பிரதமர் திரு நரேந்திர மோடி 2014 ஆகஸ்ட் 28 அன்று தொடங்கி வைத்த பிரதமரின் மக்கள் வங்கித் திட்டம் வெற்றிகரமாக இன்றுடன் 10 ஆண்டுகளை நிறைவு செய்தது. பிரதமரின் மக்கள் வங்கித் திட்டம் உலகின் மிகப் பெரிய நிதி உள்ளடக்க முன் முயற்சி திட்டமாகும். மத்திய நிதியமைச்சகம் நிதிசார் நடவடிக்கைகள் மூலம் விளிம்பு நிலை மக்கள் மற்றும் பொருளாதாரத்தில் பின்தங்கிய மக்களுக்கு தொடர்ந்து ஆதரவளித்து வருகிறது.

மத்திய நிதி மற்றும் பெரு நிறுவனங்கள் விவகாரத்துறை அமைச்சர் திருமதி நிர்மலா சீதாராமன் வெளியிட்டுள்ள செய்தியில், நிதி உள்ளடக்கம் மற்றும் அதிகாரமளித்தலை அடைவதற்கு முறையான வங்கி சேவைகளுக்கான உலகளாவிய மற்றும் குறைந்த செலவிலான அணுகுமுறை அவசியம் என்று கூறியுள்ளார். இது ஏழைகளை பொருளாதார ரீதியில் ஒருங்கிணைக்கிறது என்றும் விளிம்பு நிலை மக்களின் வளர்ச்சிக்கு முக்கியப் பங்காற்றுகிறது என்றும் தெரிவித்துள்ளார்.

"வங்கிக் கணக்குகள், சிறு சேமிப்புத் திட்டங்கள், காப்பீடு மற்றும் கடன் உள்ளிட்ட உலகளாவிய, குறைந்த செலவிலான, முறையான நிதி சேவைகளை வழங்குவதன் மூலம், பிரதமரின் மக்கள் வங்கித் திட்டம் கடந்த 10 ஆண்டுகளில் நாட்டின் வங்கி மற்றும் நிதி சூழலை மாற்றியுள்ளது" என்று மத்திய நிதியமைச்சர் கூறியுள்ளார்.

மக்கள் வங்கித் திட்டத்தில் கணக்குகள் தொடங்கப்பட்டதன் மூலம் 53 கோடி மக்கள் முறையான வங்கி அமைப்புக்குள் கொண்டு வரப்பட்டதில் இந்த முயற்சியின் வெற்றி பிரதிபலிப்பதாக அவர் குறிப்பிட்டுள்ளார். இந்த வங்கிக் கணக்குகள் ரூ.2.3 லட்சம் கோடி வைப்பு இருப்பைப் பெற்றுள்ளன. இதன் விளைவாக 36 கோடிக்கும் அதிகமான விலை இல்லா ரூபே அட்டைகள் வழங்கப்பட்டுள்ளன. இது ரூ. 2 லட்சம் விபத்து காப்பீட்டுத் தொகையையும் வழங்குகிறது. குறிப்பாக, கணக்கு தொடங்குவதற்கான கட்டணம் அல்லது பராமரிப்பு கட்டணங்கள் எதுவும் கிடையாது, குறைந்தபட்ச இருப்பை பராமரிக்க வேண்டிய அவசியமில்லை" என்றும் திருமதி சீதாராமன் கூறியுள்ளார்.

67% கணக்குகள் கிராமப்புற அல்லது சிறு நகர்ப்புற பகுதிகளில் திறக்கப்பட்டுள்ளன என்பதும், 55% கணக்குகள் பெண்களால் தொடங்கப்பட்டுள்ளன என்பதும் மகிழ்ச்சியளிப்பதாக மத்திய நிதியமைச்சர் தெரிவித்தார்.

மக்கள் வங்கிக் கணக்கில் – மொபைல் – ஆதார் இணைப்பு ஆகியவை நிதி உள்ளடக்கத்திற்கான மிக முக்கியமான தூண்களாகும் என்று அவர் தெரிவித்தார். இது அரசின் நலத்திட்டங்கள் தகுதியான பயனாளிகளுக்கு விரைவாக, தடையற்ற, வெளிப்படையான பரிமாற்றத்திற்கு உதவுவதுடன் டிஜிட்டல் பணப் பட்டுவாடாவை ஊக்குவிக்கிறது என்றும் திருமதி நிர்மலா சீதாராமன் குறிப்பிட்டார்.

