(মসিদা হৌখিবা পুং ২৪ দা থোকখিবা কোবিদ -১৯গা মরী লৈনবা চেফোংশিং, ফিল্দ ওফিসশিংদগী ফংবা পাউশিং, অমসুং পি.আই.বি.না লৌখৎপা ফেক্ত চেকশিং য়াওরি )

• ভারতনা এক্তিব কেসশিং নেম্বগী খোঙচৎ অসি লেপ্পা লৈতনা চংশিল্লি, নুমিৎ হুমনিশুবা ওইনা এক্তিব কেসলোদ লাখ ৮গী মখাদা লৈরি
• লৈবাক অসিগী পোজিতিবিতী রেৎ থংনা-থংননা নুমিৎ ৪নিশুবা ওইনা ৮%গী মখাদা লৈখ্রে
• হৌখিবা পুং ২৪দা মীওই ৬৬,৩৯৯ নাবা ফগৎখ্রে অমদি দিসচার্জ তৌখ্রে অমরোমদা অনৌবা কনফর্ম তৌখ্রবা কেস ৫৫,৭২২ শুখ্রে
• কোবিদ-১৯ লাইচৎকী ফিবম অমসুং তিকা য়েন্থোক্নবা অমসুং ফংহন্নবা অশিন-অরাংগী মতাংদা প্রধান মন্ত্রীনা লুচিংদুনা মীফম পাংথোকখ্রে

#Unite2FightCorona

#IndiaFightsCorona

ভারতনা এক্তিব কেসশিং নেম্বগী খোঙচৎ অসি লেপ্পা লৈতনা চংশিল্লি, নুমিৎ হুমনিশুবা ওইনা এক্তিব কেসলোদ লাখ ৮গী মখাদা লৈরি, লৈবাক অসিগী পোজিতিবিতী রেৎ থংনা-থংননা নুমিৎ ৪নিশুবা ওইনা ৮%গী মখাদা লৈখ্রে

ভারতনা কোবিদ-১৯গী মায়োক্তা লান্থেংনবদা মাই পাকপগী অতোপ্পা তানফম অমসু লানখ্রে। লৈবাক অসিগী অপুনবা পোজিতিবিতী রেৎ ৮%গী মখাদা লৈখ্রে। খোঙচৎ অসি কায়দনা চংশিল্লকপা নুমিৎ মরি শুখ্রে। অপুনবা পোজিতিবিতী রেৎ হৌজিক ৭.৯৪% ওইরে অমসুং লেপ্তনা হন্থরক্লি। মসি লৈবাক শিনবা থুংনা অৱাংবা থাক্কা তেস্ত তৌবনা ওইহনবা ঙমখিবনি। ঙসি অপুনবা তেস্ত তৌখিবা করোর ৯.৫ লানখ্রে। ওক্তোবরগী অহুমশুবা চয়োলগী ওইনা নোংমগী পোজিতিবিতী রেৎ অসি চাংচৎতা ৬.১৩% ওইখি। মসি কেন্দ্র সরকারগী তেস্ত, ত্রেক, ত্রেস, ত্রীৎ অমসুং তেক্নোলোজীগী লালোং মাই পাক্না রাজ্যশিং/য়ু.তি.শিং মপুং ফানা ঙাক্না চৎপগী মহৈ অমনি। ভারতনা এক্তিব কেসশিং তপ্না-তপ্না হন্থরকপগী লেপ্তনা রিপোর্ত তৌরক্লি। হুমনিশুবা নুমিৎকী ওইনা এক্তিব কেসশিং থা অমগা মখাইগী মতুংদা লাখ ৮গী মখাদা হন্থরকখ্রে, মখা তানা লেপ্তনা হন্থরক্লি। ভারতকী এক্তিব কেসলোদ ঙসি ৭,৭২,০৫৫ শুখ্রে। হৌজিক্কী ওইনা এক্তিব কেসশিং অসিনা লৈবাক অসিগী অপুনবা পোজিতিব কেসশিংগী ১০.২৩% খক্তা ওইরি। পুন্না নাবা ফগৎখ্রবা কেসশিং অসি লাখ ৬৬ (৬৬,৬৩,৬০৮)কী মথক্তা লৈদুনা এক্তিব কেসশিংগা য়েংনবদা খেৎনবা হেনগৎহল্লি। হৌখিবা পুং ২৪দা মীওই ৬৬,৩৯৯ নাবা ফগৎখ্রে অমদি দিসচার্জ তৌখ্রে অমরোমদা অনৌবা কনফর্ম তৌখ্রবা কেস ৫৫,৭২২ শুখ্রে। লৈবাক অসিগী নাবা ফগৎলকপগী চাং ৮৮.২৬%দা হেনগৎখ্রে। নৌনা নাবা ফগৎখ্রবা কেসশিংগী ৭৯%দি রাজ্য/য়ু.তি. ১০দগী ওইখি, মখোয় অদুদি মহারাস্ত্র, কেরেলা, কর্নাতকা, তামিল নাদু, অন্ধ্র প্রদেশ, উত্তর প্রদেশ, ৱেস্ত বেঙ্গল, দিল্লী, ওরিশা অমসুং ছত্তিসগরনি। মহারাস্ত্র খক্তদগী ১১,০০০গী মথক্তা নোংমা খক্তদা নাবা ফগৎলক্তুনা খ্বাইদগী য়াম্বা ওইখি, কেরেলে অমসুং কর্নাতকাদগী ৮,০০০-৮,০০০গী মথক্তা ওইদুনা মতুং ইল্লি। হৌখিবা পুং ২৪দা অনৌবা কনফর্ম কেস ৫৫,৭২২ রেকোর্দ তৌখি। অনৌবা কেসশিংগী ৮১% রাজ্য অমসুং য়ু.তি. ১০দগী ওইখি। মহারাস্ত্রনা কেস ৯,০০০গী মথক্তা থেংনবগা লোয়ননা অনৌবা কেস মশিং খ্বাইদগী য়াম্না রিপোর্ত তৌরিবা রাজ্য ওইখি, কেস ৭,০০০-৭,০০০গী মথক্তা থেংনদুনা কেরেলা অমসুং কর্নাতকানা মতুং ইল্লি। হৌখিবা পুং ২৪দা শীখিবা কেস ৫৭৯ রিপোর্ত তৌরকখি। নুমিৎ ৯০নিগী মতুংদা নোংমদা শীবগী রেকোর্দ তৌখিবা অসি ৬০০কী মখাদা ওইখি। মসিগী মনুংদা ৮৩%গী ময়াদি রাজ্য/য়ু.তি. ১০দগী ওইখি। নৌনা শীখিবগী ২৫%গী মথক্তি মহারাস্ত্রদগী রিপোর্ত তৌরকখি (শীখিবা ১৫০)।

