(মসিদা হৌখিবা পুং ২৪ দা থোকখিবা কোবিদ -১৯গা মরী লৈনবা চেফোংশিং, ফিল্দ ওফিসশিংদগী ফংবা পাউশিং, অমসুং পি.আই.বি.না লৌখৎপা ফেক্ত চেকশিং য়াওরি )

• ভারতকী নাবা ফগৎলকপগী চাং অসি ৮০% লানখ্রে
• নুমিৎ হুমনি শুবা ওইনা ভারতনা ৯০,০০০ হেন্না নাবা ফগৎলকপগী রিপোর্ত তৌরক্লি, হৌখিবা পুং ২৪দা অনাবা মীওই ৯৩,৩৫৬ দিসচার্জ তৌখি
• অপুনবা ফগৎলকপগী গ্লোবেল ফিগরদা ভারতনা মকোক্তা লৈরি, মালেমগী অপুনবগী চাদা ১৯ হেন্না ওইরি
• লৈবাক অসিগী হৌখিবা পুং ২৪দা অনৌবা কেস পুন্না ৮৬,৯৬১ রিপোর্ত তৌরকখি। নৌনা কনফর্ম তৌখিবা কেসশিংগী ৭৬%দি রাজ্য/য়ু.তি. ১০দগী ওইখি
• তাতা গুপ অসমুং সি.এস.আই.আর.-আই.জি.আই.বি.না শাবা ভারতকী ইহান হানবা কোবিদ-১৯ তেস্ত তৌনবা সি.আর.আই.এস.পি.আর. ভারততা শিজিন্নবগী অয়াবা পীখ্রে
• হৌজিক ফাওবদা পি.এম.জি.কে.ৱাই.গী মখাদা পি.এম.য়ু.ৱাই. বেনেফিসরীশিংদা কোতি ১৩.৫৭কী ফ্রী রিফীলশিং য়ৌহনখ্রে

নুমিৎ হুমনি শুবা ওইনা ভারতনা ৯০,০০০ হেন্না নাবা ফগৎলকপগী রিপোর্ত তৌরক্লি, নাবা ফগৎলকখ্রবা কেসশিংগী অপুনবা অসি লাখ ৪৩গী ময়া য়ৌরে – মালেমগী ওই খ্বাইদগী ৱাংলি, ভারতকী নাবা ফগৎলকপগী চাং অসি ৮০% লানখ্রে

ভারতনা লৈবাক অসিগী নাবা ফগৎলকপগী চাং অসিগী ৮০% হেন্না লানখিদুনা অচৌবা মাই পাকপা ওইখ্রে। নাবা ফগৎলকপা অসি লেপ্তনা হেনগৎলকপগা লোয়ননা নুমিৎ হুমনি শুবা ওইনা থংনা-থংনা ভারতনা ৯০,০০০ হেন্না নাবা ফগৎলকপগী রিপোর্তসু তৌরকখ্রে। হৌখিবা পুং ২৪দা অনাবা মীওই ৯৩,৩৫৬ দিসচার্জ তৌখি। লৈবাক অসিগী লৈরিবা চাংচৎ অসিদগী রাজ্য অমসুং য়ু.তি. ১২না রেজিস্তর তৌরকখিবা নাবা ফগৎলকপগী চাং অসিনা হেনখ্রে। নৌনা নাবা ফগৎলকখ্রবা কেসশিংগী ৭৯%দি রাজ্য/য়ু.তি. ১০দগী ওইখি। ঙসি নাবা ফগৎলকখ্রবা কেসশিংগী অপুনবা অসি লাখ ৪৩গী ময়া য়ৌরে (৪৩,৯৬,৩৯৯)। ভারতনা মালেমগী ওইবা পুন্না নাবা ফগৎলকখ্রবশিংগী মশিংদা মকোক থংলি। মসি মালেমগী অপুনবগী ১৯% হেন্না ওইরি।

অকুপ্পা ৱারোলগীদমক :

নৌনা কনফর্ম তৌখিবা কেসশিংগী ৭৬%দি রাজ্য/য়ু.তি. ১০দগী ওইখি

লৈবাক অসিগী হৌখিবা পুং ২৪দা অনৌবা কেস পুন্না ৮৬,৯৬১ রিপোর্ত তৌরকখি। নৌনা কনফর্ম তৌখিবা কেসশিংগী ৭৬%দি রাজ্য/য়ু.তি. ১০দগী ওইখি মহারাস্ত্র খক্তদগী ২০,০০০ হেনখি অমদি অন্ধ্র প্রদেশতগী ৮,০০০ হেনখি। হৌখিবা পুং ২৪দা লৈখিদবা ১,১৩০ রেজিসতর তৌখি। কোবিদনা মরম ওইদুনা হৌখিবা পুং ২৪দা লৈখিদবশিংগী ৮৬%দি রাজ্য/য়ু.তি. ১০দগী ওইখি। মহারাস্ত্রদগী লৈখিবা ৪৫৫কী রিপোর্ত তৌরকখি, কর্নাতকা অমসুং উত্তর প্রদেশতগী মথং শিৎনা লৈখিদবা ১০১ অমসুং ৯৪ ওইদুনা মতুং ইনখি।

অকুপ্পা ৱারোলগীদমক :

প্রধান মন্ত্রীনা বিহারদা লুপা করোর ১৪,০০০রোম ওইগদবা নেস্নেল হাইৱে প্রোজেক্ত মাপলগী উরেপ উয়ুং তমখ্রে

ঙসি বিহারদা প্রধান মন্ত্রী শ্রী নরেন্দ্র মোদীনা হাইৱে প্রোজেক্ত মাপলগী উরেপ উয়ুং তমখ্রে। মহাক্না বিহারগী খুঙ্গং পুম্নমক্তা ইন্তর্নেৎ সর্ভিসশিং ফংহন্নবা ‘হর গাও ওপ্তিকল ফাইবর কেবল’গীসু উরেপ উয়ুং তমখি। থৌরম অসিদা ৱা ঙাংলদুনা প্রধান মন্ত্রীনা হায়খি, ঙসি অসি বিহারগী ইনফ্রাস্ত্রকচরগী চাউখৎ থৌরাং অমসুং শেন্মীৎলোনগী থবক থৌরমশিং খুমাং চাউশিন্নবা মরু ওইবা নুমিৎ অমনি। মহাক্না হায়খি, ইনফ্রাস্ত্রকচরদা চাউনা শেল থাদবা লৈবাকনা চাউখৎলি হায়বা অসি ইতিহাস্না শাখি ওইরি। ঙসি, হাইৱেশিং অসি হান্নগী থবক শুবগী খোঙজেলদগী শরুক অনি হেনগৎনা শুরি। লম্বী শাবদা শেল থাদবা অসিসু শরুক মঙা হেনগৎখ্রে।

অকুপ্পা ৱারোলগীদমক :

বিহারগী ইনফ্রাস্ত্রকচর প্রোজেক্তশিং হৌদোকপদা প্রধানমন্ত্রীনা থম্বীখিবা ৱারোল

অকুপ্পা ৱারোলগীদমক :

কোবিদ-১৯ লাইচৎ মনুংদা এল.পি.জি সিলিন্দরশিং য়েন্থোকখ্রে

প্রধান মন্ত্রী গরিব কল্যান পেকেজগী শরুক অমা ওইনা, ২০২০গী এপ্রিল ১দগী হৌরগা মথং থা অহুম চুপ্না পি.এম.য়ু.ৱাই.গী কান্নবা ফংলবশিংদা লেম্না এল.পি.জি. পীনবা স্কিম অমা পায়খৎলে। হায়রিবা স্কিম অসি গ্যাস হান্নবা মাংজৌন্না শেন ফংখ্রবা অদুগা ২০২০গী জুন ৩০ ফাওবদা গ্যাস হানবা ঙমদ্রিবা বেনিফিসরিশিংগী ওইনা ২০২০গী সেপ্তেম্বর ৩০ ফাওবা শাংদোক্লে। ২০২০গী সেপ্তেম্বর ১৬ ফাওবদা, স্কিম অসিগী মখাদা পি.এম.য়ু.ৱাইগী কান্নবা ফংলবশিংদা গ্যাস হাল্লবা সিলিন্দর করোর ১৩.৫৭ ফংহনখ্রে। ওইল মার্কেত্তিং কম্পেনি (ও এম সি)শিংনা হায়খি মদুদি মখোয়না লৈরিবা এল.পি.জি সিলিন্দরশিং অসি ভারত্তা পুথোকপনি অমসুং মপান্দগী পুশিল্লকপা নত্তে। লৈবাক অসিদা এল.পি.জি পুথোকপা অসি দরকার ওইবা চাংদগী হন্থরকখি, মরম অদুনা লৈবাক অসিদা এল.পি.জি মরাংকাইনা ফংহন্নবা ও.এম.সিশিংনা মপান্দগী এল.পি.জি পুশিল্লকখি।

অকুপ্পা ৱারোলগীদমক :

প্রধানমন্ত্রী স্বনিধী স্কীমগী ওইনা লুপা করোর ৬০০.০০ কাইথোকপগী অয়াবা পীখ্রে, লুপা ১০,০০০ ফাওবগী কোলেতরেল ফারী ৱর্কিং কেপিতেলগী লোনশিং

