(মসিদা হৌখিবা পুং ২৪ দা থোকখিবা কোবিদ-১৯গা মরী লৈনবা চেফোংশিং, ফিল্দ ওফিসশিংদগী ফংবা পাউশিং, অমসুং পি.আই.বি.না লৌখৎপা ফেক্ত চেকশিং য়াওরি )

• প্রধান মন্ত্রীনা আত্মনির্ভর ভারতকীদমক মীয়ামগী পুক্নিং চিংশিল্লক্লি; লুপা করোর ২০গী অখন্নবা পেকেজ লাউথোকখ্রে।
• শেলথুম মন্ত্রীনা অখন্নবা পেকেজকী অহানবা তাঙ্কক্কী অকুপ্পা মরোলশিং এম.এস.এম.ই.দা মীৎয়েং থমদুনা লাউথোকখ্রে।
• হৌজিক ফাওবদা লৈবাক অসিদা কোবিদ-১৯ কেস ৭৪,২৮১গী লৈরে, মসিগী মনুংদগী মীওই ২৪,৩৮৬ নাবা ফখ্রে, মীওই ২৪১৫ লৈখিদ্রে।
• পুং ২৪গী মনুংদা অনৌবা কোবিদ-১৯ কেস ৩৫২৫ রিপোর্ত তৌরকখ্রে।
• হৌজিক ফাওবদা কোবিদ-১৯ তেস্ত লাখ ১৮.৫ তৌখ্রে।
• সি.ই.পি.এফ. কেন্তীনশিংদা অমসুং দুকানশিংদা জুন ১দগী লমদম অসিদা পুথোকচবা পোৎশিংতমক য়োল্লগনি।
• বন্দে ভারত মিসনগী মখাদা ফ্লাইৎ ৪৩দা নুমিৎ ৬নি অসিদা ভারত মচা ৮৫০৩ ভারত্তা হল্লকখ্রে।
• হৌজিক ফাওবদা "শ্রমিক স্পিসিএল" ত্রেন ৬৪২ মথৌ তৌখ্রে।

প্রধান মন্ত্রীনা আত্মনির্ভর ভারত অমগীদমক পুক্নিং চিংশিল্লক্লি; প্রধান মন্ত্রীনা লুপা করোর লাখ ২০গী অখন্নবা শেলথুমগী পেকেজ লাউথোকখ্রে

প্রধান মন্ত্রী শ্রী নরেন্দ্র মোদীনা ঙসি মীয়ামদা ৱা ঙাংখ্রে। লাইচৎ অসিগা লান্থেংনদুনা লৈখিদ্রবশিংবু নীংশিংলদুনা প্রধান মন্ত্রীনা হায়খি মদুদি, কোবিদ-১৯না মরম ওইদুনা ওইহল্লক্লিবা খুদোংথিবা অসি তম্বা ঙম্বা নত্তে, অদুবু মসিগী লানফম অসিদা, ঐখোয় ইশানা ইশাব ঙাকথোকচবতা নত্তনা ঐখোয় মাংজিল থানসু চৎনবা হোৎনগদবনি। ২১শুবা চহী চাগী ভারত ওইনবা হোৎনবগী মঙলান মঙফাওননবা হোৎনবদা মাঙদা লৈরিবা লম্বীদি লৈবাক অসি মরোমদোম লেপচবা ঙম্বা লৈবাক অমা হান্না ওইহনবনি। মরোমদোম লেপ্পা ভারত অমা ওইনবা হোৎনবদা য়ুম্বী মঙা চংগনি; শেন্মিৎলোন; ইনফ্রাস্ত্রকচর; ২১শুবা চহী চাগী তেক্নোলোজীদা য়ুম্ফম ওইবা সীস্তেম; দিমোগ্রাফী অমসুং দিমান্দনি। প্রধান মন্ত্রীনা ঙসি অখন্নবা ইকোনোমীক পেকেজ লাউথোক্তুনা আত্মনির্ভর ভারতকী খোল্লাও অমসু লাউরি। সরকারনা কোবিদকী ইরাং মনুংসিদা হান্নদগী লাউথোকখ্রবা অমসুং আর.বি.আই.না লৌখিবা ৱারেপশিং পুনশিন্নদুনা শেম্বা পেকেজ অসি লুপা লাখ কোতি ২০ লোমগীনি অমসুং মসিগা ভারতকী জি.দি.পি.গী শরুক ১০%গা মান্নৈ। মহাক্না পেকেজ অসিনা ‘আত্মনির্ভর ভারত’ ফংনবা হোৎনবদা চাউরবা মতেং অমা পাংগনি হায়খি।

অকুপ্পা ৱারোলগীদমক, https://pib.gov.in/PressReleseDetail.aspx?PRID=1623391

১২.৫.২০২০দা প্রধান মন্ত্রী শ্রী নরেন্দ্র মোদীনা মীয়ামদা পীখিবা ৱারোলগী ইংলিশতা ইথোকপা

অকুপ্পা ৱারোলগীদমক, https://pib.gov.in/PressReleseDetail.aspx?PRID=1623418

শেলথুম মন্ত্রীনা অখন্নবা পেকেজকী অহানবা তাঙ্কক্কী অকুপ্পা মরোলশিং এম.এস.এম.ই.দা মীৎয়েং থমদুনা লাউথোকখ্রে।

দা. হর্শ বর্ধন্না পঞ্জাবকা ৱারী শানদুনা কোবিদ-১৯গী মতাংদা শেম-শারিবশিং অমসুং লাকশিন্নবগী লৌখৎলিবা থৌরাংশিংগী মতাংদা য়েংশিনখ্রে

