(মসিদা হৌখিবা পুং ২৪ দা থোকখিবা কোবিদ -১৯গা মরী লৈনবা চেফোংশিং, ফিল্দ ওফিসশিংদগী ফংবা পাউশিং, অমসুং পি.আই.বি.না লৌখৎপা ফেক্ত চেকশিং য়াওরি )

• হৌখিবা পুং ২৪দা, কোবিদনা নারবা মীওই পুন্না ৫,৩৫৫ নাবা ফখ্রে। মতৌ অদুম্না হৌজিক ফাওবদা কোবিদ-১৯না নারবা মীওই ১,০৯,৪৬২ নাবা ফখ্রে। ফগৎলকপগী চাং অসি ৪৮.২৭% ওইরি। হৌজিক্কী ওইনা এক্তিব কেস ১,১০,৯৬০ লৈরি।
• কোবিস শন্দোকপা খ্বাইদগী চাং ৱাংবা পব্লিক অমসুং সেমি-পব্লিক্কী অকোয়বদা চৎনগদবা এস.ও.পি.শিং হকশেল মন্ত্রালয়না থোকখ্রে
• ইন্তর্নেসনেল ভেকসিন এল্লাইন্স গাবীদা য়ু.এস. দোল্লর মিল্লিয়ন ১৫ পীগনি হায়না ভারতনা ৱাশকখ্রে
• হন্দক চহীগী ইন্তর্নেসনল য়োগা দে অসিদা মলেমগী থাক্তা দিজিতেল ওইহল্লগনি

হকশেল অমসুং য়াইফ-য়ুম্বাল মন্ত্রালয়দগী কোবিদ-১৯গী খ্বাইদগী নৌবা পাও

ভারতনা গ্রেদেদ, প্রি-এম্পতিব অমসুং প্রো-এক্তিব এপ্রোচ অমগী থোংদা লোকদাউন কোমথোরকপা অসিদা হকশেল অমসুং য়াইফ য়ুম্বাল মন্ত্রালয়না কোবিদ শন্দোরকপগী ওইথোকপা ৱাংনা লৈবা মফমশিংদা পব্লিক অমসুং সেমি-পব্লিক এনবাইরনমেন্তগী ওপরেসনগীদমক স্তেন্দর্দ ওপরেতিং প্রোসেদ্যুর অপলোদ তৌখ্রে। অনৌবা গাইদলাইনশিং অসিনা সোসিএল অমসুং ইকোনোমিক এক্তিবিতী হঞ্জিলহনবগা লোয়ননা ত্রান্সমিসনগী চেন থিংনবা কোবিদ এপ্রোপিয়েৎ বিহেবিয়র চৎনহন্নবা পান্দম থম্লি। হৌখিবা পুং ২৪দা, কোবিদনা নারবা মীওই পুন্না ৫,৩৫৫ নাবা ফখ্রে। মতৌ অদুম্না হৌজিক ফাওবদা কোবিদ-১৯না নারবা মীওই ১,০৯,৪৬২ নাবা ফখ্রে। কোবিদ-১৯না নারবশিংগী মরক্তা নাবা ফগৎলকপগী চাং অসি চাদা ৪৮.২৭ ওইরি। হৌজিক্কী ওইনা এক্তিব কেস ১,১০,৯৬০ লৈরি অমদি মখোয় পুম্নমক অকনবা মেদিকেলগী মিৎয়েং মখাদা লৈরি। হৌজিক সরকারগী লেব মশিং ৫০৭ য়ৌরে অমদি প্রাইবেৎ লেব মশিং ২১৭তা হেঙ্গৎলে (পুন্না লেব ৭২৭ লৈরে)। হৌখিবা পুং ২৪দা সেম্পল ১,৪৩,৬৬১ তেস্ত তৌখি। হৌজিক ফাওবদা পুন্না তেস্ত তৌখিবা মশিং ৪৩,৮৬,৩৭৯ শুরে। ২০২০গী জুন ৫ ফাওবদা, কোবিদকা মরী লৈনবা হেল্থ ইনফ্রাস্ত্রকচর অসি আইসোলেসন বেদ ১,৬৬,৪৬০গা লোয়ননা কত্থোক্লবা কোবিদ হোস্পিতাল ৯৫৭, আই.সি.য়ু. বেদ ২১,৪৭৩ অমসুং ওক্সিজেন সপোর্তেদ বেদ ৭২,৪৯৭কা লোয়ননা হেন্না মপাঙ্গল কনখৎহল্লে। আইসোলেসন বেদ ১,৩২,৫৯৩গা লোয়ননা কত্থোক্লবা কোবিদ হেল্থ সেন্তর ২,৩৬২; আই.সি.য়ু. বেদ ১০,৯০৩ অমসুং ওক্সিজেন সপোর্তেদ বেদ ৪৫,৫৬২সু মথৌ তৌরি। লৈবাক অসিদা কোবিদ-১৯ থেংননবা ক্বরেন্তিন সেন্তর ১১,২১০ অমসুং বেদ ৭,০৩,৭৮৬কা লোয়ননা কোবিদ কেয়র সেন্তর ৭,৫২৯ হৌজিক লৈরি।

