PIB Headquarters

কোবিদ-১৯গী মতাংদা নুমিৎ খুদিংগী ফোংবা পি.আই.বি.গী বুলেতিন

Posted On: 15 SEP 2020 6:42PM by PIB Imphal

Coat of arms of India PNG images free download

(মসিদা হৌখিবা পুং ২৪ দা থোকখিবা কোবিদ -১৯গা মরী লৈনবা চেফোংশিং, ফিল্দ ওফিসশিংদগী ফংবা পাউশিং, অমসুং পি.আই.বি.না লৌখৎপা ফেক্ত চেকশিং য়াওরি )

  • হৌখিবা পুং ২৪ অসিদা ৭৯,০০০দগী হেন্না দিসচার্জ তৌখ্রে, ভারতকী ফগৎলকপগী চাং অসি ৭৮% হেনখ্রে
  • খ্বাইদগী য়াম্না নারিবা রাজ্য ৫গী অপুনবা এক্তিব কেস মশিং ৬০%নি
  • মন্ত্রীমন্দলনা বিহারগী দরভঙ্গাদা অনৌবা এইম্স লিংখৎনবা অয়াবা পীখ্রে
  • ভারতনা কোবিদ-১৯গীদমক সেনেরিও বেজ এপ্রোচ অমা তুংইনগনি
  • কোবিদ-১৯ মনুংদা সাইকোলোজিকেল সপোর্ত ফংহন্নবা সরকারনা অনোবা খোংথাং কয়া লৌখৎলি
  • পি.এম.জি.কে.পি.ইন্সুরেন্স স্কিমগী মতুং ইন্না কোবিদ-১৯না মরম ওইরগা হেল্থ ৱার্কর ১৫৫ শিখি

ভারত্তা নারম্বদগী ফগৎলকপা অসি মখা তানা য়াম্না চাং ৱাংনা হেনগৎলক্লি, হৌখিবা পুং ২৪ অসিদা ৭৯,০০০দগী হেন্না দিসচার্জ তৌখ্রে, ভারতকী নারম্বদগী ফগৎলকপগী চাং অসি ৭৮% হেনখ্রে, খ্বাইদগী য়াম্না নারিবা রাজ্যশিংগী অপুনবা এক্তিব কেস মশিং ৬০%নি

ভারত্তা নুতিগী ওইনা নারম্বদগী ফগৎলকপা অসি মখা তানা য়াম্না চাং ৱাংনা হেনগৎলক্লি। ভারতকী নারম্বদগী ফগৎলকপগী চাংগী মথক্লোমদা কাখৎলক্লিবা ত্রাজেক্তরী অসি মখা তানা ঙসি ৭৮.২৮% য়ৌখ্রে। হৌখিবা পুং ২৪সিদা ৭৯,২৯২ নারম্বদগী ফগৎলকখ্রে অমদি দিসচার্জ তৌখ্রে। অপুনবা ফগৎলকপগী কেসশিং অসি ৩৮,৫৯,৩৯৯ ওইরে। নারম্বদগী ফগৎলকখিবা অমদি এক্তিব কেসকী খেৎনবা অমদি ঙসি লাক্ষ ২৮ (২৮,৬৯,৩৩৮) লানখ্রে। লৈবাক অসিগী অপুনবা এক্তিব কেস মশিং অসি হৌজিকফাওবদা ৯,৯০,০৬১ ওইরে। রাজ্য অহুমদা এক্তিব কেসশিং অসি তংখাই নকশিল্লক্লে (৪৮.৮%); মহারাস্ত্র, কর্নাতকা অমসুং অন্ধ্র প্রদেশ. উত্তর প্রদেশ, তমিল নাদু, ছতিসগঢ়, ওরিশা, কেরলা অমসুং তেলঙ্গনানা এক্তিব কেসকী মশুং (২৪.৪%) নকশিল্লক্লি। মহারাস্ত্র, কর্নাতকা, অন্ধ্র প্রদেশ, উত্তর প্রদেশ অমসুং তমিল নাদুগী এক্তব কেস মশিং অসি অপুনবা এক্তিব কেসকী ৬০.৩৫%নি অদুগা অপুনবা ফগৎলকপগী চাং৬০% (৫৯.৪২%)নকশিল্লকপগী পাও ফংই। হৌখিবা পুং ২৪সিদা কেস ফেতেলিতী ১,০৫৪ রিপোর্ত তৌরকখি। অনৌবা শিখিবশিংগী মতাংদা মহারাস্ত্র, তমিল নাদু, কর্নাতকা, অন্ধ্র প্রদেশ অমসুং দিল্লীনচিংবা রাজ্য/য়ুনিয়ন তেরিতোরী চাউরাক্না ৬৯% কুংশিল্লক্লি। মহারাস্ত্র (শিবা ২৯,৮৯৪)দা ৩৭% হেন্না শিবগী রিপোর্ত ফংখি। রাজ্য অসিদা হৌখিবা পুং ২৪দা চাদা ৩৪.৪৪% (৩৬৩শিবা)শিবগী রিপোর্ত ফংখি।

অকুপ্পা ৱারোলগীদমক: https://pib.gov.in/PressReleseDetail.aspx?PRID=1654383

কেন্দ্রগী হেল্থ সেক্রেতরী, ইন্দস্ত্রীজ অমসুং ইন্তর্নেল ত্রেদ সেক্রেতরী অমসুং ফার্মাস্যুতিকেলস সেক্রেতরীনা রাজ্য/য়ু.তি. ২৯শিংদা লৈরিবা হেল্থকেয়র ফেসিলিতীশিংদা ওক্সিজেন মরাং কায়না লৈহন্নবা হায়খ্রে

কেন্দ্রগী হকশেল মন্ত্রালয়না কেন্দ্রগী হেল্থ সেক্রেতরী, ইন্দস্ত্রীজ অমসুং ইন্তর্নেল ত্রেদ সেক্রেতরী অমসুং ফার্মাস্যুতিকেলস সেক্রেতরীনা শরুক য়াবা বর্চুএলগী মীফম অমা ঙরাং পাঙথোকখ্রে। মীফ্ম অদুগী পান্দমদি রাজ্যশিংগী হেল্থকেয়র ফেসিলিতী খুদিংদা ওক্সিজেন মরাং কায়না ফংহনবা অমসুং রাজ্যশিংগী মরক্তা ওক্সিজেন পুথোক পুশিন তৌবদা অয়েৎপা লৈহন্দবনি। অসমগী রাজ্যদা লৈবা তেঙ্কর ১১না অৱাং-নোংপোক্কী রাজ্য খুদিংদা ওক্সিজেন পীরি হায়না মীফম অসিদা পনখি। রাজ্যশিংনা মখোয়গী তঙাই ফদবশিং অসি য়েংথোক্তুনা তেঙ্করগী মশিং হেনগৎহন্নবা, ওক্সিজেন পুবা য়ানবা অরৈবা গারিশিং শেমদোকপা, মখোয়গী তর্ন-এরাউন্দ তাইম হন্থহন্দুনা অনাবশিংনা ওক্সিজেন লৈতবগী খুদোংচাদবা থেংনহন্দনবা খঙহনখ্রে।

অকুপ্পা ৱারোলগীদমক: https://pib.gov.in/PressReleseDetail.aspx?PRID=1654190

প্রধান মন্ত্রীনা 'নামমি গঙ্গে' য়োজনা অমসুং 'অমরুৎ' য়োজনাগী মখাদা বিহারদা তোঙান-তোঙানবা প্রোজেক্ত কয়া শঙ্গাখ্রে

