(মসিদা হৌখিবা পুং ২৪ দা থোকখিবা কোবিদ -১৯গা মরী লৈনবা চেফোংশিং, ফিল্দ ওফিসশিংদগী ফংবা পাউশিং, অমসুং পি.আই.বি.না লৌখৎপা ফেক্ত চেকশিং য়াওরি )

• হৌখিবা পুং ২৪দা কোবিদ-১৯গী অনাবা ১০,২১৫ নাবা ফদুনা অপুনবা মশিং ১,৮০,০১২ য়ৌখ্রে অমসুং রিকোবরী রেৎ ৫২.৪৭% য়ৌখ্রে
• লৈবাক অসিনা নোংমদা সেম্পল লাখ ৩ তেস্ত তৌনবা শেম শারে; মসিগীদমক্তা লেব ৯০৭গী নেৎৱর্ক অমা শেম্লগনি
• প্রধান মন্ত্রীনা মুখ্য মন্ত্রীশিংগা কোবিদ-১৯গী মতাংদা ৱা তানখ্রে; মতম চানা ৱারেপ লৌখিবনা লায়চৎ অসি শন্দোরকপা থিংনবা লান্থেংনবদা মতেং পাংখি হায়খি
• কেন্দ্রনা রাজ্য সরকারশিংদা হেলথকেয়র ইনফ্রাস্ত্রকচর ফগৎহন্নবা অমসুং অহোংবা মমলদা ক্রিতিকেল কেয়র ফংহন্নবা লন্নাই সেক্তরগী তেংবাং লৌনবা হায়খ্রে
• কেন্দ্রগী গৃহ মন্ত্রী শ্রী অমিৎ শাহনা লোকনায়ক জয় প্রকাশ নরায়ন হোস্পিতালদা কোবিদ-১৯গা মরী লৈনবা শিল লাংবশিং য়েংশিনবা ওইনা সর্প্রাইস বিজিৎ তৌখ্রে; কোরোনা ৱার্দশিংদা সি.সি.তি.ভি. কেমেরা খিন্নবা হায়খ্রে

কোবিদ-১৯গী অপদেৎ; নাবা ফগৎলকপগী চাং ৫২.৪৭% দা হেনগৎখ্রে; এম.ও.ঐচ.এফ.দবল্যু.না কোবিদ-১৯গা মরী লৈনবা তাথী তাওইনা তৌবা থেংননবা গাইদ অমা ফোংখ্রে

হৌখিবা পুং ২৪দা কোবিদ-১৯না নারবা মীওই ১০,২১৫ মায় পাক্না লায়েংখ্রে। হৌজিক ফাওবদা কোবিদ-১৯গী অনাবা পুন্না ১,‌৮০,০১২ নাবা ফগৎখ্রে। নাবা ফগৎলকপগী চাং ৫২.৪৭% য়ৌরকপা অসিনা লায়না অসিনা নাবা মীওই তংখায় অমদি নাবা ফরে হায়বা তাক্লি। হৌজিক এক্তিব কেস ১,৫৩,১৭৮ লায়েংদুনা লৈরি। হকশেল অমসুং য়াইফ য়ুম্বাল মন্ত্রালয়না কোবিদ-১৯ নাবদগী ফরবশিং, ফ্রন্তলাইন হেলথ ৱর্কর্শিং, মখোয়গী ইমুং মনুংগী মীওইনচিংবশিংনা থেংনরিবা তাথী তাওইনা তৌবগী হীরমশিং অসি থেংননবা য়েক্তুনা তাক্লবা অকুপ্পা গাইদলাইন অমা ফোংখ্রে।

