PIB Headquarters

কোবিদ-১৯গী মতাংদা নুমিৎ খুদিংগী ফোংবা পি.আই.বি.গী বুলেতিন

Posted On: 16 SEP 2020 6:15PM by PIB Imphal

Coat of arms of India PNG images free download

(মসিদা হৌখিবা পুং ২৪ দা থোকখিবা কোবিদ -১৯গা মরী লৈনবা চেফোংশিং, ফিল্দ ওফিসশিংদগী ফংবা পাউশিং, অমসুং পি.আই.বি.না লৌখৎপা ফেক্ত চেকশিং য়াওরি )

  • ভারতনা নোংমখক্তংদা খ্বাইদগী চাং ৱাংনা অনাবদগী ফগৎলকখিবগী রেজিস্তর তৌখ্রে- হৌখবা পুং ২৪সিদা কোবিদনা নারম্বদগী ৮২,৯৬১ ফগৎলকপগী চাং ৱাংবা রেকোর্দ
  • মহারাস্ত্র মথন্তখক্তনা অনৌবা ফগৎলকপগী চাং অসি মশুং অমরোম ওইখ্রে; ফগৎলকখিবগী চাং অসি এক্তিব কেস মশিংগী শরুক ৪ ওইখ্রে
  • হৌখিবা পুং ২৪দা ৯০,১২৩ রিপোর্ত তৌরকপা য়াওনা, হৌজিক ফাওবদা লৈবাক অসিদা এক্তিব কেস ৯,৯৫,৯৩৩ লৈরি
  • কোবিদ-১৯ লান্থেংনরিবা হেল্থ ৱার্করশিংগীদমক প্রধান মন্ত্রী গরিব কল্যান পেকেজ ইন্সুরেন্স স্কিম’ অসি অতোপ্পা থা ৬ অমগা শাদোকখ্রে
  • গরীব কল্যান রোজগার অভিয়ানগী মখাদা রাজ্য তরুক্তা লুপা কোতি ২৩৫৫৯.২০ চাদিং তৌদুনা মেনদেজ এমপ্লোইমেন্ত জেনরেৎ তৌরিবা অপুনবা মসিং অসি ২৭,২১,১৭২৪০নি

ভারতনা নোংমখক্তংদা খ্বাইদগী চাং ৱাংনা অনাবদগী ফগৎলকখিবগী রেজিস্তর তৌখ্রে, হৌখবা পুং ২৪সিদা কোবিদনা নারম্বদগী ৮২,৯৬১ ফগৎলকপগী চাং ৱাংবা রেকোর্দ

ভারতনা য়াম্না ৱাংনা ফগৎলকপগী মখা তানা রেকোর্দ অমা তৌরকখ্রে। ভারতনা নোংমখক্তং হৌখিবা পুং ২৪সিদা খ্বাইদগী চাং ৱাংনা অনাবদগী ফগৎলকখিবগী রেজিস্তর তৌখ্রে। কোবিদনা নাবা মীওই ৮২,৯৬১ অসি য়ুমদা/ফেসিলিতী আইসোলেসন অমসুং হোসপিতালশিংদগী ফগৎলকখ্রে অমদি দিসচার্জ তৌখ্রে, ফগৎলকখিবগী চাং অসি হেনগৎলক্তুনা ৭৮.৫৩% ওইখ্রে। নুমিৎ-৭নিগী ফগৎলকপগী চাংচৎ অসি লেপ্তনা হেনগৎলকপগী মওং উৎলি। ফগৎলখখিবগী অপুনবা মশিং অসি ৩৯,৪২,৩৬০দা লৈরি। হৌখিবা পুং ২৪সিদা মহারাস্ত্র(১৯৪২৩)দা অনৌবা ফগৎলকখিবা অসি ২৩.৪১% ওইখ্রে অদুগা অন্ধ্র প্রদেশ(৯৬২৮), কর্নাতকা (৭৪০৬), উত্তর প্রদেশ(৬৬৮০) অমসুং তমিল নাদু(৫৭৩৫) নচিংবা রাজ্যশিংদা অনৌবা ফগৎলকখিবগী চাং অসি ৩৫.৫% ওইখ্রে। রাজ্য মঙাসিদা অনৌবা ফগৎলকপগী চাং অসি ৫৯% ওইখ্রে। রাজ্য/য়ুনিয়ন তেরিতোরী ২৭তা ৭০%দগী হেন্না ফগৎলকখিবগী পাও ফংখি। হৌজিক ফাওবদা লৈবাক অসিদা এক্তিব কেস ৯,৯৫,৯৩৩ লৈরি। নারম্বদগী ফগৎলকখিবা অমসুং এক্তিব কেসশিংগী মরক্তা লাপ্নবা অসি ঙসি লাক্ষ ২৯(২৯,৪৬,৪২৭) হেনখ্রে। ফগৎলকখিবা কেস মশিং অসি এক্তিব কেস মশিংদগী শরুক (৩.৯৬)রোম ওইরে। মহারাস্ত্র, কর্নাতকা, অন্ধ্র প্রদেশ, তমিল নাদুদা এক্তিব কেস অসি ৬০% নকশিল্লক্লি। হৌখিবা পুং ২৪সিদা লৈবাক অসিদা অনৌবা কেস ৯০,১২৩ রিপোর্ত তৌখি। হৌখিবা পুং ২৪সিদা অনৌবা ২০,০০০হেন্দুনা মহারাস্ত্রনা তেল্লী অসিদা মাংজিল থানা লৈরি। মসিদা অন্ধ্র প্রদেশ (৮৮৪৬) অমসুং কর্নাতকা(৭৫৭৬)না মনিং চেল্লি।

