(মসিদা হৌখিবা পুং ২৪ দা থোকখিবা কোবিদ -১৯গা মরী লৈনবা চেফোংশিং, ফিল্দ ওফিসশিংদগী ফংবা পাউশিং, অমসুং পি.আই.বি.না লৌখৎপা ফেক্ত চেকশিং য়াওরি )

• ভারতনা মমাংদা পাঙথোকখিদ্রিবা অনৌবা থৌওং পাঙথোকখ্রে, দব্লিং তাইম অসি চাউরাক্না নুমিৎ ৭৩ ওইরে
• এক্তিব কেসকী % অসি মখা তানা হন্থরক্লি; হৌজিক মসিনা অপুনবা কেসকী ১১%মুক্কী চাংদা লৈরে
• হৌখিবা পুং ২৪দা অনৌবা মীওই ৮১,৫১৪ নাবা ফখি অমদি অনৌবা কনফর্ম ওইবা কেস ৬৭,৭০৮ লাকখি
• প্রধান মন্ত্রীনা কোবিদ-১৯ ঙাকথোক্নবা রিসর্স অমসুং ভেক্সিন দিপ্লোইমেন্ত ইকোসিস্তেমগী য়েংশিন মীফমগী ময়াই তাংবল লৌখ্রে
• হকশেল মন্ত্রীনা মীয়ামদা কোবিদকা চুনবা লিচৎ-শাজৎ ঙাক্না চৎনবা তকশিনখ্রে
• কোবিদ-১৯ অসিগী মাইয়োক্তা অয়ুশ সেক্তরনা জন অন্দোলনদা হেন্না মপাঙ্গল লৈনবা হোৎনখ্রে
• ভারত জেনেরিক মেদিসিন খ্বাইদগী য়াম্না পুথোকপা অমসুং মালেম শীনবা থুংনা মপান্দা থাদোকপা লৈবাক অমনি: শ্রী গৌরা

#Unite2FightCorona

#IndiaFightsCorona

ভারতনা মমাংদা পাঙথোকখিদ্রিবা অনৌবা থৌওং পাঙথোকখ্রে, দব্লিং তাইম অসি চাউরাক্না নুমিৎ ৭৩ ওইরে, এক্তিব কেসকী % অসি মখা তানা হন্থরক্লি; হৌজিক মসিনা অপুনবা কেসকী ১১%মুক্কী চাংদা লৈরে

ভারতনা নাবা ফবগী চাং য়াম্না ৱাংখৎলকপা অমসুং এক্তিব কেসকী চাদা ওইবা চাং লেপ্তনা হন্থরকপগী ফিভম ওইরক্লি। মসিনা মরম ওইদুনা লায়না শন্দোকপা অসিগী দব্লিং রেৎ অসি য়াম্না ফগৎলক্লি। হৌজিক্তি মসি চাউরাক্না নুমিৎ ৭৩ (নুমিৎ ৭২.৮) ওইরে। ওগস্ত ময়ায়দা দব্লিং রেৎ অসি নুমিৎ ২৫.৫ ওইরম্বা অদুদগী হৌজিক্না চাউরাক্না নুমিৎ ৭৩দা লৈদুনা য়াম্না ফগৎলে। হৌখিবা পুং ২৪দা অনৌবা মীওই ৮১,৫১৪ নাবা ফখি। মসিগা লোয়ননা নাবা ফবগী অপুনবা মশিং অসি চাউরাক্না লাখ ৬৪ (৬৩,৮৩,৪৪১) য়ৌখ্রে। নোঙমদা নাবা ফবগী মশিং হেনগৎপা অসিসু ৮৭%গী চাংদগী হেন্দুনা ঙসিনা ৮৭.৩৬% য়ৌরবা লৈবাক্কী ওইবা নাবা ফবগী চাং হেনগৎলক্লিবা অসিদা উবা ফঙই। অনৌবা নাবা ফবশিং অসিগী ৭৯%দি রাজ্য/য়ু.তি. ১০দগীনি। মহারাস্ত্রাদা নোঙমদা নাবা ফবা মীওই ১৯০০০ লাক্লি অমসুং করনাতকানা ৮০০০ ওইদুনা তুং ইল্লি। হৌজিক্কী ওইনা অপুনবা পোজিতিব কেস মশিংগী ১১.১২% অসিনা এক্তিব কেসকী মশিং (৮,১২,৩৯০) ওইরি। মসিগী মশিং অসি চয়োল অমদগী লাখ ৯গী মখাদা লৈরক্লি। হৌখিবা পুং ২৪দা লৈবাক অসিদা অনৌবা কনফর্ম ওইবা কেস ৬৭,৭০৮ লাকখি। অনৌবা কেসশিং অসিদগী ৭৭%তি রাজ্য/য়ু.তি. ১০দগীনি। মহারাস্ত্রানা কেস ১০০০০ হেন্দুনা খ্বাইদগী মকোক্তা লৈরি অমসুং করনাতকানা ৯০০০ হেন্না লৈদুনা তুং ইন্নরি। হৌখিবা পুং ২৪দা মীওই ৬৮০ লৈখিদবগী পাউ লাকখি। নুমিৎ ১২নিদগী মশিগী মশিং অসি ১০০০গী মখাদা লৈরক্লি। মসিগী মনুংদগী চাউরাক্না ৮০%দি রাজ্য/য়ু.তি. ১০দগীনি। মসিগী মনুংদগী ২৩% হেনবদি (১৫৮) মহারাস্ত্রাদগীনি।