হাউজিং অমসুং অর্বান এফেয়র্সনা জুন ০১, ২০২০দা ফ্রধানন্ত্রী স্ত্রীৎ ভেন্দর্স আত্মনির্ভর নিধী স্কীম(পি.এম. স্বনিধী স্কীম(পি.এম. স্বনিধী) হৌদোকখ্রে। মসিনা লৈবাক অসিদা লৈরিবা স্ত্রীৎ ভেন্দর লাক্ষ ৫০মুক্তা চহি ১গী ওইনা লুপা লিশিং ১০গী কোলেতরেল ফ্রী ৱর্কিং কেপিতেল লোনশিং ফংহন্নবগী খুদোংচাবা পীনবা পান্দম থম্লি। মসিনা লোন অসি চাং নাইনা শেল শিঙ্গৎপদা শেন্দোইগী মওংদা ইন্সেন্তিবসিং ওইনা চাদা ৭০ অদুগা থাগী ওইনা লুপা ১০০ দিজিতেল ত্রাঞ্জেক্সনশিং অসি নিংথিনা তৌবদা কেস বেক তৌই। পি.এম. স্বনিধী স্কীমগী ওইনা লুপা করোর ৬০০.০০ কাইথোকপগী অয়াবা পীখ্রে। রাজ্য/য়ুনিয়ন তেরিতোরীশিংগী ওইনা পাউ অসি হাউসিং অমসুং অর্বান এফেয়র্সকী রাজ্য মন্ত্রী(মনিং তম্বা) শ্রী হর্দীপ সিংহ পুরীনা ঙসি রাজ্য সভাদা অইবা পীউখুম অমদা পীখিবনি।

অকুপ্পা ৱারোলগীদমক :

সংসদতা ফার্মস বীল পাস তৌরকপদা প্রধান মন্ত্রীনা লৌমীশিংদা য়াইফ-পাউজেল পীখ্রে

প্রধানমন্ত্রী শ্রী নরেন্দ্র মোদীনা সংসদতা ফার্ম বীল পাস তৌরকপদা লৌমীশিংদা য়াইফ পাউজেল পীখ্রে অমদি মসিবু ভারতকী লৌউ-শিংউদা পুৱারীগী ওইবা মিৎকুপ অমনি হায়না হায়খ্রে। ত্বীৎশিংগী পরিং অমদা প্রধানমন্ত্রীনা হায়খ, "ভারতকী লৌউ-শিংউদা পুৱারীদা পুৱারীগী ওইবা মিৎকুপ অমা ওইরবা! হোৎনবা কল্লবা লৌমীশিংদা লৌউ-শিংউগী সেক্তরদা অসি মপুং ওইনা অওনবা পুরকপগা লোয়ননা লৌমী কয়াগী মপাঙ্গল হাপকৎপিরগদবা মরুওইবা বীল অসি সংসদতা পাস তৌরকপা অসিদা নুঙাইবা ফোংদোকচরি। চহি কয়াদগী লৌমীশিং অসি মখল-মখা কয়াগী খুরৌশিংদা থুহল্লম্মি অমসুং মরক্তা লৈরগা শেল চাবা মীনা নমহৎপীরম্মি। সংসদনা বীলশিং অসি পাস তৌরিবা অসি লৌমীশিংবু অসিগুম্বা অপনবশিং অসিদগী কোকহন্নবনি। বীলশিং অসিনা লৌমীশিংগী চাগা অসি শরুক অনি হেনগৎহন্নবগী থবক অসি য়াংশিলহল্লগনি অমসুং মখোয়গীদমক্তা হেন্না শেল-থুম মরাং কাইহল্লগনি।

অকুপ্পা ৱারোলগীদমক :

কোবিদ-১৯ হোস্পিতালশিংদা অতোপ্পা অনাবশিংগী লায়েংবগী ফেসিলিতীশিং

কোবিদ-১৯ কেসশিং নীয়ম চুম্না লাকশিন্নবা ভারত সরকারনা রাজ্য সরকারশিংদা কোবিদ খক্তংগী ওইবা তায়র অহুমগী হকশেল ফেসিলিতীশিংগী শেমগৎনবা খংহনখ্রে। মাইল্দ নত্রগা প্রি-সিম্তমেতিক কেসশিংগী আইসোলেসন ফমুংশিং য়াওবা কোবিদ ক্যের সেন্তর; ময়াই ওইরপ কনবা কেসশিংগী ওক্সিজেন পীবা আইসোলেসন লৈবা দেদিকেতেদ কোবিদ হেল্থ সেন্তর (দি.সি.ঐচ.সি.) অমসুং কাহেন্না ফীভম শোকপা কেসশিংগী আই.সি.য়ু. ফমুংশিং লৈবা দেদিকেতেদ কোবিদ হোস্পিতাল (দি.সি.ঐচ.)। কোবিদ কেসশিংদগী কোবিদ নত্তবা অনাবশিংগী লায়েংনবা এদমিৎ তৌরিবা অনাবশিংদা লায়না শন্দোক্তনবা মসিগী ফমুংশিং অসি কোবিদ নত্তনা অতোপ্পা অনাবশিং লায়েংবদা শীজিন্নরোই। হকশেল অমসুং য়াইফ য়ুম্বাল মন্ত্রালয় (এম.ও.ঐচ.এফ.দবল্যু.), ভারত সরকারনা তাঙ্কক নাইবা খোঙথাং অমা ঙাক্না চৎলি অমসুং মসিগী মতুং ইন্না কোবিদ-১৯ দেদিকেতেদ হোস্পিতাল ইনফ্রাস্ত্রকচরশিং চাউথোকপদা রাজ্যশিং লুচিংলি। রাজ্যশিংদা হৌজিক ওইরিবা অমসুং ওইরকপা য়াবা কেস হেনগৎলকপগী চাংদা য়ুম্ফম ওইরগা মথৌ তাবগী মতুং ইন্না আইসোলেসন, ওক্সিজেন সপ্পোর্ততেদ অমসুং আই.সি.য়ু. ফমুংশিংগী মশিং শেম শানবা খংহনখ্রে।

অকুপ্পা ৱারোলগীদমক :

কোবিদ-১৯ লায়চৎ মনুংদা মেদিকেল ৱেস্তকী মেনেজমেন্ত

সেন্ত্রেল পোলুসন কন্ত্রোল বোর্দ (সি.পি.সি.বি.)না পীরকপা পাউগী মতুং ইন্না, হেল্থক্যের প্রোফেস্নেলশিং লোয়ননা প্রজা মীয়াম্না শেৎলুবা পর্সনেল প্রোতেক্তিব ইক্বিপমেন্ত (পি.পি.ই.) কিৎ য়াওনা বাই-মেদিকেল ৱেস্ত দিসপোজ তৌবা অসি হৌজিক শন্দোক্লিবা কোরোনা ভাইরস দিজিজ ওফ ২০১৯ (কোবিদ-১৯) লায়চৎ মনুং অসিদা অৱাবা অমা ওইরে। পব্লিক হেল্থকী মতাং অসি রাজ্যগী ওইবা হীরম অমা ওইবনা, পি.পি.ই. কিৎ অসিনচিংবা য়াওনা বাইও-মেদিকেল ৱেস্ত অসি ফজনা দিসপোজ তৌদবদা মরম ওইরগা অমোৎ-অকায় খোমগৎপা অমসুং হুন্দোকপগী থবক তৌরিবা মীওইশিংগী মরক্ত কোবিদ-১৯ নাবা হেনগৎলকপগা মরী লৈনবা ই-পাউ অসি কেন্দ্রদা লৈতে। বাইও-মেদিকেল মেনেজমেন্ত (বি.এম.দবল্যূ.এম.) রুল ২০১৬গী মতুং ইন্না, হায়রিবা রুলশিং অসিগী মখাদা লৈরিবা প্রোবিজনশিংগী মতুং ইন্না হেল্থক্যের ফেসিলিতীশিংদগী থোরকপা অমোৎ-অকায় অসি ফজনা ত্রীৎমেন্ত তৌবা অমদি দিসপোজ তৌবা মথৌ তাই। সি.পি.সি.বি.নাসু গাইদলাইনশিং শেমখ্রে। মখা তানা, কোবিদ-১৯ নাবা মীওইশিং লায়েংলিঙৈ/দাইগনোসিস তৌরিঙৈ/ক্বারেন্তিন তৌরিঙৈ মনুংদা থাদোরকপা বাইও মেদিকেল ৱেস্ত অসি হেন্দল তৌনবা, ত্রীৎমেন্ত তৌনবা অমসুং দিসপোজ তৌনবা তোখাইবা গাইদলাইনশিং সি.পি.সি.বি.না থোকখি, মসিনা শীজিন্নরবা মাস্কশিং অমসুং গ্লোবশিং য়াওনা কোবিদ-১৯কা মরী লৈনবা বাইও-মেদিকেল ৱেস্ত মেনেজমেন্ত তৌবগী পাউতাক পীরি।

অকুপ্পা ৱারোলগীদমক :