অকুপ্পা ৱারোলগীদমক : https://pib.gov.in/PressReleseDetail.aspx?PRID=1654884

কোবিদ-১৯ লান্থেংনরিবা হেল্থ ৱার্করশিংগীদমক প্রধান মন্ত্রী গরিব কল্যান পেকেজ ইন্সুরেন্স স্কিম’ অসি অতোপ্পা থা ৬ অমগা শাদোকখ্রে

‘কোবিদ-১৯ লান্থেংনরিবা হেল্থ ৱার্করশিংগীদমক প্রধান মন্ত্রী গরিব কল্যান পেকেজ ইন্সুরেন্স স্কিম’ অসি নুমিৎ ৯০গী মতমগী ওইনা মার্চ ৩০, ২০২০দা লাউথোকখি। মসি নুমিৎ ৯০গী মতমগী মখা তানা শাংদোকখি মদুদি সেপ্তেম্বর ২৫, ২০২০ ফাওবনি। স্কিম অসি হৌজিক নুমিৎ ১৮০গী হায়বদি থা ৬কী অমুক শাংদোকখ্রে। মসিগী সেন্ত্রেল সেক্তর স্কিম অসিনা কোবিস-১৯ নাবা মীওইশিংগা হকথেংননা শোক্নবা অমদি শেবা তৌরিবা অসিনা মরম ওইরগা নারকপা য়াবগী খুদোংথিবা লৈবা কম্ম্যুনিতী হেল্থ ৱার্করশিং য়াওনা হেল্থক্যের প্রোভাইদরশিংদা লুপা লাখ ৫০ কভর তৌবা ইন্সুরেন্স অমা ফংহল্লি। মসিদা কোবিদ-১৯ লৌনরকপনা মরম ওইদুনা শোইদনা লৈখিদবগীসু য়াওরি।

অকুপ্পা ৱারোলগীদমক: https://pib.gov.in/PressReleseDetail.aspx?PRID=1654635

ইন্তরনেস্নেল পেসেঞ্জরশিংগীদমক কোবিদ-১৯ তেস্ত
সিবিল এবিএসন মন্ত্রালয়না অহৌবগী ওইনা ইন্তরনেস্নেলশিং থাদোক থাজিন য়ানবগীদমক চঙফম জগাশিংদা আর.তি.-পি.সি.আর. তেস্ত তৌবগী অয়াবা পীখ্রে। মসিগী মখাদা, এয়রপোর্ত ওপরেতরনা আর.তি.-পি.সি.আর. তেস্ত তৌনবগীদমক সেম্পল কল্লেক্সন কম ৱেতিং লোঞ্জ ফেসিলিতী থমগনি। করিগুম্বা তেস্ত রিজল্ত অদু নেগেতিব লাক্লবদি পেসেঞ্জর অদু ৱেতিং লোঞ্জ থাদোকপা য়াগনি অমসুং দিপার্চরদা চত্তুনা কন্নেক্তিং ফ্লাইৎ তোংবা য়াগনি। অদুবু করিগুম্বা তেস্ত রিজল্ত অদু পোজিতিব লাক্লবদি, পেসেঞ্জর অদু আই.সি.এম.আর.না পীবা চৎন-কাংলোনশিং ইলহন্নবা রাজ্যগী ওথোরিতীশিংনা থবক লৌখৎকনি। পেসেঞ্জর অমত্তা অয়াবা য়াওদনা থোকপা য়ারোই। পাউদম অসি সিবিল এবিএসনগী রাজ্যগী মন্ত্রী (আই./সি.) শ্রী হর্দীপ সিংহ পুরিনা রাজ্য সভাদা ঙসি অইবা পাউখুম ওইনা পীখিবনি।

অকুপ্পা ৱারোলগীদমক: https://pib.gov.in/PressReleseDetail.aspx?PRID=1654635

কোরোনা ভাইরসনা পীবা শাফু

কোরোনা ভাইরস অসি খঙহৌদনা শন্দোরকপা অসিনা মরম ওইরগা মালেমগী অচৌবা ইকোনোমীশিং খরদি য়াম শাথীনা শোকহল্লি৷ গ্লোব অসিগী ললোন-ইতিক্তা মমিং লৈরবা লৈবাকশিং য়ু.এস.এ., য়ুরোপিয়ন য়ুনিয়ন, য়ু.কে. অমসুং ভারত য়াওনা য়াম্না ফিভম কাইবা মওংদা শোকহল্লি৷ কোবিদ-১৯ লাইচৎ অসি শন্দোরকপা হন্থহন্ননবগীদমক চৎথরিবা লোকদাউন অসিনা মরম ওইরগা ৱল্দ বেঙ্ক অমসুং আই.এম.এফ. অনিনা এফ.ৱাই. ২০২০-২১গী গ্লোবেল জি.দি.পি.দা হন্থরক্কদ্র হায়না পানরি৷ লৈবাক শিনবা থুংনা তৌরিবা লোকদাউন অসিনা মরম ওইরগা তোঙান তোঙানবা সেক্তরশিংদা শোকহল্লে৷ অদুম ওইনমক লোকদাউন অসি হাংদোরক্লবা মতুংদদি ঐখোয়না শেল-থুমগী ফিভম তোঙান তোঙানবা সেক্তরদা ফগৎলকপা উরে৷ ইন্দস্ত্রীশিং অমুক হন্না মথৌ তৌবা হৌনবগীদমক সরকারনা তোঙান তোহানবা খোঙথাংশিং লৌখৎখ্রে। হায়রিবা ই-পাউ অসি কমমর্স অমসুং ইন্দস্ত্রীগী কেন্দ্রগী মন্ত্রী শ্রী পিয়ুস গোয়লনা ঙসি পাঙথোকখিবা লোক সভাদা অইবা ৱারোল অমা ওইনা পীশিনখি৷

