৫৬ শুবা ইন্তরনেসনেল ফিল্ম ফেষ্টিবেল ওফ ইন্দিয়া (ইফি) দা সিনেদবস হাপচিন্দুনা মীওই খুদিংমক লাইনা শরুক য়াবা হেনগৎহল্লে
#IFFIWood, 26 November 2025
মীওই কাংলুপ খুদিংমক সেনিমা য়েংবা ফংহন্নবা মসিগী পান্দম মপাঙ্গল কনখৎহন্দুনা, খনগৎলবা ফিল্ম খরদা ভাবকশিংনা মখোয়গী অপাম্বা লোলশিংদা য়েংবা য়াহল্লবা লোল কয়াগী এপ্প সিনেদবস ৫৬ শুবা ইন্তরনেসনেল ফিল্ম ফেষ্টিবেল ওফ ইন্দিয়া (ইফি) হাপচিল্লে। খেন্নবশিং ইকায়খুম্নবা উৎপা, মীওই কাংলুপ খুদিংমক কোনশিনবা অমসুং মীওই খুদিংমক সেনিমাগী মহাও অমা ফংহন্নবা ৫৬ শুবা ইন্তরনেসনেল ফিল্ম ফেষ্টিবেল ওফ ইন্দিয়া (ইফি) গী পান্দম অদু অনৌবা থবক অসিদা মমি তারে।
সিনেদবস: অপনবা অমতা লৈতবা সেনিমা
উৎলিবা ফিল্ম অদুগী লোল অদু খঙদ্রবসু- ভাবকশিংনা থিয়েতরশিংগী মনুংদা মখোয়না অপাম্বা লোলশিংদা সেনিমা য়েংবা সিনেদবস এপ্পনা য়াহল্লে। অরাইবা অমসুং ইকোম কোম্বা থবক অমনা, ভাবকশিংনা য়াগনি:
• মখোয়না অপাম্বা ওদিও ত্রেক অদু এপ্পতগী লৌথবা য়াগনি
• পেতেন্ত তৌরবা ওদিও-সিনক্রোনাইজেসন তেক্নোলোজি শীজিন্নদুনা এপ্প অদুনা ফিল্ম অদুগা ওতো-সিং তৌগনি
• অঙকপা, ইশাগী অপাম্বা অমসুং অপনবা লৈতবা সেনিমা য়েংবগী নুংঙাইবা অমা ফংগনি
লোল খঙদবগী খুদোংচাদবশিং কোকহন্দুনা, তোঙান তোঙানবা মফমশিং অমসুং লোল কয়াগী ভাবকশিং পুনশিনবা অমসুং অপুনবা ফিবম অমদা সেনিমা নুংঙাইনা য়েংহনবা সিনেদবসনা ঙমহল্লে।
সিনেদবসকী কান্নবশিং
হোলশিংদা, চপ মান্নবা স্ক্রিন অমদা তোঙান তোঙানবা লোলগী ভাবকশিং য়েংহনবা সিনেদবসনা ঙম্লে। মসিনা অকক্নবা লোলগী সোশিংদা য়েংবা হেনগৎহল্লে অমসুং ওদিওতোরিয়মগী থবকশিং হেন্না খুদোংচাহল্লে। মতৌ অসুম্না, ভাবকশিংনা মখোয়না পাম্বা লোলশিংদা লমদম অমগী অমসুং মালেমগী সেনিমাশিং য়েংবা য়ারে অমসুং তোঙান তোঙানবা লোল ঙাংবা মরুপশিং অমসুং ইমুং-মনুংগা ফিল্ম য়েংমিন্নবা য়ারে।
৫৬ শুবা ইফিদা ওদিওগী খুদোংচাবা হেনগৎহল্লে
মীওই খুদিংমক য়েংবা ফংহন্নবা মসিগী পান্দম মখা চৎথরকপা ওইনা, ইফিনা অখন্নবা ফিল্মশিং উৎপা য়াওরে:
ওদিও দিস্ক্রিপসন (এ দি):
শক্তমশিং খোঞ্জেলনা ৱারি লীরে, মীৎ উদ্রবা মীওইশিং ফিল্মগী ৱারি মপুংফানা খঙবা ঙমহল্লে।
ক্লোজ কেপসনশিং (সি সি):
দাইলোগশিং, সাউন্দ ক্বিউশিং অমসুং তঙাইফদবা খোঞ্জেলশিং স্ক্রিন্দা তেক্স ওইনা উৎলে, তাবা ঙমদ্রবা ভাবকশিংদা খুদোংচাবা পীরে।
