প্রধান মন্ত্রী শ্রী নরেন্দ্র মোদীনা ওগস্ত 28, 2014দা হৌদোকখিবা প্রধান মন্ত্রী জন ধন য়োজনা (PMJDY) অসি ঙসি মায়পাক্না ইমপ্লিমেন্ত তৌখিবা চহি তরা মপুং ফাখ্রে।

PMJDY অসি মালেমদা খ্বাইদগী চাউবা ফাইনান্সিএল ইনক্লুজন ইনিসিএতিব ওইরি, শেল-থুম মন্ত্রালয়না মাগী ফাইনান্সিএল ইনক্লুজনগী খোঙথাংশিংগী খত্থাংদা শোত্থরবা অমসুং শেল-থুমদা শোত্থরবা শরুকশিংদা তেংবাং পীনবা লেপ্পা লৈতনা হোৎনরি।

নুমিৎ অসিনা লাকপদা, কেন্দ্রগী শেল-থুম অমসুং কোর্পোরেৎ এফিয়র্সকী মন্ত্রী শ্রীমতি নির্মলা সীতারামন্না পাউজেল অমদা হায়খি, "ফাইনান্সিএল ইনক্লুজন অমসুং এম্পাৱরমেন্ত ফংনবগীদমক ফোর্মেল বেঙ্কিং সর্ভিসশিংদা য়ুনিভর্সেল অমসুং এফোর্দেবল ওইবা এক্সেস অসি তঙাইফদে। মসিনা লায়রবশিংবু শেন্মিৎলোনগী মেনস্ত্রীমদা পুনশিলহল্লি অমসুং লায়রবা কাংলুপশিংগী চাউখৎপদা মরু ওইবা থৌদাং অমা লৌরি”।

“মমাংদা বেঙ্ক শীজিন্নদবা মীওইশিংদা - বেঙ্ক একাউন্তশিং, স্মোল সেভিং স্কিমশিং, ইন্সুরেন্স অমসুং ক্রেদিৎ য়াওনা - য়ুনিভর্সেল, শেল চংদবা অমসুং ফোর্মেল ফাইনান্সিএল সর্ভিসশিং ফংহন্দুনা পি.এম. জন ধন য়োজনানা হৌখিবা চহি তরা অসিদা লৈবাক অসিগী বেঙ্কিং অমসুং ফাইনান্সিএল লেন্দস্কেপ অসি শেমদোকখ্রে,” হায়না কেন্দ্রগী শেল-থুম মন্ত্রীনা ফোংদোকখি।

“খোঙথাং অসিগী মায় পাকপা অসি জন ধন একাউন্তশিং হাংদোক্তুনা মীওই করোর 53বু বেঙ্কিং সিস্তেমদা পুশিল্লকপদা উবা ফংলি। হায়রিবা বেঙ্ক একাউন্তশিং অসিদা লুপা করোর 2.3 রোমগী দিপোজিৎ বেলেন্স লৈরি, অমসুং মসিনা লুপা করোর 36 হেনবগী শেনফম শেল তিংদনা রুপে কার্দশিং ইসু তৌহনখ্রে, মসিনা লুপা করোর 2গী এক্সিদেন্ত ইন্সুরেন্স কভরসু ফংহল্লি। মরু ওইনা, একাউন্ত হাংদোকপগী ফি নত্ত্রগা মেন্তেনমেন্স চার্জ অমত্তা লৈতে অমসুং মিনিমম বেলেন্স অমা থম্বা মথৌ তাদে,” সীতারমননা হায়খি।

কেন্দ্রগী শেল-থুম মন্ত্রীনা হায়খি, "মসিদা খুঙ্গংগী নৎত্রগা সেমি-অর্বানগী মফমশিংদা একাউন্ত 67% হাংদোকখ্রে, অমসুং একাউন্ত 55% নুপীশিংনা হাংবা ওইখি হায়বসি খঙবদা নুংঙাইবা ফাওই”।