অকুপ্পা ৱারোলগীদমক:

প্রধান মন্ত্রীনা কোবিদ-১৯ ঙাকথোক্নবা রিসর্স অমসুং ভেক্সিন দিপ্লোইমেন্ত ইকোসিস্তেমগী য়েংশিন মীফমগী ময়াই তাংবল লৌখ্রে

প্রধান মন্ত্রী শ্রী নরেন্দ্র মোদীনা কোবিদ-১৯ লাইচত্তগী ঙাকথোক্নবা তেস্তিং তেক্নোলোজী, কন্তেক্ত ত্রেসিং, হিদাক লাংথক অমসুং থেরাপ্যুতিক্স অসিনচিংবা য়াওনা রিসর্স অমসুং ভেক্সিন দিপ্লোইমেন্ত ইকোসিস্তেমগী য়েংশিন মীফমগী ময়াই তাংবল লৌখ্রে। মীফম অদুদা কেন্দ্রগী হকশেল মন্ত্রী শ্রী হর্শ ভর্ধন; মেম্বর (হেল্থ), নিতি আয়োগ; প্রিন্সিপাল এদভাইজর; সেনিয়র সাইন্তিস্ত; অমসুং অতোপ্পা ওফিসিএলশিং শরুক য়াখি। প্রধান মন্ত্রীনা ভারতকী ভেক্সিন পুথোক্লিবা অমসুং শারিবশিংনা কোবিদ-১৯গা শিংনবা হেনগৎনবগীদমক হোৎনরিবা কয়াবু শিংথাখি অসিগুম্বা কয়া অসিদা সরকারনা মতেং পাংবগী থবক মখা তানা লেপ্তনা চত্থখিনবা লেপ্লি হায়খি। প্রধান মন্ত্রীনা হায়খি মদুদি রিগুলেতরী রিফোর্ম অদু য়াম্না মমাই লোঙবা থৌওং অমনি অমসুং হৌজিক লৈরিবা অমসুং হৌরক্লিবা দোমেনশিংদা হৈ-শিংলবশিংবু রিগুলেতরনা খুমাং চাওশিন্নবা শীজিন্নগদবনি, মরমদি অনৌবা খোঙথাং কয়া অমা হৌরক্লিবনি। প্রধান মন্ত্রীনা হকশেল মন্ত্রালয়না লৌখৎলিবা ভেক্সিন য়েন্থোক্নবা অমসুং য়ৌহন্নবগী মেকানিজমগী মতাংদা য়েংশিনখি। মসিদা মতীক চানা লৈশিন্নবা, অমসুং অপুনবা ওইনা পৈশিন্দুনা থম্নবগী তেক্নোলোজী, য়েন্থোক্নবা অমসুং মতীক চানা য়ৌহন্নবগী ভাইলশিং হানবগী মেকানিজমশিং য়াওরি। প্রধান মন্ত্রীনা ভারত খক্তদা নত্তনা মালেম পুম্বদা মমল ৱাংদবা, ইরাই লায়না ফংবা অমসুং চাং ওনবা য়াবা তেস্তিং, ভেক্সিন অমসুং হিদাক লাংথক পীনবা লেপখিবা ৱারেপ অমুক্কা হন্না নিংশিংখি।

অকুপ্পা ৱারোলগীদমক :

দাঃ হর্শ বর্ধন্না এফ.এস.এস.এ.আই.গী ‘ভিজন ২০২৫০’গী ‘হোল ওফ গবর্নমেন্ত’ থৌওং খুমাং চাউশিলহন্নবা মন্ত্রীশিংগী ওইবা মীফম অমা লুচিংখ্রে

কেন্দ্রগী হকশেল অমসুং য়াইফ য়ুম্বাল মন্ত্রী দাঃ হর্শ বর্ধন্না ঙসি এফ.এস.এস.এ.আই. অমসুং তোঙান তোঙানবা মন্ত্রালয়শিংগা লোয়ননা মন্ত্রীশিংগী ওইবা মীফম অমা পাঙথোক্তুনা ইৎ রাইৎ ইন্দিয়া মুবমেন্তকী ‘ভিজন ২০৫০’গী পান্দম ফংনবা ‘হোল ওফ গবর্নমেন্ত’কী থৌওং অমা শেমগৎনবা খন্নখ্রে। কেন্দ্রগী মন্ত্রীনা চিঞ্জাক্তগী শন্দোকপা লায়নানা ভারত্তা মাঙহল্লিবা শেন্মিৎলোনগী ওইবা শেনফম অসি বিলিয়ন দোল্লর ১৫নি হায়বা খঙদোকখি। নুপী অমসুং অঙাংগী ৫০%না এনেমিয়া নাবগা লোয়ননা ৱেস্তিং (২১%), অন্দরৱেতিং (৩৬%), স্তন্তিং (৩৮%) অসি অঙাংশিংদা য়াম্না তোয়না থোক্লিঙৈ অসিদা নুপাশিংগী মরক্তা কা-হেন্না নোয়বগী চাং অসি দিকেদ (২০০৫-২০০১৫) অসিদা ৯.৩%দগী ১৮.৬%কী চাংদা শরুক অনি থোক্না হেনগৎপা অমসুং নুপীশিংদনা ১২.৬%তগী ২০.৭%তা হেনগৎপগা লোয়ননা এন.সি.দি.না মরম ওইদুনা মী শিবগী চাংসু হেনগৎলি। মতৌ অসুম্না ফুদ সেক্যুরিতীদগী ন্যুত্রিসন সেক্যুরিতীরোমদা লাক্নবা মসিগী মরী লৈনবা মন্ত্রালয়শিং অসিনা অমত্তা ওইনা পুন্দুনা মান্নবা প্লেৎফোর্ম অমদা লাক্তুনা হীরম অসিগী মতাংদা থনক পায়খৎনবা অমত্তা ওইবা পান্দম অমসুং থৌরাং য়াৎপগী থৌওংশিং পাঙথোক্কনি হায়বগী থাজবা থম্মি। দাঃ হর্শ বর্ধন্না কিনিংঙাই ওইরবা স্তেতিস্তিক্স অসিবু য়েংলদুনা অসুম্না হায়খি, “ইৎ রাইৎ ইন্দিয়া অমসুং ফিৎ ইন্দিয়া মুবমেন্ত অসিনা লৈবাক অসিদা অনৌবা ফিভম অমা শোইদনা পুরক্কনি। মসিগী মহৈ অসি ঐখোয় খুদিংনা মথংগী চহি তরাদা উবা ফংগনি।

