(ਪਿਛਲੇ 24 ਘੰਟਿਆਂ ਵਿੱਚ ਜਾਰੀ ਕੋਵਿਡ-19 ਨਾਲ ਸਬੰਧਿਤ ਪ੍ਰੈੱਸ ਰਿਲੀਜ਼ ਅਤੇ ਪੀਆਈਬੀ ਦੁਆਰਾ ਕੀਤੀ ਗਈ ਤੱਥਾਂ ਦੀ ਜਾਂਚ)

• ਭਾਰਤ ਘੱਟ ਐਕਟਿਵ ਕੇਸਾਂ ਦੇ ਰੁਖ 'ਤੇ ਲਗਾਤਾਰ ਕਾਇਮ, ਤੀਸਰੇ ਦਿਨ ਵੀ 8 ਲੱਖ ਤੋਂ ਘੱਟ ਐਕਟਿਵ ਕੇਸ।

• ਰਾਸ਼ਟਰੀ ਪੱਧਰ 'ਤੇ ਪਾਜ਼ਿਟਿਵਿਟੀ ਕੇਸਾਂ ਦੀ ਕੁੱਲ ਦਰ 8 ਪ੍ਰਤੀਸ਼ਤ ਤੋਂ ਘੱਟ ਰਹੀ ਹੈ ਅਤੇ ਇਹ ਰੁਖ ਪਿਛਲੇ 4 ਦਿਨਾਂ ਤੋਂ ਲਗਾਤਾਰ ਜਾਰੀ ਹੈ।

• ਪਿਛਲੇ 24 ਘੰਟਿਆਂ ਵਿੱਚ ਕੋਵਿਡ-19 ਦੇ 66,399 ਮਰੀਜ਼ ਠੀਕ ਹੋਏ ਜਦਕਿ 55,722 ਨਵੇਂ ਕੇਸ ਸਾਹਮਣੇ ਆਏ ਹਨ।

• ਪ੍ਰਧਾਨ ਮੰਤਰੀ ਦੀ ਪ੍ਰਧਾਨਗੀ ਹੇਠ ਕੋਵਿਡ–19 ਮਹਾਮਾਰੀ ਦੀ ਸਥਿਤੀ ਤੇ ਵੈਕਸੀਨ ਡਿਲਿਵਰੀ, ਵੰਡ ਤੇ ਪ੍ਰਸ਼ਾਸਨ ਬਾਰੇ ਬੈਠਕ ਹੋਈ।

• ਡਾ. ਹਰਸ਼ ਵਰਧਨ ਦੀ ਪ੍ਰਧਾਨਗੀ ਹੇਠ ਡੀਐੱਸਟੀ ਅਤੇ ਸੀਐੱਸਆਈਆਰ ਦੇ ਖ਼ੁਦਮੁਖਤਿਆਰ ਸੰਸਥਾਨਾਂ ਦੇ ਮੁਖੀਆਂ / ਡਾਇਰੈਕਟਰਾਂ ਨਾਲ ਕੋਵਿਡ ਲਈ ਉਚਿਤ ਵਿਵਹਾਰ ਬਾਰੇ ਇੱਕ ਬੈਠਕ ਹੋਈ।

#Unite2FightCorona

#IndiaFightsCorona

ਭਾਰਤ, ਲਗਾਤਾਰ ਘੱਟ ਐਕਟਿਵ ਕੇਸਾਂ ਦਾ ਰੁਝਾਨ ਬਰਕਰਾਰ ਰੱਖ ਰਿਹਾ ਹੈ, ਐਕਟਿਵ ਕੇਸਾਂ ਦਾ ਭਾਰ ਤੀਜੇ ਦਿਨ 8 ਲੱਖ ਤੋਂ ਘੱਟ ਹੈ, ਰਾਸ਼ਟਰੀ ਪਾਜ਼ਿਟਿਵ ਦਰ ਲਗਾਤਾਰ ਚੌਥੇ ਦਿਨ 8% ਤੋਂ ਹੇਠਾਂ ਰਹੀ

ਕੋਵਿਡ-19 ਵਿਰੁੱਧ ਆਪਣੀ ਲੜਾਈ ਵਿੱਚ ਭਾਰਤ ਨੇ ਇਕ ਹੋਰ ਮੀਲ ਪੱਥਰ ਨੂੰ ਪਾਰ ਕੀਤਾ ਹੈ। ਰਾਸ਼ਟਰੀ ਪਾਜ਼ਿਟਿਵ ਦਰ ਲਗਾਤਾਰ 8% ਤੋਂ ਹੇਠਾਂ ਆ ਗਈ ਹੈ। ਇਹ ਰੁਝਾਨ ਚਾਰ ਦਿਨਾਂ ਤੋਂ ਬਿਨਾਂ ਬਰੇਕ ਜਾਰੀ ਹੈ। ਕੁੱਲ ਪਾਜ਼ਿਟਿਵਟੀ ਦਰ ਹੁਣ 7.94% ਹੈ ਅਤੇ ਨਿਰੰਤਰ ਗਿਰਾਵਟ ਤੇ ਹੈ। ਇਹ, ਦੇਸ਼ ਵਿਆਪਕ ਟੈਸਟਿੰਗ ਦੇ ਇੱਕ ਉੱਚ ਪੱਧਰੀ ਰਾਹੀਂ ਲਿਆਂਦਾ ਗਿਆ ਹੈ। ਕੁੱਲ ਟੈਸਟ ਅੱਜ 9.5 ਕਰੋੜ ਨੂੰ ਪਾਰ ਕਰ ਗਏ ਹਨ। ਔਸਤਨ ਰੋਜ਼ਾਨਾ ਪਾਜ਼ਿਟਿਵ ਦਰ ਅਕਤੂਬਰ ਦੇ ਤੀਜੇ ਹਫ਼ਤੇ ਲਈ 6.13% ਹੈ। ਭਾਰਤ ਵਿੱਚ ਐਕਟਿਵ ਮਾਮਲਿਆਂ ਵਿੱਚ ਲਗਾਤਾਰ ਗਿਰਾਵਟ ਦੇ ਰੁਝਾਨ ਦੀ ਰਿਪੋਰਟ ਜਾਰੀ ਹੈ। ਡੇਢ ਮਹੀਨੇ ਬਾਅਦ ਐਕਟਿਵ ਕੇਸ 8 ਲੱਖ ਦੇ ਹੇਠਾਂ ਆਉਣ ਤੋਂ ਬਾਅਦ ਤੀਜੇ ਦਿਨ ਵੀ, ਪ੍ਰਗਤੀਸ਼ੀਲ ਗਿਰਾਵਟ ਜਾਰੀ ਹੈ। ਭਾਰਤ ਦਾ ਐਕਟਿਵ ਕੇਸਾਂ ਦਾ ਭਾਰ ਅੱਜ 7,72,055 ਹੈ। ਇਸ ਸਮੇਂ ਐਕਟਿਵ ਮਾਮਲੇ ਦੇਸ਼ ਦੇ ਕੁਲ ਪਾਜ਼ਿਟਿਵ ਮਾਮਲਿਆਂ ਵਿਚੋਂ ਸਿਰਫ 10.23% ਹਨ। ਕੁੱਲ ਰਿਕਵਰ ਕੀਤੇ ਕੇਸ 66 ਲੱਖ ਤੋਂ ਵੱਧ (66,63,608) ਹਨ, ਜਿਸ ਨਾਲ ਹੁਣ ਐਕਟਿਵ ਕੇਸਾਂ ਨਾਲੋਂ ਅੰਤਰ ਵੀ ਜ਼ਿਆਦਾ ਹੋ ਗਿਆ ਹੈ। ਪਿਛਲੇ 24 ਘੰਟਿਆਂ ਵਿੱਚ 66,399 ਮਰੀਜ਼ ਠੀਕ ਹੋਏ ਹਨ ਅਤੇ ਛੁੱਟੀ ਪ੍ਰਾਪਤ ਕੀਤੀ ਹੈ, ਜਦੋਂ ਕਿ ਨਵੇਂ ਪੁਸ਼ਟੀ ਕੀਤੇ ਕੇਸ 55,722 ਹਨ। ਰਾਸ਼ਟਰੀ ਰਿਕਵਰੀ ਦੀ ਦਰ 88.26% ਤੱਕ ਪਹੁੰਚ ਗਈ ਹੈ। ਨਵੇਂ ਰਿਕਵਰ ਕੀਤੇ ਕੇਸਾਂ ਵਿਚੋਂ 79% ਕੇਸਾਂ ਨੂੰ 10 ਰਾਜਾਂ / ਕੇਂਦਰ ਸ਼ਾਸਿਤ ਪ੍ਰਦੇਸ਼ ਸ਼ਾਸਿਤ ਪ੍ਰਦੇਸ਼ ਮਹਾਰਾਸ਼ਟਰ, ਕੇਰਲ, ਕਰਨਾਟਕ, ਤਮਿਲ ਨਾਡੂ, ਆਂਧਰ ਪ੍ਰਦੇਸ਼, ਉੱਤਰ ਪ੍ਰਦੇਸ਼, ਪੱਛਮ ਬੰਗਾਲ, ਦਿੱਲੀ, ਓਡੀਸ਼ਾ ਅਤੇ ਛੱਤੀਸਗੜ੍ਹ  ਵਿੱਚ ਕੇਂਦ੍ਰਿਤ  ਹੈ। ਇਕੱਲੇ ਮਹਾਰਾਸ਼ਟਰ ਨੇ 11,000 ਤੋਂ ਵੱਧ ਇੱਕ ਦਿਨ ਦੀ ਰਿਕਵਰੀ ਦੇ ਨਾਲ ਸਭ ਤੋਂ ਵੱਧ ਯੋਗਦਾਨ ਪਾਇਆ ਹੈ। ਇਸ ਤੋਂ ਬਾਅਦ ਕੇਰਲ ਅਤੇ ਕਰਨਾਟਕ ਵਿੱਚ 8,000 ਤੋਂ ਵੱਧ ਦੀ ਰਿਕਵਰੀ ਹੈ। ਪਿਛਲੇ 24 ਘੰਟਿਆਂ ਦੌਰਾਨ 55,722 ਨਵੇਂ ਪੁਸ਼ਟੀ ਕੀਤੇ ਕੇਸ ਦਰਜ ਕੀਤੇ ਗਏ ਹਨ। 81% ਨਵੇਂ ਕੇਸ 10 ਰਾਜਾਂ ਅਤੇ ਕੇਂਦਰ ਸ਼ਾਸਿਤ ਪ੍ਰਦੇਸ਼ ਦੇ ਹਨ-ਮਹਾਰਾਸ਼ਟਰ ਅਜੇ ਵੀ 9,000 ਤੋਂ ਵੱਧ ਕੇਸਾਂ ਦੇ ਨਾਲ ਬਹੁਤ ਸਾਰੇ ਨਵੇਂ ਕੇਸਾਂ ਦੀ ਰਿਪੋਰਟ ਕਰਨ ਵਾਲਾ ਰਾਜ ਰਿਹਾ ਹੈ ਅਤੇ ਇਸ ਤੋਂ ਬਾਅਦ ਕੇਰਲ ਅਤੇ ਕਰਨਾਟਕ ਵਿੱਚ 7,000 ਤੋਂ ਵੱਧ ਕੇਸ ਹੋਏ ਹਨ। ਪਿਛਲੇ 24 ਘੰਟਿਆਂ ਦੌਰਾਨ 579  ਮੌਤਾਂ ਹੋਈਆਂ ਹਨ। 90 ਦਿਨਾਂ ਤੋਂ ਬਾਅਦ, ਰੋਜ਼ਾਨਾ ਦਰਜ ਕੀਤੀਆਂ ਮੌਤਾਂ 600 ਤੋਂ ਘੱਟ ਹਨ। ਇਨ੍ਹਾਂ ਵਿੱਚੋਂ, ਲਗਭਗ 83% ਦਸ ਰਾਜ / ਕੇਂਦਰ ਸ਼ਾਸਿਤ ਪ੍ਰਦੇਸ਼ ਵਿੱਚ ਕੇਂਦ੍ਰਿਤ ਹਨ। ਰਿਪੋਰਟ ਕੀਤੀ ਗਈਆਂ 25% ਤੋਂ ਵੱਧ ਨਵੀਂਆਂ ਮੌਤਾਂ ਮਹਾਰਾਸ਼ਟਰ ਦੀਆਂ ਹਨ (150 ਮੌਤਾਂ)।

https://pib.gov.in/PressReleseDetail.aspx?PRID=1665754 

ਪ੍ਰਧਾਨ ਮੰਤਰੀ ਦੀ ਪ੍ਰਧਾਨਗੀ ਹੇਠ ਕੋਵਿਡ–19 ਮਹਾਮਾਰੀ ਦੀ ਸਥਿਤੀ ਤੇ ਵੈਕਸੀਨ ਡਿਲਿਵਰੀ, ਵੰਡ ਤੇ ਪ੍ਰਸ਼ਾਸਨ ਬਾਰੇ ਬੈਠਕ ਹੋਈ

