(कोविड-19 संबंधी पत्र सूचना कार्यालयाद्वारे जारी बातम्‍या आणि सत्‍यता पडताळणी बातम्‍या समाविष्‍ट)

#Unite2FightCorona

#IndiaFightsCorona

दिल्ली-मुंबई, 19 ऑक्टोबर  2020

पंतप्रधान नरेंद्र मोदी यांनी म्हैसूर विद्यापीठाच्या शतकमहोत्सवी दीक्षांतसोहळा-2020 ला व्हिडीओ कॉन्फरन्सच्या माध्यमातून संबोधित केले.

याप्रसंगी बोलताना पंतप्रधान म्हणाले, म्हैसूर विद्यापीठ प्राचीन भारतातील महान शिक्षण केंद्र आणि भविष्यातील भारताच्या आकांक्षा आणि क्षमतांचे केंद्र आहे. विद्यापीठाने "राजर्षी" नलवडी कृष्णराज वाडियार आणि एम. विश्वेश्वरय्या जी यांचे स्वप्न साकार केले आहे.

त्यांनी या विद्यापीठात अध्यापन केलेल्या भारतरत्न डॉ सर्वपल्ली राधाकृष्णन जी यांचा उल्लेख केला. पंतप्रधानांनी विद्यार्थ्यांना शिक्षणाद्वारे मिळवलेल्या ज्ञानाचा उपयोग वास्तविक जीवनात वेगवेगळ्या टप्प्यावर करण्याचे आवाहन केले. त्यांनी वास्तविक जीवनाला एक महान विद्यापीठ म्हणून संबोधले जे ज्ञानाच्या वापरासाठीचे विविध मार्ग शिकवते.

पंतप्रधानांनी देशाची भौगोलिक व्याप्ती आणि विविधता लक्षात घेऊन कोरोनावरील लस उपलब्धता जलद गतीने सुनिश्चित करण्याचे निर्देश दिले. लस वाहतूक , वितरण आणि व्यवस्थापनातील प्रत्येक पाऊल कठोरपणे उचलण्यावर पंतप्रधानांनी भर दिला. त्यामध्ये शीतगृह साखळी, वितरण नेटवर्क, देखरेख यंत्रणा, आगाऊ मूल्यांकन आणि वेल्स, सिरिंज इ.आवश्यक उपकरणे तयार करणे यांचा समावेश असावा.

आपण निवडणुकांचे यशस्वी आयोजन आणि आपत्ती व्यवस्थापनाच्या अनुभवाचा देशात वापर करायला हवा असेही त्यांनी निर्देश दिले. पंतप्रधान म्हणाले की, त्याच पद्धतीने लस वितरण आणि प्रशासकीय यंत्रणाचे नियोजन केले जावे. यात राज्ये / केंद्रशासित प्रदेश / जिल्हा पातळीवरील अधिकारी, नागरी संस्था, स्वयंसेवक, नागरिक आणि सर्व आवश्यक क्षेत्रातील तज्ञांचा सहभाग असावा.

आरोग्य मंत्रालयाची कोविड-19घडामोडींवरील माहिती :

भारतामध्ये सक्रिय रूग्णसंख्येत सातत्याने घट होण्याचा कल कायम- कोविड-19 विरुद्धच्या लढ्यामध्ये भारताने आणखी एक टप्पा ओलांडला आहे. राष्ट्रीय सक्रीय  रूग्णसंख्या दरामध्ये सातत्याने घट होत असून, हा दर 8 टक्क्यांपर्यंत खाली आला आहे. विशेष म्हणजे सलग चौथ्या दिवशी हा दर खाली आल्याची नोंद झाली आहे. राष्ट्रीय रुग्णसंख्या दर 7.94 टक्के नोंदला गेला असून तो सतत कमी होत आहे.