অকুপ্পা ৱারোলগীদমক: https://pib.gov.in/PressReleseDetail.aspx?PRID=1655051

কোচশিংবু কোভিদ কেয়র য়ুনিৎ ওন্থোকপা

ইন্দিয়ন রেলৱেজনা নন-এ.সি. আই.সি.এফ. ৫২৩১ অসি মতম খরগী ওইনা নাইতোম ওইবা কোচেস হায়বদি কোভিদ-১৯ আইসোলেসন য়ুনিৎ ওইনা লোকদাউন মনুংদা ওন্থোক্লি। মখোয়গী রিক্বিজিসন, কোচেস ৮১৩ অমা ১২.০৯.২০২০ স্তেত সরকারনা পীরি। মখোয়গী পুন্সিদা কোদাল পীদুনা পেসেনজরশিংদা হেন্না খবা অমা পীদুনা নাইতোম ওইবা পীরি। মসিগী পীরিবা ৱারোল অসি রেলৱে অমসুং কম্মর্স অমসুং ইন্দস্ত্রীগী মিনিস্তর শ্রী পিয়ুশ গোয়ালনা অইবা ওইনা ৱাহং অমগী পাউখুমদা ঙসি লোক সভাদা পীখিবনি।

অকুপ্পা ৱারোলগীদমক: https://pib.gov.in/PressReleseDetail.aspx?PRID=1655117

কেন্দ্র সরকারনা অমুক্তা থোকখিদ্রিবা মওংদা কেভিদ-১৯গী লায়চৎ মরক অসিদা ভারত পুম্বগী ওইনা শিন্মীগী য়াইফনবা অমসুং থবক ফংন্নবা খোংথাং লৌখৎলি : শ্রী গঙ্গৱার

কেন্দ্রগী লেবর অমসুং ইম্প্লোইমেন্ত মিনিস্তরনা ঙসি হায়খি মদুদি য়াম্লবা অমুক্তা থোকখিদ্রিবা মওংদা কেভিদ-১৯গী লায়চৎ মরক অসিদা ভারত পুম্বগী ওইনা শিন্মীগী য়াইফনবা অমসুং থবক ফংন্নবা খোংথাং লৌখৎলি। লোকদাউন হেক লোইবগা লেবর অমসুং ইম্প্লোইমেন্ত মিনিস্তরনা স্তেত সরকার অমসুং য়ু.তি.শিংদা শিন্মীশিংদা পীগদবা মতেং অসিগী মওংশিং অসি তাক্লি। মসিনা তাক্লি মদুদি খ্বাইদগী য়াম্বা মশীং অসি কোইনা চৎপা শিন্মীশিংগী মরক্তা য়ুম-কৈ শাবা শিন্মীনা মশীং য়াম্লি। হৌজিক ফাওবদা কোইনা চৎপা শিন্মী মশীং করোর অনিরোমদা লুপা করোর ৫০০০.০০ মখোয়গী বেঙ্কগী খুথাংদা বিল্দিং অমসুং অতোপ্পা কন্সত্রকসন ৱার্করস সেস ফন্দদগী শিজিন্নবনি। লোকদাউন মনুং অসিদা কোইনা চৎপা শিন্মীশিংগী অৱাবা কোক্নবা, লেবর অমসুং ইম্প্লোইমেন্ত মিনিস্তরনা কৎথোক্লবা কন্ত্রোল রুম ২০ অমসু কেন্দ্রগী শিন্মী মিনিস্ত্রীনা লিংখৎখ্রে। লোকদাউন মনুং অসিদা শিন্মীশিংগী ৱাকৎ ১৫০০০ হেনবগী ৱা তাখ্রে অদুগা লুপা করোর ২৯৫ রোম লেবর অমসুং ইম্প্লোইমেন্ত মিনিস্তরনা মখোয়গী পীগদবা খুৎশুমল পীথোকখি। য়াম্না পীকপা শেলগী মতেং শিন্মীশিংদা ফংনবা প্রধান মন্ত্রী গরিব কালয়ান য়োজনাগী মখাদা লেবর অমসুং ইম্প্লোইমেন্ত মিনিস্তরনা ই.পি.এফ. মেম্বর খুদিংদা ৭৫% মখোয়গী ফন্দ দিপোজিৎ অদুদগী লৌথোকপা য়াগনি। হৌজিক ফাওবদা লুপা করোর ৩৯,০০০ ই.পি.এফ.ও.গী মেম্বরনা চিংথোকখ্রে।

অকুপ্পা ৱারোলগীদমক : https://pib.gov.in/PressReleseDetail.aspx?PRID=1654819

কোবিদ-১৯ লায়চৎ মনুংদা ‌এম.জি. নরেগা ইমপ্লিমেন্ত তৌখিবা

মহাত্মা গান্ধী নরেগা অসি খুশুমন তান্নবা থবক পীনবা স্কিম অমনি। খুঙ্গংগী মফম অমদা লৈবা ইমুং অমগী জোব কার্দ পাইবা (মহাত্মা গান্ধী নরেগা এক্ত) মীয়াই চল্লবা ইমুংগী মীওই খুদিংমক্না স্কিম অসিগী মখাদা থবক য়াওবা য়াগনি। স্কিম অসিগী জোব কার্দতা মাইগ্রেন্ত শিন্মীশিং/ইমুং হায়না খায়দোক্তুনা জোব কার্দ হোল্দর অমনা রেজিস্তর তৌনবগী প্রোবিজন লৈতে। মাইগ্রেন্ত শিন্মী/ইমুংনা পাম্লবদি এক্ত অসিগী প্রোবিজনগী মতুং ইন্না মাইগ্রেন্ত শিন্মী/ইমুং অমদা জোব কার্দ অমা পীবা য়াই। শেনবা চহি ২০১৯-২০গী মনুংদা অনৌবা জোব কার্দ ৬৪,৯৫,৮২৩ পীখিবা অদুগা য়েংনবদা চৎলিবা শেনবা চহি অসিগী মনুংদা হৌজিক ফাওবদা অনৌবা জোব কার্দকী অপুনবা ৮৬,৮১,৯২৮ পীখি। ১০.০৯.২০২০ ফাওবদা চৎলিবা শেনবা চহি অসিদা স্কিম অসি ইমপ্লিমেন্ত তৌনবা রাজ্যশিং অমসুং য়ু.তি.শিংদা হৌজিক ফাওবদা মন্ত্রালয়না লুপা লাখ ৬০,৪৪,০৯৮.২৩ কায়থখ্রে।

