Ka Tnat Information & Broadcasting
Iaid shakhmat ka Special Campaign 5.0 kylleng ka Tnad Information & Broadcasting bad ki Media Unit jong ka
Poi ka MIB sha ki mawmer ba kongsan hapoh ka Special Campaign 5.0: La pynduh 1.43 Lak Kg ki jaboh jabaiñ, 973 tylli ki jaka la pynkhuid, bad 14,000 tylli ki file la bishar bniah
Pynskhem biang ka Tnad I&B ia ka jingkut jingmut na ka bynta ka Swachhata, ka jingtreikam ba seisoh bad ka jingpyndep ia ki kam ba sahkut hapoh ka Special Campaign 5.0.
प्रविष्टि तिथि:
22 OCT 2025 1:56PM by PIB Shillong
Ka Special Campaign 5.0 ka dang ïaid shakhmat ha ka Tnad Information & Broadcasting ban pynskhem ïa ka Swachhata bad ban pynduna ïa ka jingsahkut ki kam
Ka Tnad Information & Broadcasting ryngkat bad ki Media Unit bad ki ophis treikam jong ka ha kylleng ka ri ki la iashim bynta shitrhem ha ka Special Campaign 5.0, kaba pynleit jingmut ha kaba pynkhuid ia ka jaka trei, ban pyndep ia ki kam kiba dang sahteng, bad ban kyntiew ia ka jingseisoh jong ki kam. Ka bynta ban pyntreikam ia ka Campaign ka la sdang naduh ka 2 tarik u Risaw, 2025 ryngkat ki sienjam kiba aiti lut ban pynurlong ia ki thong kiba la rai ha ka por ba pynkhreh ia ka campaign.
Ki jingjop ba kongsan jong ka Tnad ha ki ar taiew ba nyngkong jong ka Campaign naduh ka 2 tarik u Risaw - 17 tarik u Risaw, 2025 ki long kumne harum:
- Ka Tnad ka la pynlong 493 tylli ki campaign shabar, pynkhuid 973 tylli ki jaka bad 104 tylli ki kali ki dei kiba ym pyndonkam shuh.
- La pyllait kumba 1.43 lak Kg ki mar ba la duh kaba la pynmih pisa haduh T. 34.27 lak bad kumba 8007 sq ft ka jaka la pyllait.
- Kumba 13900 tylli ki file ki dei kiba la bishar bniah na kine 3957 tylli la pynduh noh. La bishar bniah haduh 585 tylli ki e-file bad na kine 165 tylli la khang noh.
- Baroh 301 tylli ki jingujor na ki paidbah, 57 tylli ki jingkyntu PG, 16 tylli ki kam kiba iadei bad ki MP, 2 tylli ki jingbthah na ki sorkar jylla bad 1 ka PMO la pyndep nalor kiwei pat ki jingjop.
- La phah ruh ia ka kynhun jong ki Ophisar na ka Tnad sha ki ophis bapher bapher ban peit ia ka jingiaid shaphrang jong ki kam bapher bapher hapoh ka Special Campaign 5.0.
Ka Tnad ka dang ïaineh ha ki thong jong ka Campaign ban pynthikna ïa ka jingkhuid jingsuba ha ki jaka trei, ban kyntiew ïa ka jingmih, ban pynskhem ïa ka Swachhata, ban pynbeit noh ha ka por ïa ki mat kiba dang sahteng bad ban kyntiew ïa ka jingpynïaid ïa ki e-waste ha ka por kaba biang, ban nohsynniang sha ka jingkhuid jingsuba bad ka jingiaineh jong ka ri.
Katto katne ki bynta ba kongsan jong ka Campaign la ai harum:
Ka jingpynkhuid ha kawei ka skul hapoh ka Special Campaign 5.0 jong ka PIB Imphal ban kyntiew ïa ka jingkhuid jingsuba bad ka mynsiem iatreilang ha ka imlang sahlang.
|
|
|
|
U Economic Adviser bad u Nodal Officer jong ka Tnad I&B ki la jurip ïa ka jingkhuid jingsuba bad ka jingwanrah ia ki kam Digital bad ka jingpynkhuid ïa ki file ha ka Record Room bad ki Section bapher bapher jong ka Tnad ha Shastri Bhawan.
|
******
(रिलीज़ आईडी: 2189854)
आगंतुक पटल : 12
इस विज्ञप्ति को इन भाषाओं में पढ़ें:
English
,
Urdu
,
Marathi
,
हिन्दी
,
Nepali
,
Assamese
,
Bengali-TR
,
Bengali
,
Punjabi
,
Gujarati
,
Odia
,
Tamil
,
Telugu
,
Kannada
,
Malayalam