অকুপ্পা ৱারোলগীদমক:

কোবিদ-১৯ লাইচৎকী ফিবম অমসুং তিকা য়েন্থোক্নবা অমসুং ফংহন্নবা অশিন-অরাংগী মতাংদা প্রধান মন্ত্রীনা লুচিংদুনা মীফম পাংথোকখ্রে

লৈবাক অসিগী কোবিদ-১৯ লাইচৎকী ফিবম অমসুং তিকা য়েন্থোক্নবা অমসুং ফংহন্নবা অশিন-অরাংগী থবকশিং নোংমাইজিং নুমিৎতা প্রধান মন্ত্রী শ্রী নরেন্দ্র মোদীনা হন্না য়েংশিনখ্রে। মীফম অদুদা য়ুনিয়ন হেল্থ মিনিস্তর দোক্তর হর্স ভর্ধন, প্রধান মন্ত্রীগী প্রিন্সিপাল সেক্রেতরি, নিতি অয়োগকী মেম্বর(হেল্থ),প্রিন্সিপাল সাইন্তিফিক এদভাইজর, সেনিয়র সাইন্তিস্তশিং, প্রধান মন্ত্রী ওফিসকী ওফিসারশিং অমসুং ভারত সরকারগী অতোপ্পা বিভাগশিংগী ওফিসারশিং শরুক য়াখি। নুমিৎ খুদিংগী কোবিদ কেস মশিং অমসুং হেনগৎলকপগী চাং তপ্না তপ্না হন্থরক্লিবা অসি প্রধান মন্ত্রীনা ফোঙদোকখি। ভারত্তা তিকা অহুম পুথোক্নবা খুমাং চাউশিল্লবা তাঙ্ককশিংদা লৈরে, তিকা ২ অনিশুবা তাঙ্কক্তা অমসুং তিকা অমনা অহুমশুবা তাঙ্কক্তা লৈরি। য়ুম্লোন্নরিবা লৈবাকশিং হায়বদি অফগানিস্থান, ভুতান, বঙ্গলাদেস, মালদিবস, মোরিসিয়স, নেপাল অমসুং শ্রী লঙ্কাদা ভারতকী সাইন্তিস্তশিং অমসুং রিছর্স কাংবুনা মতেং পাংলি অমসুং রিছর্সকী থবকশিং মপাঙ্গল কনখৎহল্লি।মখোয়গী লৈবাকশিংদা ক্লিনিকেল ত্রাইয়েলশিং পাংথোক্নবা বঙ্গলাদেস, ম্যান্মার, ক্বাতর অমসুং ভুতান্না মখা তানা হায়জরক্লে। মালেমগী লৈবাকশিং মতেং পাংনবা থবক অমা ওইনা, ঐখোয়গী য়ুম্লোন্নবা লৈবাকশিংদা ঐখোয়গী থবকশিং মতেং পাংবদা ঐখোয়না পনখৈ থমদনবা অমসুং তিকা, হিদাক-লাংথকশিং ফংহনবা অমসুং তিকা ফংহনবগী থবকশিংদা আই.তি প্লেতফোর্মশিং শীজিন্ননবা প্রধান মন্ত্রীনা মখা তানা খঙহনখি।

অকুপ্পা ৱারোলগীদমক:

দাঃ হর্শ বর্ধান্না নোংমাজিং নুমিৎকী সম্বাদ-৬ মনুংদা মীপুম খুদিংদা শারদ নবরাত্রিগী য়াইফ পাউজেল পীরক্লি