অকুপ্পা ৱারোলগীদমক: https://pib.gov.in/PressReleseDetail.aspx?PRID=1629570

ভর্চুএল গ্লোবেল ভেকসিন সমিৎ ২০২০দা প্রধান মন্ত্রীনা ৱা ঙাংখ্রে
ইন্তর্নেসনেল ভেকসিন এল্লাইন্স গাবীদা য়ুএস দোল্লর মিল্লিয়ন ১৫ পীগনি হায়না ভারতনা ৱাশকখ্রে

য়ু.কেগী প্রধান মন্ত্রী বোরিস জোন্সন্না য়ুম্বু ওইদুনা পাংথোকখিবা ভর্চুএল গ্লোবেল ভেকসিন সমিৎতা প্রধান মন্ত্রী শ্রী নরেন্দ্র মোদী ৱা ঙাংখি। মীফম অদুদা লৈবাক ৫০ হেনবগী ললোন-ইতিক্কী লুচিংবশিং, য়ু.এন এজেন্সিশিং, সিবিল সোসাইতি, সরকারগী মন্ত্রীশিং, লৈবাকশিংগী লুচিংবশিং শরুক য়াখি। ইন্তর্নেসনেল ভেকসিন এল্লাইন্স গাবীদা য়ুএস দোল্লর মিল্লিয়ন ১৫ পীগনি হায়না ঙসি ভারতনা ৱাশকখ্রে। রধান মন্ত্রীনা হায়খি কোবিদ-১৯ লাইচৎ অসিদা করিগুম্বা খরদা, মালেমগী ওইনা মতেং পাংনবদা লৈরিবা খুদোংচাদবশিং খঙলে অমসুং হন্দক অহানবা ওইনা মীওইবা খুন্নাইনা নাখৈ শেংলবা ময়ামগী য়েক্নবা অমা মায়োক্নরি। মহাক্না হায়খি লৈবাক অসিনা অফবা হিদাকশিং অমসুং তিকাশিং শেল য়াম্না চংদনা পুথোকপা ঙম্বগা লোয়ননা ভারতনা মালেমগীদমক অমত্তা ওইনা লেপ্লি। লৈবাক অসিনা মশাগী ওইনা তিকা থাবগী থবক পাকথোক-চাউথোরকলি অমসুং লৈবাক অসিগী শিংথানিংঙাই ওইরবা সাইন্তিফিক রিছর্সকী হৈশিংবা লৈরি।

অকুপ্পা ৱারোলগীদমক: https://pib.gov.in/PressReleseDetail.aspx?PRID=1629419

কেন্দ্রনা রাজ্যশিংদা লুপা ক্রোর ৩৬,৪০০গী জি.এস.তি কম্পেন্সেসন পীখ্রে

কোবিদ-১৯গী হৌজিক লৈরিবা ফিবম অসিদা শেন-থুমগী ফিবম শোক্লবা রাজ্য সরকারশিংনা দরকার ওইবা চাদিং তৌবা ঙম্নবা ২০১৯গী দিসেম্বরদগী ২০২০গী ফেবুৱারি ফাওবগী ওইনা লুপা ক্রোর ৩৬,৪০০গী জি.এস.তি কম্পেন্সেসন ঙসি কেন্দ্রনা লেজিসলেচরগা লোয়ননা রাজ্যশিং/য়ু.তি.শিংদা পীখ্রে। সরকারনা কোবিদ-১৯না হৌজিক ওইহল্লিবা ফীভম অসিনা স্তেৎ লৈঙাকশিংনা ময়োখগী রিসোর্সশিং শোকচিল্লকপদগী এক্সপেন্দিচর তৌবা মথৌ তারকপদগী স্তোক য়েংলগা কম্পেন্সেসন অসি পীখিবনি।

