(মসিদা হৌখিবা পুং ২৪ দা থোকখিবা কোবিদ -১৯গা মরী লৈনবা চেফোংশিং, ফিল্দ ওফিসশিংদগী ফংবা পাউশিং, অমসুং পি.আই.বি.না লৌখৎপা ফেক্ত চেকশিং য়াওরি )

• ভারতকী অপুনবা নাবা ফরবা মশিং ঙসি লাখ ৫০ হেল্লে (৫০,১৬,৫২০), লৈবাক অসিদা হৌখিবা পুং ২৪দা ৭৪,৮৯৩ নাবা ফখিবগী রেজিস্তার তৌখি
• ভারতনা হৌখিবা নুমিৎ খরনি অসিদা নুমিৎ খুদিংগী মীওই ৯০,০০০ হেন্না নাবা ফবগী ফিভম উবা ফঙখি
• নেস্নেল রিকোবরী রেৎ মখা তানা চাদা ৮২.৫৮দা হেনগৎলে
• হৌখিবা পুং ২৪দা অনৌবা কনফার্ম কেস ৮২,১৭০ রিপোর্ত তৌরককখি
• প্রধান মন্ত্রীনা কোবিদকী ইরাং মনুংদা লৈবাক অসিগী লৌমীশিংনা নীংহন্নদবগী থৌওং কয়া অমা উৎখি হায়না হায়খ্রে।

• হকশেল অমসুং য়াইফ য়ুম্বাল মন্ত্রালয়গী ইসঞ্জিবনি ও.পি.দি. প্লেৎফোর্ম তেলি-কন্সলতেসন লাখ ৪গী মাইলস্তোন অমা লান্থোকখ্রে
• এন.পি.পি.এ.না মেদিকেল ওক্সিজেন মহী অমসুং মেদিকেল ওক্সিজেন সিলিন্দর মমল হেনগৎহন্দনবা খুৎ থিংজিনখ্রে
  
• 

ভারতকী নাবা ফরবা মীওইগী মশিং অসি মশক থোকপা লাখ ৫০ হেল্লে, নুমিৎ ১০নি খক্তদা অকোনবগী মীওই লাখ ১১ নাবা ফখি, নাবা ফবগী কেসনা এক্তিব কেসকী মশিংদগী শরুক ৫ হেল্লে

ভারতকী অপুনবা নাবা ফবগী মশিং অসি ঙসি মশক থোকপা লাখ ৫০ (৫০,১৬,৫২০) হেনখ্রে। নুমিৎ খুদিংগী কোবিদ-১৯গী অনাবশিংনা নাবা ফবগী চাং হেনগৎলক্তুনা ভারতকী নোঙমদা নাবা ফবগী চৎনবী অসি লেপ্তনা হেনগৎলক্লি। লৈবাক অসিদা হৌখিবা পুং ২৪দা মীওই ৭৪,৮৯৩না নাবা ফখি। হৌখিবা নুমিৎ খরনি অসিদা নোঙমদা মীওই ৯০,০০০ হেন্না নাবা ফবগী ফিভম উবা ফঙখি। নাবা ফবগী অপুনবা মশিংনা এক্তিব কেসকী মশিংদগী শরুক ৫ হেল্লি। নাবা ফবগী চাং অসি অঙকপা ফংনা হেনগৎলকপগা লোয়ননা থা অমদা নাবা ফবগী চাং অসি চাউরাক্না ১০০%দা হেনগৎলক্লি। লৈবাক্কী নাবা ফবগী চাং অসি মখা তানা ৮২.৫৮%দা হেনগত্তুনা লৈখ্রে। রাজ্য/য়ু.তি. ১৫না লৈবাক্কী চাংচত্তগী হেন্না নাবা ফবগী ফিভম উৎলি। অনৌবা নাবা ফবগী কেসশিং অসি রাজ্য তরা, মহারাস্ত্রা, করনাতকা, আন্ধ্র প্রদেশ, উত্তর প্রদেশ, তমিল নাদু, দিল্লী, কেরলা, ওরিশা, নোংচুপ বেঙ্গোল অমসুং পঞ্জাবতগী শরুক ৭৩% ওইরি। মহারাস্ত্রনা পরিং অসিদা নাবা ফবগী অপুনবা মশিং ১৩,০০০ হেন্দুনা মাংজিল থারি। জুন ২০২০দা নাবা ফবগী অপুনবা মশিং লাখ ১ ওইরম্বা অদুদগী হৌজিক্তি মশিং য়াম্না হেনগৎলে। অকোনবগী মীওই লাখ ১০না নাবা ফখিবা অসি শুপ্নগী নুমিৎ ১১নিগী মনুংদনি। মসিগী মশক থোকপা মাই-পাকপা অসি কেন্দ্রনা লুচিংদুনা থৌরাং য়াৎথোকপা, নীংথিবা অমসুং অপুনবা থৌওং ওইদুনা রাজ্য অমসুং য়ু.তি. সরকারশিংনা মওং চুম্না ইন্দুনা পাঙথোকপদগী ফংবা ঙম্লিবনি। মেদিকেলগী ইনফ্রাস্ত্রকচরশিং ফগৎহনবা, মগুন লৈবা অনা লায়েংবগী কাঙলোন ইনবা অমসুং দাক্তর, পেরামেদিক অমসুং ফ্রন্তলাইন্দা লৈরিবা থৌমীশিংনা খোঙফম চেৎনা হোৎনদুনা “অপুনবা সরকারগী” থৌওংগী মখাদা পায়খৎপা থবকশিংনা অসিনা য়াম্না তেংবাংলি। অপুনবা নাবা ফরবা কেসশিংগী ৭৮%দি রাজ্য/য়ু.তি. ১০দগীনি। মহারাস্ত্রানা খ্বাইদগী য়াম্না নাবা ফবগী মশিং লৈরি অমসুং আন্ধ্র প্রদেশ অমসুং তমিল নাদুনা তুং ইন্দুনা চৎলি। লৈবাক অসিদা হৌখিবা পুং ২৪দা অনৌবা কেস ৮২,১৭০ লাকপগী পাউ লাকখি। অপুনবা অনৌবা কেসশিং অসিগী শরুক ৭৯%দি রাজ্য তরাদগী লাকখি। মহারাস্ত্রাদা অনৌবা কেস ১৮,০০০ হেন্না লাকখি অমসুং করনাতকাদনা ৯,০০০ হেন্না লাকখি। হৌখিবা পুং ২৪দা মীওই ১০৩৯ লৈখিদে। অনৌবা লৈখিদবগী পাউ লাক্লিবা অসিগী ৮৪%দি রাজ্য অমসুং য়ু.তি. ১০দগীনি। ঙরাং লৈখিদবা মীওইশিংগী ৩৬%তি অপুনবা মশিং ৩৮০ ওইদুনা মহারাস্ত্রাদগী লাকখি অমসুং তমিল নাদু অমসুং করনাতকানা মথংশিৎনা ৮০ অমসুং ৭৯ ওইদুনা তুং ইনখি।

