(মসিদা হৌখিবা পুং ২৪ দা থোকখিবা কোবিদ -১৯গা মরী লৈনবা চেফোংশিং, ফিল্দ ওফিসশিংদগী ফংবা পাউশিং, অমসুং পি.আই.বি.না লৌখৎপা ফেক্ত চেকশিং য়াওরি )

• হৌখিবা পুং ২৪দা, কোবিদনা নারবা মীওই পুন্না ৪,৬১১ নাবা ফরদুনা ফরবা মীওই মশীং ১,১৪,০৭৩ শুখ্রে; ফগৎলকপগী চাং অসি ৪৮.২%নি।
• এক্তিব কেস ১,১৫,৯৪২না অকনবা মেদিকেলগী মিৎয়েং মখাদা লৈরি; কোবিদ-১৯না মরম ওইদুনা শীবা মশীং ৬৬৪২ রিপোর্ত তৌখ্রে।
• হৌখিবা পুং ২৪ সেম্পল ১,৩৭,৯৩৮ তেস্ত তৌখ্রে; হৌজিক ফাওবদা সেম্পল ৪৫,২৪,৩১৭ তেস্ত তৌখ্রে।
• লৌউ-শীংউ অমসুং মরী লৈনবা থবক থৌরমশিংদা লৌমীশিংনা মাই ওনশিন্দুনা ভারতকী খুঙ্গংশিং ফগৎহন্নবগী পান্দমগা লোয়ননা রাস্ত্রপতিনা ওর্দিনান্স অনি পুথোকখ্রে

হকশেল অমসুং য়াইফ-য়ুম্বাল মন্ত্রালয়দগী কোবিদ-১৯গী খ্বাইদগী নৌবা পাও

হৌখিবা পুং ২৪দা, কোবিদনা নারবা মীওই পুন্না ৪,৬১১ নাবা ফখ্রে। মতৌ অদুম্না হৌজিক ফাওবদা কোবিদ-১৯না নারবা মীওই ১,১৪,০৭২ নাবা ফখ্রে। কোবিদ-১৯না নারবশিংগী মরক্তা নাবা ফগৎলকপগী চাং অসি ৪৮.২০% ওইরি। হৌজিক্কী ওইনা এক্তিব কেস ১,১৫,৯৪২ লৈরি অমদি মখোয় পুম্নমক অকনবা মেদিকেলগী মিৎয়েং মখাদা লৈরি। আই.সি.এম.আর.না অনাবা মীশিংদা নোভেল কোরোনাভাইরস খঙদোক্নবা তেস্ত তৌবা চাং হেনগৎখ্রে। হৌজিক সরকারগী লেব মশিং ৫২০ য়ৌরে অমদি প্রাইবেৎ লেব মশিং ২২২তা হেঙ্গৎলে (পুন্না লেব ৭৪২ লৈরে)। হৌখিবা পুং ২৪দা সেম্পল ১,৩৭,৯৩৮ তেস্ত তৌখি। হৌজিক ফাওবদা পুন্না তেস্ত তৌখিবা মশিং ৪৫,২৪,৩১৭ শুরে।

অকুপ্পা ৱারোলগীদমক: https://pib.gov.in/PressReleseDetail.aspx?PRID=1629839

ওপরেসন সমুদ্র সেতু – আই.এন.এস. জলশ্বা তুতিকোরিনগীদমক ভারত মচা ৭০০ পুদুনা মালে থাদোকখ্রে

মপাল লৈবাকক্কী সমুদ্র মপানশিংদগী ভারত মচাশিং সমুদ্রগী লম্বীদা য়ুমদা পুরক্নবগী লৌখৎলিবা ভারত লৈবাকসিগী ওইবা থৌরাংসিদা ইন্দিয়ন নেভীনা লৌরিবা থৌদাং – ওপরেসন সমুদ্র সেতুগী মখাদা মহাক্কী অহুমশুবা খোঙচত্তা জুন ০৪, ২০২০দা মালদিব্সকী মালেদা থুংখিবা ইন্দিয়ন নেভেল জহাজ জলাস্বানা ভারত মচা ৭০০ পুদুনা জুন ০৫, ২০২০গী নুমিদাংৱাইরম অথেংবদা ভারতকীদমক খোঙশাল্লকখ্রে‍। জহাজ অদুনা তোংলিবা মীশিংগী মরক্তা কোবিদকী চৎন-কাংলোন চপ চানা ঙাক্কনি অমদি জুন ০৭, ২০২০দা তুতিকোরিন য়ৌরক্কনি হায়না থাজরি‍।

