PIB Headquarters
কোবিদ-১৯গী মতাংদা নুমিৎ খুদিংগী ফোংবা পি.আই.বি.গী বুলেতিন
Posted On:
10 SEP 2020 6:18PM by PIB Imphal
![Coat of arms of India PNG images free download](https://static.pib.gov.in/WriteReadData/userfiles/image/image002ZD15.png)
![](https://static.pib.gov.in/WriteReadData/userfiles/image/image001JO7N.jpg)
(মসিদা হৌখিবা পুং ২৪ দা থোকখিবা কোবিদ -১৯গা মরী লৈনবা চেফোংশিং, ফিল্দ ওফিসশিংদগী ফংবা পাউশিং, অমসুং পি.আই.বি.না লৌখৎপা ফেক্ত চেকশিং য়াওরি )
- অপুনবা কেসকী চাদা ৬০দি রাজ্য মঙা খক্তদগী রিপোর্ত তৌরক্লি
- ঙসি ফাওবদা লৈবাক অসিদা লৈরিবা এক্তিব কেসকী অপুনবা মশিং অসি ৯,১৯,০১৮ ওইরি।
- হকশেল মন্ত্রালয়না স্তেত/য়ু.তি.শিংদা রেপিদ এন্তিজেন তেস্ততা নেগেতিব ওইবা লায়ওং উৎপা কেস খুদিংমক শুকশোয় শোয়দনা আর.তি.-পি.সি.আর.গী খুত্থাঙদা অমুক হন্না তেস্ত তৌনবা হায়খ্রে
- দবল্যু.ঐচ.ও সাউথ ইস্ত এসিয়া রিজনগী ৭৩ শুবা মীফমদা মেম্বর স্তেতশিংনা কোবিদ-১৯গী অপুনবা রেস্পোন্সতা দিক্লারেসন এদোপ্ত তৌখ্রে
- পোশন মাহ পালন তৌবদা আয়ুশতা য়ুম্ফম ওইবা ন্যুত্রিসন সোলুশনশিং পুথোক্তুনা খংহনগদবা
![](https://static.pib.gov.in/WriteReadData/userfiles/image/image0054JPZ.jpg)
![](https://static.pib.gov.in/WriteReadData/userfiles/image/image0066DF5.jpg)
ভারতকী অপুনবা কেসকী ৬০%দি খ্বাইদগী শোকহল্লবা রাজ্য ৫দগী ওইখি
লৈবাক অসিদা হৌখিবা পুং ২৪দা অনৌবা কেস পুন্না ৯৫,৭৩৫ রিপোর্ত তৌরকখি। অপুনবা কেসকী ৬০%দি খ্বাইদগী শোকহল্লবা রাজ্য ৫দগী ওইখি। মহারাস্ত্র মথন্তগী ২৩,০০০ হেন্না ওইখি অমদি অন্ধ্র প্রদেশকীনা ১০,০০০ ওইখি। ঙসি ফাওবদা লৈবাক অসিগী অপুনবা এক্তি কেসশিংগী মশিং অসি ৯,১৯,০১৮ ওইখি। অপুনবা এক্তিব কেসশিংগী ৭৪% হেনবদি খ্বাইদগী শোকহল্লবা রাজ্য ৯দগী ওইখি। মহারাস্ত্র, কর্নাতকা অমসুং অন্ধ্র প্রদেশনা হৌজিক্কী ওইনা অপুনবা এক্তিব কেসশিংগী ৪৯% ওইরি। মহারাস্ত্রনা তেলী অসিদা ২,৫০,০০০ ওইদুনা মকোক্তা লৈরি অমরোমদা কর্নাতকা অমসুং অন্ধ্র প্রদেশ না ৯৭,০০০-৯৭,০০০ ওইদুনা মতুং ইল্লি। হৌখিবা পুং ২৪দা পুন্না লৈখিবা ১,১৭২ রেজিস্তর তৌখি। ঙরাং নুমিৎতা লৈখিবগী রিপোর্ত তৌরকখিবগী ৩২% অসিদা মহারাস্ত্রদগী ৩৮০ শীখি, শীখিবা ১২৮গা লোয়ননা কর্নাতকানা মথংদা লৈখি, অমসুং তামিল নাদুদগী শীখিবা ৭৮ ওইখি। পুন্না লৈখিবা অসিগী ৬৯%দি মহারাস্ত্রা, তামিল নাদু, কর্নাতকা, দিল্লী অমসুং অন্ধ্র প্রদেশ রাজ্য/য়ু.তি. মঙা অসিদগী ওইখি।