অকুপ্পা ৱারোলগীদমক: https://pib.gov.in/PressReleseDetail.aspx?PRID=1659694

প্রধান মন্ত্রীনা ভারতকী লৌমীশিংবু থাগৎখ্রে

প্রধান মন্ত্রী শ্রী নরেন্দ্র মোদীনা ঙসি মহাক্কী মন কী বাত্তা ৱা ঙাংবদা কোবিদকী ইরাং মনুংদা লৈবাক অসিগী লৌমীশিংনা নীংহন্নদবগী থৌওং কয়া অমা উৎখি হায়না হায়খ্রে। প্রধান মন্ত্রীনা হায়খিবদা করিগুম্বা লৌউ-শিংউগী সেক্তর অসিনা কল্লবদি আত্মনির্ভর ভারতকী য়ুম্ফম অসি অসুম্মক চেৎনা লৈগনি হায়খি। মহাক্না পনখিবদা হৌখিবা মতম খরদা মসিগী সেক্তর অসিনা হান্না লৈরম্বা অকক্নবা কয়াদগী নীং-তম্বা ফংলে অমসুং অতোপ্পা লান্না থাজবা কয়াদগী নান্থোক্নবা হোৎনদুনা লাক্লি হায়খি। হরিয়ানাগীগী লৌমী, শ্রী কনৱর চৌহানগী খুদম ওইনা পীরদুনা হায়খিবদা মহাক্না মন্দীগী ৱাংমদা মহাক্কী উহৈ-ৱাহৈ অমসুং মনা-মশিং য়োনবদা খুদোংচাদবা কয়া থেংনখি অদুবু ইং ২০১৪দা উহৈ-ৱাহৈ অমসুং মনা-মশিং অসি এ.পি.এম.সি. এক্তকী মনুংদগী লৌথোকখ্রে অমসুং মসিনা মঙোন্দা য়াম্না কান্নবা ওইখি হায়না প্রধান মন্ত্রীনা হায়খি।