অঙাং তিকা থাবগী থবকশিংদা লাইচৎনা পীবা চৈথেং

২০২০গী এপ্রিলদা কোবিদ-১৯ লাইচৎ হৌরকপা মতমদা তিকা থাবগী থবকশিং তপথখি, অদুবু চেকশিন-থৌরাংশিং পায়খৎপদগী তিকা থাবগী থবক তপ্না তপ্না ফিবম ফগৎলক্লে অদুবু কোবিদ-১৯ লাইচৎ মনুংদা তিকা থাবগী থবকশিং পাংথোক্নবা অমসুং মীরোনবী, চাবোকপী, পোকপতা ঙাইরিবা অঙাং, অঙাং, ইনখৎলক্লিবশিংদা মচি ওইবা চীঞ্জাক ফংহন্নবা থবকশিং পায়খৎনবা রাজ্য/য়ু.তিশিংদা চৎন-পথাপশিং পীখ্রে। হায়রিবা চৎন-পথাপশিং অসি ভিদিও কনফরেন্সশিংদা রাজ্যশিং/য়ু.তিশিংদা অমুক হন্না খঙহনখ্রে। পাকশন্না খঙনবা চৎন-কাংলোনশিং অদু হকশেল অমসুং য়াইফ-য়ুম্বাল মিনিস্ত্রিগী ৱেবসাইত্তা থাগৎলে। লাইচৎ মনুংদা থেংনবা অৱাবশিং খন্ননবা অমসুং তিকা থাবগী থবকশিং পাংথোক্নবা দরকার ওইবা চেকশিন-থৌরাংশিং পায়খৎনবা রাজ্যশিং/য়ু.তিশিংগা হন্না য়েংশিনবা মীফমশিং পাংথোকখ্রে। হেল্থ মেনেজমেন্ত ইনফোর্মেসন সিস্তেম(ঐচ এম আই এস)গী মতুংইন্না, ২০২০গী এপ্রিললদগী জুন ফাওবদা খুঙ্গংশিংদা অঙাং ৩৭,৪৯,৯৩৯ তিকা থাখ্রে অমসুং মমাং চহিদা হায়রিবা মতম অসিদা খুঙ্গংগী লমশিংদা অঙাং ৪৬,৭৫,৪৩৭ তিকা থাখি। তিকা থাবগী থবক লোইরবা মতুংদা, কোবিদ-১৯ লাইচৎনা মরম ওইদুনা তিকা থাহৌদ্রবা মীওইশিং খোঙ্গুল লিনবা তিকা থাখ্রবা মীওইশিংগী লিস্ত অমা শেম্লে। ৱাফম অসি ঙসি রাজ্য সভাদা অইবা ওইনা পীবা পাউখুম অমদা হকশেল অমসুং য়াইফ-য়ুম্বালগী রাজ্য মন্ত্রী এস.ঐচ অশ্বনি কুমার চৌবেনা ফোঙদোকখিবনি।

অকুপ্পা ৱারোলগীদমক :

খুঙ্গংগী হেল্থকেয়রদা কোবিদ-১৯ লাইচৎকী শাফু

রাজ্যশিং/য়ু.তি.শিং পুম্নমক ভারত কোবিদ-১৯ ইমর্জেন্সী রেস্পোন্স অমসুং হেল্থ সিস্তেম প্রিপেয়র্দনেস পেকেজকী মখাদা লৈরিবা রিসোর্স অদু মখোয়গী লৈরিবা ফিভম অমসুং অথু অহান অদুগী মতুং ইন্না তঙাই ফদবা শেলগী তেংবাং পীরি৷ এফ.ৱাই.২০২০-২১গী মনুংদা ১০.০৯.২০২০ ফাওবদা রাজ্যশিং/য়ু.তি.শিংদা লুপা কোতি ৪২৫৬.৮১গী শেনফম পীখ্রে৷ “পব্লিক হেল্থ অমসুং হোস্পিতাল্স” অসি রাজ্যগী হিরম অমা ওইবনা পব্লিক হেল্থ ফেসিলিতীশিংদা দোক্তরশিং ফংহনবা হায়বসি রাজ্য সরকারশিং অদুগী মশা মশাগী তৌদ্রবা য়াদ্রবা থৌদাং অমা ওই৷ হেল্থ চেলেঞ্জ অসি মরু ওইনা খুঙ্গংগী মফমশিংদা থেংন্নবগীদমক পব্লিক হেল্থ ফেসিলিতীশিং দরকার লৈরিবা মীওইশিংদা অফবা, মমল তাংদবা অমসুং ক্বালিতী লৈবা হেল্থকেয়র ফংহন্ননবগীদমক্তা রাজ্য/য়ু.তি.শিংনা হোৎনরিবা অসিদা মতেং পাংন্নবগীদমক্তা ২০০৫দা নেস্নেল রুরেল হেল্থ মিসন(এন.আর.ঐচ.এম.) লোঞ্চ তৌখি৷ হৌজিক হৌজিক্কী ওইনা এন.আর.ঐচ.এম. অসি নেস্নেল হেল্থ মিসন(এন.ঐচ.এম.)গী সব-মিসন অমা ওইরি৷ রাজ্যগী মন্ত্রী(হকশেল অমসুং য়াইফ য়ুম্বাল) শ্রী অশৱিনি কুমার চৌবেহনা ঙসি রাজ্য সভাদা অইবা ৱারোল অমা ওইনা পীশিনখি৷

অকুপ্পা ৱারোলগীদমক :

লায়চৎ অসিগা মরী লৈনবা ৱাখলগী ওইবা অনাবগী কেসশিং হেনগৎলকপা

সরকারনা কোবিদ-১৯ মনুংদা সাইকোসোসিএলগী ওইবা তেংবাং পীনবা থৌরাং কয়া লৌখৎখ্রে। থৌরাংশিং অসিদা য়াওরিবশিং অদুদি: মেন্তেল হেল্থ প্রোফেস্নেলশিংনা তোঙান তোঙানবা তার্গেৎ গ্রুপশিং ওইনা খায়দোক্লিবা মদুদি অঙাংশিং, মীয়াই চল্লবশিং, অহল ওইরবশিং, নুপীশিং অমসুং হেল্থক্যের ৱার্করশিং হায়রিবা শোকহল্লবা মীওই পুম্নমক অসিদা সাইকোসোসিএলগী ওইবা তেংবাং পীনবা ২৪/৭ মথৌ তৌগদবা হেল্পলাইন অমা হাংদোকখ্রে। নেস্নেল ইন্সতিত্যুত ওফ মেদিকেল হেল্থ এন্দ ন্যুরোসাইন্সেস (নিমহান্স), বেঙ্গলুরুনা অকুপ্পা মরোল য়াওবা গাইদলাইনশিং থোকপা –“কোবিদ-১৯ লায়চৎকী মনুংদা ৱাখলগী ওইবা অনাবা – জেনরেল মেদিকেল অমসুং স্পেসিএলাইজ মেন্তেল হেল্থ ক্যেরগী মফমশিংগী পাউতাক”। মসি রাজ্যগী মন্ত্রী (হকশেল অমসুং য়াইফ য়ুম্বাল) শ্রী অশ্বিনি কুমার চৌবেনা রাজ্য সভাদা ঙসি অইবা পাউখুম অমদা ফোঙদোকখিবনি।

অকুপ্পা ৱারোলগীদমক :

সন্দে সমবাদ-২ মনুংদা দোক্তর হর্শ বর্ধন্না সোসিএল মেদিয়া শীজিন্নবশিংগা ৱারী শানখি

ঙসি অনিরকসুবা ওইনা সন্দে সমবাদ থৌরমদা কেন্দ্রগী হকশেল অমসুং য়াইফ-য়ুম্বালগী মন্ত্রী দোক্তর হর্শ বর্ধন্না সোসিএল মেদিয়া শীজিন্নরিবশিংনা হংলকপা ৱাহংশিংগী পাউখুমশিং পীখ্রে। হায়রিবা ৱাহংশিং অদুদা হৌজিক ওইরিবা কোবিদকী ফিবম অসি খক নত্তনা লাইচৎ অসিগী মতাংদা সরকারনা পায়খৎলিবা থবকশিং অমসুং সাইন্সকী লমদা ভারতনা চাউখৎলকপগী মতাংদা মরী লৈনবা হিরমশিংগী ৱাহং কয়া হংলকখি। ভারত্তা পোলিও মুৎথৎনবা হোৎনবদা মহাক্কী মাইপাকপগী মতাংদা হংলকপা ৱাহং অমগী পাউখুমদা মহাক্না হায়খি কোবিদ কোরোনাভাইরস অসি অনৌবা লায়না থোকহনবা মহিক অমনি অমসুং পোলিওগুম্না মসিগী মতাংদা অইবা চেরোল অমতা লৈতে। ভারতনা মমাংদা সার্স, ইবোলা অমসুং প্লেগ লাইচৎশিং থেংনখিবা অদুনা কোবিদ লাকশিনবদা মরুওইবা থৌদাং অমা লৌগনি। হৌজিক ভারত্তা সার্স-কোভ-২ মিউতেসন লৈতে। হৌখিবা থা ৭দা তোঙান-তোঙানবা মফমশিংদগী খোমজিনবা সার্স-কোভ-২ ভাইরসকী স্ত্রেনশিং পাক-চাউনা সিক্বেন্সিং তৌবগী থবক আই.সি.এম.আরনা পাংথোক্লি অমসুং ভারত অসি মিউতেন অমসুং ইভোলুসনগী মতাংদা অকুপ্পা মরোলশিং ওক্তোবরদা ফংলগনি। মহাক্না হায়খি তিনদা কোবিদ-১৯ তেস্ত তৌনবা আই.সি.এম.আরনা চাংয়েং খর পাংথোকখ্রে অদুবু চপ চাবা অচুম্বা তেস্ত অমতা ফংবা ঙমদ্রি অমসুং য়ু.এস-এফ.দি.এনা অয়াবা পীরবা কম্পেনিশিংগী তেস্তশিং ভারত সরকারনা খন্নবা লৈত্রি। মসিগী তেস্ত মখল অসি আই.সি.এম.আরনা কন্না থিজিল্লি অমসুং চৎনবা য়ারবা মতমদা মীয়ামদা অথুবদা খঙহনগনি।