কেন্দ্রগী হকশেল অমসুং য়াইফ-য়ুম্বাল মন্ত্রী দা. হর্শ বর্ধন্না পঞ্জাবকী হকশেল মন্ত্রীগা ভেদিও কনফরেন্সকী খুথাংদা মীফম অমা পাংথোকখ্রে।

মে ১৩, ২০২০ ফাওবদা, লৈবাক অসিদা অপুনবা কেস ৭৪,২৮১ লৈরে, মসিগী মনুংদগী মীওই ২৪,৪১৫না নাবা ফখ্রে অমসুং ২,৪১৫না লৈখিদ্রে। হৌখিবা পুং ২৪ অসিদা, অনৌবা কনফার্ম্দ কেস ৩,৫২৫ লাক্লে। হান্না নুমিৎ ১৪নিদা ১১ ওইরম্বা দব্লিং তাইমসু নুমিৎ ৩নিদা ১২.৬ ওইদুনা ফগৎলে হায়না মহাক্না হায়খি। লৈতবগী চাং অসি ৩.২% নি অমসুং নাবা ফগৎলকপগী চাংনা ৩২.৮%নি হায়খি। মহাক্না (ঙরাং ফাওবদা) আই.সি.য়ু.দা কোবিদ-১৯ অনাবা ২.৭৫%লৈ, ভেন্তিলেতরদনা ০.৩৭% লৈ অমসুং ওক্সিজেন থাজিন্দুনা ১.৮৭% লৈ। অপুনবা ঐনা হৌজিক ফাওবদা কোবিদ-১৯ তেস্ত ১৮,৫৬,৪৭৭ তৌখ্রে, ঙরাং ৯৪৭০৭ সেম্পল তেস্ত তৌখি। দা. হর্শ বর্ধন্না পঞ্জাবনা আয়ুশমন ভারত- হেলথ এন্দ ৱেলনেস সেন্তর মপুং ফানা চলাইরি। মসি মখা তানা দাইএবিতিস, হাইপরতেন্সন অমসুং য়াম্না তোইনা নাগনবা কেন্সর মখল অহুম (ওরেল, ব্রেস্ত অমসুং সর্বিক্স)গী স্ক্রীনীং তৌনবগী শিজিন্নবা য়াগনি, অমসুং খুনাইদা পাক্তক্ননা প্রাইমরী হেলথকেয়র সর্বিস পীবদা মতেং পাংলগনি।

অকুপ্পা ৱারোলগীদমক, https://pib.gov.in/PressReleseDetail.aspx?PRID=1623551

জুন ১, ২০২০দগী হৌদুনা লৈবাক অসিদা লৈরিবা সেন্ত্রেল আর্ম্দ পুলিস ফোর্সেস (সি.এ.পি.এফ.)কী কেন্তীনশিং অমসুং দুকানশিংদা লমদম অসিদা শাজবা পোৎশিংতমক য়োল্লগনি

য়ুমলৈ-কৈরৈ মন্ত্রালয়না জুন ১, ২০২০দগী হৌদুনা লৈবাক অসিদা লৈরিবা সেন্ত্রেল আর্ম্দ পুলিস ফোর্সেস (সি.এ.পি.এফ.)কী কেন্তীনশিং অমসুং দুকানশিংদা লমদম অসিদা শাজবা পোৎশিংতমক য়োল্লগনি হায়না ৱারেপ লৌখ্রে। অপুনবা লৈবগী ভেল্যুনা লুপা করোর ২৮০০ ওইরবা য়াই। মসিগী ৱারেপ অসিগা লোইননা, সি.এ.পি.এফ. পার্সনেলশিং লাখ ১০ রোমগী ইমুং মনুং লাখ ৫০ রোম্না লমদম অসিদা পুথোকচবা পোৎলমশিং শিজিন্নবা ফংলগনি। লৈবাক অসিগী মীয়ামদা য়ুমলৈ-কৈরৈ মন্ত্রীনা, "নহাক্না ঙম্লিবা মখৈ লৈবাক অসিদা শাজবা পোৎলমশিং শিজিন্ননবা হোৎনগদবনি অমসুং অতোপ্পা মীওইশিংদা মসিমক তৌবীনবা পুক্নিং থৌগৎকদবনি। হৌজিক ঐখোয় মীগী মতুংদা ইন্দুনা চৎকদবা মতম নত্ত্রে, খুদোংথিবা অসিবু ঐখোয়না খুদোংচাবা অমা ওন্থোক্নবা হোৎনগদবনি।" হায়না আপিল তৌরক্লি।

অকুপ্পা ৱারোলগীদমক, https://pib.gov.in/PressReleseDetail.aspx?PRID=1623511

শ্রী নীতিন গরকরীনা প্রধান মন্ত্রীগী এম.এস.এম.ই., খুঙ্গং অমসুং কোতেজ ইন্দস্ত্রীগী সেক্তরগী শেলথুমগী পেকেজ অদুবু তরাম্না ওকখ্রে; মসিনা সেক্তর অসিবু অনৌবা পন্দোল অমদা পুদুনা চৎলগনি হায়খ্রে