প্রধান মন্ত্রী শ্রী নরেন্দ্র মোদীনা 'নামমি গঙ্গে' য়োজনা অমসুং 'অমরুৎ' য়োজনাগী মখাদা বিহারদা তোঙান-তোঙানবা প্রোজেক্ত কয়া শঙ্গাখ্রে। ঙসি শঙ্গাখিবা স্কিম মরিসিদা পত্না শহরগী বিউর অমসুং করম-লীচকতা সিৱরেজ ত্রিৎমেন্ত প্লান্ত অমসুং সিৱন অমসুং ছাপ্রাদা 'অমরুৎ' য়োজোনাগী মখাদা ঈশিংগা মরী লৈনবা প্রোজেক্তশিংনি। মসিগী মথক্তা, মুঙ্গর অমসুং জমালপুরদা ৱাতর সপ্লাই প্রোজেক্তশিং অমসুং মুজাফর্পুরদা নামমি গঙ্গেগী মখাদা রিবর ফ্রন্ত দিবেলপমেন্ত প্রোজেক্তশিংগী উরেপ উয়ুং তমখি। প্রধান মন্ত্রীনা হায়খি মদুদি কোরোনাগী মতমদা ফাওবা, তোঙান-তোঙানবা চাউখৎ থৌরাংগী প্রোজেক্তশিং বিহারদা লেপ্পা লৈতনা লৌখৎখি। প্রধান মন্ত্রীনা ভারতকী মোদর্ন সিবিল ইঞ্জিনীয়রিংগী লমজিংবা সার এম. ভিসবেস্বর‍্যাবু নিংশিংদুনা পাঙথোকপা ইঞ্জিনীয়রশিংগী নুমিত্তা লৈবাক অসিদা চাউখৎ থৌরাং কয়াদা ইঞ্জিনীয়রশিংনা লৌরিবা থৌদাংশিংবু শিংথাখি। শ্রী মোদীনা হায়খি মদুদি লৈবাক অসিগী চাউখৎনবা হোৎনবদা বিহারনা ইঞ্জিনীয়র মিল্লিয়ন কয়া পুথোক্তুনা অচৌবা মতেং পাংলি।

অকুপ্পা ৱারোলগীদমক: https://pib.gov.in/PressReleseDetail.aspx?PRID=1654463

বিহারদা মল্তিপল দিবেলপমেন্ত প্রোজেক্তশিং হৌদোকপদা প্রধানমন্ত্রীনা থমখিবা ৱারোল

অকুপ্পা ৱারোলগীদমক: https://pib.gov.in/PressReleseDetail.aspx?PRID=1654432

মন্ত্রীমন্দলনা বিহারগী দরভঙ্গাদা অনৌবা ওল ইন্দিয়া ইন্সতিত্যুত ওফ মেদিকেল সাইন্সেস (এম্স) লিংখৎনবা অয়াবা পীখ্রে

প্রধান মন্ত্রী শ্রী নরেন্দ্র মোদীনা ময়াই তাংবল লৌখিবা কেন্দ্রগী কেবিনেৎনা বিহারগী দরভঙ্গাদা অনৌবা ওল ইন্দিয়া ইন্সতিত্যুত ওফ মেদিকেল সাইন্সেস (এইম্স) লিংখৎনবা অয়াবা পীখ্রে। মসি প্রধান মন্ত্রী স্বাস্থ্য সুরক্ষা য়োজনা (পি.এম.এস.এস.ৱাই.)গী মখাদা লিংখৎকনি। পুন্না চংগদবা শেল অসি লুপা করোর ১২৬৪নি অমদি মসি ভারত সরকারনা অয়াবা পীখিবা তাং অদুদগী থা ৪৮গী মতমগী মনুংদা শাবা লোয়শিনগনি। অনৌবা এইম্স অসিনা য়ু.জি.গী (এম.বি.বি.এস.) সীৎ ১০০ অমসুং বি.এসসি.গী (নর্সিং) সীৎ ৬০ অমসুং সুপর স্পেসিএলিতী দিপার্তমেন্ত ১৫-২০ লৈহল্লগনি। হৌজিক মথৌ তৌরিবা এইম্সকী দেতাগী মতুং ইন্না, অনৌবা এইম্স অমমমনা নোংমদা চাউরাক্না ও.পি.দি. পেসেন্ত ২০০০ অমসুং থা অমদা আই.পি.দি. পেসেন্ত ১০০০দা কান্নবা ফংহল্লগনি।

অকুপ্পা ৱারোলগীদমক: https://pib.gov.in/PressReleseDetail.aspx?PRID=1654424

হেল্থকেয়র ৱার্করশিংগী মরক্তা কোভিদ-১৯না শিবা

মিনিস্ত্রী ওফ হেলথ অমসুং ফেমিলি ৱেলফিয়র চৎন পাথাপ কয়া অমা অনাবদগী ঙাকথোক্নবা অমসুং চেমশিননবা স্তেত সরকারনা পীরি। ত্রেনিংশিং অসি স্তেত খুদিংমক্তা ২০২০গী মার্চ পাংথোতখি।  ইনফেকসন প্রিভেনসন অমসুং কন্ত্রোল অসিসু কেতেগরি অসিদা হকসেলগী মীওইনা শেমখি। পি.পি.ই.গী চৎন পথাপ অসি হোস্পিতাল অমসুং কম্ম্যুনিতিদা (মমাং থংবা য়াওনা) ২৪.০৩.২০২০দা ফোংখ্রে। চৎন পথাপ অসিগী মতুং ইন্না খুদোংথিবা অসি থোক্লকপনা পি.পি.ই. অসি চৎনবা য়ানা পীরবা অদুদা শিজিন্নগদবনি। মখোয়না হাইদ্রোছাইক্লেোরোক্বুইন প্রোফাইলাক্সিস অমসুং ইনফেক্সন ঙাকথোকনবা। লুপা করোর ১৫,০০০(য়ু.এস.দি. ২ বিলিয়ন) “কোভিদ-১৯ ইম্মর্জেন্সি অমসুং হেলথ সিস্তেম পেকেজ’” অসি ২০২০গী এপ্রিল ২২দা মন্ত্রীমন্দলনা অয়াবা পীখ্রে। স্তেত অসি করোর ৯.৮১ হাইদ্রোছাইক্লেোরোক্বুইন তেব্লেত অমসুং ভেন্তিলেতর ২৮,৪৭৬ য়েন্থোকখি। স্তেতকী মিনিস্তর (হেলথ অমসুং ফেমিলি ৱেলফিয়র), শ্রী আশ্বিনি কুমার চৌবেনা অইবা ওইনা রাজ্যা সভাদা ঙসি পাউখুম পীখি।  পি.এম.জি.কে.পি.ইন্সুরেন্স স্কিমগী মতুং ইন্না কোবিদ-১৯না মরম ওইরগা হেল্থ ৱার্কর ১৫৫ শিখি।