অকুপ্পা ৱারোলগীদমক :

সি.এ.পি.এফ.শিংদা কোবিদ-১৯গী কেসশিং

সরকারনা কোবিদ-১৯ পোজিতিব ওইরবা সি.এ.পি.এফ. পর্সোনেলশিংগী ওইনা কোবিদ-১৯গী হোসপিতালশিং, কোবিদ কেয়র সেন্তরশিং অমদি দেদিকেতেদ কোবিদ হেল্থ সেন্তরশিং(দি.সি.ঐচ.সি.) শেমগৎখি। সি.এ.পি.এফ. পর্সোনেলশিংনা শিবদা লৈরিবা চুম্নগী ওইনা কান্নবশিং অসিগী মথক্তা কোবিদ-১৯গা মরি লৈননা মথৌ পাংথোক্লিঙৈদা কোবিদ-১৯না নারকপদগী সি.এ.পি.এফ. পর্সোনেল অমনা শিবা তারবদি “ভারত কে বীর” হায়বা ফন্দদগী মহাক্কী ইমুং-মনুংদা লুপা লাক্ষ ১৫ পীনবা ৱারেপ্নখ্রে। অরোইবা মথৌ মঙম পাংথোক্নবগীদমক্তা চংবা শেলশিং খুদক্তা পীদুনা অমদি ইমুং-মনুংদা পেন্সিনগী থবক চত্থবদা থবক য়াংশিলহন্নবদা মতেং পাংবা অমদি অতৈ পীথোক্তনা লৈহৌরিবা শেলশিং পীখ্রে। মসি হোম এফেয়র্সকী রাজ্য মন্ত্রী শ্রী নিত্যানন্দ রায়না ঙসি লোক সভাদা হংবা ৱাহং অমগী অইবা পাউখুম পীখিবা অমদা ফোংদোকখিবনি।

অকুপ্পা ৱারোলগীদমক :

ভারতকী হীদাক-লাংথক্কী সিস্তেম অসি ফগৎহন্নবা সরকারনা লৌখৎখিবা খোঙথাংশিং

মালেম পুম্বদা ভারতকী হীদাক-লাংধক অমসুং আয়ুর্বেদাগী সিস্তেমগী এজুকেসন অসি চাউখৎহন্নবা মন্ত্রালয়না মপাল লৈবাক্কী য়ুনিবর্সিতীশিং/ইন্সতিত্যুতশিংগা লোয়ননা আয়ুশ একাদেমিক চ্যেরশিং লিংখৎনবা এম.ও.য়ু. ১৩ খুৎয়েক পীনখ্রে মসিগী মখাদা তাকপী-তম্বীবা/ ত্রেনিং পীবা/ রিসর্চ হায়রিবশিং অসিগী থবক থৌরমশিং পাইখৎনবা মমিং লৈরবা য়ুনিবর্সিতীশিং/ইন্সতিত্যুতশিংদা আয়ুশ এক্সপর্তশিং থাখ্রে। য়েলহৌঙৈদা শীজিন্নরম্বা হীদাক-লাংথক অমসুং হোমিওপেথীগী লমদা পুন্না থবক তৌমিন্ননবা লৈবাক ২৩গা লোয়ননা লৈবাক অনিগী মরক্কী এম.ও.য়ু.শিং খুৎয়েক পীনখ্রে, অতোপ্পা লমশিংগী মরক্তা রিসর্চ, এজুকেসন, ত্রেনিং অসিনচিংবা অসি থবক পুন্না তৌমিন্ননবা লম খরনি। ভারতকী মাংজিল থারিবা ইন্সতিত্যুতশিংদা আয়ুশতা অন্দর্গ্রেজ্যুৎ, পোস্তগ্রেজ্যুৎ অমসুং পি.ঐচদি. কোর্সশিং চত্থরিবা লৈবাক ৯৯দগী মপাল লৈবাক্কী ইলিজিবল ওইবা মীওইশিংদা চহি খুদিংগী আয়ুশ মন্ত্রালয়গী ফেলোশিপ/স্কোলরশিপকী মখাদা স্কোলরশিপ ১০৪ পীরি। ফেলোশিপ স্কিম অসিগী পান্দমদি মপাল লৈবাক্তা ভারতকী য়েলহৌঙৈদগী লৈজরক্লবা হীদাক-লাংথক্কী সিস্তেম অসি শক খঙবীবা অমসুং অয়াবা পীহনবা হায়বা অসিনি। মসিগী ই-পাউ অসি ঙসি লোক সভাদা হকশেল অমসুং য়াইফ য়ুম্বাল মন্ত্রালয়গী মন্ত্রী দা. হর্শ বর্ধন্না অইবা পাউখুম ওইনা পীখিবনি।

অকুপ্পা ৱারোলগীদমক :

কোবিদ-১৯গী অয়ুর্বেদিক দ্রকশিং অমসুং প্রোতোকোল

সার্স কোব-২ ইনফেক্সন অমসুং কোবিদ-১৯ লাইনা অসিগীদমক শেমদোক্লবা এক্সত্রা মুরেল রিসর্চ(ই.এম.আর.) স্কিমগী মখাদা অয়ুর্বেদাদা পুন্না প্রপোজেল ২৪৭ লাকখি৷ লাক্লিবা প্রপোজেল ২৪৭ অসিগী মনুংদা রিসর্চ প্রপোজেল ২১দি সার্স/কোবিদ কেসশিংদা শেল থাদবগী অয়াবা অদু মরী লৈনবা এথোরিতীনা অয়ুর্বেদাদা অয়াবা পীখ্রে। অয়ুশকী মন্ত্রালয়না ইন্তর-দিসিপ্লিনরী অয়ুশ আর অমসুং দি তাক্স ফোর্স শেমখ্রে৷ তাক্স ফোর্স অদুনা প্রোফাইলেতিক স্তদিসকীদমক ক্লিনিকেল রিসর্চ প্রোতোকোলশিং শেমখ্রে অমসুং তোঙান তোঙানবা ইন্তরভেনশিং মরি খুদম ওইনা অশ্বগন্ধা, য়শতিমধু, গুদুচি + পিপালি অমসুং পোলি হর্বেল ফোর্মুলেসন(অয়ুশ-৬৪)শিং নৈন্নবগীদমক লৈবাক অসিগী তোঙান তোঙানবা ওর্গনাইজেসনশিংদগী মমিং লৈরবা এক্সপর্তশিংগা কুপনা নৈনদুনা অমসুং তাথোক তাশিন তৌদুনা কোবিদ পোজিতিব কেসশিংদা য়েংশিন্ননবগীদমক শেমখিবনি৷ লৈবাক অসিগী মীয়ামদা অয়ুশ এদবোকেসিস অমসুং চেকশিন থৌরাংশিং অমসুং মীওই মিলিয়ন ০৫ তার্গেত তৌদুনা কোবিদ-১৯দগী ঙাকথোকপদা থোকলকপা ফোলশিংগী মতাংবা খঙজনবা হোৎনবদা চংলিবা দাতা অদু পীনবা অয়ুশ মন্ত্রালয়না অয়ুশ সঞ্জিবানি মোবাইল এপ পুথোকখ্র৷ হায়রিবা স্তদিসশিং অসি চৎন্নবগী তোঙান তোঙানবা স্তেজশিংদা লৈ৷ হায়রিবা ৱারোল অসি হকশেল অমসুং য়াইফ য়ুম্বালগী মন্ত্রালয় দা.হর্শ বর্ধননা ঙসি লোক সভাদা অইবা ৱারোল অমা ওইনা পীশিনখি৷

অকুপ্পা ৱারোলগীদমক :

লৌউ-শিংউগী লমদা লাইচৎকী চৈথেং

লোকদাউন মনুংদা লৌউ-শিংউগী সেক্তর মথৌ নীংথিনা তৌখি‍। নোংজু মমাঙ অমসুং নোংজু মনুংগী মতমদা থবক থৌরম অপনবা লৈতনা চত্থবা য়াননবা ভারত লৈঙাক্না মথৌ তাবা থৌরাং পুক্নমক লৌখৎখি‍। লোকদাউন মনুংদা লৌউ-শিংউগী থবক থৌরমশিংদা মথৌ তাবা পুম্নমক কোমথোকখি‍। স্তেতিস্তিক্স অমসুং প্রোগ্রাম ইম্প্লিমেন্তেসন মন্ত্রালয়গী সেন্ত্রেল স্তেতিস্তিক্স ওফিস (সি.এস.ও.)না ওগস্ত ৩১, ২০২০দা ফোঙবা প্রোভিজনেল এস্তিমেত ওফ নেসনেল ইনকম ২০১৯-২০গী মতুং ইন্না, লৌউ-শিংউ অমসুং মরী লৈনবা সেক্তরশিংগী তশেংবা গ্রোস ভেল্যু এদেদ (জি.ভি.এ.)গী গ্রোথ রেত ২০২০-২১গী অহানবা ক্বার্তরদা (এপ্রিল-জুন) চাদা ৩.৪ ওইখি‍। এম.জি.এন.আর.জি.এ. অমসুং পি.এম.জি.কে.এ.ৱাই.গী মখাদা লৌউ-শিংউগী শিন্মীশিংদা তেংবাংনচিংবা পীরি‍। প্রধান মন্ত্রী কিসান সম্মান নিধি (পি.এম.-কিসান) স্কিম হৌদোরকপা মতুংদগী মসিগী মখাদা ১৫/০৯/২০২০ ফাওবদা লৌমী ইমুং করোর ১০.১৯দা কান্নবা পীদুনা লুপা করোর ৯৪,১৩০৫ থাদোকখ্রে‍। লোকদাউন মনুংদা, স্কিম অসিগী মখাদা তোঙান তোঙানবা ইন্সতোলমেন্তশিংদা বিনিফিয়রি কয়াদা লুপা করোর ৪১০৮৬ (১৫-০৯-২০২০ ফাওবদা) থাদোকখ্রে‍। ৱাফম অসি কেন্দ্রগী লৌউ-শিংউ অমসুং লৌমীগী য়াইফ থৌরাং মন্ত্রী শ্রী নরেন্দ্র সিংহ তোমারনা ঙরাং লোক সভাদা অইবা পীবা অইবা পাউখুম অমদা ফোঙদোকখিবনি‍।