অকুপ্পা মরোলগীদমকঃ https://pib.gov.in/PressReleasePage.aspx?PRID=1631880

কোবিদ-১৯গী অপদেৎ; তেস্ত তৌবগী চাং হেনগৎহন্দুনা নোংমদা তেস্ত লাখ ৩ য়ৌখ্রে

নারবা মীওইশিংদা নোবেল কোরোনাভাইরস য়াওবরা খঙদোক্নবা তেস্ত তৌবগী চাং অসি লৈবাক অসিদা লেপ্পা লৈতনা হেনগৎলক্লি। লৈবাক অসিনা হৌজিক নোংমদা সেম্পল লাখ ৩ তেস্ত তৌবা ঙম্লে। হৌজিক ফাওবদা তেস্ত তৌখ্রবা অপুনবা সেম্পলগী মশিং অসি ৫৯,২১,০৬৯নি। ঙসি ফাওবদা লেব ৯০৭গী নেতৱার্ক অমা লৈবাক অসিদা শেমখ্রে। মসিদা সরকারগী সেক্তরদা লেব ৬৫৯ অমসুং লনাই সেক্তরদা ২৪৮ য়াওরি। অকুপ্পা ৱারোল মখাদা পীরি:

রিয়েল-তাইম আর.তি. পি.সি.আর.দা য়ুম্ফম ওইবা তেস্ত তৌনবা লেব: ৫৩৪ (সরকার: ৩৪৭ + লনাই: ১৮৭)

ত্রু.এন.এ.তি.দা য়ুম্ফম ওইবা তেস্ত তৌনবা লেব: ৩০২ (সরকার: ২৮৭ + লনাই: ১৫)

সি.বি.এন.এ.এ.তি.দা য়ুম্ফম ওইবা তেস্ত তৌনবা লেব: ৭১ (সরকার: ২৫ + লনাই: ৪৬)

দিল্লীদা তেস্ত তৌবগী চাং হেনগৎহন্ননবা, জিলা ১১দা মশা-মশাগী জিলাগী ওইবা সেম্পলশিং খ্ক্তা তেস্ত তৌনবা লেবশিং হৌজিক মথৌ তৌহনখ্রে। জিলাশিং অসিদগী সেম্পলশিংবু লেবশিং অসিদা থাদুনা মতম চানা তেস্ত তৌনবা অমসুং রিজলশিং পীবদা থেংথদনবা হোৎনগনি। হৌজিক্কী ওইনা দিল্লীদা লেব ৪২ লৈ লোয়ননা তেস্ত তৌবগী চাং অসি নোংমদা চাওরাক্না ১৭০০০ ঙম্লি।

অকুপ্পা মরোলগীদমকঃ https://pib.gov.in/PressReleasePage.aspx?PRID=1631869

পি.এম.না অনলোক ১.০গী মতুংদা ওইরক্লিবা ফিভমশিংগী মতাংদা খন্ননবা সি.এম.শিংগা ৱা তান্নখ্রে

প্রধান মন্ত্রী শ্রী নরেন্দ্র মোদীনা ঙসি ভিদীও কনফরেন্সিংগী খুত্থাংদা মুখ্য মন্ত্রীশিংগা অনলোক ১.০গী মতুংদা ওইরক্লিবা ফিভমশিং অমসুং কোবিদ-১৯গী লায়চৎ অসিবু থেংননবী থবক থৌরম য়াৎপা ওইনা ৱা তান্নখ্রে। লায়চৎ অসি থেংননবা মতম চানা লৌখিবা ৱারেপ কয়াদুনা লৈবাক অসিদা লায়না অসি শন্দোরকপা থিংবদা চাউনা মতেং পাংখি হায়না প্রধান মন্ত্রীনা হায়খি। ঐখোয়না তুংদা য়েংবা মতমদা, ঐখোয়না মালেমদা পুন্না চৎমিন্নবগী খুদম অমা পীরম্লে হায়বসি মীয়াম্না নিংশিংনরগনি হায়না মহাক্না হায়খি। মমাংগী চয়োল খরা অসিদা পাংথোকখিবা থবক খরদগী ঐখোয়গী শেন্মিৎলোনসি ময়োল চোংবা হৌরে হায়না প্রধান মন্ত্রীনা হায়খি। শরুক য়ারিবা রাজ্যশিংদা প্রধান মন্ত্রীনা লৌউ-শিংঊবা, হোর্তিকলচর, ঙা য়োকপা অমসুং এম.এস.এম.ই.গী অখন্নবা মরু ওইবা কয়া অমা লৈ অমসুং মসি ফংনবা খুদোংচাবশিং অসি আত্মানির্ভর ভারত অভিয়ান্দা য়াওরবনি হায়না প্রধান মন্ত্রীনা হায়খি। ঙসিগী ৱা তানখিবা অদু নুমিৎ নিনি চংনা পাংথোক্কদবা থৌরমগী অহানবা তাঙ্কক্নি অমসুং মদুদা পঞ্জাব, অসম, কেরলা, উত্তরাখন্দ, ঝারখন্দ, ছতিসগর, ত্রিপুরা, হিমাচল প্রদেশ, চান্দিগর, গোৱা, মনিপুর, নাগালেন্দ, লদাখ, পুদুচেরী, অরুনাচল প্রদেশ, মেঘালয়, মিজোরম, অন্দমান অমসুং নিকোবার ইথৎশিং, দাদ্রা নগর হবেলি অমসুং দামন দ্যু, সিক্কিম অমসুং লক্ষদ্বীপঞ্চিংবা রাজ্য অমসুং য়ু.তি.শিংনা শরুক য়াখি।