অকুপ্পা ৱারোলগীদমক: https://pib.gov.in/PressReleasePage.aspx?PRID=1629821

প্রধান মন্ত্রী শ্রী নরেন্দ্র মোদী অমসুং রৱান্দাগী রাস্ত্রপতি পোল কাগামেগী মরক্তা তেলিফোন্দা ৱারী শানখ্রে

ঙসি প্রধান মন্ত্রী শ্রী নরেন্দ্র মোদীনা রৱান্দাগী রাস্ত্রপতি পোল কাগামেগা তেলিফোন্দা ৱারী শানখ্রে। কোবিদ-১৯ লাইচৎনা মরম ওইদুনা অনা-লায়েংগী থবকশিং অমসুং শেন-থুমগী থবকশিংদা থেংনরিবা খুদোংচাদবশিং লুচিংবা অনিনা খন্নখি। লাইচৎ অসি লাকশিন্নবা অমসুং মীয়ামগী য়াইফনবা মখোয়গী লৈবাকশিংগী পায়খৎলিবা থবকশিংগী মতাংদা ই-পাউশিং মখোয়না ফোংদোক্নখি। হৌজিক মায়োক্নরিবা অৱাবা মনুং অসিদা লৈবাক অনিগী মীওইশিং মাগী মাগী লৈবাকশিংদা হল্লক্নবা হোৎনবদা পাংবা য়াবা মতেং পাংনবা হায়না লুচিংবা অনিনা য়ানখি। কোরোনাভাইরস থেংননবা রৱান্দাদা পায়খৎলিবা থবকশিংদা মেদিকেলগী মতেং য়াওনা ভারতনা পাংবা য়াবা মতেং পাংগনি হায়না রৱান্দাগী রাস্ত্রপতিদা প্রধান মন্ত্রীনা থাজবা পীখি।

অকুপ্পা ৱারোলগীদমক: https://pib.gov.in/PressReleasePage.aspx?PRID=1629677

ভারতকী খুঙ্গংশিং অমসুং লৌউ-শীংউবু ফগৎহন্নবগী পান্দমগা লোয়ননা রাস্ত্রপতিনা ওর্দিনান্স অনি পুথোকখ্রে

‘আত্মনির্ভর ভারত অভিয়ন’গী শরুক অমা ওইনা লৌউ-শীংউগী সেক্তরদা অওনবশিং পুরক্তুনা লৌমীশিংগী ইনকম হেনগৎহন্নবগীদমক ভারত সরকারগী ইতিহাসিক ওইরবা ৱারেপশিং লাউথোকখ্রবগী মতুংদা, লৌউ-শীংউ অমসুং মরী লৈনবা থবক থৌরমশিংদা লৌমীশিংনা মাই ওনশিন্দুনা ভারতকী খুঙ্গংশিং ফগৎহন্নবগী পান্দমগা লোয়ননা রাস্ত্রপতিনা মখাদা পীরিবা ওর্দিনান্সশিং অসি পুথোকখ্রে: দা ফার্মর্স’ প্রদ্যুস ত্রেদ এন্দ কম্মর্স (প্রমোসন & ফেসিলিতেসন) ওর্দিনান্স ২০২০; অমসুং দা ফার্মর্স )এম্পাৱর্মেন্ত এন্দ প্রোতেক্সন) এগ্রীমেন্ত ওন প্রাইজ এস্যুরেন্স এন্দ ফার্ম সর্ভিসেস ওর্দিনান্স ২০২০। লৌউ-শীংউগী অমসুং মসিগী মরী লৈনবা থবক থৌরমশিংগী ইকোসিস্তেমগী অপুনবা অসি কোবিদ-১৯গী অৱাবা তারবা মনুং অসিদা চাংয়েং তৌখিবা মতমদা কেন্দ্র সরকারনা অওনবা পুরক্নবা প্রোসেস অসি থুজিনবা মথৌ তাই অমসুং লৌউ-শীংউগী পোথোক স্তেৎ ৱাংমদা অমসুং মনুংদা ললোন-ইতিক হেনগৎনবা লৈবাক অসিগী আইনগী খুদোংচাবা পীবা ইকোসিস্তেম অমা লীংখৎনবা খঙহনখি। লৈগদবা মীগী মশীং হেনগৎহন্দুনা অপাম্বা মফম অমদা মতিক চাবা মমল অমদা লৌমী অদুনা মাগী পোথোকশিং য়োঞ্জনবা মথৌ তাবা অদু সরকারনসু উখি। অসুম তৌদুনা ওর্দিনান্স অনি অসি লাউথোকখি।