ਪ੍ਰਧਾਨ ਮੰਤਰੀ ਸ਼੍ਰੀ ਨਰੇਂਦਰ ਮੋਦੀ ਨੇ ਅੱਜ ਦੇਸ਼ ਵਿੱਚ ਕੋਵਿਡ–19 ਮਹਾਮਾਰੀ ਦੀ ਸਥਿਤੀ ਅਤੇ ਵੈਕਸੀਨ ਡਿਲਿਵਰੀ, ਵੰਡ ਤੇ ਪ੍ਰਸ਼ਾਸਨ ਦੀਆਂ ਤਿਆਰੀਆਂ ਦੀ ਸਮੀਖਿਆ ਕੀਤੀ। ਇਸ ਮੀਟਿੰਗ ’ਚ ਕੇਂਦਰੀ ਸਿਹਤ ਮੰਤਰੀ ਸ਼੍ਰੀ ਹਰਸ਼ ਵਰਘਨ, ਪ੍ਰਧਾਨ ਮੰਤਰੀ ਦੇ ਪ੍ਰਿੰਸੀਪਲ ਸਕੱਤਰ, ਨੀਤੀ ਆਯੋਗ ਦੇ ਮੈਂਬਰ (ਸਿਹਤ), ਪ੍ਰਿੰਸੀਪਲ ਵਿਗਿਆਨਕ ਸਲਾਹਕਾਰ, ਸੀਨੀਅਰ ਵਿਗਿਆਨੀਆਂ, ਪ੍ਰਧਾਨ ਮੰਤਰੀ ਦਫ਼ਤਰ ਤੇ ਭਾਰਤ ਸਰਕਾਰ ਦੇ ਹੋਰ ਵਿਭਾਗਾਂ ਦੇ ਅਧਿਕਾਰੀਆਂ ਨੇ ਭਾਗ ਲਿਆ। ਪ੍ਰਧਾਨ ਮੰਤਰੀ ਨੇ ਨੋਟ ਕੀਤਾ ਕਿ ਰੋਜ਼ਾਨਾ ਸਾਹਮਣੇ ਆਉਣ ਵਾਲੇ ਕੋਵਿਡ ਦੇ ਮਾਮਲਿਆਂ ਅਤੇ ਵਾਧਾ ਦਰ ਵਿੱਚ ਸਥਿਰਤਾ ਨਾਲ ਕਮੀ ਦਰਜ ਕੀਤੀ ਜਾ ਰਹੀ ਹੈ। ਭਾਰਤ ਵਿੱਚ ਤਿੰਨ ਵੈਕਸੀਨਾਂ ਵਿਕਾਸ ਦੇ ਅਗਾਂਹਵਧੂ ਪੜਾਵਾਂ ਉੱਤੇ ਹਨ, ਜਿਨ੍ਹਾਂ ਵਿੱਚੋਂ ਦੋ ਪੜਾਅ II ਅਤੇ ਇੱਕ ਪੜਾਅ–III ’ਚ ਹਨ। ਭਾਰਤੀ ਵਿਗਿਆਨੀ ਤੇ ਖੋਜ ਟੀਮਾਂ ਗੁਆਂਢੀ ਦੇਸ਼ਾਂ ਅਫ਼ਗ਼ਾਨਿਸਤਾਨ,  ਭੂਟਾਨ,  ਬੰਗਲਾਦੇਸ਼,  ਮਾਲਦੀਵਸ,  ਮਾਰੀਸ਼ਸ, ਨੇਪਾਲ ਤੇ ਸ੍ਰੀ ਲੰਕਾ ਨਾਲ ਤਾਲਮੇਲ ਕਾਇਮ ਕਰ ਕੇ ਖੋਜ ਸਮਰੱਥਾਵਾਂ ਨੂੰ ਮਜ਼ਬੂਤ ਬਣਾ ਰਹੀਆਂ ਹਨ। ਬੰਗਲਾਦੇਸ਼, ਮਿਆਂਮਾਰ, ਕਤਰ ਤੇ ਭੂਟਾਨ ਵਿੱਚ ਅਜਿਹੀਆਂ ਬੇਨਤੀਆਂ ਆਈਆਂ ਹਨ ਕਿ ਉਨ੍ਹਾਂ ਦੇ ਦੇਸ਼ਾਂ ਵਿੱਚ ਕਲੀਨਿਕਲ ਪ੍ਰੀਖਣ ਕੀਤੇ ਜਾਣ। ਸਮੁੱਚੇ ਵਿਸ਼ਵ ਦੀ ਮਦਦ ਕਰਨ ਦੇ ਯਤਨ ਵਜੋਂ ਪ੍ਰਧਾਨ ਮੰਤਰੀ ਨੇ ਇਹ ਹਦਾਇਤ ਵੀ ਕੀਤੀ ਕਿ ਸਾਨੂੰ ਆਪਣੇ ਯਤਨ ਲਾਗਲੇ ਗੁਆਂਢੀ ਦੇਸ਼ਾਂ ਤੱਕ ਹੀ ਸੀਮਤ ਨਹੀਂ ਰੱਖਣੇ ਚਾਹੀਦੇ, ਬਲਕਿ ਵੈਕਸੀਨਾਂ, ਦਵਾਈਆਂ ਤੇ ਵੈਕਸੀਨ ਡਿਲਿਵਰੀ ਪ੍ਰਣਾਲੀ ਲਈ ਆਈਟੀ ਮੰਚਾਂ ਨੂੰ ਸਮੁੱਚੇ ਵਿਸ਼ਵ ਤੱਕ ਵੀ ਪਹੁੰਚਾਉਣਾ ਚਾਹੀਦਾ ਹੈ। ਪ੍ਰਧਾਨ ਮੰਤਰੀ ਨੇ ਇਹ ਹਦਾਇਤ ਵੀ ਜਾਰੀ ਕੀਤੀ ਕਿ ਦੇਸ਼ ਦਾ ਵੱਡਾ ਭੂਗੋਲਿਕ ਖੇਤਰ ਤੇ ਇਸ ਵਿਭਿੰਨਤਾ ਨੂੰ ਧਿਆਨ ’ਚ ਰੱਖਦਿਆਂ ਵੈਕਸੀਨ ਦੀ ਤੇਜ਼–ਰਫ਼ਤਾਰ ਨਾਲ ਪਹੁੰਚ ਯਕੀਨੀ ਬਣਾਈ ਜਾਣੀ ਚਾਹੀਦੀ ਹੈ। ਪ੍ਰਧਾਨ ਮੰਤਰੀ ਨੇ ਇਸ ਗੱਲ ਉੱਤੇ ਜ਼ੋਰ ਦਿੱਤਾ ਕਿ ਲੌਜਿਸਟਿਕਸ, ਡਿਲਿਵਰੀ ਤੇ ਪ੍ਰਸ਼ਾਸਨ ਨੂੰ ਹਰ ਕਦਮ ਉੱਤੇ ਚੁਸਤ ਤੇ ਦਰੁਸਤ ਰੱਖਿਆ ਜਾਵੇ। ਉਨ੍ਹਾਂ ਇਹ ਵੀ ਹਦਾਇਤ ਜਾਰੀ ਕੀਤੀ ਕਿ ਸਾਨੂੰ ਦੇਸ਼ ਵਿੱਚ ਚੋਣਾਂ ਅਤੇ ਆਪਦਾ ਪ੍ਰਬੰਧਨ ਸਫ਼ਲਤਾਪੂਰਬਕ ਕਰਵਾਉਣ ਤੇ ਚਲਾਉਣ ਦਾ ਤਜਰਬਾ ਵਰਤਣਾ ਚਾਹੀਦਾ ਹੈ। ਪ੍ਰਧਾਨ ਮੰਤਰੀ ਨੇ ਕਿਹਾ ਕਿ ਬਿਲਕੁਲ ਉਵੇਂ ਹੀ ਵੈਕਸੀਨ ਦੀ ਡਿਲਿਵਰੀ ਤੇ ਪ੍ਰਸ਼ਾਸਨ ਪ੍ਰਣਾਲੀਆਂ ਨੂੰ ਵੀ ਬਣਾਇਆ ਜਾਣਾ ਚਾਹੀਦਾ ਹੈ। ਇਸ ਵਿੱਚ ਰਾਜਾਂ / ਕੇਂਦਰ ਸ਼ਾਸਿਤ ਪ੍ਰਦੇਸ਼ਾਂ / ਜ਼ਿਲ੍ਹਾ ਪੱਧਰੀ ਅਧਿਕਾਰੀਆਂ, ਸਿਵਲ ਸੁਸਾਇਟੀ ਸੰਗਠਨਾਂ, ਵਲੰਟੀਅਰਾਂ, ਆਮ ਨਾਗਰਿਕਾਂ ਤੇ ਸਾਰੇ ਸਬੰਧਿਤ ਖੇਤਰਾਂ ਦੇ ਮਾਹਿਰਾਂ ਨੂੰ ਸ਼ਾਮਲ ਕੀਤਾ ਜਾਣਾ ਚਾਹੀਦਾ ਹੈ। 

https://www.pib.gov.in/PressReleseDetail.aspx?PRID=1665476 

ਡਾ. ਹਰਸ਼ ਵਰਧਨ ਨੇ ਸੰਡੇ ਸੰਵਾਦ-6 ਦੌਰਾਨ ਹਰੇਕ ਨੂੰ ਸ਼ਰਦ ਨਵਰਾਤਰੀ ਲਈ ਹਰੇਕ ਨੂੰ ਸ਼ੁਭ ਇਛਾਵਾਂ ਦਿਤੀਆਂ ਹਨ

