(Contains Press releases concerning Covid-19, issued in last 24 hours, inputs from PIB Field Offices and Fact checks undertaken by PIB)

दिल्‍ली-मुंबई, 13 मे 2020

पंतप्रधान नरेंद्र मोदी यांनी काल कोरोनाच्या पार्श्वभूमीवर राष्ट्राला संबोधन केले. कोरोना विषाणूमुळे भारतातही अनेक कुटुंबांनी आपले आप्तेष्ट गमावले आहेत याबद्दल त्यांनी दुःख व्यक्त केले. मात्र त्याच वेळी कोरोनाचे हे मोठे संकट भारतासाठी स्वावलंबनाची मोठी संधी घेऊन आले असल्याचा विश्वास त्यांनी जनतेला दिला.

पंतप्रधान नरेंद्र मोदी यांनी काल आंतरराष्ट्रीय परिचारिका दिनानिमित्त परिचारिकाविषयी कृतज्ञता व्यक्त केली. “आंतरराष्ट्रीय परिचारिका दिन हा आपली पृथ्वी निरोगी ठेवण्यासाठी रात्रंदिवस झटणाऱ्या असामान्य परिचारिकांविषयी कृतज्ञता व्यक्त करण्याचा विशेष दिवस आहे. सध्या त्या कोविड-19 वर मात करण्यासाठी अतुलनीय काम करत आहेत. आपण परिचारिका आणि त्यांच्या कुटुंबीयांचे अत्यंत आभारी आहोत.

आरोग्य मंत्रालयाची कोविड-19  घडामोडींवरील माहिती  

आतापर्यंत देशात 74,281 कोविड-19 केसेस नोंद झाल्या आहेत तर 24,386 बरे झाले आहेत आणि 2,415 मृत्यू झाले आहेत. गेल्या 24 तासात 3,525 केसेस नोंद झाल्या.  आजवर कोविड-19 साठी 18.5 लाख चाचण्या करण्यात आल्या आहेत.

केंद्रीय अर्थमंत्री निर्मला सीतारामन यांनी पत्रकार परिषदेत आज खालील माहिती दिली.

• उद्योगधंदे तसंच सूक्ष्म, लघु आणि मध्यम उद्योगांसाठी तीन लाख कोटी रुपयांचे आपत्कालीन खेळते भांडवल पुरवण्यात येईल
• अडचणीत असलेल्या सूक्ष्म, लघु आणि मध्यम उद्योगांसाठी वीस हजार कोटींची मदत
• सूक्ष्म, लघु आणि मध्यम उद्योगांसाठी 50 हजार कोटींची भांडवल गुंतवणूक
• सूक्ष्म, लघु आणि मध्यम उद्योग यांची व्याख्या बदलण्यात येणार तसेच इतरही उपायोजना
• 200 कोटी रुपये पर्यंतच्या सरकारी निविदांसाठी जागतिक कंपन्यांना निविदा भरण्यास परवानगी नसेल
• व्यवसाय तसेच संघटित क्षेत्रातील कर्मचाऱ्यांसाठी कर्मचारी निर्वाह निधी मध्ये आणखी तीन महिन्यांची मदत
• कर्मचारी निर्वाह निधीतील कर्मचाऱ्यांचे आणि मालकाचे अंशदान पुढच्या तीन महिन्यांसाठी 12 टक्‍क्‍यांवरून 10 टक्के
• बिगर बँकिंग वित्तीय संस्थांसाठी 30 हजार कोटी रुपयांचा रोकड निधी
• बिगर बँकिंग वित्तीय संस्थांसाठी आणि म्युच्युअल फंड यांसाठी 45 हजार कोटी रुपयांची क्रेडिट गॅरंटी योजना
• वीज वितरण कंपन्यांसाठी  90 हजार कोटी रुपयांची रोकड सुलभता मदत
• बांधकाम क्षेत्रातील नोंदणीकृत प्रकल्पांना सहा महिन्यांची मुदतवाढ

इतर अपडेट्स :