অকুপ্পা ৱারোলগীদমক: https://pib.gov.in/PressReleseDetail.aspx?PRID=1652910
হকশেল মন্ত্রালয়না স্তেত/য়ু.তি.শিংদা রেপিদ এন্তিজেন তেস্ততা নেগেতিব ওইবা লায়ওং উৎপা কেস খুদিংমক শুকশোয় শোয়দনা আর.তি.-পি.সি.আর.গী খুত্থাঙদা অমুক হন্না তেস্ত তৌনবা হায়খ্রে
কেন্দ্রগী হকশেল মন্ত্রালয়না অচৌবা স্তেত খরদা রেপিদ এন্তিজেন তেস্ততা নেগেতিব ওইবা লায়ওং উৎপা কেসশিং আর.তি.-পি.সি.আর.গী খুত্থাঙদা অমুক হন্না তেস্ত তৌবগী থৌওং ইন্দ্রে হায়বা ৱাফম ফোঙদোক্লি। আই.সি.এম.আর. অমসুং কেন্দ্রগী হকশেল মন্ত্রালয়না পীবা চৎন-কাঙলোনদা মখাদা পীরিবা কাঙলুপ অনিগী মনুং চনবা মীওইশিংদি আর.তি.-পি.সি.আর.গী খুত্থাঙদা তঙায় ফদনা অমুক হন্না তেস্ত তৌগদবি হায়না ময়েক শেংনা পল্লি: লায়ওং (লাইহৌ নৎত্রগা লোক খুবা নৎত্রগা নীংশা হোনবা নুংঙাইতবা) উৎপা রেপিদ এন্তিজেন তেস্ততা (আর.এ.তি.)দা নেগেতিব ওইবা কেসশিং লায়ওং উত্তবা আর.এ.তি.দা নেগেতিব লাকপা অদুবু তেস্ত তৌখ্রবা মতুং নুমিৎ ২দগী ৩ ফাওবদা লায়ওং উৎপা হৌরকপা কেসশিংনি। মসিদা য়ুম্ফম ওইদুনা, কেন্দ্রগী হকশেল মন্ত্রালয় অমসুং আই.সি.এম.আর.না পুন্না স্তেত/য়ু.তি.শিংদা চে ইদুনা রেপিদ এন্তিজেন তেস্ততা নেগেতিব ওইবা লায়ওং উৎপা কেস খুদিংমক শুকশোয় শোয়দনা আর.তি.-পি.সি.আর.গী খুত্থাঙদা অমুক হন্না তেস্ত তৌনবা হায়খ্রে। অসিগুমবা লাইওং উৎপা নেগেতিব কেসশিং অসি তেস্ত তৌদনা থমবা অমদি মখোয়না মখা তানা মখোয়গী কন্তেক্তশিংদা শন্দোরকপগী ফীভম থোকহন্দনবা থৌওং অসি তঙাইফদে। মসিনা অসিগুম্বা লান্না নেগেতিব লাকপশিং ঙন্না খঙদোকহৌবা অমদি তোখাইনা থমবা/অনা লায়েঙশঙদা পুখৎপা ঙমহনগনি। পুন্না ইবা চে অদুদা আর.এ.তি. অসি ফীল্দদা তেস্ত তৌবগী খুদোংচাবা হেনগৎহন্নবা অমদি পাক শন্না ফংহন্নবা পাম্বৈ ওইজরবসু, আর.তি.-পি.সি.আর.না কোবিদ তেস্ত তৌবগী অথোইবা পাম্বৈ ওইরি। পোজিতিব কেস ওইরমবা য়াবা কেস অমত্তা নান্থোকহন্দবা হায়বসিনা স্তেত/য়ু.তি.শিংগী পান্দম ওইগদবনি। মখোয়দা অমুক হন্না আর.তি.-পি.সি.আর.দা তেস্ত তৌবদা পোজিতিব মহৈ ফংলকপশিং য়েংশিন্নবা চাং নাইনা নৈননবা পাউতাকসু পীখি।