অকুপ্পা ৱারোলগীদমক: https://pib.gov.in/PressReleasePage.aspx?PRID=1629750

ইন্সতিত্যুৎ ওফ ইমিনেন্স স্কিমগী মখাদা পীথখিবা থবকশিংগী ফীভম য়েংশিন্নবা ঐচ.আর.দি. মন্ত্রীনা চ্যিয় লৌদুনা মীফম পাংথোকখ্রে।

ইন্সতিত্যুৎ ওফ ইমিনেন্স স্কিম (আই.ও.ই.)গী মখাদা পীথখিবা থবকশিংগী ফীভম য়েংশিন্নবা কন্দ্রগী ঐচ.আর.দি. মন্ত্রী শ্রী রামেশ পোখরিয়ল ‘নিশাঙ্ক’না চ্যিয় লৌদুনা মীফম পাংথোকখ্রে। নুমিৎ ১৫নিদা আই.ও.ই.শিং অমসুং ঐচ.ই.এফ.এ.গী থবকশিং মোন্তির তৌনবা এম.ঐচ.আর.দি.দা প্রোজেক্ত মেনেজমেন্ত য়ুনিৎ অমা লীংখৎনবা মীফম অদুদা মন্ত্রীনা হায়খি।আই.ও.ই.গী এম.ও.য়ু.গী মতুং ইন্না তোঙান তোঙানবা আই.ও.ই.শিংগী পব্লিক ইন্সতিত্যুসনশিংদা চাদিং তৌখ্রিবা অদুগী ফন্দশিং থাদোরক্কনি হায়বা থাজবা পীবা চীথি অমা এম.ঐচ.আর.দি.দগী থোক্কনি হায়না শ্রী নিশাঙ্কনা থাজবা পীখি।কোবিদ-১৯না মরম ওইদুনা লেপ্পুরবা কন্সত্রকসনগী থবক থৌরমশিং হাংদোকপা অমসুং আই,ও.ই.শিংগী থবক শুবা হৌবা অসিবু মহাক্না অপাম্বা ফোংদোকখি।

অকুপ্পা ৱারোলগীদমক: https://pib.gov.in/PressReleasePage.aspx?PRID=1629676

ভারত অমসুং ওস্ত্রেলিয়াগী মরক্তা সাইন্সতা পুন্না খুৎশম্নদুনা তেংবাং পীগদবা কোবিদ-১৯গী মতাংদা রিসর্স তৌননবা কৌখ্রে

প্রধান মন্ত্রী শ্রী নরেন্দ্র মোদী অমসুং ওস্ত্রেলিয়াগী প্রধান মন্ত্রী স্কোত মোরিসন্না পুন্না জুন ৪, ২০২০দা পাংথোকখিবা ভারত-ওস্ত্রেলিয়াগী ভর্চুএল সম্মীৎ চত্থরিঙৈগী মতমদা অখন্নবা কোবিদ-১৯গী মতাংদা খুৎশম্নবা তেংবাং অমা লাওথোকখ্রে। ভারত সরকারগী সাইন্স অমসুং তেক্নোলোজী মন্ত্রালয়গী দিপার্তমেন্ত ওফ সাইন্স এন্দ তেক্নোলোজী(দি.এস.তি.) অমসুং ওস্ত্রেলিয়াগী দিপার্তমেন্ত ওফ ইন্দস্ত্রী, সাইন্স, ইনর্জী এন্দ রিসোর্সেস(দি.আই.এস.ই.আর.)না পুন্না খুৎশম্নদুনা ভারত অমসুং ওস্ত্রেলিয়া সরকারনা পুন্না খুৎশম্নদুনা নাকল অনিমক্না সাইন্সতা শীল-লাংবা অমসুং ফন্দিং তৌবা প্লেতফোর্ম অমা ওইরিবা ওস্ত্রেলিয়া-ইন্দিয়া স্ত্রেতিজিক ফন্দ(এ.আই.এস.আর.এফ.)কী মখাদা সাইন্তিস্ত অমসুং রিসর্সরশিংদা কোবিদ-১৯গী রিসর্স প্রোজেক্কীদমক তৌনিংবশিং কৌখ্রে।

