PIB Headquarters
কোবিদ-১৯গী মতাংদা নুমিৎ খুদিংগী ফোংবা পি.আই.বি.গী বুলেতিন
Posted On:
03 NOV 2020 6:04PM by PIB Imphal
![](https://static.pib.gov.in/WriteReadData/userfiles/image/image0015IFJ.jpg)
(মসিদা হৌখিবা পুং ২৪ দা থোকখিবা কোবিদ -১৯গা মরী লৈনবা চেফোংশিং, ফিল্দ ওফিসশিংদগী ফংবা পাউশিং, অমসুং পি.আই.বি.না লৌখৎপা ফেক্ত চেকশিং য়াওরি )
- ভারতকী এক্তিব কেসশিং অসি ঙসি লাখ ৫.৫কী মখাদা লৈখ্রে
- হৌখিবা পুং ২৪দা অনাবা মীওই ৫৮,৩২৩ নাবা ফগৎতুনা দিসচার্জ তৌখ্রে
- হৌখিবা পুং ২৪দা নোংমদা থেংনবা অনৌবা কেস অসি ৩৮,৩১০ ওইখ্রে
- এক্তিব কেসশিং অমসুং নাবা ফগৎলকখ্রবশিংগী মরক্তা লৈরিবা খেৎনবা অসি ঙসি লাখ ৭০ হেনখ্রে
- লৈবাক অসিগী নাবা ফগৎলকপগী চাং অসি মখা তানা ৯১.৯৬%তা হেনগৎখ্রে
#Unite2FightCorona
#IndiaFightsCorona
![](https://static.pib.gov.in/WriteReadData/userfiles/image/image005HPVZ.jpg)
![Image](https://static.pib.gov.in/WriteReadData/userfiles/image/image006DMU8.jpg)
ভারতকী এক্তিব কেসশিং অসি ঙসি লাখ ৫.৫কী মখাদা লৈখ্রে, নুমিৎ ১০৫নিগী মতুংদা নোংমদা অনৌবা কেস ৩৮,৩১০ রেকোর্দ তৌখ্রে, অপুনবা নাবা ফগৎখিবনা এক্তিব কেসশিংদগী লাখ ৭০ হেনখ্রে
ভারতনা কোবিদকী মায়োক্তা লান্থেংনবদা মখল কয়াগী অচৌবা মাই পাকপা পুরকপা ঙমখ্রে। হৌখিবা পুং ২৪গী মনুংদা অনৌবা কনফর্ম কেস অসি ৪০,০০০গী মখাদা লৈখ্রে। চয়োল ১৫গী মতুংদা (নুমিৎ ১০৫) নোংমদা থেংনবা অনৌবা কেস অসি ৩৮,৩১০ ওইখ্রে। জুলাই ২২, ২০২০দা অনৌবা কেস অসি ৩৭,৭২৪ ওইখি। অতোপ্পা মাই পাকপা অমদা, এক্তিব কেসশিং অসি খঙহন-হন্থরক্তুনা লাখ ৫.৫কী মখাদা লৈখ্রে। লৈবাক অসিগী অপুনবা পোজিতিব কেস অসি ৫,৪১,৪০৫নি অমসুং হৌজিক্তি অপুনবা কেসশিংগী ৬.৫৫% খক্তা ওইরে। এক্তিব কেসশিংদা হন্থরকপা অসিদা মশিং য়াম্না নাবা ফগৎলকপা অসিনা মতেং পাংলি। পুন্না নাবা ফগৎলকখ্রবা কেসশিং অসি লাখ ৭৬ হেনখ্রে (৭৬,০৩,১২১)।