Ka Tnat Kam Pla Tyngka jong ka Sorkar Pdeng
Dap shiphew snem ka jingpyntreikam ba seisoh ia ka Pradhan Mantri Jan Dhan Yojana (PMJDY) — Ka Kam ha baroh kawei ka ri ban plie lad ia baroh ban ioh ki jingshakri ha ki kam pisa
Ka PMJDY ka pyniasoh ia kiba duk ba suk ha ki kam ka ioh ka kot bad ka don ka bynta kaba heh ha ka jingkyntiew ia ki jaitbynriew ba shem jingeh: Myntri Sorkar Pdeng ba dei khmih ia ka tnad Kam Pla Tyngka Nirmala Sitharaman
Ka lad lyngba ka jingai jingmynjur ban pyniasoh ia ki Jan Dhan-Mobile-Adhaar ka dei kawei na ki rishot ba kongsan tam na ka bynta ka jingpyniasoh ha ki kam ka ioh ka kot – kaba plie lad ia ka jingpynpoi kaba sted bad kaba shai ia ki skhim ka Sorkar na ka bynta ka bha ka miat sha kito kiba dei ban ioh ia kine bad ka kyntiew ruh ia ki jingsiew jingdiah digital: Sitharaman
Ka PMJDY ka dei ka nuksa jong ka rukom trei ka Sorkar ha ka Mission Mode bad ka pyni kaei ba ka Sorkar ka lah ban pynurlong lada ka ieng skhem na ka bynta ka bha ka miat jong ki briew: Myntri Khynnah ka Tnad Kam Pla Tyngka Pankaj Chaudhary
Palat 53.14 klur ngut ki briew kiba la ioh bynta ha ki kam bank hapoh ka PMJDY naduh ba la sdang ia ka
Baroh ki jingkynshew pisa hapoh ki PMJDY Account
Posted On:
28 AUG 2024 7:45AM by PIB Shillong
Ka Pradhan Mantri Jan Dhan Yojana (PMJDY), ba la plie paidbah da u Myntri Rangbah Duh, Narendra Modi ha ka 28 tarik u Nailar 2014 ka la dap shiphew snem ka jingpyntreikam kaba seisoh mynta ka sngi.
Ka PMJDY ka dei ka kam kaba heh tam ha ka pyrthei na ka bynta ka jingai bynta lang ia baroh ha ki kam ka ioh ka kot bad ka Tnad Kam Pla Tyngka ka pyrshang ban ai jingkyrshan ia kito kiba shem jingeh bad kito kiba dang sah dien ha ka ioh ka kot lyngba ki kam kiba iadei bad ka ioh ka kot.
![Description: https://static.pib.gov.in/WriteReadData/userfiles/image/image001SUZV.jpg](file:///C:\Users\ASUS\AppData\Local\Temp\msohtmlclip1\01\clip_image001.jpg)
Ha kane ka sngi, ka Myntri Sorkar Pdeng ba dei khmih ia ki Tnad Kam Pla Tyngka bad ki Kam Kompani, Nirmala Sitharaman, ka la ong, “Ka jingioh baroh ia ki lad ban ioh ia ka jingshakri na ki bank ka dei kaba kongsan ban pynthikna ka jingioh bynta lang baroh ha ki kam ka ioh ka kot bad ka jingpynkupbor. Ka wanrah ia kiba duk ba suk ha ki kam ka ioh ka kot bad ka don ka bynta kaba heh ha ka jingkyntiew ia ki jaitbynriew ba shem jingeh.”
“Da kaba pynbiang ia ki jingai jingshakri ia baroh ha ki kam ka ioh ka kot – ba kynthup ia ki bank account, ki skhim kynshew pisa, insurance bad ka lad shim ram – ia kito ki bym pat ioh ia ki kam bank, ka PM Jan Dhan Yojana ka la pynkylla ia ka kam kaba iadei bad ki bank bad ka ioh ka kot jong ka ri ha kine ki shiphew snem ba la dep,” la ong ka Myntri ka Tnad Kam Pla Tyngka.
“Ka jingseisoh jong kane ka sienjam ka paw lyngba ki 53 klur ngut ki briew kiba la wanrah hapoh ki kam bank lyngba ka jingplie ia ki Jan Dhan Account. Kine ki bank account ki la wanrah ia ka jingkynshew pisa kaba kot sha ka T. 2.3 lak klur bad ka la wanrah ia ka jingai ei 36 klur tylli ki RuPay card, kiba pynbiang ruh ia ka insurance kaba T 2 lak haba don ki jingjia ba syndet. Lah ban shu kdew ba ym don jinglut jijngsep eiei ban plie ia kie ki account bad ym donkam ban buh kyrpang katno katno ka pisa ha kine ki account,” la ong ka Sitharaman.
“Ka long kaba sngewtynnad ba 67% kine ki account ki dei kiba la plie ha ki jaka nongkyndong bad ki jaka khap sor bad 55% na kine ki account ki dei kiba la plie da ki longkmie,” la ong ka Myntri.