অকুপ্পা ৱারোলগীদমক: https://pib.gov.in/PressReleseDetail.aspx?PRID=1652922
দবল্যু.ঐচ.ও. সাউথ এসিয়া রিজনগী ৭৩সুবা মীফম- কোবিদ-১৯গী খুদক্কী থৌরাং তৌবগী মতাংদা মিনিস্তরশিংগী রাউন্ত তেবল মীফমদা দোক্তর হর্স ভর্ধন্না ৱা ঙাংখি
ঙসি ভিদিও কনফরেন্সকী খুৎথাংদা হেল্থ অমসুং ফেমিলি ৱেলফিয়ারগী য়ুনিয়ন মিনিস্তর দোক্তর হর্স ভরধন্না দবল্যু.ঐচ.ও সাউথ এসিয়া রিজনগী ৭৩সুবা মীফম শরুক য়াখ্রে। ভারতকী মহুৎশীল্লিবা দোক্তর হর্স ভরধন্না কোবিদ-১৯গী খুদক্কী ওইনা থৌরাং তৌবগী মতাংদা মিনিস্তরশিংগী রাউন্ত তেবল মীফমদা ৱা ঙাংখি। অহানবদা মহাক্না ভারত্তা কোবিদ-১৯ লায়েংনবা অমসুং তঙাইফদবা কোবিদ নত্তবা হকশেলগী থবকশিংগী লমদা পায়খৎলিবা মরুওইবা থবক অহুমগী মতাংদা ৱা ঙাংখি। মহাক্না হায়খি হকশেল অমসুং হকশেলগী অথু-অকায়গী থৌরাং তৌনবা থবকশিংদা শেন থাদবা হেনগৎহন্নবা লাল্লোংশিং শীজিন্নরে অমসুং তুংদা লাক্কদবা লাইচৎশিং মাংজৌন্না ঙাকথোক্নবা ইন্তরনেসনেল হেল্থ রিগুলেসন(আই ঐচ আর)গী মরুওইবা থবকশিং পায়খৎলে। ২০২০গী জনুৱারিদগী সার্স নোভেলকোরোনাভাইরস-২ ঙাকথোক্নবা অমসুং লাকশিন্নবা ভারতনা পায়খৎলিবা মীয়ামগী ওইবা হকশেলগী থবকশিংগী মতাংদা মহাক্না হায়খি ভারত সরকারনা লম চৎপগী মতাংদা চেকশিনৱাশিং পীখি।
অকুপ্পা ৱারোলগীদমক: https://pib.gov.in/PressReleseDetail.aspx?PRID=1652976
দবল্যু.ঐচ.ও সাউথ ইস্ত এসিয়া রিজনগী ৭৩ শুবা মীফমদা সাউথ ইস্ত এসিয়া রিজনদা মেম্বর স্তেতশিংনা কোবিদ-১৯গী অপুনবা রেস্পোন্সতা দিক্লারেসন এদোপ্ত তৌখ্রে
থাইলেন্দগী দিপুতী প্রাইম মিনিস্তর অমদি হকশেল মিনিস্তর শ্রী অনুতিন চার্নবিরাকুলগী লুচিং মখাদা পাংথোকখিবা দবল্যু.ঐচ.ও. সাউথ ইস্ত এসিয়া রিজনগী ৭৩ শুবা মীফম লোইশিল্লকপদা মেম্বর স্তেতশিংগী হেল্থ মিনিস্তরশিংনা সাউথ ইস্ত এসিয়া রিজন মেম্বর স্তেতকী সাউথ ইস্ত এসিয়া রিজনদা মেম্বর স্তেতশিংনা কোবিদ-১৯গী অপুনবা রেস্পোন্সতা দিক্লারেসনদা য়ানখ্রে।