এক্তিব কেসশিং অমসুং নাবা ফগৎলকখ্রবশিংগী মরক্তা লৈরিবা খেৎনবা অসি ঙসি লাখ ৭০ হেনখ্রে অমসুং ৭০,৬১,৭১৬ শুখ্রে। হৌখিবা পুং ২৪দা অনাবা মীওই ৫৮,৩২৩ নাবা ফগৎতুনা দিসচার্জ তৌখ্রে। লৈবাক অসিগী নাবা ফগৎলকপগী চাং অসি মখা তানা ৯১.৯৬%তা হেনগৎখ্রে। নৌনা নাবা ফগৎলকখ্রবা কেসশিংগী ৮০%দি রাজ্য/য়ু.তি. ১০দগী ওইখি। মহারাস্ত্রনা নোংমদা ১০,০০০গী মথক্তা নাবা ফগৎতুনা মাংজিল থারি অমদি ৮,০০০গী মথক্তা নাবা ফগৎখিবগা লোয়ননা কর্নাতকানা মতুং ইন্নখি। নৌনা কনফর্ম তৌখিবা কেসশিংগী ৭৪%দি রাজ্য/য়ু.তি. ১০দগী ওইখি। অনৌবা কেস ৪,০০গী মথক্তা থেংনবগা লোয়ননা কেরেলা, দিল্লী অমসুং মহারাস্ত্রনা মশিং খ্বাইদগী য়াম্বা ওইখি। ৱেস্ত বেঙ্গলনা অনৌবা কেস ৩,০০০গা লোয়ননা মতুং ইন্নখি। হৌখিবা পুং ২৪দা কেস ৪৯০ শীখিবগী রিপোর্ত তৌরকখি। মসিগী মনুংদা ৮০%গী ময়াদি রাজ্য/য়ু.তি. তরাদগী ওইখি। মহারাস্ত্রনা নোংমদা খ্বাইদগী য়াম্না শীখিবগী রিপোর্ত তৌরকখি (শীখিবা ১০৪)। ভারতকী কেস ফেতেলিতী রেৎ অসি ১.৪৯%নি।
অকুপ্পা ৱারোলগীদমক:
২০২০গী নবেম্বরগী ৫দা “য়োগা এন্দ আয়ুরবেদা মেদিসিন ফোর মেন্তেল ৱেলনেস”দা ইন্তরনেস্নেল ৱেবিনার
ওল ইন্দিয়া ইন্সতিত্যুৎ ওফ আয়ুরবেদা (এ.আই.আই.এ.)না ২০২০গী নবেম্বরগী ৫দা ৱেস্তর্ন সিদনি য়ুনিবর্সিতিগা লোয়ননা “য়োগা এন্দ আয়ুরবেদা মেদিসিন ফোর মেন্তেল ৱেলনেস” হায়বা থীম অসিদা ৱেবিনার অমা শিনগদৌরি। ৱেবিনার অসিনা আয়ুরবেদা অমসুং য়োগবু য়োকখৎতুনা ৱাখল নুঙাইনা থম্নবা খুদোংচাবা লৌদুনা পুন্না থবক শুমিন্নবা অসিনি। হায়রিবা অসিনা ইন্দিয়া, ওস্ত্রালিয়া, ইতালি অমসুং জর্মনিগী য়োগা অমসুং আয়ুরবেদা মকোক থোংবা অসি পুন্দুনা হৌজিক চৎথরিবা ইন্তরনেস্নেল রিসর্স অসিদা পুনবা অসিনি। মসিনা মখা তানা য়োগা অমসুং আয়ুরবেগা মরী লৈনবা সাইন্তিফিক রিসর্স অসিদা মালেমগী ওইবা পুন্না চৎমিননবগী পুক্নিং থৌগৎপা অসিনি।
অকুপ্পা ৱারোলগীদমক:
তেলি-লোনা মশক থোকপা মায় পাকপা অমা অমুক হন্না ফংখ্রে; সি.এস.সি.না পায়খৎলকপা থবক্কী মখাদা বেনিফিসিয়রী লাখ ৪না ৱায়েল-পথাপকী ওইবা পাউতাক ফংখ্রে