অকুপ্পা ৱারোলগীদমক: https://pib.gov.in/PressReleseDetail.aspx?PRID=1654454

কোবিদ-১৯ থেংন্নবা লাল্লোং পুথোকপা

মখাগী ওইথোকপা য়াবা ফিভমশিং অসি থেংন্নবা ভারতনা সিনারিও অমগী মতুং ইন্না থেংনরগনি  (i) ভারততা রিপোর্ত তৌরকখিবা চত্থোক চৎশিনগা মরী লৈনবা কেস (ii) কোবিদ-১৯গী লোকেল ত্রান্সমিসন(iii) পাক শন্না শন্দোরকপনা কন্তেনমেন্ত ওইরকপা (iv) কোবিদ-১৯ লাইনা অসি পাক-শন্না কম্ম্যুনিতী ত্রান্সমিসন লৈরকপা (v) ভারতনা কোবিদ-১৯গীদমক ইন্দেমিক ওইরকপা৷ হৌজিক হৌজিক্কী ওইনা মফম ময়াম অমা পাক-শন্না শন্দোরকপনা মরম ওইরগা কন্তেনমেন্ত ওইখ্রে৷মরম অদুনা ভারত সরকারনা কন্তেনমেন্ত স্ত্রাতিজী অমা ইন্দুনা লাক্লি৷ লৈবাক অসিদা কোবিদ-১৯ লাইচৎ অসিনা পাক শন্না শন্দোরক্লিবা অসি সরকারনা মাই পাক্না লাকশিনবা ঙম্লে৷ ভারতকী মিলিয়ন পোপুলেসন অমদা কেস মশিং ৩৩২৮ থেংন্নদুনা অমসুং শিবগী চাং ৫৫ থেংন্দুনা মহাক্কা চাং মান্ননা শোকমিন্নবা লৈবাকশিংগা চাংদম্নবা মতমদা ভারতনা মলেম অসিদা খ্বাইদগী চাং নেম্বা লৈবাকশিংগী মনুংদা অমা ওইরি৷ ভারত সরকারগী হকশেল অমসুং য়াইফ য়ুম্বাল মন্ত্রালয়না কোবিদ-১৯ লাইয়েংবদা শিজিন্নরিবা অনা-লাইয়েংশঙশিংগী ইনফ্রাস্ত্রকচর পাকথোক চাওথোকহন্দুনা হেন্না ফগৎনবা হোৎনখ্রে৷ পল্লিবা ৱারোল অসি রাজ্যগী(হকশেল অমসুং য়াইফ য়ুম্বাল মন্ত্রী) শ্রী অশৱিনি কুমার চৌবেনা অইবা ৱারোল অমদা ঙসি রাজ্য সভাদা ফোংদোকখ্রে৷

অকুপ্পা ৱারোলগীদমক: https://pib.gov.in/PressReleseDetail.aspx?PRID=1654447

কোবিদ-১৯গী অৱা-অনা তারবশিংগী অনৌবা হেল্থকেয়র স্কিম

কোবিদ-১৯গা লান্থেংনরীবা হকশেলগী থৌমীশিংগী ওইনা প্রধান মন্ত্রী গরীব কল্যান পেকেজকী মখাদা কান্নবা অমা পীরি। মসিগী কান্নবা অসি কেন্দ্র সরকারনা তেংবাংবা স্কিম্নি। স্কিম অসিনা কোবিদ-১৯গী অনাবশিংগা হকথেংননা থেংনদুনা অমসুং মখোয়গী সেবা তৌবগী তঙাই ফদবা লৈবা অমসুং মসিগী মরম্না মখোয়দসু লায়না অসি পক্লকপা য়াবা খুন্নাইগী হকশেলগী থৌমীশিং য়াওনা অতোপ্পা হেল্থকেয়র পীবশিংগী ওইনা লুপা লাখ ৫০গী ইন্স্যুরেন্স কবর পীরি। কোবিদ-১৯গী লায়না নাবদগী অশোয়-অঙাম থোক্তুনা পুন্সি মাঙবগী ফিভমসু স্কিম অসিনা কোনগনি। স্কিম অসিনা প্রাইবেৎ হোস্পিতাল/থবক্তগী পোত্থারবা/বলন্তিয়র/লোকেল অর্বান বোদীশিং/কন্ত্রেক্ত/নোঙমগী খুৎশুমন তানবা/এদ-হোক/রাজ্যসিংনা থম্বা আউৎসোর্স তৌবা স্তাফশিং/কেন্দ্রগী হোস্পিতালশিং/এ.আই.আই.এম.এস. অমসুং এন.আই.এস. কুম্বা কেন্দ্র, রাজ্য, য়ু.তি.শিংগী ওতোনোমস হোস্পিতালশিং/কোবিদ-১৯গী মরী লৈনবা থবকশিংগী ওইনা লাউথোক্লবা কেন্দ্রগী মন্ত্রালয়গী হোস্পিতালশিংগী স্তাফশিংবু স্কিম অসিগী মনুং চনগনি। স্কিম অসিগী খুদোংচাবা অসি বেনিফিশরী অসিনা হান্নদগী ফংজবা অতোপ্পা ইন্স্যুরেন্সকী খুদোংচাবশিং অসিগী মথক্তা ওইগনি। মসিগী ই-পাউ অসি হকশেল অমসুং য়াইফ য়ুম্বাল মন্ত্রালয়গী রাজ্য মন্ত্রী শ্রী অশ্বিনি কুমার চৌবেনা রাজ্য সভাদা ঙসি অইবা পাউখুম অমা ওইনা পীখিবনি।

অকুপ্পা ৱারোলগীদমক: https://pib.gov.in/PressReleseDetail.aspx?PRID=1654457

লায়চৎ অসিগী মনুংদা ৱাখলগী লায়না নাবগী চাং হেনগৎলকপা

কোবিদ-১৯গী চৈথেং অসিনা অঙাংশিং য়াওনা মীয়ামগী ৱাখলগী হকশেলগী ফিভমদা শোকহনবগী ফিভমগী হীরমদা য়েংলদুনা সরকারনা কোবিদ-১৯গী লায়চৎ মনুংদা সাইকোসোসিএলগী তেংবাং পীনবা খোঙথাং কয়া অমা পায়খৎলি। মসিগী মনুং চনবশিংদিঃ মেন্তেল হেল্থ প্রোফেস্নেলশিংনা লায়চৎ অসিনা শোকহল্লবা অপুনবা মীশিংবু অঙাংশিং, অহলশিং, হেন্না অহল ওইবশিং, নুপীশিং অমসুং হকশেল থৌমীশিং হায়না কাঙলুপ খায়দোক্তুনা সাইকোসোসিএলগী তেংবাং পীনবা ২৪/৭কী হেল্পলাইন অমা শেম্বা, খুন্নাইগী তোঙান তোঙানবা কাঙলুপকী মীওইশিংনা থেংনবা মেন্তেল হেল্থকী শিংনবশিং অসিবু শেন্ননবা কাঙলোন/পাউতাক পীবা, স্ত্রেস অমসুং এংজাইতী শেন্ননবা তোঙান তোঙানবা মীদিয়াগী প্লেৎফোর্মশিংগী খুত্থাংদা অনৌবা থৌওং অমসুং ওদিও-ভিজুএলগী মওংশিংনা মীয়ামদা পাউতাক পীবা অমসুং মীয়াম পুম্বগী তেংবাংনবা অকোয়বগী ফিভম অমা শাগৎপদা খুমাং চাউশিলহনবা, বেঙ্গালুরুগী নেস্নেল ইন্সতিত্যুৎ ওফ মেন্তেল হেল্থ অমসুং ন্যুরোসাইন্স (নিমহান্স)না “কোবিদ-১৯গী লায়চৎ মনুংদা মেন্তেল হেল্থ – জেনেরেল মেদিকেল অমসুং স্পেসিএলাইজদ মেন্তেল হেল্থ কেয়র সেত্তিংস” মীংথোনবা অকুপ্পা চৎন-কাঙলোনশিং পীবা, চৎন-কাঙলোনশিং, পাউতাকশিং অমসুং মীয়ামগীদমক্তা য়াইফনবা পাঙথোকপা থবকশিং অসি হকশেল অমসুং য়াইফ য়ুম্বাল মন্ত্রালয়গী ৱেবসাইত্তা “বিহেব্যুরেল হেল্থ – সাইকোসোসিএল হেল্পলাইন”গী মখাদা ফংগনি, আই.জি.ও.তি. – দিক্সা প্লেৎফোর্মগী খুত্থাংদা সাইকোসোসিএল সপ্পোর্ত অমসুং ত্রেনিংগী ওইনা নিমহান্সকী থৌমীশিংনা ওনলাইন্দা পাঙথোকপা হেল্থ ৱর্করশিংগী কেপাসিতী বিলদিং তৌবগী থৌওংশিং। মসিগী ই-পাউ অসি হকশেল অমসুং য়াইফ য়ুম্বাল মন্ত্রালয়গী রাজ্য মন্ত্রী শ্রী অশ্বিনি কুমার চৌবেনা রাজ্য সভাদা ঙসি অইবা পাউখুম অমা ওইনা পীখিবনি।