ਕੇਂਦਰੀ ਸਿਹਤ ਤੇ ਪਰਿਵਾਰ ਭਲਾਈ ਮੰਤਰੀ ਡਾ: ਹਰਸ਼ ਵਰਧਨ ਨੇ ਸੰਡੇ ਸੰਵਾਦ ਦੇ 6ਵੇਂ ਐਪੀਸੋਡ ਵਿੱਚ ਸ਼ੋਸਲ ਮੀਡੀਆ ਵਰਤਣ ਵਾਲਿਆਂ ਤੇ ਉਤਸੁਕਤਾ ਭਰੇ ਸਵਾਲਾਂ ਦੇ ਜਵਾਬ ਦਿੱਤੇ। ਪਵਿੱਤਰ ਨਵਰਾਤਰੀ ਲਈ ਦਿਲੋਂ ਸ਼ੁੱਭ ਇਛਾਵਾਂ ਦੇਂਦਿਆਂ ਉਨ੍ਹਾਂ ਨੇ ਆਪਣੇ ਪੈਰੋਕਾਰਾਂ ਨੂੰ ਪ੍ਰਧਾਨ ਮੰਤਰੀ ਵਲੋਂ ਦਿੱਤੇ ''ਜਨ ਅੰਦੋਲਨ" ਨੂੰ ਦਿਲੋਂ ਸਵੀਕਾਰ ਕਰਕੇ ਪੂਰੇ ਮਾਣ ਤੇ ਧਾਰਮਿਕ ਭਾਵਨਾਵਾਂ ਨਾਲ ਕੋਵਿਡ ਉਚਿਤ ਵਿਵਹਾਰ ਦੀ ਪਾਲਣਾ ਕਰਕੇ ਦੂਸਰਿਆਂ ਲਈ ਇਸ ਦੇ ਰਾਜਦੂਤ ਬਨਣ ਦੀ ਅਪੀਲ ਕੀਤੀ ਹੈ। ਡਾ: ਹਰਸ਼ ਵਰਧਨ ਨੇ ਕੇਰਲ ਵਿੱਚ ਕੋਵਿਡ-19 ਦੇ ਮਾਮਲਿਆਂ ਵਿੱਚ ਹਾਲ ਹੀ ਵਿੱਚ ਆਏ ਉਛਾਲ ਤੇ ਆਪਣੇ ਵਿਚਾਰ ਸਾਂਝੇ ਕੀਤੇ ਹਨ। ਉਨ੍ਹਾਂ ਨੇ ਇਹ ਮੰਨਿਆ ਕਿ ਕੇਰਲ ਵਿੱਚ 30 ਜਨਵਰੀ ਅਤੇ 3 ਮਈ ਨੂੰ ਕੇਵਲ 499 ਮਾਮਲੇ ਤੇ ਦੋ ਮੌਤਾਂ ਕੋਵਿਡ-19 ਕਾਰਣ ਹੋਈਆਂ ਸਨ। ਉਨ੍ਹਾਂ ਅਫਸੋਸ ਪ੍ਰਗਟ ਕਰਦਿਆਂ ਕਿਹਾ ਕਿ ਕੇਰਲ ਹਾਲ ਹੀ ਵਿੱਚ ਓਨਮ ਦੇ ਜਸ਼ਨਾ ਦੌਰਾਨ ਕੀਤੀਆਂ ਗਈਆਂ ਵੱਡੀਆਂ ਲਾਪਰਵਾਹੀਆਂ ਦੀ ਕੀਮਤ ਅਦਾ ਕਰ ਰਿਹਾ ਸੀ ਕਿਉਂਕਿ ਉਸ ਵੇਲੇ ਪੂਰੇ ਦੇਸ਼ ਵਿੱਚ ਸੇਵਾਵਾਂ ਅਨਲੌਕ ਕੀਤੀਆਂ ਜਾ ਰਹੀਆਂ ਸਨ ਅਤੇ ਇਸ ਦੇ ਨਾਲ ਹੀ ਰਾਜ ਅੰਦਰ ਤੇ ਇੱਕ ਤੋਂ ਦੂਜੇ ਰਾਜ ਵਿੱਚ ਵਪਾਰ ਅਤੇ ਯਾਤਰੀਆਂ ਦੀ ਗਿਣਤੀ ਵਧਣ ਕਾਰਣ ਕੋਵਿਡ-19 ਦਾ ਫੈਲਾਅ ਹੋਇਆ ਹੈ ,''ਕੇਰਲ ਵਿੱਚ ਓਨਮ ਜਸ਼ਨਾ ਨੇ ਕਰੋਨਾ ਵਿੱਚ ਹੋਏ ਵਾਧੇ ਦੇ ਅੰਕੜਿਆਂ ਨੂੰ ਰਾਜ ਵਿੱਚ ਮੁਕੰਮਲ ਤੌਰ ਤੇ ਬਦਲਿਆ ਹੈ ਅਤੇ ਹੁਣ ਹਰ ਰੋਜ ਆਉਣ ਵਾਲੇ ਮਾਮਲਿਆਂ ਦੀ ਗਿਣਤੀ ਲੱਗਭੱਗ ਦੁਗਣੀ ਹੈ"। ਮੰਤਰੀ ਨੇ ਕਿਹਾ ਕਿ ਉਨ੍ਹਾਂ ਸਾਰੀਆਂ ਰਾਜ ਸਰਕਾਰਾਂ ਨੂੰ ਕੇਰਲ ਤੋਂ ਸਬਕ ਲੈਣਾ ਚਾਹੀਦਾ ਹੈ ਜੋ ਤਿਉਹਾਰੀ ਮੌਸਮ ਦੌਰਾਨ ਯੋਜਨਾ ਵਿੱਚ ਲਾਪਰਵਾਹੀ ਕਰ ਰਹੇ ਹਨ। ਡਾ.  ਹਰਸ਼ ਵਰਧਨ ਨੇ ਭਰੋਸਾ ਦਿੱਤਾ ਕਿ ਭਾਰਤ ਵਿੱਚ ਕੋਰੋਨਾ ਵਾਇਰਸ ਵਿੱਚ ਕਿਸੇ ਪ੍ਰਕਾਰ ਦੀ ਮ‍ਯੂਟੇਸ਼ਨ ਦਾ ਪਤਾ ਨਹੀਂ ਲਗਿਆ ਹੈ। ਜੋ ਕਿ ਜਾਂ ਤਾਂ ਵਧੇਰੇ ਸੰਚਾਰਣ ਕੁਸ਼ਲ ਜਾਂ ਅਧਿਕ ਰੋਗਜਨਕ ਹੈ। ਮੰਤਰੀ ਨੇ ਕਿਹਾ ਕਿ ਸਿਹਤ ਤੇ ਪਰਿਵਾਰ ਭਲਾਈ ਮੰਤਰਾਲਾ ਪਹਿਲਾਂ ਹੀ ਕੋਵਿਡ ਪੈਕੇਜ ਦੇ ਦੂਜੇ ਪੜਾਅ ਦੌਰਾਨ 33 ਰਾਜਾਂ ਅਤੇ ਕੇਂਦਰ ਸ਼ਾਸਿਤ ਪ੍ਰਦੇਸਾਂ ਨੂੰ ਗ੍ਰਾਂਟ ਜਾਰੀ ਕਰ ਚੁੱਕਾ ਹੈ। ਦੂਜੇ ਪੈਕੇਜ ਦੌਰਾਨ ਜਾਰੀ ਵਿੱਤੀ ਸਹਾਇਤਾ ਦੀ ਕੁੱਲ ਰਾਸ਼ੀ 1352 ਕਰੋੜ ਰੁਪਏ ਸੀ। ਦੂਜੇ ਪੜਾਅ ਦੀ ਗ੍ਰਾਂਟ ਅਗਸਤ, ਸਤੰਬਰ ਅਤੇ ਅਕਤੂਬਰ 2020 ਵਿੱਚ ਜਾਰੀ ਕੀਤੀ ਗਈ ਹੈ।

https://www.pib.gov.in/PressReleseDetail.aspx?PRID=1665634 

ਡਾ. ਹਰਸ਼ ਵਰਧਨ ਦੀ ਪ੍ਰਧਾਨਗੀ ਹੇਠ ਡੀਐੱਸਟੀ ਅਤੇ ਸੀਐੱਸਆਈਆਰ ਦੇ ਖ਼ੁਦਮੁਖਤਿਆਰ ਸੰਸਥਾਨਾਂ ਦੇ ਮੁਖੀਆਂ / ਡਾਇਰੈਕਟਰਾਂ ਨਾਲ ਕੋਵਿਡ ਲਈ ਉਚਿਤ ਵਿਵਹਾਰ ਬਾਰੇ ਇੱਕ ਬੈਠਕ ਹੋਈ