এম.এস.এম.ই. অমসুং রোদ ত্রান্সপোর্ত অমসুং হাইৱেগী মন্ত্রী শ্রী নীতিন গরকরীনা প্রধান মন্ত্রীগী করোর লাখ ২০গী রিলিফ পেকেজ অসিবু তরাম্না ওকখ্রে। মহাক্না হায়, মসিগী পুৱারী ওইহৌরগদবা পেকেজ অসিগা লোইননা প্রধান মন্ত্রীনা এম.এস.এম.ই., খুঙ্গং অমসুং কোতেজ ইন্দস্ত্রীগী আশা অমসুং মঙলান মঙফাওনহল্লে। শ্রী গরকরীনা হায়খি, রিসোর্স মরাং কায়রবা, তেক্নোলোজি চাউখৎলবা অমসুং রো মতিরিএল মরাং কায়না লৈবা তারবদি ভারতনা হীরম খুদিংমক্তা মরোমদোম লেপচবা ঙমগনি।

অকুপ্পা ৱারোলগীদমক, https://pib.gov.in/PressReleseDetail.aspx?PRID=1623410

মে ২০, ২০২০দগী বন্দে মাতরম ভারত মিশনগী মখাদা ভারতকী মী ৮৫০৩ ফ্লাইৎ ৪৩দা মীরৈবাক্তগী হল্লকখ্রে

মে ৭, ২০২০দগী হৌদুনা নুমিৎ ৬নিসিদা বন্দে মাতরম ভারত মিশনগী মখাদা এয়র ইন্দিয়া অমসুং এয়র ইন্দিয়া এক্সপ্রেসকী ইনবাউন্দ ফ্লাইৎ ৪৩দা ভারতকী মী ৮৫০৩ মীরৈবাক্তগী হল্লকখ্রে। বন্দে মাতরম মিশন অসি মে ৭, ২০২০দা হৌখিবা মীরৈবাক্তা লৈরিবা ভারতকী মীশিংবু ভারত্তা হল্লক্নবগী ভারত সরকারনা পায়খৎপা খ্বাইদগী চাউবা খোংথাং অমনি। এয়র ইন্দিয়ানা মাগী সবসিদিয়রী এয়র ইন্দিয়া এক্সপ্রেসকা লোয়ননা লৈবাক ১২ দা হায়বদি য়ু.এস.এ., য়ু.কে. বঙ্গলাদেশ, সিঙ্গাপুর, সাউদী অরাবিয়া, কুৱেৎ, ফিলিপিন্স, য়ু.এ.ই. অমসুং মলয়েসিয়াদগী মীরৈবাক্তা লৈবা ভারতকী মী ১৪,৮০০ পুন্না ফ্লাইৎ ৬৪ (এয়র ইন্দিয়ানা ৪২ অমসুং এয়র ইন্দিয়া এক্সপ্রেসনা ২৪)তা অহানবা তাঙ্কক্তা ময়ুমদা হল্লকহন্নবগী থবক তৌরি ।

অকুপ্পা ৱারোলগীদমক, https://pib.gov.in/PressReleseDetail.aspx?PRID=1623475

ইন্দিয়ন রেলৱেনা লৈবাক পুম্বদা ২০২০গী মে ১৩ ফাওবদা “শ্রমিক স্পিসিয়েল” ত্রেন ৬৪২ ওপরেৎ তৌরি

২০২০গী মে ১৩ ফাওবদা, লৈবাক অসিগী তোঙান-তোঙানবা রাজ্যশিংদগী “শ্রমিক স্পিসিয়েল” ত্রেন পুন্না ৬৪২ ওপরেৎ তৌরি। মসিগী ত্রেন ৬৪২ অসি আন্ধ্র প্রদেশ (ত্রেন ৩), বিহার (ত্রেন ১৬৯), ছতিসগর (ত্রেন ৬), হিমাচল প্রদেশ (ত্রেন ১), জম্মু অমসুং কশ্মীর (ত্রেন ৩) ঝার্খন্দ (ত্রেন ৪০), কর্নাতকা (ত্রেন ১), মধ্য প্রদেশ (ত্রেন ৫৩), মনিপুর (ত্রেন ১), মিজোরম (ত্রেন ১), মহারাস্ত্রা (ত্রেন ৩), ওরিশা (ত্রেন ৩৮), রাজস্থান (ত্রেন ৮), তমিল নাদু (ত্রেন ১), তেলঙ্গনা (ত্রেন ১), ত্রিপুরা (ত্রেন ১), উত্তর প্রদেশ (ত্রেন ৩০১), উত্তরাখন্দ (ত্রেন ৪), ৱেস্ত বেঙ্গল (ত্রেন ৭)গুম্বা তোঙান-তোঙানবা রাজ্যশিংদা তর্মিনেৎ তৌরি।

অকুপ্পা ৱারোলগীদমক, https://pib.gov.in/PressReleseDetail.aspx?PRID=1623564

এফ.সি.আই.না মেত্রেক লাখ ১৬০রোমগী ফুদ গ্রেন রাজ্য অমসুং য়ু.তি.শিংদা লোকদাউনগী মনুংদা ফংহনখ্রে

এফ.সি.আই.না লৈবাক অসিগী চঙগদবশিং পীন্নবা স্তোক মরাং কায়না পৈদুনা লৈরি। মে ১, ২০২০ ফাওবদা, লৈরিবা স্তোক্কী চাংশি মেত্রিক তন লাখ ৬৪২.৭নি, মসিগী মনুংদগী চেঙনা মেত্রিক তন লাখ ২৮৫.০৩নি অমসুং গেহুনা মেত্রিক তন লাখ ৩৫৭.৭নি। ১২/০৫/২০২০ ফাওবদা, ফুদ গ্রেন মেত্রিক তন লাখ ১৫৯.৩৬ তোঙান-তোঙানবা স্কিমশিংগী মখা পীখ্রে। রাজ্য সরকারশিংনা নফসাগী মখাদা থা অমা মখাইফাওবগী কোন্নগদবা চাংদা ফুদ গ্রেন মেত্রিক তন লাখ ৬০.৮৭ চিংখ্রে। মখা তানা, পি.এম.জি.কে.এ.ৱাইগী মখাদা অপীবা মেত্রিক তন লাখ ১২০গী মথক্তা থা অনীগী শরুক্কা মান্নবা মেত্রিক তন লাখ ৭৯.৭৪ য়েন্থোকখ্রে।