• पंतप्रधान नरेंद्र मोदी यांनी काल देशाला स्वयंपूर्ण करण्याचे आणि भारतातच तयार होणारी उत्पादने वापरण्याचे आवाहन देशवासियांना केले. हे आवाहन म्हणजे भविष्यात भारताला जागतिक नेतेपद मिळवून देण्याचा मार्ग दाखवणारा दीपस्तंभ आहे, असे मत गृहमंत्री अमित शाह यांनी व्यक्त केले.
• कोरोनामुळे लॉकडाऊन सुरू आहे अशा परिस्थितीत नागरिकांना आरोग्य विषयक तपासणी, सल्ला घेताना येणारी अडचण लक्षात घेऊन केंद्रीय आरोग्य आणि कुटुंब कल्याण मंत्रालायद्वारे ऑनलाईन ई-संजीवनी ओपीडी सेवा सुरू करण्यात आली आहे.
• राष्ट्रीय अन्नसुरक्षा कायद्यांतर्गत, केंद्र सरकार लाभार्थ्‍यांना दर महिन्‍याला 5 किलो धान्‍य पूरवत आहे तसेच प्रधानमंत्री गरीब कल्‍याण अन्‍न योजनेअंतर्गत 81.35 कोटी लोकांना आणखी 5 किलो धान्‍य पूरवत आहे.
• केंद्रीय रसायने आणि खते मंत्रालयाच्या रसायन तसेच खनिज तेल विभागाच्या अखत्यारीतील हिन्दुस्थान इन्सेक्टीसाईड लिमिटेड (इंडिया) ही सार्वजनिक क्षेत्रातील कंपनी देशभरातील शेतकरीवर्गाला कीटकनाशकांचा पुरेसा पुरवठा करण्यासाठी सर्वतोपरी प्रयत्न करीत आहे. इतकेच नव्हे तर कंपनीला आफ्रिकी देशांकडून डीडीटी या कीटकनाशकाची मोठ्या प्रमाणावर मागणी येईल अशी अपेक्षा आहे.
• केंद्रीय सूक्ष्म, लघु आणि मध्यम उद्योग (एमएसएमई) आणि रस्ते वाहतूक आणि महामार्ग मंत्री नितीन गडकरी यांनी आज संध्याकाळी पंतप्रधानांनी जाहीर केलेल्या 20 लाख कोटी रुपयांच्या पॅकेजचे स्वागत केले. ते म्हणाले, या ऐतिहासिक पॅकेजच्या माध्यमातून पंतप्रधानांनी एमएसएमई, ग्रामोद्योग आणि कुटीर उद्योग क्षेत्राच्या अपेक्षा आणि आकांक्षा पूर्ण केल्या आहेत.
• स्थलांतरीत कामगारांच्या सन्मानार्थ भारतीय पोस्टाने आज एका विशेष समारंभात मुंबईतील जनरल पोस्ट ऑफिसच्या ऐतिहासिक इमारतीतील बायसेंटेनरी सभागृहात टपालाचे एक विशेष कव्हर  प्रकाशित केले
• वंदे भारत मिशन अंतर्गत 7 मे 2020 पासून मागील 6 दिवसांमध्ये एअर इंडिया आणि एअर इंडिया एक्सप्रेसच्या 43 इनबाउंड विमानांमधून 8503 भारतीयांना मायदेशी आणण्यात आले आहे.
• पर्यटन मंत्रालयाच्या देखो अपना देश वेबिनार मालिकेत 12 मे 2020 रोजी झालेल्या ‘ओदिशा-इंडियाज बेस्ट केप्ट सीक्रेट’ या भागात सहभागींना ओदिशाचा आभासी प्रवास घडविण्यात आला. देखो अपना देश वेबिनार मालिकेचा हा 18 वा भाग होता.
• स्थानिक प्रदेशात उपलब्ध कच्च्या मालाचा वापर करून कृषी , मत्स्य आणि वनक्षेत्रांशी संबंधित एमएसएमई अर्थात सूक्ष्म, लघु आणि मध्यम उद्योगांसाठी उत्पादन करण्यावर केंद्रीय एमएसएमई आणि रस्ते वाहतूक आणि महामार्गमंत्री नितीन गडकरी यांनी भर दिला आहे. ते भारतीय एमएसएमई चेंबर आणि इन्स्टिट्युट ऑफ कॉस्ट अकाउंन्टच्या प्रतिनिधींशी कोविड-19च्या भारतावरील प्रभावासंदर्भात व्हिडिओ कॉन्फरन्सिंगच्या माध्यमातून चर्चा करत होते.

महाराष्ट्र अपडेट्स

1026 नव्या केसेस 339 बरे झालेले रुग्ण आणि 53 मृत्यू . महाराष्ट्रात नोंदवले गेले. राज्यातील एकूण रुग्ण संख्या 24,427 झाली आहे. यादरम्यान महाराष्ट्र सरकारने केंद्रीय सशस्त्र पोलीस दलाच्या वीस तुकड्या केंद्राकडे मागितल्या आहेत ज्या राज्यातील थकलेल्या पोलिस दलाला मदत करतील. मुख्यमंत्री उद्धव ठाकरे यांनी पंतप्रधानांबरोबर व्हिडिओ कॉन्फरन्सिंगद्वारे बोलताना ही गोष्ट नमूद केली होती

FACT CHECK

* * *

RT/MC/SP/DR

सोशल मिडियावर आम्हाला फॉलो करा@PIBMumbai    /PIBMumbai    /pibmumbai  pibmumbai[at]gmail[dot]com