ਕੇਂਦਰੀ ਵਿਗਿਆਨ ਤੇ ਟੈਕਨੋਲੋਜੀ, ਪ੍ਰਿਥਵੀ ਵਿਗਿਆਨ ਅਤੇ ਸਿਹਤ ਤੇ ਪਰਿਵਾਰ ਭਲਾਈ ਮੰਤਰੀ, ਡਾ. ਹਰਸ਼ ਵਰਧਨ ਨੇ ਅੱਜ ਇੱਥੇ ਕੋਵਿਡ ਲਈ ਉਚਿਤ ਵਿਵਹਾਰ ਬਾਰੇ ‘ਜਨ ਅੰਦੋਲਨ’ ਅਧੀਨ ਕੀਤੀਆਂ ਗਤੀਵਿਧੀਆਂ ਸਮੀਖਿਆ ਕਰਨ ਲਈ ਵਿਗਿਆਨ ਤੇ ਟੈਕਨੋਲੋਜੀ ਵਿਭਾਗ (ਡੀਐੱਸਟੀ-DST) ਅਤੇ ਸੀਐੱਸਆਈਆਰ (CSIR) ਅਧੀਨ ਖ਼ੁਦਮੁਖਤਿਆਰ ਸੰਸਥਾਨਾਂ ਦੇ ਮੁਖੀਆਂ/ਡਾਇਰੈਕਟਰਾਂ ਨਾਲ ਵੀਡੀਓ ਕਾਨਫ਼ਰੰਸਿੰਗ ਰਾਹੀਂ ਇੱਕ ਬੈਠਕ ਦੀ ਪ੍ਰਧਾਨਗੀ ਕੀਤੀ। ਮਹਾਮਾਰੀ ਖ਼ਿਲਾਫ਼ ਦੇਸ਼ ਦੀ ਸਮੂਹਕ ਜੰਗ ਵਿੱਚ ਆਉਣ ਵਾਲੇ ਮਹੀਨਿਆਂ ਦੇ ਮਹੱਤਵ ਨੂੰ ਉਜਾਗਰ ਕਰਦਿਆਂ ਡਾ. ਹਰਸ਼ ਵਰਧਨ ਨੇ ਕਿਹਾ,‘ਅਸੀਂ ਹੁਣ ਕੋਵਿਡ–19 ਖ਼ਿਲਾਫ਼ ਆਪਣੀ ਜੰਗ ਦੇ 10ਵੇਂ ਮਹੀਨੇ ਵਿੱਚ ਦਾਖ਼ਲ ਹੋ ਰਹੇ ਹਨ। ਅਸੀਂ ਮਾਹਿਰਾਂ ਦੇ ਸਮੂਹ ਨਾਲ ਪਹਿਲੀ ਬੈਠਕ 8 ਜਨਵਰੀ ਨੂੰ ਕੀਤੀ ਸੀ। ਤਦ ਤੋਂ ਇਹ ਯਾਤਰਾ ਅਣਥੱਕ ਢੰਗ ਨਾਲ ਚਲ ਰਹੀ ਹੈ। ਪਰ ਅੱਜ ਅਸੀਂ ਮਾਣ ਨਾਲ ਆਖ ਸਕਦੇ ਹਾਂ ਕਿ ਅਸੀਂ ਕੋਵਿਡ ਖ਼ਿਲਾਫ਼ ਆਪਣੀ ਜੰਗ ਲਈ ਅਹਿਮ ਬੁਨਿਆਦੀ ਢਾਂਚਾ ਤਿਆਰ ਕਰ ਲਿਆ ਹੈ।’ ਮੰਤਰੀ ਨੇ ਉਨ੍ਹਾਂ ਸਾਰੇ ਵਿਗਿਆਨੀਆਂ ਦੁਆਰਾ ਕੀਤੇ ਗਏ ਮਹਾਨ ਕਾਰਜਾਂ ਦੀ ਸ਼ਲਾਘਾ ਕੀਤੀ, ਜਿਨ੍ਹਾਂ ਨੇ ਆਪੋ–ਆਪਣੇ ਅਧਿਕਾਰ–ਖੇਤਰਾਂ ਤੋਂ ਬਾਹਰ ਜਾ ਕੇ ਕੰਮ ਕੀਤਾ ਤੇ ਉਨ੍ਹਾਂ ਕਿਹਾ ਕਿ ਅੱਜ ਸਮੁੱਚੇ ਵਿਸ਼ਵ ਵਿੱਚ 9 ਵੈਕਸੀਨ ਉਮੀਦਵਾਰ ਹਨ, ਜੋ ਕਾਫ਼ੀ ਅਗਲੇ ਪੜਾਵਾਂ ਉੱਤੇ ਹਨ। ਉਨ੍ਹਾਂ ਆਸ ਪ੍ਰਗਟਾਈ ਕਿ ਕੋਰੋਨਾ ਵੈਕਸੀਨ ਦਾ ਉਤਪਾਦਨ ਛੇਤੀ ਹੀ ਭਾਰਤ ਅੰਦਰ ਹੋਣ ਲੱਗ ਪਵੇਗਾ।  ਕੋਵਿਡ ਖ਼ਿਲਾਫ਼ ਜੰਗ ਹਾਲੇ ਖ਼ਤਮ ਨਾ ਹੋਣ ਦੀ ਗੱਲ ਕਰਦਿਆਂ ਡਾ. ਹਰਸ਼ ਵਰਧਨ ਨੇ ਲੋਕਾਂ ਨੂੰ ਸਾਵਧਾਨ ਕੀਤਾ ਕਿ ਉਹ ਕੋਵਿਡ–19 ਖ਼ਿਲਾਫ਼ ਜੂਝਦਿਆਂ ਹਾਲੇ ਖ਼ੁਸ਼, ਲਾਪਰਵਾਹ ਨਾ ਹੋਣ ਅਤੇ ਇਸ ਮਾਮਲੇ ਵਿੱਚ ਨਿਯਮਾਂ ਦੀ ਪਾਲਣਾ ਕਰਨ ’ਚ ਕੋਈ ਢਿੱਲ–ਮੱਠ ਨਾ ਕਰਨ। ਉਨ੍ਹਾਂ ਕਿਹਾ ਕਿ ‘ਠੰਢ ਦੇ ਮੌਸਮ ਤੇ ਤਿਉਹਾਰਾਂ ਦੇ ਸੀਜ਼ਨ ਕਾਰਨ ਕੋਰੋਨਾ ਖ਼ਿਲਾਫ਼ ਸਾਡੀ ਜੰਗ ਵਿੱਚ ਅਗਲੇ ਢਾਈ ਮਹੀਨੇ ਸਾਡੇ ਲਈ ਬਹੁਤ ਅਹਿਮ ਹੋਣ ਜਾ ਰਹੇ ਹਨ। ਇਹ ਹਰੇਕ ਨਾਗਰਿਕ ਦੀ ਜ਼ਿੰਮੇਵਾਰੀ ਹੈ ਕਿ ਆਪੋ–ਆਪਣੀਆਂ ਸਾਵਧਾਨੀਆਂ ’ਚ ਕੋਈ ਢਿੱਲ ਨਾ ਆਉਣ ਦੇਣ ਅਤੇ ਇਸ ਛੂਤ ਦਾ ਫੈਲਣਾ ਰੋਕਣ ਹਿਤ ਕੋਵਿਡ ਲਈ ਉਚਿਤ ਵਿਵਹਾਰ ਦੀ ਪਾਲਣਾ ਕਰਨ।’

https://www.pib.gov.in/PressReleseDetail.aspx?PRID=1665211 

ਵਿੱਤ ਮੰਤਰੀ ਸ਼੍ਰੀਮਤੀ ਨਿਰਮਲਾ ਸੀਤਾਰਮਨ ਨੇ ਸੀਪੀਐੱਸਈਜ਼ ਦੇ ਕੈਪੇਕਸ (ਸੀਏਪੀਈਐਕਸ) ਤੇ ਚੌਥੀ ਸਮੀਖਿਆ ਮੀਟਿੰਗ ਕੀਤੀ

ਕੇਂਦਰੀ ਵਿੱਤ ਅਤੇ ਕਾਰਪੋਰੇਟ ਮਾਮਲਿਆਂ ਬਾਰੇ ਮੰਤਰੀ ਸ਼੍ਰੀਮਤੀ ਨਿਰਮਲਾ ਸੀਤਾਰਮਣ ਨੇ ਅੱਜ ਪੈਟਰੋਲੀਅਮ ਅਤੇ ਕੁਦਰਤੀ ਗੈਸ ਮੰਤਰਾਲਿਆਂ ਅਤੇ ਕੋਲਾ ਮੰਤਰਾਲਾ ਦੇ ਸਕੱਤਰਾਂ ਅਤੇ ਇਨ੍ਹਾਂ ਮੰਤਰਾਲਿਆਂ ਨਾਲ ਸਬੰਧਤ 14 ਸੀਪੀਐੱਸਈ'ਜ਼ ਦੇ ਚੇਅਰਮੈਨ-ਕਮ-ਮੈਨੇਜਿੰਗ ਡਾਇਰੈਕਟਰਾਂ (ਸੀਐਮਡੀ'ਜ਼) ਨਾਲ ਇਸ ਵਿੱਤੀ ਸਾਲ ਵਿੱਚ ਕੈਪੇਕਸ (ਸੀਏਪੀਈਈਐਕਸ) ਦੇ ਪੂੰਜੀਗਤ ਖਰਚਿਆਂ ਦੀ ਸਮੀਖਿਆ ਕਰਨ ਲਈ ਵੀਡੀਓ ਕਾਨਫਰੰਸ ਕੀਤੀ। ਇਹ ਮੀਟਿੰਗਾਂ ਦੀ ਚਲ ਰਹੀ ਲੜੀ ਦੀ ਚੌਥੀ ਮੀਟਿੰਗ ਸੀ ਜੋ ਵਿੱਤ ਮੰਤਰੀ ਵੱਖ ਵੱਖ ਹਿੱਸੇਦਾਰਾਂ ਨਾਲ ਕੋਵਿਡ-19 ਮਹਾਮਾਰੀ ਦੇ ਪਿਛੋਕੜ ਵਿੱਚ ਆਰਥਿਕ ਵਿਕਾਸ ਦੀ ਰਫਤਾਰ ਨੂੰ ਵਧਾਉਣ ਲਈ ਕਰ ਰਹੇ ਹਨ। ਵਿੱਤੀ ਸਾਲ 2019-20 ਵਿੱਚ, ਕੈਪੇਕਸ ਦੇ 1,11,672 ਕਰੋੜ ਰੁਪਏ ਦੇ ਇਨ੍ਹਾਂ 14 ਸੀਪੀਐੱਸਈ'ਜ਼ ਲਈ ਟੀਚੇ ਦੇ ਮੁਕਾਬਲੇ ਪ੍ਰਾਪਤੀ 1,16,323 ਕਰੋੜ ਰੁਪਏ ਅਰਥਾਤ 104% ਸੀ। ਵਿੱਤੀ ਸਾਲ 2019-20, ਐਚ 1 ਦੀ ਪ੍ਰਾਪਤੀ 43,097 ਕਰੋੜ ਰੁਪਏ (39%) ਸੀ ਅਤੇ ਵਿੱਤੀ ਸਾਲ 2020-21, H1 ਦੀ ਪ੍ਰਾਪਤੀ 37,423 ਕਰੋੜ (32%) ਹੈ। 2020-21 ਲਈ ਕੈਪੇਕਸ ਦਾ ਟੀਚਾ 1,15,934 ਕਰੋੜ ਰੁਪਏ ਦਾ ਹੈ। ਸੀਪੀਐੱਸਈ'ਜ਼ ਦੇ ਪ੍ਰਦਰਸ਼ਨ ਦੀ ਸਮੀਖਿਆ ਕਰਦਿਆਂ, ਸ਼੍ਰੀਮਤੀ ਸੀਤਾਰਮਣ ਨੇ ਕਿਹਾ ਕਿ ਸੀਪੀਐੱਸਈ ਦੁਆਰਾ ਕੈਪੇਕਸ ਆਰਥਿਕ ਵਿਕਾਸ ਦਾ ਮਹੱਤਵਪੂਰਨ ਚਾਲਕ ਹੈ ਅਤੇ ਵਿੱਤੀ ਸਾਲ 2020-21 ਅਤੇ 2021-22 ਤੱਕ ਇਸ ਨੂੰ ਵਧਾਉਣ ਦੀ ਜ਼ਰੂਰਤ ਹੈ।   ਸ਼੍ਰੀਮਤੀ. ਸੀਤਾਰਮਣ ਨੇ ਕਿਹਾ ਕਿ ਸੀਪੀਐੱਸਈ'ਜ਼ ਦੀ ਬਿਹਤਰ ਕਾਰਗੁਜ਼ਾਰੀ ਅਰਥਵਿਵਸਥਾ ਨੂੰ ਕੋਵਿਡ-19 ਦੇ ਪ੍ਰਭਾਵ ਤੋਂ ਰਿਕਵਰ ਕਰਨ ਵਿੱਚ ਵੱਡੇ ਪੱਧਰ ਤੇ ਸਹਾਇਤਾ ਕਰ ਸਕਦੀ ਹੈ।

https://pib.gov.in/PressReleseDetail.aspx?PRID=1665774 

ਵਿੱਤ ਮੰਤਰੀ ਸ਼੍ਰੀਮਤੀ ਨਿਰਮਲਾ ਸੀਤਾਰਮਣ ਨੇ ਵਿਸ਼ਵ ਬੈਂਕ ਵਿਕਾਸ ਕਮੇਟੀ ਦੀ 102ਵੀਂ ਬੈਠਕ ਵਿੱਚ ਹਿੱਸਾ ਲਿਆ