অকুপ্পা ৱারোলগীদমক, https://pib.gov.in/PressReleseDetail.aspx?PRID=1623542

লৈবাক শীনবা থুংনা ফুদ গ্রেন ফংহন্নবা এফ.সি.আই.না তোঙান-তোঙানবা খোংথাংশিং লৌখৎখ্রে

অকুপ্পা ৱারোলগীদমক, https://pib.gov.in/PressReleseDetail.aspx?PRID=1623561

মিশন সাগর : আই.এন.এস. কেসরীনা মালদিবতা চান-থক্নবা পোৎলম খুৎশিন্নখ্রে

ভারত নেভীগী জহাজ কেসরীনা ২০২০গী মে ১২দা মিশন সাগরগী শরুক ওইনা মালদিবকী মালে হিথাংফমদা থুংখ্রে। ভারত সরকারনা মরূপ লৈবাকশিংদা তেংবাং পীরি অমদি মসিগী শরুক ওইনা আই.এন.এস. কেসরীনা মালদিবকী মীয়ামগীদমক চান-থক্নবা পোৎলম তন ৫৮০ পুদুনা চৎখি।

অকুপ্পা ৱারোলগীদমক, https://pib.gov.in/PressReleseDetail.aspx?PRID=1623331

মোদী সরকার অসিনা ইমপ্লোয়ীশিংগী য়াইফনবগীদমক হোৎনরি অমসুং মখোয়গী ৱাকৎশিং অচুম্বা মওংদা লোইশিল্লিঃ দা. জিতেন্দ্র সিংহ

কোবিদ-১৯ লাইচৎকী মনুংদা তোপ-তোপ্পা খোংথাং অমা ওইনা, কেন্দ্রগী মন্ত্রী দা. জিতেন্দ্র সিংহনা ঙসি দি.ও.পি.তি., দি.এ.আর.পি.জি. অমসুং দি.ও.পি.পি.দব্লিয়ু বিভাগকী সেক্সন ওফিসরশিংগী থাক্তা লৈবা স্তাফ অমসুং ওফিসিএলশিংগা লোইননা ভিদিও কনফরেন্সিংগী খুথাংদা মীফম অমা পাঙথোকখ্রে। দা. সিংহনা হায়খি, মোদী সরকার অসিনা এমপ্লোয়ীশিংগী য়াইফনবগীদমক হোৎনরি অমসুং মীৎকুপ নাহুমশিংনা মখোয়গী য়াইফনবগীদমক য়েংশিল্লি। কোবিদ-১৯গী খুদোংচাদ্রবা মতম অসিদা, ওফিসশিংদা স্তাফ চাদা ৩৩দমক কাহন্দুনা য়ুমদগী থবক শুহনবগী অফবা খোংথাং লৌখৎলি অমসুং মসিনা থবক শুবদা নুংঙাইনা শুনবগী অচৌবা চাংয়েং অমা ওইরি।

অকুপ্পা ৱারোলগীদমক, https://pib.gov.in/PressReleseDetail.aspx?PRID=1623544

শ্রী নীতিন গরকরীনা এগ্রো, ফিশিং অমসুং ফোরেস্ত এম.এস.এম.ই.দা পোৎচৈ পুথোকপা মতমদা লমদম অসিদা ফংবা রো মতিরিএলশিং শিজিন্ননবা খঙহনখ্রে

অনৌবা গ্রীন এক্সপ্রেস হাইৱেশিংনা ইন্দস্ত্রী অসিদা স্তেত ওব আর্ত তেক্নোলোজী শিজিন্নরবা ইন্দস্ত্রিএল ক্লস্তর, লোজিস্তিক্স পার্ক তুংগী ইনবেস্তমেন্ততা শেম্নবা খুদোংচাবা অমা পীরে হায়না মন্ত্রীনা ফোঙদোকখ্রে। ইন্দস্ত্রীশিং দিসেন্ত্রেলাইজ তৌদুনা খুঙ্গং, ত্রাইবেল অমসুং লৈবাক অসিগী শোত্থরবা কাংলুপশিংদা মীৎয়েং থম্বগী অপাম্বা ফোঙদোকখি।

অকুপ্পা ৱারোলগীদমক, https://pib.gov.in/PressReleseDetail.aspx?PRID=1623324

ত্রাইবেল এফিয়র্স মন্ত্রীনা রাজ্য/য়ু.তি.শিংগা লোইননা "ত্রাইবেলগী পুন্সি মহিং অমসুং চেকশিল থৌরাং" হায়বসিদা ভিদিও কনফরেন্স অমা পাঙথোকখ্রে।