অকুপ্পা ৱারোলগীদমক: https://pib.gov.in/PressReleseDetail.aspx?PRID=1654456

মেদিসিন অমসুং হোমিওপেথীগী মেদিকেল এজুকেসন ওফ ইন্দিয়ন সিস্তেম অওনবা অমা পুরক্কদৌরি

পার্লিয়ামেন্তনা পীবা আয়ুশ মিনিস্ত্রী মরুওইবা বিল অনি থাংগৎতুনা, লৈবাক অসিনা মেদিসিন অমসুং হোমিওপেথীগী মেদিকেল ইজুকেসন ওফ ইন্দিয়ন সিস্তেম অওনবা অমা পুরক্কদৌরি। নেস্নেল কম্মিসন ফোর ইন্দিয়া সিস্তেম ওফ মেদিসিন বিল, ২০২০ অমসুং নেস্নেল কম্মিসন ফোর হোমিওপেথী বিল ২০২০ অসি লোক সভাদা ২০২০গী সেপ্তেম্বর ১৪দা পাস তৌখ্রে। মসিগী বিল অনি অসি হান্না লৈরম্বা ইন্দিয়ন মেদিসিন সেন্ত্রেল কাউন্সিল এক্ত,১৯৭০ অমসুং দ হোমিওপেথী সেন্ত্রেল কাউন্সিল এক্ত, ১৯৭৩গী মহুৎ শিনবনি। পার্লিয়ামেন্তনা বিল অনি অসি অয়াবা পীবা হায়বসি আয়ুশকী পুৱারীদা অচৌবা মায় পাকপা অমনি। হায়রিবা বিল অসি থম্বনা হান্ননা লৈরম্বা সেন্ত্রেল কাউন্সিল ওফ ইন্দিয়ন মেদিসিন (সি.সি.আই.এম.) অমসুং সেন্ত্রেল কাউন্সিল হোমিওপেথীদদী হাপকৎলকপনি।

অকুপ্পা ৱারোলগীদমক: https://pib.gov.in/PressReleseDetail.aspx?PRID=1654384

য়োগনা কোবিদ-১৯গী অনাবশিংনা নাবা ফগৎলক্নবা তেংবাংবা

সেন্ত্রেল কাউন্সিল ফোর রিসর্স ইন য়োগ অমসুং নেচ্যুরোপেথী (সি.সি.আর.ৱাই.এন.)না দিল্লীগী রজিব গান্ধী সুপর স্পেসিএলিতী হোস্পিতাল অমসুং এ.আই.আই.এম.এস., রিশিকেশকী এ.আই.আই.এম.এস. অমসুং দিল্লীগী আর.এম.এল. হোস্পিতালগা খুৎশম্নদুনা কোবিদ-১৯গী অনাবশিংদা অথুবা মতমদা নাবা ফগৎহনবদা য়োগনা তেংবাংবা অসিবু চুম্মি হায়না উৎনবা রিসর্স প্রোজেক্ত অমা পায়খৎখ্রে। মসিগী ই-পাউ অসি হকশেল অমসুং য়াইফ য়ুম্বাল মন্ত্রালয়গী মন্ত্রী দা” হর্শ বর্ধন্না রাজ্য সভাদা ঙসি অইবা পাউখুম অমা ওইনা পীখিবনি।

অকুপ্পা ৱারোলগীদমক: https://pib.gov.in/PressReleseDetail.aspx?PRID=1654498

লৈবাক অসিদা কোবিদ-১৯ লাইনা-লাইচৎ শন্দোরকপগী অঙনবা খুদমশিং

চাইনাগী ৱুহান শহরদগী মফম মরাং খঙদনা হৌরক্লিবা ন্যুমোনিয়া অসিগী মতাংদা ৱল্দ হেল্থ ওর্গনাইজেসন ইন্দিয়ানা লৈবাক অসিদা ২০২০গী জনুৱারীগী তাং ৬তা চেকশিন্না লৈনবা খঙহনখ্রে অমসুং হকশেল অমসুং য়াইফ য়ুম্বাল মন্ত্রালয়না চাইনাদগী হৌরক্লিবা ফিভম অসি য়েংশিন্দুনা লাক্লি৷ হেল্থ সর্ভিসেসকী দিরেক্তর জেনরেলগী মখাদা জোইন্ত মোনিতরিং গ্রুপ অদুনা চাইনাদগী হৌরক্লিবা ফিভম অদু কুপ্না য়েংশিন্নবা অমসুং লৈবাক মীয়াম্না চেকশিন্না লৈন্নবগীদমক ২০২০গী জনুৱারীগী তাং ৮দা খন্নখি৷ লাইনা অসি চংলকপা থিংন্নবগীদমক লাইনা অসিনা শোকহল্লবা অতোপ্পা লৈবাকশিংদগী চংলক্লিবা সিম্পতম উৎতবা পেসেঞ্জরশিবু ভারতনা হিথাংফম, ইয়রপোর্ত অমসুং ঙমখৈ কয়ামরোমদা ২০২০গী জনুৱারীগী তাং ১৮দগী স্ক্রিনিং তৌবা হৌখি৷ মদুগী মতুং তারকপদা পেসেঞ্জর খুদিংমক্কী য়ুনিভরশেল স্ক্রিনিং তৌবা হৌখি৷ হায়রিবা ইন্তরনেস্নেল ত্রাভেল্লরশিং অসি কম্ম্যুনিতী অদুদা মশক খঙদোকপা, চিংনবা মওংদা শোক্না শম্নরুবশিং অমসুং নারে খঙলবা মীওইশিং খঙদোকপদা ইন্তিগ্রেতেদ দিজিস সর্বিলেন্স প্রেগ্রাম্না লেপ্পা লৈতনা থিজিল্লি৷ হায়রিবা ৱারোল অসি রাজ্যগী(হকশেল অমসুং য়াইফ য়ুম্বাল)গী মন্ত্রী শ্রী অশৱিনি চৌবেহনা ঙসি রাজ্য সভাদা অইবা চেরোল অমা ইদুনা পিশিনখি৷