ਕੇਂਦਰੀ ਵਿੱਤ ਅਤੇ ਕਾਰਪੋਰੇਟ ਮਾਮਲੇ ਮੰਤਰੀ ਸ਼੍ਰੀਮਤੀ ਨਿਰਮਲਾ ਸੀਤਾਰਮਣ ਨੇ ਅੱਜ ਇੱਥੇ ਵੀਡੀਓ ਕਾਨ‍ਫਰੰਸਿੰਗ  ਦੇ ਜ਼ਰੀਏ ਵਿਸ਼‍ਵ ਵਿਕਾਸ ਕਮੇਟੀ ਸਾਰਾ ਦੀ 102ਵੀਂ ਬੈਠਕ ਵਿੱਚ ਹਿੱਸਾ ਲਿਆ। ਇਸ ਸੈਸ਼ਨ ਦੌਰਾਨ ਆਪਣੇ ਸੰ‍ਬੋਧਨ ਵਿੱਚ ਸ਼੍ਰੀਮਤੀ ਸੀਤਾਰਮਣ ਨੇ ਕਿਹਾ ਕਿ ਕੋਵਿਡ-19 ਮਹਾਮਾਰੀ ਦਾ ਪ੍ਰਕੋਪ,  ਜੋ ਅਪ੍ਰੈਲ ਵਿੱਚ ਹੋਈ ਸਾਡੀ ਪਿਛਲੀ ਬੈਠਕ ਤੋਂ ਪਹਿਲਾਂ ਹੀ ਸ਼ੁਰੂ ਹੋ ਚੁੱਕਿਆ ਸੀ,  ਉਹ ਅੱਜ ਤੱਕ‍ ਵਿਕਾਸਸ਼ੀਲ ਅਤੇ ਵਿਕਸਿਤ ਦੇਸ਼ਾਂ ਨੂੰ ਪ੍ਰਭਾਵਿਤ ਕਰਨਾ ਜਾਰੀ ਰੱਖਿਆ ਹੋਇਆ ਹੈ ਅਤੇ ਅਨੇਕ ਸਾਲਾਂ ਦੇ ਅਥਕ ਯਤਨਾਂ ਦੇ ਬਾਅਦ ਗ਼ਰੀਬੀ ਦੇ ਪੱਧਰ ਵਿੱਚ ਕਮੀ ਲਿਆਉਣ ਦੇ ਜੋ ਲਾਭ ਹਾਸਲ ਹੋਏ ਸਨ,  ਉਨ੍ਹਾਂ ਦੇ ਖੋਹ ਦੇਣ ਦਾ ਬਹੁਤ ਵੱਡਾ ਖ਼ਤਰਾ ਉਤਪੰਨ ਹੋ ਗਿਆ ਹੈ। ਭਾਰਤ ਸਰਕਾਰ ਨੇ ਮਹਾਮਾਰੀ ਨੂੰ ਫੈਲਣ ਤੋਂ ਰੋਕਣ ਅਤੇ ਇਸ ਦੇ ਸਮਾਜਿਕ ਅਤੇ ਆਰਥਿਕ ਪ੍ਰਭਾਵਾਂ ਦਾ ਸ਼ਮਨ ਕਰਨ ਲਈ ਕਈ ਉਪਾਅ ਕੀਤੇ ਹਨ। ਵਿੱਤ ਮੰਤਰੀ  ਨੇ ਕਿਹਾ ਕਿ ਸਰਕਾਰ ਨੇ ਗ਼ਰੀਬਾਂ ਨੂੰ ਪ੍ਰਤੱਖ ਨਕਦ ਅੰਤਰਣ ਅਤੇ ਭੋਜਨ ਸੁਰੱਖਿਆ ਉਪਲੱਬ‍ਧ ਕਰਵਾਉਣ ਦੇ ਉਪਾਵਾਂ ਲਈ 23 ਬਿਲੀਅਨ ਡਾਲਰ  ਦੇ ਪਹਿਲੇ ਪ੍ਰੋਤ‍ਸਾਹਨ ਪੈਕੇਜ ਦਾ ਐਲਾਨ ਕੀਤਾ ਸੀ।  ਇਸ ਦੇ ਬਾਅਦ ਮਾਣਯੋਗ ਪ੍ਰਧਾਨ ਮੰਤਰੀ ਸ਼੍ਰੀ ਨਰੇਂਦਰ ਮੋਦੀ  ਵਲੋਂ ਕੀਤੇ ਗਏ ਆਤ‍ਮਨਿਰਭਰ ਭਾਰਤ ਬਣਾਉਣ ਦੇ ਸੱਦੇ ਦੇ ਅਧਾਰ ‘ਤੇ 271 ਬਿਲੀਅਨ ਡਾਲਰ- ਦਾ ਵਿਸ਼ੇਸ਼ ਆਰਥਿਕ ਪੈਕੇਜ ਐਲਾਨ ਕੀਤਾ ਗਿਆ ਸੀ ,  ਜੋ ਭਾਰਤ  ਦੀ ਜੀਡੀਪੀ  ਦੇ 10%ਦੇ ਬਰਾਬਰ ਹੈ।  ਕਾਰੋਬਾਰ ਨੂੰ ਰਾਹਤ ਦੇਣ,  44 ਕੇਂਦਰੀ ਕਿਰਤ ਕਾਨੂੰਨਾਂ ਨੂੰ ਸਰਲ ਬਣਾਉਣ ,  ਸੰਮੇਲਨ ਕਰਨ ਅਤੇ ਬਿਹਤਰ ਬਣਾਉਣ ਰਾਹੀਂ ਕਿਰਤ ਖੇਤਰ ਵਿੱਚ ਵੱਡੇ ਸੁਧਾਰ ਲਿਆਉਣ , ਰਾਸ਼ਨ ਕਾਰਡਾਂ ਦੀ ਨੈਸ਼ਨਲ ਪੋਰਟੇਬੀਲਿਟੀ ਰਾਹੀਂ ਪ੍ਰਵਾਸੀ ਮਜ਼ਦੂਰਾਂ ਨੂੰ ਪ੍ਰਭਾਵੀ ਸਮਾਜਿਕ ਸੁਰੱਖਿਆ ਉਪਲੱਬਧ ਕਰਵਾਉਣ ਦਾ ਐਲਾਨ ਕੀਤਾ ਗਿਆ ਹੈ।  ਗ੍ਰਾਮੀਣ ਖੇਤਰ ਨੂੰ ਨਾਬਾਰਡ ਰਾਹੀਂ ਪੁਨਰਵਿੱਤੀਯਨ,  ਖੇਤੀਬਾੜੀ ਖੇਤਰ ਵਿੱਚ 27.13 ਬਿਲੀਅਨ ਡਾਲਰ ਦੀ ਅਤਿਰਿਕ‍ਤ ਨਕਦੀ ਲਗਾਉਣ ਅਤੇ ਰਾਸ਼‍ਟਰੀ ਗ੍ਰਾਮੀਣ ਰੋਜ਼ਗਾਰ ਗਾਰੰਟੀ ਯੋਜਨਾ (ਮਨਰੇਗਾ)  ਲਈ ਵੰਡ ਵਧਾਉਣ ਦੇ ਜ਼ਰੀਏ ਸਹਾਇਤਾ ਪ੍ਰਦਾਨ ਕੀਤੀ ਗਈ ਹੈ। ਸ਼੍ਰੀਮਤੀ ਸੀਤਾਰਮਣ ਨੇ ਇਸ ਗੱਲ ਦਾ ਵੀ ਉਲੇਖ ਕੀਤਾ ਕਿ ਕੋਵਿਡ-19 ਮਹਾਮਾਰੀ ਦੇ ਮੱਦੇਨਜ਼ਰ ਸਰਕਾਰ ਨੇ ਸਿਹਤ ਸੰਬਧੀ ਬੁਨਿਆਦੀ ਸੁਵਿਧਾਵਾਂ ਲਈ 2.03 ਬਿਲੀਅਨ ਡਾਲਰ ਰਕਮ ਦੀ ਪ੍ਰਤੀਬੱਧਤਾ ਵਿਅਕਤ ਕੀਤੀ ਹੈ।

https://www.pib.gov.in/PressReleseDetail.aspx?PRID=1665261 

ਕੇਂਦਰੀ ਖੇਤੀਬਾੜੀ ਰਾਜ ਮੰਤਰੀ ਸ਼੍ਰੀ ਨਰੇਂਦਰ ਸਿੰਘ ਤੋਮਰ ਨੇ ਸਹਿਕਾਰੀ ਸਭਾਵਾਂ ਵਲੋਂ ਸਿਹਤ ਸੁਵਿਧਾਵਾਂ ਬੁਨਿਆਦੀ ਢਾਂਚੇ ਦੇ ਨਿਰਮਾਣ ਲਈ 10 ਹਜਾਰ ਕਰੋੜ ਰੁਪਏ ਦਾ ਐੱਨਸੀਡੀਸੀ. ਆਯੂਸ਼ਮਾਨ ਸਾਹਾਕਾਰ ਫੰਡ ਜਾਰੀ ਕਰਨ ਦੀ ਕੀਤੀ ਸ਼ੁਰੂਆਤ

ਕੇਂਦਰੀ ਖੇਤੀਬਾੜੀ ਰਾਜ ਮੰਤਰੀ ਸ਼੍ਰੀ ਨਰੇਂਦਰ ਸਿੰਘ ਤੋਮਰ ਨੇ ਅੱਜ ਦੇਸ਼ ਵਿੱਚ ਸਿਹਤ ਸੁਵਿਧਾਵਾਂ ਦੇ ਬੁਨਿਆਦੀ ਢਾਂਚੇ ਵਿੱਚ ਸਹਿਕਾਰੀ ਸਭਾਵਾਂ ਵਲੋਂ ਮੁੱਖ ਯੋਗਦਾਨ ਪਾਉਣ ਲਈ ਸਹਾਇਤਾ ਕਰਨ ਲਈ ਇਕ ਵਿਲੱਖਣ ਸਕੀਮ ਆਯੂਸ਼ਮਾਨ ਸਾਹਾਕਾਰ ਦੀ ਸ਼ੁਰੂਆਤ ਕੀਤੀ।ਇਹ ਸਕੀਮ ਖੇਤੀਬਾੜੀ ਤੇ ਪਰਿਵਾਰ ਭਲਾਈ ਮੰਤਰਾਲੇ ਤਹਿਤ ਰਾਸ਼ਟਰੀ ਸਹਿਕਾਰੀ ਵਿਕਾਸ ਕਾਰਪੋਰੇਸ਼ਨ ਜੋ ਇਕ ਮੁੱਖ ਅਟੋਨੋਮਸ ਵਿਕਾਸ ਵਿਤ ਸੰਸਥਾ ਹੈ ਵਲੋਂ ਤਿਆਰ ਕੀਤੀ ਗਈ ਹੈ।  ਸ਼੍ਰੀ ਤੋਮਰ ਨੇ ਐਲਾਨ ਕੀਤਾ ਕਿ ਆਉਂਦੇ ਸਾਲਾਂ ਵਿੱਚ ਐੱਨਸੀਡੀਸੀ ਦਸ ਹਜਾਰ ਕਰੋੜ ਰੁਪਏ ਸੰਭਾਵੀ ਸਹਿਕਾਰੀ ਸਭਾਵਾਂ ਨੂੰ ਮਿਆਦੀ ਕਰਜੇ ਮੁਹੱਈਆ ਕਰੇਗੀ। ਉਨ੍ਹਾਂ ਕਿਹਾ ਕਿ ਮੌਜੂਦਾ ਮਹਾਮਾਰੀ ਨੇ ਹੋਰ ਸੁਵਿਧਾਵਾਂ ਤੇ ਫੋਕਸ ਕਰਨ ਦੀ ਲੋੜ ਨੂੰ ਸਾਹਮਣੇ ਲਿਆਂਦਾ ਹੈ। ਐੱਨਸੀਡੀਸੀ. ਦੀ ਸਕੀਮ ਕੇਂਦਰ ਸਰਕਾਰ ਵਲੋਂ ਕਿਸਾਨਾ ਦੀਆਂ ਭਲਾਈ ਗਤੀਵਿਧੀਆਂ ਨੂੰ ਮਜ਼ਬੂਤ ਕਰਨ ਵੱਲ ਇੱਕ ਕਦਮ ਹੋਵੇਗਾ।