তেলি-লোনা ওক্তোবর ৩০, ২০২০দা বেনিফিসিয়রী লাখ ৪দা সসি.এস.সি.(কমন সর্ভিস সেন্তর)গী মখাদা ৱায়েল-পথাপকী ওইবা পাউতাক পীখিবা অসিমক মশক থোকপা মায় পাকপা অমনি হায়বা তাক্লে। থৌরম অসি হৌরবা মতুংদা এপ্রীল ২০২০দা অপুনবা লাখ ১.৯৫দা পাউতাক পীখিবদা শেনবা চহিগী অহানবা থা তরেত্তা লাখ ২.০৫দা পাউতাক পীখি। ভারত সরকারগী "দিজিতেল ইন্দিয়া ভিজন"গী থোংদা জস্তিশ বিভাগনা ‘মীপুম খুদিংমক্কী ওইবা ৱেয়েল-পথাপ’ অসি অশেংবা মওংদা ফংহন্দুনা অমদি মীপুম খুদিংমক্না ৱায়েল-পথাপ ফংহন্নবগীদমক্তা "হৌগৎলক্লিবা" অমসুং "ইরমগী ওইবা" দিজিতেল প্লেৎফোর্মশিং শিজিন্নখি। মসিগী পান্দম অসি য়ৌনবগীদমক্তা ২০১৭দা হৌদোকখিবদগী হৌনা অহানবা তাঙ্কক অসিমক্তদা কেসশিং লোইশিন্ননবগীদমক্তা তেলী-লোগী থৌরম অসি হৌদোকখি। মসিগী থৌরম অসিগী মখাদা লায়রবা, শোত্থরবা, তোল্ল-তারবা অমদি অরাপ্পা মফমশিংদা লৈবা মীওই কাংলুপশিং অমদি খুরুপশিংদা মতম চানা অমদি মমল লৈবা ৱায়েল-পথাপকী পাউতাকশিং ফংহন্নবগীদমক্তা উকীলশিং য়াওশিনহনখ্রে অমদি মসিগীদমক্তা পঞ্চায়েৎকী থাক্তা কমন সর্ভিশ সেন্তরশিং অসি পাক-চাউনা শন্দোকপা নেতৱর্কতা ফংবা ভিদিও কনফরেন্সিং, তেলিফোন/ইন্সতেন্ত কোলিংগী খুদোংচাবশিংগী স্মার্ত তেক্নিক শিজিন্নখ্রে।
অকুপ্পা ৱারোলগীদমক:
কোবিদ-১৯ মতুংগী ওইরক্কদবা মালেমগী শেন্মীৎলোন্দা ভারতনা মালেমগী লুচিংবা ওইরগনি: দা. জিতেন্দ্র সিংহ
দিবেলপমেন্ত ওফ নোর্থ ইস্তর্ন রিজন (দোনর)গী কেন্দ্রগী রাজ্য মন্ত্রী (আই/সি), এম.ও.এস. পি.এম.ও, পর্সনেল, পব্লিক গ্রীবান্সেস এন্দ পেন্সন্স, এতোমিক ইনর্জী অমসুং স্পেস, দা. জিতেন্দ্র সিংহনা ঙসি “ইকনোমিক রিবাইবেল থ্রু কেপিতেল মার্কেৎস পোস্ত কোবিদ-১৯”দা পাঙথোকপা ৱেবিনার অমা হৌদোকখ্রে। ৱেবিনার অসি নই দিল্লীগী ইন্সিতিত্যুত ওফ কম্পনী সেক্রেতরীস ওফ ইন্দিয়া (আই.সি.এস.আই.-এন.আই.আর.সি.)না শিনখি। থৌরম অসিদা ৱা ঙাংলদুনা কেন্দ্রগী মন্ত্রী দা. জিতেন্দ্র সিংহনা হায়খি থৌনা লৈবা লুচিংবা প্রধান মন্ত্রী, শ্রী নরেন্দ্র মোদীগী লুচিং মখাদা ভারতনা কোবিদ-১৯ মতুংগী ওইরক্কদবা মালেমগী শেন্মীৎলোন্দা মালেমগী লুচিংবা ওইরগনি। মহাক্না হায়খি ভারত সরকারনা ঙন্না লোকদাউন থমদুনা মাংজৌননা খোঙথাংশিং লৌখৎপা অসিনা পুন্সি কয়া কনবা ঙমখি অমসুং ভারতকী শেন্মীৎলোন্দা শোকহনবা হন্থহনখি। লোকদাউনগী মতম অসিনা ঐখোয়দা পুন্সিগী পরা কয়া তম্বীখি অমসুং মসিগী অৱাবা অসিনা ঐখোয়দা অফবা অমা ওইনা থোকখি।