संपूर्ण देशभरामध्ये व्यापक स्तरावर चाचण्या केल्या जात असल्यामुळे रुग्णसंख्येमध्ये घट     येत असल्याचे दिसून येत आहे. चाचण्यांची संख्या आजवर 9.5 कोटींपेक्षा जास्त झाली आहे.

ऑक्टोबरच्या तिस-या आठवड्यात दैनिक सरासरी सक्रिय रुग्णदर 6.13 टक्के आहे. केंद्र सरकारने ‘टेस्ट- ट्रॅक- ट्रेस- ट्रिट अँड टेक्नॉलॉजी’ अशी रणनिती कोविड-19 च्या विरोधात आखली आहे. त्याचे अनुसरण सर्व राज्ये आणि केंद्रशासित प्रदेशांमध्ये केले जात आहे.

भारतामध्ये सक्रिय रुग्णसंख्येत सातत्याने घट नोंदवली जाण्याचा कल कायम आहे. सलग तिस-या दिवशी सक्रिय रूग्णसंख्या 8 लाखांपेक्षा कमी नोंदली गेली आहे.

सणांच्या दिवसात उत्सवापेक्षा सुरक्षिततेला प्राधान्य द्यावे डॉ हर्ष वर्धन- केंद्रीय आरोग्य आणि कुटुंब कल्याण मंत्री हर्ष वर्धन यांनी संडे संवाद कार्यक्रमाच्या सहाव्या भागात समाजमाध्यम संवादकांच्या प्रश्नांना उत्तरे दिली. नवरात्रीच्या हार्दिक शुभेच्छा देऊन त्यांनी अनुसारकांना पंतप्रधानांच्या जनआंदोलन आवाहनाला प्रतिसाद देउन त्या आंदोलनाचे दूत होऊन कोविड रोखण्याच्या दृष्टीने योग्य वर्तणूक राखण्याची सूचना केली. सध्याच्या सण/उत्सवाच्या काळात सुरक्षिततेला प्राधान्य द्यावे, असे डॉ हर्ष वर्धन म्हणाले.

इतर अपडेट्स:

