(कोविड-19 संबंधी पत्र सूचना कार्यालयाद्वारे जारी बातम्‍या आणि सत्‍यता पडताळणी बातम्‍या समाविष्‍ट)

दिल्ली-मुंबई, 16 सप्टेंबर 2020

आयुर्वेदाचे सखोल ज्ञान वापरून कोविड-19 महामारीशी लढण्यासाठी प्रतिबंधात्मक उपचार पद्धती  म्हणून वापर करण्याचे आवाहन उपराष्ट्रपती व्यंकय्या नायडू यांनी केले. आयुर्वेदात सांगितलेल्या नैसर्गिक उपाययोजनांच्या मदतीने आपली प्रतिकारशक्ती वाढवून विषाणूंशी लढा देता येईल असे ते म्हणाले.

आरोग्य मंत्रालयाची कोविड-19घडामोडींवरील माहिती :

रुग्ण बरे होण्याच्या प्रमाणात भारताने सातत्याने नवा उच्चांक नोंदविला आहे. एका दिवसात सर्वाधिक रुग्ण बरे होण्याची नोंद गेल्या 24 तासांत भारताने केली आहे. कोविडचे 82,961 रूग्ण बरे झाले असून त्यांना गृह/ विलगीकरण सुविधा केंद्रातून तसेच रुग्णालयातून घरी सोडण्यात आले आहे. याद्वारे रुग्ण बरे होण्याचा दर 78.53% वर पोहोचला आहे.

रुग्ण बरे होण्याची साप्ताहिक सरासरी ही बरे होण्याच्या प्रमाणातील सातत्यपूर्ण वाढ दर्शविते.

गेल्या 24 तासात कोविडचे 82,961 रुग्ण बरे झाले आणि हा एका दिवसातील रुग्ण बरे होण्याचा नवा उच्चांक आहे. 

एकूण 39,42,360 रुग्ण बरे झाले आहेत.

गेल्या 24 तासात कोविडचे नवीन रुग्ण बरे होण्यात महाराष्ट्राचा वाटा 23.41% म्हणजे (19423) तर आंध्र प्रदेश (9628), कर्नाटक (7406), उत्तर प्रदेश (6680) आणि तामिळनाडू (5735) या राज्यांचा मिळून वाटा 35.5% आहे.

या पाच राज्यात मिळून सुमारे 59% नवीन रुग्ण बरे झाले.

27 राज्ये / केंद्रशासित प्रदेशात रुग्ण बरे होण्याचा दर 70% पेक्षा जास्त आहे.

आजपर्यंत देशात 9,95,933 सक्रिय रुग्ण आहेत.

बरे होणारे आणि सक्रिय रुग्ण यातील तफावत आज 29 लाखांच्या पुढे गेली आहे (29,46,427). बरे होणाऱ्यांचे प्रमाण सक्रिय रुग्णांच्या जवळपास चौपट (3.96) आहे.

महाराष्ट्र, कर्नाटक, आंध्र प्रदेश, उत्तर प्रदेश, तामिळनाडूमध्ये जवळपास 60% सक्रिय रुग्ण आहेत.

एकूण सक्रिय प्रकरणांपैकी 70% प्रकरणे ही नऊ सर्वात जास्त प्रभावित राज्ये / केंद्रशासित प्रदेशांमध्ये आढळतात.

गेल्या 24 तासात देशात 90,123 नवीन रुग्णांची नोंद झाली आहे.

गेल्या 24 तासांत 20,000 हून अधिक नवीन रुग्णांसह महाराष्ट्र पहिल्या क्रमांकावर आहे. त्यापाठोपाठ आंध्र प्रदेश (8846) आणि कर्नाटक (7576) यांचा क्रमांक लागतो.

इतर अपडेट्स:

• नागरी उड्डाण मंत्रालयाने आंतरराष्ट्रीय प्रवाशांची ये-जा सुलभ करण्यासाठी प्रायोगिक तत्वावर विमानतळाच्या प्रवेशद्वारावर आरटी-पीसीआर चाचणी घेण्यास परवानगी दिली आहे. नागरी उड्डाण राज्यमंत्री (स्वतंत्र कार्यभार ) हरदीपसिंग पुरी यांनी आज राज्यसभेत लेखी उत्तरात ही माहिती दिली.
• एप्रिल ते जून 2020 या काळात भारताच्या एकंदर निर्यातीमध्ये( व्यापारी माल अधिक सेवा) गेल्या वर्षीच्या याच काळाच्या तुलनेत 25.42% घट झाली आहे.  व्यापारी मालाच्या ताज्या निर्यातीमध्ये सुधारणा दिसत असून ऑगस्ट 2020 मध्ये निर्यातीमधील घट (-)12.66% पर्यंत कमी झाली आहे. देशव्यापी लॉकडाऊननंतर  अर्थव्यवस्था हळूहळू पूर्वपदावर आणण्याचे प्रयत्न सुरू झाल्यावर औद्योगिक व्यवहार सामान्य होऊ लागले आहेत.
• कोविड -19 महामारी दरम्यान रुग्णालयांची स्वच्छता आणि वैद्यकीय कचरा संबंधित आरोग्य आणि सुरक्षा धोक्यांमुळे मृत्यू झालेल्या सफाई कर्मचाऱ्यांबाबत  रुग्णालये व दवाखाने हा राज्यांचा विषय असून केंद्र सरकारमध्ये कोणतीही माहिती ठेवली जात नाही. राज्यांना संसर्ग प्रतिबंध आणि नियंत्रण समित्यांची स्थापना करायला सांगण्यात आले. सामाजिक न्याय आणि सक्षमीकरण राज्यमंत्री रामदास आठवले यांनी आज राज्यसभेत लेखी उत्तरात ही माहिती दिली.
• अचानक झालेल्या कोविड -19 च्या प्रादुर्भावामुळे जगातील काही प्रमुख अर्थव्यवस्थांवर गंभीर परिणाम झाला आहे. जगातील सर्व देशांवर त्याचा परिणाम झाला आहे. अर्थशास्त्रीय परिणामामुळे आर्थिक वर्ष 2020-21 मध्ये जागतिक सकल राष्ट्रीय उत्पादन कमी होईल असा अंदाज जागतिक बँक आणि आंतरराष्ट्रीय नाणेनिधीने वर्तविला आहे.
• लॉकडाऊनच्या संकटाच्या काळात भारतीय रेल्वेने 5231 नॉन-एसी आयसीएफ डब्यांना तात्पुरत्या कोविड-19 आयसोलेशन युनिट मध्ये रूपांतरित केले होते. मध्य रेल्वे विभागाने 482 तर पश्चिम रेल्वे विभागाने 410 डब्यांचे अलगीकरण डब्यात रूपांतर केले.
• आयुर्वेद शिक्षण व संशोधन संस्था विधेयक 2020  आज राज्यसभेत मंजूर झाले.  यापूर्वी 19 मार्च 2020 रोजी हे विधेयक  लोकसभेत मंजूर झाले होते.
• केंद्रीय कामगार आणि रोजगार मंत्री संतोष गंगवार यांनी आज सांगितले की, कोविड -19 साथीच्या काळात केंद्र सरकारने कामगार कल्याण आणि रोजगारासाठी अनेक अभूतपूर्व पावले उचलली  आहेत. विविध राज्य सरकारांकडून प्राप्त माहितीच्या आधारे, कोविड -19 दरम्यान सुमारे एक कोटी स्थलांतरित कामगार आपल्या मूळ राज्यात परत गेले आहेत. कामगार मंत्री पुढे म्हणाले की लॉकडाऊन दरम्यान स्थलांतरित कामगारांच्या कल्याणासाठी विविध उपक्रम राबविले आहेत.
• गरीब कुटुंबातील प्रौढ महिलांना मोफत स्वयंपाकाच्या गॅसची अनामतरहित जोडणी देण्यासाठी 1-5-2016 पासून प्रधानमंत्री उज्ज्वला योजना (पीएमयूवाय) सुरू करण्यात आली. 7 सप्टेंबर 2019 रोजी या योजनेचे उद्दिष्ट साध्य करण्यात आले.
• सध्याच्या काळात सुरू असलेली जागतिक महामारी आणि वृद्धाश्रम चालवणाऱ्या संस्थांकडे हे आश्रम चालवण्यासाठी आणि त्यांच्या देखभालीसाठी पुरेसा निधी उपलब्ध नसल्याची शक्यता लक्षात घेऊन केंद्रीय सामाजिक न्याय आणि सक्षमीकरण मंत्रालयाने या संस्थांना आगाऊ अनुदान वितरित करण्याचा निर्णय घेतला आहे. या संस्थांना 2020-21 या वर्षात यापूर्वीच रु.  83.74 कोटी रुपयांचा निधी आतापर्यंत देण्यात आला आहे.
• राष्ट्रीय पातळीवर सप्टेंबर महिना हा 'राष्ट्रीय पोषण महिना' म्हणून साजरा केला जातो. पंतप्रधान नरेंद्र मोदी यांनी ऑगस्ट महिन्याच्या 'मन की बात' कार्यक्रमात 'राष्ट्रीय पोषण माह अभियाना'चा उल्लेख करून मुलांचे सामर्थ्य व क्षमता यामध्ये आहाराची सर्वात महत्वपूर्ण भूमिका असल्याचे म्हटले होते, व जनभागीदारीतून भारताला कुपोषण मुक्त करता येईल, असे आवाहन केले होते. या कार्यक्रमाचा एक भाग म्हणून क्षेत्रीय लोक संपर्क ब्यूरो, अहमदनगर, प्रादेशिक लोक संपर्क ब्यूरो (महाराष्ट्र-गोवा राज्य), पुणे व पत्र सूचना कार्यालय (पश्चिम विभाग), मुंबई, तसेच महिला व बालविकास विभाग, जिल्हा परिषद, अहमदनगर यांच्या संयुक्त विद्यमाने आज एका वेबिनारचे आयोजन करण्यात आले.

महाराष्ट्र अपडेट्स :

राज्य सरकारने राज्यातील सर्व रूग्णालयात सीटी स्कॅन चाचण्या घेण्यासाठी शुल्क निश्चित करण्यासाठी चार सदस्यीय समिती गठीत केली आहे. राज्याचे आरोग्यमंत्री राजेश टोपे म्हणाले की, विविध रुग्णालयांकडून जास्त पैसे आकारण्याबाबतच्या अनेक तक्रारीनंतर सरकारने या चाचण्यांसाठीच्या दरासंदर्भात निर्णय घेतला आहे. दरम्यान, मुख्यमंत्री उद्धव ठाकरे यांनी राज्य सरकारच्या ‘माझे कुटुंब, माझी जबाबदारी’ उपक्रम राबविण्यासाठी सर्व गाव सरपंचांना मदत करण्याचे आव्हान केले आहे. मुख्यमंत्र्यांनी उपमुख्यमंत्री अजित पवार यांच्यासह राज्यातील 28000 सरपंचांशी आभासी बैठक घेतली.

FACT CHECK

* * *

R.Tidke/S.Tupe/D.Rane

सोशल मिडियावर आम्हाला फॉलो करा@PIBMumbai    /PIBMumbai    /pibmumbai  pibmumbai[at]gmail[dot]com