অকুপ্পা ৱারোলগীদমক: https://pib.gov.in/PressReleseDetail.aspx?PRID=1654451

ভারত্তা কোবিদকী তিকা পুথোকপগী খুমাং চাউশিনবগী ফিবম

সরকার অমসুং ইন্দস্ত্রীনা মতীক চাবা অশোইবা য়াওদ্রবা কোবিদ-১৯গী তিকা অমা অঙনবদা পুথোক্নবা কন্না হোৎনরি, অদুবু করম্বা মতমদা লোইগদগে হায়বদুদি তিকা পুথোকপদা চঙলিবা তোঙান-তোঙানবা মখলগী অরুবা লম্বীশিং অসি য়েংলগা হায়বদা অৱাবা অমা ওইরি। সরকার অসিনা অৱাংবা থাক্কী নেসনেল এক্সপর্ত গ্রুপ অমা কোবিদ-১৯গী তিকা পুথোক্নবা হোৎনরিবা অসিবু য়েংশিন্নবগীদমক শেমখ্রে। সেন্ত্রেল দ্রগ স্তেন্দার্দ কন্ত্রোল ওর্গানাইজেসন (সি.দি.এস.সি.ও.)না তেস্ত লাইসেন্স পর্মিসনশিং কোবিদ-১৯ তিকা প্রিক্লিনিকেল তেস্ত, একজামিনেসন অমসুং মখাগী ভারত্তা লৈবা মেন্যুফেকচররশিং অসি য়েংশিন্নবগীদমক অয়াবা পীখ্রে। হকশেল রিসর্চকী বিভাগকী মখাদা লৈবা ওতোনোমস ওর্গানাইজেসন অমা ওইরিবা ইন্দিয়ন কাউন্সিল ওব মেদিকেল রিসর্চ (আই.সি.এম.আর.)না হায়খ্রে মদুদি মখাগী কম্পেনীশিং অসিনা ভারত্তা কোবিদ-১৯ তিকাগী ক্লিনিকেল ত্রাইএলশিং চত্থরি। হকশেল অমসুং য়াইফ-য়ুম্বাল মন্ত্রালয়গী রাজ্যগী মন্ত্রী শ্রী অশ্বিনি কুমার চৌবেনা ৱাফম অসি রাজ্য সভাদা ঙসি অইবা পাউখুম ওইনা পীখি।

অকুপ্পা ৱারোলগীদমক: https://pib.gov.in/PressReleseDetail.aspx?PRID=1654450

লনাই হোস্পিতালশিংনা শেল হেন্না লৌবা য়েংশিনবা

কোবিদ-১৯গী শাফু অসি ঙাকথোক্নবা, লাকশিন্নবা অমদি হন্থহন্নবা ভারত সরকারনা খোঙথাং মথং-মথং লৌখৎলি। ভারতনা “সরকার পুম্বগী” অমদি “খুন্নাই পুম্বগী” ওইবা পাম্বৈ অমা ঙাক্তুনা হোৎনরি। ইকাই খুম্নরিবা প্রধান মন্ত্রী, অৱাংবা থাক্কী মন্ত্রীশিংগী কাংলুপ (জি.ও.এম.), কেবিনেৎ সেক্রেতরী, এম.ও.ঐচ.এফ.দবল্যু.দা লৈরিবা সেক্রেতরীশিংগী অমসুং মকোক থোংবা ওফিসরশিংগী কম্মিতীনা লৈবাক অসিদা কোবিদ-১৯না ওইহল্লক্লিবা মীয়ামগী হকশেলগী ফীভম য়েংশিনখি। হকশেল অসি রাজ্যগী সবজেক্তনি। লনাই হোস্পিতালশিংদা কোবিদ কেশিং লায়েং চত্থবগী থৌদাং অসি রাজ্য সরকারগীনি। কেন্দ্রগী হকশেল সেক্রেতরীনা রাজ্যশিং/য়ু.তি.শিংদা অমগা অমগা য়ানরগা শিল লাংবগী খুত্থাদা লনাইগী হোস্পিতালশিং শিজিন্ননবা অইবা চেরোল থাখ্রে। পি.এম.জে.এ.ৱাই. অমসুং সি.জি.ঐচ.এস.কী পেকেজশিংগী মখাদা লৈবা রেৎশিং চৎননবা খংহনখ্রে। মসিগা মরী লৈননা রাজ্য অয়াম্বনা ইন্সত্রক্সনশিং থোকখ্রে। মিনিস্তর ওফ স্তেৎ (হকশেল অমসুং য়াইফ-য়ুম্বাল), এস.ঐচ. অশ্বিনি কুমার চৌবেনা মসি ঙসি রাজ্য সভাগী অইবা পাউখুম ওইনা পীখিবনি।

অকুপ্পা ৱারোলগীদমক: https://pib.gov.in/PressReleseDetail.aspx?PRID=1654449

কোবিদ-১৯ লাইচৎ লান্থেংননবগীদমক ৱর্ল্দ বেঙ্কনা ভারত্তা কাইথখিবা লোনগী অকুপ্পা মরোল

ৱর্ল্দ বেঙ্কনা হৌজিক ফাওবদা ভারত সরকারদা সরকার অসিনা কোবিদ-১৯ লাইচৎকীদমক হকশেল ($বিল্লিয়ন ১), খুন্নাইবু ঙাকথোক্নবগীদমক ($বিল্লিয়ন ০.৭৫) অমসুং শেল-থুমগী মতেং ওইনা ($ বিল্লিয়ন ০.৭৫)গী মতেং কাইথদুনা অপুনবা ওইনা $ বিল্লিয়ন ২.৫কী ওইগদবা লোন অহুম থাদখি, হায়রিবা শেন্থংসিনা রাজ্য অমসুং য়ু.তি. খুদিংমক্তা কান্নবা ফংহনখি। হায়রিবা ৱাফম অসি কেন্দ্রগী শেল-থুম অমসুং কোর্পোরেৎ এফিয়র্স মন্ত্রী শ্রী অনুরাগ সিংহ থাকুরনা রাজ্য সভাদা ঙসি অইবা পাউখুম ওইনা পীখি।

অকুপ্পা ৱারোলগীদমক: https://pib.gov.in/PressReleseDetail.aspx?PRID=1654593

কেন্দ্রগী ঐচ.আর.দি. মন্ত্রীনা এম.ঐচ.আর.দি.গী লমজিং মখাদা শেম্বা সেকেন্দরী তাংকক্কী এন.সি.ই.আর.তি.গী চয়োল নিপালগী অলতর্নেতিব একাদেমিক কেলেন্দর ফোংখ্রে

মহৈরোইশিংনা কোবিদ-১৯না মরম ওইদুনা ময়ুমদা লৈরিঙৈ মনুংদা লাইরিক লাইশুগা মরী লৈনবা থবক ১৯গা মখোয়গী মমা মপা অমসুং ওজাশিংগা লোইননা মরম চানা লৈনবগীদমক ক্লাস ১দগীনা ১২ ফাওবগী মহৈরোই, মমা-মপা ওইবশিং অমসুং ওজাশিংগী অলতর্নেতিব একাদেমিক কেলেন্দর অমা এম.ঐচ.আর.দি.গী লমজিং মখাদা এন.সি.ই.আর.তি.না শেমখ্রে। প্রাইমরী অমসুং অপ্পর প্রাইমরী থাক্কী চয়োল মরি অমসুং নিপালগী অলতর্নেতিব একাদেমিক কেলেন্দর (এ.এ.সি.) ফোংখ্রে। সেকেন্দরীগী অমসুং হায়র সেকেন্দরী থাক্কী চয়োল মরিগী এ.এ.সি.সু কেন্দ্রগী এজুকেসন মন্ত্রীনা মমাংদা ফোংখ্রে। হৌজিক্তি, মথংগী চয়োল নিপালগী এ.এ.সি.সু কেন্দ্রগী এজুকেসন মন্ত্রী শ্রী রমেশ পোখ্রিয়াল 'নিশঙ্ক'না ভর্চুএল ওইনা ঙসি ফোংখ্রে।