অকুপ্পা ৱারোলগীদমক:
আর্চরীগী তীমগী মতেং পাংনবা স্তাফ কোরোনাভাইরস পোজিতিব ওইরে, মতম খরা লেপ্লুরবা মতুংদা কেম্প অদু হান্নগী ফীভমদা অমুক হঞ্জিনখ্রে
পুনেগী আর্মী স্পোর্তস ইন্সতিত্যুৎতা ত্রেনিং তৌরিবা নেস্নেল আর্চরী তীমগী তেংবাংনবা স্তাফ অমা কোরোনাভারস তেস্ত তৌবদা পোজিতিব ওইরে। মতেং পাংনবা স্তাফ মেম্বর অসি ওক্তোবর ৩০দা তেস্ত তৌবদা পোজিতিব ওইখিবনি। ক্বারেন্তিন তৌরিঙৈগী মতমদা স্পোর্তস ওথোরিতী ওফ ইন্দিয়ানা থমখিবা স্তেন্দর্দ ওপরেতিং প্রোসিদ্যুরগী মতুং ইন্না আর.তি.-পি.সি.আর. তেস্ত অনিরক তৌখি। হায়রিবা স্তাফ অসি ত্রেনিং অসিদা কেম্পরশিং ওইনা য়াওদ্রিঙৈদা তেস্ত তৌবদা নেগতিব ওইখি। মতেং পাংনবা স্তাফ অদু এ.এস.আই.গী মপান্দা লৈবা স্পিসিএল কোবিদ কেয়র হোসপিতাল অমদা লায়েং চত্থরি। ত্রেনিং কেম্প অদু ওক্তোবর ৩১ অমসুং নবেম্বর ১গী ওইনা নুমিৎ নিনি য়ৈথোক্লুরে অমদি কেম্পরশিং পুম্নমক আইসোলেৎ তৌদুনা অমদি মাগী-মাগী কাদা নুমিৎ নিনি লৈবদা অথিংবা থমদুনা চেকশিন-থৌরাং পুম্নমক পায়খৎখ্রে। কোবিদকী চেকশিন-থৌরাংশিং অমদি অইং-অশা অসি য়েংশিন্দুনা নবেম্বর ২দগী কেম্প অসি অমুক হান্নগী ফীভমদা হঞ্জিল্লকখ্রে। সাই অসি প্রোতোকোলগী মতুং ইন্না নেস্নেল কেম্পরশিং খুদিংমক আর.তি.-পি.সি.আর.গী তেস্ত তৌরগনি।
অকুপ্পা ৱারোলগীদমক:
শ্রী সদানন্দা গৌরানা প্রধান মন্ত্রী ভারতিয়া জনঔসাধি পরিয়োজনা হন্না য়েংশিনবগী মীফম পাংথোকখ্রে
ঙসি নিউ দিল্লিদা কেমিকেল অমসুং ফর্তিলাইজরগী য়ুনিয়ন মিনিস্তর শ্রী দি.