শরুক য়ারিবশিংবু তরাম্না ওক্লদুনা, শ্রী আর্জুন মুন্দানা রাজ্যশিংবু মাইনর ফোরেস্ত প্রোদ্যুসশিংবু শেমদোক্লবা এম.এস.পি.গী মমলদা লৈবীদুনা ত্রাইবেলশিংগী পুন্সিবু মতেং পাংবীবগীদমক থাগৎপা ফোঙদোকখি। ত্রাইবেল এফিয়র্সকী মন্ত্রী, শ্রী আর্জুন মুন্দানা রাজ্যশিংদা প্রধান মন্ত্রীগী বন্ধন য়োজনা পায়খৎলিবশিংগী মতাংদসু য়েংশিনখি। প্রধান মন্ত্রী শ্রী নরেন্দ্র মোদীগী অশানবা মীৎয়েং ওইরিবা ত্রাইবেলশিংগী পোত্থোকশিংবু মালেমগী থাক্তা পুখৎনবগীদমক ভেল্যু হাপকৎপা তঙাইফদে হায়খি। শ্রী আর্জুন মুন্দানা রাজ্যশিংনা কোবিদ-১৯ মনুংদা  ত্রাইবেল মাইগ্রেন্তশিং অমসুং ময়ুমদা হল্লক্লিবা মহৈরোইশিংগী শীনবী লাংবীরিবশিংবুসু য়েংশিনখি।

অকুপ্পা ৱারোলগীদমক, https://pib.gov.in/PressReleseDetail.aspx?PRID=1623325

দা. জিতেন্দ্রনা জম্মু অমসুং কশ্মীর অমসুং লদাখতা কোবিদ-১৯গা মরী লৈননা শেম শারিবশিং য়েংশিনখ্রে অমসুং জম্মুদা মহৌশাগী ত্রেন সর্বিস চেনবা হৌনবা য়েংশিনখ্রে

দা. জিতেন্দ্র সিংহনা জম্মু অমসুং কশ্মীর অমসুং লদাখকী দিস্ত্রিক্ত খুদিংমক্কী দিপ্যুতী কম্মিস্নরশিংগা খ্বাইদগী নৌবা কোবিদ-১৯গী ফিবম য়েংশিন্নবা, য়ু.তি. অনী অসিদা লমদনলুবা মীওইশিং থুংলরিবা অমসুং জম্মু অমসুং কশ্মীরদা ত্রেন মহৌশাগী ফিবমদা অমুক য়ুমশকৈশা নুমিত্তগী সর্বিস তৌনবা খন্নবগী মথক্তা শ্রমিক স্পিসিএল ত্রেনশিংদা লাক্লিবা পেসেঞ্জরশিংগীদমক এদমিনিস্ত্রেসন্না শেম শারিবশিং য়েংশিন্ননবা খন্ন-নৈনখ্রে।

অকুপ্পা ৱারোলগীদমক, https://pib.gov.in/PressReleseDetail.aspx?PRID=1623329

হরিয়ানানা দিসেম্বর ২০২২ ফাওবদা খুঙ্গংগী য়ুমথোঙ খুদিংদা তোতি শম্নবা থৌরাং লৌখৎলি

স্তেৎ অসিনা ইং ২০১৯-২০গী মনুংদা জল জীবন মিশনগী মখাদা তোতি লাখ ১.০৫ শমখ্রে‍। হৌজিক স্তেৎ লৈঙাক্না লৈবাকসিগী ওইবা ইং ২০২৪-২৫কী পান্দমগী মাঙওইননা দিসেম্বর ২০২২ ফাওবদা চাদা ১০০ কোনশিন্নবা থৌরাং লৌখৎলি‍। অসুম্না তৌবসিনা হরিয়ানা খুঙ্গংগী য়ুমথোঙ খুদিংদা তোতি শম্নবগী চাউরবা পান্দম অসি ফংবা ঙমবা মাঙজিল থাবা স্তেৎশিংগী মনুংদা চল্লগনি‍। চীফ মিনিস্তরনা ইকুই কুইদ্রিঙৈদা পব্লিক হেল্থ ইঞ্জিনিয়রিং দিপার্তমেন্তকী দেশবোর্দ হাংদোকখ্রে‍। কোবিদ-১৯গী লাইচৎ মনুংসিদা অসিগুম্বা খুঙ্গংগী মফমশিংদা য়ুমথোঙ খুদিংদা তোতি শম্নবগীদমক লৌখৎলক্লিবা থৌরাং অসিনা মরু ওইনা নুপী অমসুং নুপীমচাশিংগী অকনবা থবকশিং খরমখৈ হন্থহন্দুনা মখোয়দা খুদোং থিবা থোকহন্দনা ইকায় খুম্নবা পুন্সি মহিং অমা পীদুনা নুংঙাইনা হিংবগী ফীভম ফগৎহল্লগনি‍।

অকুপ্পা ৱারোলগীদমক,  https://pib.gov.in/PressReleseDetail.aspx?PRID=1623492

জম্মু-কশ্মীরনা দিসেম্বর ২০২২ ফাওবদা য়ুমথোং খুদিংদা তোতি ঈশিং ফংহনবা

চৎলিবা চহী অসিদা জিলা ৩, হায়বদি গন্ধরবাল, শ্রীনগর অমসুং রাইশিগী অপুনবা খুঙ্গং ৫০০০ দা চাদা ১০০ ফংহন্নবা রাজ্য অসিনা পান্দম থম্লি। জে.জে.এম.গী মখাদা য়ুমথোং খুদিংদা তোতি ঈশিং ফংহন্নবগী পান্দমদা ঙরাং থক্নবা ঈশিং অমসুং মহীক-মতাই লৈহন্দনবগী বিভাগনা মখোয়গী থবক্কী পান্দম উত্তুনা মখোয়গী তৌগদবা থবক্কী থৌরাংশিং উৎলদুনা রাজ্য অসিগী মকোক থোংবশিংনা হায় মদুদি য়ুনিয়ন তেরিতোরীশিংদা ইমুং লাখ ১৮.১৭ লৈবগী মনুংদা লাখ ৫.৭৫দি হান্ননা মথৌ ফজনা তৌবা ইমুং-মনুংগী তোতিশিং (এফ.ঐস.তি.সি. )গী খুত্থাংদা ফংহনখ্রে। জম্মু অমসুং কশ্মীরনা লেমহৌরিবা ইমুং লাখ ১.৭৬ তা ইং ২০২০-২১ ফাওবদা তোতি ফংহন্নবগী পান্দম থমলি।