অকুপ্পা মরোলগীদমকঃ https://pib.gov.in/PressReleasePage.aspx?PRID=1631923

কোবিদ-১৯গী মতাংদা রাজ্যশিংগী মুখ্য মন্ত্রীশিংগা ৱাতান্নবদা পি.এম.গী হৌদোক ৱাহৈ

অকুপ্পা মরোলগীদমকঃ https://pib.gov.in/PressReleasePage.aspx?PRID=1631905

কেন্দ্রনা রাজ্য সরকারশিংদা হেলথকেয়র ইনফ্রাস্ত্রকচর ফগৎহন্নবা অমসুং অহোংবা মমলদা ক্রিতিকেল কেয়র ফংহন্নবা লন্নাই সেক্তরগী তেংবাং লৌনবা হায়খ্রে

হকশেল অমসুং য়াইফ য়ুম্বাল মন্ত্রালয়না রাজ্য/য়ু.তি.শিংদা অফবা মখলগী ফমুং ফংনবা অমসুং ক্রিতিকেল হেলথ কেয়রদা নত্তনা ময়েক লাবা অমসুং চৎনবা য়াবা মমলদা সেবা ফংহন্নবা লন্নাইগী হেলথ কেয়র পীবা মীওইশিংগী মতেং লৌনবা খংহনখ্রে। অনাবশিংনা খুদক্তা চনবা য়াবা মমলদা অফবা সেবা ফংনবা রাজ্যশিংনা লন্নাইগী হকশেলগী সেবা পীরিবা মীওইশিংগা ৱারী শান্ননবা খংহনখ্রে অমসুং থৌদৌ অসিদা হেলথকেয়র পীরিবা মীওইশিংগী তেক্ত কায়দনবা হোৎনবদা চংলিবা মমলসু য়েংশিন্দুনা চৎনবা য়াবা মমলদা য়ানবা পুরকপগী থৌওং য়াওরি। মমল অসি হেক য়ানবগা মীয়ামদা খংহন্দুনা অনাবশিং অমসুং সেবা পীরিবা মীওইশিং অনিমক্না খংমিন্নদুনা সেবাশিং অদু নিংথিনা শিজিন্ননবা খংহনখ্রে।

অকুপ্পা মরোলগীদমকঃ https://pib.gov.in/PressReleasePage.aspx?PRID=1631776

কেন্দ্রগী গৃহ মন্ত্রী শ্রী অমিৎ শাহনা লোকনায়ক জয় প্রকাশ নরায়ন হোস্পিতালদা কোবিদ-১৯গা মরী লৈনবা শিল লাংবশিং য়েংশিনবা ওইনা সর্প্রাইস বিজিৎ তৌখ্রে