অকুপ্পা ৱারোলগীদমক: https://pib.gov.in/PressReleasePage.aspx?PRID=1629446

দিজিতেল প্লেৎফোর্মগী খুত্থাংদা মালেমগী ওইনা আই.ৱাই.দি. ২০২০ পাংথোকপা

লৈবাক অসিদা কোবিদ-১৯না ওইহল্লিবা হকশেলগী খুদোংচাদবশিং অসি য়েংলদুনা হন্দক্কী চহীগী মালেমগী যোগ নুমিৎ অসি মালেমগী ওইনা দিজিতেল ওইনা পাংথোক্লগনি। হায়রিবা অসি ঙসি আয়ুশ মন্ত্রালয়গা ইন্দিয়ন কাউন্সিল ফোর কলচরেল রিলেসন (আই.সি.সি.আর.)গী প্রসিদেন্ত দাক্তর বিনয় সাহস্রাবুধেগা পুন্না পাংথোকখিবা প্রেস কনফরেন্সতা হায়খিবনি। হন্দক্কী চহীগী ওইনা থৌরম অসিনা যোগনা মীওই অমদা কান্নহনবা, মালেমগী লায়চৎ অসি থেংনবা ঙম্নবা ইম্ম্যুনিতী ফগৎহনবা অমসুং ইরাং অসিগী মরু ওইবা ৱাফম খরা শেম্বা ঙম্নবা খুন্নাইবু ঙাক শেনবনি হায়না দাক্তর সাহস্রাবুধেনা হায়খি। পুন্না পাংথোকখিবা প্রেস কনফরেন্স অসিদা আয়ুশকী সেক্রেতরী বাইদ্যা রাজেশ কোতেচাসু য়াওখি। কোবিদ-১৯ শন্দোক্লিবা য়াম্না লৌনগনবা ভাইরস অসিগী মওং মতৌশিং অসি য়েংলদুনা মীয়াম পুনবদা অথিংবা লৈরি।

অকুপ্পা ৱারোলগীদমক: https://pib.gov.in/PressReleasePage.aspx?PRID=1629446

ঐচ.আর.দি. মন্ত্রী শ্রী রামেশ পোখ্রিয়ল নিশঙ্কনা এৱেয়র্নেস হেনগৎনবা “সেফতি ওনলাইন লর্নিং ইন দি তাইম ওফ কোবিদ-১৯” হায়বা ইনফোর্মেসন বুলকেৎ অমা ফোঙখ্রে

নেস্নল কাউন্সিল ওফ ইদুকেস্নল রিসর্স এন্দ ত্রেনিং (এন.সি.ই.আর.তি.) অমসুং উনেস্কো ন্যু দিল্লী ওফিসনা মসিগী বুকলেৎ অসি পুথোকপনি। বুকলেৎ অসিনা মমা মাপাশিং অমসুং ইদুকেতরশিংন মখোয়গী অঙাংশিং ইন্তর্নেৎ করম্না সেফ ওইনা শিজিন্নগদগে তাকপদা মতেং পাংদুনা তঙাইফদবা তৌগদবা অমসুং তৌরোইদবগী খুথাংদা অঙাংশিং, নহা ওইরিবা মীওইশিং সেফ ওনলাইন্দা থম্বদা মতেং পাংগনি।

অকুপ্পা ৱারোলগীদমক: https://pib.gov.in/PressReleasePage.aspx?PRID=1629603

বহরেন অমসুং ওমানদগী হলকপা ভারত মচা ১৭৬ কোচিগী নেভেল বেজদা মপুং ফানা ক্বরেন্তিন তৌখ্রে