https://www.pib.gov.in/PressReleseDetail.aspx?PRID=1665797 

ਮੁਖਤਾਰ ਅੱਬਾਸ ਨਕਵੀ ਨੇ ਹਜ 2021 ਦੀ ਸਮੀਖਿਆ ਬੈਠਕ ਕੀਤੀ

ਕੇਂਦਰੀ ਘੱਟ ਗਿਣਤੀ ਮਾਮਲੇ ਮੰਤਰੀ ਸ਼੍ਰੀ ਮੁਖਤਾਰ ਅੱਬਾਸ ਨਕਵੀ ਨੇ ਅੱਜ ਇੱਥੇ ਕਿਹਾ ਕਿ ਹਜ 2021 ਮਹਾਮਾਰੀ ਦੀ ਸਥਿਤੀ ਕਾਰਨ ਕੌਮੀ-ਅੰਤਰਰਾਸ਼ਟਰੀ ਪ੍ਰੋਟੋਕੋਲ ਦਿਸ਼ਾ ਨਿਰਦੇਸ਼ਾਂ ‘ਤੇ ਨਿਰਭਰ ਕਰੇਗਾ। ਨਵੀਂ ਦਿੱਲੀ ਵਿੱਚ ਹਜ 2021 ਦੀ ਸਮੀਖਿਆ ਬੈਠਕ ਦੀ ਪ੍ਰਧਾਨਗੀ ਕਰਦਿਆਂ ਸ਼੍ਰੀ ਨਕਵੀ ਨੇ ਕਿਹਾ ਕਿ ਹਜ 2021 ਜੂਨ-ਜੁਲਾਈ 2021 ਨੂੰ ਤੈਅ ਕੀਤਾ ਜਾਣਾ ਹੈ, ਪਰ ਹੱਜ 2021 ਬਾਰੇ ਅੰਤਿਮ ਫੈਸਲਾ ਸਉਦੀ ਅਰਬ ਦੀ ਸਰਕਾਰ ਦੁਆਰਾ ਜਾਰੀ ਕੀਤੇ ਜਾ ਰਹੇ ਜ਼ਰੂਰੀ ਦਿਸ਼ਾ ਨਿਰਦੇਸ਼ਾਂ ਅਤੇ ਭਾਰਤ ਸਰਕਾਰ ਦੁਆਰਾ ਕੋਰੋਨਾ ਮਹਾਮਾਰੀ ਦੇ ਮੱਦੇਨਜ਼ਰ ਲੋਕਾਂ ਦੀ ਸਿਹਤ ਅਤੇ ਤੰਦਰੁਸਤੀ ਨੂੰ ਧਿਆਨ ਵਿੱਚ ਰੱਖਦਿਆਂ ਸਹੀ ਸਮੇਂ ਤੇ ਲਿਆ ਜਾਵੇਗਾ। ਸ਼੍ਰੀ ਨਕਵੀ ਨੇ ਕਿਹਾ ਕਿ ਹਜ ਕਮੇਟੀ ਆਫ ਇੰਡੀਆ ਅਤੇ ਹੋਰ ਭਾਰਤੀ ਏਜੰਸੀਆਂ ਹਜ 2021 'ਤੇ ਸਉਦੀ ਅਰਬ ਸਰਕਾਰ ਦੁਆਰਾ ਇੱਕ ਫੈਸਲਾ ਲੈਣ ਤੋਂ ਬਾਅਦ ਹਜ 2021 ਅਰਜ਼ੀ ਪ੍ਰਕਿਰਿਆ ਅਤੇ ਹੋਰ ਸਬੰਧਤ ਤਿਆਰੀਆਂ ਦਾ ਰਸਮੀ ਤੌਰ' ਤੇ ਐਲਾਨ ਕਰੇਗੀ। ਸ਼੍ਰੀ ਨਕਵੀ ਨੇ ਕਿਹਾ ਕਿ ਸਾਰੀ ਹਜ ਪ੍ਰਕਿਰਿਆ ਜ਼ਰੂਰੀ ਦਿਸ਼ਾ ਨਿਰਦੇਸ਼ਾਂ ਦੇ ਮੱਦੇਨਜ਼ਰ ਇੱਕ ਮਹੱਤਵਪੂਰਣ ਤਬਦੀਲੀ ਹੋ ਸਕਦੀ ਹੈ। ਇਨ੍ਹਾਂ ਵਿੱਚ ਭਾਰਤ ਅਤੇ ਸਉਦੀ ਅਰਬ ਵਿੱਚ ਰਿਹਾਇਸ਼, ਆਵਾਜਾਈ, ਸਿਹਤ ਅਤੇ ਹੋਰ ਸੁਵਿਧਾਵਾਂ ਸ਼ਾਮਲ ਹਨ। ਸ਼੍ਰੀ ਨਕਵੀ ਨੇ ਕਿਹਾ ਕਿ ਕੋਰੋਨਾ ਮਹਾਮਾਰੀ ਕਾਰਨ ਯਾਤਰੂਆਂ ਦੀ ਸਿਹਤ ਅਤੇ ਤੰਦਰੁਸਤੀ ਸਰਕਾਰ ਲਈ ਸਭ ਤੋਂ ਵੱਡੀ ਤਰਜੀਹ ਹੈ। ਭਾਰਤੀ ਏਜੰਸੀਆਂ ਇਸ ਸਬੰਧ ਵਿੱਚ ਲੋੜੀਂਦੇ ਪ੍ਰਬੰਧਾਂ ਨੂੰ ਯਕੀਨੀ ਬਣਾਉਣਗੀਆਂ। ਭਾਰਤ ਸਰਕਾਰ ਅਤੇ ਹਜ ਕਮੇਟੀ ਨੇ ਸ਼ਰਧਾਲੂਆਂ ਦੀ ਸਿਹਤ ਅਤੇ ਤੰਦਰੁਸਤੀ ਨੂੰ ਯਕੀਨੀ ਬਣਾਉਣ ਲਈ ਲੋੜੀਂਦੀਆਂ ਤਿਆਰੀਆਂ ਸ਼ੁਰੂ ਕਰ ਦਿੱਤੀਆਂ ਹਨ।

https://www.pib.gov.in/PressReleseDetail.aspx?PRID=1665797 

ਕਿਸਾਨਾਂ ਲਈ ਵਿਸ਼ੇਸ਼ ਕਿਸਾਨ ਕ੍ਰੈਡਿਟ ਕਾਰਡ ਸੰਪੂਰਤੀ ਮੁਹਿੰਮ ਤਹਿਤ ਪ੍ਰਾਪਤ ਕੀਤੀ ਗਈ 1.35 ਲੱਖ ਕਰੋੜ ਰੁਪਏ ਦੀ ਕਰਜ਼ਾ ਸੀਮਾ ਨਾਲ 1.5 ਕਰੋੜ ਕੇਸੀਸੀ ਮਨਜ਼ੂਰੀਆਂ ਦਾ ਮੀਲਪੱਥਰ ਸਥਾਪਿਤ ਕੀਤਾ ਗਿਆ

ਆਤਮਨਿਰਭਰ ਭਾਰਤ ਪੈਕੇਜ ਦੇ ਹਿੱਸੇ ਵਜੋਂ, ਸਰਕਾਰ ਨੇ 2.5 ਕਰੋੜ ਕਰੋੜ ਕਿਸਾਨਾਂ ਨੂੰ ਕਿਸਾਨ ਕ੍ਰੈਡਿਟ ਕਾਰਡ (ਕੇਸੀਸੀ) ਸਕੀਮ ਤਹਿਤ ਕਵਰ ਕਰਨ ਲਈ 2 ਲੱਖ ਕਰੋੜ ਰੁਪਏ ਦੇ ਕਰਜ਼ੇ ਨਾਲ ਇੱਕ ਵਿਸ਼ੇਸ਼ ਸੰਪੂਰਤੀ ਮੁਹਿੰਮ ਨਾਲ ਉਤਸ਼ਾਹਤ ਕਰਨ ਲਈ ਐਲਾਨ ਕੀਤਾ ਹੈ। ਬੈਂਕਾਂ ਅਤੇ ਹੋਰ ਹਿੱਸੇਦਾਰਾਂ ਦੁਆਰਾ ਕੀਤੇ ਗਏ ਠੋਸ ਅਤੇ ਨਿਰੰਤਰ ਯਤਨਾਂ ਦੇ ਨਤੀਜੇ ਵਜੋਂ, ਮੱਛੀ ਪਾਲਣ ਅਤੇ ਡੇਅਰੀ ਦੇ ਕਿਸਾਨਾਂ ਸਣੇ ਕਿਸਾਨਾਂ ਨੂੰ ਰਿਆਇਤੀ ਕਰਜ਼ੇ ਤੱਕ ਪਹੁੰਚ ਮੁਹੱਈਆ ਕਰਾਉਣ ਦੀ ਦਿਸ਼ਾ ਵਿੱਚ, 1.35 ਲੱਖ ਕਰੋੜ ਰੁਪਏ ਦੀ ਮਨਜ਼ੂਰਸ਼ੁਦਾ ਕਰਜ਼ਾ ਸੀਮਾ ਨਾਲ ਕਿਸਾਨ ਕ੍ਰੈਡਿਟ ਕਾਰਡ ਯੋਜਨਾ ਅਧੀਨ 1.5 ਕਰੋੜ ਤੋਂ ਵੱਧ ਕਿਸਾਨਾਂ ਨੂੰ ਕਵਰ ਕਰਨ ਦਾ ਇੱਕ ਇਤਿਹਾਸਕ ਟੀਚਾ ਹਾਸਲ ਕਰ ਲਿਆ ਗਿਆ ਹੈ।

https://www.pib.gov.in/PressReleseDetail.aspx?PRID=1665797 

ਪੀਆਈਬੀ ਦੇ ਫੀਲਡ ਦਫ਼ਤਰਾਂ ਤੋਂ ਮਿਲੇ ਇਨਪੁੱਟਸ 

• ਮਹਾਰਾਸ਼ਟਰ: ਮੁੰਬਈ ਮੈਟਰੋ ਨੇ ਲਗਭਗ ਸੱਤ ਮਹੀਨਿਆਂ ਲਈ ਬੰਦ ਰਹਿਣ ਤੋਂ ਬਾਅਦ ਆਪਣੀਆਂ ਸੇਵਾਵਾਂ ਦੁਬਾਰਾ ਸ਼ੁਰੂ ਕੀਤੀਆਂ ਹਨ। ਮੋਨੋਰੇਲ ਸੇਵਾ ਵੀ ਸ਼ੁਰੂ ਹੋ ਗਈ ਹੈ। ਹਾਲਾਂਕਿ, ਸਮਾਜਿਕ ਦੂਰੀ ਨੂੰ ਬਣਾਈ ਰੱਖਣ ਲਈ ਟ੍ਰੇਨਾਂ ਸੀਮਤ ਗਿਣਤੀ ਯਾਤਰੀਆਂ ਨਾਲ ਚਲ ਰਹੀਆਂ ਹਨ ਅਤੇ ਸ਼ੁਰੂਆਤੀ ਪੜਾਅ ਵਿੱਚ ਸੇਵਾਵਾਂ ਦੀ ਗਿਣਤੀ ਸੀਮਤ ਕੀਤੀ ਗਈ ਹੈ। ਮੈਟਰੋ ਟ੍ਰੇਨਾਂ ਘਾਟਕੋਪਰ-ਵਰਸੋਵਾ ਲਾਈਨ ਦੇ ਪੂਰੇ ਰਸਤੇ ’ਤੇ ਸਵੇਰੇ 8:30 ਵਜੇ ਤੋਂ ਸਾਮ 8:30 ਵਜੇ ਤੱਕ ਚਲ ਰਹੀਆਂ ਹਨ। ਹਰ ਮੈਟਰੋ ਟ੍ਰੇਨ ਸੇਵਾ ਲਈ ਸਿਰਫ਼ 360 ਵਿਅਕਤੀਆਂ ਨੂੰ ਚੜਨ ਦੀ ਮਨਜੂਰੀ ਹੈ ਜੋ ਕਿ ਪਹਿਲਾਂ ਪ੍ਰਤੀ ਟ੍ਰੇਨ 1,350 ਵਿਅਕਤੀ ਸੀ ਅਤੇ ਪਹਿਲਾਂ ਦੀਆਂ 400 ਸੇਵਾਵਾਂ ਦੇ ਬਦਲੇ ਹੁਣ ਸਿਰਫ਼ 200 ਟ੍ਰੇਨ ਸੇਵਾਵਾਂ ਹੀ ਚਲਣਗੀਆਂ। ਸਾਰੇ ਐਂਟਰੀ ਪੁਆਇੰਟਾਂ ’ਤੇ ਸਿਹਤ ਜਾਂਚ ਵਾਲੇ ਕਿਓਸਕ ਸਥਾਪਿਤ ਕੀਤੇ ਗਏ ਹਨ। ਯਾਤਰਾ ਦੌਰਾਨ ਮਾਸਕ ਪਾਉਣਾ ਲਾਜ਼ਮੀ ਹੈ।