কেন্দ্রগী গৃহ মন্ত্রী শ্রী অমিৎ শাহনা লোকনায়ক জয় প্রকাশ নরায়ন হোস্পিতালদা কোবিদ-১৯গা মরী লৈনবা শিল লাংবশিং য়েংশিনবা ওইনা সর্প্রাইস বিজিৎ তৌখ্রে। শ্রী অমিৎ শাহনা দিল্লীগী চিফ সেক্রেতরীদা কোরোনা হোস্পিতালশিংগী ৱার্দ খুদিংমক্তা সি.সি.তি.ভি. কেমেরা থমদুনা অনাবশিংবু নিংথিনা য়েংশিন্দুনা মখোয়না থেংনবা খুদোংচাদবশিং খংদোক্তুনা ৱারোইশিন পুরকপা য়ানবা হায়খ্রে। চান্নবা পীরিবা কেন্তীনগী বেক-অপ থম্নবসু হায়খ্রে। মসিগী মরমদি কান্তীন অমদা অনাবা য়াওরকপা মতমদা হোস্পিতালগী অনাবশিংনা অতোপ্পা কেন্তীন্দগী চানবা লৌবগী খুদোংচাবা ফংদুনা চানবা ৱাত্তনবা শিনবগীনি। কোরোনাগী অনাবশিং লায়েংলিবা অসিগী খুত্থাংদা মীওইবা খুন্নাইগী মতেং পাংলিবা দাক্তর অমসুং নর্সশিংসু সাইকো-সোসিএল কাউন্সেল্লিং তৌনবা শ্রী অমিৎ শাহনা হায়খ্রে।

অকুপ্পা মরোলগীদমকঃ https://pib.gov.in/PressReleasePage.aspx?PRID=1631723

পি.এম. বন ধন য়োজনানা কোনবা অসি হৌজিক লৈরিবা এস.ঐচ.জি.এস. ১৮০০০দগী বন ধন এস.ঐচ.জি.এস. ৫০০০০দা হেনগৎনবা হৌদোকখ্রে; ত্রাইবেল গেদরর অসি শরুক অহুম থোক্না হেনগত্তুনা লাখ ১০ য়ৌহল্লগনি

হান্না খল্লুদবা মহৌশাগী থৌদোক অমসুং কোবিদ-১৯গী লায়চৎ অসি লান্থেংনবদা তোঙানবা উমসুং অনৌবা খোংথাং কয়া তঙাই ফদে। হৌজিক ওইরিবা ইরাংসিনা শাথিনা শোকহল্লিবা শরুক অমদি ত্রাইবেলগী মীওইশিং অসিনি। অসিগুম্বা তাঞ্জাদা ত্রাইবেলশিংগী য়াইফ য়ুম্বালগী মন্ত্রালয়গী ত্রাইফেদনা হৌদোকপা স্কিমগী মখাদা হৌদোকখিবা বন ধন স্তার্ত-অপ অসিনা উমংদা লৈবা মীওইশিং, ত্রাইবেল গেদররশিং, য়ুমদগী থবক শুজবা অমসুং মখুৎ-মশা হৈবা মীওইশিংগী থবক পীনবা পাম্বৈ অমা ওইরি। লৈবাক অসিগী রাজ্য ২২ শিনবা থুংবদা লৈবা ত্রাইবেল গেদরর লাখ ৩.৬ অমসুং সেলফ-হেল্প গ্রুপ ১৮০০০দা থবক পীনবা হায়দুনা ত্রাইবেল ইন্তর্প্রাইস ১২০৫ লিংখৎখ্রবনি।

অকুপ্পা মরোলগীদমকঃ https://pib.gov.in/PressReleasePage.aspx?PRID=1631790

অয়ুশ মন্ত্রালয়না "য়ুমদা যোগ, ইমুং-মনুংগা লোইননা যোগ" হায়বা কেম্পেন অসিগা লোইননা মালেমগী যোগগী নুমিৎকীদমক শেম শাবা লোইরে

