(कोविड-19 संबंधी पत्र सूचना कार्यालयाद्वारे जारी बातम्‍या आणि सत्‍यता पडताळणी बातम्‍या समाविष्‍ट)

दिल्ली-मुंबई, 10 सप्टेंबर 2020

• राष्ट्रपती, राम नाथ कोविंद यांनी सिंगापूर येथे उच्चायुक्त म्हणून नियुक्त केलेले सायमन वोंग वी कुएन यांच्याकडून आज (10 सप्टेंबर 2020) एका व्हर्च्युअल (आभासी) कार्यक्रमात विश्वासार्हतेचे पत्र (लेटर ऑफ क्रेडेंशियल्स) स्वीकारले. कोविड – 19 महामारीच्या काळात दोन्ही देशांमधील परस्पर सहकार्यामुळे दोन्ही देशांमधील मैत्री आणि विश्वास अधिक दृढ झाला आहे, असे त्यांनी नमूद केले.

• पंतप्रधान नरेंद्र मोदी यांनी व्हिडिओ कॉन्फरन्सिंगद्वारे पीएम मत्स्य संपदा योजना, ई-गोपाला ऍप्प आणि मत्स्यपालन उत्पादन, दुग्धव्यवसाय, पशुसंवर्धन आणि शेतीमधील अभ्यास आणि संशोधनाशी निगडित अनेक उपक्रमांचा शुभारंभ केला.

या प्रसंगी बोलताना पंतप्रधान म्हणाले की आज सुरू करण्यात आलेल्या या सर्व योजनामागील हेतू आपल्या गावांना सक्षम बनवणे आणि 21 व्या शतकात भारताला स्वयंपूर्ण  (आत्मनिर्भर भारत) बनवणे हा आहे.

• राष्ट्रीय शिक्षण धोरण – 2020 (एनईपी – 2020) अंतर्गत “21 व्या शतकातील शालेय शिक्षण” बैठकीत 11 सप्टेंबर 2020 रोजी व्हिडिओ कॉन्फरन्सिंगच्या माध्यमातून पंतप्रधान नरेंद्र मोदी यांचे भाषण होईल. शिक्षण मंत्रालयाच्या वतीने शिक्षक पर्वचा एक भाग म्हणून 10 आणि 11 सप्टेंबर रोजी दोन दिवसांची बैठक आयोजित करण्यात येत आहे.

आरोग्य मंत्रालयाची कोविड-19घडामोडींवरील माहिती :

देशभरात गेल्या 24 तासांत एकूणात 95,735 नवीन रुग्णांची नोंद झाली आहे.

एकूण रुग्णांच्या 60 % रुग्ण हे केवळ पाच राज्यांमधील आहेत. एकट्या महाराष्ट्रातील 23,000 पेक्षा अधिक आणि आंध्र प्रदेशमधील 10,000 रुग्णांचा त्यात समावेश आहे.

आजच्या दिवसाला देशभरात एकूण सक्रीय रुग्णांची संख्या 9,19,018 इतकी आहे.

एकूण सक्रीय रुग्णांपैकी 74 % रुग्णसंख्या ही सर्वाधिक बाधित 9 राज्यांमधून आहे. एकूण सक्रीय रुग्ण संख्येपैकी 49 % रुग्णसंख्या महाराष्ट्र, कर्नाटक आणि आंध्र प्रदेश येथील आहे. सरासरी पाहता महाराष्ट्रात सर्वाधिक म्हणजे 2,50,000 पेक्षा अधिक तर कर्नाटक आणि आंध प्रदेश येथे प्रत्येकी 97,000 पेक्षा अधिक रुग्णसंख्या आहे.

गेल्या 24 तासात एकूण 1,172 मृत्यूंची नोंद झाली आहे. त्यापैकी काल 32 % म्हणजे 380 मृत्यूंची नोंद महाराष्ट्रात झाली तर कर्नाटकमध्ये 128 आणि तामिळनाडूमध्ये 78 मृत्यूंची नोंद झाली.

एकूण मृत्यूंपैकी, 69 % रुग्णांचे मृत्यू हे महाराष्ट्र, तामिळनाडू, कर्नाटक, दिल्ली आणि आंध्रप्रदेश या पाच राज्य / केंद्रशासित प्रदेशांमध्ये झाले आहेत.  

इतर अपडेट्स:

• काही मोठ्या राज्यांत, रॅपिड अँटीजेन टेस्ट (आरएटी) द्वारे चाचणी केलेल्या लक्षणात्मक निगेटिव्ह प्रकरणांचा पाठपुरावा आरटी-पीसीटी चाचणीद्वारे केला जात नसल्याची बाब केंद्रीय आरोग्य मंत्रालयाच्या निदर्शनास आली आहे.