অকুপ্পা ৱারোলগীদমক: https://pib.gov.in/PressReleseDetail.aspx?PRID=1659517

২৭.০৯.২০২০দা পি.এম.না ১৬শুবা ‘মন কী বাত ২.০’দা ঙাংখিবা ৱারোলগী মনিপুরী ৱাহন্থোক

অকুপ্পা ৱারোলগীদমক: https://pib.gov.in/PressReleseDetail.aspx?PRID=1659517

দা. হর্শ বর্ধন্না সন্দে সংৱাদ-৩দা সোসিএল মীদিয়া শিজিন্নরিবশিংগা ৱারী শানখ্রে

হকশেল অমদি য়াইফ-য়ুম্বাল মন্ত্রালয়গী কেন্দ্র মন্ত্রীনা সন্দে সংৱাদকী অহুমশুবা ইপিসোদতা সোসিএল মীদিয়া শিজিন্নরিবা মীশিংনা পুখৎলকখিবা ৱাহংশিংগী পাউখুম পীখ্রে। হৌজিক থোক্লিবা কোবিদকী অরুবা ফিভমশিং অসিদা নত্তনা মেদিকেল ইনফ্রাস্ত্রকচর, ভারত্তা মীয়ামগী হকশেলগী তুংদা ওইরক্কদবা, মেতিওরোলোজীদা নোংজু-নুংশা হোংবগী রিসর্চ অমসুং খুমাং চাউশিনবগী থবকশিংদা ভারতনা লৌখিবা থৌদাংশিংগা মরী লৈনবা ৱাহং কয়া অমা য়াওরি। মহাক্না হায়খি, “লাইচৎ অসি সরকার অমদি খুন্নাই অসিনা তুনা পুন্না থবক তৌমিন্নরবকান্দদা লান্থেংনবা ঙমগনি।” হকশেলগী মন্ত্রীনা খোল্লাও অমসু লাওখিঃ গজ অনি লাপথোক্না লৈবা, ৱাখল খরা তাবা অসিনা কোরোনাবু নমথবা ঙমগনি। আই.সি.এম.আর.গী সেরো সর্ভে রিপোর্ত অসিনা মীশিংনা ইয়াদা-য়াবগী মওং অসি তৌরোইদবনি হায়না চেকশিন্নবা মহাক্না মখা তানা হায়খি। ২০২০গী অহানবা সেরোগী রিপোর্ত অসিনা লৈবাকপুম্বগী ওইনা নোভেল কোরোনাভাইরসনা শন্দোকখিবা অসি শুপ্নতগী চাদা ০.৭৩ খক্তমক ওইখি। য়াম্না থুনা ফোংলক্কদৌরবা অনিশুবা সেরো সর্ভে অসিদসু অপুনবা ওইনা ইম্যুনিতী লৈরে হায়বা ফংদবনা হৌজিকসু কোবিদকা মরী লৈনবা লমচৎ-শাজৎ অসি ঙাক্ন চৎপগী মথৌ তারি হায়না খঙহল্লি। ‘আত্মনির্ভর ভারত য়োজনা’গা মরী লৈনবা ৱাহং অমদা, দা. হর্শবর্ধন্না লৈবাক অসি মীপাল তাংদনা লৈবাক অমা ওইহন্নবা চাং ৱাংনা ফরবা হিদাকশিং অমসুং মেদিকেল দিভাইসশিংগী ওইনা ময়ামগী ওইবা ইনফ্রাস্ত্রকচর অসি পুথোক্নবা অমদি শেম্বা অসি হেনগৎহন্নবা ভারতনা নাকল অনিগী ওইবা লাল্লোং য়াৎপগী মতাংদা হায়খি।

অকুপ্পা ৱারোলগীদমক: https://pib.gov.in/PressReleseDetail.aspx?PRID=1659583

হকশেল মন্ত্রালয়গী ‘ইসঞ্জিবনি’ তেলিমেদিসিন সর্ভিস মাইলস্তোন অমা লান্থোকখ্রে

হকশেল অমসুং য়াইফ য়ুম্বাল মন্ত্রালয়গী ইসঞ্জিবনি ও.পি.দি. প্লেতফোর্মনা তেলি-কন্সল্তেসন লাখ ৪গী লেন্দমার্ত মাইলস্তোন মপুং ফারে‍। মকোক থোংনা শীজিন্নরিবা স্তেতশিং, তামিল নাদু অমসুং উত্তর প্রদেশনা মথঙশিৎনা সেসন ১,৩৩১৬৭ অমসুং ১,০০১২৪ লোগ ইন তৌখ্রে‍। ইসঞ্জিবনি অমসুং ইসঞ্জিবনি ও.পি.দি. প্লেতফোর্মকী খুত্থাঙদা কন্সল্তেসন খ্বাইদগী ৱাংনা রেজিস্তর তৌরিবা অতৈ স্তেতশিংদি হিমাচল প্রদেশ (৩৬,৫২৭), কেরলা (৩৩,৩৪০), অন্ধ্র প্রদেশ (৩১,০৩৪), উত্তরাখন্দ (১১,৫২৬), গুজরাত (৮৯১৪, মধ্য প্রদেশ (৮৯০৪), কর্নাতকা (৭৬৮৪), মহারাস্ত্র (৭১০৩)নি‍। শীজিন্নবগী মওং মতৌ অসিনা তামিল নাদুগী বিল্লুপুরমগুম্বা হেন্না পীকপা দিস্ত্রিক্তশিংদা সর্ভিস অসি য়াঙনা শীজিন্নরক্লি হায়বা উৎলি‍। বিল্লুপুরমদা কন্সল্তেসন ১৬,০০০ হেন্না রেকোর্দ তৌদুনা বিনিফিসিয়রীশিংনা সর্ভিস অসি খ্বাইদগী য়াম্না শীজিন্নবা দিস্ত্রিক্ত ওইরে‍। লৈবাক্কী ওইনা ইসঞ্জিবনি ফম্বাক অসি স্তেত ২৬তা শীজিন্নরি অমদি তোঙান তোঙানবা স্তেত লৈঙাক্কী হকশেল লোয়শঙগী প্রাক্তিস্নর ১২,০০০ হেনবনা ইসঞ্জিবনিদা য়াওশিন্দুনা লৈবাকসিগী দিস্ত্রিক্ত ৫১০গী মীওইশিংনা মখোয়গী সর্ভিস লৌরি‍। অকোনবা কন্সল্তেসন ১০০,০০০দি নুমিৎ ১৮নিদা লাকখিবনি অদুগা অহানবা কন্সল্তেসন ১০০,০০০না থা অহুমলোম চঙখি‍। ইসঞ্জিবনি ও.পি.দি. সর্ভিসনা কোবিদ-১৯ লাইচৎ মরকসিদা পোসেন্ত-তু-দোক্তর তেলিমেদিসিন ফংহল্লে‍।