ভি সদানন্দা গৌরানা প্রধান মন্ত্রী ভারতিয়া জনঔসাধি পরিয়োজনা(পি এম বি জে পি) হন্না য়েংশিনবগী মীফম অমা পাংথোকখ্রে। চৎলিবা শেনবা চহি(ওক্তোবর ৩১ ফাওবদা)অসিগী অহানবা থা ৭গী মনুংদা জন ঔসাধি দুকান ৬৬০০দা প্রধান মন্ত্রী ভারতিয়া জনঔসাধি পরিয়োজননা লুপা করোর ৩৫৮(শেনবা চহি ২০১৯দা লুপা করোর ৪৩৩ য়োনখিবা অদুগী মথক্তা) য়োনখি অমসুং অপুনবা শেনবা চহি অসিদা লুপা করোর ৬০০ হেন্না য়োল্লবা য়ারি। কোবিদ-১৯গী ৱারবা মতম মনুংদা মীয়ামদা অহোংবা মমলদা মাক্সশিং য়াওনা হিদাক-লাংথকশিং ফংহনবগীদমক মীফম অদুদা শ্রী গৌরানা বি.পি.পি.আই কাংবু থাগৎখি।
অকুপ্পা ৱারোলগীদমক:
পি.আই.বি. ফিল্দ ওফিসশিংদগী ফংবা পাউ
• মহারাস্ত্র: মহারাস্ত্রদা নিংথৌকাবা নুমিত্তা কোবিদ-১৯গী অনৌবা কেস ৪,০০৮ থেংনখি, অদুবু নুমিৎ অদুমক্তদা ১০,২২৫ ফগৎখি মসিনা এক্তিব কেসশিংগী মশিং অদু লাখ ১.১৮দা হন্থহনখ্রে। মুম্বাইদা অনৌবা কেস ৭০৬ থেংনখি হায়রিবা অসি নুমিৎ ৬৯গী মনুংদা খ্বাইদগী নেম্বা ওইখি। রাজ্য অসিগী ফগৎলকপগী চাং অসি ৯০ য়ৌখিবগা লোইননা সিতী অসিদা ইনফেক্সন তৌবগী চাং অসি ১.০৬%দগী ০.৪৯%দা হন্থখ্রে।
• গুজরাত: গগুজরাত সরকারনা নিংথৌকাবা নুমিত্তা অহাংবা মফমশিং লুহোংবগী থৌরমশিংগা মরী লৈননা থমখিবা কোবিদ-১৯গী অথিংবশিং অদু কোমথোকখ্রে অমসুং মমাংদা থম্লম্বা মীথুংলেন ১০০গী অকক্নবা মশিং অদু ২০০ ফাওবগী অয়াবা পীখ্রে। রাজ্য সরকারগী য়াথংগী মতুং ইন্না, মীথুংলেনশিং অদুনা মাস্কশিং উপকদবনি অমসুং সোসিয়েল দিস্তেন্সিং য়াওনা চৎনা কাংলোন পুম্নমক ইনগদবনি।
• রাজস্থান: রাজস্থান এসেম্বলীনা রাজস্থান এপিদেমিক দিজীজেস (অমেন্দমেন্তস বিল ২০২০) পাস তৌখ্রে, মসিনা মাস্কশিং উপ্পা হায়বসি মেন্দেতরী ওইহনখি। মরক অসিদা ঙরাং অনৌবা কেস ১,৭৪৮ থেংনখ্রবা মতুংদা রাজস্থানদা কোবিদ কেসশিংগী মশিং অসি লাখ ২ হেনখ্রে। এক্তিব কেসশিংগী মশিংনা ১৫,৮৮৯নি।
• ছত্তিসগর: রাজ্য অসিগী হেল্থ ৱার্কর চাউরাক্না ১৫,০০০ লোম্না মখোয়গী দিমান্দশিং অদুদা সরকারগী মিৎয়েং চংনবা লৈবাকপোকপা নুমিত্তা নুমিৎ নিনিগী ‘মাস লীভ’ লৌখ্রে। মরম অসিনা সেমপল কলেক্সন তৌবগী মশীং অদু নোংমগী ওইবা চাংচৎ ২৪,০০০দগী হন্থরক্তুনা ১৭,০০০ খরা হেনবা ফাওবদমক পাংথোকপা ঙমখি। হেল্থ ৱার্করশিং অসিনা লুপা লাখ ৫০গী ইন্সুরেন্স কোভর, কোরোনা এলোৱেন্স, রিস্ক এলোৱেন্স অমসুং কোবিদকী মায়োক্তা লান্থেংনবদা মখোয়গী পুন্সি অসিবু খুদোংথিবদা মায়োক্নবগীদমক্তা অখন্নবা এলোৱেন্স পীবীনবা হায়জরকখি।