অকুপ্পা ৱারোলগীদমক:

দাঃ হর্শ বর্ধন্না ‘জন আন্দোলন’ অমসুং কোবিদকা চুনবা লিচৎ-শাজৎশিংগী মতাংদা এ.আই.আই.এম.এস. খুদিংমক্কী অমসুং কেন্দ্র সরকারগী হোস্পিতালশিংগী মকোকশিংগা মীফম ফমখ্রে

কেন্দ্রগী হকশেল অমসুং য়াইফ-য়ুম্বাল মন্ত্রী দাঃ হর্শ বর্ধন্না ঙসি ভিদিও কনফরেন্সিংগী খুত্থাংদা কোবিদকা চুনবা লিচৎ-শাজৎশিং ইনবগী “জন আন্দোলন”গী মখাদা পাঙথোকপা থবক-থৌরমশিং য়েংশিনবগী মীফম অমা মফম অসিদা এ.আই.আই.এম.এস. খুদিংমক্কী অমসুং কেন্দ্র সরকারগী হোস্পিতালশিংগী মকোকশিংগা লোয়ননা ফমখ্রে। লাক্কদৌরিবা থা খরা অসিদা লৈবাক পুম্বনা অপুনবা ওইনা লায়চৎ অসিবু থেংনমিন্নবগী মরু ওইবশিংগী মতাংদা পল্লদুনা দাঃ হর্শ বর্ধন্না হায়খি, “ঐখোয়না কোবিদ-১৯গা লান্থেংনবা অসিগী তরাসুবা থাদা চঙশিল্লক্লি। ঐখোয়না অখঙ-অহৈশিংগা লোয়ননা অহানবা মীফম পাঙথোকখিবা অসি জনুৱারি ৮দনি। মদুদগী হৌনা লাকিবা লম্বী অসি অৱাবনা থল্লি। অদুবু ঙসিদি ঐখোয়না কোবিদকী মায়োক্তা থেংনরিবা লান অসিগী মনুং চন্না ফমুং লাখ ৯০ হেনবা, ক্বারেন্তাইন সেন্তর ১২,০০০ হেনবা অমসুং লেব ১৯০০ হেনবগী ইফ্রাস্ত্রকচর শাবা ঙমখ্রে হায়না চাউথোক্না হায়বা ঙম্লে”। মহাক্না কোবিদকী লান্মী খুদিংমক্না অৱাবা লৈতনা অমসুং নীংহন্নবা লৈতনা হোৎনরিবা থবকশিংগীদমক্তা থাগৎপা ফোঙদোকখি অমসুং অতোপ্পা মীওইশিংগী পুন্সি কন্নবা মশাগী মপুন্সি কত্থোকখ্রবা লান্মীশিংগীদমক্তসু অৱাবা ফোঙদোকখি। থা অসিগী ৮দা হৌদোকখিবা ‘জন আন্দোলন’গী শরুক অমা ওইনা লৈবাক শিনবা থুংবগী মীয়াম্না প্রধান মন্ত্রীনা লাওরিবা খোল্লাও অসিগী মতুং ইনবীয়ু হায়রদুনা কেন্দ্রগী হকশেল মন্ত্রীনা মীয়ামদা কোবিদকা চুনবা লিচৎ-শাজৎশিং ইন্দুনা চৎপীয়ু হায়খি। মহাক্না হায়খি, “ ভাইরস অসিনা মালেম শিনবা থুংববু শাথীনা শোকহল্লে। অদুবু চেকশিনবগী ইচম চম্বা থৌওংশিং খরনা কোরোনা ভাইরস অসিবু লাকশিনবদসু য়াম্না মতেং পাংলি। মীয়াম তিনবা মফমদা মাস্ক উপ্পা, খুৎশা অমসুং নিংশা হোনবগী চৎনবী ইনবা অসিনা সোসিএল বেক্সিনগী মরু ওইবা মগুনশিংনি”।

অকুপ্পা ৱারোলগীদমক :

