दिल्ली-मुंबई, 28 सप्टेंबर 2020

(कोविड-19 संबंधी पत्र सूचना कार्यालयाद्वारे जारी बातम्‍या आणि सत्‍यता पडताळणी बातम्‍या समाविष्‍ट)

पंतप्रधान नरेंद्र मोदी उत्तराखंड येथे नमामी गंगे योजनेअंतर्गत सहा मेगा प्रकल्पांचे 29 सप्टेंबर रोजी सकाळी 11 वाजता व्हिडीओ कॉन्फरन्सच्या माध्यमातून उद्घाटन करणार आहेत.

आरोग्य मंत्रालयाची कोविड-19 घडामोडींवरील माहिती :

• भारतातील कोरोनामुक्तांच्या एकूण संख्येने ओलांडला 50 लाखांचा महत्त्वपूर्ण टप्पा-भारतातील कोरोनामुक्त व्यक्तींच्या संख्येने आज 50 लाखांचा महत्त्वाचा टप्पा पार केला (50,16,520). कोविडमधून बरे होणाऱ्या रुग्णांची रोजची संख्या मोठी असल्याने, कोरोनामुक्त व्यक्तींची दररोज मोठ्या संख्येने नोंद करण्याचा भारताचा शिरस्ता कायम आहे. देशात गेल्या चोवीस तासांत 74,893 रुग्ण कोरोनातून बरे झाले असल्याची नोंद करण्यात आली आहे. गेल्या काही दिवसांत कोरोनामुक्तीचे प्रमाण अतिशय उच्च असून, एका दिवसात 90,000 पेक्षा अधिक रुग्ण बरे झाल्याची कामगिरीही भारताने नोंदविली आहे.
• आयसीएमआरच्या हिस्ट्री टाईमलाईनचे डॉ हर्ष वर्धन यांच्या हस्ते अनावरण- लस पोर्टल आणि कोविड क्लिनिकल रजिस्ट्रीचेही डॉ हर्ष वर्धन यांनी उद्घाटन केले. लस विकसित करण्या संदर्भातल्या स्थितीच्या पारदर्शी माहितीच्या महत्वावर भर देताना, हे पोर्टल लस विकसित करण्यासंदर्भात, सध्या सुरु असलेल्या वैद्यकीय चाचण्या आणि देशात तसेच जागतिक स्तरावर यासंदर्भातली प्रगती याबाबत उपयुक्त आणि महत्वाची माहिती पुरवेल असे त्यांनी सांगितले. कोविड काळात लस विकसित होण्यासंदर्भातल्या घडामोडीवर बारकाईने लक्ष ठेवण्यात येत आहे. अशा परिस्थितीत  देशातल्या लस विकसित करण्याबाबतच्या स्थितीची माहिती दर्शवणे महत्वाचे ठरले आहे
• आरोग्य मंत्रालयाच्या ई-संजीवनी टेलिमेडिसीन सेवेने महत्त्वाचा टप्पा ओलांडला:- ई-संजीवनी या बाह्यरुग्ण मंचाने चार लाख टेलिमार्गदर्शन सत्रांचा टप्पा ओलांडला आहे. यामध्ये तमिळनाडू आणि उत्तर प्रदेश आघाडीवर असून या राज्यांमध्ये अनुक्रमे 1,33,167 आणि 1,00,124 मार्गदर्शन सत्रांची नोंद झाली आहे. त्याखालोखाल हिमाचल प्रदेश (36,527), केरळ (33,340), आंध्र प्रदेश (31,034), उत्तराखंड (11,526), गुजरात (8914), मध्य प्रदेश (8904), कर्नाटक (7684) आणि महाराष्ट्र (7103) या राज्यांनी या सेवेचा लाभ घेतला आहे.
• संडे संवाद-3 अंतर्गत डॉ. हर्षवर्धन यांचा समाज माध्यम सदस्यांशी संवाद:- आयसीएमआरच्या सेरो सर्वेक्षणाच्या अहवालाने देशातील जनतेमध्ये आत्मसमाधानाची भावना निर्माण होता कामा नये, असा इशारा त्यांनी दिला. मे 2020 मधील पहिल्या सेरो सर्वेक्षणाच्या निष्कर्षानुसार देशात कोरोना विषाणू संसर्गाचे प्रमाण केवळ 0.73 टक्के होते. लवकरच प्रसिद्ध होणाऱ्या दुसऱ्या सेरो सर्वेक्षणामध्ये असे सूचित करण्यात आले आहे की आपण कोणत्याही प्रकारच्या हर्ड इम्युनिटीपासून ( समूहामध्ये निर्माण झालेली रोगप्रतिकारक्षमता) खूपच दूर आहोत आणि त्यामुळेच आपल्यापैकी प्रत्येकाने कोविड प्रतिबंधक नियमांचे पालन करणे सुरूच ठेवले पाहिजे, याकडे डॉ हर्ष वर्धन यांनी लक्ष वेधले.

इतर अपडेट्स:

• 2020-21 च्या खरीप विपणन हंगामासाठी तामिळनाडू, कर्नाटक, महाराष्ट्र, तेलंगण आणि हरियाणा या राज्यांसाठी 13.77 लाख मेट्रिक टन डाळी आणि तेलबियांच्या खरेदीला मंजुरी:-राज्यांकडून आलेल्या प्रस्तावानुसार, 2020-21 च्या खरीप विपणन हंगामासाठी तामिळनाडू, कर्नाटक, महाराष्ट्र, तेलंगण आणि हरियाणा या राज्यांसाठी 13.77 लाख मेट्रिक टन डाळी आणि तेलबियांच्या खरेदीला मंजुरी देण्यात आली आहे.