“জন ধন-মোবাইল-আধারগা শম্নহন্দুনা শেমখিবা কনসেন্ত-বেজ পাইপলাইন অসি ফাইনান্সিএল ইনক্লুজন ইকোসিস্তেমগী খ্বাইদগী মরুওইবা য়ুম্বী অমা ওইরি। মসিনা সরকারগী য়াইফ-থৌরাংগী স্কিমশিং অসি মতিক চাবা বেনিফিসরীশিংদা অথুবা মতমদা, শোই-ঙামদনা অমসুং ত্রান্সপরেন্ত ওইনা ত্রান্সফর তৌবা ঙমহনখ্রে অমসুং দিজিতেল পেমেন্তশিং প্রমোৎ তৌখ্রে," সীতারামননা হায়খি।

নুমিৎ অসিনা লাকপদা মহাক্কী পাউজেলদা, কেন্দ্রগী শেল-থুমগী রাজ্য মন্ত্রী শ্রী পঙ্কজ চৌধরীনা হায়খি, “PMJDY অসি স্কিম অমা খক্তা নত্তে, মসি ত্রান্সফোর্মেসন মুভমেন্ত অমনি। মসিনা বেঙ্কিংগী খুদোংচাবা লৈতবা মীওই কয়াবু শেল-থুমগী মনিংতম্বা ফংহনখ্রে অমসুং শেল-থুমগী সেক্যুরিতীগী ৱাখল্লোন অমা পোকহল্লে”।

“2021গী নীংতম্বা নুমিৎকী মহাক্কী ৱারোলদা প্রধান মন্ত্রীনা ইমুং খুদিংমক্তা বেঙ্ক একাউন্ত অমা লৈগদবনি অমসুং অহল ওইরবা মীওই খুদিংমক্তা ইন্সুরেন্স অমসুং পেন্সন ফংহনগদবনি হায়না লাউথোকখি। লৈবাক শীনবা থুংনা পায়খৎলিবা তোঙান তোঙানবা সেচুরেসন দ্রাইবশিংগী খুত্থাংদা মসিগী মায়কৈ অসিদা লেপ্পা লৈতনা হোৎনরকপগা লোয়ননা, ঐখোয়না বেঙ্ক একাউন্তশিংদা সেচুরেসন ফংগদবগী নকশিল্লক্লে অমসুং লৈবাক শীনবা থুংনা ইন্সুরেন্স অমসুং পেন্সনগী কভরেজ লেপ্তনা হেনগৎলক্লি," হায়না শ্রী চৌধরীনা ফোংদোকখ্রে।

স্তেকহোল্দর, বেঙ্কশিং, ইন্সুরেন্স কম্পনীশিং অমসুং রাজ্য সরকার পুম্নমক্কী মতেংগা লোয়ননা ঐখোয়না শেল-থুমগী লমদা হেন্না ইনক্লুসিব ওইবা খুন্নাই অমগী মায়কৈদা চংশিল্লি। অমসুং PMJDY  অসি লৈবাক অসিগী ফাইনান্সিএ ইনক্লুজনগী গেম চেঞ্জর অমা ওইনা মতম চুপ্পদা নীংশিংদুনা লৈহৌরগনি। প্রধান মন্ত্রী জন ধন য়োজনা অসি মিসন মোদতা লৈঙাকপগী মরুওইবা খুদম অমা ওইবতা নত্তনা মীয়ামগী য়াইফনবা সরকারনা কত্থোক্লবদি করি তৌবা য়াবগে হায়বদুসু উৎলি," হায়না শ্রী চৌধরীনা ফোংদোকখি।

PMJDY না বেঙ্কতা একাউন্ত লৈতবা অহল ওইরবা মীওই খুদিংগী বেঙ্ক একাউন্ত অমা পীরি। একাউন্ত অসিগীদমক্তা বেলেন্স অমত্তা থমবগী তঙাইফদবা লৈতে অমসুং একাউন্ত অসিদা চার্জ অমত্তা লৌদে। দিজিতেল ত্রাঞ্জেক্সনশিং প্রমোৎ তৌনবা একাউন্ত অসিদা লুপা লাখ 2গী ইন-বিল্ত এক্সিদেন্ত ইন্সুরেন্স কভর য়াওবা রুপে দেবিৎ কার্দ অমা লেম্না ফংহল্লি। PMJDYগী একাউন্ত হোল্দরশিংনা মথৌ তাবা শেনফমগীদমক লুপা 10,000 ফাওবগী ওভরদ্রাফ্ত অমা লৌনবগীদমক ইলিজিবল ওই।

