Da kaba pynkhlain ïa ka jingkut jingmut jong ka ban pynlong ïa ki kam phlim kiba lah ban ïoh da baroh, ka International Film Festival of India (IFFI) kaba 56 ka la wanrah ïa ka CineDubs, ka app ba kyrshan ïa ki sur ba bun jait kaba ai bor ïa ki nongpeitkai ban mad ïa ki phlim ba la jied na ka bynta ka tamasa ha ka ktien kaba ki kwah. Kane ka sienjam kaba thymmai ka pyni ïa ka jingthmu jong ka IFFI ban pdiang ïa ka jingiar, ban kyntiew ïa ka jingioh bynta lang, bad ban pynthikna ba ka cinema ka dei ka jingïashem lang na ka bynta baroh.

CineDubs: Ka kam phlim khlem da don pud

Ka CineDubs app ka ailad ïa ki nongpeit phlim ban ïohi ïa ki phlim hapoh ki jaka peit phlim ha ka ktien ba ki kwah—khlem da kheiñ ïa ka ktien ba la pyni ïa ka phlim. Da ka rukom treikam kaba suk bad kaba ryntih, ki nongpyndonkam ki lah ban:

• Download ia ka audio track ba ki kwah ha ka app
• Ka ailad ba ka app kan pyniahap hi dalade bad ka phlim da kaba pyndonkam ia ka audio-synchronisation teknoloji
• Mad ia ka jingshem jong ka phlim kaba pynngam jylliew, kaba la pynbeit kyrpang, bad kaba khlem jingkhanglad

Da kaba weng ia ki jingeh ha kaba iadei bad ka ktien, ka CineDubs ka ailad ia ki nongpeitkai na ki thain bad ki ktien bapher bapher ban iawan lang bad ban rakhe ia ka kam phlim ha ka jinglong kaba ioh bynta lang.

Ki jingmyntoi jong ka CineDubs

Ha ki jaka peit phlim bad ki exhibition, ki Cinedubs ki lah ban khring ia ki nongpeitkai kiba kren bun jait ki ktien sha kajuh ka jingpyni. Ka lah ban kyntiew ia ka jingpeit ki show ba iadei bad ka ktien, bad ka ailad ia ki jingtreikam ba kham sted ha ki jaka peitkai. Kumta, ki nongpeit phlim ki lah ruh ban peit ia ki phlim ha ka ktien ba ki kwah, ban lap bad sngewtynnad ia ki phlim jong ka thain bad ka pyrthei ki bym shah ktah namar ki jing duna ha ka jingsngewthuh ia ki ktien, bad ban iasam ia ki jingshem ha ki phlim bad ki paralok bad kiba haiing hasem kiba kren ia ki ktien bapher bapher.

Ka jingkyntiew ia ka jinglah ban iohsngew ia ka sur ha ka IFFI 56

Da kaba pynïar shuh shuh ïa ka jingthmu jong ka ban ai bynta lang ia baroh, ka IFFI ka la wanrah ïa ki jingpyni ba kyrpang kiba kynthup ïa:

Audio Description (AD):

Ka ai ïa ki jingbatai ba la ïathuhkhana shaphang ki bynta ba lah ban ïohi, kaba iarap ïa ki nongpeitkai kiba don jingduna ha ka bor ïohi ban ïashim bynta pura bad ka jingïathuhkhana jong ka phlim.

Closed Captions (CC):

Ka ai ia ki jingthoh ha ka screen na ka bynta ki jingiakren, ki jingpynsawa ia ki sur, bad ki bynta ba kongsan jong ka jingsawa, kaba kyrshan ia ki nongsngap kiba duna ka bor iohsngew.

Ka AD bad ka CC ki pynthikna ia ka jinglong ha ki cinema kaba kham kynthup lang ha kaba uwei pa uwei u nongpeit—khlem da khein ia ka jinglah ban sngewthuh—u lah ban mad ia ka bor jong ki phlim.

Ka sienjam sha ka lawei kaba kham ioh bynta lang

Da ka jingpyniasoh lang ia ki CineDubs bad ki jingkyntiew ia ki jingdonkam ban ioh, ka IFFI kaba 56 ka dang iai bteng ban pynkhih ia ki pud jong ka jingioh bynta lang ha ki tamasa phlim ha ka pyrthei. Kane ka sienjam ka pynskhem biang ïa ka jingaiti jong ka IFFI ban thaw ïa ka jaka shna phlim ha kaba ka ktien bad ka jingïoh bynta lang kim dei shuh ki jingkhanglad, hynrei ki jingkieng kiba pynïatylli ïa ki nongpeitkai.

Shaphang ka IFFI

La sdang ha u snem 1952, ka International Film Festival of India (IFFI) ka ieng skhem kum ka jingrakhe kaba la rim bad kaba heh tam ha South Asia ha ka kam ba iadei bad ki phlim. La pynlong lang da ka National Film Development Corporation (NFDC), ka Tnad Information and Broadcasting, Sorkar india bad ka Entertainment Society of Goa (ESG), ka Sorkar Jylla Goa,kane ka tamasa ka la nangroi sha ka jaka ba don bor ha ka pyrthei ha ka kam pynmih phlim—ha kaba ki phlim hyndai ba la pynthymmai ki ïakynduh ïa ki jingpyrshang ba shlur bad ki briew kiba la pynskhem ialade ha kane ka kam ki iakynduh ia kito kiba dang sdang ha kane ka kam. Kaba pynlong ïa ka IFFI ban tyngshaiñ shisha ka dei ka jingbun ki bynta—ki jingïakob ha kylleng ka pyrthei, ki jingpyni ïa ka kolshor, ki masterclass, ki jingai burom, bad ka WAVES Film Bazaar ba shitrhem bha, ha kaba ki jingmut, ki jingïateh bad ki jingïatreilang ki kiew shaphrang. Ha ka jingpynlong ha rud duriaw jong ka Goa naduh ka 20–28 tarik u Naiwieng, ka bynta kaba 56 kan don ki bynta jong ki ktien bapher bapher , ki jait phlim bapher bapher, ki jingsaindur thymmai, bad ki sur—ka jingrakhe ïa ka jingtbit ka India ha ka kam saindur jong ka pyrthei.

Ban ioh jingtip shuh shuh, shon ha ka:

IFFI Website: https://www.iffigoa.org/

PIB’s IFFI Microsite: https://www.pib.gov.in/iffi/56new/

PIB IFFIWood Broadcast Channel:  https://whatsapp.com/channel/0029VaEiBaML2AU6gnzWOm3F

X Handles: @IFFIGoa, @PIB_India, @PIB_Panaji

* * *