ସିନେଡବ୍ସ ଏକୀକରଣ ସହିତ ସୁଗମ୍ୟତା ଏବଂ ସମାବେଶନ ବଢ଼ାଇଲା 56ତମ ଭାରତ ଅନ୍ତର୍ଜାତୀୟ ଚଳଚ୍ଚିତ୍ର ମହୋତ୍ସବ
ସମସ୍ତଙ୍କ ପାଇଁ ଚଳଚ୍ଚିତ୍ରର ପହଞ୍ଚକୁ ସହଜ କରିବା ଲାଗି ନିଜର ପ୍ରତିବଦ୍ଧତା ବ୍ୟକ୍ତ କରି ଏକ ଗୁରୁତ୍ୱପୂର୍ଣ୍ଣ ପଦକ୍ଷେପ ନେଇଛି 56ତମ ଭାରତ ଅନ୍ତର୍ଜାତୀୟ ଚଳଚ୍ଚିତ୍ର ମହୋତ୍ସବ (ଆଇଏଫଏଫଆଇ)। ଗୋଆରେ ଅନୁଷ୍ଠିତ ଏହି ମହୋତ୍ସବରେ ସିନେଡବ୍ସର ଶୁଭାରମ୍ଭ କରାଯାଇଛି। ଏହା ଏକ ବହୁଭାଷୀ ଅଡିଓ-ସପୋର୍ଟ ଆପ୍ ଯାହା ଦର୍ଶକଙ୍କୁ ସେମାନଙ୍କ ପସନ୍ଦର ଭାଷାରେ କିଛି ଚୟନିତ ମହୋତ୍ସବ ଚଳଚ୍ଚିତ୍ରର ଅନୁଭବ କରିବାର ସୁବିଧା ଦେଇଥାଏ। ଏହି ଅଭିନବ ପଦକ୍ଷେପ ଆଇଏଫଏଫଆଇର ବିବିଧତାକୁ ଗ୍ରହଣ କରିବା, ଅନ୍ତର୍ଭୁକ୍ତିକରଣକୁ ପ୍ରୋତ୍ସାହିତ କରିବା ଏବଂ ଚଳଚ୍ଚିତ୍ରକୁ ସମସ୍ତଙ୍କ ପାଇଁ ଏକ ସହଭାଗୀ ଅଭିଜ୍ଞତାରେ ପରିଣତ କରିବା ସୁନିଶ୍ଚିତ କରିବାର ଦୃଷ୍ଟିକୋଣକୁ ପ୍ରତିଫଳିତ କରିଥାଏ।
ସିନେଡବ୍ସ ଆପ୍ ଦର୍ଶକମାନଙ୍କୁ ଥିଏଟର ଭିତରେ ନିଜ ପସନ୍ଦର ଭାଷାରେ ଚଳଚ୍ଚିତ୍ରକୁ ଉପଭୋଗ କରିବାର ସୁବିଧା ଦେଇଥାଏ। ଚଳଚ୍ଚିତ୍ର ଯେକୌଣସି ଭାଷାରେ ପ୍ରଦର୍ଶିତ ହେଉନା କାହିଁକି ସେମାନଙ୍କୁ ଏହି ଆପ୍ ନିଜ ପସନ୍ଦର ଭାଷାରେ ତାହାକୁ ପରିବେଷଣ କରିବ। ଏହା ପେଟେଣ୍ଟେଡ୍ ଅଡିଓ-ସିଙ୍କ ଜ୍ଞାନକୌଶଳ ଜରିଆରେ ଆପ୍କୁ ଫିଲ୍ମ ସହିତ ଆପେ ଆପେ୍ ସିଙ୍କ୍ ହେବାକୁ ଦେଇଥାଏ। ଏହା ଏକ ବ୍ୟକ୍ତିଗତ, ଗଭୀରତାପୂର୍ଣ୍ଣ ଏବଂ ବାଧାମୁକ୍ତ ଚଳଚ୍ଚିତ୍ର ଅନୁଭବ ପ୍ରଦାନ କରିଥାଏ। ଭାଷାଗତ ବାଧା ଦୂର କରି ସିନେଡବ୍ସ ବିଭିନ୍ନ ଅଞ୍ଚଳ ଏବଂ ଭାଷାଗତ ପୃଷ୍ଠଭୂମିର ଦର୍ଶକମାନଙ୍କୁ ଏକାଠି କରିବ। ଯାହାଫଳରେ ଚଳଚ୍ଚିତ୍ର ମହୋତ୍ସବ ପ୍ରକୃତରେ ସମାବେଶୀ ହୋଇପାରିବ। ସିନେମା ହଲ ଏବଂ ପ୍ରଦର୍ଶନୀରେ ସିନେ ଡବ୍ସ ଗୋଟିଏ ସ୍କ୍ରିନିଂ ପାଇଁ ବହୁଭାଷୀ ଦର୍ଶକଙ୍କୁ ଆକର୍ଷଣ କରିପାରିବେ।
56ତମ ଆଇଏଫଏଫଆଇରେ ସୁଗମ୍ୟତାକୁ ବଢ଼ାଇବା ଲାଗି ଅନେକ ପଦକ୍ଷେପ ଗ୍ରହଣ କରାଯାଇଛି। ଦୃଶ୍ୟର ବର୍ଣ୍ଣନା ଶୁଣାଇ ଦୃଷ୍ଟିହୀନ ଦର୍ଶକଙ୍କୁ ଚଳଚ୍ଚିତ୍ରର କାହାଣୀ ସହ ସମ୍ପୂର୍ଣ୍ଣ ଭାବେ ଯୋଡ଼ି ହେବା ଲାଗି ବ୍ୟବସ୍ଥା କରାଯାଇଛି । ସଂଳାପ, ଶବ୍ଦ ଏବଂ ଗୁରୁତ୍ୱପୂର୍ଣ୍ଣ ଅଡିଓ ସଙ୍କେତଗୁଡ଼ିକୁ ପାଠ୍ୟ ଭାବରେ ପ୍ରଦର୍ଶନ କରି ଶ୍ରବଣ-ବାଧିତ ଦର୍ଶକଙ୍କୁ ସମର୍ଥନ କରେ। ସିନେଡବ୍ସର ସମନ୍ୱୟ ଏବଂ ଉନ୍ନତ ସୁଗମ୍ୟତା ବୈଶିଷ୍ଟ୍ୟ ସହିତ, 56ତମ ଆଇଏଫଏଫଆଇ ବିଶ୍ୱ ଚଳଚ୍ଚିତ୍ର ମହୋତ୍ସବରେ ଅନ୍ତର୍ଭୁକ୍ତିକରଣର ସୀମାକୁ ଆଗକୁ ବଢାଇବା ଜାରି ରଖିଛି।
******
PS
रिलीज़ आईडी:
2195214
| Visitor Counter:
16
इस विज्ञप्ति को इन भाषाओं में पढ़ें:
Marathi
,
English
,
Konkani
,
Gujarati
,
Kannada
,
Manipuri
,
Assamese
,
Bengali
,
Khasi
,
Urdu
,
हिन्दी
,
Punjabi
,
Tamil
,
Malayalam