বহরেন অমসুং ওমানদগী হলকপা ভারত মচা ১৭৬ কোচিগী নেভেল বেজদা ঙসি মপুং ফানা ক্বরেন্তিন তৌবা লোইখ্রে। হৌখিবা হপ্তা অনিদগী সাউদর্ন নেভেল কমান্দ কোবিদ কেয়র সেন্তর (সি.সি.সি.)দা লৈরকখিবা রেসিদেন্সশিং হৌজিক লৈবাক অসিগী তোঙান-তোঙানবা শরুকশিংদা চৎখ্রগনি। রেসিদেন্ত পুম্নমক মখোয়না লৈরিঙৈ মতম মনুংদা আর.তি.-পি.সি.আর. তেস্তশিং তৌখি অমদি থাদোক্ত্রিঙৈ মাংওইননা নেগতিব ওইখি। ওমানদগী হলকপা ভারত মচা ৪৯ ঙসি সি.সি.সি.দগী থাদোকখ্রে, অদুগা বহরেনদগী হলকপা ১২৭না জুন ১ অমসুং ২গী মরক্তা ইন্দিয়ন নেভী ফেসিলিতী থাদোকখি।

অকুপ্পা ৱারোলগীদমক: https://pib.gov.in/PressReleasePage.aspx?PRID=1629423

মহারাস্ত্রদা বন ধন বিকাস কেন্দ্রাসনা হৌজিক ওইরিবা কোবিদ অৱাবা অসিদা ত্রাইবল গেদরর্শিংদা অনৌবা ৱাখল্লোনগী খোংথাং অমা ওইনা মতেং পাংখ্রে

ত্রিফেদ, মিনিস্ত্রি ওফ ত্রাইবল এফিয়র্সনা হৌদোকপা স্কিমগী মখাদা লিংখৎখিবা বন ধন বিকাস কেন্দ্রাসনা ত্রাইবলশিংনা মসিগী ৱারবা মতম অসিদা হিংনবগী পাম্বৈ পুথোকপদা মতেং পাংখ্রে। হৌজিক মায়োক্নরিবা অৱাবা অসিদা ত্রাইবল মীয়ামদা মমি তারিবা সেগমেন্ত অমদি মখোয়গী অয়াম্বা ইনকম অসি এপ্রিল-জুন থাশিংদা অপীকপা উমংগী পোত্থোকশিং পৈশিংবগুম্বা থবক থৌরমশিং অসিদগী মরাং কায়না লাকপা অসিনি। মহারাস্ত্রদা বন ধন স্কিমগী মাই পাকপা অদুদি স্তেৎ অসিনা কোবিদ-১৯গী অৱাবা মায়োক্নরবসু মসিগী মহৈ ফঙবা অসিনি।

অকুপ্পা ৱারোলগীদমক: https://pib.gov.in/PressReleasePage.aspx?PRID=1629423

সিভিল সর্ভিসেস একজামিনেসন ২০২৯গী লেমহৌরিবা কেন্দিদেৎশিংগী পর্সনেলিতী তেস্তশিং জুলাই ২০, ২০২০দগী পাংথোকপা হৌরগনি

কোবিদ-১৯না মরম ওইদুনা ওইরক্লিবা ফীভম অসি য়েংশিন্নবা ঙসি য়ুনিয়ন পব্লিক সর্ভিস কম্মিসনগী অখন্নবা মীফম অমা ঙসি পাংথোকখ্রে। কেন্দ্র লৈঙাক অমসুং তোঙান তোঙানবা স্তেৎশিংনা লোকদাউন হাংদোকপা অমসুং কোমথোকপশিং হেনগৎলকপা লাউথোকখিবা অসি য়েংলগা, কম্মিসন অসিনা চাংয়েংশিং/রিক্র্যুমেন্ত তেস্তশিং (আর.তি.শিং)গী শেমদোক্লবা মতম অদু লাউথোক্নবা ৱারেপ লৌখি। চাংয়েংশিং/আর.তি.শিংগী শেমদোক্লবা কেলেন্দরগী অকুপা ৱারোল য়ু.পি.এস.সি.গী ৱেবসাইৎতা ফোংখ্রে। সিভিল সর্ভিসেস একজামিনেসন ২০২৯গী লেমহৌরিবা কেন্দিদেৎশিংগী পর্সনেলিতী তেস্তশিং মখা চৎথবা ওইনা জুলাই ২০, ২০২০দগী পাংথোকপা হৌরগনি হায়না কম্মিসন অসিনসু ৱারেপ লৌখ্রে। কেন্দিদেৎশিং মশা-মশাদা পাও পীরগনি।