आयसीएमआरच्या मार्गदर्शक तत्वांबरोबरच केंद्रीय आरोग्य मंत्रालयाने हे स्पष्टपणे सांगितले आहे कि खालील दोन विशिष्ट श्रेणीतील व्यक्तींची आरटी-पीसीआर चाचणीद्वारे पुन्हा तपासणी करणे अनिवार्य आहे:

1. रपिड अँटीजेन टेस्ट (आरएटी) ची सर्व लक्षणात्मक (ताप किंवा खोकला किंवा श्वासोच्छवासाला त्रास) निगेटिव्ह प्रकरणे

2. निगेटिव्ह चाचणी झाल्यापासून 2 ते 3 दिवसांच्या आत लक्षणे विकसित होणा-या लक्षणहीन निगेटिव्ह प्रकरणांची  रॅपिड अँटीजेन टेस्ट (आरएटी)

• केंद्रीय अर्थ आणि कंपनी व्यवहार मंत्री निर्मला सीतारामन यांनी सार्वजनिक क्षेत्रातील बँकांकडून दिल्या जाणाऱ्या डोअरस्टेप बँकिंग सेवेचे उद्घाटन केले आणि ईएएसई बँकिंग सुधारणा निर्देशांकानुसार उत्कृष्ट कामगिरी करणाऱ्या बँकांचा सत्कार करण्यासाठी पुरस्कार समारंभात सहभागी झाल्या. या व्हर्च्युअल कार्यक्रमाला वित्तीय सेवा विभाग सचिव,देबाशीष पांडा आणि आयबीएचे अध्यक्ष रजनीश कुमार हे देखील उपस्थित होते.
• टपाल विभागाच्या योजना देशातील संपूर्ण ग्रामीण भागात पोहचाव्यात यासाठी टपाल विभागाच्या पंचतारांकित गावे योजनेचे उद्घाटन आज करण्यात आले. टपाल विभाग अनेक उत्पादने आणि सेवा पुरवते मात्र ते खेड्यांपर्यंत पोहोचत नाहीत.  म्हणूनच अशी सर्व उत्पादने आणि सेवा ग्रामीण स्तरावर उपलब्ध करुन देण्यासाठी पंचतारांकित गावे  योजना सुरू करण्यात आली आहे. शाखा कार्यालये त्यांच्या टपालविषयक गरजा पूर्ण करण्यासाठी 'वन स्टॉप शॉप' म्हणून काम करतील.
• अटल इनोव्हेशन मिशन (AIM) अंतर्गत नीती आयोगाने बहुप्रतीक्षीत कार्यक्रम- आत्मनिर्भर भारत, अराईज-अटल न्यू इंडिया आव्हान कार्यक्रमाची, भारतीय एमएसएमई आणि स्टार्टअपसमध्ये उपयोजित संशोधन आणि नवकल्पनेला उत्तेजन देण्यासाठी सुरुवात केली आहे.

महाराष्ट्र अपडेट्स :

महाराष्ट्रात बुधवारी आतापर्यंतच्या सर्वाधिक 23,816 कोविड रुग्णांची नोंद झाली. यामुळे राज्यात एकूण रुग्णसंख्या 9,67,349 इतकी झाली आहे. तसेच कोविडमुळे 325 रुग्णांचा मृत्यू झाल्यामुळे आतापर्यंत या आजारामुळे मृत्यू झालेल्यांची संख्या 27,732 इतकी झाली आहे. राज्याच्या आरोग्य विभागाने दिलेल्या माहितीनुसार राज्यात 2,52,734 सक्रिय रुग्ण आहेत. मुंबईत कोविडचे 2,227 नवीन रुग्ण आढळले असून एकूण रुग्णसंख्या 1,60,744 इतकी झाली आहे. शहरात  43 रुग्णांचा या आजारामुळे मृत्यू झाला असून एकूण मृत्यू संख्या 7,982 इतकी झाली आहे. 1,26,745 इतके रुग्ण बरे झाले असून शहरातील सक्रिय रुग्णांची संख्या 25,659 इतकी आहे.

FACTCHECK

* * *

M.Chopade/S.Tupe/D.Rane

सोशल मिडियावर आम्हाला फॉलो करा@PIBMumbai    /PIBMumbai    /pibmumbai  pibmumbai[at]gmail[dot]com