• ਗੁਜਰਾਤ: ਗੁਜਰਾਤ ਦੇ ਸਿੱਖਿਆ ਮੰਤਰੀ ਭੁਪੇਂਦਰ ਸਿੰਘ ਚੁਦੱਸਮਾ ਨੇ ਸੋਮਵਾਰ ਨੂੰ ਕਿਹਾ ਕਿ ਉਨ੍ਹਾਂ ਦਾ ਵਿਭਾਗ ਰਾਜ ਵਿੱਚ ਸਕੂਲ ਖੋਲ੍ਹਣ ਬਾਰੇ ਅੰਤਿਮ ਫੈਸਲਾ ਲੈਣ ਤੋਂ ਪਹਿਲਾਂ ਸਾਰਿਆਂ ਦੀ ਰਾਏ ਲਏਗਾ। ਗਾਂਧੀਨਗਰ ਵਿੱਚ ਪੱਤਰਕਾਰਾਂ ਨਾਲ ਗੱਲਬਾਤ ਕਰਦਿਆਂ ਚੁਦੱਸਮਾ ਨੇ ਸੰਕੇਤ ਦਿੱਤੇ ਕਿ ਸਕੂਲ ਸਦਾ ਲਈ ਬੰਦ ਨਹੀਂ ਰਹਿ ਸਕਦੇ। ਕੋਵਿਡ-19 ਦੇ ਫੈਲਣ ਤੋਂ ਬਾਅਦ ਰਾਜ ਵਿੱਚ ਸਕੂਲ ਅਤੇ ਕਾਲਜ ਬੰਦ ਹਨ। ਬਹੁਤ ਸਾਰੇ ਵਿਦਿਅਕ ਅਦਾਰੇ ਅਕਾਦਮਿਕ ਸੈਸ਼ਨ ਨੂੰ ਜਾਰੀ ਰੱਖਣ ਲਈ ਆਨਲਾਈਨ ਕਲਾਸਾਂ ਅਤੇ ਪ੍ਰੀਖਿਆਵਾਂ ਲੈ ਰਹੇ ਹਨ।

• ਛੱਤੀਸਗੜ੍ਹ: ਐਤਵਾਰ ਨੂੰ ਰਾਜ ਵਿੱਚ ਕੋਵਿਡ-19 ਦੇ 1,894 ਨਵੇਂ ਕੇਸਾਂ ਦੇ ਆਉਣ ਨਾਲ ਕੁੱਲ ਕੇਸ ਹੁਣ 1,60,396 ਹੋ ਹਨ ਅਤੇ 39 ਹੋਰ ਮੌਤਾਂ ਦੇ ਹੋਣ ਨਾਲ ਛੱਤੀਸਗੜ੍ਹ ਵਿੱਚ ਮੌਤਾਂ ਦੀ ਗਿਣਤੀ 1,478 ਹੋ ਗਈ ਹੈ। 305 ਵਿਅਕਤੀਆਂ ਨੂੰ ਵੱਖ-ਵੱਖ ਹਸਪਤਾਲਾਂ ਤੋਂ ਛੁੱਟੀ ਮਿਲਣ ਤੋਂ ਬਾਅਦ ਰਿਕਵਰ ਹੋਏ ਮਰੀਜ਼ਾਂ ਦੀ ਗਿਣਤੀ 1,32,168 ਹੋ ਗਈ ਹੈ ਇਸਤੋਂ ਇਲਾਵਾ 1,772 ਮਰੀਜ਼ਾਂ ਨੇ ਹੋਮ ਆਈਸੋਲੇਸ਼ਨ ਨੂੰ ਪੂਰਾ ਕਰ ਲਿਆ ਹੈ। ਰਾਜ ਵਿੱਚ ਹੁਣ 26,750 ਐਕਟਿਵ ਕੇਸ ਹਨ।

• ਗੋਆ: ਐਤਵਾਰ ਨੂੰ ਗੋਆ ਵਿੱਚ ਕੋਰੋਨਾ ਵਾਇਰਸ ਦੇ 187 ਕੇਸਾਂ ਦੇ ਆਉਣ ਨਾਲ ਕੁੱਲ ਕੇਸਾਂ ਦੀ ਗਿਣਤੀ 40,587 ਤੱਕ ਪਹੁੰਚ ਗਈ ਹੈ। ਰਾਜ ਵਿੱਚ 6 ਮੌਤਾਂ ਦੇ ਹੋਣ ਨਾਲ ਮਰਨ ਵਾਲਿਆਂ ਦੀ ਗਿਣਤੀ 544 ਹੋ ਗਈ ਹੈ। ਜਿਵੇਂ ਕਿ ਦਿਨ ਦੇ ਦੌਰਾਨ 360 ਮਰੀਜ਼ਾਂ ਨੂੰ ਛੁੱਟੀ ਦਿੱਤੀ ਗਈ ਸੀ, ਤਟਵਰਤੀ ਰਾਜ ਵਿੱਚ ਰਿਕਵਰਡ ਕੇਸਾਂ ਦੀ ਗਿਣਤੀ 36,395 ਤੱਕ ਪਹੁੰਚ ਗਈ ਹੈ। ਰਾਜ ਵਿੱਚ ਇਸ ਸਮੇਂ 3,648 ਐਕਟਿਵ ਕੋਵਿਡ-19 ਕੇਸ ਹਨ।

• ਅਰੁਣਾਚਲ ਪ੍ਰਦੇਸ਼: ਕੱਲ੍ਹ ਅਰੁਣਾਚਲ ਪ੍ਰਦੇਸ਼ ਵਿੱਚ 55 ਹੋਰ ਲੋਕਾਂ ਵਿੱਚ ਕੋਵਿਡ-19 ਦੀ ਪੁਸ਼ਟੀ ਹੋਈ ਹੈ ਅਤੇ 237 ਮਰੀਜ਼ ਰਿਕਵਰ ਹੋਏ ਹਨ ਅਤੇ ਰਾਜ ਵਿੱਚ 2824 ਐਕਟਿਵ ਕੇਸ ਹਨ।

• ਅਸਾਮ: ਅਸਾਮ ਵਿੱਚ 13547 ਟੈਸਟ ਕੀਤੇ ਗਏ ਜਿਨ੍ਹਾਂ ਵਿੱਚੋਂ 318 ਕੇਸ ਪਾਏ ਗਏ ਹਨ, ਰਾਜ ਵਿੱਚ ਪਾਜ਼ਿਟਿਵ ਦਰ 2.35% ਹੈ ਅਤੇ ਕੱਲ੍ਹ 599 ਮਰੀਜ਼ਾਂ ਨੂੰ ਛੁੱਟੀ ਦਿੱਤੀ ਗਈ ਹੈ। ਕੁੱਲ ਕੇਸ ਵਧ ਕੇ 200709 ਹੋ ਗਏ ਹਨ, ਐਕਟਿਵ ਕੇਸ 28158 ਹਨ, ਡਿਸਚਾਰਜ ਕੇਸ 171680 ਹਨ ਅਤੇ 868 ਮੌਤਾਂ ਹੋ ਗਈਆਂ ਹਨ।

• ਮੇਘਾਲਿਆ: ਮੇਘਾਲਿਆ ਵਿੱਚ ਅੱਜ ਕੋਵਿਡ-19 ਦੇ 248 ਮਰੀਜ਼ ਠੀਕ ਹੋਏ ਹਨ। ਕੁੱਲ ਐਕਟਿਵ ਕੇਸ 2151 ਹਨ ਅਤੇ ਕੁੱਲ 6282 ਮਰੀਜ਼ ਰਿਕਵਰ ਹੋਏ ਹਨ।

• ਨਾਗਾਲੈਂਡ: ਨਾਗਾਲੈਂਡ ਵਿੱਚ ਕੋਵਿਡ-19 ਦੇ ਕੁੱਲ ਪਾਜ਼ਿਟਿਵ ਕੇਸ 7816 ਹਨ, ਸੁਰੱਖਿਆ ਬਲਾਂ ਦੇ 3477 ਕੇਸ ਹਨ, ਟ੍ਰੇਸਡ ਸੰਪਰਕ 2353 ਹਨ, ਵਾਪਸ ਪਰਤਣ ਵਾਲਿਆਂ ਦੇ 1061 ਕੇਸ ਅਤੇ 385 ਕੇਸ ਫ਼ਰੰਟਲਾਈਨ ਕਰਮਚਾਰੀਆਂ ਦੇ ਹਨ।

• ਕੇਰਲ: ਕੋਵਿਡ-19 ਦੇ ਕੇਸ ਵਧਣ ਦੇ ਨਾਲ, ਰਾਜ ਦੀ ਉੱਚ-ਪੱਧਰੀ ਮਾਹਰ ਕਮੇਟੀ ਨੇ ਸਿਹਤ ਵਿਭਾਗ ਨੂੰ ਸਿਫਾਰਸ਼ ਕੀਤੀ ਹੈ ਕਿ ਰੋਜ਼ਾਨਾ 1 ਲੱਖ ਤੱਕ ਟੈਸਟ ਕੀਤੇ ਜਾਣ। ਪੈਨਲ ਨੇ ਸਰਕਾਰ ਨੂੰ ਨਵੇਂ ਸੌਫਟਵੇਅਰ ਨੂੰ ਤਬਦੀਲ ਕਰਨ ਦੀ ਵੀ ਅਪੀਲ ਕੀਤੀ ਹੈ ਜੋ ਟੈਸਟਿੰਗ ਵਿੱਚ ਹਾਲ ਹੀ ਵਿੱਚ ਹੋਈ ਸਲਾਈਡ ਲਈ ਜ਼ਿੰਮੇਵਾਰ ਸੀ ਅਤੇ ਪੁਰਾਣੇ ਸਿਸਟਮ ਨੂੰ ਅਪਣਾਉਣ ਨੂੰ ਕਿਹਾ ਹੈ। ਕੱਲ੍ਹ ਰਾਜ ਵਿੱਚ ਕੁੱਲ 7,631 ਨਵੇਂ ਕੋਵਿਡ-19 ਕੇਸ ਸਾਹਮਣੇ ਆਏ ਹਨ। ਹੁਣ 95,200 ਮਰੀਜ਼ ਇਲਾਜ ਅਧੀਨ ਹਨ ਅਤੇ 2.80 ਲੱਖ ਲੋਕ ਨਿਰੀਖਣ ਅਧੀਨ ਹਨ। ਫ਼ਿਲਹਾਲ ਮੌਤਾਂ ਦੀ ਗਿਣਤੀ 1161 ਹੈ।