হেল্থ অমসুং ফেমিলী ৱেলফিয়রগী য়ুনিয়ন মিনিস্তর দাঃ হর্শ বর্ধন্না খৌরাংনা ঙাইরিবা সোসিএল মীদিয়া ইন্তরেক্তরশিংদা ৬শুবা সন্দে সম্বাদতা পাউখুম কয়া অমা পীখ্রে। নবরাত্রীগী য়াইফ পাউজেল পীরদুনা মহাক্না মহাক্কী তুংইনবাশিংদা প্রধান মন্ত্রীনা লাওরিবা জন অন্দোলন অসিবু ইকাই খুম্নগদবনি অমসুং কোবিদ অসিবু ধর্ম্ম ওইবা মওংদা মসিনা মীহুৎ ওইনা অতোপ্পদা উৎকদবনি হায়খি। মহাক্না অমুক হন্না হায়খি মদুদি মীপুম খুদিংনা ময়ুমদা মখোয়গী নুংশিজরবশিংগা মশাগী চৎনবী মওংদা পাংথোক্কদবনি। “মসিগী কুমহৈগী মতম অসিদা দান তৌবা অসিনা কুমহৈ পাংথোকপদগী হেন্না লুম্না লৌগদবনি। ঐহাক্কী ইশাগী হরাওবা পাকথোকপা অসিসু থম্মোয় শেংনা ঐখোয়গীদমক কোবিদ-১৯বু লান্থেংনরিবা মখোয়গীদমক খন্দুনা পাংথোকপা লেপকদবনি” হায়না য়ুনিয়ন মিনিস্তরনা হায়খি। দাঃ হর্শ বর্ধন্না হন্দক্তা কেরলাদা কোবিদ-১৯ কেসনা শোকহনখিবা অদুদা মহাক্কী ওইবা মিয়েং পীখি। মহাক্না মদু পল্লদুনা হায়খি মদুদি জানুৱারী ৩০দগী মে ৩ ফাওবদা কেরলাদা কোবিদ-১৯গী কেস ৪৯৯ অমসুং শিখিবনা ২ খক্তা ওইখি, অদুবু মহাক্না য়াম্না নুঙাইতনা হায়খি মদুদি ওনম ফেস্তিবেল অসিদা চেকশিনবা ৱাৎপদগী অমদি স্তেত অসিদা লৈরম্বা অথিংবা কয়া কোমথোরকপা অসিনা দিস্ত্রীক্ত কয়াদা কোবিদ-১৯ শন্দোক্নবগী মচাক ওইখি; “ওনম ফেস্তিবেল অসিনা কেরলা স্তেত অসি মপুং ফানা অহোংবা পুরকখি, নুমিৎ খুদিংগী লাকপা কেস অসি শরুক অনি থোক্না হেনগৎখি”। মিনিস্তরনা হায় মদুদি স্তেত সরকার খুদিংনা পারা অমা তম্বা য়ারে মদুদি ফেস্তিবেল মনুংদা থওইদবা অমসুং চেকশিন্দবনা অসি তৌরোইদবনি। অরোইবা থৌদোক্কী ৱাহং অমগী পাওখুম পীরদুনা মহাক্না স্তেতশিংদা কোবিদ-১৯গী ফেজ-২গী গ্রান্তগী মতাংদা হায়খি। মিনিস্তরনা হায়খি মদুদি হেলথ অমসুং ফেমিলি ৱেলফিয়রগী মিনিস্ত্রীনা কোবিদ পেক্কেজগী ফেজ-২ অসি স্তেত অমসুং য়ুনিয়ন তেরিতোরি ৩৩দা হান্ননা থাদোকখ্রে। অনিশুবা পেক্কেজ অসিদা পুন্না লুপা করোর ১৩৫২নি। হৌজিক থাদোরক্লিবা ফেজ-২গী গ্রান্ত অসি ২০২০গী অগস্ত, সেপ্তেম্বর অমসুং ওক্তোবর থাগী মনুং ওইগনি।

অকুপ্পা ৱারোলগীদমক:

দা. হর্শ বর্ধন্না দি.এস.তি. অমসুং সি.এস.আই.আর.গী ওতোনোমস ইন্সতিত্যুতশিংগী হেদশিং/দিরেক্তরশিংগা লোয়ননা কোবিদকা চুনবা চৎন-লোনচৎকী মতাংদা পাঙথোকপা মীফম অমদা ময়াই তাইবল লৌখ্রে