অকুপ্পা ৱারোলগীদমক: https://pib.gov.in/PressReleseDetail.aspx?PRID=1653025
প্রধান মন্ত্রী অমসুং হিজ মেজেস্তি সাউদি অরাবিয়াগী নিংথৌগা তেলিফোন্দা ৱারী শাখ্রে
প্রধান মন্ত্রী শ্রী নরেন্দ্র মোদীনা ঙসি হিজ মেজেস্তি নিংথৌ সল্মান বিন অবদুলাজিজ অল সাউদকা তেলিফোন্দা ৱারী শাখ্রে। লুচিংবা অনিনা কোবিদ-১৯গী লায়চৎনা ওইহল্লক্লিবা মালেমগী অৱাবশিংগী মতাংদা ৱারী শাখি। প্রধান মন্ত্রীনা জি.২০ গ্রুপিংগী চত্থখিবা প্রসিদেন্সিগী মনুংদা সাউদি আরাবিয়ানা লুচিংখিবগী মতাংদা মহাক্না থাগৎপা ফোঙদোকখি। লুচিংবশিং অসিনা জি.২০গী থাক্তা লৌখৎখিবা খোঙথাংশিং অসিনা লায়চৎ অসি পুন্না লান্থেংমিন্নবদা মতেং পাংলগনি হায়না থাজবা ফোঙদোকখি। লুচিংবা অনিনা ভারত অমসুং সাউদি অরাবিয়াগী মরক্তা লৈবাক অনিগী ওইনা লৈনরিবা মরীদা অপেনবা ফোঙদোকখি অমসুং হীরম খুদিংমক্তা মখা তানা অমগা অমগা মতেং পাংননবা য়ানখি। প্রধান মন্ত্রীনা কোবিদ-১৯গী লায়চৎ অসিগী মনুংদা পন্দুনা লৈরিবা ভারত মচাশিংদা সাউদি ওথোরিতীশিংনা মতেং পাংখিবা অদুগী হিজ মেজেস্তী নিংথৌ সল্মানবু অখন্ননা থাগৎপা ফোঙদোকখি।
অকুপ্পা ৱারোলগীদমক: https://pib.gov.in/PressReleseDetail.aspx?PRID=1652779
নোংজু মীফম ফজনা পাংথোকপা হৌনবা রাজ্য সভাগী চিয়রমেন্না হাউসকী মোক সেসন পাংথোকখ্রে
লাক্লিবা সেপ্তেম্বর ১৪,নিংথৌকাবা নুমিৎতগী হৌগদৌরিবা সংসদকী নোংজু মীফমগী পায়খৎলিবা অখন্নবা থৌরাংশিংগী ফিবম ঙরাং রাজ্য সভাগী চিয়রমেন, শ্রী এম.বেনকাইয়া নাইদুনা য়েংশিনখ্রে। মহাক্না চিয়র লৌদুনা হাউসকী মোক সেসন অমা পাংথোকখি অমসুং লাপ্না লৈনবগী নিয়মশিং ঙাক্নবা মাংজৌন্না শেমদুনা থমলবা ফমফমশিংগী মতুংইন্না হাউসকী গেল্লেরি মরি অমসুং চেম্বরদা সেক্রেতরিয়েৎকী স্তাফশিং ফমহনখি। লোক সভাগী চেম্বরদসু স্তাফ মেম্বরশিং ফমহনখি। হাউসকী চেম্বর অমদগী অমদা ওদিও অমসুং ভিদিওগী শিঙ্গনেলশিং থাবগী থবকসু মপুংফানা য়েংশিনখি। ইন্তরপ্রেতেসন শিঙ্গনেলশিং ফজনা মথৌ পাংথোকপা থেংনখি। লোক সভাগী চেম্বরদা ফম্লিবা মীওইশিংদা খন্ন-নৈনবা শরুক য়ানবা খঙহনখি। মফম অহুমদা স্লিপশিং য়েন্থোক্তুনা ভোৎ থাদবগী থবক পাংথোকখি। পায়খৎলিবা থৌরাংশিং অদুদা চেয়রমেন, শ্রী নাইদুনা মহাক্কী অপেনবা ফোঙদোকখি। শ্রী নাইদুনা হাউসকী স্তাফ খুদিংমক তেস্ত তৌনবা অমুক হন্না খঙহনখি। হৌখিবা নুমিৎ নিনিদা তেস্ত তৌখ্রে হায়না ওফিসিএলশিংনা ফোঙদোকখি। করিগুম্বা ৱাৎহৌবা লৈরবদি লোইশিন্নবা সেক্রেতরিয়েৎনা হোৎনরি।