• ਤਮਿਲ ਨਾਡੂ: 11 ਜੁਲਾਈ ਤੋਂ ਬਾਅਦ ਪਹਿਲੀ ਵਾਰ ਤਮਿਲ ਨਾਡੂ ਵਿੱਚ ਕੇਸ 4,000 ਤੋਂ ਘੱਟ ਆਏ ਹਨ, ਕੱਲ੍ਹ ਕੋਵਿਡ-19 ਦੇ ਨਵੇਂ 3914 ਕੇਸ ਸਾਹਮਣੇ ਆਏ ਅਤੇ 56 ਮੌਤਾਂ ਹੋਈਆਂ ਹਨ। ਕੁੱਲ ਕੇਸ ਵਧ ਕੇ 6,87,400 ਹੋ ਗਏ ਹਨ ਅਤੇ ਕੁੱਲ ਮੌਤਾਂ ਦੀ ਗਿਣਤੀ 10,642 ਹੋ ਗਈ ਹੈ। ਤਮਿਲ ਨਾਡੂ ਦੇ ਮੁੱਖ ਮੰਤਰੀ ਨੇ ਤੇਲੰਗਾਨਾ ਦੇ ਹੜ੍ਹਾਂ ’ਤੇ ਚਿੰਤਾ ਜ਼ਾਹਰ ਕੀਤੀ ਅਤੇ ਰਾਹਤ ਕਾਰਜਾਂ ਲਈ 10 ਕਰੋੜ ਰੁਪਏ ਦਾ ਯੋਗਦਾਨ ਪਾਇਆ; ਪਲਾਨੀਸਵਾਮੀ ਨੇ ਇਹ ਵੀ ਭਰੋਸਾ ਦਿਵਾਇਆ ਕਿ ਤਮਿਲ ਨਾਡੂ ਸਰਕਾਰ ਤੇਲੰਗਾਨਾ ਸਰਕਾਰ ਨੂੰ ਲੋੜੀਂਦੀ ਹੋਰ ਕੋਈ ਵੀ ਸਹਾਇਤਾ ਦੇਣ ਲਈ ਤਿਆਰ ਹੈ।

• ਕਰਨਾਟਕ: ਕਰਨਾਟਕ ਦੇ ਉੱਪ-ਮੁੱਖ ਮੰਤਰੀ ਗੋਵਿੰਦ ਕਰਜੋਲ ਦੇ ਪਰਿਵਾਰ ਦੇ 8 ਮੈਂਬਰਾਂ ਵਿੱਚ ਕੋਵਿਡ ਪਾਜ਼ਿਟਿਵ ਪਾਇਆ ਗਿਆ ਹੈ, ਉਨ੍ਹਾਂ ਦਾ ਪੁੱਤਰ ਵੈਂਟੀਲੇਟਰ ’ਤੇ ਹੈ; ਪਰਿਵਾਰਕ ਹਾਲਾਤਾਂ ਦੇ ਮੱਦੇਨਜ਼ਰ ਇੱਕ ਸੋਸ਼ਲ ਮੀਡੀਆ ਪੋਸਟ ਵਿੱਚ ਕਰਜੋਲ ਨੇ ਕਿਹਾ ਕਿ ਉਹ ਬਾਗਲਕੋਟ ਅਤੇ ਕਲਬੁਰਗੀ ਵਿੱਚ ਹੜ੍ਹਾਂ ਦੀ ਸਥਿਤੀ ਨੂੰ ਜਾਣਨ ਲਈ ਸਰੀਰਕ ਤੌਰ ’ਤੇ ਹਾਜ਼ਰ ਨਹੀਂ ਹੋ ਸਕਦੇ। ਕਿਸਾਨਾਂ ਨੂੰ ਘਾਟਾ ਪੈ ਰਿਹਾ ਹੈ ਕਿਉਂਕਿ ਗਡਾਗ ਵਿੱਚ ਬਾਰਸ਼ ਕਾਰਨ ਧਰਤੀ ਹੇਠਲਾ ਜਮ੍ਹਾਂ ਭੰਡਾਰ ਸੜ ਗਿਆ ਹੈ। ਕਰਨਾਟਕ ਦੇ ਨਿੱਜੀ ਹਸਪਤਾਲਾਂ ਦਾ ਕਹਿਣਾ ਹੈ ਕਿ ਫ਼ਰਮਾਂ ਮੈਡੀਕਲ ਆਕਸੀਜਨ ਦੇ ਜ਼ਿਆਦਾ ਮੁੱਲ ਮੰਗ ਰਹੀਆਂ ਹਨ। ਰਾਜ ਦੇ ਡਰੱਗਜ਼ ਕੰਟਰੋਲ ਵਿਭਾਗ ਦੇ ਡਰੱਗਜ਼ ਕੰਟਰੋਲਰ ਨੂੰ ਲਿਖੇ ਪੱਤਰ ਵਿੱਚ ਇਹ ਵੀ ਕਿਹਾ ਗਿਆ ਹੈ ਕਿ ਆਕਸੀਜਨ ਨਿਰਮਾਤਾ ਨੈਸ਼ਨਲ ਫਾਰਮਾਸਿਊਟੀਕਲ ਪ੍ਰਾਈਸਿੰਗ ਅਥਾਰਟੀ ਦੁਆਰਾ ਤੈਅ ਕੀਤੇ ਗਏ ਮੁੱਲ ਨਾਲੋਂ ਵੱਧ ਮੁੱਲ ਮੰਗ ਰਹੇ ਹਨ।

• ਆਂਧਰ ਪ੍ਰਦੇਸ਼: ਆਂਧਰ ਪ੍ਰਦੇਸ਼ ਵਿੱਚ ਕਰੋਨਾ ਵਾਇਰਸ ਦੀ ਤੀਬਰਤਾ ਹੋਰ ਘਟ ਗਈ ਹੈ, ਜਦੋਂ ਕਿ ਰਿਕਵਰੀ ਦੀ ਦਰ ਵਿੱਚ ਸੁਧਾਰ ਹੋਇਆ ਹੈ, ਜਦੋਂ ਕਿ ਐਤਵਾਰ ਨੂੰ ਆਉਣ ਵਾਲੇ ਨਵੇਂ ਕੇਸ ਅਤੇ ਮੌਤਾਂ ਦੀ ਗਿਣਤੀ ਵੀ ਘਟੀ ਹੈ। ਐਤਵਾਰ ਨੂੰ ਆਂਧਰ ਪ੍ਰਦੇਸ਼ ਵਿੱਚ ਰਿਕਵਰ ਮਰੀਜ਼ਾਂ ਦੀ ਕੁੱਲ ਗਿਣਤੀ 7.4 ਲੱਖ ਹੋ ਗਈ ਹੈ। 23 ਮੌਤਾਂ ਦੇ ਨਾਲ ਮਰਨ ਵਾਲਿਆਂ ਦੀ ਗਿਣਤੀ ਵਧ ਕੇ 6429 ਹੋ ਗਈ ਹੈ। ਕੁਰਨੂਲ ਵਿੱਚ ਸਭ ਤੋਂ ਘੱਟ 55 ਨਵੇਂ ਕੇਸ ਆਏ ਹਨ, ਪਰ ਕ੍ਰਿਸ਼ਨਾ ਜ਼ਿਲ੍ਹੇ ਵਿੱਚ ਪਿਛਲੇ ਮਹੀਨੇ ਨਾਲੋਂ ਘਟਦੇ ਰੁਝਾਨ ਨੂੰ ਦਰਸਾਉਂਦਿਆਂ 24 ਘੰਟਿਆਂ ਵਿੱਚ 503 ਨਵੇਂ ਕੇਸ ਆਏ ਹਨ। ਗੋਦਾਵਰੀ, ਗੁੰਟੂਰ ਅਤੇ ਚਿੱਤੂਰ ਜ਼ਿਲ੍ਹਿਆਂ ਵਿੱਚ ਵੀ 400 ਤੋਂ ਵੱਧ ਨਵੇਂ ਕੇਸ ਆਏ ਹਨ। ਰਾਜ ਨੇ ਹੁਣ ਤੱਕ ਕੀਤੇ 70 ਲੱਖ ਨਮੂਨਿਆਂ ਵਿੱਚ 1.32 ਲੱਖ ਕੇਸ ਪ੍ਰਤੀ ਮਿਲੀਅਨ ਦੀ ਦਰ ਨਾਲ ਟੈਸਟ ਮੁਕੰਮਲ ਕੀਤੇ ਹਨ, ਜਿਸ ਨਾਲ ਰਾਜ ਵਿੱਚ ਸਮੁੱਚੀ ਲਾਗ ਦੀ ਪਾਜ਼ਿਟਿਵ ਦਰ 11.08 ਫ਼ੀਸਦੀ ਬਣਦੀ ਹੈ।

• ਤੇਲੰਗਾਨਾ: ਰਾਜ ਵਿੱਚ ਪਿਛਲੇ 24 ਘੰਟਿਆਂ ਦੌਰਾਨ 948 ਨਵੇਂ ਕੇਸ ਆਏ, 1896 ਦੀ ਰਿਕਵਰੀ ਹੋਈ ਅਤੇ 4 ਮੌਤਾਂ ਹੋਈਆਂ ਹਨ; 948 ਕੇਸਾਂ ਵਿੱਚੋਂ 212 ਕੇਸ ਜੀਐੱਚਐੱਮਸੀ ਤੋਂ ਸਾਹਮਣੇ ਆਏ ਹਨ। ਕੁੱਲ ਕੇਸ: 2,23,059; ਐਕਟਿਵ ਕੇਸ: 21,098; ਮੌਤਾਂ: 1275; ਡਿਸਚਾਰਜ: 2,00,686. ਤੇਲੰਗਾਨਾ ਦੇ ਹੜ੍ਹਾਂ ਵਿੱਚ ਮਰਨ ਵਾਲਿਆਂ ਦੀ ਗਿਣਤੀ 70 ਹੋ ਗਈ ਹੈ, ਜਿਨ੍ਹਾਂ ਵਿੱਚੋਂ 33 ਮੌਤਾਂ ਹੈਦਰਾਬਾਦ ਦੀ ਜੀਐੱਚਐੱਮਸੀ ਸੀਮਾ ਵਿੱਚ ਹੋਈਆਂ ਹਨ ਅਤੇ ਅਤੇ 37 ਮੌਤਾਂ ਤੇਲੰਗਾਨਾ ਦੇ ਵੱਖ-ਵੱਖ ਜ਼ਿਲ੍ਹਿਆਂ ਵਿੱਚ ਹੋਈਆਂ ਹਨ ਅਤੇ ਤਿੰਨ ਵਿਅਕਤੀਆਂ ਦੇ ਲਾਪਤਾ ਹੋਣ ਦੀ ਵੀ ਖ਼ਬਰ ਹੈ।

ਫੈਕਟਚੈੱਕ

*********

ਵਾਈਬੀ