অকুপ্পা ৱারোলগীদমক :

কম্মর্স অমসুং ইন্দস্ত্রীগী মন্ত্রীনা রাজ্য/য়ু.তি. ১২গা লোয়ননা ৱারী শাখ্রে অমদি ওক্সিজেন ফংহনবা অমসুং শীজিন্নবা য়াওনা কোবিদ মেনেজমেন্তগী ফীভম য়েংশিনখ্রে
কোবিদ-১৯ লায়চৎ অসি মপুং ফানা লাকশিন্নবা অমসুং য়েংশিন্নবা কেন্দ্র সরকারগী পুন্না লৌখৎপা লালোংগী শরুক ওইনা ঙসি কেবিনেৎ সেক্রেতরীনা চ্যের লৌদুনা অৱাংবা থাক্কী য়েংশিন মীফম অমা পাঙথোকখ্রে। য়েংশিন মীফম অসিদা মেম্বর (হকশেল), নিতি আয়োগ, কেন্দ্রগী হকশেল সেক্রেতরী, সেক্রেতরী, প্রমোসন ওফ ইন্দস্ত্রী এন্দ ইন্তর্নেল ত্রেদকী বিভাগ, হকশেল মন্ত্রালয়, হোম পুবা মন্ত্রালয়গী মকোক থোংবা ওফিসিএলশিং অমসুং রাজ্য/য়ু.তি. ১২গী চীফ সেক্রেতরীশিংনা শরুক য়াখি। ভি.সি. অসিদা শরুক য়াখিবা রাজ্য/য়ু.তি. ১২ অদুদা মহারাস্ত্র, কর্নাতকা, অন্ধ্র প্রদেশ, উত্তর প্রদেশ, তামিল নাদু, ওরিশা, চন্দিগর, তেলঙ্গনা, কেরেলা, দিল্লী, পঞ্জাব অমসুং ৱেস্ত বেঙ্গল য়াওরি। লৈবাক অসিগী কোবিদকী কেসলোদকী ৮০%দি রাজ্যশিং/য়ু.তি.শিং অসিদগী ওইখি। কম্মর্স অমসুং ইন্দস্ত্রীগী মন্ত্রীনা রাজ্যশিং অসিগা ৱারী শাখি অমদি রাজ্যশিং অসিদা ওক্সিজেন ফংবরা হায়না য়েংশিনখি। মহাক্না মখোয়দা জিলাগী থাক্তা অমসুং হকশেলগী ফেসিলিতীগী লৈরিবা থাক অদুগী ফীভম য়েংশিনবদা মীৎয়েং চংনবা অমদি ওক্সিজেন ফংহনবগা মরী লৈনবা থৌরাং অমসুং লোজিস্তিক্কী থবকশিং য়েংশিন্নবা খঙহনখি। মহাক্না মখোয়না লৌখৎপা খ্বাইদগী ফবা পাম্বৈশীং অদু পাউদমদুনা লৈবাক অসিগী অতোপ্পা রাজ্যশিং/য়ু.তি.শিংনা মদু লৌখৎপা য়ান্নবা মখোয়দা খঙহনখি। কেবিনেৎ সেক্রেতরীনা রাজ্যশিং অসিনা তেস্ত তৌবগী চাং শীংথানিংঙাই ওই হায়না থাগৎখি অমরোমদা রাজ্য কয়াগী কেস ফেতেলিতী রেৎশিং অসু লৈবাক অসিগী চাংচৎতগী হেন্না ৱাংলি হায়নসু ফোংদোকখি। মহাক্না রাজ্যশিংদা অকনবা খোঙথাং লৌখৎনবা লৈখিদবগী চাং ৱাংবা জিলা অমসুং হোস্পিতালশিং খঙদোক্নবা হায়খি। মহাক্না রাজ্যশিং অসিদা আর.তি.-পি.সি.আর. কেপাসিতী অঙম্বা চাংদা শীজিন্ননবা খঙহনখি। মহাক্না লাইওং উৎলগা নেগেতিব ওইবা কেস (রেপিদ এন্তোজেন্ত তেস্তশিংনা তৌবা তেস্ত) অমত্তা খাক্তনা অসিগুম্বা কেস পুম্নমক শোইদনা আর.তি.-পি.সি.আর. তেস্ত তৌবা মথৌ তাই হায়না ফোঙদোকখি।

অকুপ্পা ৱারোলগীদমক :

কেন্দ্রগী মন্ত্রী দা.জিতেন্দ্র সিংহনা জে. অমসুং কে.দা লৈরিবা কোবিদ-১৯গী ফীভম য়েংশিনখ্রে

লৈবাক অসিগী জম্মু রিজনদা কোবিদতগী ফগৎলকপগী চাং অসি ৪৩% ওইদুনা অতৈ রাজ্যশিংগা য়েংনবা মতমদা কা হেন্না নেম্বদগী ঙসি কেন্দ্রগী মন্ত্রী দা.জিতেন্দ্র সিংহনা জু্মুদা লৈরিবা কোবিদকী ফিভম অসি সেন্তরনা নুংতি নুমিৎ খুদিংগী য়েংশিল্লগনি হায়না ফোংদোকখ্রে অমসুং মফম অসিদা লাইনা-লাইচৎ অসি ফগৎলক্ত্রিফাওবা ওল ইন্দিয়া ইন্সতিত্যুত ওফ মেদিকেল সাইন্সেস(এমস), ন্যু দিল্লীদগী চাং নাইনা ফংলম্বা তেলি-কম্মুনিকেসনগী খুদোংচাবাশিং অদুদগী হেন্দোক্তুনা নুংতি নুমিৎ খুদিংগী ওইনা জম্মুদা লৈরিবা মেদিকেল প্রোফেস্নেলশিং অদুগা লেপ্পা লৈতনা সেন্ত্রেল তীমগী এক্সপর্তশিং অদুগা খুৎশম্নদুনা চৎমিন্নরগনি৷ দা.জিতেন্দ্র সিংহনা য়ু.তি. অসিদা কোবিদ-১৯গী কেস হেঙ্গৎলক্লিবা অসি অনা-লাইয়েংশঙশিংবু হেন্না চেকশিন্না শিন লাংদুনা অমসুং কন্তেনমেন্ত স্ত্রাতিজী থমদুনা মাই পাক্না লৌথোকপা ঙমগনি হায়দুনা জম্মু অমসুং কস্মিরগী মীয়ামশিংদা থজবা পীখ্রে৷ মহাক্না মখাতানা অনা-লাইয়েংশঙশিংদা ওক্সিজেন সিলিন্দরশিং অমসুং মেদিকেল স্তাপশিং ৱাৎপগী খুদোং চাদবা অদু অথুবা মতমদা মেনশিল্লগনি হায়না হায়খ্রে৷

অকুপ্পা ৱারোলগীদমক :

তাতা গুপ অসমুং সি.এস.আই.আর.-আই.জি.আই.বি.না শাবা ভারতকী ইহান হানবা কোবিদ-১৯ তেস্ত তৌনবা সি.আর.আই.এস.পি.আর. ভারততা শিজিন্নবগী অয়াবা পীখ্রে

সি.এস.আই.আর-আই.জি.আই.বি. (ইন্সতিত্যুত ওফ জিনোমিক এন ইন্তিগ্রেতিব বাইওলোজি) ফেলুদানা মতেং পাংদুনা নোভেল কোরোনাভাইরস অসি খঙদোক্নবগীদমক তাতানা শাবা সি.আর.আই.এস.পি.আর.(ক্লস্তর রিগুলর্রী ইন্তরস্পেস সোর্ত পেলিনদ্রোমিক রেপিত্স) তেস্ত অদু সেন্সিতিবিতী ৯৬% অমসুং স্পেসিফিসিতী ৯৮% চাং ৱাংনা ক্বালিতী লৈনা ফংবদগী আই.সি.এম.আর. গাইদলাইনশিংগী মতুং ইন্না ময়ামগী শিজিন্ননবা পুথোক্নবগীদমক ভারতকী গর্গ কন্ত্রোল্লর জেনেরেলদগী ঙসি অয়াবা ফংখ্রে৷ হায়রিবা তেস্ত অসিনা সার্স কোব-২ ভাইরসকী জিনোমিক সিক্বেন্স অসি খঙদোক্নবগীদমক মশানা শাজবা সি.আর.আই.এস.পি.আর.গী কত্তিং এদজ তেক্নোলোজী শিজিন্নৈ৷ সি.আর.আই.এস.পি.আর. অসি লাইনাশিং লাইয়েংনবগীদমক শেমদোক্লবা জিনোম তেক্নোলোজী অমনি৷ তাতাগী সি.আর.আই.এস.পি.আর. তেস্ত অসিনা কোবিদ-১৯বু নাহল্লিবা ভাইরস অসি মাই পাক্না খঙদোকপা ঙম্নবগীদমক কেস ৯ প্রুতিনদা অখন্ননা চুংশিন্নদুনা দিপ্রোই তৌবা ঙমবা মালেমগী ইহান হানবা দাইগ্নোস্তিক তেস্ত ওই৷ মসিনা আর. এন দি.দগী হৌদুনা তেল্লবা মতম নুমিৎ ১০০নি য়ৌদনা অকুরেসী ৱাংবা, হেন্না পাকথোক চাওথোকপা য়াবা অমসুং চৎনবা য়াবা তেস্ত ওইদুনা ভারত সাইন্তিফিক কম্মুনিতীগী অচৌবা মাই পাকপা অমা ওইরে৷