• कोविड पार्श्वभूमीवर हज 2021, राष्ट्रीय-आंतरराष्ट्रीय मार्गदर्शक तत्त्वांवर अवलंबून असेल: मुख्तार अब्बास नक्वी- कोविडच्या पार्श्वभूमीवर हज 2021, राष्ट्रीय आंतरराष्ट्रीय मार्गदर्शक तत्त्वांवर अवलंबून असेल असे केंद्रीय अल्पसंख्याक मंत्री मुख्तार अब्बास नक्वी यांनी आज सांगितले. नवी दिल्लीत केंद्रिय मंत्री मुख्तार अब्बास नक्वी यांच्या अध्यक्षतेखाली हज 2021 ची आढावा बैठक झाली, त्यावेळी ते बोलत होते. हज 2021 जून-जुलै महिन्यात होणार आहे, परंतु कोरोना आपत्ती आणि त्यावरील परिणामांचा सखोल आढावा घेऊन आणि सौदी अरेबिया आणि भारत सरकारच्या लोकांच्या आरोग्यासाठी आणि सुरक्षेसाठी मार्गदर्शक तत्त्वे लक्षात घेऊन हज 2021 संदर्भात अंतिम निर्णय घेण्यात येईल.
• कृषी आणि शेतकरी कल्याण राज्यमंत्री पुरूषोत्तम रूपाला यांनी सहकारी संस्थांमार्फत आरोग्य विषयक पायाभूत सुविधा निर्मितीसाठी 10,000कोटी रुपयांची ‘एनसीडीसी आयुष्मान सहकार निधी योजना’ केली जाहीर- एनसीडीसीच्या माध्यमातून शेतकरी बांधवांना आगामी काही वर्षात 10,000 कोटी रूपयांचे मुदत कर्ज सहकारी संस्थांना देणार असल्याचे तोमर यांनी जाहीर केले. देशामध्ये सर्वत्र कोविड-19 महामारीचा उद्रेक लक्षात घेवून शेतक-यांना अधिकाधिक कर्ज सुविधा उपलब्ध करून देण्याची गरज आहे, हे लक्षात घेवून केंद्र सरकारने शेतकरी बांधवांच्या कल्याणाच्या दिशेने एक पाऊल टाकण्यासाठी एनसीडीसीची योजना आणली आहे.
• अर्थमंत्री निर्मला सीतारामन यांनी सीपीएसईच्या भांडवली खर्चासंदर्भातील चौथी आढावा बैठक घेतली- केंद्रीय अर्थ आणि कंपनी व्यवहार मंत्री निर्मला सीतारामन यांनी आज व्हिडीओ कॉन्फरन्सच्या माध्यमातून पेट्रोलियम आणि नैसर्गिक वायू मंत्रालय आणि कोळसा मंत्रालयाच्या सचिव तसेच या मंत्रालयांतर्गत येणाऱ्या 14 सार्वजनिक उद्यमांच्या व्यवस्थापकीय संचालकांसोबत चालू आर्थिक वर्षातील भांडवली खर्चाबाबत बैठक घेतली. कोविड-19 संक्रमणाच्या पार्श्वभूमीवर अर्थव्यवस्थेला चालना देण्यासंदर्भातील विविध भागधारकांशी बैठकांचे सत्र सुरु आहे, त्यातील ही चौथी बैठक होती.
• BSVI ची सुरुवात हे क्रांतीकारी पाऊल- प्रकाश जावडेकर- पंतप्रधान नरेंद्र मोदी यांनी देशभरातील वायू प्रदूषण कमी करण्यासाठी एक समग्र दृष्टीकोन जाहीर केला आहे, आणि राष्ट्रीय स्वच्छ वायु कार्यक्रमाच्या (एनसीएपी) माध्यमातून पर्यावरण मंत्रालय देशातील 122 शहरांमध्ये याची अंमलबजावणी केली जात आहे. एप्रिल 2020 पासून देशभरात वाहनांसाठी BS VI निकषांची सुरुवात करणे हे वाहन प्रदूषण कमी करण्याच्या दृष्टीने ऐतिहासिक पाऊल आहे, मंत्र्यांनी सांगितले की, BS VI मुळे वाहन प्रदूषणात घट झाली आहे.
• केंद्रीय सूक्ष्म, लघु आणि मध्यम उद्योग मंत्रालयाने इंडिया इंकच्या प्रयत्नांचे उत्कृष्ट निकाल पाहता त्यांना सूक्ष्म, लघु व मध्यम उद्योगांना थकबाकी देण्याचे केले आवाहन; थकबाकी भरण्यासाठी 2800 हून अधिक कंपन्यांना पाठवले पत्र

महाराष्ट्र अपडेट्स :

सुमारे सात महिन्यानंतर मुंबई मेट्रो रेल्वे सेवा सुरु झाली. मोनोरेलही सुरु झाली. सामाजिक अंतराचे निकष पाळण्यासाठी सुरुवातीच्या टप्प्यात मर्यादीत प्रवासी संख्येने या रेल्वे धावत आहेत. घाटकोपर-वर्सोवा रेल्वेमार्गावर सकाळी 8.30 ते संध्याकाळी 8.30 या वेळेत मेट्रो रेल्वे धावत आहेत. पूर्वी 1,350  प्रवासी घेऊन जाणारी मेट्रो सध्या 360 प्रवाशांसह धावत आहे, तसेच रेल्वेफेऱ्यांची संख्या 400 वरुन 200 केली आहे. प्रत्येक प्रवेशद्वाराला आरोग्य तपासणी किऑस्कस उभारले आहेत. प्रवासादरम्यान मास्कचा वापर करणे बंधनकारक आहे.

FACT CHECK

* * *

M.Chopade/S.Thakur/D.Rane

सोशल मिडियावर आम्हाला फॉलो करा@PIBMumbai    /PIBMumbai    /pibmumbai  pibmumbai[at]gmail[dot]com