কোবিদ-১৯ অসিগী মাইয়োক্তা অয়ুশ সেক্তরনা জন অন্দোলনদা হেন্না মপাঙ্গল লৈনবা হোৎনখ্রে, ২০০০রোম্না কোবিদ-১৯ প্লেদজ অসি লৌখ্রে

অয়ুশ মন্ত্রালয়না কোবিদ-১৯ অসিগী মতাংদা জন অন্দোলন কেমপেন্দ লোঞ্চ তৌখ্রে৷ মসিগী অন্দোলন অসি লাক্কদৌরিবা হরাউ কুহ্মৈশিং অমসুং নিংথম থা অসিগী য়েংলগা কোবিদকা চান্নবা শাজৎশিং অদু লৈবাক অসিদা লৈরিবা অতোপ্পা মীওইশিংনা পাংথোক্নবা অমসুং হেন্না পুক্নিং থৌগৎপা ওইনা থা অসিগী তাং ৮দা ত্বিতরগী খুৎথাংদা ইকাই খুম্নরবা প্রধান মন্ত্রীনা লোঞ্চ লৌখিবা “কোবিদ-১৯দা পব্লিক হেল্থ রেস্পোন্স- কোবিদকী কেমপেন্দ- চান্নবা শাজৎশিং” অসিগী মরমদা ওই৷ অয়ুশ প্রোফেস্নেলশিংনা পব্লিক্কা য়াম্না কুপ্না থবক তৌই মরম অদুনা সেক্তর অসিনা হায়রিবা কেমপেন্দ অসিদা হেন্না ফনা লৈনবা হোৎনরি৷ জন অন্দোলন কেমপেন্দ অসি প্রজা মীয়াম শরুক য়াদুনা পাংথোক্কনি৷ লৈবাক অসি শিনবা থুংনা মরী লৈনবা ই-পাউ অসি শন্দোক্নবগীদমক অয়ুশ সেক্তরদা লৈরিবা প্রেক্তিস্নরশিং অমসুং অতোপ্পা অয়ুশ প্রোফেস্নেলশিংনা কেতিলিস্ত অমা ওইনা মথৌ তৌরগনি৷ কেমপেন্দ অসিনা “চেকশিন থৌরাংগা লোইননা এনলোক” অসিদা মরু ওইনা পাংথোকই৷ সেক্তর অসি শিনবা থুংনা খঙহল্লিবা য়াম্না মরু ওইবা মেসেজ অহুম অদুদি-“মাক্স শিজিন্নবা, ফিজিকেল দিস্তেন্সিং মতুং ইনবা অমসুং খুৎ-শা শেংনা হামদোকপা” অসিনা ওই৷ কেমপেন্দ অসি মাই পাকপা অমা ওইন্নবগীদমক মন্ত্রালয় অসিদা এতেচ তৌরিবশিং অমসুং সবওর্দিনেত ওফিসশিং অমসুং পি.এস.য়ু.শিংগা প্রাইভেৎ সেক্তর ইন্দস্ত্রী অমসুং একাদেমিয়াশিংগা পুন্না খুৎশম্নদুনা পার্তনরশিপ শেম্লি৷ অয়ুশ মন্ত্রালয়গী মখাদা লৈরিবা নেস্নেল অয়ুশ মিসননা সপোর্ত তৌরিবা রাজ্যশিং অমসুং য়ু.তি.শিংদা লৈরিবা অয়ুশ দাইরেক্তোরেৎশিং অমসুং অয়ুশ দিস্পেন্সরিসশিং অসি য়াম্না মরু ওইবা স্তেকহোল্দরশিং ওইরি অমসুং ইন্সতেন্ত বিহেভিয়র চেঞ্জ কম্মুনিকেসন অসি শন্দোকপা মতমদা মন্ত্রালয় অসিগী য়াম্না অচৌবা নেতৱর্ক অমা ওইরগনি৷ হায়রিবা মেসেজশিং অসি শিজিন্নদুনা রাজ্যশিং/য়ু.তি.শিংগী হেল্থ সেক্রেতরীশিংনা কেমপেন্দশিং অসি হৌদোকলগনি৷

অকুপ্পা ৱারোলগীদমক :