কোবিদকা চুনবা চৎন-লোনচৎকী “জন অন্দোলন”গী মখাদা লৌখৎখিবা থবক থৌরমশিং য়েংশিন্নবা সাইন্স অমসুং তেক্নোলোজী বিভাগ (দি.এস.তি.) অমসুং সি.এস.আই.আর.গী মখাদা লৈবা ওতোনোমস ইন্সতিত্যুসনশিংগী হেদশিং/দিরেক্তরশিংগা লোয়ননা পাঙথোকপা মীফম অমদা সাইন্স অমসুং তেক্নোলোজী, আর্থ সাইন্সেস অমসুং হকশেল অমসুং য়াইফ-য়ুম্বালগী কেন্দ্রগী মন্ত্রী, দা. হর্শ বর্ধন্না ঙসি ভিদিও কনফরেন্সকী খুত্থাংদা ময়াই তাংবল লৌখ্রে। লায়চৎ অসিগী মায়োক্তা লৈবাক পুম্বনা অমত্তা ওইনা লান্থেংনবদা লাক্কদৌরিবা থা খরা অসি য়াম্না মরু ওই ওইনা ফোঙদোক্লদুনা দা. হর্শ বর্ধন্না হায়খি, “হৌজিক ঐখোয়না কোবিদ-১৯গী মায়োক্তা ঐখোয়না লান্থেংনবা অসি থা তরা শুরক্লে। এক্সপর্ত গ্রুপ অসিগী অহানবা মীফম অদু জনুৱারী ৮দা পাঙথোকখি। মসিদগী হৌদুনা খোঙচৎ অসি লেপ্তনা চংশিনখি। অদুবু, ঙসিদি ঐখোয়না কোবিদকী ময়োক্তা লান্থেংননবগীদমক ইনফ্রাস্ত্রকচর অসি শীংথানীংঙাই ওইবা মওংদা ফগৎহনবা ঙমখ্রে।” মহাক্না কোবিদকী ৱারিয়র পুম্নমকনা চোকথবা লৈতনা অমসুং কত্থোকপগা লোয়ননা হোৎনরিবশিং অসিবু তশেংনা তৌবীমল খঙবা অমসুং ইকাই খুম্নবা উৎখি অমদি মীয়ামগী শেবা তৌবদা থৱায় কৎখ্রবা ৱারিয়রশিংনা লৈখিদবা অসিদা নুংঙাইতবা ফোঙদোকখি। কোবিদকী মায়োক্তা লান্থেংনবা অসি লোইদ্রি অমদি দা. হর্শ বর্ধন্না মীয়াম্না কোবিদ-১৯ লান্থেংনবদা থওইদবা, চেকশিন্দবা অমসুং লাইথোক্তনবা চেকশিন্নবা খঙহনখি। মহাক্না হায়খি “লাক্কদৌরিবা ইংথম থা অমসুং হরাও-কুম্মৈগী পন্থা অসিনা মরম ওইরগা ঐখোয়না কোরোনাগা লান্থেংনবা অসিদা থা অনি মখাই অসি য়াম্না মরু ওইগদৌরি। প্রজা খুদিংমক্না চেকশিনবা হেনগৎতুনা অমদি লাইনা অসি শন্দোকপা থিংনবা কোবিদকা চুনবা চৎন-লোনচৎশিং ঙাক্না চৎপগী থৌদাংশিং লৌগদবনি।”

অকুপ্পা ৱারোলগীদমক:

শেলথুম মন্ত্রী শ্রীমতি নির্মলা সিতারমন্না সি.পি.এস.ই.শিংগী কেপেক্সকী মতাংদা ৪শুবা য়েংশিন মীফম ফমখ্রে

কেন্দ্রগী শেলথুম অমসুং কোর্পোরেৎ এফিয়র্স মন্ত্রী শ্রীমতি নির্মলা সিতারমন্না ঙসি চৎলিবা শেনবা চহী অসিগী কেপিতেল এক্সপেন্দিচর (কেপেক্স) য়েংশিন্নবগীদমক পেত্রোলিয়ম অমসুং নেচরেল গ্যাসকী মন্ত্রালয় অমসুং কোইলা মন্ত্রালয়গী সেক্রেতরীশিং অমসুং হায়রিবা মন্ত্রালয়শিং অসিগী সি.পি.এস.ই. ১৪গী সি.এম.দি.শিংগা লোইননা ভিদিও কন্ফরেন্স পাঙথোকখ্রে। মসিনা কোবিদ-১৯গী তাল্লক্তা শেন্মিৎলোন চাওখৎপদা খুমাং চাওশিলহন্নবা তোঙান-তোঙানবা স্তেকহোল্দরশিংগা লোইননা শেলথুম মন্ত্রীনা কৌবা মীফমশিংগী পরিংগী ৪শুবনি। শেনবা চহী ২০১৯-২০দা, সি.পি.এস.ই. ১৪ অসিনা কেপেক্সকী পান্দম লুপা করোর ১,১১,৬৭২ থমখিবগী মাইয়োক্তা লুপা করোর ১,১৬,৩২৩ হায়বসি চাদা ১০৪ য়ৌনা কাখি। শেনবা চহী ২০১৯-২০গী ঐচ.১দা ফংখিবসি লুপা করোর ৪৩,০৯৭নি (৩৯%) অমসুং শেনবা চহী ২০২০-২১গী ঐচ.১গীনা লুপা করোর ৩৭,৪২৩ (৩২%)নি। ২০২০-২১গী কেপেক্সকী পান্দম্না লুপা করোর ১,১৫,৯৩৪নি। সি.পি.এস.ই.শিংগী পার্ফোর্মেন্স য়েংশিল্লবা মতুংদা শ্রীমতি সিতারমন্না হায়খি মদুদি সি.পি.এস.ই.শিংগী কেপেক্স অসিনা শেন্মিৎলোন চাওখৎনবগী চুপ্লি পায়রিবনি অমসুং মসি শেনবা চহী ২০২০-২১ অমসুং ২০২১-২২গী ওইনা ৱাংখৎহনবা তঙাইফদে। ভারতকী শেন্মিৎলোন চাওখৎনবগীদমক সি.পি.এস.ই.শিংগী মশক থোকপা থৌদাংশিংবু য়েংশিল্লদুনা শেলথুম মন্ত্রীনা সি.পি.এস.ই.শিংবু মখোয়গী পান্দমশিং অসি ফংনবগীদমক অমসুং শেনবা চহী ২০২০-২১গী থাদখিবা শেনফমশিং মতীক চানা অমসুং অপীবা মতমগী মনুংদা শীজিন্ননবা পুক্নিং থৌগৎখি। শ্রীমতি সিতারমন্না হায়খি মদুদি সি.পি.এস.ই.শিংনা হেন্না ফনা থবক পায়খৎপনা কোবিদ-১৯না পীরিবা শাফুসিদগী কনবা ঙম্নবগীদমক শেন্মিৎলোন্দা চাউনা মতেং পাংবা ঙমগনি।