• কেরলা: কেরলা সার্বিস কমিশন্না নুমিৎ নিনি শুপ্না পাংথোক্কদবা কেরলা এদমিনিস্ত্রেতিব সার্বিস (কে.এ.এস.) একজামগী সেন্তরশিং অদু জিলা খুদিংমক্তা পীননবা ৱারেপ লৌখ্রে। পি.এস.সি. মীফম অদুদা ৱারেপ অসি কোবিদ-১৯গী চিরবা মতম অসিনা মরম ওইরগা ৱারেপ অসি লৌখিবনি। । রাজ্য অসিদা ঙরাং কোবিদ-১৯গী কেস ৪,১৩৮ থেংনখি। মীওই ২১ অমসুং লৈখিদবগী কনফর্ম তৌখ্রে, মসিনা শিখিবশিংগী মশিং অদু ১৫৩৩দা য়ৌহনখ্রে।
• তামিল নাদু: তি.এন. সরকারনা সাবরিমালাগী পিলগ্রিমশিংদা য়াথং পীরকখ্রে মদুদি সাবরিমালাদা লাক্ত্রিঙৈগী পুং ৪৮গী মমাংদা করোনা ভাইরসনা ইনফেক্তেদ ওইদে হায়বগী মেদিকেল সার্তিফিকেত অমা পীবা ঙম্বা দিভোতীশিং খক্তমক লাইশং অসিদা চংবগী অয়াবা পীগনি। সরকারগী স্কুলশিংগী মহৈরোইশিংদা তেক্সবুকশিং লেম্না য়েন্থোকখ্রে; তেক্সবুকশিং অসি য়েন্থোকপদা অথিংবা অপনবা লৈতনা য়াম্না কোম্না য়েন্থোকপা য়ানবা, তামিল নাদু তেক্সবু অমসুং এজুকেশনেল সার্বিস কোর্পোরেশন্না য়েন্থোকপা মতমদা সোসিয়েল দিস্তেন্সিংগী চৎনা-কাংলোনশিং ঙক্না চৎহনবগা লোইননা হান্নদগী এস.ও.পি.শিং থোকখি।
• কর্নাতকা: কর্নাতকা স্তেত রোদ ত্রান্সপোর্ত কোর্পোরেশন (কে.এস.আর.তি.সি.)না কোবিদ-১৯গী লোকদাউন্না মরম ওইরগা লেপখিবা হাইদ্রবাদ চৎপা বসশিং অদু অমুক হন্না চেনবা হৌখ্রে। কোবিদ-১৯গা মরী লৈনবা মোর্বিদিতী অমসুং মোর্তেলিতীদগী ঙাকথোক্নাবা অহল ওইরবশিংদা বি.সি.জি.গী বুস্তর দোস অমা পীনবা মাইসুরুগী জে.এস.এস. হোসপিতালদা চাংয়েংগী শরুক অমা ওইনা ভোলন্তীয়র ৮০গী মথক্তা ভেক্সিনেশন তৌখ্রে।
• অন্ধ্র প্রদেশ। অন্ধ্র প্রদেশতা স্কুল ৯৮%দি অমুক হন্না হাংদোকখ্রে, এত্তেন্দেন্সকী চাং অদু ৪৫%গী মখাদা ওইখি। নবেম্বর ২দা স্কুলশিং অমুক হন্না হাংদোকখ্রবা মতুং অহানবা নুমিত্তা মারিপাদু মন্দলগী নান্দাৱরম অমসুং নেল্লোর জিলাগী রুরল মন্দলগী পথাভেলন্তিদা ওফিসিয়েলশিংনা কোবিদ তেস্তশিং পাংথোকপা মতমদাপোজিতিব কেস মঙা থেংনখি। থা তরেত হেন্না কান্নরবা মতুংদা অন্ধ্র প্রদেশ অমসুং তেলঙ্গনাগী মরক্তা চৎলিবা ইন্তর-স্তেত বস সার্বিসশিং অদু অমুক হন্না মথৌ তৌবা হৌখ্রে।