হৌজিক ওইরিবা কোবিদ-১৯ লাইচৎনা মরম ওইদুনা নোংমগী থবক থৌরমশিংদা তপথহল্লকপা অমসুং মীয়াম চত্থোক-চৎশিন্দা অথিংবা লৈবা অসিনা হন্দক চহীগী ওইনা পাঙথোক্কদৌরিবা মালেমগী যোগগী নুমিৎ অসিদা যোগগী ওইবা হকশেল ফহনবা অমসুং ৱাখল পোথাহনবগী মগুন অসি উৎপদা পান্দম থম্লগনি। মসি ফংনবগীদমক, জুন ২১গী অয়ুক পুং ৬.৩০দা মীয়াম্না য়ুম-য়ুমদা মতুং ইন্দুনা তৌজনবা দুরদর্শন্দা উৎকদবা অয়ুশ মন্ত্রালয়না ত্রেনরনা লুচিংবা সেসন অমা পাঙথোক্কনি।

অকুপ্পা মরোলগীদমকঃ https://pib.gov.in/PressReleasePage.aspx?PRID=1631870

• পি.আই.বি. ফিল্দ ওফিসশিংদগী লাকপা ইনপুৎশিং
• চান্দিগরঃ য়ু.তি. চান্দিগরগী লৈঙাক্লোইনা হেলথ ওফিসিএলশিংদা মপান্দগী লাকপা মীওইশিংবু য়েংশিনবদা অমসুং কুইনদগী নারকপা লায়না লৈবা কেসশিংদা মিৎয়েং চংউ হায়খ্রে। মহাক্না মীয়াম্না মীয়াম তিনবা মফমদা ফিজিকেল দিস্তেন্স থমদুনা মাস্ক উপ্পিয়ু হায়খ্রে।
• পঞ্জাবঃ কোবিদ-১৯গী লায়চৎ অসিনা রাজ্যসিদা তাহল্লিবা অৱা অনা কয়া অসিদা খুৎ থিল্লদুনা রাজ্যসিগী মুখ্য মন্ত্রীনা প্রধান মন্ত্রীদা লুপা কোতি ৮০,৮৪৫কী শেলগী তেংবাং নিখিবগা লোয়ননা মীয়ামগী পুন্সি কন্নবা অমসুং অনৌবা মহৌশাদা পুন্সি মহিং অমা তেক্ত কায়দনা লৈহন্নবা নন-ফিস্কেল এসিস্তেন্সসু নিখ্রে।
• হরয়ানাঃ মুখ্য মন্ত্রীনা কোবিদ-১৯ য়েংশিনবগী পাংথোকখিবা মীফম অমদা ওফিসারশিংনা মীওইবা খুন্নাইদা তেংবাংনিংবগী ইথিলগা লোয়ননা মীয়ামদা লায়না অসিদগী করম্না ঙাকথোক্কদগে হায়বা পাম্বৈ কয়া অমা খংহন্নবসু হায়খি। মউখ্য মন্ত্রীনা কোবিদ-১৯দগী ঙাকথোক্নবা মাস্ক য়েন্থোকপদা মরু ওইবা ৱাফম থমলদুনা মাস্ক উপ্তবা মীওইদগী খোমগৎপা ফাইনশিং অদুনা মাস্ক শাবদা শিজিন্নদুনা তঙাই ফদবা মীওইশিংদা য়েন্থোক্নবসু হায়খি। মীয়ামগী ইম্ম্যুনিতীগী থাক হেনগৎহন্নবা ইথিল পীগদবনি হায়খি। অয়ুর্বেদ অমসুং হোমিওপেথীগী হিদাকশিং অসি সাইদ ইফেক্ত লৈতে অমসুং মীয়াম্না হিদাকশিং অসি শিজিন্নবদা করিসু অকায়বা লৈতে হায়খি।
• মহারস্ত্রাঃ কোবিদ-১৯গী অনৌবা কেস ২৭৮৬ লাক্তুনা রাজ্যসিগী অপুনবা মশিং অসি ১১০৭৪৪ য়ৌখ্রে। অপুনবা এক্তিব কেস ৫০৫৫৪ লৈরি। হোৎস্পোৎ মুম্বাইদা অনৌবা কেস ১০৬৬ লাকখি।