অকুপ্পা ৱারোলগীদমক:

শেলথুম মন্ত্রী শ্রীমতি নির্মলা সিতরমন্না ৱর্ল্দ বেঙ্ক দেভেলপমেন্ত কম্মিতী প্লেনরীগী ১০২শুবা মীফম শরুক য়াখ্রে

কেন্দ্রগী শেলথুম অমসুং কোর্পোরেত এফ্যার্স মন্ত্রী শ্রীমতি নিরমলা সিতরমন্না ৱর্ল্দ বেঙ্ক দেভেলপমেন্ত কম্মিতী প্লেনরীগী ১০২শুবা মীফম ঙসি মফমসিদগী ভিদিও কন্ফরেন্সিংগী খুত্থাঙদা শরুক য়াখ্রে‍। মীফম অদুদা খন্নবা য়াওখিবা ৱাফমশিংগী মরক্তা পুন্সি কন্নবা মাঙদা চঙশিনবা, ইম্পেক্ত হেনগৎহনবা অমদি হান্নগী পরিংদা হঞ্জিল্লকপা: ৱর্ল্দ বেঙ্ক গ্রুপ কোবিদ-১৯ রেস্পোন্স অমসুং অপদেত জোইন্ত আই.এম.এফ.-দব্লিউ.বি.জি. স্তাফ নোৎ: দেব্ত সর্ভিস সস্পেন্সন ইনিসিএতিব পায়খৎপা অমদি মখা চত্থবা ৱাফমশিং য়াওখি‍। সেসন অদুদা মহাক্কী ওইবা ৱাফম থম্লদুনা, শ্রীমতি সিতরমন্না এপ্রিলদা পাঙথোকখিবা ঐখোয়গী অকোনবা মীফমগী মমাঙদা হৌরকখিবা কোবিদ-১৯ লাইচৎ অসিনা চাউখৎলক্লিবা অমদি চাউখৎলবা লৈবাকশিংদা হৌজিকফাওবা চৈথেং পীরি অমদি চহী কয়া চঙনা হোৎনদুনা ফংলকপা লায়রবগী চাং হন্থহনবগী ফীভম অসি মাঙখিবা য়াবগী চাউনা অকিবা লৈহল্লে হায়না ফোঙদোকখি‍। ভারত লৈঙাক্না লাইচৎ অসি লাকশিন্নবা, অমদি মসিগী খুন্নাই অমসুং শেন্মিৎলোনগী চৈথেং কোকহন্নবা থৌরাং কয়া লৌখৎলে‍। লৈঙাক অসিনা হকথেংননা মীয়ামদা শেলগী তেংবাঙ পীননবা অমদি লায়রবশিংগী চানবা চীঞ্জাক ফংহন্নবগীদমক দোলর বিলিয়ন ২৩গী অহানবা স্তিমুলস লাউথোকখ্রে হায়না শেলথুম মন্ত্রীনা পাউদমখি‍। মসিগী মতুংদা আত্মনিরভর ভারত নৎত্রগা মরোমদোম লেপচবা ভারতকীদমক ইকায়খুম্নরবা প্রধান মন্ত্রী শ্রী নরেন্দ্র মোদীনা থমখিবা ৱাফমদা য়ুম্ফম ওইরগা ভারতকী জি.দি.পি.গী চাদা ১০গী চাংগা মান্নবা দোলর বিলিয়ন ২৭১গী অখন্নবা শেন্মিৎলোনগী পেকেজ অমা লাউথোকখি‍। লল্লোন ইতিক তৌবশিংদা তেংবাঙ পীননবা, শিন্মীশিংগী লমদা কেন্দ্রগী লো ৪৪ লায়থোকহন্দুনা, পুনশিন্দুনা অমদি মরম চাবা মওংদা শেমদোক্তুনা চাউনা অহোংবা পুরক্নবা, রেসন কার্তকী নেসনেল পোর্তেবিলিতীগী খুত্থাঙদা লংফৈদা লৈবা শিন্মীশিংদা সোসিএল সিক্যুরিতী পীননবাগীদমক থৌরাং কয়া লাউথোকখি‍। খুঙ্গঙগী সেক্তরদা নবার্দকী খুত্থাঙদা শেল হন্না থাদবা, ফার্ম সেক্তরদা দোলর বিলিয়ন ২৭.১৩গী অহেনবা লিকুইদিতী থাজিনবা অমসুং নেসনেল রুরেল এমপ্লোইমেন্ত গরেন্তী স্কিম (এম.জি.এন.আর.জি.এস.)গী এলোকেসন হেনগৎহন্দুনা ঙাক্লৌ পীরি‍।

অকুপ্পা ৱারোলগীদমক:

মুখতার অব্বাস নকবীনা হজ ২০২১গা মরি লৈননা য়েংশিন মীফম ফমখ্রে

মাইনোরিতী এফেয়র্সকী কেন্দ্র মন্ত্রী শ্রী মুখতার অব্বাস নকবীনা হজ ২০২১গী পেন্দেমিক প্রোসিজন অসি য়েংলগা নেস্নেল-ইন্তর্নেস্নেল প্রোতোকোল গাইদলাইনশিংগী মখা পোনগনি হায়না ঙসি ফোংদোকখ্রে। শ্রী নকবীনা ঙসি ন্যু দিল্লীদা হজ ২০২১গা মরি লৈননা য়েংশিন মীফম অসিগী ময়ায় তাংবল লৌরদুনা হজ ২০২১ অসি জুন-জুলাইগী থাদা ওইগদবনি অদুবু কোরোনাগী লায়চৎ অসিগী য়েংলগা সাউদী অরাবিয়া সরকার অমদি ভারত সরকারনা মীয়ামগী হকশেল, শোই-ঙামদনবা অসি য়েংলগা মথৌ তাবা গাইদলাইনশিং অসি হেন্না মরুওইনা লৌদুনা হজ ২০২১গী মতাংদা অরোইবা ৱারেপ লৌগনি হায়না ফোংদোকখ্রে। হজ কম্মিতী ওফ ইন্দিয়া, অতৈ ভারতকী এজেন্সীশিংনা হজ ২০২১গী ওইনা অতৈ থৌরাংশিং থুনা তৌবা হৌরগনি হায়না শ্রী নকবীনা ফোংদোকখ্রে। সাউদী অরাবিয়াগী সরকারগী মায়কৈদগী হজ ২০২১গা মরি লৈনবা ৱারেপ লৌরবা মতুংদা চেপাও পীনবা অমদি অতৈ থবকশিং চত্থনবা নিংথিনা লাউথোক্কনি হায়না শ্রী নকবীনা ফোংদোকখ্রে। কোরোনাগী লায়চৎ অসি লৈরিঙৈদা গাইদলাইনশিং অসি য়েংলগী হজগী থবক থৌরাংশিং অসিদা চাউনা অহোংবা লাকপা য়াই হায়না শ্রী নকবীনা ফোংদোকখ্রে। মসিগীশিং অসিদা ভারত অমদি সাউদী অরাবিয়াদা একোমোদেসন, চত্থোক-চৎশিন, হকশেল অমদি অতৈ থবক-থৌরাংশিং য়াওরি।

অকুপ্পা ৱারোলগীদমক:

লৌউবশিংগী অখন্নবা কে.সি.সি. সেচ্যুরেসন দ্রাইবকী মখাদা লুপা করোর লাখ ১.৩৫গা লোয়নবা কে.সি.সি. করোর ১.৫গী অয়াবা পীবগী মশক থোকপা থবক পাঙথোকখ্রে

আত্মানির্ভর ভারত পেকেজকী শরুক অমা ওইনা অখন্নবা সেচ্যুরেসন দ্রাইব অমগী খুত্থাংদা লুপা করোর লাখ ২গী ক্রেদিৎকী তেংবাং য়াওবা কিসান ক্রেদিৎ কার্দ (কে.সি.সি.) স্কিমগী মখাদা লৌউবা করোর ২.৫ কোনশিল্লগনি হায়না সরকারনা লাওথোকখ্রে। ঙামী অমসুং দাইরী ফারররমরশিং মনুং চনবা লৌউবশিংদা কন্সেস্নেল ক্রেদিৎ ফংহনবা হায়দুনা বেঙ্ক অমসুং স্তেকহোলদর্শিংনা মাইকৈ অসিদা পুন্না অমসুং লেপ্তনা চত্থরকপা থৌওংগী মহৈ অমা ওইনা লুপা করোর লাখ ১.৩৫গী ক্রেদিৎ লিমৎকী অয়াবা পীবগা লোয়ননা কে.সি.সি.গী মখাদা লৌউবা করোর ১.৫ কোনশিনবগী মশক-থোক্লবা পান্দম অমা থমখিবদু ফংবা ঙমখ্রে।

পি.আই.বি. ফিল্দ ওফিসশিংদগী ফংবা পাউ

•           মহারাস্ত্র: থা অহুম ময়া নক্না লেপ্লুরবা মতুংদা মুম্বাই মেত্রোনা মখোয়গী সার্বিস অদু অমুক হৌখ্রে। মোনোরেল সার্বিসসু হৌখ্রে। তৌইগুম্বসুং, ত্রেনশিং অদু সোচিয়েল দিস্তেন্সিং ঙাক্না চৎনবা অকক্নবা পেসেঞ্জরগী মশিংগা লোইননা চেনখি অমসুং সার্বিসশিংগী মশিং অদু অহানবা তাঙ্কক্তা অকক্ননা তৌখি। মেতরো ত্রেনশিং অদু অয়ুক্কী পুং ৮.৩০দগীনা নুংদাংগী পুং ৮.৩০ ফাওবা ঘাতকোপর-ভর্সোভাগী রুত থুংনা চেনখি।  মেত্রো ত্রেনগী সার্বিস অমুক্তা হান্না মীওই ১,৩৫০ ওইরম্বা অদুগী মায়োক্তা মীওই ৩৬০ খক্তমক য়াহনখি অমসুং হান্নগী সার্বিস ৪০০গী মায়োক্তা ত্রেনগী সার্বিস ২০০ খক্তমক চেল্লগনি। লম চৎপা মতমদা মাস্ক উপ্পা হায়বসি তঙাইফদবা ওইহনখি।