“Ka jingplie lad ia ka jingai jingbit ban pyniasoh ia ki Jan Dhan-Mobile-Adhaar ka dei kawei na ki rishot ba kongsan tam na ka bynta ka jing pyniasoh ha ki kam ka ioh ka kot – kaba plie lad ia ka jingpynpoi kaba sted bad kaba shai ia ki skhim ka Sorkar na ka bynta ka bha ka miat sha kito kiba dei ban ioh ia kine bad ka kyntiew ruh ia ki jingsiew jingdiah digital
Ha kane ka sngi, u Myntri Khynnah ka Tnad Kam Pla Tyngka, Pankaj Chaudhary, u la ong, “Ka PMJDY kam dei tang ka skhim, hynrei ka dei ka kam kaba wanrah ia ka jingkylla kaba la plie lad ia ka jinglaitluid ha ka ioh ka kot jong ki briew ki bym ju ioh ki jingshakri na ki bank bad ka la wanrah ia ka jingshngain ha ka ioh ka kot.”
“U Mynrtri Rangbah Duh ha ka jingai jingkren ha ka lyngkhuh Sngi Ioh Jinglaitluid ha u 2021 u la pynbna ba baroh ki longiing ki dei ban don ka bank account bad baroh ki briew kiba la heh la san ki dei ban don ka insurance bad ka bai bam tymmen. Lyngba ki jingpyrshang ban pynurlong ia kane lyngba ki kam bapher bapher ha kylleng ka ri, ngi la jan pynbiang pura ia ki bank account bad ka jingdon ka insurance bad ka bai bam tymmen ka dang kiew ha ka ri,” la ong u Chaudhary.
“Lyngba ka jingkyrshan jong baroh kiba don bynta ha kane ka kam, ki bank, ki kompani insurance bad ki Sorkar Jylla, ngi dang iaid shaphrang sha ka imlang sahlang kaba kham biang ha ka jingioh bynta ha ki kam ka ioh ka kot bad ngin kynmaw shirta ia ka PMJDY kum ka jingwanrah jingkylla na ka bynta kane ka kam ha ka ri. Ka Pradhan Mantri Jan Dhan Yojana ka dei ka nuksa jong ka rukom trei ka Sorkar ha ka Mission Mode bad ka pyni kaei ba ka Sorkar ka lah ban pynurlong lada ka ieng skhem na ka bynta ka bha ka miat jong ki briew.
Ka PMJDY ka plie lad ia baroh ki briew kiba la heh la san ba kin don ka bank account. Ym donkam ban buh kyrpang katno katno ka pisa ha kine ki bank account bad ym don jinglut jingsep haba don kine ki account. Ha kine ki account, ioh ei ia ka RuPay Debit card bad ka insurance kaba T 2 lak haba don kano kano ka jingjia kaba syndet bad kine ki account ki kyntiew ruh ia ka jingai jingsiew digital. Kito kiba don PMJDY account ki don lad ruh ban sei tam ka pisa haduh T. 10,000 haba donkam pisa kyrkieh.
Ka jingiaid lynti ki kam ba la leh hapoh ka PMJDY ha kine ki shiphew snem ba la dep ki la wanrah ia ka jingkylla bad ka jingbujli ia ka lynti ha kaba ki bank bad ki jaka kiba trei ha ki kam pisa ki la lah ban ai jingshakri ia baroh ki briew ha ka imlang sahlang, wat ia kiba duk tam ha ka imlang sahlang ruh.
Ki PMJDY account ki la don ka bynta kaba khraw ha ka jingpynpoi ia ki Direct Benefit Transfer bad ki long ruh kum ka rynsan kaba suk ban ai ia ki subsidy / jingsiew da ka Sorkar sha kito kiba dei ban ioh ia kine khlem ka jingmushlia jong kiwei kiwei ki briew, ka lad ai jingsiew kiba suk ban pyndonkam, bad ka jinglang ki jingkynshew pisa. Shuh shuh, ki la pynsuk ia ka jingai ia ki insurance sha ki briew lyngba ki skhim Jan Suraksha (ki skhim micro insurance).
Ka Jan-Dhan Aadhaar bad mobile (JAM) trinity, ia kaba ka PMJDY ka long kiwei na ki rishot, ka la kylla sha ka lad ai subsidy kaba lait na ki jingmushlia. Lyngba ka JAM, hapoh ka Direct Benefit Transfer, ka Sorkar ka la ai ia ki subsidy bad ki jingmyntoi beit beit sha ki bank account jong kito kiba shem jingeh.
Ka jingpyntreikam kaba seisoh ia ka PMJDY ha kine ki 10 snem ba la dep ka la sakhi ia shibun ki mawmer. Ia ki mat ba kongsan bad ki jingjop jong ka PMJDY la pyni hangne harum.
- Ki PMJDY Account: 53.13 klur (haduh ka 14 tarik u Nailar 2024)
Haduh ka 14 tarik u Nailar 2024, ki don 53.13 klur tylli ki PMJDY account: 55.6% (29.56 klur) kiba don Jan-Dhan account ki dei ki longkmie bad 66.6% (35.37 klur) ki Jan Dhan account ki dei na ki jaka nongkyndong bad ki jaka khap sor.