• গুজরাতঃ হৌজিক রাজ্যসিদা পোজিতিব কেস ৫৮৮৬ লৈ অদুগা কোবিদ-১৯না শোকহল্লবা অপুনবা কেস ২৪০৫৫ লৈ।
• রাজস্থানঃ ঙসি ভারতপুর জিলাদগী অয়াম্বা ওইনা অনৌবা কেস ১১৫ লাকখি। ঙসি ফাওবগী ওইনা কোবিদ-১৯ পোজিতিব ওইখিবা মীওই ১৩০৯৬ শুরে অমসুং মসিগী মনুংদা মীওই ৯৭৯৪না নাবা ফদুনা অমসুং মীওই ৩০২না লৈখিদ্রে। রাজ্যসিগী রিকোবরী রেৎ অসি ৭৫%নি অমসুং মসিনা লৈবাক অসিগী খ্বাইদগী ৱাংবা রেৎনি। জুন ২১দগী রাজ্যসিদা কোবিদ-১৯গী মরমদা মীয়ামদা খংহন্নবা নুমিৎ ১০নিগী ওইবা অখন্নবা কেম্পেন অমা হৌরগনি। কেম্পেন অসিগী মখাদা তিমশিং অসিনা য়ুম্থোং খুদিংদা চত্তুনা এক্তিব সর্বেলিএন্স তৌগনি অমসুং কোবিদ-১৯ শন্দোকপা থিংনবা অমসুং লাকশিনবা ঙম্নবা চেকশিন থৌরাংগী মরমদা খংহনগনি।
• মধ্য প্রদেশঃ হৌখিবা পুং ২৪দা অনৌবা কেস ১৩৩ লাক্তুনা রাজ্যসিগী কোরোনাভাইরস কেসকী মশিং ১০৯৩৫ য়ৌরে। মতম অসিদা কোবিদ-১৯গী অনাবা তরুক লৈখিদবদগী অপুনবা মীওই ৪৬৫ লৈখিদ্রে। রাজ্য অসিগী দব্লিং রেৎ অসি ৩৪.১দা হেনগৎখ্রে অমসুং রিকোবরী রেৎনা ৭১.১দা হেনগৎলে। রাজ্যসিনা রাজস্থানগী মথংদা রিকবরী রেৎ হেনগৎপদা লৈবাক অসিগী অনিশুবদা লৈরি।
• ছতিসগরঃ অনৌবা কেস ৪৪ লাক্তুনা অপুনবা কেস মশিং ১৭১৫ য়ৌখ্রে অমসুং মসিগী মনুংদা এক্তিব কেস ৮৭৫নি।
• গোৱা: নিংথৌকাবা নুমিত্তা অনৌবা কেস ২৮ লাক্তুনা রাজ্যসিগী অপুনবা মশিং ৫৯২ য়ৌখ্রে অমসুং মসিগী ম্নুংদা এক্তিব কেস ৫০৭নি। গোৱাগী কোবিদ-১৯গী কেস লৈবা মরু ওইবা মফমশিং অদুদি মেঙ্গোর হিল, ন্যু ভাদেম, মোরলেম, বাইনা, চিম্বেল অমসুং সদানি।
• অরুনাচল প্রদেশঃ রাজ্যসিদা অসমদগী লাকপা ত্রকশিংনা নোংপোক সিয়াং অমসুং অতোপ্পা জিলাশিংদা তঙাই ফদবা পোৎচৈশিং পুদুনা চেনবা হৌরে। ত্রক থৌবশিংনা ইনগদবা এস.ও.পি.না মরম ওইরগা চত্থোক চৎশিন তৌবা অসি চয়োল অমগী মমাংদা লেপ্লুরবনি।
• অসমঃ রাজ্যসিদা অনৌবা কেস ১০ লাকপদগী কোবিদ-১৯গী অপুনবা কেস অসি ৪৩১৯ য়ৌখ্রে; মসিগী মনুংদা এক্তিব কেস ২১০৩ অমসুং লৈখিদ্রবা ৮নি।