অকুপ্পা ৱারোলগীদমক : https://pib.gov.in/PressReleasePage.aspx?PRID=1654684

গরীব কল্যান রোজগার অভিয়ান
গরীব কল্যান রোজগার অভিয়ান (জি.কে.আর.এ.) অসি মিশন অমগা লোয়ননা কোবিদ-১৯ লায়চৎনা মরম ওইদুনা হল্লকখিবা মাইগ্রেন্ত লেবরশিং অমসুং মসিগা মান্ননা চৈথেং ফংলবা খুঙ্গংগী মীশিংগী ওইবা ৱাফমশিং অসি প্রধান মন্ত্রীনা জুন ২০, ২০২০দা লাউথোকখিবা নুমিৎ ১২৫নিগী ওইবা থোং কয়াগী ওইবা অরুবা মওংদা লৈরিবা মীশিংদা খুদক্তা থবক ফংহন্দুনা অমদি হিংনবগী খুদোংচাবা পীনবগীদমক্তা লাল্লোং, ময়ামগী ওইবা ইনফ্রাস্ত্রকচর লৈবা খুঙ্গং অদু পুংয়ৌ য়ৌহন্নবা অমসুং চাগা হেনগৎহনবা থবকশিং থোরকহন্নবা পুন্সি মহিং অমা শেম্নবা অমসুং লুপা করোর ৫০,০০০গী রিসোর্স ইনভেলপ অমগা লোয়ননা রাজ্য ৬তগী খনগৎলবা খুঙ্গং ১১৬দা থবক ২৫গী ওইনা য়েংলগা অশাংবা মতমগী ওইনা হিংবা ঙম্নবগী খুদোংচাবী পীবদা পান্দম থম্বা অভিয়ান অমনি। মসিগী পাউ অসি খুঙ্গংগী চাউখৎপা অমসুং পঞ্চায়তী রাজগী কেন্দ্র মন্ত্রী শ্রী নরেন্দ্র সিংহ তোমারনা ঙসি লোক সভাদা অইবা পাউখুম ওইনা পীখিবনি।

অকুপ্পা ৱারোলগীদমক : https://pib.gov.in/PressReleasePage.aspx?PRID=1654680

হোস্পিতালশিংগী হেল্থক্যের অমসুং অতোপ্পা হেল্থ ৱার্করশিং খুদোংথিদনবা লৌখৎপা খোঙথাংশিং

হোস্পিতালশিং অমসুং দিস্পেন্সরীশিং অসি রাজ্যগী মখাদা লৈবা হীরম ওইবনা কোবিদ-১৯ লায়চৎ মনুংদা হোস্পিতালশিং অমদি মেদিকেল ৱেস্তশিং শেংদোকপা মরী লৈনবা হকশেলগী ওইবা খুদোংথিবনা মরম ওইদুনা লৈখিদবা সাফাই কর্মচারিশিংগী দেতা অসি কেন্দ্রগী সরকারদা লৈতে। রাজ্যশিংদা ইনফেক্সন প্রিবেন্সন এন্দ কন্ত্রোল কম্মিতীশিং শেম্নবা খঙহনখি। হোস্পিতালশিংনা নোদেল ওফিসর অমা থমদুনা হেল্থক্যের ৱার্করশিং অমসুং লায়না অসি নারকপা য়াবশিংগী হকশেলগী ফীভম য়েংশিনগদবনি। নারকপা য়াবগী চাং য়াম্না ৱাংবশিং নুমিৎ ৭নি ক্বারেন্তিন তৌদুনা থমগনি। মখোয়গী নারকপা য়াবা/ক্লিনিকেল প্রোফাইলদা য়ুম্ফম ওইরগা অসিগুম্বা দোক্তরশিং, নর্সিং ওফিসরশিং অমসুং অতোপ্পা হেল্থ ৱার্করশিং অসিগী মখা তানা চয়োল অমগা শাংদনবা নোদেল ওফিসর/দিপার্তমেন্তগী হেদনা (নত্রগা এপোইন্ত তৌরিবা সব-কম্মিতীনা) ৱারেপ অমা লৌগনি। হোস্পিতালশিংগী কোবিদ অমসুং নন-কোবিদকী মফমশিংদা হেল্থ ৱার্করশিংনা থবক তৌরিবা অসি য়েংশিন্নবা হকশেল অমসুং য়াইফ য়ুম্বাল মন্ত্রালয়না জুন ১৮, ২০২০দা এনবাইজরী অমা থোকখি। অতোপ্পা ফিল্দ লেবেল ৱার্করশিং য়াওনা হেল্থক্যের ৱার্করশিংনা পি.পি.ই.শিং চুম্না শীজিন্ননবা গাইদলাইনশিং হকশেল অমসুং য়াইফ য়ুম্বাল মন্ত্রালয়না থোকখ্রে। গাইদলাইনশিং অসিনা থবক মফমশিংদা লায়না অসি লৌরকপগী খুদোংথিবা অদু হন্থহন্নবা শীজিন্নগদবা পি.পি.শিং.শিংগী মখলশিং পীরি। মসিনা রাজ্য সরকারশিংনা লৌখৎকদবা লায়না শন্দোকপদগী ঙাকথোক্নবা অমদি লাকশিন্নবা থৌরাংশিংগী মতাংদা গাইদলাইনশিংসু পীরি। রাজ্যশিআনা হোস্পিতালশিংদা মথৌ তৌরিবশিংবু লায়না শন্দোকপদগী ঙাকথোক্নবা অমদি লাকশিন্নবা থৌরাংশিংগী মতাংদা ত্রেন তৌনবা খঙহনখি। লায়না শন্দোকপদগী ঙাকথোক্নবা অমদি লাকশিন্নবা থৌরাংশিংগী ত্রেনিং অসি আই.জি.ও.তি.গী প্লেৎফোর্মদা হেল্থক্যের ৱার্করশিংগী কেতগোরী পুম্নমক্তা ফংহল্লি। মসিগী ই-পাউ অসি ঙসি রাজ্য সভাদা সোসিএল জস্তিস অমসুং এম্পাৱর্মেন্তগী মিনিস্তর ওফ স্তেৎ শ্রী রামদাস আথৱলেনা অইবা পাউখুম ওইনা পীখিবনি।