অপুনবা ওইনা, এ.দি অমসুং সি.সিনা ভাবক অমগী উবা অমসুং তাবা ঙমদবগী ৱাফম থিদনা খুদিংমক কোনশিনবা ফিবম অমদা ফিল্মশিংগী নুংঙাইবা ফংহনবা ঙম্লে।
মীওই খুদিংমক হেন্না কোনশিনবা তুংলমচৎ অমগী মাইকৈদা থাংজিনবা খোঙথাং অমা
সিনেদবস হাপচিনবগা লোয়ননা অমসুং মীওই খুদিংমক শরুক য়াবা হেনগৎহন্নবা খুদোংচাবশিং হেনগৎহনবগা লোয়ননা, মালেমগী ফিল্ম ফেষ্টিবেলশিংদা মীওই খুদিংমক শরুক য়াহন্নবা থবক পায়খৎনবা ৫৬ শুবা ইন্তরনেসনেল ফিল্ম ফেষ্টিবেল ওফ ইন্দিয়া (ইফি) না মখা তানা হোৎনরি। লোল অমসুং শরুক য়াবা য়াবগী অপনবা মখা তানা লৈতবা, অদুবু ভাবকশিং অমতা ওইনা পুনশিনবা সেনিমাগী মফম অমা শেমগৎনবা ইন্তরনেসনেল ফিল্ম ফেষ্টিবেল ওফ ইন্দিয়া (ইফি) গী কৎথোকপা অদু থবক অসিনা অমুক্কা হেন্না চেৎশিনহল্লে।
ইফিগী মরমদা :
১৯৫২ দা হৌদোকখিবা ইন্তরনেসনেল ফিল্ম ফেষ্টিবেল ওফ ইন্দিয়া (ইফি) খা এসিয়াগী খ্বাইদগী লিরবা অমসুং খ্বাইদগী চাউবা সেনিমাগী থৌরমনি। নেসনেল ফিল্ম দিবলপমেন্ত কোর্পোরেসন (এন এফ দি সি), ভারত সরকারগী ইনফোর্মেসন অমসুং ব্রোদকাষ্টিং মিনিষ্ট্রি অমসুং গৱা সরকারগী ইন্তরতেনমেন্ত সোসাইতি ওফ গৱানা পুন্না শীন্নবা ফেষ্টিবেল অসিদা অমুক হন্না শেমজিল্লবা ক্লাসিকশিংগা অনৌবা চাংয়েংশিংগা উনফম অমসুং শক্নাইরবা গুরুশিংনা অকিবা লৈত্রবা অহানবা ওইনা ফিল্ম পুথোকপশিংগা উনফম অমনি। মালেমগী ফিল্মশিং চাংদম্নবা, নাৎকী থৌরমশিং উৎপা, মাষ্টরক্লাসশিং, ইকায়খুম্নবা উৎপা অমসুং অনৌবা ৱাখল্লোনশিং, য়ানবা পুরকপা অমসুং পুন্না থবক তৌমিন্নবগী থবক পায়খৎলিবা ৱেবস ফিল্ম বাজারনা তশেংনা ইন্তরনেসনেল ফিল্ম ফেষ্টিবেল ওফ ইন্দিয়া (ইফি) গী মশক তাক্লি। নবেম্বর ২০-নবেম্বর ২৮ ফাওবগা গৱাগী ফরবা সমুদ্র মপান্দা পাংথোক্লিবা ৫৬ শুবা ইদিসন অসিদা তোঙান তোঙানবা লোলশিং, ফিল্ম মখল কয়া, অনৌবা কয়া অমসুং খোঞ্জেল কয়ানা মালেমগী ফম্বাক্ত ভারতকী হৈথোই-শিংথোইবা হরাওবা ফোঙদোক্লি।
অহেনবা ই-পাউগীদমক, নম্বীয়ু:
IFFI Website: https://www.iffigoa.org/
PIB’s IFFI Microsite: https://www.pib.gov.in/iffi/56/
PIB IFFIWood Broadcast Channel: https://whatsapp.com/channel/0029VaEiBaML2AU6gnzWOm3F
X Handles: @IFFIGoa, @PIB_India, @PIB_Panaji
***
रिलीज़ आईडी:
2195351
| Visitor Counter:
26
इस विज्ञप्ति को इन भाषाओं में पढ़ें:
Marathi
,
English
,
Konkani
,
Gujarati
,
Kannada
,
Assamese
,
Bengali
,
Khasi
,
Urdu
,
हिन्दी
,
Punjabi
,
Odia
,
Tamil
,
Malayalam