অকুপ্পা ৱারোলগীদমক: https://pib.gov.in/PressReleasePage.aspx?PRID=1659282

ফোর্তিস হেল্থকেয়রনা সি.এস.আর. ফন্দদগী লুপা করোর ২.৫গী চেক অমা হকশেল অমসুং য়াইফ য়ুম্বাল মন্ত্রালয়গী এম.ও.এস. শ্রী অশ্বিনি কুমার চৌবেগী মমাংদা আই.সি.এম.আর.দা খুৎশিন্নখ্রে

লনাই সেক্তরগী ওইবা মেদিকেল সর্ভিস পীরিবা ফোর্তিস হেল্থকেয়রনা লুপা করোর ২.৫গী চেক অমা আই.সি.এম.আর.দা হকশেল অমসুং য়াইফ য়ুম্বাল মন্ত্রালয়গী কেন্দ্রগী রাজ্য মন্ত্রী শ্রী অশ্বিনি কুমার চৌবেগী মমাংদা মহাক্কী ওফিসতা খুৎশিন্নখ্রে। থৌরম অদুদা শ্রী চৌবেনা হায় আই.সি.এম.আর.না “রিসর্সকী লমদা শিংথানীংঙাই ওইরবা পেরামীতর অমা লিংখৎখ্রে”। ভারত্তা খক্তা নত্তনা মসিগী ইন্সতিত্যুৎ অসি মালেমগী খ্বাইদগী ফরবা রিসর্স ইন্সতিত্যুৎশিংগী মরক্তা অমনি”। কোবিদ-১৯গী লায়চৎ হৌরকপা অহানবা নুমিৎতগী সাইন্তিস্তশিংনা অহিং নুংথিল খাক্তনা অৱাবা থীদনা মথৌ তৌরি”।

অকুপ্পা ৱারোলগীদমক: https://pib.gov.in/PressReleasePage.aspx?PRID=1659305

মেদিকেল ওক্সিজেন মহী অমসুং মেদিকেল ওক্সিজেন সিলিন্দর মমল হেনগৎহন্দনবা এন.পি.পি.এ.না খুৎ থিংজিনখ্রে

হৌজিক লৈরিবা কোবিদ-১৯গী ফীভম অসিনা লৈবাকসিদা মেদিকেল ওক্সিজেনগী দিমান্দ হেনগৎহল্লে অমদি মসিবু ফংহনবা হায়বসি খ্বাইদগী মরুওইবা ওইরে‍। স্তেত/য়ু.তি. কয়া অমদি অতোপ্পা স্তেত/য়ু.তি.শিংদগী মেদিকেল ওক্সিজেন সপ্লাই তৌরকপদা তাংদুনা লৈরি‍। লৈঙাক্ অসিনা মরুওইনা লাইচৎকী মতম অসিদা মেদিকেল ওক্সিজেন সপ্লাই লেপহন্দনবা খোঙফম চেৎনা লেপ্লি‍। ওক্সিজেন ইনহেলেসন (মেদিসিনেল গেস) অসি নেসনেল লিস্ত ওফ ইসেন্সিএল মেদিসিন্স (এন.এল.ই.এম.)গী মখাদা চনবা সিদ্যুল্দ ফোর্মুলেসন অমনি‍। এন.পি.পি.এম.না লেপ্পা মসিগী লৈরিবা সিলিং মমল অসি লুপা ১৭.৪৯/সি.য়ু.এম.নি। অদুম ওইনমক, মেদিকেল ওক্সিজেন মহীদা মমল লেপ্তবনা মরম ওইরগা পুথোক্লিবশিংনা ফিল্লরগী মমল হেনগৎলকখি‍। ওক্সিজেনগী মমল লেপ্পা য়াওনা মরাং কায়না ফংহনবা হায়বা ৱাফমসি ভারত লৈঙাক্কী এম্পৱার্দ গ্রুপ ২গী মখাদা লৈবনি‍। ওথোরিতী অসিনা ৱাফম অসিগী মতাঙদা ২৫.০৯.২০২০দা ফমখিবা মখোয়গী অখন্নবা মীফম অমদা মমুৎ তানা খন্নখি‍।  মদুগী মতুং ইন্না মখাগী ৱারেপশিং অসি লৌখি‍: লিকুইদ মেদিকেল ওক্সিজেন (এল.এম.ও.)গী এক্স-ফেক্তরী মমল পুথোক্লিবশিংগী মায়কৈদা জি.এস.তি. য়াওদনা সি.য়ু.এম. অমদা লুপা ১৫.২২দা লেপ্নবা; অমসুং মেদিকেল ওক্সিজেন সুলিন্দরগী এক্স-ফেক্তরী মমল ফিল্লরগী মায়কৈদা হান্না লৈরমবা সিলিং মমল সি.য়ু.এম. অমদা লুপা ১৭.৪৯ লৈরমবদগী, স্তেতকী থাক্তা পুথোক পুশিনগী লেপ্লকপা মমলগী মতুং ইন্না থা তরুক্কী ওইনা জি.এস.তি. য়াওদনা সি.য়ু.এম. অমদা লুপা ২৫.৭১দা মখা তানা লেপ্পা।