অকুপ্পা ৱারোলগীদমক :

সাই ত্রেনিং সেন্তরশিংদা শান্নখোৎনবগী থবক থৌরমশিং হৌনবা “খেলো ইন্দিয়া-ফির সে”গী মমিং মখাদা স্তেন্দর্দ ওপরেতিং প্রোসিজর (এস.ও.পি.) শেমখ্রে: শ্রী কিরেন রিজিজু

কোবিদ-১৯গী লায়চৎ শন্দোরকপা অসিনা মরম ওইরগা, তোঙান তোঙানবা সাই স্পোর্তস প্রমোস্নেল স্কিমশিংগী মখাদা লৈবাক অসিদা লৈরিবা স্পোর্তস ওথোরিতী ওফ ইন্দিয়া (সাই) সেন্তর পুম্নমক্তা পাঙথোক্লিবা চৎনবী ওইনা লৈরিবা ত্রেনিং প্রোগ্রামশিং অসি মতম খরা লেপখি অমসুং ভারতজী শান্নরোয়শিং মপালদা ত্রেনিং তৌবদসু হন্থহনখি। অদুম ওইনমক হোম পুবা মন্ত্রালয়না থোকপা গাইদলাইনশিংগী মতুং ইন্না ত্রেনিং অসি অমুক হৌখি। কোবিদ-১৯ লায়চৎ অসি য়েংলগা, সাই সেন্তরশিংদা ত্রেনিং তৌরিঙৈদা চেকশিল থৌরাং ওইনা মখাদা পীরিবা খোঙথাংশিং অসি লৌখৎখি। সাই ত্রেনিং সেন্তরশিংদা শান্নখোৎনবগী থবক থৌরমশিং হৌনবা “খেলো ইন্দিয়া-ফির সে”গী মমিং মখাদা স্তেন্দর্দ ওপরেতিং প্রোসিজর শেমখ্রে। এস.ও.পি. অসিনা শান্নরোয়শিং, তেক্নিকেল অমসুং নন-তেক্নিকেল সপ্পোর্ত স্তাফ, এদমিনিস্ত্রেসন স্তাফ, হোস্তেল অমসুং ফেসিলিতী মেনেজমেন্ত স্তাফ অমসুং সেন্তর অসিদা মী উনবা লাকপা মীওইশিং য়াওনা ত্রেনিং সেন্তরশিং অসিগী স্তেকহোল্দর পুম্নমক কোনশিল্লি। ৱারোল অসি নোংমাইজিং নুমিৎতা রাজ্য সভাদা য়ুথ এফিয়র্স অমসুং স্পোর্তকী রাজ্য মন্ত্রী(ইন-চার্জ) শ্রী কিরেন রিজিজুনা অইবা পাউখুম ওইনা পীখিবনি।

অকুপ্পা ৱারোলগীদমক :

কোবিদ-১৯ না মরম ওইরগা ইকোনোমী হন্থরকপা অসি থেংন্নবা ফিস্কেল অমসুং মোনিতরী পোলিসীশিং
কোবিদ-১৯না মরম ওইরগা ইকোনোমী অসিদা পীরিবা অমাংবা অসি হন্থনবগীদমক সরকার অসিনা তোঙান তোঙানবা ফিস্কেল অমসুং মোনিতরী পোলিসীশিং চৎনহনখ্রে৷ ২০২০গী মেগী তাং ১২দা মীয়াম্না করবার হেন্না তৌনিংনবা, হেন্না শেল থাদনিংনবা অমসুং “মেক ইন ইন্দিয়া” অসি মাই পাক্ননবগীদমক ভারতকী জি.দি.পি.গী চাদা ১০গা মান্নরিবা লুপা কোতি লাখ ২০গী অখন্নবা ইকোনোমিক অমসুং কম্প্রিহেনসিভ পেকেজ অত্ম নির্ভর ভারত পেকেজ(এ.এন.বি.পি.)সরকার অসিনা লাওথোকখি৷ হায়রিবা ৱাফম অসি শেল-থুম অমসুং কোর্পোরেত এফিয়র্সকী রাজ্যগী গৃহ মন্ত্রী শ্রী অনুরগ সিংহ থাকুরনা লাওথোকখিবনি৷ মোনিতরী ফর্ন্ততা য়েংলগা রিজর্ব বেঙ্ক ওফ ইন্দিয়া(আর.বি.আই.)না কোবিদ-১৯না মরম ওইরগা ইকোনোমী হন্থরক্লিবা অসি মেনখৎন্নবগীদমক অপুনবা কনভেন্সন্নেল অমসুং ননকনভেন্সন্নেল মোনিতরী অমসুং লিক্ব্যুইদতরীগী থোংথাংশিং লৌখৎখ্রে হায়না মন্ত্রী অদুনা ফোংদোকখ্রে৷ পোলিসী রেতশিং ফিভম শোক্না হন্থরকখ্রে অমসুং ইকোনোমী অসিদা ক্রেদিত ফ্লো লৈন্নবগীদমক ২০২০গী ফেব্রুৱারী থাদগী জি.দি.পি.গী চাদা ৪.৭/চাউরাক্না লুপা কোতি লাখ ৯.৫৭মুক কাইথোকখ্রে৷ প্রধান মন্ত্রী গরিব কলয়ন পেকেজ(পি.এম.জি.কে.পি.), মসিগী মখাদা ২০২০গী সেপ্তেম্বর ৭ ফাওবদা লাইরবা মীওই কোতি ৪২রোমদা লুপা কোতি ৬৮,৮২০গী শেল থুমগী মতেং পাংখ্রে৷ করবার তৌবা মীওইশিংগীদমক এম.এস.এম.ই.শিং য়াওনা লুপা কোতি লাখ ৩গী কোলেতরেল-ফ্রি ওতোমেতেদ লোনশিং পীখ্রে অমসুং এন.বি.এফ.সি.শিংগী লুপা কোতি ৪৫,০০০গী পার্সিয়েল ক্রেদিত গরেন্তী স্কিম ২.০ থাদখ্রে৷ এন.বি.এফ.সি.শিং/ঐচ.এফ.সি.শিং/এম.এফ.আই.শিংগী লুপা কোতি ৩০,০০০গী অখন্নবা লিক্ব্যুইদিতী স্কিম কাইথোকখ্রে৷ নাবার্দকা লোইননা লৌমীশিংগীদমক লুপা কোতি ৩০,০০০গী অহেনবা ইমর্জেন্সী ৱর্কিং কেপিতেল ফন্দিং পীখ্রে৷ সরকারগী পোলিসীনা লোকদাউন খরা কোমথোরকপা অসিনা জুলাই, ওগস্ত অমসুং সেপ্তেম্বর থাশিংদা থবক তৌনবগী চাং হেঙ্গৎলকই৷ মসিনা হাইথ ফ্রিক্বেন্সী ইন্দিকেতরশিং খুদম ওইনা পি.এম.আই. মেনুফেকচরিং, কোর ইন্দস্ত্রী নিপানগী ইন্দেক্স, ই-ৱে বিলশিং, খরিফ মহৈ-মরোং হুনবা, পৱার শিজিন্নবা, রেলৱে ফ্রইত, কার্গো ত্রাফিক অমসুং মী পুবা গারি য়োনবদা চাং ৱাংনা হেঙ্গৎলকপগী খুদম ওইরে৷

অকুপ্পা ৱারোলগীদমক :

আই.সি.দি.এস.কী থৌরমগী মখাদা চত্থরিবা মচি ওইবা চিঞ্জাক অসি ফগৎহন্নবগীদমক্তা আয়ুশ অসি পুনশিন্নরক্নবগীদমক্তা ৱিমেন এন্দ চাইল্দ দিভেলপমেন্ত মন্ত্রালয়না আয়ুশ মন্ত্রালয়গা এম.ও.য়ু. অমা খুৎয়েক পীনখ্রে