• মনিপুরঃ মনিপুরগী সি.এম.না আত্মানির্ভর ভারত অভিয়ানগী মখাদা ইমা কৈথেল অমসুং অতোপ্পা মফমদা কৈথেল ফম্লিবা মীওইশিংদা শেল পুহনবগী খুদোংচাবা পীবগী মতাংদা পব্লিক সেক্তর বেঙ্ক ওফিসিএলশিংগী মীহুৎশিংগা উন্নখ্রে।
• মিজোরমঃ রাজ্যসিদা হৌজিক হৌজিক মীওই ৮৮৮৪ ক্বারেন্তাইন্দা থম্লি। রাজ্য সরকারনা তেস্ত তৌবগী রেসিও হেনগৎনবা হোৎনরি হায়না হকশেল মন্ত্রীনা হায়খ্রে।
• নাগালেন্দঃ দিমাপুরনা লোকদাউনগী শেমদোক্লবা গাইদলাইন ফোংখ্রে। পেসেঞ্জর চেনবা গারীশিং জুন ৩০ ফাওবা লেপকনি, শম ককফম লোনগনি অমসুং কৈথেল/মোলশিং তাঙ্কক নায়না হাংগনি। নাগালেন্দগী পেরেনগী দিস্ত্রিক্ত তাস্ক ফোর্স তিম্না বেসিন অমসুং মখোং য়াওবা ঈশিং হাপ্না তেঙ্ক কোবিদ হোস্পিতাল, সি.ঐচ.সি. জালুকি অমসুং দিস্ত্রিক্ত হোস্পিপ্তাল পেরেন্দা পীখ্রে।
• কেরলাঃ রাজ্যসিনা কেন্দ্র সরকারদা ভন্দে ভারত মিসনগী মীওইশিংনা কোবিদ নেগেতিব সর্তিফিকেৎ শোইদনা পায়দবা য়াদনবা হায়জখ্রে। রাজ্যগী ইন্দস্ত্রী মন্ত্রী ই.পি. জায়ারাজন্না কোবিদনা শোকহল্লবা মীরমদ লৈবা মীওইশিং অসি অখন্নবা প্লেন্দা পুরক্কগদবনি হায়খ্রে। সাউদি অরাবিয়াদা লৈবা ভারতকী ইম্বেসীনা চার্তর্দ ফ্লাইতকী খুত্থাংদা কেরলা চৎকদবা মীওইশিংদা জুন ৩০দগী কোবিদ নেগেতিব সর্তিফিকেৎ পায়নবা খংহনখ্রে। রাজ্যগী হকশেলগী বিভাগনা কোবিদ প্রাইমরী তেস্তিং সেন্তরগী অনৌবা গাইদলাইন পুথোকখ্রে; অহানবা থাক্কী ওইনা সিম্পতম য়াম্না উত্তবা অমসুং শুংউৎ উত্তবখক লৈহনগনি। রাজ্যসিনা লৈখিদবা মশিং অমা, পোজিতিব কেস ৮২ অমসুং নাবা ফখিবা ৭৩গী রিপোর্ত তৌরকখি। হৌজিক ফাওবদা মীওই ১৩৪৮ লায়েংলি অমসুং তোঙান তোঙানবা জিলাশিংদা অপুনবা মীওই ১২০৭২৭না য়েংশিন্দুনা থম্লি।
• তমিল নাদুঃ হৌজিক চত্থরিবা লোকদাউন মনুংসিগী তেংবাং ওইনবা নাম্মা শোয়বা মীওই লাখ ১৩না লুপা ১০০০/১০০০গী শেনফম ফংগনি। মমাংদা মসিগী তেংবাং অসি রাজ্যনা চেংগী রেসন কার্দ পায়বশিং অমসুং অন-ওর্গানাইজদ সেক্তরগী শিন্মীশিংগীসু লাউথোকখ্রবনি। পুদুচেরীগী অনৌবা কেস ১৪গী মনুংদা জিপমেরগী মাইক্রোবাইওলোজিস্ত য়াওরি অমসুং মসিগা লোয়ননা য়ু.তি. অসিগী অপুনবা কেস ২১৬ য়ৌখ্রে। ঙরাং অনৌবা কেস ১৮৪৩, নাবা ফগৎপা ৭৯৭ অমসুং লৈখিদবা ৪৪গী রিপোর্ত লাকখি। চেন্নইদগী কেস ১২৫৭নি। অপুনবা কেস-৪৬৫০৪, এক্তিব কেস-২০৬৭৮, লৈখিদবা-৪৭৯ অমসুং দিসচার্জ তৌখিবা-২৪৫৪৭নি। চেন্নইগী এক্তিব কেস ১৫৩৮৫নি।