অকুপ্পা ৱারোলগীদমক: https://pib.gov.in/PressReleasePage.aspx?PRID=1629605

মোদী সরকার ২.০গী মখাদা দোনর মন্ত্রালয়গী চহী অমদা মাইপাকখিবশিংগী বুকলেৎ অমসুং মসিগী ই-ভর্জন দোক্তর জিতেন্দ্রা সিংহনা লোঞ্চ তৌখ্রে

অৱাং নোংপোক্কী লমদম অসি হীরম অমদগী হেনবদা তমজনিঙৈ ওইরি হায়না কন্দ্রগী মন্ত্রী দোক্তর জিতেন্দ্রা সিংহনা ফোংদোকখি। হৌখিবা চহী তরুক অসিদা চাউখৎ থৌরাংদা মাইপাক্লবা তমজনফম অমা ওইরবগী মতুংদা, লমদম অসিনা কোরোনা লাকশিনবা অমসুং মহৌশাগী ওইবা পুন্সিগী ফীভমদা অমুক হন্না হঞ্জিনবা অসিদসু তমজনিঙৈ ওইরি, মসিনা লৈবাক পুম্বদা তমজনিঙৈ ওইরবা অসি মতৌ তমহন্নিংলি। মসি হৌখিবা চহী তরুক অসিদা প্রধান মন্ত্রাই নরেন্দ্রা মোদীগী সরকারদগী অৱাং নোংপোক্কী লমদমনা ফংলিবা খুদোংচাবশিং অমসুং শৌগৎপা অসিনা মরম ওইরগা ওইথোকপনি হায়না দোক্তর সিংহনা হায়খি।