অকুপ্পা ৱারোলগীদমক : https://pib.gov.in/PressReleseDetail.aspx?PRID=1654924

হৌজিক শন্দোরক্লিবা লায়চৎ অসি য়েংলগা ওল্দ এজ হোমশিং চল্লাইনবা অমদি য়েংশিন্নবা ইমপ্লিমেন্তিং এজেন্সীশিংদা মাংজৌননা শেন্থং কায়থনবা এম/ও সোসিএল জস্তিস অমসুং এম্পাৱর্মেন্তনা ৱেরেপ লৌখ্রে

হৌজিক শন্দোরক্লিবা লায়চৎ অমদি ইমপ্লিমেন্তিং এজেন্সীশিং (আই.এ.শিং) অসিনা হোল্দ এজ হোমশিং চল্লাইনবা অমদি য়েংশিন্নবা ফন্দ মতক চানা লৈরমদবা য়াই হায়বা ৱাফম অসিগী খল্লগা, সোসিএল জস্তিস অমসুং এম্পাৱর্মেন্ত মন্ত্রালয়না মখোয়দা মাংজৌননা শেন্থং কায়থনবা ৱারেপ লৌখ্রে। ঙসি ফাওবদা ২০২০-২১গী ওইনা আই.এ.শিংদা হান্না লুপা করোর ৮৩.৭৪ কায়থখ্রে। সোসিএল জস্তিস অমসুং এম্পাৱর্মেন্ত মন্ত্রালয়না নেস্নেল এক্সন প্লান ফোর সিনিয়র সিতিজেন্স (এন.এ.পি.এসআর.সি.) ইমপ্লিমেন্ত তৌরি, হায়রিবা অসি ইন্তগ্রেতেদ প্রোগ্রাম ফোর সিনিয়র সিতিজেন্স (আই.পি.এসআর.সি.)গী শরুক অমনি মসিগী মখাদা অতোপ্পা কয়াগী মরক্তা সিনিয়র সিতিজেন্স হোমশিং (ওল্দ এজ হোমশিং) চল্লাইবা অমসুং য়েংশিন্নবা রাজ্য সরকারশিং/য়ুনিয়ন তেরিতরী এদমিনিস্ত্রেসনশিং (রেজিস্তর সোসাইতীশিংগী খুত্থাংদা)/ পঞ্চায়তিরাজ ইন্সতিত্যুসনশিং (পি.আর.আই.শ/লোকেল বোদীশিং; নন-গভর্নমেন্তেল ওর্গনাইজেসনশিং (এন.জি.ও.শিং)/ ভোল্যুন্তরী ওর্গনাইজেসনশিংগুম্বা ইমপ্লিমেন্তিং এজেন্সীশিংদা গ্রান্ত-ইন-এদ পীথরি। মসিগী ই-পাউ অসি ঙসি রাজ্য সভাদা সোসিএল জস্তিস অমসুং এম্পাৱর্মেন্তগী মিনিস্তরোফফফ স্তেৎ শ্রী রত্তন লাল কাতারিয়ানা অইবা পাউখুম ওইনা পীখিবনি।

অকুপ্পা ৱারোলগীদমক : https://pib.gov.in/PressReleseDetail.aspx?PRID=1654923

কোরোনা ক্রাইসিস মনুংদা পি.এম.য়ু.ৱাই.গী মখাদা সিলিন্দরশিং য়েন্থোকখিবা

প্রধানমন্ত্রী উজ্বলা য়োজনাগী মখাদা ০১.০৫.২০১৬ দগী হৌনা চৎনদুনা লাইরবা ইমুংশিংগী অহল ওইরবা নুপীশিংদা লেম্না এল.পি.জি. কনেক্সন ফংহন্নবা লাউথোকখি। হায়রিবসিগী মান্ননা পান্দম অসি ২০১৯গী সেপ্তেম্বর ৭দা ফংবা ঙমখি। পাউখুম অসি পেত্রেলিয়ম অমসুং নেচরেল গ্যাসকী কেন্দ্র মন্ত্রী শ্রী ধরমেন্দ্র প্রধান্না ঙসি রাজ্য সভাদা অইবা পাউখুম অমা ওইনা পীখিবনি।