• তলঙ্গনা: হৌখিবা পুং ২৪দা অনৌবা কেস ১৫৩৬ লৈখি, ১৪২১ ফগৎখি অমসুং ৩ শিখিবা থেংনখি; কেস ১৫৩৬কী মনুংদা কেস ২৮১দি জি.ঐচ.এম.সি.দগী থেংনখি। অপুনবা কেসশিং: ২,৪২,৫০৬; এক্তিব কেসশিং: ১৭,৭৪২; শিখিবশিং: ১৩৫১; দিসচার্জ তৌখিবশিং: ফগৎলকপগী চাং চাদা ৯২.১২ ওইখিবগা লোইননা ২,২৩,৪১৩ ফগৎলকখি। দুব্বাক বাই-ইলেক্সনদা ভোত থাথখিবগী চাং অদু লঞ্চ অৱরগী মতমদা মশিং য়াম্না হেনগৎলকখি অমসুং লৈবাকপোকপা নুমিৎকী নুংথিলগী পুং ৩দা চাদা ৭১ ওইখি, হায়রিবা অসিনা ভোত থাধনখিবগী চাং অদু য়াম্না ৱাংখি হায়বা তাক্লি।
• অরুনাচল প্রদেশ: রাজ্য অসিদা কোবিদ পেসেন্ত অমমুক লৈখিদ্রে, হৌজিক শিখিবশিংগী মশিং অদু ৩৮ শুখ্রে। হৌখিবা পুং ২৪গী মনুংদা রাজ্য অসিদা অনৌবা পোজিতিব কেস ১১৭ থেংনখি। হৌজিক রাজ্য অসিদা পোজিতিব কেস ১৭২২ লৈরি।
• অসাম: অসামদা হৌখিবা পুং ২৪দা পোজিতিব ওইবগী চাং ১.৫৩% ওইখিবগা লোইননা তেস্ত ৩০৩৩৪ পাংথোকখিবদা কেস ৪৬৫ থেংনখি। কোবিদকী অপুনবা মশিং অসি ২০৬৯৮২ য়ৌখ্রে অদুগা হৌজিক ফাওবদা ১৯৭৫৬৬ দিসচার্জ তৌখ্রে।
• মঘালয়া: মঘালয়াদা অনৌবা কোবিদ কেস ৭১ থেংনখি অমসুং ১১৭ ফগৎখি।
• মিজোরাম: মিজোরামদা ঙরাং কোবিদ-১৯গী অনৌবা কেস ৩৫ কনফর্ম তৌখি: অপুনবা কেস মশিং ২৭৯২ য়ৌখ্রে অমসুং এক্তিব কেসশিংগী মশিংনা ৪৪৪দা লৈরি। আইজোলদা নবেম্বর ৯ ফাওবা লোকদাউন শাংদোকখ্রে।
• নাগালেন্দ: নাগালেন্দগী এক্তিব কেস ১৩৬৩গী মনুংদা কেস ১২৯৬তি অসীম্তমেতিক ওইখি, ৪২না মাইলদনি, ১২না মোদরেতনি, ৬না সেবিয়র ওইখি, আই.সি.য়ু.দা অমসুং ভেন্তিলেতরদা এক্তিব কেস ১।
ফেক্ত চেক
![](https://static.pib.gov.in/WriteReadData/userfiles/image/image0079CTZ.jpg)
![Image](https://static.pib.gov.in/WriteReadData/userfiles/image/image008P5L6.jpg)
*****
(Release ID: 1669993)
Visitor Counter : 159