• संरक्षण खरेदी प्रक्रिया- 2020 चे संरक्षण मंत्र्यांच्या हस्ते अनावरण:- संरक्षण मंत्री राजनाथ सिंह यांनी आज नवी दिल्लीत संरक्षण खरेदी प्रक्रिया ( डीएपी) - 2020 चे अनावरण केले. पहिली संरक्षण खरेदी प्रक्रिया 2002 मध्ये जारी करण्यात आली होती.1 ऑक्टोबर 2020 पासून डीएपी 2020 लागू होणार आहे.

• कामगार संहितांबद्दलची भीती निराधार असल्याचे केंद्रीय श्रम मंत्रालयाकडून स्पष्ट- बंद करण्यापूर्वी नोटीस, सेवेच्या पूर्ण केलेल्या प्रत्येक वर्षाला पंधरा दिवसांचे वेतन या दरानुसार भरपाई, आणि नोटीशीच्या मुदतीसाठीचे वेतन- अशा अधिकारांमध्ये कोणत्याही प्रकारे कपात करण्यात आलेली नाही. तसेच, नव्याने तयार केलेल्या पुनर्कौशल्यनिर्माण निधीमधून अतिरिक्त 15 दिवसांचे वेतन/ आर्थिक लाभ देण्याची तरतूद IR संहितेत करण्यात आली आहे.

• महाराष्ट्राला चार वर्षांपूर्वी एपीएमसी कायद्याच्या परिघातून मुक्त करण्यात आले, त्याचे चांगले परिणाम दिसत आहेत: पंतप्रधान या बदलामुळे महाराष्ट्रातील फळे आणि भाज्या उत्पादक शेतकऱ्यांच्या परिस्थितीत बदल झाला आहे याचे उदाहरण देण्यासाठी त्यांनी श्री स्वामी समर्थ फार्मर्स प्रोड्यूसर कंपनी लिमिटेड चे उदाहरण दिले हा मुंबई-पुण्यामधील शेतकऱ्यांनी स्वतः भरवलेला आठवडी बाजार आहे यामध्ये सुमारे 70 गावातील साडेचार हजार शेतकरी अडते किंवा दलाल यांच्याविना स्वतः जाऊन आपले उत्पादन विकतात.

• द्रव वैद्यकीय ऑक्सिजन आणि वैद्यकीय ऑक्सिजन सिलिंडरची किंमत कमी करण्यासाठी एनपीपीएची योजना:- राज्यस्तरावरील वाहतुकीच्या किंमती निश्चित करण्यासाठी, सहा महिन्यांसाठी उत्पादकांना द्रव वैद्यकीय ऑक्सिजनची फॅक्टरी किंमत रोखण्यासाठी रुपये 15.22 / घनमीटर जीएसटी वगळता, आणि वैद्यकीय ऑक्सिजनची एक्स फॅक्टरी किंमत पूर्ण करण्यासाठी रुपये 25.71/ घनमीटर जीएसटी वगळता विद्यमान मर्यादा किंमत रुपये 17.49 / घनमीटर राहील.

• H-CNG च्या वापराला परवानगी देणारी अधिसूचना जारी:- वाहतुकीसाठी पर्यायी स्वच्छ इंधनाचा वापर करण्याच्या दिशेने महत्त्वाचे पाऊल टाकत, रस्ते वाहतूक आणि महामार्ग मंत्रालयाने CNG च्या इंजिनांमध्ये H-CNG (हायड्रोजनचे 18% मिश्रण) च्या वापरास परवानगी दिली आहे. 'वाहतुकीसाठी स्वच्छ इंधने' या उपक्रमांतर्गत मंत्रालयाने आजवर विविध पर्यायी इंधने अधिसूचित केली आहेत.

महाराष्ट्र अपडेट्स :

मुख्यमंत्री उद्धव ठाकरे यांनी मराठवाडा आणि नाशिक विभागातील कोविड संबंधित उपाययोजनांचा व्हिडीओ कॉन्फरन्सच्या माध्यमातून आढावा घेतला. सौम्य लक्षणे रुग्णांना घरी थांबवण्याची परवानगी दिली आहे, मात्र योग्य त्या खबरदारीच्या उपाययोजनांशिवाय ते बाहेर पडून इतरांना संक्रमण होईल याविषयी मुख्यमंत्र्यांनी चिंता व्यक्त केली. दरम्यान, बृहन्मुंबई महानगपालिकेने आयसीएमआरने पुरवठा बंद केल्यानंतर आरटी-पीसीआर कीटस खरेदी करण्याची प्रक्रिया सुरु केली आहे. सध्या बीएमसीकडे असलेला साठा ऑक्टोबर अखेरपर्यंत संपुष्टात येईल. महाराष्ट्रात 2.73 लाख सक्रीय रुग्ण आहेत. 

MC/ST/PM

सोशल मिडियावर आम्हाला फॉलो करा@PIBMumbai    /PIBMumbai    /pibmumbai  pibmumbai[at]gmail[dot]com