दिल्ली-मुंबई,15 सप्टेंबर 2020

(कोविड-19 संबंधी पत्र सूचना कार्यालयाद्वारे जारी बातम्‍या आणि सत्‍यता पडताळणी बातम्‍या समाविष्‍ट)

पंतप्रधान नरेंद्र मोदी यांनी बिहारमध्ये 'नमामि गंगे' योजना आणि 'अमृत' योजनेंतर्गत विविध प्रकल्पांचे उद्‌घाटन केले. आज उद्‌घाटन झालेल्या चार योजनांमध्ये पाटणा शहरातील बेऊर आणि करम-लीचक येथील सांडपाणी व्यवस्थापन प्रकल्प तसेच सिवान आणि छपरा येथील 'अमृत'' योजनेंतर्गत पाण्याशी संबंधित प्रकल्पांचा समावेश आहे.

पंतप्रधान नरेंद्र मोदी यांच्या अध्यक्षतेखाली झालेल्या केंद्रीय मंत्रिमंडळाच्या बैठकीत आज बिहारमध्ये दरभंगा येथे एक नवीन अखिल भारतीय आयुर्विज्ञान संस्था( एम्स) उभारण्यास मान्यता देण्यात आली. या संस्थेच्या उभारणीसाठी एकूण 1264 कोटी रुपये खर्च अपेक्षित असून भारत सरकारच्या मान्यतेनंतर सुमारे 48 महिन्यांमध्ये तिचे काम पूर्ण होणे अपेक्षित आहे.

पंतप्रधान नरेंद्र मोदी यांच्या अध्यक्षतेखाली आज झालेल्या केंद्रीय मंत्रिमंडळाच्या वित्तीय व्यवहारविषयक समितीच्या बैठकीत, हरयाणा चक्रीय रेल्वे मार्गिका प्रकल्पाला मंजुरी देण्यात आली. पलवल ते सोनीपत  असा हा रेल्वेमार्ग, सोहना-मानेसर-खारखुन्दा या गावांमधून जाईल.

आरोग्य मंत्रालयाची कोविड-19घडामोडींवरील माहिती :

भारतात कोविड-19 चे रुग्ण बरे होण्याचे प्रमाण दिवसेंदिवस वाढत आहे. रुग्ण बरे होण्याचा दरातही, सातत्याने वाढ होत असून आता हा दर 78.28%इतका झाला आहे. गेल्या 24 तासांत देशभरात 79,292 रुग्ण बरे झाले आहेत.

आतापर्यंत बरे झालेल्या रुग्णांची संख्या 38,59,399 इतकी झाली आहे. बरे झालेल्या रुग्णांची संख्या आणि सक्रीय रुग्णांची संख्या यातील तफावत वाढून आता 28 लाख पेक्षा अधिक झाली आहे. (28,69,338).

देशातील सक्रीय रुग्णांची संख्या आता  9,90,061 इतकी आहे.

उपचारांखालील सक्रीय रुग्णांपैकी जवळपास अर्धे रुग्ण(48.8%) केवळ तीन राज्यांत आहेत- महाराष्ट्र, कर्नाटक आणि आंध्रप्रदेश . तर, उत्तरप्रदेश, तमिळनाडू, छत्तीसगढ, ओडिशा, केरल आणि तेलंगणा या राज्यांमध्ये एकून एक चतुर्थांश (24.4%) टक्के सक्रीय रुग्ण आहेत.

महाराष्ट्र, कर्नाटक, आंध्रप्रदेश, उत्तरप्रदेश आणि तामिळनाडू या राज्यांमध्ये एकूण रूग्णांपैकी 60.35%  टक्के रुग्ण आहेत, तसेच  या राज्यांत बरे होणाऱ्या रुग्णांची संख्याही साधारण 60% (59.42%)  च्या जवळपास आहे.

गेल्या 24 तासांत देशभरात कोविडमुळे 1,054 रुग्णांचा मृत्यू झाल्याची नोंद आहे. आतापर्यंत झालेल्या एकूण मृत्युंपैकी सुमारे 69% टक्के रुग्ण पाच राज्य/केंद्रशासित प्रदेशात आहेत- यात महाराष्ट्र, तामिळनाडू, कर्नाटक, आंध्रप्रदेश आणि दिल्ली या राज्यांचा समावेश आहे.

देशातल्या एकूण मृत्यूंपैकी 37% पेक्षा जास्त मृत्यू एकट्या महाराष्ट्रात झाले आहेत. (29,894 मृत्यू). गेल्या 24 तासांत महाराष्ट्रात 34.44% मूत्यू झाले आहेत  (363 मृत्यू).