আই.সি.দি.এস.কী থৌরমগী মখাদা চত্থরিবা মচি ওইবা চিঞ্জাক চাবা ৱাৎপগী লায়না অসি লাকশিন্নবগীদমক্তা আয়ুশকী সিস্তেমগা পুন্না থবক তৌমিন্ননবগীদমক্তা পুনশিন্নরক্নবগীমক্তা ৱিমেন এন্দ চাইল্দ দিভেলপমেন্ত মন্ত্রালয়না আয়ুশ মন্ত্রালয়গা মেমোরেন্দম ওফ অন্দর্সতেন্দিং(এম.ও.য়ু.) অমা খুৎয়েক পীনখ্রে। মন্ত্রালয় অনিগী এম.ও.য়ু. অসি মচি ওইবা চিঞ্জাক চবা ৱাৎপগী লায়না অসি লৈহন্দনবগী হোৎনবরিবা অসিগী মাইলস্তোন অমনি হায়না শিংথানরদুনা শ্রীমতি স্মৃতী জুবিন ইরানীনা মশক খংদোক্লবা আঙ্গনৱাদী সেন্তরশিংদা হিদাক শেম্বা য়াবা পাম্বীশিং থাবা লৈকোলসু ওইনা শেমগৎলগনিহায়না ফোংদোকখি। এ.দব্লয়ু.সি.শিংগী য়োগা ক্লাসশিংদা নুপী অমসুং অঙাংশিংনা কান্নবা ফংহল্লগনি। সাইন্স অমসুং আয়ুর্বেদ অনি পুনশিন্নবনা পান্দম থম্লিবা কাংলুপশিং অসিদা খ্বাইদগী মচি লৈবা চিঞ্জাক্কী থাক অসি ফংহনবদা মতেং পাংগনি হায়না ফোংদোকখি। শ্রী শ্রীপদ য়েসো নায়ক্না আয়ুশকী থবকশিং অসি ভারতকী মমাংঙৈদগী চৎনরকপশিং অসিদা য়াম্না মনুং হঞ্জিন্না য়াওই হায়না ফোংদোকখি। মহাক্না ৱিমেন এন্দ চাইল্দ দিভেলপমেন্ত অমসুং আয়ুশ মন্ত্রালয় অনিনা মান্নবা পান্দম অমগা লোয়ননা পুন্না মচি ওইবা চিঞ্জাক চাবা ৱাৎপগী লায়না অসি লৈহন্দনবা অমদি মীয়ামগী হকশেল মরুওইনা নুপী অমসুং অঙাংশিংগী হকশেল অসি ফগৎহন্নবা পুনশিন্নরক্লিবা অসিদা থাগৎপা ফোংদোকখ্রে।

অকুপ্পা ৱারোলগীদমক :

পি.আই.বি. ফিল্দ ওফিসশিংদগী ফংবা পাউ

•     পঞ্জাব: কেন্দ্রগী য়ুমলৈ-কৈরৈ মন্ত্রালয় (এম.ঐচ.এ.)গী দাইরেক্তিবশিং অদুগী মতুং ইন্না অনলোক ৪.০গী গাইদলাইনশিং খরা শেমদোক্তুনা পঞ্জাব সরকারনা ক্লাস ৯দগী ১২ ফাওবগী মহৈরোইশিংনা কন্তেনমেন্ত জোনশিংগী মপানগী মফমশিংদা লৈবা স্কুলশিং খক্তমক মখোয়গী ওজাশিংদগী গাইদেন্স লৌনবগীদমক্তা ভোলন্তরী ওইনা চৎপগী অয়বা পীখ্রে। তৌইগুম্বসুং অয়াবা অসি ২০২০গী সেপ্তেম্বর ৮দা কেন্দ্রগী হকশেল অমসুং য়াইফ য়ুম্বালগী মন্ত্রালয়না থোকখিবা স্তেন্দার্দ ওপরেতিং প্রোসিজরশিং(এস.ও.পি.শিং)গী মতুং ইন্না ২০২০গী সেপ্তেম্বর ২১দগী মখোয়গী পেরেন্তশিং/গার্জিয়ানশিংগী অয়াবা অইবা ওইনা পীরকপা অদুগী মখা পোনগনি।

•     হরিয়ানা: রাজ্য অসিদা কোবিদ-১৯ পেসেন্তশিংগী হোম আইসোলেশন কেয়র কনখৎহন্নবা, হরিয়ানা হেল্থ দিপার্তমেন্তনা অনৌবা গাইদলাইনশিং থোকখ্রে, মসিদা নোংমা-নোংমা কাল্লগা নুমিৎ খুদিংগী ‘দিস্ত্রিক্ত হোম আইসোলেশন মোনিতরিং তীম’না ইন-পার্সন ভিজিতশিং তৌবদা এমফেসিস পী। কোবিদ-১৯ পেসেন্তশিংগি হোম আইসোলেশন ফগৎহনবগী মরু ওইবগী মতাংদা মরু ওইবদা এমফেসিস পীরদুনা, এদিশনেল চীফ সেক্রেতরী, হেল্থ দিপার্তমেন্তনা হায়খি মদুদি কোরোনা ইনফেক্ত নারবা মীওইশিংগী চাউরাক্না চাদা ৬০দগী ৭০ ফাওবা  হোম আইসোলেশন্দা লৈ, মরম অদুনা পেসেন্তশিংদা মতিকচাবা  কেয়র অমসুং ত্রীতমেন্ত পীনবা হোম আইসোলেশন পোলিসী অসি হেন্না ফগৎহনবা মথৌ তাই।

•     হিমাচল প্রদেশ: ক্লাস ৯দগী ১২ ফাওবগী মহৈরোইশিংনা কন্তেনমেন্ত জোনশিংগী মপানগী মফমশিংদা লৈবা স্কুলশিং খক্তমক মখোয়গী ওজাশিংদগী গাইদেন্স লৌনবগীদমক্তা ভোলন্তরী ওইনা চৎপগী অয়বা পীরগনি। হায়রিবা অসি ২০২০গী সেপ্তেম্বর ৮দা কেন্দ্রগী হকশেল অমসুং য়াইফ য়ুম্বালগী মন্ত্রালয়না থোকখিবা স্তেন্দার্দ ওপরেতিং প্রোসিজরশিং(এস.ও.পি.শিং)গী মতুং ইন্না ২০২০গী সেপ্তেম্বর ১দগী মখোয়গী পেরেন্তশিং/গার্জিয়ানশিংগী অয়াবা অইবা ওইনা পীরকপা অদুগী মখা পোনগনি।

•     অরুনাচল প্রদেশ: হৌখিবা পুং ২৪গী মনুংদা অরুনাচল প্রদেশতা অনৌবা পোজিতিব কেস ১৩৫ থেংনখি।

•     অসাম: অসামদা ঙরাং পেসেন্ত ১,৭৯৫ দিসচার্জ তৌখ্রে অদুগা তেস্ত ১৯,৩১৮কী মনুংদা কোবিদ-১৯ কেস ১,২২৭ থেংনখি; পোজিতিব ওইবগী চাং অসি ৬.৫৩%নি। দিসচার্জ তৌখিবা পেসেন্তশিংগী অপুনবা মশিং ১,২৭,৩৩৫ অমসুং এক্তিব পেসেন্তশিংগী মশিং ২৮,৭৮০নি।

•     মনিপুর: মনিপুরদা কোবিদ-১৯গী অনৌবা পোজিতিব কেস ১৭০ থেংনখি, মসিনা অপুনবা মশিং অদু ৮,৮৯৪ য়ৌহনখ্রে। ফগৎলকপগী চাং চাদা ৭৬ ওইবগা লোইননা এক্তিব কেস ২০৭০ লৈরি। কোবিদ-১৯না মরম ওইরগা পেসেন্ত অনি লৈখিদ্রে, মসিনা মনিপুরদা শিখিবশিংগী মশিং অদু ৫৭ শুহনখ্রে।

•     মেঘালয়া: মঘালয়াগী কোবিদ-১৯ কেসশিং অদু অপুনবা এক্তিব কেস ২,১১১দা হেনগৎলকখ্রে, বি.এস.এফ. অমসুং আর্মদ ফোর্সশিংগী অপুনবা মশিং ৩৪৫, অতোপ্পশিংগী অপুনবা মশিং ১,৭৬৬ অমসুং পুন্না ফগৎলকখিবশিং ২,৫১৩।

•     মিজোরাম: মিজোরামদা ঙরাং কোবিদ-১৯গী অনৌবা কেস তরেত থেংনখি। অপুনবা কেস ১,৫৮৫, এক্তিব কেস ৫৮৩।

•     নগালেন্দ: ভোলন্তরী ওইনা ঙসিদগী নাগালেন্দদা স্কুলশিং হাংদোক্লগনি। হাংদোক্লবা মতুংদা ওথোরিতীশিংননা ফিভম অমসুং রেসপোন্স অদু চেকশিন্না য়েংশিনগনি। নোংমাইজিং নুমিত্তা থেংনখিবা কোবিদ-১৯ পোজিতিব কেস ৫৯গী মনুংদা ৪৫দি দিমাপুরদগীনি অমসুং ১৪না  কোহিমাদগীনি।

•     সিক্কিম: থা ৬কী মতুংদা সিক্কিম্না বোর্দর অমুক হন্না হাংদোক্নবা শেম শারি, ইন্তর্নেস্নেল তুরিস্তশিং ওক্তোবর ১০দগী অয়াবা পীরগনি। সিক্কিম্না নোংমাইজিং নুমিত্তা কোবিদ-১৯গী অনৌবা কেস ৪৯ থেংনখি, মসিনা রাজ্য অসিগী অপুনবা মশিং অদু ৪৬৯ য়ৌহনখ্রে। সিক্কিমদা কনফর্ম কেস ২,৩৯১ লৈখি অমসুং ১,৮৯৪দি নাবা ফখ্রে।