অকুপ্পা ৱারোলগীদমক: https://pib.gov.in/PressReleasePage.aspx?PRID=1629613

অৱাং নোংপোক অসি ভারতকী অনৌবা ব্যুজিনেসকী পন্থুংফম ওইনা মচিন তুমখৎলক্লগনি: দোক্তর জিতেন্দ্র সিংহ

য়ুনিয়ন মিনিস্তর ওফ স্তেৎ (আই/সি) ফোর দিবেলপমেন্ত ওফ নোর্থ ইস্তর্ন রিজন অমসুং মিনিস্তর ওফ স্তেৎ ইন প্রাইম মিনিস্তর্স ওফিস দোক্তর জিতেন্দ্র সিংহনা ঙসি হায়খ্রে অৱাং নোংপোক্কী মফম অসি তপ্না অদুবু চেৎনা ভারতকী ব্যুজিনেসকী পন্থুংফম অমা ওইনা হৌগৎলক্লি। অনৌবা পেরাদাইমশিং অসিনা কোবিদ-১৯গী মতুংদা শেমিৎলোন, ললোল ইতিক, সাইন্তিফিক রিসর্স অমসুং তোঙান তোঙানবা হীরমশিংদা অৱাং নোংপোক অসি লৈবাক অসিগী শেনমিৎলোনগী হব অমসুং স্তার্তঅপশিংগী ময়াম্না পাম্নবা পন্থুংফম অমা ওইনা হৌগৎলক্লগনি।

অকুপ্পা ৱারোলগীদমক: https://pib.gov.in/PressReleasePage.aspx?PRID=1629654

দোক্তর জিতেন্দ্র সিংহনা মোদী সরকার ২.০গী মখাদা দি.ও.পি.পি.দবল্যু.গী চহী অমগী এচিফমেন্তশিংদা ই-বুকলেৎ ফোঙখ্রে

কেন্দ্রগী মন্ত্রী দোক্তর জিতেন্দ্র সিংহনা ঙরাং ভিদিও কনফরেন্সকী খুথাংদা দিপার্তমেন্ত ওফ পেন্সন এন্দ পেন্সনর্স ৱেলফিয়র (দি.ও.পি.পি.দবল্যু.)গী চহি অমগী এচিফমেন্তশিংদা ই-বুকলেৎ অমা ফোঙখ্রে। দিপার্তমেন্তকী ওফিসর খুদিংমক্তা ৱা ঙাংলদুনা দোক্তর জিতেন্দ্রনা হায় পেন্সনরসশিংগী চরাংনবা অমসুং অকীবা কোকহন্নবা লুচিংলিবা দোক্তরশিং পুরক্তুনা কোবিদ-১৯দা দিপার্তমেন্ত মথৌগী ৱাংমা লান্না ৱেবিনার অমা শিনখি। মহাক্না হায় অতোপ্পা দিপার্তমেন্তশিংদা লৈত্রবা অহল ওইরবা অমসুং পোত্থারবা কয়াগী শেবা তৌবগী খুদোংচাবা ফঙবা অসিনা দিপার্তমেন্ত অসিগী মহৈ ওইরে।

অকুপ্পা ৱারোলগীদমক: https://pib.gov.in/PressReleseDetail.aspx?PRID=1629409

সি.এস.আই.আর. লেবনা কালেন্থাগী রিসর্স ত্রেনিং প্রোগ্রাম লৈবাক শিন-থুংনা পাঙথোক্কদৌরি