অকুপ্পা ৱারোলগীদমক: https://pib.gov.in/PressReleseDetail.aspx?PRID=1654387

মাইগ্রেন্তশিংদা শেলগী তেংবাং

তৌদবা য়াদ্রবা লোকদাউনগী মতমগী মনুংদা মীয়ামদা তঙাই ফদবা সপ্লাইশিং ফংহন্দবা তৌরোইদবনি হায়বা কেন্দ্র সরকারনা খঙখি। ওইরিবা ফীভম অসি জাতিগী থক্তা কন্ত্রোল রুমশিংগী খুত্থাংদা ২৪*৭ কুপ্না য়েংশিনখি। মাইগ্রেন্ত শিন্মীশিং য়াওনা ময়ুম লৈজদবা মীওইশিংদা চান্নবা পোৎলম, হেল্থ ক্যের অমসুং লৈফম ফংহন্নবা ৱাখল্লোন্দা কেন্দ্র সরকারনা ২৮.০৩.২০২০দা রাজ্য সরকারশিংনা হীরম অসিগীদমক স্তেৎ দিজাস্তর রেস্পোন্স ফন্দ (এস.দি.আর.এফ.) শীজিন্নবা য়াহনখি। মখোয় মশাগী রাজ্যদা কোবিদ-১৯ লোকদাউন মনুংদা হন্নবা হোৎনবদা লম্বীদা লৈখিদবা মীওইশিংগী মশিংগী দেতা কেন্দ্রগী মখাদা লৈতে। অদুম ওইনমক মাইগ্রেন্ত শিন্মীশিং চত্থোক-চৎশিন তৌবা য়াহন্নবা কেন্দ্র সরকারনা মথৌ তাবা খোঙথাং পুম্নমক লৌখৎখি। মসি ঙসি রাজ্য সভাগী ৱাহংদা অইবা পাউখুম ওইনা হোম পুবা মিনিস্তর ওফ স্তেৎ শ্রী নিত্যনান্দ রাইনা পীখিবনি।

অকুপ্পা ৱারোলগীদমক: https://pib.gov.in/PressReleseDetail.aspx?PRID=1654587

এন.দি.এম.এ.না পীবা লোকদাউনগী চৎন-কাংলোন  

দিজাস্তর মেনেজমেন্ত এক্ত, ২০০৫ (দি.এম. এক্ত, ২০০৫), নেস্নেল দিজাস্তর মেনেজমেন্ত এক্তকী সেক্সন ৬ (২) (১)গী মতুং ইন্না, লৈবাক অসিদা কোবিদ-১৯ লাইচৎ শন্দোপসিনা অকি তুজুংবা পোকহনলিবসি য়েংলদুনা, কেন্দ্রগী য়ুম্লৈ-কৈরৈ সেক্রেতরীনা নেসনেল একজিক্যুতিব কম্মিতী (এন.ই.সি)গী চীয়রপার্সন ওইবনা লৈবাক অসিদা কোবিদ-১৯ শন্দোকপা থিংনবগী খোংথাং অমসুং তঙাইফদবা চৎন-কাংলোনশিং থোক্নবা য়াথং তৌখি। মসিগী মতুং ইন্না, এন.ই.সি.না লৈবাক অসিদা মতম মতমগী মতুং ইন্না লোকদাউন অমসুং অনলোক্কী তাংকক কয়া লাওথোকখি। লৈবাক পুম্বা লোকদাউ লাওথোক্তুনা, ভারতনা মায় পাক্না কোবিদ-১৯ পাক্তক্ননা শন্দোকপা থিংখি। ভারত সরকারনা কোবিদ-১৯গী চৈথেং থিংনবা, লাকশিন্নবা অমসুং হন্থনবা খোংথাং কয়া অমা লৌখৎখি। ইকাইখুম্নজরিবা প্রধান মন্ত্রী, অৱাংবা থাক্কী মন্ত্রী কাংলুপ, মন্ত্রী মন্দল সেক্রেতরী, সেক্রেতরীশিংগী কম্মিতী অমসুং য়ুম্লৈ কৈরৈ মন্ত্রালয়গী মকোক থোংবা ওফিসরশিং, এন.দি.এম.এ., হকশেল অমসুং য়াইফ-য়ুম্বাল মন্ত্রালয়, অমসুং অতোপ্পা মরী লৈনবা মন্ত্রালয়/বিভাগশিংনা লৈবাক অসিদা কোবিদ-১৯ লাকশিন্নবা মীয়ামগী হকশেল লেপ্তনা য়েংশিনখি।  রাজ্যশিংনসু নেসনেল একজিক্যুতিব কম্মিতীনা এন.দি.এম.এ.গী পাউতাক মখাদা শেম্বা চৎন-কাংলোনশিং ইন্দুনা মাগী মাগী রাজ্যশিংদা লাইনা অসিবু থিংনবা খোংথাং লৌখৎচবগী অয়াবা পীখি। হায়রিবশিং অসি য়ুম্লৈ-কৈরৈগী রাজ্যগী মন্ত্রী শ্রী নিত্যানন্দ রাইনা লোক সভাদা ঙসি অইবা পাউখুম ওইনা পীখিবনি।

অকুপ্পা ৱারোলগীদমক: https://pib.gov.in/PressReleseDetail.aspx?PRID=1654589

 

পি.আই.বি. ফিল্দ ওফিসশিংদগী ফংবা পাউ

•           পঞ্জাব: রাজ্য অসিদা কোবিদ কেসশিং অমসুং শিবগী মশিং হেনগৎলকপগা লোইননা, পঞ্জাবকী মুখ্য মন্ত্রীনা হকশেল দিপার্তমেন্ততা হৌজিক পীরিবা ওক্সিজেনগী সপ্লাইশিং অসিদা অহেনবা ওইনা মতেং ওইনবা মেদিকেল ওক্সিজেনগী ইন্দিজেনস মেন্যুফেকচরিং হেনগৎহন্নবা হায়খ্রে মরমদি মসিনা তুংদা থোরক্কদবা চিরবা মতমশিং থেংনবা ঙম্নবা অসিগুম্বা মরু ওইবা পোৎলম অসিগী অৱাংৎপা লৈহল্লোই। রাজ্য সরকারনসু কোবিদকী অসুক কন্না হেনগৎলক্লিবা অসিগী মরক্সিদা মেদিকেল ওক্সিজেনগী সপ্লাই অমসুং দিমান্দ মোনিতর তৌনবা নোদল ওফিসর অমা খনখ্রে, অমসুং মুখ্য মন্ত্রীনা তুংদা থোরকপা য়াবা তম্বা ঙমদবা থৌদোক অমহেক্তগা মায়োক্নবা ঙম্নবা ইন্দিজেনস প্রোদক্সন অমসুং পেকেজিং অসিবু মখাতানা হেনগৎহন্নবা হকশেল দিপার্তমেন্ততা হায়খ্রে।