PMJDYগী লমজিং মখাদা হৌখিবা চহি তরা অসিদা পায়খৎখিবা খোঙথাং অসিনা অহোংবা পুরক্তুনা অমসুং মাইকৈ হোংলক্তুনা অনিমক্না বেঙ্কশিং অমসুং ফাইনান্সিএল ইন্সতিত্যুসন ইকোসিস্তেম অসি খুন্নাইগী লাস্ত মাইল-লায়রবশিংগী মরক্তগী খ্বাইদগী লায়রবশিংদা ফাইনান্সিএল সর্ভিসশিং ফংহনবগী মপাঙ্গল লৈহনখি।

PMJDYগী একাউন্তশিং অসি দাইরেক্ত বেনেফিৎ ত্রান্সফরশিং ফংবদা মতেং পাংবতা নত্তনা সরকারনা অয়াবা ফংলবা বেনিফিসরীশিংদা মিদ্দলমেন, অপনবা লৈতবা ত্রাঞ্জেক্সন অমসুং সেভিংস এক্যুমুলেসন য়াওনা অপনবা লৈতবআ সবসিদীশিং/পেমেন্তশিং পীবগী প্লেতৎফোর্ম অমা ওইনা থবক তৌরি। মসিগী মথক্তা, মখোয়না জন সুরক্ষা স্কিম (মাইক্রো ইন্সুরেন্স স্কিম) গী খুত্থাংদা অনওর্গনাইজ সেক্তরগী শিন্মী মিলিয়ন কয়াদা লাইফ অমসুং এক্সিদেন্ত ইন্সুরেন্স ফংহনবদা মরুওইবা থৌদাং লৌরি।

PMJDY অসি মাগী মরু ওইবা য়ুম্বী অমা ওইবগা লোয়ননা জন-ধন আধার অমসুং মোবাইল (JAM) ত্রিনিতীনা দাইভর্সন-প্রুফ সবসিদী দেলিভরী মেকানিজম অমা ওইরে। JAM গী খুত্থাংদা, দাইরেক্ত বেনিফিৎ ত্রান্সফরগী মখাদা, সরকারনা সবসিদী অমসুং সোসিএল বেনিফিৎশিং অসি খুদোংচাবা ফংদ্রবা মীওইশিংগী বেঙ্ক একাউন্তশিংদা মায় পাক্না ত্রান্সফর তৌখ্রে।

হৌখিবা চহি 10 অসিদা PMJDY গী মায় পাক্না ইমপ্লিমেন্ত তৌবা অসিনা মাইলস্তোন কয়া অমা ফংহনখ্রে। PMJDYগী মরুওইবা হীরমশিং অমসুং মায়পাকপশিং মখাদা পীরি।

1. PMJDY একাউন্তশিং: করোর 53.13 (ওগস্ত 14’24 ফাওবদা)

ওগস্ত 14, 24 ফাওবদা PMJDYগী অপুনবা একাউন্ত মশিং: করোর 53.13; জন ধন একাউন্ত হোল্দরশিংগী চাদা 55.6 (করোর 29.56) অসি নুপীশিংনি অমসুং জন ধন একাউন্তশিংগী চাদা 66.6 (করোর 35.37) অসি খুঙ্গংগী অমসুং সেমি-অর্বানগী মফমশিংদা লৈরি

2. PMJDY একাউন্তশিংগী মখদা তৌবা দিপোজিৎশিং – করোর লাখ 2.31 (ওগস্ত 14’24 ফাওবদা)

PMJDY একাউন্তশিংগী মখাদা লৈরিবা অপুনবা দিপোজিৎ বেলেন্স অসি লুপা করোর 2,31,236নি। দিপোজিৎশিং অসি চাউরাক্না শরুক 15 হেনগৎখ্রে অমসুং একাউন্তশিং অসি শরুক 3.6 হেনগৎখ্রে (ওগস্ত’ 24 /ওগস্ত’ 15)