অকুপ্পা ৱারোলগীদমক, https://pib.gov.in/PressReleseDetail.aspx?PRID=1623491

কোবিদ-১৯ মতুংদা মেন্যুফেকচরিং কম্পেনীশিং হোংবা, কোবিদ-১৯না পীরিবা শিংনবশিং লাকশিন্নবা রিসর্সপু ইন্দস্ত্রী অমসুং কোলাবোরেসন্দা পুশিনবা

শেন্মিৎলোনবু সাইন্স, তেক্নোলোজী অমসুং রিসর্স ত্রান্সলেসন্স (রিস্তার্ত)না নৌনা শেমগৎনবা হায়বসিদা জাতীগী তেক্নোলোজী নুমিত্তা নোংমা চুপ্না পাঙথোকখিবা কনফরেন্স অমদা কোবিদ-১৯ মতুংদা মেন্যুফেকচরিং কম্পেনীশিংদা অহোংবা লৈহনবা, কোলাবোরেসনশিং অমসুং হৌজিক লৈরিবা শিংনবশিং ঙাকথোক্নবা রিসর্সপু ইন্দস্ত্রীদা নকশিন্না পুশিল্লকপগী তঙাইফদবা লৈরিবসিগী মতাংদা পুখৎনরকখি।

অকুপ্পা ৱারোলগীদমক, https://pib.gov.in/PressReleseDetail.aspx?PRID=1623332

তুরিজম মন্ত্রালয়না “দেখো অপ্না দেশ” সেরিজকী মখাদা ‘ওরিশা-ইন্দিয়া’জ বেস্ত কেপ্ত সেক্রেৎ’ হায়না মিংথোনবা ১৮শুবা ৱেবিনার পাঙথোকখ্রে