•           হরিয়ানা: রাজ্য অসিদা ওক্সিজেনগী অৱাৎপা অমত্তা লৈরোই হায়না ভারত সরকারবু থাজবা পীরদুনা, হকশেল অমসুং য়াইফ য়ুম্বালগী এদিশনেল চীফ সেক্রেতরীনা হায়খি মদুদি হরিয়ানাদা লিক্বিদ অমসুং মেদিকেল ওক্সিজেনগী প্রোদক্সন অমসুং স্তোরেজ কেপাসিতী মরাং কাইনা লৈ অমসুং রাজ্য অসিদা লৈরিবা সরকার অমসুং লনাইগী হোসপিতালশিং অনিমক্তা ওক্সিজেনগী অৱাৎপা লৈতনবা রাজ্য অসিনা এরেঞ্জমেন্তশিং মতিক চানা তৌখ্রে। 

•           অরুনাচল প্রদেশ: অরুনাচল প্রদেশতা পি.ঐচ.সি. হোলোঙ্গিদা থবক তৌবা কোবিদ-১৯গী পেসেন্ত অমমুক লৈখিদ্রে। রাজ্য অসিদা শিখিবশিংগী অপুনবা মশিং হৌজিক ১১ য়ৌরে। অরুনাচল প্রদেশতা অনৌবা পোজিতিব কেস ১৭৬ থেংনখি। রাজ্য অসিদা পেসেন্ত ১৫৬ ফখ্রে অমসুং দিসচার্জ তৌখিবগা লোইননা এক্তিব কেস পুন্না ১,৭৫৬ লৈরি।

•           অসাম: অসামদা ঙরাং পেসেন্ত ১,৯১৮ দিসচার্জ তৌখ্রে। দিসচার্জ তৌখিবা পেসেন্তশিংগী অপুনবা মশিং ১,১৫,০৫১ অমসুং এক্তিব পেসেন্তশিংগী মশিং ২৮,৬৩০ লেরি হায়না রাজ্যগি হকশেল মন্ত্রীনা ত্বীত তৌরকখি।

•           মনিপুর: মনিপুরদা মীওই ৯৬ কোবিদ-১৯ পোজিতিব ওইখি। ফগৎলকপগী চাং চাদা ৭৯ ওইবগা লোইননা ১৪৯ ফগৎখ্রে। পুন্না এক্তিব কেস ১,৫৮৫ লৈরি।

•           মঘালয়া: মঘালয়াগী কোবিদ-১৯ এক্তিব কেস ১,৬২৩দা হেনগৎলকখ্রে, বি.এস.এফ. অমসুং আর্মদ দোর্সেসকী অপুনবা কেস ৩৪৪, অতোপ্পগী অপুনবনা ১,২৭৯ অমসুং ফগৎখিবশিংগী অপুনবা মশিং ২,০৭৫।

•           মিজোরাম: ঙরাং মিজোরামদা কোবিদ-১৯গী অনৌবা কেস ৪০ থেংনখি। অপুনবা কেসশিং ১,৪৬৮, এক্তিব কেস ৫৪৯।

•           নাগালেন্দ: নাগালেন্দগী পোজিতিব কেস ৫,২১৪গী মনুংদা আর্মদ ফোর্সেসকি ২,৪৬৩, হল্লকখিবশিংগী ১৪১১, ফ্রন্তলাইন ৱার্করশিংগি ৩১৯ অমসুং ত্রেস তৌখিবা কন্তেক্তশিংগী ১,০২১।

•           সিক্কিম: সিক্কিমগী কোবিদ-১৯গী মশিং অসি অসুম্না লৈ: ফখিবা অমসুং দিসচার্জ তৌখিবশিং ১,৬৯০, এক্তিব কেসশিং ৪৬৪, অনৌবা কেস ৫৪।

•           কেরলা: রাজ্যগী হকশেল দিপার্তমেন্তনা ইভাল্যুৱেত তৌখি মদুদি রাজ্য অসিদা লৈরিবা কোবিদকী ফিভম অসি ওনমগী কুম্হৈ মতুংদা হেন্না কনশিল্লকখিবনি। জিলা ৬তা কোবিদ পোজিতিব ওইবগী চাং হেনগৎলকখি অদুগা জিলা অহুমদনা শরক অনিথোক্না হেনগৎলকপগী তাঙ্কক অদু হন্থখ্রে। ইনফেক্সন তৌদুনা পোজিতিব ওইবগী চাং অসি থিরুৱানন্থপুরম, কোল্লম, কোত্তায়ম, কন্নুর অমসুং কসরাগোদতা কাহেন্না হেনগৎলকখি। রিপোর্ত অসিনা নোংমদা তেস্ত তৌবগী মশিং হেনগৎনবা অমসুং রিজনেলগী থাক্তা হেল্থ সীস্তেম অসিগী কান্নবা হেন্না ফংনবসু  খঙহল্লখ্রে। কেরলাদা ঙরাং য়াম্লবা কোবিদ-১৯গী অনৌবা কেস ২,৫৪০ থেংনখি। রাজ্য পুম্বগী ওইনা হৌজিক পেসেন্ত ৩০,৪৮৬ লাইয়েংদুনা লৈরি অমসুং মীওই লাখ ২.০৫না ওবজার্ভেশন তৌদুনা থম্লি। শিবগী মশিং ৪৫৪তা লৈরি।

•           তামিল নাদু: তি.এন.না য়াম্না অরুবা মতমদা মেদিকেল কেয়র পীনবা সরকারগী চোপ্পরবু এয়র এম্বুলেন্স ওইনা ওন্থোক্নবা খন্নখ্রে। হকশেল দিপার্তমেন্ততগী ফংলকপা পাউগী মতুং ইন্না থাক খয়া অমদা সেমপলশিং শেন্নবদা নীথিজনা য়েংশিন্দবদগী কোইমবাতোরদা তেস্তকী রিজল্তশিং মতম চানা পীথোকপদা অকাইবা ওইহল্লি হায়না মীদিয়ানা পাউদমখি। পোজিতিব কেস ৫,৭৫২ অমুক থেংনখ্রবা মতুংদা তি.এন.দা ঙরাং কোবিদ পোজিতিব ওইবগী মশিং অসি লাখ মঙা হেনখ্রে। রাজ্য অসিদা দিসচার্জ তৌখিবশিংগী মশিং অসি লাখ ৪.৫ হেনখ্রে অমসুং শিখিবশিংগী অপুনবা মশিং অসি ৮৪৩৪ য়ৌখ্রে।

•           কর্নাতকা: কোবিদ-১৯ কেসশিং হেনগৎলকপগা লোইননা, চিক্কামাগলুরুদা লৈবা দিস্ত্রিক্ত গোভর্নমেন্ত হোসপিতালগী মনুংদা লিক্বাইদ ওক্সিজেন প্লান্ত অমা থম্নবা থৌরাং তৌরি, হায়রিবা অসি চয়োল অমগী মনুংদা সার্বিসকীদমক্তা হাংদোক্লগনি। রাজ্য অসিদা ঙরাং, অনৌবা কেস ৮২৪৪ থেংনখি, ৮৮৬৫ দিসচার্জ তৌখি অমসুং ১১৯ শিখি। বেঙ্গলোর সিতীদা কেস ২৯৬৬ থেংনখি। ঙরাং ফাওবদা লৈখিবা অপুনবা কেসশিং: ৪,৬৭,৬৮৯; এক্তিব কেসশিং: ৯৮,৪৬৩; শিখিবশিং: ৭৩৮৪; দিসচার্জ তৌখিবশিং: ৩,৬১,৮২৩।