இந்த நிகழ்ச்சியையொட்டி மத்திய நிதித்துறை இணையமைச்சர் திரு பங்கஜ் சவுத்ரி வெளியிட்டுள்ள செய்தியில், "பி.எம்.ஜே.டி.ஒய் (பிரதமரின் மக்கள் வங்கித் திட்டம்) என்பது ஒரு திட்டம் மட்டுமல்ல, வங்கிச் சேவை பெறாத பல மக்களுக்கு நிதி சுதந்திரத்தை சாத்தியமாக்கியுள்ளது மற்றும் நிதி பாதுகாப்பு உணர்வை ஏற்படுத்தியுள்ளது" என்று கூறினார்.

பிரதமர், தனது 2021 சுதந்திர தின உரையில், ஒவ்வொரு வீட்டிற்கும் வங்கிக் கணக்கு இருக்க வேண்டும் என்றும், வயது வந்த ஒவ்வொருவருக்கும் காப்பீடு மற்றும் ஓய்வூதிய பாதுகாப்பு இருக்க வேண்டும் என்றும் அறிவித்தார். நாடு முழுவதும் மேற்கொள்ளப்பட்ட பல்வேறு தொடர் இயக்கங்களோடு இந்த திசையில் தொடர்ச்சியான முயற்சிகள் மூலம், வங்கிக் கணக்குகளில் நாம் கிட்டத்தட்ட நிறைவை அடைந்துள்ளோம், மேலும் நாடு முழுவதும் காப்பீடு மற்றும் ஓய்வூதிய பாதுகாப்பில் தொடர்ச்சியான அதிகரிப்பு ஏற்பட்டுள்ளது என்று திரு சவுத்ரி கூறினார்.

"அனைத்து பங்குதாரர்கள், வங்கிகள், காப்பீட்டு நிறுவனங்கள் மற்றும் மாநில அரசுகளின் ஆதரவுடன், நாங்கள் நிதி ரீதியாக உள்ளடக்கிய சமூகத்தை நோக்கி நகர்கிறோம், மேலும் நாட்டில் நிதி உள்ளடக்கத்திற்கான ஒரு மாற்றத்தை ஏற்படுத்தக்கூடியதாக பி.எம்.ஜே.டி.ஒய் (பிரதமரின் மக்கள் வங்கித் திட்டம்) எப்போதும் நினைவில் கொள்ளப்படும். பிரதமரின் மக்கள் வங்கித் திட்டம் இலக்கு எட்டும் ஒரு முக்கிய உதாரணமாக விளங்குவது மட்டுமல்லாமல், மக்களின் நலனுக்காக அர்ப்பணிப்புடன் செயல்பட்டால் ஒரு அரசு எவற்றையெல்லாம் சாதிக்க முடியும் என்பதையும் எடுத்துக்காட்டுகிறது" என்று திரு சவுத்ரி கூறினார்.

பிஎம்ஜேடிஒய் (பிரதமரின் மக்கள் வங்கித் திட்டம்) வங்கிச்சேவை இல்லாத ஒவ்வொரு வயது வந்தவருக்கும் ஒரு அடிப்படை வங்கிக் கணக்கை வழங்குகிறது. இந்த கணக்கிற்கு எந்த இருப்பையும் பராமரிக்க வேண்டிய அவசியமில்லை மற்றும் இந்த கணக்கில் எந்த கட்டணமும் விதிக்கப்படாது. இந்த கணக்கில், டிஜிட்டல் பரிவர்த்தனைகளை ஊக்குவிக்க ரூபே டெபிட் கார்டு மற்றும் 2 லட்சம் ரூபாய் விபத்து காப்பீடு வழங்கப்படுகிறது. பிரதமரின்  மக்கள் வங்கித் திட்டத்தில் (பிஎம்ஜேடிஒய்) கணக்கு வைத்திருப்பவர்கள் அவசர செலவுகளை ஈடுகட்ட 10,000 ரூபாய் வரை மிகைப்பற்று பெறவும் தகுதியுடையவர்கள்.

கடந்த பத்தாண்டுகளுக்கும் மேலாக பி.எம்.ஜே.டி.ஒய் (பிரதமரின் மக்கள் வங்கித் திட்டம்) தலைமையிலான தலையீடுகளின் பயணம் மாற்றத்தையும் திசையையும் உருவாக்கியுள்ளது, இதன் மூலம் வங்கிகள் மற்றும் நிதி நிறுவன சுற்றுச்சூழல் அமைப்பு சமூகத்தின் கடைசி நபருக்கு - ஏழையிலும் ஏழைகளுக்கு நிதிச் சேவைகளை வழங்கும் திறன் கொண்டதாக உள்ளது.