অকুপ্পা ৱারোলগীদমক: https://pib.gov.in/PressReleseDetail.aspx?PRID=1652694
পোশন মাহ পালন তৌবদা আয়ুশতা য়ুম্ফম ওইবা ন্যুত্রিসন সোলুশনশিং পুথোক্তুনা খংহনগদবা
সেপ্তেম্বর ২০২০ গী মনুংদা পাংথোকপা পোশন মহা পালনদা ন্যুত্রিসন সোলুসন্দা য়ুম্ফম ওইবা ত্রেদিস্নেল হেল্থ কেয়র ৱিজদম অসি খ্বাইদগী মরু ওইবা অমনি। কোবিদ-১৯ প্রোতোকল ঙাক্না পোশন অভিয়ানদা য়াওরিবা থবকশিং হেন্না খোঞ্জেল য়াংশিলহল্লি। পোশন অভিয়ান অসি প্রধান মন্ত্রীগী অশানবা মীৎয়েং মখাদা হোলিস্তিক ন্যুত্রিসনগীদমক পাংথোকপা স্কিম অমনি অমসুং মাসি মহাক্না ২০১৮গী মার্চ তাং ৮দা হৌদোকখি । আয়ুরভেদ, সিধা অমসুং উনানিগী লৈবাকসিদা চৎনরিবা সিস্তেমশিংগী অখং অহৈশিংসু অফবা চীঞ্জাক আমাদী আৱাৎপ মেন খৎ পদ লমজিংনব পুন্ন থবক তৌমিন্নগনি। আয়ুশ মন্ত্রালয়না আয়ুশ এদুকেস্নেল ইনস্তিটিউশনগুম্বা স্তেকক-হোল্দরশিং অমদি ওতোনোমস বোদিশিংগী খুথাংদ অসিগুম্বা অখন্নবা থৌরাংশিং হৌদোকনি । থা অসিদা চত্থৰিবা মিয়াম খংহ্নবগী ক্যাম্পাইন অসি হকথেংননা হকচাংগা মরি লৈনবা চিঞ্জাক অসিদা মীৎয়েং থমদুনা মন্ত্রালয় অসিনা প্রজা খুদিংদা খংহন্নবা হোৎনগনি অমাদী পাওজেল অসি য়ৌহনগনি।
অকুপ্পা ৱারোলগীদমক: https://pib.gov.in/PressReleseDetail.aspx?PRID=1652991
দি.এস.তি.গী ইনোবেসন, ওন্তরপ্রিনরশিপ অমসুং ইনক্যুবেসন কেতালাইজিং তৌবগী খোংচৎকী রিপোর্ত পুথোকখ্রে
ইনোবেসন, ওন্তরপ্রিন্যুর্শিপ অমসুং ইনক্যুবেসন কেতালাইজ তৌবগীদমক্তা নেস্নেল সাইন্স অমসুং তেক্নোলোজী ওন্তরপ্রিনরশিপ দিভেলপমেন্ত বোর্দ(এন.এস.তি.ই.দি.বি.)গী খোংচৎকী মতাংদা রিপোর্ত অমা সাইন্স অমসুং তেক্নোলোজী বিভাগকী সেক্রতরী প্রোফেসর আশুতোশ শর্মানা চয়োল অসি হৌরকপদা ওনলাইনগী থৌরম অমদা পুথোকখ্রে। এন.এস.তি.ই.দি.বি.