•           অন্ধ্র প্রদেশ: স্তেত তুরিজম অমসুং কলচরগী মন্ত্রী, মুত্তমসেত্তি স্রিনিভাসা রাও কোরোনাভাইরস পোজিতিব ওইখ্রে। ৱালতেয়র দিভিজনগী দিজল লোকো শেদনা কোবিদ পেসেন্তশিংদা হিদাক-লাংথক অমসুং অচা-অথকশিং পীবদা হোসপিতাল স্তাফশিংগী মতেং পাংবা ঙমগদবা রোবোত অমা পুথোরকখ্রে। মেদ রোবো হায়না মিংথোনবা অসিনা ৱিশাখাপতনমদা লৈবা দিভিজনেল হোসপিতালদা শিজিন্ননবা থাদোক্ত্রিঙৈগী মমাংদা ত্রায়ল অমসুং দেমোন্সত্রেশন কয়া অমা নীংথিনা তৌখি। 

•           তেলঙ্গানা: হৌখিবা পুং ২৪ অসিদা, অনৌবা কেস ২০৫৮ থেংনখি,, ২১৮০ ফগৎখি অমসুং ১০ শিখিবগী পাউ লৈখি; কেস ২০৫৮কী মনুংদা কেস ২৭৭দি জি.ঐচ.এম.সি.দগীনি। অপুনবা কেসশিং: ১,৬০,৫৭১; এক্তিব কেসশিং: ৩০,৪০০; শিখিবশিং: ৯৮৪; দিসচার্জ তৌখিবশিং: ১,২৯,১৮৭। কোবিদ-১৯ লাইয়েংবা, ফমুংশিং ওদিত তৌবা – জেনরেল অমসুং নন-জেনরেল ৱার্দশিংদা – হোসপিতালশিংদা য়েংশিন্নবা তেলঙ্গানা সরকারনা অৱাংবা থাক্কী তাস্ক ফোর্স অমা শেম্লবা মতুংদা অহানবা ওইনা রাজ্য অসিদা মসিগী থবক অসি হৌখ্রে। হাইদ্রবাদতা সাউথ সেন্ত্রেল রেলৱে ওফিসতা স্তাফ ৩০ কোবিদ পোজিতিব ওইবদগী থিংজিনখ্রে।

•           মহারাস্ত্র: মহারাস্ত্র সরকারনা চহি অমগীদমক্তা মেদিকেল ওক্সিজেন পুরিবা গারিশিংদা ‘এম্বুলেন্স স্তেতস’ অসি পীখি। মসিগী মতাংদা নিংথৌকাবা নুমিত্তা নোতিফিকেশন থোকখি। ৱারেপ অসি কোবিদ-১৯ লাইচৎ শন্দোরকপা অমসুং রাজ্য অসিদা হোসপিতালশিংদা ওক্সিজেন সপ্লাই লেপ্তনা ফংহনবগী মথৌ তাবা অসি য়েংলগা লৌখিবনি। রাজ্য অসিদা লেরিবা কোবিদ পেসেন্তশিংগী চাউরাক্না চাদা ১১দি চাউরাক্না মেত্রিক তন ৫০০গী ওক্সিজেন সপোর্ত মথৌ তাই। মহারাস্ত্রনা হৌজিক ওক্সিজেন এম.তি. ১,০০০গী মথক্তা পুথোকচরবসু, মফম কয়া অমদগী ৱাৎপগী ৱাকৎ কয়া অমা লাকখি।

•           গুজরাত: রাজ্যগী মুখ্য মন্ত্রী, ৱজয় রুপানিনা নিংথৌকাবা নুমিত্তা মহাক্কী “তেস্ত ইস বেস্ত” খোল্লাও অসিবু ঙাক্না চৎনবগীদমক্তা মশানা য়াজনা কোরোনাভাইরসকীদমক্তা তেস্ত তৌবদা নেগেতিব ওইখি। সি.এম.না ইনফেক্সন লৈ লৈতে হায়বা খঙদোক্নবা কিদনা চোংথোরক্নবা মীয়ামদা থৌগৎনবা তেস্ত অদু তৌখিবনি। রুপানিনা “তেস্ত ইস বেস্ত” খোল্লাও অসি পুথোকখিবনি অমসুং নোভেল কোরোনাভাইরস ইনফেক্সন মতম চানা খঙদোক্নবা অমসুং লাইয়েংনবগীদমক্তা মসি মথৌ তাই হায়না হায়খি।

•           রাজস্থান: ঙসি অয়ুক কেস ৭৯৩ থেংনখিবগা লোইননা, রাজ্য অসিদা কোবিদ-১৯ এক্তিব কেসকী মশিং নৌনা অমুক ৱাংখৎলক্তুনা ১৭,৪১০ য়ৌখ্রে। জোধপুরদগী অনৌবা কেস ১৪৭ থেংনখি অদুগা কেপিতল জয়পুরদগী কেস ১৪৫ থেংনখি। রাজ্য আসিদা এক্তিব কেসশিং লেপ্তনা হেনগৎলক্লি। তৌইগুম্বসুং রাজ্য অসিদা ফগৎলকপগী চাং অসি  য়াম্না ৱাংনা লৈরি, চাউরাক্না চাদা ৮২দা লৈ।

•           মধ্য প্রদেশ: এম.পি. সরকারনা মহারাস্ত্রদগী সপ্লাই লেখ্রবা মতুংদা থোরকপা মেদিকেল খ্রাইসিস অদু মায়োক্নবা ঙম্নবা লৌখৎখিবা অতোপ্পা খোংথাংশিং অদুগী মনুংদা ইন্দসত্রীগী ওইনা ওক্সিজেন শিজিন্নবা থিংবা। পাম্বৈশিং অসিনা রাজ্য অসিদা হৌজিক মেদিকেল ওক্সিজেনগী সপ্লাই মেত্রিক তন ১৮০ ফংলি অদুগা লৈরিবা দিমান্দনা নোংমদা মেত্রিক তন ১১০ অমসুং ১২০গী মরক্তা লৈ। মধ্য প্রদেশতা হৌজিক নোভেল কোরোনা ভাইরসকী পোজিতিব কেস ৯০,০০০গী মথক্তা লৈ অমসুং রাজ্য আসিনা নোংমদা খ্বাইদগী ৱাংবা কেস ২,৪৮৩ নিংথৌকাবা নুমিত্তা থেংনখি। হৌখিবা নুমিৎ মঙানিদা কোবিদ-১৯গী অনৌবা কেস ২,০০০ নুমিৎ খুদিংগী থেংনখি।

•           ছত্তিসগর: রায়পুরনা ওক্সিজেন সীলিন্দরশিং য়াওবা অনৌবা ফমুং ৫৬০ লৌনবা শেম-শাবা লোইখ্রে। রায়পুর দিস্ত্রিক্ত কলেক্তরগী মতুং ইন্না লালপুর কোবিদ হোসপিতালদা ওক্সিজেন ফেসিলিতীশিংগা লোইননা ফমুং ১০০ পানখৎখ্রে। অয়ুর্ভেদিক কোলেজ হোসপিতালদা অহেনবা ফমুং ৪০০ পানখৎলগনি, অমসুং রায়পুরগী ই.এস.আই.সি. হোসপিতালদা ফমুং ৬০ পানখৎলগনি।

ফেক্ত চেক

*****



(Release ID: 1654826) Visitor Counter : 3