![Description: https://static.pib.gov.in/WriteReadData/userfiles/image/image002XAPH.png](file:///C:\Users\ASUS\AppData\Local\Temp\msohtmlclip1\01\clip_image002.png)
- Ki jingkynshew pisa hapoh ki PMJDY account – 2.31 Lak Klur (Haduh ka 14 tarik u Nailar 2024)
Baroh ki jingkynshew pisa ha ki PMJDY account ki la kot sha ka T. 2,31,236 klur. Ki jingkynshew pisa ki la kiew kumba 15 shah bad ka jingdon ki account ka la kiew 3.6 shah (Nailar’24 / Nailar’15)
![Description: https://static.pib.gov.in/WriteReadData/userfiles/image/image003Q28P.png](file:///C:\Users\ASUS\AppData\Local\Temp\msohtmlclip1\01\clip_image003.png)
- Ka jingkynshew Average ha ki PMJDY account – T 4352 (Haduh ka 14 tarik u Nailar 2024)
Ka jingkynshew pisa Average ha man ki account ka long T. 4,352 haduh ka 14.08.2024. Kane ka la kiew 4 shah haba ianujor bad u Nailar 2015. Ka jingkiew jong kane ka jingkynshew ka dei sa kawei ka dak jong ka jingkiew ka jingpyndonkam ia kine ki account bad ka jingwanrah ia ka jingkynshew pisa ha ka jingmut jingpyrkhat jong kito kiba don ia kine ki account
![Description: https://static.pib.gov.in/WriteReadData/userfiles/image/image004PU21.png](file:///C:\Users\ASUS\AppData\Local\Temp\msohtmlclip1\01\clip_image004.png)
- Ka jingai ki RuPay Card sha kito kiba don PMJDY account: 36.14 klur (Haduh ka 14 tarik u Nailar 2024)
La ai 36.14 klur tylli ki RuPay card sha kito kiba don PMJDY account: Ka jingdon bad jingpyndonkam ia ki RuPay card ka la kiew katba dang iaid ka por.
![Description: https://static.pib.gov.in/WriteReadData/userfiles/image/image005G052.png](file:///C:\Users\ASUS\AppData\Local\Temp\msohtmlclip1\01\clip_image005.png)
Lyngba ka jingai palat 36.06 klur tylli ki RuPay debit card hapoh ka PMJDY, ka jingpynbiang 89.67 lak tylli ki kor PoS/mPoS bad ka jingwanrah ia ka lad ai jingsiew lyngba ki mobile kum ka UPI, ki jingai jingsiew digital ki la kiew na ka 2,338 klur ha u snem mang tyngka 18-19 sha ka 16,443 klur ha u snem mang tyngka 23-24. Baroh ki jingai jingsiew UPI ki la kiew na ka 535 klur ha u snem mang tyngka 2018-19 sha ka 13,113 klur ha u snem mang tyngka 2023-24. Kumjuh ki jingai jingsiew lyngba ki RuPay card ha ki PoS bad ki lad e-commerce ki la kiew na ka 67 klur ha u snem mang tyngka 2017-18 sha ka 96.78 klur ha u snem mang tyngka 2023-24.
Ka jingjop jong ka PMJDY ha ka rukom treikam Mission mode ka pyni ia ka, ka jingkyrshan, ki jingiatreilang ka Sorkar bad ki kynhun shimet, bad ka jingkongsan jong ki jingdon jingem kum ka Aadhaar kum ka jingpynshisha biometric.
Ka PMJDY ka la plie lad ia ka jingkynshew pisa bad ka la plie ia ki lad shim ram ia kito ki bym ju ioh ia kine ki lad mynshuwa. Kiba don account mynta ki lah ban pyni ia ki rukom kynshew pisa jong ki bad kane ka plie lad ia ki ba kin leit shim ram na ki bank bad ki jaka kiba trei ha ki kam pisa. Kaba iahap tam ha kane ka dei ki jingai jingsiew hapoh ki jingshim ram MUDRA, kaba la kiew da 9.8% ha kine ki san snem naduh u snem mang tyngka 2019 haduh u snem mang tyngka 2024. Kane ka lad ban ioh shim ram ka la wanrah jingkylla namar ka pynkup bor ia ki briew ba kin kyntiew ia ka ioh ka kot.
Ka PMJDY kum ka kam kaba heh tam ha ka pyrthei ban ai bynta ia baroh ha ki kam ka ioh ka kot, lyngba ka bor wanrah jingkylla jong ka bad ki sienjam digital ka la pynkylla pura ia kane ka jingai bynta ia baroh ha ki kam ka ioh ka kot ha India.
****
(Release ID: 2049501)
Visitor Counter : 21
Read this release in:
English
,
Urdu
,
Marathi
,
Hindi
,
Hindi_MP
,
Nepali
,
Bengali-TR
,
Manipuri
,
Bengali
,
Assamese
,
Punjabi
,
Gujarati
,
Odia
,
Tamil
,
Telugu
,
Kannada
,
Malayalam