অকুপ্পা ৱারোলগীদমক, https://pib.gov.in/PressReleseDetail.aspx?PRID=1623486

বগলপুর স্মার্ত সিতীনা কোবিদ-১৯ লান্থেংননবা অনৌবা তেক্নোলোজীগী থৌরাং লৌখৎলে

অকুপ্পা ৱারোলগীদমক, https://pib.gov.in/PressReleseDetail.aspx?PRID=1623568

পি.আই.বি. ফিল্দ ওফিসশিংদগী ফংবা পাউ

• কেরলাঃ এম.ও.এস. এক্সতর্নেল এফিয়র্স ভি. মুরালীধরন্না বন্দে ভারত মিসনগী অনীশুবা তাঙ্কক্কী ওইনা কেরলাদা সর্বিস ৩৬ লৈরে। মন্ত্রীনা অসিমসু হায়খি মদুদি অতোপ্পা প্রাইবেত এয়র্লাইন অমত্তনা এয়র ইন্দিয়ানা শেল তানা পীরিবা নত্ত্রগা লেম্না পীরিবা মমল অসিদগী তানা মীরমদা লৈরিবা এন.আর.আই.শিং পুরক্নবগীদমক হায়ররবা লৈত্রি। গল্ফতগী ফ্লাইৎ অনী ঙসি অহিং কোচিদা থুংলগদৌরি। রাজ্য অসিনা কোবিদ লাকশিন্নবগী খোংথাং অমা ওইনা য়ুগী মমলদা অহেনবা তেক্স ১০-৩৫% ফাওবা লৌরগনি। লোকদাউনগী অহুমশুবা তাঙ্কক মে ৭দা হেক লোইবগা য়ু য়োনবা অমুক হাংদোক্লগনি। কেরলা মচা অমগসু কোবিদ-১৯না মরম ওইদুনা য়ু.কে.দা লৈখিদ্রে।
• তমিল নাদুঃ পুদুচেরীদা ফেক্তরীগী শিন্মী অমগা পোজিতিব ওইরকপগা লোইননা ইক্তিব কেস মশীং মরি হেনগৎলে। কোর্তনা তমিল নাদু সরকারদা মেদিকেলগা মরী লৈনদবা ফ্রন্তলাইন শিন্মীশিংদা পীরিবা পি.পি.ই. কিৎকী মতাংদা রিপোর্ত অমা ফাইল তৌনবা খঙহনখ্রে। ইন্দস্ত্রীগী বোদীশিংনা রাজ্য অসিগী লেবর লোদা শেমদোকপীদুনা অথিংবা কয়াগী মরক্তা থবক শুবদা পীরিবা নুংঙাইতবশিংগী মতাংদা হায়খ্রে। অখন্নবা ত্রেনশিংদা লাক্লিবা ১১০০ হেনবা মীওইশিং আর.তি.-পি.সি.আর. তেস্ত তৌগনি। চেন্নই থাদনা, কোয়াম্বতু ক্লস্তর হৌদোক্লকপদগী চেনগলপত্তু অমসুং তিরুভালুরদা কেস হেনগৎলে। হৌজিক ফাওবদা লৈবা অপুনবা কেসঃ ৮৭১৮, এক্তিব কেসঃ ৬৫২০, লৈখিদ্রবাঃ ৬১, দিসচার্জ তৌখ্রবাঃ ২১৩৪। চেন্নইদা লৈবা এক্তিব কেস মশীং ৪৮৮২নি।
• করনাতকাঃ ঙসিগী নুমিৎ য়ুংবা পুং ১২ ফাওবদা অনৌবা কেস ২৬ রিপোর্ত তৌখ্রেঃ বিদার ১১, হসন ৪, উওর কনাদাদা, কাল্বুর্গী, বিজয়পুর অমসুং দেবাঙ্গিরিদা অনি-অনি অমসুং বেঙ্গলোর, দখিন কনাদা, বেলারীদা অমমম। ঙসি কাল্বুর্গীদা মীওই অমা লৈখিদ্রে। অপুনবা কেস ৯৫১, লৈখিদ্রবা ৩২ অমসুং মীওই ৪৪২ হৌজিক ফাওবদা দিসচার্জ তৌখ্রে। রাজ্য অসিদা অনওর্গনাইজ সেক্তরদা অনীশুবা কোবিদ রিলিফ পেকেজ লাউথোক্নবা হোৎনরি।
• আন্ধ্র প্রদেশঃ রাজ্য অসিদা একজেম্পসনশিংগী মরক্তা মে ১৮দগী পব্লিক ত্রান্সপোর্ত হাংদোকপা হৌরগনি। রাজ্য অসিদা হৌজিক ফাওবদা কোবিদ-১৯ তেস্ত লাখ ২.১ তৌখ্রে। অহেনবা তেস্ত তৌনবা মফম অনী অমগা বিজিয়ানাগরম অমসুং নোংচুপ গোদাবরি দিস্ত্রিক্তকী প্রাইবেৎ কোলেজতা শেমগৎলগনি।  হৌখিবা পুং ২৪ অসিদা কোবিদ পোজিতিব কেস ৪৮ লাকখি (কেস ৮ অমনা মাইগ্রেন্তশিংনি), মীওই ৮৬ দিসচার্জ তৌখি অমসুং মীওই অমা লৈখিদ্রে। অপুনবা কেস মশীং ২১৩৭ য়ৌরে। এক্তিব কেসঃ ৯৪৮, নাবা ফরবাঃ ১১৪২, লৈখিদ্রবা ৪৭। পোজিতিব ওইবা কেসতা মাং থারিবা জিলাঃ কুর্নুল (৫৯১), গুন্তুর (৩৯৯) কৃষ্ণ (৩৪৯), চিত্তুর (১৪২) অনন্তপুর (১১৮), নেল্লোর (১১১)।
• তেলঙ্গানাঃ রাজ্য সরকারনা ই-সঞ্জিবানি, ওনলাইন "আউতপেসেন্ত দিপার্ত্মেন্ত" (ও.পি.দি.) হাংদোকখ্রে। সর্বিস অসি হান্ননা চাংয়েং ওইনা অখন্নবা মওংদা হাংলম্বনি, হৌজিক্তি মপুং ফানা মথৌ তৌরে। ঙরাং ফাওবগী অপুনবা কেস মশীং: ১৩২৬, এক্তিব কেসঃ ৪৭২, লৈখিদ্রবাঃ ৩২, দিসচার্জ তৌখ্রবাঃ ৮৮২।
• অরুনাচল প্রদেশঃ রাজ্য অসিগী অনীশুবা কোবিদ১৯ তেস্ত তৌনবা মফম নাহরলাগুন্দা হাংদোকখ্রে। তেস্তশিং অসিত্রুএনাত মেচিন শিজিন্নদুনা পাঙথোক্কনি, মসিনা নোংমদা সেম্পল ২০ স্ক্রীন তৌবা ঙমই।