অকুপ্পা ৱারোলগীদমক: https://pib.gov.in/PressReleasePage.aspx?PRID=1629908

পি.আই.বি. ফিল্দ ওফিসশিংদগী ফংবা পাউ

• অরুনাচল প্রদেশ: কোবিদ১৯ তেস্ত তৌনবা পুন্না সেম্পল ১০,৭৯০ খোমজিনখী। এক্তিব কেস ৪৬, ফগৎপা অমা। তেস্ত ১৭০০ হেনবগী রিজলশিং ঙাইরি।
• অসাম: অনাবা মীওই ৩৮ অনিরক কোবিদ১৯গী তেস্ততা নেগেতিব ওইবদগী দিসচার্জ তৌখ্রে। অপুনবা দিসচার্জ তৌখিবা মীওই ৫৪৭, এক্তিব ওইরিবা মীওই ১৭৭০।
• মনিপুর: কোবিদ১৯ তেস্ত তৌবদা অনৌবা পোজিতিব কেস ১১ থেংন্দুনা মনিপুরদা অপুনবা কেস মশীং ১৪৩ শুখ্রে। ফগৎখ্রবা কেস ৫২নি লোয়ননা ফগৎপগী চাং চাদা ৩৬ ওইরে।
• মিজোরাম: কোবিদ-১৯গী তেস্ত তৌনবা আর.তি.-পি.সি.আর. মেচিন মিজোরমদা য়ৌখ্রে। মসি আইজোলগী জোরাম মেদিকেল কলেজতা ইন্সতোল তৌরগনি।
• নাগালেন্দ: নাগালেন্দদা, পন্দুনা লৈরুরবা প্রজা ১২ অমগা গুৱাহতিদগী এয়র ইন্দিয়াগী ফ্লাইৎ তোংদুনা হল্লকখ্রে। রিতর্নীশিং অদু মথৌ তাবা স্ক্রীনিং অমসুং সেগ্রিগেসনগীদমক এগ্রি এক্সপোদা পুখ্রে।নাগলেন্দদা ত্রু-নাৎ মেচিনগী মচাকশিং লৈনবগীদমক মোকোকচুং চেম্বর ওফ কম্মর্স অমসুং ইন্দস্ত্রীনা কোবিদ১০গী দিস্ত্রিক তাস্ক ফোর্সতা লুপা লাখ ৩ দান তৌখ্রে।
• কেরেলা: স্তেৎ অসিনা কোবিদ-১৯না মরম ওইদুনা শীখিবা মীওই অমগা রেকোর্দ তৌদুনা লাইনা অসিনা শীখিবা অপুনবা মশীং ১৫ শুখ্রে।মলাপুরমগী মঞ্জেরি এম.সি.দা লাইয়েং চত্থাদুনা লাকখিবা হান্নগী ফুদবোল শানরোই অমসুং সনতোশ ত্রোফীগী শানরোই হমসক্কোয়া (৬৩)ঙসি লৈখিদ্রে। মহাক অসি স্তেৎ অসিগী ওইনা কোবিদকী প্লাসমা থেরাপী তৌবা অহানবা মীওইনি।মহাক্কী ইমুং-মনুংগী মীওই ৫সু কোবিদকী লাইয়েংলি। কোচিকোদ এম.সি.দা কোবিদ-১৯ নারবা মীওই অমগা হকথেংনরুবগী ক্বারন্তিন তৌদুনা লৈরকখিবা হেলথ ৱার্কর ১৯০গী মরক্তা মীওই ১১৮কী সেম্পলদি নেগেতিব ওইরে।ভািরস অসিনা মরম ওইদুনা গল্ফতা কেরেলা মচা তরুক শীখিদুনা অপুনবা মশীং ১৭০ হেনখ্রে। ঙরাং মীওই ১১১ পোজিতিব ওইবগা লোয়ননা স্তেৎ অসিদা কোবিদ কেসকী মশীং অসি দিজিৎ অহুমদা হেনগৎখ্রে। মীওই ৯৭৩ হৌজিক লাইয়েং চৎথরি।