‘কোবিদ-১৯গীদমক্তা অয়ুর্বেদ’ অসিনা ৫শুবা অয়ুর্বেদ নুমিৎকী মপুং ওইবা হীরম ওইরগনি

হন্দক্কী চহিগী ‘অয়ুর্বেদগী নুমিৎ’ পালন তৌবগী থৌরম অসিদা কোবিদ-১৯গী লায়চৎ শেন্নবদা অয়ুর্বেদনা লৌবা য়াবা থৌদাং অসিদা অহেনবা মিৎয়েং চঙগনি। ইং ২০১৬তগী হৌনা অয়ুর্বেদ নুমিৎ অসি ধনৱন্ত্রী জয়ন্তিগী নুমিৎ অসিদা চহি খুদিংগী পাঙথোক্তুনা লাক্লি। হন্দক্কী চহিগী ওইনা নুমিৎ অসি নবেম্বর ১৩, ২০২০দা পাঙথোক্লগনি। অয়ুর্বেদ নুমিৎ পাঙথোকপগী পান্দম অসি অয়ুর্বেদগী মপাঙ্গল অমসুং মসিগী তোপ তোপ্পা লায়েংবগী ৱাখল্লোনশিং, লায়না অমসুং মসিগা মরী লৈনদুনা শিবগী পোৎলুম্বু অয়ুর্বেদগী মতিক শিজিন্নদুনা হন্থহন্নবা হোৎনবা, অয়ুর্বেদগী মতিক শিজিন্নদুনা লৈবাক্কী হকশেলগী পোলিসীশিং অমসুং লৈবাক্কী হকশেলগী প্রোগ্রামশিংদা তেংবাংবা অমসুং অয়ুর্বেদগী লায়েংবগী থৌওংবু খুন্নাইদা খুমাং চাউশিলহনবদা মিৎয়েং চঙবনি। মতৌ অসুম্না অয়ুর্বেদগী নুমিৎ অসি হরাও-কুমহৈ ওইনা পাঙথোকপদগী হেন্দোক্তুনা অসি থবক অমসুং খুন্নাইদা অমুক্কা হন্না থৱাই চঙবগী থৌওং উৎপগী মওংদনা হেন্না মিৎয়েং চঙই।

অকুপ্পা ৱারোলগীদমক:

ভারত জেনেরিক মেদিসিন খ্বাইদগী য়াম্না পুথোকপা অমসুং মালেম শীনবা থুংনা মপান্দা থাদোকপা লৈবাক অমনি: শ্রী দি.ভি. সাদানন্দা গৌরা

কেমিকেলস অমসুং ফর্তিলাইজরসকী য়ুনিয়ন মিনিস্তর শ্রী দি.ভি সাদানন্দা গৌরানা হায়খি ভারত জেনেরিক মেদিসিন খ্বাইদগী য়াম্না পুথোকপা অমসুং মালেম শীনবা থুংনা মপান্দা থাদোকপা লৈবাক অমনি। অহানবা হৌরকপদা, কোবিদ-১৯ লায়েংনবা চৎন-কাংলোনশিংগী মখাদা ঐচ.সি.ক্বিউ অমসুং এজিথ্রোমাইসিন শীজিন্নখি। হায়রিবা হিদাক-লাংথকশিং অসি ভারতনা মালেমগী লৈবাক ১২০ হেনবদা ফংহনখি অমসুং হিদাকশিং অসি ফংহনবগীদমক ভারতকী মিংচৎ ফংখি। এফ.আই.সি.সি.আইনা শীন্দুনা ঙরাং পাংথোকখিবা লিদস ২০২০ মনুংদা ‘রিইমাজিনিং দিসতেন্সেস’তা লেতিন অমেরিকা অমসুং করিব্বিয়ান ভর্চুএল সেসন্দা ৱা ঙাংবদা শ্রী গৌরানা হায়খি ২০২৪ ফাওবদা ভারতকী হিদাক-লাংথোক শুংবগী থবক দোল্লর বিল্লিয়ন ৬৫ য়ৌবা ঙমগনি।

অকুপ্পা ৱারোলগীদমক:

শেনথুম মন্ত্রী শ্রী নির্মলা সিতরমন্না জি.২০ শেনথুম মন্ত্রীশিং অমসুং সেন্ত্রেল বেঙ্ক গভর্নরশিংগী মীফম ভিদিও কন্ফরেন্সিংগী খুত্থাঙদা শরুক য়াখ্রে

শেনথুম অমসুং কোর্পোরেত এফ্যার্সকী কেন্দ্র মন্ত্রী শ্রীমতি নির্মলা সিতরমন সাউদি অরাবিয়ন প্রেসিদেন্সীগী মখাদা পাঙথোকপা জি.২০ শেনথুম মন্ত্রীশিং অমসুং সেন্ত্রেল বেঙ্ক গভর্নরশিংগী মীফম ঙরাং মফমসিদা ভিদিও কন্ফরেন্সিংগী খুত্থাঙদা শরুক য়াখ্রে‍। জি.২০ লৈবাকশিংগী মন্ত্রীশিং অমসুং গভর্নরশিংনা হৌজিক ওইরিবা মালেমগী লাইচৎকী ফীভম অমসুং কোবিদ-১৯ লাইচৎ অসিদা জি.২০গী থৌওংশিং লোয়ননা অতৈ ইং ২০২০গী জি.২০ ফাইনান্স ত্রেক প্রাইওরিতীশিং খন্ননবগীদমক পুনখিবনি‍। অহানবা সেসনদা, শেনথুম মন্ত্রীনা এপ্রিল ১৫, ২০২০দা জি.২০ শেনথুম মন্ত্রীশিং অমসুং সেন্ত্রেল বেঙ্ক গভর্নরশিংনা শৌগৎখিবা কোবিদ-১৯ লাইচৎকা মরী লৈননবা জি.২০ এক্সন প্লানগী ওইরিবা ফীভমশিংগী মতাঙদা ৱা ঙাঙখি‍। জি.২০ এক্সন প্লানদা নৌনা শেমদোক্লিবা খোঙফমশিং অসি কোবিদ-১৯গা মরী লৈনবা থৌশিল অমা ওইনা মথৌ নীংথিনা তৌহন্দুনা থম্নবগী এক্সন পোইন্তশিংগীদমক হৌজিক লৈরিবা পোলিসীগী ফীভমসিগা চুননা থমবা মথৌ তাই হায়না শ্রীমতি সিতরমন্না ফোঙদোকখি‍। জি.২০ এক্সন প্লান কম্মিতমেন্তশিংদা অনৌবা ৱাফম হাপচিল্লকপগী নুংগী ওইবা চৎন-পথাপশিং শন্দোক্না তাক্লদুনা, শ্রীমতি সিতরমন্না রিকভরী থৌরাংদা হকশেল অমসুং শেন্মিৎলোনগী পান্দমশিং মপা চাননা থম্বগী মথৌ তাবা ৱাফম থমখি‍। মখা তারদুনা শেনথুম মন্ত্রীনা মেম্বর লৈবাকশিংগী মরক্তা পোলিসী রেসপোন্সতা তোঙান তোঙানবা মওং মতৌশিং খন্নবগী মথৌ তাবা, দোমেস্তিক পোলিসীগী থৌওংদগী মালেমদা হেন্দোরকপা অমদি মালেমগী রিগুলেতরী রেজিমদা মরুওইনা ক্রেদিত রেতিং হন্থহরকপগী মতাঙদা অকা অকুম নাইবগী মতাঙদা অহোংবা পুরকপগী তঙাই ফদবশিংগী মতাঙদা ৱা ঙাঙখি‍।