• করনাতকাঃ কোবিদকী ইরাং মরকসিদা লৌউবশিংগী মতেং পাংনবগীদমক রাজ্য সরকারনা লৌউবা লাখ ৫০ খুদিং লুপা ২০,০০০ পীনবা লুপা কোতি ১০০০ কায়থখ্রে হায়না মুখ্য মন্ত্রীনা বেঙ্গালোরদা লাঊথোকখ্রে। কে.এস.আর.তি.সি.গী ইন্তর-স্তেত বস সর্বিস হয়েংদগী হৌরগনি; অহানবগী ওইনা বসশিং অসি আন্ধ্র প্রদেশ খক্তদা চৎকনি। মাস্ক উপ্পা তঙাই ফদবগী মায়োক্তা লাকপা ৱাকৎ অমা করনাতকা হাই কোর্ত্না য়াখিদ্রে। আই.আই.এস.সি. বেঙ্গালোরনা থবক তৌফমশিংনা লায়চৎসিগা মরী লৈনবা অখন্নবা পোলিসি অমসুং প্রেক্তিস শেম্বদা তেংবাংগদবা ওনলাইন এসেসমেন্ত তৌনবা খুৎলায় অমা পুথোকখ্রে। অনৌবা কেস ২১৩, দিসচার্জ তৌখিবা ১৮০ অমসুং মীওই ২ লৈখিদবগী ঙরাংগী রিপোর্ত লাকখি। অপুনবা পোজিতিব কেস-৭২১৩, এক্তিব কেস- ২৯৮৭, লৈখিদ্রবা-৮৮ অমসুং দিসচার্জ তৌখিবা ৪১৩৫নি।
• আন্ধ্র প্রদেশঃ এফ.ৱাই. ২০২০-২১গী ওইনা এ.পি.গী শেলথুমগী মন্ত্রীনা বজেৎ পুথোক্কনি, লুপা কোতি ২,২৪,৭৮৯.১৮গী চাদিং রিবেন্যু চাদিং চাউরাকপা লুপা কোতি ১,৮০,৩৯২.৬৫ অমসুং লোন শিংবা অমসুং অতোপ্পা শেল ওইনা পীথোকখিবা চাউরাকপা শেনফম লুপা কোতি ৪৪,৩৯৬.৫৪গা লোয়ননা হৌদোক্কনি। হৌখিবা পুং ২৪দা সেম্পল ১৫৯১১ তেস্ত তৌবদা অনৌবা কেস ১৯৩ অমসুং লৈখিদবা ২গী রিপোর্ত লাকখি অমসুং মীওই ৮১ দিসচার্জ তৌখি। অপুনবা কেস-৫২৮০, এক্তিব-২৩৪১, নাবা ফখ্রবা-২৮৫১ অমসুং লৈখিদবা-৮৮নি।
• তেলঙ্গানাঃ অখং অহৈশিংনা তেলঙ্গানা সরকারনা কোবিদ-১৯গী প্লান অসি নৌনা য়াৎফম থোকই হায়খ্রে; রাজ্যসিদা কোবিদ-১৯গী কেস হেনগৎলকপগা লোয়ননা পব্লিক হেলথ এক্সপর্তশিং য়াওবা কম্মিত্তী শেমদুনা হোংলক্লিবা ফিভম য়েংলগা অনৌবা কাংলোন য়াৎপগী তঙাই ফদবা লৈরে। জুন ১৬ ফাওবদা সারজ্যসিদা কেস ৫১৯৩গী রিপোর্ত লাকখি, মসিগী মনুংদা নাবা ফরবা-২৭৬৬, এক্তিব-২২৪০ অমসুং লৈখিদবা ১৮৭নি। 
•  

ফেক্ত চেক

*****