इतर अपडेट्स:

• आयुष मंत्रालयाशी संबंधित दोन विधेयके मंजूर झाल्यावर भारतातील वैद्यकीय शिक्षण पद्धतीला भारतीय उपचार पद्धती आणि होमिओपॅथी यांद्वारे नवीन दिशा देण्यासाठी देश सज्ज झाला आहे. भारतीय उपचार पद्धती राष्ट्रीय आयोग विधेयक 2020 आणि होमिओपथी राष्ट्रीय  आयोग   विधेयक 2020  ही दोन विधेयके 14 सप्टेंबर 2020 ला लोकसभेत मंजूर झाली.
• कोविड -19 लढ्यासाठी राज्यांना निधीचे वाटप : आर्थिक वर्ष 2020-21 दरम्यान, 03.09.2020 पर्यंत राज्य / केंद्रशासित प्रदेशांना 4230.78 कोटी रुपयांचा निधी देण्यात आला आहे.
• कोविड - 19 पीडितांसाठी नवीन आरोग्य सेवा योजना : कोविड विरुद्ध लढा देणाऱ्या आरोग्य कर्मचाऱ्यांसाठी ‘प्रधानमंत्री गरीब कल्याण पॅकेज’ अंतर्गत तरतूद करण्यात आली आहे.
• कोविड-19 च्या काळात, घरी राहावे लागणाऱ्या  विद्यार्थ्यांचा वेळ सत्कारणी लागावा, यादृष्टीने त्यांना घरच्या घरी शैक्षणिक बाबींची सुविधा आणि वेळापत्रकयुक्त कार्यक्रम-जो विद्यार्थी, शिक्षक आणि पालक सर्वांसाठी उपयुक्त आहे-असे पहिली ते बारावीपर्यंतचे कॅलेंडर, एनसीईआरटीने शिक्षण विभागाच्या मार्गदर्शनाखाली विकसित केले आहे. यावेळी बोलतांना, पोखरियाल म्हणाले, की या कॅलेंडरमुळे शिक्षकांना विविध तंत्रज्ञान-आधारित साधने आणि समाजमाध्यमांवरील अभिनव तंत्रज्ञाना चा वापर करुन, शिक्षण देण्याचे मार्गदर्शन मिळेल.
• कोविड पश्चात व्यवस्थापनासाठी केंद्रीय आरोग्य आणि कुटुंब कल्याण मंत्रालयाने 13 सप्टेंबर 2020 ला मार्गदर्शक  तत्वे जारी केली. या व्यक्तींची घरी काळजी घेण्यासाठी  एकीकृत  समावेशक दृष्टीकोनाचा  अवलंब यात करण्यात आला असून  उपचारात्मक किंवा प्रतिबंधात्मक पद्धती म्हणून वापरण्यासाठी ही पद्धती नाही असेही मंत्रालयाने स्पष्ट केले आहे.
• कोविड-19 साथीच्या आजारामुळे देशभर उद्भवलेल्या परिस्थितीमुळे संपूर्ण कलाकार समुदायाला आर्थिक संकटाचा सामना करावा लागला आणि याचा फटका त्यांच्या उपजीविकेच्या साधनांना बसला.  या कलाकारांना मदत करण्यासाठी, सांस्कृतिक मंत्रालयाने विविध केंद्रीय क्षेत्र  योजनांतर्गत कलाकारांना दिले जाणारे अनुदान जलद आणि वेळेवर जाहीर केले. विभागीय सांस्कृतिक केंद्रांनी (झेडसीसी) कलाकारांना 927.83 लाख रुपयांचे आर्थिक सहाय्य दिले.
• सरकारने आत्मनिर्भर भारत अभियान अंतर्गत विशेषतः कोविड-19 परिस्थितीत एमएसएमई क्षेत्रासाठी अनेक उपाययोजना हाती घेतल्या आहेत. पंतप्रधानांच्या हस्ते “चॅम्पिअन्स” या ऑनलाईन पोर्टलचा 01.06.2020 रोजी शुभारंभ करण्यात आला.
• कोविड-19 संक्रमणामुळे पर्यटन क्षेत्रात उद्भवलेल्या संकटावर मात करण्यासाठी पर्यटन मंत्रालयाकडून उपाययोजना करण्यात आल्या आहेत. केंद्रीय सांस्कृतिक आणि पर्यटन राज्यमंत्री (स्वतंत्र प्रभार) प्रल्हाद सिंग पटेल यांनी लोकसभेत लेखी उत्तरात ही माहिती दिली.

महाराष्ट्र अपडेट्स :

महाराष्ट्र सरकारने वैद्यकीय ऑक्सिजन वाहून नेणाऱ्या वाहनांना एक वर्षासाठी ‘रुग्णवाहिका दर्जा’ दिला आहे. यासंदर्भात सोमवारी अधिसूचना जारी करण्यात आली. कोविड - 19 महामारीचा झालेला प्रसार आणि राज्यातील विविध रुग्णालयांना अखंडित ऑक्सिजन पुरवठा करण्याची आवश्यकता लक्षात घेऊन हा निर्णय घेण्यात आला. राज्यातील कोविड रूग्णांपैकी सुमारे 11 टक्के रुग्णांना सुमारे 500 मेट्रिक टन ऑक्सिजनची आवश्यकता आहे. महाराष्ट्रात सध्या 1000 मे.टन पेक्षा जास्त ऑक्सिजन उत्पादन होत असले तरी अनेक ठिकाणाहून कमतरता आल्याच्या तक्रारी आल्या आहेत.

RT/ST/PM

सोशल मिडियावर आम्हाला फॉलो करा@PIBMumbai    /PIBMumbai    /pibmumbai  pibmumbai[at]gmail[dot]com