অকুপ্পা ৱারোলগীদমক : https://pib.gov.in/PressReleseDetail.aspx?PRID=1654934

দিফেন্স সর্ভিসশিংদা কোবিদ-১৯ কেসশিং

আর্মী, নেভী অমসুং এয়র ফোর্সতা নাবা কোবিদ-১৯ কেসশিংগী মশিং অসি মথং শিৎনা ১৬৭৫৮, ১৩৬৫ অমসুং ১৭১৬নি। কোবিদ-১৯না মরম ওইদুনা লৈখিদবগী মশিং অসি আর্মী অমসুং এয়র ফোর্সকী ওইনা মথং শিৎনবা ৩২ অমসুং ০৩ ওইখি অমদি নেভীগী ওইনদি ‘নিল’ ওইখি। হৌজিক লৈরিবা চৎনা-পথাপকী মতুং ইন্না, সর্ভিস্তা লৈরিঙৈদা লৌনগনবা লায়না অসিনা মরম ওইরগা লৈখিদবগী অখন্নবা কম্পেন্সেসন লৈতে। অদুম ওইনমক সর্ভিস্তা লৈরিঙৈদা লৈখিদবা পুম্নমক্কী ওইনা তর্মিনেল বেনিফিৎশিং ফংহনগনি। মসিগী ই-পাউ অসি ঙসি লোক সভাদা শ্রী অনুমুলা রেবান্থ রেদীদা অইবা পাউখুম ওইনা ঙকশেলগী রাজ্যগী মন্ত্রী শ্রী শ্রিপাদ নাইকনা পীখিবনি।

অকুপ্পা ৱারোলগীদমক : https://pib.gov.in/PressReleseDetail.aspx?PRID=1655098

 

পি.আই.বি. ফিল্দ ওফিসশিংদগী ফংবা পাউ

•           মহারাস্ত্র: মহারাস্ত্র সরকারনা রাজ্য অসিদা লৈরিবা হোসপিতালশিংদা সি.তি. স্কেন তেস্তশিং পাংথোকপদা লৌগদবা মমলশিং লেপ্নবা মেম্বর মরিগী কমিতী অমা শেমখ্রে। রাজ্যগী হকশেল মন্ত্রী, রাজেশ তোপেনা হায়খি মদুদি হোসপিতাল কয়া অমনা মমল হেন্না লৌবগী মতাংদা ৱাকৎ কয়া অমা লাকখিবনা মরম ওইরগা সরকার অসিনা তেস্তশিং অসিগীদমক্তা অকক্নবা মমল লেপথোক্নবা ৱারেপ লৌখিবনি। মরক অসিদা, মুখ্য মন্ত্রী উধব থাকরেনা রাজ্য সরকারগী অনৌবা খোংথাং ‘মাই ফামিলী, মাই রেসপোন্সিবিলিতী’ চৎনহন্নবা খুঙ্গং খুদিংমক্কী সর্পঞ্চশিংগী মতেং লৌখি। সি.এম.না উপ সি.এম. আজিত পৱারগা লোইননা  রাজ্য অসিগী সরপঞ্চ ২৮,০০০গা লোইননা ভর্চৱল মীতিং অমা পাংথোকখি।

•           রাজস্থান: রাকস্থানদা লৈরিবা লনাইগী হোসপিতালশিং অমসুং লেবোরেতরীশিংদা কোবিদ-১৯ তেস্ত তৌবগী পীথোক্লবা মমলশিং অদু লুপা ১,২০০দা হন্থখ্রে। হকশেল মন্ত্রী, দা. রঘু শর্মানা হায়খি মদুদি আর.তি.-পি.সি.আর. তেস্তিং কিতশিং, রিএজেন্তশিং, ভি.তি.এম. কিত অমসুং অতোপ্পা শিজিন্ননবগী পাওৎলমশিংগী মমল হন্থখ্রে, মরম অসিনা হন্থবা মমলদা প্রজা মীয়ামদা তেস্ত তৌবগী খুদোংচাবা অসি পীনবা ৱারেপ লৌখিবনি। ৱারেপ অসি সৱাই মান সিং মেদিকেল কোলেজকী সেনিয়র দোক্তরশিং অমসুং অতোপ্পা সবজেক্ত এক্সপার্তশিংগা তানরবা মতুংদা লেপখিবনি। মরক অসিদা সি.এম অশোক গেহলোতনা মকোক থোংবা দোক্তরশিংগা ৱারি শানখি অমসুং রাজস্থানদা কোবিদ-১৯ লাকশিন্নবগী লাল্লোংশিংগী কান্নবা অমসুং মাংজবগী মতাংদা খন্নখি।

•           মথ্য প্রদেশ: মথ্য প্রদেশ সরকারনা মহারাস্ত্রদগী সপ্লাই লেপখ্রবামতুংদগী থোরকপা মেদিকেল খ্রাইসিস অদুবু মায়োক্নবা ঙম্নবা লৌখৎলকপা অতোপ্পা খোংথাংশিংগী মনুংদা ইন্দসত্রীগী ওইনা ওক্সিজেন শিজিন্নবা অসি থিংজিনখ্রে। রাজ্য অসিনা ওক্সিজেন সীলিন্দরশিং কাহেন্না ৱাংৎপদগী অৱাবা মায়োক্নরি অমসুং অতোপ্পা থৌরাং কয়া অমা লাংনবা কন্না হোৎনরি।

•           ছত্তিসগর: লৈবাকপোকপা নুমিত্তা ছত্তিসগরদা কোরোনাভাইরসকী কেস ৩,৪৫০ থেংনদুনা নোংমদা খ্বাইদগী ৱাংবা থেংনখি, মসিনা রাজ্য অসিদা এনফেক্সনগী মশিং ৭০,৭৭৭ য়ৌহনখ্রে। সরকারনা দুর্গ জিলা হোসপিতালদা ওক্সিজেন বেদ ৫০ লৈবা ফেসিলিতী অমা হৌদোকখ্রে। দুর্গ এদমিনিস্ত্রেশন্না হোম আইসোলেশনদা পেসন্তশিংগীদমক্তা তোল-ফ্রী নম্বরশিং থাদোকখ্রে। জিলাগী এদমিনিস্ত্রেশন্না মুঙ্গেলি জিলাদা নুমিৎ ৭কী লোকদাউন লৈরগনি হায়না ওর্দর থোকখ্রে। 