•           গুজরাত: গুজরাতকী এজুকেশন মিনিস্তর, ভুপেন্দ্রসিনহ চুদাসমানা নিংথৌকাবা নুমিত্তা হায়খি মহাক্কী দিপার্তমেন্তনা রাজ্য অসিদা স্কুলশিং অমুক হন্না হাংদোকপগী মতংদা অরোইবা ৱারেপ লৌদ্রিঙৈগী মমাংদা মীয়ামগী মোৎ লৌখিগনি। গান্ধিনাগরদা পাউমীশিংদা ৱা ঙাংলদুনা, চুদাসমানা স্কুলশিং অসি মতম চুপ্পগী ওইনা লোন্দুনা লৈবা য়ারোই হায়না ফোংদোকখি

•           ছত্তিসগর: কোবিদ-১৯গী অনৌবা কেস ১,৮৯৪ থেংনখিবগা লোইননা ৩৯ শিখিবদা, ছত্তিসগরগী মশিং অসি নোংমাইজিং নুমিত্তা ১,৬০,৩৯৬তা হেনগৎখ্রে অমসুং শিখিবগী মশিংনা ১,৪৭৮ য়ৌখ্রে। ওসপিতালশিংদগী মীওই ৩০৫ দিসচার্জ তৌখ্রবা মতুংদা ফগৎলকখিবা পেসেন্তশিংগী মশিং অসি ১,৩২,১৬৮তা হেনগৎখ্রে অদুগা নুমিৎ অদুদা অতোপ্পা ১,৭৭২ অমনা মখোয়গী হোম আইসোলেশন অদু লোইশিনখি। রাজ্য অসিদা হৌজিক এক্তিব কেস ২৬,৭৫০ লৈরি।

•           গোৱা: কেস ১৮৭ হাপচিল্লকপগা লোইননা গোৱাদা নোংমাইজিং নুমিত্তা কোরোনাভাইরস ইনফেক্সনগী মশিং অসি ৪০,৫৮৭ য়ৌখ্রে। ইনফেক্সন্না পেসেন্ত তরুক অমুক লৈখিদবগা লোইননা রাজ্য অসিদা শিখিবগী মশিং অসি ৫৪৪ য়ৌখ্রে। নুমিৎ অদুদা পেসেন্ত ৩৬০ দিসচার্জ তৌখিবদা, সমুদ্র মপানগী রাজ্য অসিগী ফগৎলকখিবগী মশিং অসি ৩৬,৩৯৫তা হেনগৎলকখ্রে। রাজ্য অসিদা হৌজিক কোবিদ-১৯গী এক্তিব কেস ৩,৬৪৮ লৈরি।

•           অরুনছল প্রদেশ: অরুনচল প্রদেশতা ঙরাং কোবিদ-১৯গীদমক্তা মীওই ৫৫ অমুক পোজিতিব ওইখি অমসুং এক্তিব কেস ২৮২৪ লৈখিবগা লোইননা পেসেন্ত ২৩৭ ফগৎখ্রে।

•           অসাম: পোজিতিব ওইবগী চাং ২.৩৫% ওইখিবগা লোইননা অসামদা ঙরাং তেস্ত ১৩৫৪৭ তৌখিববগী মনুংদা কেস ৩১৮ থেংনখি অমসুং পেসেন্ত ৫৯৯ দিসচার্জ তৌখ্রে। অপুনবা কেসকী মশিং অসি ২০০৭০৯দা হেনগৎখ্রে, এক্তিব ২৮১৫৮ লৈরি, ১৭১৬৮০ দিসচার্জ তৌখ্রে অমসুং ৮৬৮ লৈখিদ্রে।

•           মঘালয়া: মেঘালয়া রাজ্য অসিদা ঙসি কোবিদ-১৯দগী পেসেন্ত ২৪৮ ফগৎখ্রে। অপুনবা এক্তিব কেস ২১৫১ অমসুং ৬২৮২ ফগৎখ্রে।

•           নাগালেন্দ: নাগালেন্দদা কোবিদ-১৯ পোজিতিব কেসকী অপুনবা মশিং ৭৮১৬ শুখ্রে, সেক্যুরিতী ফোর্সশিংদগী ৩৪৭৭, ত্রেস তৌখিবা কন্তেক্তশিংদগী ২৩৫৩, হল্লকখিবশিংদগী ১০৬১ অমসুং ফ্রন্তলাই ৱার্করশিংদগী ৩৮৫ ওইখি।

•           কেরলা: কোবিদকী কেস লেপ্তনা ৱাংখৎলকপদা, রাজ্য অসিগী অৱাংবা থাক্তা লৈবা এক্সপার্ত কমিতীনা নোংমদা তেস্ত তৌবগী চাং অদু লাখ ১দা হেনগৎনবা হেল্থ দিপার্তমেন্ততা অয়াবা পীরকখ্রে। রাজ্য অসিদা ঙরাং পুন্না কোবিদ-১৯গী অনৌবা কেস ৭,৬৩১ থেংনখি।  হৌজিক পেসেন্ত ৯৫,২০০ লাইয়েংদুনা লৈরি অমসুং মীওই লাখ ২.৮০না ওবজার্ভেশন্দা লৈরি। শিকীবশিংগী মশিং অসি হৌজিক ১১৬১ শুখ্রে।

