কেস ১৩৯৮ য়ৌদুনা এক্তিব ওইবা কেস মশিং ৯৪৫ ওইরি।
• গোৱাঃ শগোলশেল নুমিত্তা কোবিদ-১৯গী অনৌবা কেস ৩০ লাক্তুনা অপুনবা কেস ৪১৭ য়ৌখ্রে অমসুং মসিগী মনুংদা এক্তিব কেস মশিংনা ৩৫০নি।
• পঞ্জাবঃ খুন্নাইদগী কোবিদ শন্দোকপা অমসুং লায়চৎ অসিগী খ্বাইদগী ৱাংবা অসি থা অনিগী মনুংদা ওইরক্লগনি হায়না খন্নরিবা অসিগী তাল্লক্তা পঞ্জাবকী মুখ্য মন্ত্রীনা ৱিকেন্দ অমসুং মীয়ামগী ছুতি নুমিত্তা লোকদাউনগী অকনবা খোংথাং লাউথোকখ্রে অমসুং ই.-পাস পায়বা মীওই নত্তনা কনা অমত্তা চত্থোক চৎশিন তৌবসু য়াররোই। মালেমদা কেস মশিং অঙকপা ফংনা হেনগৎলক্লিবা অসি য়েংলদুনা অসিগুম্বা চেকশিন থৌরাং লৌখৎপগী তঙাই ফদবা লৈরিবনি হায়না মুখ্য মন্ত্রীনা হায়খ্রে। ভাইরস অসিগী হিদাক অমসুং বেক্সিন থোক্ত্রিবনিনা চেকশিনবা নত্তনা লায়চৎ অসি থেংবগী লম্বী লৈতে।
• হিমাচল প্রদেশঃ হিমকেয়র অমসুং অয়ুশমান ভারত য়োজনাগী মখাদা রাজ্য সরকারনা কোরোনাগী তেস্ত অমসুং লায়েংবগী খুদোংচাবা পীরগনি হায়না মুখ্য মন্ত্রীনা হায়খ্রে। মহাক্না মতিক চাবা মীওই লাখ ৫.৬৯দা কোরোনাগী লায়চৎ অসিনা শোকহন্দনবা হায়দুনা থা অহুমগী সোসিএল সেক্যুরিতী এদবান্স মাংজৌননা পীথোকখ্রে। মহাক্না অহেনবা মীওই ৪৪০০০দা সোসিএল সেক্যুরিতী পেন্সন পীনবা অয়াবসু পীখ্রে হায়খি।
• কেরলাঃ মুম্বাইদগী জুন ৯দা হল্লক্তুনা ক্বারেন্তাইন তৌদুনা লৈবা মীওই অমা কন্নুরদা লৈখিদবদগী অপুনবা লৈখিদবা মশিং ১৯ শুখ্রে। তাল্লক অসিদা থ্রিশুরদা শোক্ন শম্নবদগী কেস মশিং হেনগৎলকপা অসিদেগী লৈঙাক্লোইনা অকনবা চেকশিন থৌরাং লৌখৎখ্রে। প্রাইবেৎ বস চলায়বশিংনা পেসেঞ্জরদগী ভরা হেনগৎনবা সিঙ্গল বেঞ্চ জজ অমনা তাখিবা রায় অসু কেরলা হাই কোর্তকী দিবিজন বেঞ্চনা অথিংবা থমখ্রে। গল্ফতা কেরলা মচা ৬ অমসু কোবিদ-১৯দগী লৈখিদদবগা লোয়ননা গল্ফতা কোরোনাদগী লৈখিদবা অপুনবা মশিং ২১৫ য়ৌখ্রে। রাজ্যসিগী মপান্দা কোরোনানা মরম ওইদুনা কেরলা মচা ৩০০মুক লৈখিদ্রে। ঙরাং কেরলাদা অনৌবা কেস ৮৩ লাকখি অমসুং হৌজিক্কী ওইনা মীওই ১২৫৮ লায়েংলি।
• তমিল নাদুঃ এস.সি.না তমিল নাদু সরকারদা ওনলাইন্দা নত্ত্রগা দুকাদা য়ু য়োন্নবা মওং শেম্নবা হায়খ্রে। মীরমদা পন্দুনা লৈরিবা তামিলশিংগী মতাংদা মদ্রাস হাই কোর্ত্না রাজ্য অমসুং কেন্দ্র সরকারদা নোতিস পীখ্রে। চেন্নৈ-চেঙ্গালপত্তু ঙমখৈদা গাড়ী চেক তৌবগী থবক কনখৎখ্রে, ই.-পাস তঙাই ফদনা পায়গদবনি। তোকঙা শন্দোকপা থিংবা ওইনা চেন্নৈদা তোতেল লোকদাউন লৈরোই হায়না তমিল নাদু সরকারনা হায়খ্রে। ঙরাংগী অনৌবা কেস-১৮৭৫, গফগৎলবা- ১৩৭২, লৈখিদবা-২৩। চেন্নৈদগী ওইবা অপুনবা কেস-১৪০৬/ অপুনবা কেস মশিং-৩৮৭১৬, এক্তিব কেস- ১৭৬৫৯, লৈখিদ্রবা- ৩৪৯, চেন্নৈগী এক্তিব কেস-১৩৩১০।