• তামিল নাদু:: জুন ৮দগী হৌদুনা নন-কোবিদকী অনাবা মীওইশিংগীদমক পুদুচেরীগী ইন্দিরা গন্ধী এম.সি. হাংদোক্লগনি। মরক অসিদা পুদুচেরীদা মীওই মঙা পোজিতিব ওইদুনা য়ু.তি. অসিগী অপুনবা মশীং ১০৪ শুখ্রে।তামিল নদুনা লনাই হোস্পিতালশিংদা কোবিদ-১৯ লাইয়েংবগী নোংমগী মমলশিং লেপখ্রে: আই.সি.য়ু.গী ওইনা খ্বাইদগী য়াম্লবদা লুপা ১৫,০০০; জেনরেল ৱার্দকী ওইনা গ্রেদ ১ অমসুং ২গী হোস্পিতালশিংদা খ্বাইদগী য়াম্লবদা লুপা ৭৫০০ অমসুং গ্রেদ ৩ অমসুং ৪গী হোস্পিতালশিংদা লুপা ৫০০০নি।সি.এম.না ইন্দস্ত্রীশিংদা মাইগ্রেন্তশিংগী মহুত্তা তামিল নাদুগী শীন্মীশিং শীজিন্নবা হায়খ্রে। কেস মশিং য়ামখৎলকপনা মরম ওইদুনা চেনাইগী সরকারগী হোস্পিতালশিংদা স্তাফকী অৱাৎপা খমথেংনা মাইয়োক্নরে। অনৌবা কেস ১৪৩৮ অমসুং শীখিবা ১২গা লোয়ননা চেনাইদগী কেস ১১১৬ ঙরাং রিপোর্ত তৌরকখি।অপুনবা কেস: ২৮৬৯৭, শীখিবা: ২৩২, দিসচার্জ তৌখিবা: ১৫৭৬২। চেনাইগী এক্তিব কেস ৯৪৩৭ শুখ্রে।
• কর্নাতক: স্তেৎ সরকারনা তঙাইফদবা চেকশিন থৌরাংগী পাম্বৈশিং অমসুং কেন্দ্র সরকারগী গাইদলাইনশিংগা লোয়ননা হোতেলশিং অমসুং রেস্তোরেন্তশিং হাঙদোক্নবা অয়াবা পীখ্রে। মহারাস্ত্রদগী হল্লকপাশিংগী স্তেৎনা অনৌবা এস.ও.পি. থোকখ্রে: নেগেতিব রিপোর্তকা লোয়ননা নুমিৎ ২১ হোম ক্বারিন্তিন। চিক্কামাগালুর দিস্ত্রিক অসি কনফর্ম কেস ১৬ ফখিবদগী কোবিদ লৈতবা ওইখ্রে। ইরাই নুমিৎতা স্তেৎ অসিনা ৫১৫ পোজিতিবকা লোয়ননা নোমদা অনৌবা কেস ফঙবগী কোবিদ-১৯ রেকোর্ত থমখ্রে অমসুং মখা চত্থরকপা চৎনবী ওইনা মখোয়গী মনুংদা ৪৮২না অতোপ্পা স্তেৎশিংদগী হল্লকপনি। অপুনবা পোজিতিব কেস: ৪৮৩৫, এক্তিব কেস: ৩০৮৮, শীবা: ৫৭, ফগৎখিবা: ১৬৮৮নি।
• আন্ধ্র প্রদেশ: জুন ৮দগী তিরুমালা তেম্পলগী দর্শন চাংয়েং তৌবা হৌনবা শেম্বা লোয়রে; অলিপ্রি চেক পোস্ত অসি কোবিদ-১৯গী ফুলপ্রুফ চেকপোইন্ত ওইনা ওন্থোকখ্রে। Andhra স্তেৎ অসিদা পোজিতিবকী চাং ১.০২ পর্সেন্তগা লোয়ননা অপুনবা সেম্পল মশীং ৪,৩৬,৩৩৫ তেস্ত তৌখ্রে। হৌখিবা পুং ২৪দা সেম্পল ১২,৭৭১ তেস্ত তৌরবা মতুংদা অনৌবা কেস ১৬১, দিসচার্জ তৌখিবা ২৯ অমসুং অমফাওবা শীদবগী রিপোর্ত তৌখ্রে। অপুনবা কেস: ৩৫৮৮নি: এক্তিব কেস ১১৯২, ফগৎলকপা: ২৩২৩, শীবা ৭৩নি। পোজিতিব ওইবা অপুনবা মাইগ্রেন্ত মশীং এক্তিব ওইবা ৪৬৭গা লোয়ননা ৭৪১নি। মপান্দগী লাকপা ১৩১গী মনুংদা ১২৭না এক্তিব ওইরি।
• তেলঙ্গনা: দাইলাইসিস অনাবশিং অমসুং মখোয়গা খ্বাইদগী নক্নবা মীওইশিং ইরাই নুমিৎতা কেস মরি রিপোর্ত তৌখিবগা লোয়ননা নোভেল কোরোনা ভাইরসকী খয়াৎতা তাখ্রে। খারোমদা তেলঙ্গনানা সেকেন্দরি ইন্ফেক্সন রেৎকী চার্ততা মকোক্কী অনিশুবদা লৈখ্রে অদুগা ভারত পুম্বদা তরুকশুবদা লৈদুনা কোবিদ-১৯ কেসশিং লেপ্পা লৈতনা হেনগৎলকপদগী অকিবা পোক্নরে। জুন ৪দা অপুনবা কেস ৩২৯০ শুখ্রে। হৌজিক ফাওবদা মাইগ্রেন্ত অমসুং মীরৈবাক্তগী হল্লকপা মীওই ৪৪৮ পোজিতিব ওইখ্রে।