অকুপ্পা ৱারোলগীদমক :

ভারতকী রাস্ত্রপতি অমসুং তুর্কমেনিস্তানগী রাস্ত্রপতিগী মরক্তা তেলিফোন্দা ৱারী শাবা

ভারতকী রাস্ত্রপতি শ্রী রাম নাথ কোবিন্দনা ঙসি (ওক্তোবর ১৫, ২০২০)দা তুর্কমেনিস্তানগী রাস্ত্রপতি হিস এক্সেলেন্সী শ্রী গুর্বঙ্গুলি বেরদিমুহামেদোবতগী তেলিফোন অমা ওকখি। লুচিংবশিং অসিনা লৈবাক অনিসিগী মরক্তা লৈনরিবা পুৱারী অমসুং চাউখৎপগী মরীশিংদা য়ুম্ফম ওইরিবা নুংশি-চান্নবগী মরী অসিবু শক-খঙবা উৎনখি। লৈবাক অনি অসিনা তোঙান তোঙানবা হীরমশিংদা লেপ্পা লৈতনা খুৎশম্নদুনা চৎমিন্নরিবা অসিদা অপেনবসু ফোঙদোক্নখি। লিচিংবশিং অসিনা লল্লোন-ইতিক তৌবা অমসুং শেন্মিৎলোনগী হীরমশিংদা লৈরিবা কান্নগদবা খুদোংচাবশিংগী মতাংদা য়ানবা পুরকখি অমসুং ভারত অমসুং তুর্কমেন কম্পেনীশিংগী মরক্তা মাই-পাক্না চত্থমিন্নরিবা খুৎশম্নবগী থৌওংশিংগী, মরু ওইনা ফার্মাস্যুতিকেল সেক্তরশিংদা, মতাংদসু ৱারী শাখি।

অকুপ্পা ৱারোলগীদমক :

পেরা-অর্চর অনকিৎ কোবিদ পোজিতিপ ওইরে, সাই ওথোরিতিশিংনা সোনেপৎকী হোস্পিতালদা থমখ্রে

সাই এন.সি.আর সোনেপৎতা চৎথরিবা নেস্নেল কেম্প শরুক য়ারিবা পেরা-অর্চর অনকিৎ কোবিদ-১৯ পোজিতিপ ওইরে। ফজনা লায়েংনবা অমসুং মহাক্কী হকচাংগী ফিবমশিং য়েংশিন্নবা মহাক য়ুমশকৈশাদা সোনেপৎতা লৈবা ভাগৱান দাস হোস্পিতালদা হোংজিনখ্রে। ওক্তোবর ৫দগী পেরা-অর্চরি কেম্প হৌদোকখিবনি অমসুং মখোয়গী কোবিদ আর.তি-পি.সি.আর তেস্ত নেগেতিপ ওইবগী রিপোর্তশিং পীশিল্লবা মতুংদা অর্চর নিপাল য়াওনা শান্নরোয় খুদিংমক কেম্প শরুক য়াখিবনি। কেম্পকী এস.ও.পিশিং মতুংইন্না, অমুক হন্না চাংয়েং তৌনবা ওক্তোবর ১২দা শান্নরোয়শিংগী সেম্পলশিং লৌবদা অনকিৎ পোজিতিপ ওইরম্বনি। মহাক হোস্পিতালদা পুদ্রিঙৈ মমাংদা সাই এন.সি.আর সোনেপৎতা লৈবা মেদিকেল সেন্তরদা আইসোলেসন ৱার্দ শেমদুনা খুদক্ত হোংজিনখি।

অকুপ্পা ৱারোলগীদমক :

পি.আই.বি. ফিল্দ ওফিসশিংদগী ফংবা পাউ

•           মহারাস্ত্র: মখোয়গী ‘মিশন বিগিন অগেন’গী শরুক অমা ওইনা, মহারাস্ত্র সরকারনা ঙসি লাইব্ররীশিং, রিসর্চ অমসুং লেবকী থবক মথৌ তাবা হায়র এজুকেশন ইন্সতিত্যুশনশিং, মেত্রো রেল সার্বিসশিং, বিজনেস একঝিবিশনশিং অমসুং চয়োলগী ওইবা মার্কেতশিং অমুক হন্না হাংদোকপগী অয়াবা পীখ্রে। রাজ্য সরকারনা থোকপা ওর্দর অমদা হায়রিবা থবক-থৌরম পুম্নমক অসি কন্তেনমেন্ত জোনশিংগী মপান্দা লৈবা মফম পুম্নমক্তা শগোলশেল নুমিত্তগী অমুক হন্না হাংদোকপা য়ারগনি।