অকুপ্পা ৱারোলগীদমক: https://pib.gov.in/PressReleasePage.aspx?PRID=1659266

২০২০-২১ খরিফ সিজন অসিগী মনুংদা রাজ্যশিংদা এম.এস.পি. ওপরেসনশিংগী মতেং পাংনবা অহানবা ইন্সতোলমেন্ত ওইনা এন.সি.দি.সি.না লুপা কোতি ১৯৪৪৪গী শেনফম কাইথখ্রে

কেন্দ্রগী লৌউ-শিংউ মন্ত্রালয়গী এপেক্স ফাইনান্সিয়েল ওর্গনাইজেসন অমা ওইরিবা নেস্নেল কোওপরেতিব দিভেলপমেন্ত কোর্পোরেসন(এন.সি.দি.সি.)না মিনিমম সপোর্ত প্রাইস(এম.এস.পি.)ওপরেসন্সকী মখাদা খরিফ পেদী প্রোক্যোরমেন্তগীদমক ছতিস্গর, হরিয়ানা অমসুং তেলঙ্গনা রাজ্যশিংদা ইহান হানবা ইন্সতোলমেন্ত ওইনা লুপা কোতি ১৯৪৪৪গী শেনফম কাইথখ্রে৷ হায়রিবা শেনফমশিং অসি রাজ্যশিং/ রাজ্য অদুগী মার্কেতিং ফেদেরেসনশিং মখোয় মখোয়গী মরী লৈনবা কোওপরেতিব ওর্গনাইজেসনশিংগী খুৎথাংদা মতম চানা পেদী প্রোক্যোরমেন্ত তৌবদা মতেং পাংন্নবগীদমক শেনফম অসি কাইথখিবনি৷ কোবিদ লাইনা-লাইচৎ অসিগী মনুংদা এন.সি.দি.সি.না লৌখৎলিবা খোংথাং অসিনা লৈবাক অসিগী পুথোক্লিবা ফৌ অদুগী ৭৫%গী চাংদা রাজ্যশিং অসিগী লৌমীশিংনা পুথোক্লিবা অসিদা রাজ্য অহুম অসিগী লৌমীশিংদা য়াম্না দরকার লৈরিবা শেল-থুমগী মতেং অদু ফংহল্লগনি৷ মতম চানা লৌখৎপা খোংথাং অসিনা রাজ্য অসিগী এজেন্সীশিংনা তপথদনা ওপরেসনশিং চৎথবদা মতেং পাংলগনি৷ মসিনা লৌমীশিংনা মিনিমম সপোর্ত প্রাইসতা মখোয়গী পোত্থোক অদু য়োঞ্জবা মতমদা লৌমীশিংনা দরকার ওইরিবা মতেং অদুসু ফংহল্লগনি৷

অকুপ্পা ৱারোলগীদমক: https://pib.gov.in/PressReleseDetail.aspx?PRID=1659614

তোকিও চৎকদবা পেরা এথলেৎশিং অমসুং শান্নরোইশিং ওক্তোবর ৫দগী নেস্নেল সেন্তর ওফ এক্সলেন্সশিংদা ত্রেনিং পীনবা সাইনা থৌরাং তৌরে-কোবিদ-১৯দগী ঙাকথোক্নবা তোখাইনা থমগনি