•           তামিল নাদু: জুলাই ১১দগী অহানবা ওইনা, তামিল নাদুদা নোংমাইজিং নুমিত্তা কেস ৩,৯১৪ অমসুং ৫৬ শিখিবগী পাউ লৈখিবগা লোইননা কোবিদ-১৯গী অনৌবা কেস ৪,০০০দগী তানা থেংনখি, মসিনা অপুনবা মশিং অদু ৬,৮৭,৪০০ য়ৌহনখি অমসুং শিবগী মশিংনা ১০,৬৪২ ওইখি। তি.এন.গী সি.এম.না তেলঙ্গনা ঈশিং-ঈচাউগি মতাংদা নুংঙাইতবা ফোংদোকখি, রিলীফ ৱার্ক্কীদমক্তা লুপা করোর ১০ মতেং পাংখি; পলানিস্বামিনসু তেলঙ্গনা সরকারনা মথৌ তাবা অতোপ্পা অমহেক্তদা  মতেং পাংনবগীদমক্তা তামিল সরকারনা শেম শাদুনা লৈরি হায়না থাজবা পীরকখি।

•           কর্নাতকা: কর্নাতকাগী দিপ্যুতী সি.এম., গোবিন্দ কার্জোলগী ইমুং-মনুংদা মীওই নিপান কোবিদ পোজিতিব ওইখি, মচানুপা ভেন্তিলেতর হাপ্তুনা লৈরি; সোসিয়েল মীদিয়া পোস্ত অমদা, কার্জোলনা বাগলকোত অমসুং কালাবুরাগিদা লৈরিবা ঈশিং-ঈচাউগী ফিভম অদু হকথেংননা য়েংশিন্নবা মহাক্না লম থাপ্না চৎপা ঙমদবগী মতাংদা শেংদোকখি। গদাগতা নোংনা মরম ওইরগা লৈনুংদা শেম্বা কৈদা থম্বা হৱাই-চেংৱাইশিং অদু পুম্থরকপনা কোবিদনা শোকহল্লবা লৌমীশিংনা অমাং-অতা কয়া থেংনখি। ফর্মশিংনা মেদিকেল ওক্সিজেনগী মতাংদা নম্থাক তৌবীরে হায়না কর্নাতকাগী লনাইগী হোসপিতালশিংনা হায়রি; স্তেত দ্রগস কন্ত্রোল দিপার্তমেন্তকী দ্রগ কন্ত্রোলরদা ইখিবা চিথি অদুদসু মেন্যুফেকচররশিংনা পীরিবা মমল অদু নেস্নেল ফার্মসিতিকেল প্রাইসিং ওথোরিতীনা লেপ্পা মমল অদুদগী হেল্লি হায়না পনখি।

•           অন্ধ্র প্রদেশ: ফগৎলকপগী চাং হেনগৎলকপগা লোইননা অন্ধ্র প্রদেশতা কোরোনভাইরসকী ইন্তেন্সিতী অসি মখাতানা হন্থরকখ্রে, অদুগা নোংমাইজিং নুমিৎ ফাওবদা অনৌবা কেসশিং অমসুং শিবগী চাংসু হন্থখ্রে। নোংমাইজিং নুমিত্তা, অন্ধ্র প্রদেশতা অপুনবগী ওইনা লাখ ৭.৪ ফগৎলকখিবা থেংনখি। ২৩ শিখিবগী পাউ লৈখিবগা লোইননা শিবগী মশিং অসি ৪৬২৯দা হেনগৎখ্রে। কর্নুলদা অনৌবা কেস ৫৫থেংনদুনা খ্বাইদগী নেম্বা ওইখি, অদুবু কৃষ্ণা জিলাদা, মমাংগী থাদা হন্থরকপগী মওং উৎলবা মতুংদা হৌখিবা পুং ২৪দা অনৌবা কেস  ৫০৩ থেংনখি। গোআবরিগী জিলা অনি, গুন্তুর অমসুং চিত্তুরদসু অনৌবা কেস ৪০০ হেন্না লৈখিবগা লোইননা মাংজিল থাদুনা লৈরি। রাজ্য অসিনা হৌজিক ফাওবদা অপুনবগী ওইনা ইনফেক্সন পোজিতিব ওইবগী চাং চাদা ১১.০৮ থেংনখিবগা লোইননা মিলিয়ন অমদা লাখ ১.৩২গি চাদা সেমপল লাখ ৭০দা তেস্ত তৌবা লোইখ্রে।

•           তেলঙ্গনা: রাজ্য অসিদা হৌখিবা পুং ২৪দা অনৌবা কেস ৯৪৮ থেংনখি, ১৮৯৬ ফগৎখি অমসুং ৪ শিখিবগী পাউ লৈখি; কেস ৯৪৮কী মনুংদা কেস ২১২দি জি.ঐচ.এম.সি.দগী থেংনখি। অপুনবা কেসশিং: ২,২৩,০৫৯; এক্তিব কেসশিং: ২১,০৯৮; শিখিবশিং: ১২৭৫; দিসচার্জ তৌখিবশিং: ২,০০,৬৮৬। তেলঙ্গনাগী ঈশিং-ঈচাউদা লৈখিদবশিংগী মশিং অদু ৭০দা হেনগৎখ্রে, মসিগী মনুংদা ৩৩দি হাইদ্রবাদকী জি.ঐচ.এম.সি.গী লিমিতসতা মখোয়গী পুন্সি অদু মাংখি অমসুং তেলঙ্গনা শিনবা থুংনা জিলা কয়া অমদগী ৩৭কা লোইননা মীওই অহুম অমদি থিবা খঙদ্রি।

ফেক্ত চেক

*****