• অসমঃ কোবিদ -১৯ অনাবা অমা থংন-থংননা তেস্ত তৌবদা নেগেতিব ওইবদগী এম.এম.জি.ঐচ.তগী ঙসি দিসচার্জ তৌখ্রে। অপুনবা নাবা ফখ্রবা অনাবা হৌজিক ৩৯ শুরে হায়না অসমগী হকশেল মন্ত্রীনা ত্বীৎ তৌখ্রে। দিল্লীদগী মহৈরোই ১৬৩ অমসুং চেন্নইদগী কেন্সর পেসেন্ত ২৪ গৌহাতী য়ৌখ্রে। মখোয় পুম্নমক নুমিৎ ১৪নিগী ক্বারেন্তিন তৌগনি।
• মনিপুরঃ অখন্নবা ত্রেন অমদা পন্দুনা লৈরম্বা মনিপুরী মহৈরোই ১১৪১ চেন্নইদগী ঙসি জিরিবাম রেলৱে স্তেসন য়ৌখ্রে। মখোয় পুম্নমক অপীবা ইন্সতিত্যুসনেল অমসুং কম্ম্যুনিতী ক্বারেন্তিন সেন্তরশিংদা নুমিৎ ১৪নি লৈগনি।
• মিজোরমঃ রাজ্য সরকারনা কোবিদ-১৯না মরম ওইদুনা মপান্দা পন্দুনা লৈরুবা রাজ্য অসিগী মীওইশিংগী হল্লকপগী এস.ও.পে. অমা থোকখ্রে।
• নাগালেন্দঃ লমদনলুবা মীওইশিং ত্রেন্দা লাকপগী অচঙবা শেল পুম্বা রাজ্য সরকারনা পুরগনি। কোবিদ-১৯গী এম্পাৱর্দ কম্মিতীনা অকুপ্পা প্লান অমা য়াৎখ্রে।
• মেঘালয়ঃ কোহিমা দিস্ত্রিক্ত এদমিনিস্ত্রেসন্না লমদনলুবা মীওই ৪২২১ মখোয় মখোয়গী ময়ুমগী দিস্ত্রিতক্তশিংদা থাখ্রে। কিফেরে দিস্ত্রিক্তকী মীওই ৩৩২ ময়ুম য়ৌখ্রে।
• সিক্কিমঃ খুঙ্গং চাউখৎ থৌরাংগী বিভাগনা এম.জি.এন.আর.ই.জি.এ., পি.এম.এ.ৱাই অমসুং পি.এম.জি.এস.ৱাইগী থবকশিং হৌহন্দুনা লোকদাউন মনুংদা খুঙ্গংগী শিন্মীশিংদা থবক পীখ্রে।  
• ত্রিপুরাঃ পুনেদা লমদন্দুনা লৈরুবা ত্রিপুরীশিং পুদুনা লাকপা অনীশুবা বস অদু অগর্তলাগীদমক থাখ্রে।
• মহারাস্ত্রাঃ মহারাস্ত্রদা অনৌবা কোবিদ-১৯ কেস ১০২৬ লাক্লে, মসিগা লোইননা মীওই ৩৩৯ নাবা ফখ্রে অমসুং মীওই ৩৩৯ লৈখেদ্রে। মসিনা রাজ্য অসিদা কোবিদ-১৯ কেস ২৪,৪২৭ শুখ্রে। মরক অসিদা মহারাস্ত্রা সরকারনা মশীং য়ামশিল্লক্ত্রবা রাজ্যগী পুলিস ফোর্সশিংগী মতেং ওইনবা সেন্ত্রেল আর্ম্দ পুলিস ফোর্সকী কম্পেনী ২০ কেন্দ্রদগী থাবীরক্নবা হায়জখ্রে। মুখ্য মন্ত্রী উধব থাকেরেনা মসিগী মতাংদা নীংথৌকাবা নুমিত্তা প্রধান মন্ত্রীগা ভিদিও কনফরেন্স অমগী খুথাংদা মীফম পাঙথোকখিবা অমদা হায়খিবনি।
• গুজরাতঃ রাজ্যগী হকশেলগী বিভাগনা থাদোরকপা খ্বাইদগী নৌবা দেতাগী মতুং ইন্না অনৌবা কেস ৩৬২ লৈরে অমসুং পুন্না কেস ৮৯০৩ লৈরে হায়খ্রে। মসিগা লোইননা ঙরাং ফাওবদা মীওই ২৪ লৈখিদ্রে হায়খ্রে। ম্যুনিসিপাল এরিয়া ১৩৫দা ইন্দস্ত্রিএলগী ওইবা থবকশিং চত্থহন্দুনা শিন্মী লাখ ৮দা থবক পীখ্রে। গুজরাত্তগী লাখ ৩ মুক্কী মাইগ্রেন্ত লেবরশিংনা মশাগী রাজ্যগীদমক গুজরাত থাদোকখ্রে।
• রাজস্থানঃ রাজ্য অসিদা কোবিদ-১৯ নারবা অনাবা ৪০০০ লানখ্রে। ঙসি (নুংথিল পুং ২ ফাওবদা) রিপোর্ত তৌরকখিবা অপুনবা পোজিতিব কেস মশীং ১৫২ফা লোইননা, অপুনবা কেস ৪১৩৭ শুরে। জয়পুরদগী ৪৯, উদয়পুরদগী ২৮, জালোরদগী ২৮ অমসুং পালিদগী ২৪ নৌনা রিপোর্ত তৌরকখি। রাজ্যস্থানগী মুখ্য মন্ত্রীনা ফোংদোক্লকপদা, খুঙ্গংশিংবু কোবিদ-১৯দগী ঙাকথোক্নবা হোৎনবদা ক্বারেন্তিন্না রাজ্য অসিগী খ্বাইদগী মকোক থংবা এজেন্দানি অমসুং রাজ্য অসিদা নোংমদা তেস্ত লীশিং ২৫ তৌগনি হায়রি।
• মধ্য প্রদেশ: মধ্য প্রদেশ্তা অনৌবা পোজিতিব ওইবা কেস ২০১ লাকপগা লোইননা, অপুনবা রিপোর্ত তৌরবা কেস ৩,৯৮৬ য়ৌরে। মসিগী মনুংদগী অনৌবা কেস ৩০না বোপালদগীনি অমসুং ৮১না ইন্দোরদগীনি, ২৭না উজৈনদগীনি অমসুং ২০না খান্দ্বাদগীনি। অনাবা ৮৬৪গী মনুংদগী ৫৩৫ নাবা ফদুনা দিসচার্জ তৌখ্রে। ওনলাইন চেক-অপ তৌনবা ই-সঞ্জিবানি পোর্তেল রাজ্য সরকারনা হৌদোকখ্রে। ই-সঞ্জিবানি হায়বসি ভারত সরকারগী হকশেল অমসুং য়াইফ-য়ুম্বাল মন্ত্রালয়না হৌদোকপা অমসুং রাজ্য সরকারশিংনা চলাইবা  তেলিমেদিসিন প্রোজেক্ত অমনি। 

পি.আই.বি.গী ফেক্তচেক

****