•     কেরলা: নুংতিগী কেস ৮০০গী মথক্তা থেংনরিবা রাজ্যগী কেপিতলদা কোবিদ-১৯গী ফিভম অসি য়াম্না থিনা শোক্তুনা লৈরি। ঙসি কেন্তোনমেন্ত দিভিজনদা এ.সি.পি. য়াওনা পুন্না পুলিস পার্সোনেল ২০ পোজিতিব ওইখি। রাজ্যগী শিবগী মশিং অসি থিরুৱানন্থাপুরমদা কোবিদনা মরম ওইরগা অমমুক শিখিবগা লোইননা ৫৩৬তা হেনগৎখ্রে। অসুম ৱাংকৎলকপগী ত্রেন্দ অসি মখাতাদুনা কেরলাদা মীওই ৪,৬৯৬ অমুক ঙরাং পোজিতিব ওইখ্রে। পুন্না পেসেন্ত ৩৯,৪১৫ লাইয়েংদুনা লৈরি অমসুং মীওই ২,২২,১৭৯ জিলা কয়া অমদা ওবজার্ভেশন তৌদুনা লৈরি।                           

•     তামিল নাদু: পুদচেরী এদমিনিস্ত্রেশন্না কোবিদ-১৯ ঙকথোক্নবগীগিদমক্তা হোৎনবা ওইনা শোল্লবা সেক্সনশিং তার্গেত তৌদুনা দিস্ত্রিক্ত রুরল দিবেলপমেন্ত এজেন্সীদগী সোসিয়ো-ইকোনোমিক প্রোফাইলিং দেতা শিজিন্নরগনি। নোংমাইজিং নুমিত্তা কোবিদ-১৯গীদমক্তা তেস্ত তৌবদা মীওই ৫,৫১৬ অমুক পোজিতিব ওইখিবগা লোইননা তি.এন.গী আপুনবা মশিং অদু ৫,৪১,৯৯৩দা হেনগৎলকখ্রে। মতম অসিমক্তদা মীওই ৫,২০৬ দিসচার্জ তৌখ্রে, মসিনা দিসচার্জ তৌখিবশিংগী অপুনবা মশিং অদু ৪,৮৬,৪৭৯ য়ৌহনখ্রে। তি.এন.দা শিখিবশিংগী অপুনবা মসিং অদু ৮৮১১ য়ৌখ্রে।

•     কর্নাতকা: রাজ্যনা ফখ্রবা পেসেন্তশিংদা কোবিদ-১৯গী তুং কোইনা শোকহনগদবাশিংগী মতাংদা রিসর্চ তৌনবা মেদিকেল এক্সপার্তশিংগী অখন্নবা তেক্নিকেল কমিতী অমা শেম্লগনি। কর্নাতকা লৈরিবা কোর্তশিং সেপ্তেম্বর ২৮দগী তাঙ্কক নাইনা  অয়াম্বা অমুক হাংদোক্লগনি।

•     অন্ধ্র প্রদেশ: আফবা খুদম ওইনা, অন্ধ্র প্রদেশতা হৌখিবা চয়োল অনিদা অনৌবা কোবদ-১৯ কেসশিংদগী ফগৎখিবশিংগী মশিংনা হেন্না য়াম্বা থেংনখি। নোংমাইজিং নুমিত্তা ফগৎলকপশিংগী মশিংনা ৫,৪১,৩১৯ য়ৌরবদা কোবিদ-১৯গী এক্তিব কেসশিং মখাতানা ৭৮,৮৩৬তা হন্থখ্রে। থা তরুক্কী মতুংদা অমসুং চাউরাক্না একাদেমিক য়িয়র তংখাই মুক কান্নরবা মতুংদা, ক্লাস ৯ অমসুং ১০গী মহৈরোইশিংগীদমক্তা ঙসি স্কুলশিং খরমখৈদি হাংদোক্নবা শেম-শাখ্রে।   মহৈরোইশিং অদু মখোয়গী পেরেন্তশিং নত্রগা গার্জিয়ানশিংদগী অয়াবা  য়াওরবদি স্কুলদা মখোয়গী ওজাশিং উনবা চৎপগী অয়াবা পীগনি।

•     তেলঙ্গানা: হৌখিবা পুং ২৪দা অনৌবা কেস ১৩০২ থেংনখি, ২২৩০ ফগৎখি অমসুং ০৯ শিখিবগী পাউ লৈখি; কেস ১৩০২গী মনুংদা, জি.ঐচ.এম.সি.দগী কেস ২৬৬ থেংনখি। অপুনবা কেসশিং: ১,৭২,৬০৮; এক্তিব কেসশিং: ২৯,৬৩৬; শিখিবশিং: ১০৪২; দিসচার্জ তৌখিবশিং: ১,৪১,৯৩০। হাইদ্রবাদতগী কাতার অমসুং য়ু.এ.ই.গী ফ্লাইতশিং অমুক পাইবা হৌরগনি। সি.সি.এম.বি.না ২০০০ সার্স-সি.ও.ভি.-২ জিনোমশিং সিক্বেন্স শেমখ্রে; ফাইন্দিংশিং অসিনা ময়েক শেংনা উৎখি মদুদি হৌজিকমক্কীদি ক্লেদ অমত্তা কোবিদ-১৯গী হেন্না শাথিবা মওং, নত্রগা শিবা য়াবা হেন্না খুদোংথিনীংঙাই ওইবা অমগা মরী অমত্তা লৈনদে।

•     মহারাস্ত্র: মহারাস্ত্রগী ওজাশিংগী বোদীশিংনা, ওজা কয়ামরুম অমা ইনফেক্সন তৌরবা মতুংদগী কোবিদ-১৯গী লাইয়েংনবগীদমক্তা ইন্সুরেন্স কোভর পীনবা এজুকেশন দিপার্তমেন্ততা হায়জখ্রে। মরক অসিদা য়াম্না পুক্নিং থৌগৎনীংঙাই ওইবা পাউ অমনা, মুম্বাই মনাক্তা, দোমবিভিলিদগী চহি ১০৬ শুরবী  অমা কোরোনা ভাইরস মাইথিবা পীদুনা অমসুং মহাক্না ফরদুনা নোংমাইজিং নুমিত্তা হোসপিতালদগী দিসচার্জ তৌখ্রে। মহারাস্ত্রদা ফগৎখিবশিংগী অপুনবা মশিং অদু লাখ ৮.৮৪ শুরবসু, রাজ্য অসিদা হৌজিক ফাওবা কোবিদ-১৯ এক্তিব কেস লাখ ২.৯১ লৈরি।

•     গুজরাত: গুজরাতকি এম.এল.এ. মরি- কোংগ্রেসতগী অহুম অমসুং রুলিং বি.জে.পি.দগী অমা – রাজ্যগী এসেম্বলীগী নুমিৎ মঙানিগী ওইবা মোনসুন সেসন হৌগদবা নোংমা ৱাৎলিঙৈদা, নোমাইজিং নুমিত্তা কোরোনা ভাইরস পোসিতিব ওইখ্রে। কোবিদ-১৯না শন্দোরকপনা মরম ওইরগা চেকশিন-থৌরাংশিংগী শরুক অমা ওইনা, এসেম্বলীগী স্তাফ পুম্নমক তেস্ত তৌখ্রে অমসুং লেজিস্লেতরশিংসু ইনফেক্সনগীদমক্তা তেস্ত তৌরগনি। কোংগ্রেসকী ৫৬ অমসুং বি.জে.পি.গীনা এম.এল.এ. ৮০ তেস্ত তৌবগী প্রোসিজিজর অসি লোইশিনখ্রে।

•     রাজস্থান: কোবিদকী অনাবা অসিনা হেনগৎলকপনা মরম ওইদুনা, রাজস্থান সরকারনা রাজ্য অসিগী কেপিতেল জয়পুর য়াওনা জোধপুর, উদয়পুর অমসুং কোতা, দিস্ত্রিক্ত হেদক্বার্তর ১১দা সেক্সন ১৪৪ চৎনহনখ্রে। হৌজিক, মীওই মঙাদগী হেন্না মফম অমদা পুনবা য়াররোই। সরকারনা ওক্তোবরগী তাং ৩১ ফাওবদা সোসিয়েল অমসুং ধর্মগী ওইবা করিগুম্বা মওংগী থৌদোকশিং পাংথোকপদা অথিংবা থমখ্রে।

•     ছত্তিসগর: ছত্তিসগরদা য়াম্না য়াংনা কোবিদ-১৯ শন্দোরকপনা মরম ওইরগা, লোকল এদমিনিস্ত্রেশন্না চাউরাক্না জিলা ১০দা মখোয়-মখোয়গী লমশিংদা লোকদাউন থম্নবা খন্নখ্রে। দুর্গ জিলাদা, ঙরাংদগী লোকদাউন হৌখ্রে অদুগা রাজ্য অসিগী কেপিতেল রায়পুর অমসুং সুরগুজাদনা ঙসিদগী লোকদাউন হৌরনি। রায়গর জিলাদা সেপ্তেম্বরগী তাং ২৪দগী ৩০ ফাওবদা লোদাউন থমজিল্লগনি।

•     গোৱা: সাউথ গোৱা হোস্পিতালবু কোবিদ-১৯ অনাবা লায়েংনবগীদমক অহানবগী ওইনা ফমুং ১৫০ পীখ্রে। হৌজিক ফাওবদা, রাজ্য অসিদা কোবিদ-১৯না নারবা মীওইশিং মারগাও (সাউথ গোৱা)গী ই.এস.আই. হোস্পিতালদা, পানাজি মনাক্তা (নোর্থ গোৱা)দা গোৱা মেদিকেল কোলেজ এন্দ হোস্পিতাল (জি.এম.সি.ঐচ.) অমসুং পোন্দা (সাউথ গোৱা)গী সব-দিস্ত্রিক্ত হোস্পিতালদা লাইয়েংলি।

ফেক্ত চেক

*****