•          গুজরাত: গুজরাত হাই কোর্তনা মপুং ফানা পুল্লপ সেনিতাইজেশন তৌনবগীদমক্তা ওক্তোবর ১৬তগী ওক্তোবর ১৯ ফাওবা কোবিদ-১৯ লাইচৎ অসিগী মনুংদা অনিরক শুবা ওইনা মখোয়গী প্রেমাইসেস অদু লোল্লগনি। রাজ্য অসিগী পোজিতিব ওইখিবশিংগী মশিংদগী দিসচার্জ তৌখিবা পেসেন্তশিংগী মশিংনা লেপ্তনা হেনগৎলকপনা মরম ওইরগা য়ুমশকৈশা নুমিত্তা অপুনবা কোবিদ-১৯গী কেস অদু লাখ ১.৫৫ হেনখ্রে।

•          রাজস্থান: রাজস্থানগী চীফ মিনিস্তর, অশোক গেহলোতনা নন-গোভর্নমেন্ত ওর্গনাইজেশনশিংগী মতেংগা লোইননা কোবিদ-১৯ ৱেলফেয়র প্রোগ্রামশিংগী সোসিয়েল ওদিত অমা তৌনবা ৱারেপ লৌখ্রে, হায়রিবা অসি লৈবাক অসিগী অহানবনি। লাইচৎ অসিগী মনুংদা, মরু ওইনা লোকদাউন মনুংদা,রাজস্থান সরকারনা ইন্সতোলমেন্ত ওইনা অহুম থোক্না থিবা, নোংমগী তঙাইফদনা চংবা অদু মেনখৎনবা অমুক্কী ওইবা শেলগী মতেং, খুদম  ওইনা লুপা ৩,৫০০; কনা লৈজদ্রবা লাইরবশিংদা লেম্না রেশন পীবা অমসুং অতোপ্পা পাম্বৈশিংগী মনুংদা সোসিয়েল সেক্যুরিতী পেন্সনগী ওইবা স্কীমশিং খুত্থাংদা কনা লৈজদ্রবা লাইরবশিংগী মতেং পাংনবা অনৌনা খোংথাং অসি পাইখৎখি।

•          মথ্য প্রদেশ: মধ্য প্রদেশতা, তাজ্য অসিগী লাইরেম্বী দুর্গাগী লাইশং পুম্নমক নৱরাত্র মনুংদা হাংদুনা লৈগনি অমসুং দিভোতীশিংনা লাইশংশিং অসিবু য়াম্না নুংঙাইনা অমসুং কোম্না চৎপা য়াগনি। কোরোনা ইনফেক্সন অসি য়েংলগা, রাজ্য মুখ্য মন্ত্রী, শিবরাই সিং চাউহন্না রাজ্য অসিগী মীয়ামদা য়রিবমখৈদি পুজা অদু য়ুমদা পাংথোক্নবা অমসুং লাইশংশিংদা মীয়াম তিনবা মফমশিংদা পুন্দনবা আপীল তৌরকখ্রে

•          অসাম: হৌখিবা পুং ২৪দা অসামদা কোবিদ-১৯ তেস্ত ১৩৯,৮৬৮ পাংথোকখি অমসুং মসিগী মনুংদা কেস ১৪২৭ পোজিতিব ওইবা থেংনখি। রাজ্য অসিদা কোবিদ-১৯গী অপুনবা মশিং অদু ১৯৮২১৩ য়ৌখ্রে।

•          মেঘালয়া: রাজ্য অসিদা ঙসি কোরোনাভাইরসতগী মীওই ১৭৬ ফখ্রে। ঙসিগী ওইনা মেঘালয়াদা এক্তিব কেসশিংগী মশিং অদু ২৩৩৯ য়ৌখ্রে। মখোয় অসিগী মনুংদা ১২২দি বি.এস.এফ. অমসুং আর্মদ ফোর্সশিংদগীনি।

•          কেরলা: মুখ্য মন্ত্রী, পিনারায়ি ৱিজয়ন্না থিরুৱনন্থপুরমদা ঙসি ইন্সতিত্যুত ওফ এদভান্সদ ভাইরোলোজী শঙ্গাখ্রে। ইন্সতিত্যুত অসিনা ভাইরস কয়া অমা, ভাইরেল ইনফেক্সনশিংগী মতাংদা রিসর্চ তৌগনি অমসুং মখোয়গী ক্লিনিকেল অসপেক্তশিং অদু রিভ্যু তৌগনি। মরক অসিদা কেরলাদা ঙরাং কোবিদ-১৯গী অনৌবা কেস ৬,২৪৪ থেংনখি। হৌজিক পেসেন্ত ৯৩,৮৩৭ লাইয়েংদুনা লৈরি অমসুং মীওই লাখ ২.৭৮না ওবজার্ভেশন তৌদুনা লৈরি। হৌজিক্কী ওইনা শিখিবশিংগী মশিং অসি ১০৬৬নি।