নোর্থ ইস্ত ইন্সতিত্যুৎ ওব সাইন্স এন্দ তেক্নোলোজী (এন.ই.আই.এস.তি.)না কোবিদ-১৯ লাইচৎনা মরম ওইদুনা লৈবাক অসিদা মহৈ-মশিংগী লমদা অপনবা লৈরিবা অসি কোকহন্নবগী মাইকৈদা চঙশিল্লি। জোরহাত্তা লৈবা সি.এস.আই.আর-এন.ই.আই.এস.তি.না সি.এস.আই.আর.গী দি.জি. দা. শেখর সি. মান্দেদগী লৈবাক শীনবা থুংনা সি.এস.আই.আর. সম্মর রিসর্স ত্রেনিং প্রোগ্রাম (সি.এস.আই.আর.-এস.আর.তি.পি.-২০২০) পাঙথোক্নবা অমসুং শীল-লাংনবা অয়াবা ফংখ্রে। ওনলাইন প্রোগ্রাম (সি.এস.আই.আর.-এস.আর.তি.পি.-২০২০) অসি লৈবাক অসিদা লৈরিবা সি.এস.আই.আর. লেবোরেতরী ৩৮দগী ফেকলতী অমসুং মেন্তরশিংনা পীগদৌরি।

অকুপ্পা ৱারোলগীদমক: https://pib.gov.in/PressReleasePage.aspx?PRID=1629412

দি এস.তি.না এস.সি. অমসুং এস.তি.শিংগী এস. অমসুং তি.গী ইন্তর্বেন্সনশিংগী খুথাংদা রেসিলিএন্স শাগৎখ্রে

দিপার্তমেন্ত ওফ সাইন্স এন্দ তেক্নোলোজী (দি.এস.তি.)গী দিভিজন সাইন্স ফোর ইকুইতি এম্পাৱর্মেন্ত এন্দ দিবেলপমেন্ত (সীদ)না নোলেজ ইন্সতিত্যুসনশিং (কে.আই) অমসুং সাইন্স এন্দ তেক্নোলোজী (এস.তি.)দা য়ুম্ফম ওইবা ‌এস.সি. অমসুং এস.তি.গী নন-গভর্মেন্ত ওর্গনাইজেসনশিংদা লৈবাকশিনবা থুংনা লোকদাউন তৌরিবা অসিনা হিংবা অমসুং কম্ম্যুনিতিগী শেল-থুমগী ফিফমশিং শোকহল্লিবা অসিদা মতেং পাংনবা গ্রান্ত-ইন-এদ মতেং পীখ্রে।

