(कोविड-19 संबंधी पत्र सूचना कार्यालयाद्वारे जारी बातम्‍या आणि सत्‍यता पडताळणी बातम्‍या समाविष्‍ट)

#Unite2FightCorona

#IndiaFightsCorona

दिल्ली-मुंबई, 3 नोव्हेंबर 2020

पंतप्रधान, नरेंद्र मोदी यांनी व्हिएन्नामधील भयानक दहशतवादी हल्ल्यांचा निषेध केला आहे. पंतप्रधान म्हणाले, “व्हिएन्नामधील भयानक दहशतवादी हल्ल्यांमुळे तीव्र धक्का बसला आहे आणि याबद्दल मी दुःख व्यक्त करतो. या दुःखद काळात भारत ऑस्ट्रियाच्या मागे खंबीर उभा आहे. माझ्या सहवेदना पीडित आणि त्यांच्या कुटुंब समवेत आहेत.”

आरोग्य मंत्रालयाची कोविड-19घडामोडींवरील माहिती :

कोविड विरुद्ध लढ्यात भारताने अनेक महत्वपूर्ण मैलाचे दगड पार केले आहेत. गेल्या २४ तासात ४० हजारांहून कमी नव्या रुग्णांची नोंद झाली. 15 आठवड्यानंतर (105 दिवस) एका दिवसातील रुग्णांची संख्या 38310 इतकी नोंदली गेली. 22 जुलै 2020 रोजी 37,724 नवे रुग्ण आढळले होते.

दररोज मोठ्या संख्येने कोविड रूग्ण बरे होत आहेत आणि मृत्यु दरात सातत्याने घसरण होत आहे, त्यामुळे भारताची सक्रिय रुग्णांची संख्या सातत्याने कमी होत आहे.

भारताने आणखी एक उल्लेखनीय कामगिरी नोंदवली असून  सक्रिय रुग्णांची संख्या 5.5 लाखांच्या खाली घसरली आहे.  देशातील उपचार सुरु असलेल्या एकूण  रुग्णांची संख्या  5,41,405 आहे आणि आता ती एकूण बाधित रुग्णांच्या केवळ 6.55% आहे.

गेल्या 24 तासात देशभरात 58,323 रुग्ण बरे होऊन घरी परतले आहेत. रुग्ण बरे होण्याचा राष्ट्रीय दरही वाढून 91.96%.झाला आहे. 

बरे झालेल्या रुग्णांपैकी 80%10 राज्ये व केंद्रशासित प्रदेशातले आहेत.

एका दिवसात 10,000 हून अधिक रुग्ण बरे झालेल्यांमध्ये महाराष्ट्र आघाडीवर आहे, त्यापाठोपाठ  कर्नाटकमध्ये  8,000 पेक्षा जास्त रुग्ण बरे झाले आहेत.

नवीन रुग्ण संख्येपैकी 74% 10 राज्ये आणि केंद्रशासित प्रदेशांमधील आहेत.

केरळ, दिल्ली आणि महाराष्ट्रात 4,000  पेक्षा जास्त नवे रुग्ण आढळले आहेत. पश्चिम बंगालमध्ये 3,000 पेक्षा जास्त नवीन रुग्ण आढळले आहेत.

गेल्या 24 तासांत 490 रुग्णांच्या मृत्यूची नोंद झाली आहे. त्यापैकी जवळपास 80% प्रामुख्याने दहा राज्ये / केंद्रशासित प्रदेशातले आहेत. महाराष्ट्रात एकाच दिवसात सर्वाधिक मृत्यू (104 मृत्यू) झाले आहेत.

भारताचा मृत्यू दर 1.49%. आहे.

इतर अपडेट्स:

• भारतीय नौसेनेने सुरू केलेल्या मिशन सागर-2 चा एक भाग म्हणून आयएनएस ऐरावत हे जहाज अन्नधान्य घेऊन, दि. 2 नोव्हेंबर, 2020 रोजी सुदान बंदरामध्ये दाखल झाले. या मोहिमेमध्ये भारत सरकारच्या वतीने आपल्या मित्र देशांना नैसर्गिक आपत्ती आणि कोविड-19 महामारीच्या काळात अन्नधान्याची मदत करण्यात येत आहे. सुदानच्या जनतेसाठी  भारताने दिलेल्या 100 टन अन्नधान्याची मदत आयएनएस ऐरावतमार्फत पाठविण्यात आली.
• काही बातम्या अलिकडे आल्या आहेत, की काही सार्वजनिक क्षेत्रातील बँकांद्वारे (पीएसबीएस) सेवा शुल्कात मोठ्या प्रमाणात वाढ केली जाऊ शकते. या संदर्भात अधिक माहितीसाठी येथे क्लिक करा.
• गृहनिर्माण आणि  शहरी कामकाज मंत्रालयाने  9  नोव्हेंबर 2020 रोजी  13 व्या  अर्बन मोबिलिटी इंडिया (यूएमआय) परिषदेचे आयोजन केले आहे. दिवसभर चालणारी ही परिषद  व्हिडीओ कॉन्फरन्स / वेबीनरद्वारे ऑनलाईन आयोजित केली जाईल. या वर्षीच्या कार्यक्रमाची मुख्य संकल्पना आहे-  “शहरी गतिशीलतेतील उदयोन्मुख कल” असून लोकांना सुलभ आणि सोयीस्कर वाहतुक पुरवण्यासंदर्भात कोविड -19 मुळे उद्भवलेल्या आव्हानांना सामोरे जाण्यासाठी राष्ट्रीय आणि आंतरराष्ट्रीय पातळीवर केलेल्या नाविन्यपूर्ण उपायांवर भर असेल. 
• देशाला पौष्टिक सुरक्षेकडे नेण्याची प्रक्रिया सुरू करण्यासाठी, अन्न आणि  सार्वजनिक वितरण विभाग (डीएफपीडी) “तांदळातीळ पोषक घटक वाढवण्यासाठी आणि सार्वजनिक वितरण प्रणालीच्या माध्यमातून त्याचे वितरण करण्यासाठी  केंद्र पुरस्कृत प्रायोगिक योजना” चालवत आहे. या योजनेला 2019-2020 पासून तीन वर्षांच्या कालावधीसाठी मंजुरी देण्यात आली असून यासाठी एकूण तरतूद 174.6  कोटी रुपये आहे.
• देशामध्ये खतांचा वापर संतुलित करण्यासाठी प्रोत्साहन देण्यात येत आहे. यासाठी एनएलएफ म्हणजेच राष्ट्रीय खते लिमिटेडच्या वतीने शेतकरी बांधवांना यूरिया नसलेल्या डीएपी, एमओपी, एनपीके आणि सल्फर आधारित खतांचा वापर करण्यासाठी प्रोत्साहन दिले जात आहे. एनएफएलच्या या प्रयत्नांना चांगले यश आले असून यंदाच्या आर्थिक वर्षात पहिल्या सात महिन्यांमध्ये सर्व प्रकारच्या गैर-यूरिया खतांच्या विक्रीमध्ये मोठी वाढ झाल्याचे दिसून आले आहे. 
• मलबार नौसेना कवायतीच्या 24 व्या आवृत्तीचे आयोजन नोव्हेंबर, 2020 मध्ये दोन टप्प्यांमध्ये करण्यात येणार आहे. त्यापैकी पहिला टप्प्याचे आयोजन दि. 3 ते 6 नोव्हेंबर 2020 मध्ये होणार  आहे. संपूर्ण विश्वभर कोविड-19 महामारीचा झालेला उद्रेक लक्षात घेवून या कवायती कोणत्याही संपर्काविना केवळ सागरी स्तरावर आयोजित करण्यात आल्या आहेत. 
• कार्मिक, सार्वजनिक तक्रार निवारण आणि निवृत्तीवेतन राज्यमंत्री डॉ. जितेंद्र सिंह यांनी प्रशासकीय सुधारणा आणि सार्वजनिक तक्रार निवारण विभागाच्या अधिकाऱ्यांना प्रामाणिकतेची शपथ दिली आणि सर्व कर्मचारी, अधिकाऱ्यांना मार्गदर्शन केले. कोविड-19 महामारीच्या काळामध्ये या विभागाने ‘सुशासन पद्धतीविषयी आयडिया बॉक्स’ हा कार्यक्रम जारी केला त्यानुसार ई-प्रशासनाविषयी सर्वोत्तम पद्धतींवर समाज माध्यमांवर ट्वीट प्रसिद्ध करण्यात आले. 

महाराष्ट्र अपडेट्स: 

महाराष्ट्रात सोमवारी 4,008 नवीन कोविड-19 रुग्णांची नोंद झाली. पण त्याचबरोबर 10,225 रुग्ण बरे झाले आहेत त्यामुळे सक्रिय रुग्णांची संख्या कमी होऊन 1.18 लाखांवर आली आहे. मुंबईत 706 नवीन रुग्ण आढळून आले असून हा गेल्या 69 दिवसातील नीचांक आहे. राज्यातील रुग्ण बरे होण्याचा दर 90% पर्यंत पोहोचला असून शहरातील संसर्ग पसरण्याचा दर 1.06 टक्क्यांवरून 0.49 टक्क्यांपर्यंत खाली आला आहे. कोविडची दुसरी लाट येण्‍याची शक्‍‍‍‍यता कमी असून, कोणत्याही परिस्थितीसाठी राज्य सक्षम असल्याचे राज्याचे आरोग्यमंत्री राजेश टोपे यांनी नमूद केले आहे.

FACT CHECK

* * *

B.Gokhale/S.Tupe/D.Rane

सोशल मिडियावर आम्हाला फॉलो करा: @PIBMumbai    /PIBMumbai    /pibmumbai  pibmumbai[at]gmail[dot]com