பிஎம்ஜேடிஒய் பிரதமரின் மக்கள் வங்கித் திட்டத்தின் கீழ் உள்ள கணக்குகள் நேரடி பலன் பரிமாற்றங்களைப் பெறுவதில் கருவியாக இருப்பது மட்டுமல்லாமல், எந்தவொரு இடைத்தரகர்கள், தடையற்ற பரிவர்த்தனைகள் மற்றும் சேமிப்பு திரட்டல் இல்லாமல் உத்தேச பயனாளிக்கு அரசாங்கத்தால் தொந்தரவு இல்லாத மானியங்கள் / கொடுப்பனவுகளுக்கான தளமாகவும் செயல்படுகின்றன. மேலும், ஜன் சுரக்ஷா திட்டங்கள் (நுண் காப்பீட்டுத் திட்டங்கள்) மூலம் கோடிக்கணக்கான அமைப்புசாரா துறை தொழிலாளர்களுக்கு ஆயுள் மற்றும் விபத்து காப்பீட்டை வழங்குவதில் அவை முக்கியமானவை.

ஜன்-தன் ஆதார் மற்றும் மொபைல் (ஜேஏஎம்) ஆகியவற்றுக்கு பிரதமரின் மக்கள் வங்கித் திட்டம் ஒரு தூணாக உள்ளதோடு, அது அரசின் மானியங்கள் பயனாளிகளுக்கு நேரடியாக சென்றடைவதை உறுதிசெய்கிறது. ஜேஏஎம் திட்டத்தின் மூலம், நேரடி பலன் பரிமாற்றத்தின் கீழ், அரசு வெற்றிகரமாக மானியங்கள் மற்றும் சமூக நன்மைகளை பின்தங்கியவர்களின் வங்கிக் கணக்குகளுக்கு நேரடியாக மாற்றியுள்ளது.

கடந்த 10 ஆண்டுகளில் பிஎம்ஜேடிஒய் (பிரதமரின் மக்கள் வங்கித் திட்டம்) வெற்றிகரமாக செயல்படுத்தப்பட்டதன் மூலம் பல மைல்கற்களை எட்டியுள்ளது. பிரதமரின் மக்கள் வங்கித் திட்டத்தின் (பிஎம்ஜேடிஒய்) முக்கிய அம்சங்கள் மற்றும் சாதனைகள் கீழே வழங்கப்பட்டுள்ளன.

a. பிஎம்ஜேடிஒய் கணக்குகள்: 53.13 கோடி (14 ஆகஸ்ட் 24 நிலவரப்படி)

14 ஆகஸ்ட் 2024 நிலவரப்படி பிரதமரின் ஜன் தன் வங்கிக் கணக்குகளின் எண்ணிக்கை: 53.13 கோடி; இதில் 55.6% (29.56 கோடி) ஜன்-தன் கணக்கு வைத்திருப்பவர்கள் பெண்கள், 66.6% (35.37 கோடி) ஜன் தன் கணக்குகள் கிராமப்புற மற்றும் சிறுநகரப் பகுதிகளில் உள்ளன

 பிரதமரின் ஜன் தன் கணக்குகளின் கீழ் வைப்புத்தொகைகள் – 2.31 லட்சம் கோடி (14  ஆகஸ்ட் 2024 அன்று)

பி.எம்.ஜே.டி.ஒய் (பிரதமரின் ஜன் தன் வங்கி கணக்குகளின்)  கீழ் மொத்த வைப்புத் தொகை 2,31,236 கோடி ரூபாய், 3.6 மடங்கு கணக்குகள் அதிகரித்துள்ளதால் வைப்புத்தொகை சுமார் 15 மடங்கு அதிகரித்துள்ளது (ஆகஸ்ட் 24 / ஆகஸ்ட் 15)

பிரதமரின் வங்கிக் கணக்கு திட்டத்தின் கீழ் வைப்புத் தொகை (ரூபாய் கோடிகளில்)

பிஎம்ஜேடிஒய் பிரதமரின் வங்கி கணக்கு திட்டத்தின் கீழ்  ஒரு கணக்கிற்கான சராசரி வைப்புத்தொகை - ரூ 4352 (14ஆகஸ்ட் 2024அன்று)

பிரதமரின் மக்கள் வங்கித் திட்டத்தின் கீழ்  ஒரு கணக்கிற்கான சராசரி வைப்புத்தொகை - ரூ 4352 (14 ஆகஸ்ட் 2024 அன்று) சராசரி வைப்புத்தொகை ஆகஸ்ட் 2015-ஐ விட 4 மடங்கு அதிகரித்துள்ளது. சராசரி வைப்புத்தொகையின் அதிகரிப்பு என்பது கணக்குகளின் அதிகரித்த பயன்பாடு மற்றும் கணக்கு வைத்திருப்பவர்களிடையே சேமிக்கும் பழக்கத்தை வளர்ப்பதற்கான மற்றொரு அறிகுறியாகும்