3. PMJDY একাউন্ত অমগী এভরেজ দিপোজিৎ – লুপা 4352 (ওগস্ত 14’24 ফাওবদা)

একাউন্ত অমমমগী চাংচত্তা তৌবা দিপোজিৎ অসি 14.08.2024 ফাওবদা লুপা 4,352 ওইরি। একাউন্ত অমদা চাংচৎ ওইনা তৌবা দিপোজিৎ অসি ওগস্ত 15দগী শরুক মরি হেনগৎলে। চাংচত্তা তৌবা দিপোজিৎ হেনগৎলকপা অসিসু একাউন্ত শীজিন্নবগী চাং হেনগৎলকপা অমসুং একাউন্ত হোল্দরশিংগী মরক্তা সেভিংগী চৎনবী লৈরকপগী অতোপ্পা খুদম অমনি ।

4. PMJDY একাউন্ত হোল্দরশিংদা পীখিবা রুপে কার্দ: করোর 36.14 (ওগস্ত 14’24 ফাওবদা)

PMJDY গী একাউন্ত হোল্দরশিংদা রুপে কার্দ করোর 36.14 ইসু তৌখ্রে: মতমগী মতুং ইন্না রুপে কার্দ মশিং অমসুং শীজিন্নবগী চাং হেনগৎলক্লি।

PMJDY গী মখাদা রুপে দেবিৎ কার্দ করোর 36.06 হেন্না ইসু তৌবা, PoS/mPoS মেছিন লাখ 89.67 হাপচিনবা অমসুং UPI গুম্বা মোবাইলদা য়ুম্ফম ওইবা পেমেন্ত সিস্তেমশিং হৌদোকপগা লোয়ননা, দিজিতেল ত্রাঞ্জেক্সনশিংগী অপুনবা মশিং অসি FY 18-19 দা করোর 2,338 ওইরম্বদগী FY 23-24দা করোর 16,443দা হেনগৎলকখি। UPI ফাইনান্সিএল ত্রাঞ্জেক্সনশিংগী অপুনবা মশিং অসি FY 2018-19দা করোর 535দগী FY  2023-24দা করোর 13,113দা হেনগৎলকখি। মতৌ অসুম্না, PoS অমসুং ই-কম্মর্সতা রুপে কার্দ ত্রাঞ্জেক্সনগী অপুনবা মশিং অসি FY 2017-18দা করোর 67 ওইরম্বদগী FY 2023-24দা করোর 96.78দা হেনগৎখ্রে।

PMJDY গী মায়পাকপা অসিনা মসিগী মিসন মোদ এপ্রোচ, রেগুলেতরী সপোর্ত, পব্লিক-প্রাইবেৎ পার্তনরশিপ, অমসুং বাইওমেত্রিক আইদেন্তিফিকেসনগীদমক আধারগুম্বা দিজিতেল পব্লিক ইনফ্রাস্ত্রকচরগী মরুওইবা অদু উৎলি।

PMJDY না শেন্মিৎলোনগী ফোর্মেল হিস্তরী লৈতবশিংদা ক্রেদিৎ ফংহনবগা লোয়ননা শেন্মিৎলোনগী খুদোংচাবা ফংহল্লে। একাউন্ত হোল্দরশিংনা হৌজিক্তি সেভিং পেতর্ন উৎপা ঙম্মি, মসিনা মখোয়বু বেঙ্কশিং অমসুং ফাইনান্সিএল ইন্সতিত্যুসনশিংদগী লোন লৌনবগী ইলিজিবল ওইহল্লি। খ্বাইদগী নক্নবা প্রোক্সি অসি মুদ্রা লোনগী মখাদা সেঙ্কসনশিংনি, মসি FY 2019দগী FY 2024 ফাওবগী চহি মঙাদা চহিগী ওইবা চাং চাদা 9.8 হেনগৎখি। ক্রেদিৎ ফংহনবগী থৌওং অসিনা অহোংবা পুরক্লি মরমদি মসিনা মীওইশিংদা মখোয়গী ইনকম হেনগৎহনবগী শক্তি পী। 

PMJDYনা মালেমগী খ্বাইদগী চাউবা ফাইনান্সিএল ইনক্লুজন স্কিম ওইবনা, মসিগী ত্রান্সফোর্মেতিব পাৱর অমসুং মসিগী দিজিতেল ইন্নোভেসনশিংনা ভারত্তা ফাইনান্সিএল ইনক্লুজনদা অহোংবা পুরকখি।

****