#IFFIWood, 26 नोव्‍हेंबर 2025

सगळ्यांखातीर सिनेमाचो अणभव आनीकूय सुलभ करपाच्या आपल्या बांधिलकिक बळकटी दित, 56व्या भारतीय आंतरराष्ट्रीय चित्रपट महोत्सवान (IFFI) CineDubs, हे एक बहुभाशी ऑडिओ-सपोर्ट अॅप सुरू केला. हाका लागून प्रेक्षकांक तांच्या आवडीच्या भाशेंत महोत्सवाच्या निवडक  चित्रपटांचो अणभव घेवपाक मेळटलो.  हे नाविन्यपूर्ण पावल विविधताय आपणावप, समावेशकतायेक प्रोत्साहन दिवप आनी सिनेमा हो एक सामायिक अणभव जातलो हाची खात्री करप ह्या IFFIच्या दृष्टिकोनाक अधोरेखित करता.

सिनेडब्स: सिनेमा विदाऊट बॅरियर्स

CineDubs अ‍ॅप सिनेमा पळोवप्यांक तांच्या आवडीच्या भाशेंतल्या सिनेमाचो आनंद घेवंक सक्षम करता - सिनेमा खंयचेय भाशेंत प्रदर्शीत जाता ताची पर्वा करिनासतना. सोंपें आनी सुरळीत प्रक्रिया वरवीं वापरप्यांक करपाक मेळटलें :

• तांच्या आवडीच्या भाशेचो ऑडियो ट्रॅक अ‍ॅपाचेर डावनलोड
• पेटंट केल्लें ऑडियो-सिंक्रोनायझेशन तंत्रज्ञान वापरून ऍप्लिकेशनाक फिल्मा बरोबर ऑटो-सिंक करपाक दिवचें
• एक विसर्जनशील, वैयक्तीक आनी आडमेळीं मुक्त सिनेमाचो  अणभव अणभवात

भाशेच्यो आडमेळीं मोडून, CineDubs प्रेक्षकांक वेगवेगळ्या प्रदेशांतल्या आनी भाशीक फाटभूंयच्या लोकांक एकठांय हाडून खऱ्या अर्थान समावेशक वातावरणांत सिनेमा मनोवपाची संद दिता.

सिनेडब्साचे फायदे

थिएटर्स आनी प्रदर्शनांनी CineDubs बहुभाशिक प्रेक्षकांक एकाच स्क्रीनिंगकडे आकर्शीत करूंक शकता. ताका लागून भास-विशिश्ट शोंत प्रतिसाद वाडूंक शकता आनी ऑडिटोरियमचे ऑपरेशन्स आनीकूय कार्यक्षम करता. ताका लागून प्रेक्षक आपल्या आवडीचे भाशेंत सिनेमा पळोवंक शकतात, थळाव्या आनी जागतीक चित्रपटांचो अणभव घेवंक शकतात आनी वेगवेगळयो भाशा  उलोवपी इश्ट आनी कुटुंबियां बरोबर चित्रपटाचो आनंद सामायिक करूंक शकतात.

IFFI 56 त ऑडिओ सुलभतेचो विस्तार

सुलभतायेचें आपलें मिशन फुडें व्हरत, इफ्फीन खाशेलीं प्रदर्शनां सुरू केल्यांत, तातूंत हाचो आस्पाव आसा :

ऑडिओ वर्णन (Audio Description - AD):

दृश्य घटकांचे वर्णनात्मक वर्णन करता, जाका लागून दृष्टीदोश आशिल्ल्या प्रेक्षकांक चित्रपटाच्या कथाकथनांत पुरायपणान वांटो घेवंक मेळटा.

क्लोज्ड कॅप्शन्स (Closed Captions - CC):

संवाद, ध्वनी संकेत आनी गरजेच्या ऑडियो घटकांखातीर ऑन-स्क्रीन मजकूर दितात, जाका लागून  श्रवणदोश आशिल्ल्या प्रेक्षकांक आदार दिता.

एडी आनी सीसी एकठांय येवन चड समावेशक सिनेमा वातावरण सुनिश्चीत करतात.

चड समावेशक फुडारा कडेन एक पावल 

सुधारित सुलभता वैशिष्ट्यां आनी सिनेडब्सच्या एकीकरणा वरवीं, 56वो IFFI, जागतीक चित्रपट महोत्सवांत समावेशकतायेच्यो शिमो हुंपता. भास आनी सुलभताय  आतां आडमेळीं न्हय तर प्रेक्षकांक एकठांय हाडपी पुल आसात अश्या,  इफ्फीच्या समर्पणाची हो उपक्रम परतून पुष्टी करता.

IFFI विशीं

1952 वर्सा सुरु जाल्लो भारतीय आंतरराष्ट्रीय चित्रपट महोत्सव (IFFI) दक्षिण आशियांतलो सगळ्यांत पोरनो आनी सगळ्यांत व्हडलो चित्रपट महोत्सव. राष्ट्रीय चित्रपट विकास म्हामंडळ (एनएफडीसी), म्हायती आनी प्रसारण मंत्रालय, भारत सरकार आनी गोंय मनरिजवण सोसायटी (ईएसजी) गोंय राज्य सरकार हांणी संयुक्तपणान आयोजीत केल्लो हो महोत्सव आता जागतिक चित्रपटसृष्टीतले शक्तीघर जाला. इफ्फीक खऱ्या अर्थान चमकावपी गजाल म्हळ्यार ताचे अद्वितीय मिश्रण -आंतरराष्ट्रीय सर्ती, सांस्कृतीक प्रदर्शनां, मास्टरक्लास आनी उच्च उर्जा आशिल्लो 'व्हेवज’ (WAVES) फिल्म बाजार, जंय कल्पना, वेव्हार आनी सहयोग आकार घेतात. 20 ते 28 नोव्हेंबर मजगती गोयांत जावपी ह्या 56व्या आवृत्तीत भाशा, शैली, नवोन्मेष आणि आवाजांचो एक दोळे दिपकावपी संग्रह सादर जातलो - जागतिक स्तराचेर भारताच्या सर्जनशील प्रतिभेचो एक मन भुलोवपी उत्सव.

For more information, Click on:

IFFI Website: https://www.iffigoa.org/

PIB’s IFFI Microsite: https://www.pib.gov.in/iffi/56/

PIB IFFIWood Broadcast Channel: https://whatsapp.com/channel/0029VaEiBaML2AU6gnzWOm3F

X Handles: @IFFIGoa, @PIB_India, @PIB_Panaji

* * *

PIB IFFI CAST AND CREW | सुभाष जाण/मोनाली प्रभू/दर्शना राणे | IFFI 56