অকুপ্পা ৱারোলগীদমক: https://pib.gov.in/PressReleasePage.aspx?PRID=1629610

পি.আই.বি. ফিল্দ ওফিসশিংদগী ফংবা পাউ

• পঞ্জাব: লাইচৎ অসি শন্দোরকপা লাকশিন্ননবা কোবিদ-১৯ নারবা মীওইশিং মতম চানা খঙদোক্নবা মীয়ামগী স্ক্রীনিং তৌবা কনশিন্নবা, লনাই হোস্পিতালশিং/ক্লিনিকশিং অমসুং লনাই লেবশিংনা থাখিবা কোবিদ-১৯গী সেম্পলশিংগীদমক আর.তি.-পি.সি.আর. তেস্ত তৌবা অসি শেল তিংদনা লেম্না তৌনবা পঞ্জাব লৈঙাকনা ৱারেপ লৌখ্রে। প্রোতোকলগী মতুং ইন্না, মথৌ তাবা পুথোক পুশিনশিং অমসুং সেম্পলশিং খোমজিনবা, মখোয়বু পেক তৌবা অমসুং মনাক নকপা লৈঙাক্কী হেলথ ফেসিলিতীদা থানবা মসি লনাই হোস্পিতাল অদুনা শীনগনি।
• হরিয়ানা: কোবিদ-১৯গী অৱাবা মাইয়োক্নরিঙৈ চৈরক অসিদা ললোন ইতিক্তা পীবা চৈথেং অসি হন্থহনবা মখল কয়াগী ওর্গনাইজেসনশিংদা মতেং পাংনবা, স্তার্তঅপ ইন্দিয়াগা চুংশিন্নদুনা হরিয়ানা লৈঙাকনা ভর্চ্যুল মেন্ত্রশিপ ৱার্কশোপ সেরিস পাংথোকখ্রে।ভর্চ্যুল মেন্ত্রশিপ ৱার্কশোপ সেরিস অসি স্তার্তঅপশিংগী লম্বী চাওথোকহনবা অমসুং মরু ওইনা মালেম পুম্বদা অৱাবা তাবা মতমদা মখোয়গী থাজবা অদু হেনগৎহনবদা মখোয়বু মতেং পাংনবা পন্দম থমদুনা হোৎনবনি। মসিদা ইন্দস্ত্রীগী এক্সপর্তশিংনা মখোয়না খঙলিবা অদুদগী তমহৌবা অমসুং মখোয়গী বিজিনেসশিং অদু হৌদোকহনবা/হেনগৎহন্নবা থবক থৌরাংশিং তৌবা অদু খঙনবা মখোয়গা লোয়ননা ৱারি শাবগী খুদোংচাবা ফংবগা লোয়ননা অঙনবা মতমদা স্তার্তঅপশিং হৌনবগী মরমদা থা অহুমগী ওইবা ইমর্সিব প্রোগ্রাম অমনি। প্রোগ্রাম অসিদা গ্রুপ সেসনশিংগী অমসুং ৱান-তু-ৱান সেসনশিংগী অপুনবা ওইনা য়াওই।
• কেরেলা: অনলোক ১.০গী শরুক অমা ওইরিবা লাইনিং-লাইশোনগী ওইবা লাইখোইরমফমশিং অমসুং মোলশিং হাংবা অসিগী মাইয়োক্তা স্তেৎ অসিদা হাংলমবগী আই.এম.এ.না চেকশিন ৱা হায়রকখ্রে, মসিনা মরম ওইরগা মফম মরাং খঙদবদগী হৌরক্লগা কেসকী মশীং হেনগৎহল্লকপা অমসুং মসিনা কম্ম্যুনিতী ত্রান্সমিসন থোকহল্লকপা য়াবা অদুসু খঙহনখি। কেন্দ্রনা থোকখিবা অনৌবা এস.ও.পি.শিংদা য়ুম্ফম ওইরগা অনলোক ১.০গী চৎনা কাংলোনশিং ঙসি স্তেৎ লৈঙাকনা থোক্লগনি। কোচিকোদতা মীরোনবি নুপী অমা কোবিদ পোজিতিব ওইখিবগী মতুংদা, স্তাফ কয়া দোক্তরশিং য়াওনা ক্বারন্তিন তৌখ্রে। কোচিকোদ কল্লেক্তরনা মভুর পঞ্চায়েৎ অসিদা মীওই কয়া কোবিদ-১৯ পোজিতিব ওইরকখ্রবা মতুং পঞ্চায়েৎ অসি কন্তেনমেন্ত জোন ওইনা লাউথোকপগী ওর্দর থোকখ্রে। স্তেৎ অসিদা ঙরাং অনৌবা কোবিদ-১৯ কেস ৯৪ থেংনখি। অপুনবা কনফর্ম কেস মশীং ১.৫৮৮ শুখ্রে অমসুং অনাবা ৮৮৪না তোঙান তোঙানবা হোস্পিতালদা লাই্য়েং চৎথরি।