•           কেরলা: রাজ্য কেবিনেতনা লাক্কদৌরিবা লোকল বোদী পোলশিংদা পোস্তল ভোৎশিং শিজিন্ননবা কোবিদ-১৯গী পেসেন্তশিং অমসুং ফমুংদগী লেংখৎপা ঙমদ্রবাশিংদা অয়াবা পীখ্রে। মসিদা ভোৎ থাধবগী পুংশিং অদু পুং অমা অমুক শাংদোক্নবা ৱারেপ লৌখ্রে। কেনেতনা ঙসি লৌখিবা ৱারেপ অমনা কোবিদ-১৯না মরম ওইরগা শেল-থুমগী ফিভমদা শোত্থখিবা অদুনা মখোয়গী বেসিক পেদগী ককখিবশিং অদু মখোয়গী পি.এফ. একাউন্তশিংদা সরকারগী কর্মচারিশিংগী তোলোপ অদু থাধনবা ৱারেপ লৌখি। রাজ্যগী শেল-থুমগী মন্ত্রী, থোমাস আইসাক ঙসি কোবিদ-১৯দগী নাবা ফরদুনা হোসপিতালদগী দিসচার্জ তৌখ্রে। মরক অসিদা কেপিতলদা লেবা প্লাস্তিক ফেক্তরীগী ৱার্কর ১১০ পোজিতিব ওইবা থেংনখি। হৌজিক রাজ্য অসিদা কোবিদ পেসেন্ত ৩১,১৫৬ লাইয়েংদুনা লৈরি অমসুং জিলা কয়া অমদা মীওই ২,০৮,১৪১ ওবজার্ভেশন্দা লৈরি। রাজ্য অসিদা হোজিক ফাওবদা শিবগী মশিং অসি ৪৬৬ শুখ্রে।

•           তামিল নাদু: পুদুচেরীগী লেপ্তনেন্ত গোভর্নর, কিরন বেদিনা হায়খি য়ুনিয়ন তেরিতোরী অসিদা কোবিদ-১৯ সেফতী নোর্মশিং চৎনহন্নবা অমসুংপ্রোতোকোলশিং অসি কাইনা চৎপদগী থিংনবা পুলিস, রেভেন্যু অমসুং মুনিসিপাল ওফিসিয়েলশিংনা পুন্সিন্দুনা শেম্বা অপুনবা মোবাইল তীমশিং শেম্লগনি। তি.এন. সি.এম. এদাপ্পদি কে. পলানিস্বামিনা এসেম্বলীদা হায়খি মদুদি রাজ্য সরকার অসিনা কন্না হোৎনবনা মরম ওইরগা তামিল নাদুদা কোরোনাভাইরস ইনফেক্সন হন্থরক্লে; লাইচৎ অসিগী মতাংদা এসেম্বলীদা তৌখিবা দিবেত অমদা পাউখুম পীরদুনা, পলানিস্বামিনা হায়খি মদুদি লৈবাক অসিদা ফগৎলকপগী চাং অসি তামিল নাদুদা খ্বাইদগী হেন্না ৱাংঙি (৮৯%) অদুগা শিবগী চাং খ্বাইদগী নেম্মি  (১.৬৭%)। রাজ্য সরকারনা হন্দক্কী থা অসিদা ফাইনেল সেমেস্তর একজামশিং পাংথোক্নবা য়ুনিভর্সিতী ১৩ অমসুং দাইরেক্তর ওফ তেক্নিকেল এজুকেশন (দি.ও.তি.ই.)দা অয়াবা পীখ্রে।

•           কর্নাতকা: রাজ্যগী কেবিনেতনা লৈবাকপোকপা নুমিত্তা চৎনরিবা, হৌজিক লৈরিবা চাদা ৩গী জি.এস.দি.পি.গী মহুত্তা চাদা ৫দা রাজ্য অসিগী বোরোৱিং লিমিৎ অদু হেনগৎনবা কর্নাতকা ফিস্কেল রেসপোন্সিবিলিতী এক্ত (কে.এফ.আর.এ.)দা এমেন্দমেন্ত অমা অয়াবা পীখ্রে; মসিনা রাজ্য অসিদা কে.এফ.আর.এ.গী মখাদা ফিস্কেল দিসিপ্লিন থুগাইদনা লোন ওইনা অহেনবা লুপা করোর ৩৬,০০০ খোমগৎপা ঙমহনগনি। রাজ্যগী য়ুম্লৈ-কৈরৈ মন্ত্রী, বাসভরাজ বোম্মাই কোবিদ পোজিতিব ওইখ্রে; মহাক্না রাজয় অসিদা পোজিতিব ওইখিবা মরিশুবা মন্ত্রীনি। কর্নাতকা গোভর্নমেন্ত মেদিকেল ওফসরস এসোসিয়েশন (কে.জি.এম.ও.এ.)গী মখাদা লৈবা দোক্তরশিংনা সেপ্তেম্বর ১৮ ফাওবা স্ত্রাইক তৌখিগনি; দোক্তরশিং অসিনা মেদিকেল এজুকেশন দিপার্তমেন্ত্তা লৈবা মখোয়গী কাউন্তরপার্তশিংগা পে মান্ননবা, নত্রগা সেন্ত্রেল গোভর্নমেন্ত স্কীমগী মতুং ইন্না পে রিভিজন তৌনবা দিমান্দ তৌরি।