• মহারস্ত্র: অনৌবা কোবিদ-১৯ কেস ২,৪৩৬ রিপোর্ত তৌরদুনা স্তেৎ অসিদা কোরোনাভাইরস পোজিতিব ওইবা মশীং ৮০,২২৯ য়ৌখ্রে; অদুগা এক্তিব কেস মশীংনা ৪২,২১৫ শুখ্রে। হোৎস্পোৎ মুম্বাইদা অনৌবা অনাবা ১,১৫০ রিপোর্ত তৌরদুনা শহর অসিদা পোজিতিব কেস মশীং ৪৫,৮৫৪ য়ৌখ্রে, মসিগী মনুংদা অনাবা ২৫,৫৩৯না হৌজিক ফাওবদা নাবা ফখ্রে। মহারাস্ত্রগী ফগৎলকপগী চাং অসি ৪৩.৮১%নি অদুগা শীবগী চাংনা ৩.৫৫%নি।
• গুজরাত: অনৌবা কোবিদ-১৯ কেস ৫১০ রিপোর্ত তৌরদুনা স্তেৎ অসিদা কোরোনাভাইরস পোজিতিব ওইবা কেস মশীং ১৯,০০০ হেনখ্রে। ইরাই নুমিৎতা কোবিদ-১৯না মরম ওইদুনা অনাবা ৩৫ শীখি, নুমিৎ অসিদা মীওই ৩৪৪দগী হেন্না নাবা ফগৎখি। স্তেৎ অসিদা ফগৎলকপগী চাং হেনগৎলক্লি অমসুং মেগী অরোইবা চয়োলদা ৪৪.৩ পর্সেন্ত ওইরম্বদগী হৌজিক ৬৮.০৫ পর্সেন্ত ওইখ্রে।
• মধ্য প্রদেশ: অনৌবা কোবিদ-১৯ কেস ২৩৪ রিপোর্ত তৌরদুনা স্তেৎ আসিদা কোরোনাভাইরস পোজিতিব ওইবা কেস মশীং ৮৯৯৬ য়ৌখ্রে অদুগা এক্তিব ওইবা কেস মশীংনা ২৭৩৫ য়ৌখ্রে। নীমুচনা মতুং ইল্লদুনা অয়াম্বা অনৌবা কেসশিং অসি হোৎস্পোৎ ইন্দোর অমসুং ভোপালদগী রিপোর্ত তৌখি। হৌজিক ফাওবদা মীওই ৩৮৪ শীখ্রে।
• রাজস্থান: ঙসি অনৌবা কোবি-১৯ কেস ৪৪ রিপোর্ত তৌরদুনা স্তেৎ আসিদা কোরোনাভাইরস পোজিতিব ওইবা কেস মশীং ১০,১২৮ য়ৌখ্রে। অনৌবা কেস অয়াম্বা পালি অমসুং পুরু দিস্ত্রিকশিংদগী রিপোর্ত তৌখি। কেস মশীং শরুক অনি হেনগৎপা অসি হৌখিবা নুমিৎ ২০ অসিদা মখা চত্থরি। ফগৎলকপগী চাং অসিসু ৭০%দগী হেনগৎলক্লি।
• ছত্তিশগর: ইরাই নুমিৎতা অনৌবা কোবিদ-১৯ কেস ১২৭ রিপোর্ত তৌখিবগা লোয়ননা স্তেৎ অসিদা কোরোনাভাইরস পোজিতিব ওইবা মশীং ৮৯৪ য়ৌখ্রে। মসি মার্চ ১৮দা অহানবা কেস ফঙখিবা নুমিৎ অদুদগী স্তেৎ অসিদা নোংমদা খ্বাইদগী মশীং হেনগৎপা অমনি। হৌখিবা নুমিৎ হুমনি অসিদা স্তেৎ অসিদা অণৌবা কেস ৩০০ রিপোর্ত তৌখ্রে।
• গোৱা: অনৌবা কোবিদ-১৯ কেস ৩০ রিপোর্ত তৌবগা লোয়ননা স্তেৎ অসিদা কোরোনাভাইরস পোজিতিব ওইবা কেস মশীং ১৯৬ য়ৌখ্রে। ত্রাভেলর ৪১৫না স্তেৎ আসিদা ক্বারিন্তিন ফেসিলিতিশিংদা থমখ্রে।

******