பிரதமரின் ஜன் தன் வங்கிக் கணக்கு வைத்திருப்பவர்களுக்கு வழங்கப்பட்ட ரூபே அட்டை: 36.14 கோடி (14 ஆகஸ்ட் 24 அன்று)

பிரதமரின் ஜன் தன் வங்கி கணக்கு வைத்திருப்பவர்களுக்கு 36.14 கோடி ரூபே அட்டைகள் வழங்கப்பட்டுள்ளன. ரூபே அட்டைகளின் எண்ணிக்கை மற்றும் அவற்றின் பயன்பாடு காலப்போக்கில் அதிகரித்துள்ளது.

பிரதமரின் ஜன் தன் திட்டத்தின் கீழ் 36.06 கோடி ரூபே டெபிட் அட்டைகள் வழங்கப்பட்டிருப்பது, 89.67 லட்சம் விற்பனை முனையங்கள்/ செல்பேசி மூலமான விற்பனை முனையங்கள் நிறுவப்பட்டிருப்பது, யுபிஐ போன்ற செல்பேசி அடிப்படையிலான பரிவர்த்தனை முறை அறிமுகம் செய்திருப்பது ஆகியவற்றால் டிஜிட்டல் பரிவர்த்தனைகளின் எண்ணிக்கை நிதியாண்டு 2018-19-ல்  2,338 கோடி என்பதிலிருந்து நிதியாண்டு 2023-24-ல் 16,443 கோடியாக அதிகரித்தது. யுபிஐ நிதி பரிவர்த்தனைகளின் மொத்த எண்ணிக்கை 2018-19-ல்  535 கோடி என்பதிலிருந்து நிதியாண்டு 2023-24-ல் 13,113 கோடியாக அதிகரித்தது. அதேபோல் விற்பனை முனையங்கள் மற்றும் இ-வணிகத்தில் ரூபே அட்டை மூலமான பரிவர்த்தனைகளின் மொத்த எண்ணிக்கை நிதியாண்டு 2017-18-ல் 67 கோடி என்பதிலிருந்து நிதியாண்டு 2023-24-ல் 96.78 கோடியாக அதிகரித்தது.

பிரதமரின் ஜன் தன் திட்டத்தின் வெற்றி என்பது அதன் இயக்க மாதிரியான அணுகுமுறை, முறைப்படுத்தல் ஆதரவு, அரசு –தனியார் கூட்டாண்மை, பயோமெட்ரிக் அடையாளம் காணலுக்கு ஆதார் போன்ற டிஜிட்டல்  பொதுக் கட்டமைப்பின் முக்கியத்துவம் ஆகியவற்றை எடுத்துக்காட்டுகிறது.

வழக்கமான நிதிச் செயல்பாடு இல்லாமல் பற்று அணுகலை எளிதாக வழங்குவதால், பிரதமரின் ஜன் தன் திட்டம் சேமிப்புக்கு வழிவகுக்கிறது.  கணக்கு வைத்திருப்போர் தற்போது சேமிப்பு நடைமுறைகளை  காண்பிக்க முடியும் என்பது வங்கிகள் மற்றும் நிதி நிறுவனங்களிடமிருந்து கடன் பெறுவதற்கு அவர்களைத் தகுதியுடைவர்கள் ஆக்குகிறது. முத்ரா கடன் திட்டத்தின் கீழ், ஒதுக்கீடு பெறுவதற்கு ஏதுவாக இருப்பதால், இதன் வருடாந்தர விகிதம் நிதியாண்டு 2019-ல் இருந்து நிதியாண்டு 2024 வரையிலான 5 ஆண்டுகளில் 9.8 சதவீதமாக உயர்ந்துள்ளது.  கடனுக்கான அணுகலில் மாற்றம் ஏற்பட்டிருப்பதால், இது தனி நபர்கள் தங்களின் வருவாயை அதிகரித்துக்கொள்ள அதிகாரமளிக்கிறது. 

பிரதமரின் ஜன் தன் திட்டம் தனது மாற்றத்திற்கான ஆற்றல், டிஜிட்டல் கண்டுபிடிப்புகள் மூலம் இந்தியாவில் அனைவரையும் உள்ளடக்கிய பொருளாதாரத்தை புரட்சிகரமாக்கியிருப்பதால் இது அனைவரையும் உள்ளடக்கிய  உலகின் மிகப்பெரிய நிதித் திட்டமாக உள்ளது.

IR/LKS/SMB/AD/KR

***