‘খেলো ইন্দিয়া ফির সে’গী মথংগী তাঙ্কক খুমাং চাউশিন্নবা, লৈবাক শীনবা থুংনা লৈরিবা সাইগী নেস্নেল সেন্তর ওফ এক্সলেন্সতা তোকিও ওলেম্পিক্স শরুক য়াগদবা পেরা এথলেৎশিং অমসুং শান্নরোইশিং ত্রেনিং মখা চৎথনবা স্পোর্তস ওথোরিতী ওফ ইন্দিয়া (সাই)না ৱারেপ লৌরে। অহানবা তাঙ্কক্তা, তোঙান তোঙানবা সাই সেন্তরশিংদা ওলেম্পিক শরুক য়াগদবা শান্নরোইশিং খক জুনগী অঙনবা শরুক্তা সাইনা ত্রেনিং পাংথোকপা হৌখ্রে। সাইগী মচাক-মথুমশিং কা মনুংদা লৈবা অমসুং ঐখোয়গী লৈবাক্কী শান্নরোইশিং কোবিদ-১৯দগী ঙাকথোক্নবা অখন্নবা শান্নরোইশিং খক ত্রেনিং পীবা হৌখিবনি। অনিসুবা তাঙ্কক্তা, ২০২৪ পেরিস ওলেম্পিক্স অমসুং ২০২২ এসিয়ান অমসুং কম্মনৱেল্থ গেমশিংদা মিৎয়েং থমদুনা নেস্নেল সেন্তর ওফ এক্সলেন্সদা তোকিও ওলেম্পিক্স শরুক য়াগদবা পেরা এথলেৎশিং অমসুং শান্নরোইশিং ত্রেনিং মখা চৎথনবা মশান্না ৯দা থৌরাং তৌরকপনি। শান্নরোইশিং কোবিদ-১৯ লৌনদনবা শান্নরোইশিং সাই রিজনেল সেন্তরশিংদা লৈহন্দুনা হায়রিবা চপ মান্নবা ত্রেনিং অসি পাংথোক্কনি। ২০২০ (২১)দা পাংথোক্নবা থৌরাং তৌরিবা তোকিও ওলেম্পিক্স মমাংদা শান্নরোইশিং কোবিদকী খুদোংথিবদগী কন্নবা কুপ্না খন্নরবা মতুংদা ৱারেপ অসি লৌখিবনি। ক্বারেনতাইনগী চৎন-পথাপশিং, সাই এস.ও.পি অমসুং রাজ্যগী কোবিদ এস.ও.পি. ঙাক্তুনা চপ মান্নবা মশান্না অমগী শান্নরোইশিং ফাওবা তাঙ্কক কয়া থোক্না ত্রেনিং পাংথোক্নবা সাইনা ৱারেপ লৌরে। ত্রেনিং মখা চৎথবগী অহানবা তাঙ্কক অসি ২০২০গী ওক্তোবর ৫দগী হৌরবা য়ারি।

অকুপ্পা ৱারোলগীদমক: https://pib.gov.in/PressReleseDetail.aspx?PRID=1659638

পি.আই.বি. ফিল্দ ওফিসশিংদগী ফংবা পাউ

•           পঞ্জাব: কোবিদ-১৯ ভাইরস শন্দোরকপগী চেন অসি থিংনবা, পঞ্জাবকী হেল্থ দিপার্তমেন্তনা কন্তেক্ত ত্রেসিং দ্রাইবকীদমক্তা হোৎনবা হেনগৎলকখ্রে, মসিগী মখাদা মমাংগী চায়োলদা কোবিদ মীওই খুদিংমক্কী কন্তেক্ত ৭.৬ ত্রেস তৌখ্রে অমসুং তেস্ত তৌখ্রে।

•          হরিয়ানা: হেল্থ মিনিস্তরনা হায়খি মদুদি রাজ্য অসিদা হৌজিক ক্বারন্তিন বেদ ৪৬,৩৬৭, কন্তেনমেন্ত জোন ৩৪৮৬, আইসোলেশন বেদ ১০,১৪৫, আই.সি.য়ু. বেদ ২,২৩১, ভেন্তিলেতর ১,০৭০, পি.পি.ই. কিত লাখ ৩.৭৮ অমসুং এন-৯৫ লাখ ৭.২৫ লৈ। মসিগা লোইননা রাজ্য সরকারনা লনাইগী লেবোরেতরিশিংদা কোবিদ-১৯ তেস্ত তৌবগীদমক্তা মমলশিং লেপখ্রে – আর.তি. – পি.সি.আর তেস্তশিংগীদমক্তা লুপা ২,৪০০ লেপখ্রে, রেপিদ এন্তিজেন তেস্তশিংগীদমক্তা লুপা ৬৫০ অমসুং এলিসা তেস্তকীদমক্তা লুপা ২৫০।

•          হিমাচল প্রদেশ: রাজ্য অসিদা হৌখিবা নুমিৎ খরনিসিদা কোবিদ-১৯ পেসেন্তশিং শিবগী মশিং হেনগৎলকপগী মতাংদা পাখৎপা ফোংদোক্লদুনা, মুখ্য মন্ত্রীনা হায়খি মদুদি দোক্তরশিংনা মরু ওইনা কো-মোর্বিদ লাইনাশিং লৈবা পেসেন্তশিং লাইয়েং নীথিনা পাংথোক্কদবনি। সি.এম.না কোবিদ-১৯ হোসপিতালশিংদা হাইজীন অমসুং ক্লিনলিনেস নীংথিনা থমগদবনি হায়না হায়খি

•          অসাম: অসামদা ঙরাং কোবিদ-১৯গীদমক্তা মীওই ৮৭৫ অমুক পোজিতিব ওইবা থেংনখি অমসুং পেসেন্ত ১৬৭০ দিসচার্জ তৌখ্রে। দিসচার্জ তৌখিবা পেসেন্তশিংগী অপুনবা মশিং ১৩৯৯৭৭ ওইখি, এক্তিব পেসেন্তশিংগী মশিং ২৯৩৫০নি, অপুনবা কেস ১৬৯৯৮৫ অমসুং শিখিবশিংগী মশিং ৬৫৫ ওইখি।

•          মনিপুর: মনিপুরদা কোবিদ-১৯গীদমক্তা মীওই ২৪৮ পোজিতিব ওইবা থেংনখি, অপুনবা কেসশিংগী মশিং অদু ১০,২৯৯ য়ৌখ্রে। ফগৎলকপগী চাং চাদা ৭৬ ওইবগা লোইননা এক্তিব কেস ২১০৬ লৈরি।