•          তামিল নাদু: তামিল নাদুনা কোবিদ কেসশিংদা লেপ্তনা হাইথরকপা থেংনখি; য়ুমশকৈশা নুমিত্তা কোবিদ-১৯গীদমক্তা মীওই ৪,৪৬২ পোজিতিব ওইখিবগা লোইননা রাজ্য অসিদা থংনা-থংননা নুমিৎ হুম্নি শুবা ওইনা অনৌবা ইনফেক্সনশিং অদু খরা মখৈদি হন্থরকপা থেংনখি। অমরোমদনা মীওই ৫,০৮৩ দিসচার্জ তৌখ্রে, অদুগা মীওই ৫২ অমুক শিখিবগী পাউ লৈখি। “কোবিদ-১৯গী চিন্দুনা লৈবা হোসপিতালশিংনা কেসশিং অদুগী মতুং ইন্না চুনবা মওংদা লাইয়েংলমদবা য়াই নত্রগা কেসশিংগী মশিং অদু হন্থরম্বা য়াই” হায়না সেনিয়র জি.সি.সি. ওফিসিয়েলনা হায়খি।

•          কর্নাতকা: কর্নাতকা বাইপোলশিংগীদমক্তা কেন্দিদেতশিং অদু নুমিৎ নিনিগী মনুংদা কোবিদ তেস্ত অমুরক তৌখি। রাজ্য সরকারনা য়ুমশকৈশা নুমিত্তা লাইচৎ অসি য়েংলগা হন্দক্কী দসারা অমসুং দীপাৱলি কুম্হৈগী সীজন অসিদা চৎকদবা গাইদলাইনশিং কয়া অমা থাদোকখ্রে: নোবেম্বর ১দগী ১৭ ফাওবা বোমব্লা য়োনবা; দসারাগীদমক্তা মী য়াম্না তিন্দবা। কর্নাতকাগী দোক্তরশিংনা কো-ইনফেক্সন লৈবা – অতোপ্পা লাইনাগা লোইনা-লোইননা কোবিদ-১৯ পেসেন্তশিং থেংনখি, মসিনা অনিশুবা অদু খঙদোকপদা লুহল্লি অমসুং কন্দিশন অনিমক্কী লাইয়েংনবা হোৎনবদা য়াম্না অরুবা অমা ওইহল্লি।

•          অন্ধ্র প্রদেশ: সেন্তরনা অনলোক ৫.০গী মখাদা ঙসিদগী হাফ কেপাসিতীদা অমুক হন্না হাংদোকপগী অয়াবা পীরবসু, অন্ধ্র প্রদেশতা সিনেমা হোলশিং অমসুং মল্তিপ্লেক্স স্ক্রীনশিং অদুমক লোন্দুনা লৈখি। অদুগীসু মথক্তা, অতোপ্পা চাদিংশিংগা লোইননা ইনফোর্মেশন অমসুং ব্রোদকাস্তিং মিনিস্ত্রীনা থোকপা এস.ও.পি.শিংগী মতুং ইন্না কোবিদ-১৯ রুলশিং চৎনহন্নবগীদমক্তা থিয়েতর খুদিংমক্না য়ামদ্রবদা লুপা লাখ ৪ চাদিং তৌগনি। মরক অসিদা তি.তি.দি. চেয়রমেন, ৱাই.ভি. সুব্বা রেদ্দীবু করোনাগীদমক্তা দাইগ্নোস তৌখ্রে। 

•          তেলঙ্গানা: হৌখিবা পুং ২৪দা অনৌবা কেস ১৪৩২ থেংনখি, ১৯৪৯ ফগৎখি অমসুং ৮ নিপাল শিখিবগী পাউ লৈখি; ১৪৩২ কেসকী মনুংদা জি.ঐচ.এম.সি.দগী কেস ২৪৪ থেংনখি। অপুনবা কেসশিং: ২,১৭,৬৭০; এক্তিব কেসশিং: ২৩,২০৩; শিখিবশিং: ১২৪৯; দিসচার্জ তৌখিবশিং: ১,৯৩,২১৮ ওইখি। কোবিদ-১৯গী মায়োক্তা লান্থেংননবা সরকারনা হোৎনরিবশিং অদু মতেং পাংবা ওইনা অপোলো হোসপিতালশিংনা শগোলশেল নুমিত্তা হায়খি মদুদি নোংমগী ওইবা মওংদা নুমিৎ খুদিংগী কোবিদ-১৯ ভেক্সিন লাখ ১০ কাপথোক্নবা শেম-শাদুনা লৈরে। কেন্দ্র সরকারনা ভেক্সিন অসি ফংহনবা মতমদা, অপোলো হোসপিতালশিংনা কোল্দ চেন ফেসিলিতীশিং য়াওবা মেদিসিন সপ্লাই হব ১৯গী য়াম্না চাউরবা পান-ইন্দিয়া ৱেব  অসি শিজিন্নগনি অমসুং মখোয়গী হোসপিতাল ৭০, ক্লিনিক ৪০০, কোর্পোরেত হেল্থ সেন্তর ৫০০ অমসুং ফার্মশি ৪,০০০ ময়া নকপা অসিগা লোইননা মখোয়গী দিজিতেল প্লেতফোর্মনা ভেক্সিন অসি কাপ্লগনি।

ফেক্ত চেক

*****