• করনাতকাঃ হায়র ইদুকেসন মন্ত্রী অমসুং দিপ্যুতী মুখ্য মন্ত্রী দাক্তর সি.এন. অস্বনাথ নরায়ন্না কমপ্লিৎ অনলোক্কী মতুংদদি রাজ্যসিনা গ্রেজুৱেৎ অমসুং পোস্ত গ্রেজুৱেৎ মহৈরোইশিংগী একজাম তৌরগনি হায়খি। তাল্লকসিদা মেদিকেল ইদুকেসন মন্ত্রী দাক্তর কে. সুধাকরনা আই.এল.আই. (ইনফ্লুএঞ্জা লাইক সিম্পতম)গী অনাবশিং তোঙান্না তেস্ত তৌগনি হায়খি। ঙরাংগী নুমিত্তা অনৌবা কেস ২০৪, দিসচার্জ তৌখিবা ১১৪ অমসুং মীওই অহুম লৈখিদে। অপুনবা পোজিতিব কেস-৬২৪৫, এক্তিব কেস-৩১৯৫, লৈখিদ্রবা-৭২ অমসুং ফগৎখ্রবা-২৯৭৬।
• আন্ধ্র প্রদেশঃ কোতি ময়ামগী ই.এস.আই.সি. স্কেমগা মরী লৈননা হান্নগী মন্ত্রী ওইরম্বা তি.দি.পি.গী লুচিংবা কে. অৎচানাইদু স্রিকাকুলদগী এ.সি.বি.না ফাখ্রে। কেস মশিং য়ামখৎলকপদগী রাজ্যনা দাক্তর অমসুং পেরামেদিকেল স্তাফ লৌরগনি। পোস্ত ৯৭১২ অসি রিগুলার, কন্ত্রেক্ত অমসুং আউৎসোর্সিং বেসিস্তা লৌনবা নোতিস থোকখ্রে। তি.তি.দি.গী থৌমী অনি কোবিদ-১৯ পোজিতিব ওইবদগী তিরুপতিদা লৈবা শ্রী গোবিন্দরাজা স্বামী লায়শং থিংজিনখ্রে। হৌখিবা পুং ২৪দা সেম্পল ১১৭৭৫ তেস্ত তৌবদা অনৌবা কেস ১৪১, দিসচার্জ তৌখিবা ৫৯ অমসুং মীওই অমত্তা শিখিদে। অপুনবা কেস- ৪৪০২, এক্তিব কেস-১৭২৩, ফগৎখ্রা-২৫৯৯ অমসুং লৈখিদ্রবা-৮০।
• তেলঙ্গানাঃ ইরাই নুমিত্তা গান্ধী হোস্পিতালগী দাক্তরশিংনা স্ত্রাইক লেপখ্রে অমসুং খুদক্তা থবক হৌখ্রে। তেলঙ্গানাগী জিলা খুদিংমক কোরোনা ভাইরসনা শোকহল্লে। অপুনবা কেস মশিং ৪৩২০ য়ৌদুনা এক্তিব কেস ২১৬২ লৈরে।
• অরুনাচল প্রদেশঃ রাজ্যসিদা কোবিদ-১৯গী তেস্ত পুন্না ১৩৪৭৯ তৌখ্রে। অপুনবা কেস ৬৭ অমসুং এক্তিব কেস ৬৩। রাজ্যসিদা লোকদাউন থুগায়বা অপুনবা মীওই মশিং-১২২৭২। ফাগৎখিবা মীওই মশিং-৬২৪, ফাগৎখিবা গারী মশিং-৮৯১। লুপা লাখ ২৭সু ফাইন ওইনা লৌখৎখি।
• মনিপুরঃ হকশেল মন্ত্রীনা কামজোং অমসুং নোনে জিলাগী এম্বুলেন্স অনি পীখ্রে। এম্বুলেন্সশিং অসি কোবিদ-১৯গী অনাবা উমসুং চিংনবশিংবু পুথোক পুশিন তৌনবা পি.পি.পি. মোদেলগী মখাদা লৈখিবনি।
• মিজোরমঃ রাজ্যগী হকশেল মন্ত্রীনা চেন্নৈদগী হল্লকপা মীওই খুদিংমক কোবিদ-১৯গী তেস্ত তৌগনি হায়খ্রে। ৱারেপ অসি অতোপ্পা চেন্নৈদগী হল্লকপা মীওই কয়া অমা অতোপ্পা রাজ্যশিংদা পোজিতিব ওইরক্লিবা অসিদগী লৌখিবনি।
• নাগালেন্দঃ গুৱাহাতি হাই কোর্ত, কোহিমা বেঞ্চনা নাগালেন্দ সরকারদা পেত্রোলিয়মগী পোত্থোক্তা কোবিদ-১৯ সেস য়াওহনগী মায়োক্তা থারকখিবা পি.আই.এল.গী পাউখুম চয়োল অহুমগী মনুংদা পীরক্বা হায়খ্রে। নাগালেন্দগী দিফুপারদা মপান্দগী হল্লকপা লোথা মচাশিংবু নাৎকী ওইবা খাংপোকশঙশিংনা ঙাইদুনা লোইরি। নাগাগী চৎনবি মতুং ইন্না শাবা খাংপোকশঙশিং অসিনা লোথা খুন্নাইগী মীওই ১৫ লৈহনগনি।
• ত্রিপুরাঃ হৌজিক চত্থরিবা লায়চৎ অসিগী মতাংদা সি.এম.না হকশেল অমসুং য়াইফ য়ুম্বাল বিভাগ অমসুং অতোপ্পা অৱাংবা থাক্কী ওফিসিএলশিংগা য়েংশিনবগী মীফম ফমখ্রে।

*****