•          মঘালয়া: মঘালয়াদা ঙসি রাজ্যঅসিদা কোরোনাভাইরসতগী মীওই ৩১১ ফখিবগা লোইননা নোংমা খক্তদা খ্বাইদগী হেন্না ফগৎলকখিবা থেংনখি। অপুনবা এক্তিব কেস ১৫১৫ অমসুং পুন্না ফগৎখিবশিংগী মশিং ৩৬৫৪নি।

•          নাগালেন্দ: নাগালেন্দদা অনৌবা কেসশিং থেংনরকপদগী কোহিমাদা মফম খরা অমুক সীল তৌখ্রে। জেনুৱোবাদজেদা লৈবা য়ুমশিং, কে.এম.সি. তাতা পার্কিং, অপ্পর বয়াবু, এল. খেল ভিলেজ, ওফিসরস হিল, মিনিস্তরস হিল, লৈরি কোলোনী অমসুং পোত্তলেন অসি সীল তৌখ্রে।

•          মহারাস্ত্র: মুখ্য মন্ত্রী, উধব থাক্রেনা ভীদিও কনফরেন্সিংগী খুত্থাংদা রাজ্য অসিগী মরাথৱাদা রিজন অমসুং নাশিক দিভিজনদা লৌখৎখিবা কোবিদকা মরী লৈনবা পাম্বৈশিং অদু য়েংশিনখ্রে। সি.এম.না অসীম্তমেতিক ওইবা পেসেন্তশিং, য়ুমদা লৈবগী অয়াবা পীরবশিংনা মতিক চাবা চেকশিং থৌরাং য়াওদনা থোরকপা অমসুং অতোপ্পশিংদা ইনফেক্ত তৌরক্কনি হায়বগী মতাংদা পাখৎপা ফোংদোকখি। মহারাস্ত্রদা এক্তিব কেস লাখ ২.৭৩ লৈরি।

•          গুজারত: এহমাদাবাদ মুনিসিপাল কোর্পোরেশন্না হৌজিক ফাওবদা প্রজাশিং য়াওনা অমসুং কমর্সিয়েল এস্তাব্লিশমেন্তশিংদগী কোবিদ-১৯গী চৎনা-কাংলোনশিং থুগাইবাশিংদগী লুপা করোর ৫.৫. হেন্না খোমগৎখ্রে। এ.এম.সি.না কোবিদকা চুনগদবা লমচৎ-শাজৎশিং চৎনহন্নবা ৱার্দ ৪৮গীদমক্তা তীম ১৯২ শেমখ্রে।

•          রাজস্থান: জয়পুরদা এক্তিব কেসশিংগী মশিং অদু লেপ্তনা হেনগৎলকপনা, রাজ্য সরকারনা লনাইগী হোসপিতালশিংগা খুৎশম্নদুনা কোবিদ লাইয়েংবগী কেপাসিতী অদু অহেনবা ফমুং ২,০০০ অনি ফাওবা হনেগৎহল্লগনি।

•          মধ্য প্রদেশ: মধ্য প্রদেশতা কোরোনা ভাইরস আউতব্রেক অসিগী য়েংলগা মধ্য প্রদেশ জেলশিংগী ইনমেত ৩,৯০০দা পীখিবা পেরোল অদু নুমিৎ হুমফুনি অমুক শাংদোকখ্রে। রাজ্য অসিগী জেল ১২৫দা ইনমেত ৪৩,০০০ ময়া নক্না লৈ, মসিগী মনুংদা ৩,৯০০দা পেরোল পীখি অমসুং ৩,০০০দনা ইন্তেরিম বেল পীখি।

•          ছত্তিসগর: ছত্তিসগরদা মুনিসিপাল কোর্পোরেশন ১৪দা লৈবা অর্বান স্লম পুম্নমক্না লাইচৎ অসি হেনগৎলকপনা মোবাইল মেদিকেল য়ুনিৎশিংগী খুত্থাংদা হৌজিক মখোয়গী থোঙ্গালদা মেদিকেল ফেসিলিতীশিং ফংলগনি। অহানবা তাঙ্কক্তা অসিগুম্বা য়ুনিৎ ৬০ মুনিসিপাল কোরপোরেশনশিংগী স্লম এরিয়াশিংদা হৌদোক্লগনি, মসিদা মেদিকেল য়ুনিৎ খুদিংমক্তা পেরামেদিক স্তাফকা লোইননা দোক্তর অমনা রেসিদেন্তশিংগী মতেং পাংগনি। ছত্তিসগরদা এক্তিব কোবিদ কেস ৩১,৬১৬ লৈরি।