•           অন্ধ্র প্রদেশ: খুঙ্গংগী অমসুং ৱার্দ সেক্রেতরিয়েত পোস্তশিং খন্নবগীদমক্তা তেস্ত অসিদা শরুক য়ারিবা পোজিতিব ওইরবা কেন্দিদেতশিংগীদমক্তা রাজ্য অসিনা অখন্নবা কাশিং থমখ্রে। তিরুমালা তিরুপতি দেৱাস্থনমনা ভারত সরকারগী কোবিদ-১৯ প্রোতোকোল ঙাক্না চত্তুনা লাইনিংবা লাক্লিবশিং য়ৌহন্দনা তিরুমালা হিল শ্রাইনদা সেপ্তেম্বর ১৭-২৭ ফাওবা লাক্কদৌরিবা ব্রহমোতসভমশিং পাংথোক্নবা ৱারেপ লৌখ্রে। হন্দক্কী মতাংসিমদি লাইনিংবা লাক্লিবশিংনা তিরুমালাদা ‘ৱাহনা সেৱাস’ উবা ফংলরোই। রাজ্য অসিদা কোরোনানা মরম ওইরগা শিবগী মশিং লাপ্তনা হেনগৎলক্তুনা লিশিং মঙা হেনখ্রে, মসিনা শিখিবশিংগী মশিং অসি ৫০১৪ য়ৌহনখ্রে।

•           তেলঙ্গানা: হৌখিবা পুং ২৪দা অনৌবা কেস ২২৭৩ থেংনখি, ২২৬০ ফগৎখি অমসুং ১২ শিখিবগী পা্ লৈখি; কেস ২২৭৩গী মনুংদা কেস ৩২৫তি জি.ঐচ.এম.সি.দগীনি। অপুনবা কেসশিং: ১,৬২,৮৪৪; এক্তিব কেসশিং: ৩০,৪০১; শিয়শিং: ৯৬; দিসচার্জ তৌখিবশিং: ১,৩১,৪৪৭। তেলঙ্গানা এসেম্বলী সেশন ঙসি লোইরবা য়াই; নিংথৌকাবা নুমিত্তা এম.এলএ. অমা অমসুং অতোপ্পা এসেম্বলী স্তাফ ৫০ পোজিতিব ওইবা থেংনখ্রবা মতুংদগী স্পীকরনা সেশন অসিবু লেপ্নবা ৱারেপ লৌখি হায়না হায়রি। তেলঙ্গানাসু কোবিদ-১৯গী কেসশিং য়াম্না য়াংনা ৱাংখৎলকপনা মরম ওইরগা তুংদা লাক্কদবা মতম খরা অসিদা ওক্সিজেন সীলিন্দরশিং অৱাৎপা মায়োক্নবা য়ানা লৈরি। অতোপ্পা রাজ্যশিংদগী পুশিল্লকপদা চংবা পুরকপগী অমসুং অতোপ্পগী মমলশিং অদুনা মরম ওইরগা ওক্সিজেন সীলিন্দরশিংগী মমল অসি য়াম্না ৱাংখৎখ্রে।

•           অরুনাচল প্রদেশ: অরুনাচল প্রদেশতা কোবিদ-১৯না মরম ওইরগা অনি অমুক লৈখিদ্রে, শিখিবশিংগী অপুনবা মসিং অদু হৌজিক ১৩ শুখ্রে। মুখ্য মন্ত্রী, পেমা খান্দু য়াওনা অনৌবা কোবিদ কেস ১৭০ লৈখি। হৌজিক-হৌজিক রাজ্য অসিদা এক্তিব কেস ১৭৯৫ লেরি।

•           অসাম: অসামদা ঙরাং কোবিদ-১৯গী পেসেন্ত ১৮৪৯ ফদুনা দিসচার্জ তৌখ্রে। রাজ্য অসিদা লৈরিবা কোবিদ কেসশিংগী অপুনবা মশিং অদু ১৪৬৫৭৫ য়ৌখ্রে, মসিগী মনুংদা ২৯১৮০দি এক্তিব কেসনি।

•           মনিপুর: মনিপুর মীওই ২৩৯গী মথক্তা কোবিদ-১৯ পোজিতিব ওইবা থেংনখি। ফগৎলকপগী চাং চাদা ৭৮ ওইখিবগা লোইননা ৭৮ ফগৎলকখিবা লৈখি। রাজ্য অসিদা এক্তিব কেস ১৭৪৫ লৈরি। কোবিদ-১৯না মরম ওইরগা অরুবা ফিভমদা লৈবদগী মীওই অমা লৈখিদ্রে, মসিনা মনিপুরদা শিবগী মশিং অদু ৪৭ য়ৌহনখ্রে।

•           মিজোরাম: মিজোরামদা ঙরাং কোবিদ-১৯গী অনৌবা কেস তরানিথোই কনফর্ম তৌখ্রে। অপুনবা কেসশিং ১৪৮০ য়ৌখ্রে অমসুং এক্তিব কেসনা ৫৮৮দা লৈরি। মিজোরামদা অসীম্তমেতিক পেসেন্তশিংনা হৌজিক হোমাইসোলেশন্নদা লৈবা য়ারে। রাজ্য সরকারনা মসিগীদমক্তা গাইদলাইনশিং শেমখ্রে।

•           মেঘালয়া: মঘালয়াদা কোবিদ-১৯ এক্তিব কেসশিংগী অপুনবা মশিং অসি ১৮১৮ য়ৌখ্রে। মখোয়গী মরক্তা ৩৭৯দি বি.এস.এফ. অমসুং আর্মদ ফোর্সেসতগীনি।

ফেক্ত চেক

*****



(Release ID: 1655345) Visitor Counter : 6