• তামিল নাদু: তামিল নাদুগী মন্ত্রী মঙানা চেনাইগী জোন ১৫দা কোবিদ-১৯ লাকশিন্নবা য়েংশিনখ্রে। স্তেৎ অসিনা চীফ মিনিস্তরগী কমপ্রিহেনসিব হেলথ ইন্সুরেন্স স্কিমগী মখাদা লনাই হোস্পিতালশিংদা কোবিদ-১৯ লাইয়েংবা য়াহনখ্রে অমসুং লাইয়েংবগী রেৎশিং কেপ তৌখ্রে। তামিল নাদুদা ঙরাং কেস ১,৩৮৪ অমসুং শীখিবা ১২ রিপোর্ত তৌরকখ্রে; চেনাইদা পোজিতিব কেস ১,০৭২ হেনগৎখ্রে। ঙরাং ফাওবদা অপুনবা কেস: ২৭২৫৬, এক্তিব কেস: ১২১৩২. শীখিবা: ২২০. দিচার্জ তৌখিবা: ১৪৯০১। চেনাইগী এক্তিব কেস ৯০৬৬ ওইরি।
• কর্নাতক: এম.জি.এন.আর.ই.জি.এ.গী মখাদা মহারাস্ত্রদগী হল্লকপা মাইগ্রেন্ত লেবর্রশিংদা স্তেৎ অসিনা থবকশিং পীনবা শেমশরে হায়না রুরেল দেবেলপমেন্ত মন্ত্রীনা ফোংদোকখ্রে। প্লাসমা থেরাপি তৌদুনা লাইয়েংলকখিবা অনিশুবা কোবিদ-১৯ নাবা মীওই অদু ‘ফগৎলকখ্রে’ অমসুং আই.সি.য়ু.দগী পুথোরকখ্রে হায়না হকশেল মন্ত্রীনা ফোংদোকখ্রে।অনৌবা কেস ২৫৭. দিচার্জ তৌখিবা ১০৬ অমসুং শীখিবা মরি ঙরাং রিপোর্ত তৌরকখি। ঙরাং ফাওবা অপুনবা পোজিতিব কেস: ৪৩২০, এক্তিব কেস: ২৬৫১, শীখিবা: ৫৭, ফগৎখিবা: ১৬১০।
• অন্ধ্র প্রদেশ: হোতেলশিং অমসুং রেস্তোরেন্তশিং, এ.পি.তি.দি.সি.গী হোতেলশিং য়াওনা .জুন ৮দা মখোয়না থবক চৎথবা হৌবা মতমদা ঙাক্কদবা এস.ও.পি.শিং স্তেৎনা থোকখ্রে। নোংমদা ভক্ত ৬০০০ খক্তা চংবা য়াহন্দুনা জুন ১১দগী তিরুমলা দর্সন তৌবা হৌরগনি। ৱার্ল্দ এনভাইর্মেন্ত দেগা ইরোইন্না এ.পি. এনভাইর্মেন্ত মেনেজমেন্ত এজেন্সিগী লুচিং মখাদা স্তেৎ লৈঙাক্তা অমোৎপা ত্রান্সফর তৌনবগী ওনলাইন প্লেৎফোর্ম অমা সি.এম.না লোঞ্চ তৌখ্রে।পুং ২৪ অসিদা সেম্পল ৯৮৩১ তেস্ত তৌবদা, অনৌবা কেস ৫০, দিচার্জ তৌখিবা ২১ অমসুং শীখিবা অনি রিপোর্ত তৌরকখ্রে। অপুনবা কেস: ৩৪২৭, এক্তিব: ১০৬০, ফগৎপা: ২২৯৪, শীখিবা: ৭৩। অপুনবা পোজিতিব ওইখিবা মাইগ্রেন্ত মশীং অসি ৭০০নি লোয়ননা মখোয়গী মনুংদা ৪৪২ এক্তিব ওইরি। মপাল লমদগী ১২৩ কেসকী মনুংদা ১১৯ এক্তিব ওইরি। হৌজিক ফাওবা তেস্ত তৌখিবা অপুনবা মশীং অসি ৪,২৩,৫৬৪নি।
• তেলঙ্গনা: লৈঙাকনা হৌজিক চৎথরিবা ভন্দে ভারত মিসন অসিগী অহুমশুবা তাঙ্কক লোঞ্চ তৌনবা শেমশরিঙৈ অসিদা, ময়ুমদা হন্নবা ঙাইরিবা মীওই চামা হেনবনা ওথোরিতীশিংদা মতেং পাংবিনবা হায়জরকখ্রে।লৈঙাকনা চল্লাইবা হোস্পিতালশিংদা মথৌ তৌরিবা দোক্তর ৩৭ কোবিদ-১৯ পোজিতিব ওইরকখিবা অসি হকচিন্না লৌদুনা, মখোয়গী দোক্তরশিং, নর্সশিং, পেরামেদিকেল স্তাফ অমসুং অতোপ্পা হকশেলগী থবক তৌরিবশিংগীদমক কান্ননবা লৈঙাকনা পর্স্নেল প্রোতেক্তিং ইক্বিপমেন্ত (পি.পি.ই) অমসুং অতোপ্পা চেকশিন থৌরাংগী পোৎলমশিং পীথরি হায়রগা করম্না কোরোনাভাইরস শন্দোরক্লিবনো হায়না তেলঙ্গনা হাই কোর্তনা অঙকপা পোকখ্রে। জুন ৩দা অপুনবা কেস অসি ৩১৪৭ শুই। তাং অসি ফাওবদা মাইগ্রেন্ত, মপাল লমগী রিতর্নী ৪৪৮ পোসিতিব ওইখি।

পি.আই.বি. ফেক্ত চেক

******