•          কেরলা: থংন-থংননা নুমিৎ নিনিশুবা ওইনা নোংমগী কোবিদ-১৯ কেস অসি ৭০০০ হেনখিবগা লোইননা অমসুং শিখিবশিংগী মশিংনা ৭০০ য়ৌরকপদা, রাজ্য সরকারনা ভাইরস অসি শন্দোরকপদগী থিংনবা মসিবু লাকশিন্নবা লৌখৎকদবা খোংথাংশিংগী মতাংদা খন্নখ্রে। রাজ্য অসিদা ঙসি কোবিদনা মরম ওইরগা তরুক অমুক শিখিবগী পাউ লৈখি, মশিনা শিবগী মশিং অদু ৭০৩ য়ৌহনখ্রে। নোংমাইজিং নুমিত্তা রাজ্য অসিদা মীওই ৭,৪৪৫দা কোবিদ-১৯ কনফর্ম তৌখি। হৌঝিক-হৌজিক পেসেন্ত ৫৬,৭০৯ লাইয়েংদুনা লৈরি অমসুং জিলা কবা অমদা হৌজিক মীওই ২,২৭,৮৩১  ওবজার্ভেশন তৌদুনা থম্লি।

•          তামিল নাদু: পুদুচেরীগী করাইকলদা স্কুলশিং তাঙ্কক নাইনা ওক্তোবর ৫দগী অমুক হন্না হাংদোক্লগনি। মতম খরা লেপ্লুরবা মতুংদা তামিল নাদু স্কুলশিং ঙসিদগী ওনলাইন ক্লাসশিং অমুক হৌরগনি; স্কুলশিংগী মহৈরোইশিংগী মরক্তা স্ত্রেস হেনগৎলকপনা মরম ওইরগা, ওনলাইন ক্লাসশিং অমসুং তি.ভি. চেনেলশিংদা ভীদিও লেশনশিং তেলিকেস্ত তৌবা অদু সেপ্তেম্বর ২১দগী ২৫ ফাওবা লেপ্লগনি।

•          কর্নাতকা: ঙসি লৌমীশিংগী ওর্গনাইজেশনশিংনা ফার্ম বিলশিংগী মায়োক্তা রাজ্য শিনবা থুংনা বন্ধ পাংথোকখি; বন্ধ অসিদা তোঙান-তোঙানবা রিয়েক্সন লৈখি। হেল্থ দিপার্তমেন্তকী কোবিদ প্রোতোকোলশিং ঙক্না চত্তুনা সিতী অসিদা কমন লো এদমিশন তেস্ত পাংথোকখ্রে। ঙরাং বেঙ্গলোরদা কোবিদ কেস ৪২১৭ থেংনখি, মসি নোংমদা খ্বাইদগী ৱাংবা ওইখি। লনাইগী হাওপিতালশিংনা কোবিদ পেসেন্তশিং লাইয়েংনবা ভেন্তিলেতরশিং অমসুং মেনপাৱরসু পীনবা রাজ্যদা তকশিনখ্রে।

•          অন্ধ্র প্রদেশ: জর্নেল ওফ ত্রভেল মেদিসিনদা ফোংখিবা আই.আই.তি., মন্দিনা তৌবা রিসর্চ স্তদী অমনা খঙবা ঙমখি মদুদি রাজ্য অহুমদগী ইনফেক্তেদ কেসশিং- তামিল নাদু, দিল্লী অমসুং অন্ধ্র প্রদেশ- না মখোয়গী কম্যুনিতীশিংগী মপান্দা লাইনা অসিবু শন্দোকপগী মরম থোইদোকপা ওইখিদে। স্তদী অসিগী মতুং ইন্না কোরোনাভাইরস অসি দুবাই অমসুং য়ু.কে.দগী লাকপা ইন্তর্নেস্নেল ত্রাভেলরশিং মরু ওইবা মরম ওইরগা ভারতকী রাজ্যশিংদা শন্দোরকখিবনি। রাজ্য অসিনা আর.তি.সি.গী বসশিংনা সীত কেপাসিতী থন্না পেসেঞ্জরশিং পুথোক-পুশিন তৌবনবগীদমক্তা কোবিদ-১৯গী অথিংবা অদু লৌথোকখ্রে। হৌজিক ফাওবদা বসশিং অদুনা সীতিং কেপাসিতীগী চাদা ৬০দা থবক তৌখি।

•          তেলঙ্গানা: হৌখিবা পুং ২৪দা অনৌবা কেস ১৩৭৮ থেংনখি, ১৯৩২ ফগৎখি অমসুং ৭ শিকিবগী পাউ লৈখি; কেস ১৩৭৭গী মনুংদা জি.ঐচ.এম.সি.দগী কেস ২৫৪ থেংনখি। অপুনবা কৈসশিং: ১,৮৭,২১১; এক্তিব কেসশিং: ২৯,৬৭৩; শিখিবশিং: ১১০৭; দিসচার্জ তৌখিবশিং: ১,৫৬,৪৩১। রাজ্য অসিদা হেল্থকেয়র ৱার্কর ২০ কোবিদ-১৯না মরম ওইরগা লৈখিদ্রে (রাজ্যশিংগী মনুংদা তরুকশুবা খ্বাইদগী ৱাংবা), লাইচৎ অসিনা হেক হৌরকপদগী পোজিতিব ওইখিবা হেল্থকেয়র ৱার্করশিংগী মশিং অসি ২,৫০০ হেনখ্রে হায়না ওফিসিয়েল ওইবা পাউগী লিখুন অমনা হায়খি।

ফেক্ত চেক

*****