না হৌদোকখিবা নেস্নেল ইনিসিএতচিব ফোর দিভেলপিং এন্দ হার্নেসিং ইনোবেসন(নিধি)গুম্বা থৌরাংশিং অসিনা স্তার্তঅপ ইন্দিয়া অমসুং স্তেন্দঅপ ইন্দিয়াগী নেস্নেল ইনিসিএতিবকা লোয়ননা মহাক্কী থবক-থৌরাংশিং অদু থোইদোক্না পল্লদুনা ইনক্যুবেৎ অসি লমজিংলিবা ইনোবেসন ভেল্যু চেন অসি নিংথিনা পাংথোকহনবদা মরুওইবা থৌদাং লৌই। নিধি থৌরাংগী অপুনবা পাঙ্ল অমদি থৌনানা দি.এস.তি. ইনক্যুবেতর নেৎৱর্ক অমসুং মাগী স্তার্তঅপশিং অসি কোবিদ-১৯গী মতমদা লোয়ননা সেন্তর ফোর ওমেন্তিং ৱার ৱিথ কোবিদ-১৯গী হেল্থ ক্রাইসিস(সি.এ.দব্লয়ু.এ.সি.ঐচ.) থৌরাংদা ক্রাইসিস অসি লোইশিন্নবা তোঙান-তোঙানবা সোলুসনশিংনা তেংবাংদুনা মায় পাক্না তেস্ত তৌখ্রে।
অকুপ্পা ৱারোলগীদমক: https://pib.gov.in/PressReleseDetail.aspx?PRID=1652924
পি.আই.বি. ফিল্দ ওফিসশিংদগী ফংবা পাউ
• অরুনাচল প্রদেশ: অরুনাচল প্রদেশতা কোবিদ-১৯গী অনৌবা পোজিতিব কেস ১৪৭ থেংনখি অদুগা ১৮৩না ফখ্রে অমসুং দিসচার্জ তৌখ্রে। এক্তিব কেস ১,৬৩০ লৈরি।
• অসাম: অসামদা ঙরাং পেসেন্ত ২,২৬৫ দিসচার্জ তৌখ্রে। দিসচার্জ তৌখিবা পেসেন্তশিংগী অপুনবা মশিং ১,০৩,৫০৪ অমসুং এক্তিব পেসেন্তশিংগী মশিং ২৬,১৬৩ লৈরি হায়না রাজ্যগী হকশেল মন্ত্রীনা খঙহল্লকখি।
• মনিপুর: মনিপুরদা কোবিদ-১৯ পোজিতিব ওইবা মীওই ১৬০ অমুক থেংনখি। চাদা ৭৫গী চাংদা ফগৎলকখিবগা লোইননা ৬৪ ফগৎখি।
• মেঘালয়া: মঘালয়াদা ঙরাং কোরোনাভাইরসতগী মীওই ১০৭ ফগৎখি। এক্তিব কেসশিংগী অপুনবা মশিং ১,৩৫৫, বি.এস.এফ. অমসুং আর্মদ ফোর্সেসগী অপুনবা মশিং ২৮০, অতোপ্পগী অপুনবা মশিং ১,০৭৫ অমসুং ফখিবশিংগী অপুনবা মশিং ১,৮২৩।
• মিজোরাম: মিজোরামদা ঙরাং কোবিদ-১৯গী অনৌবা কেস ১৪১ কনফর্ম তৌখ্রে। অপুনবা কেস ১,৩৩৩, এক্তিব কেস ৫৮৩।
• নাগালেন্দ: নাগালেন্দ সরকারনা হান্নগী এস.ও.পি.শিংগী মহুৎ শিংন্দুনা রিতর্নীশিং অমসুং ত্রভেলরশিংগীদমক্তা রিভাইস তৌরবা এস.ও.পি.শিং থোকখ্রে। রাজ্য অসিদা পোইন্তস ওফ এন্ত্রি কঙদোকখ্রে। য়ুমশকৈশা নুমিত্তা থেংনখিবা নাগালেন্দগী অনৌবা পোজিতিব কেস ১৩০ অদুগী মনুংদা কোহিমাদগী কেস ৬৪, দিমাপুরদা ৬৩, মোনদা ২ অমসুং মোকোকচুংদা ১ ওইখি।
• সিক্কিম: সিক্কিমদা কোবিদ-১৯গী অনৌবা পোজিতিব কেস ৩১ থেংনখি; রাজ্য অসিগী কোবিদ এক্তিব ওইবা মশিং অসি হৌজিক ৫২৭ শুখ্রে। হৌজিক ফাওবদা সিক্কিমদা কোবিদ কেয়র সেন্তর কয়া অমদগী মীওই ১,৪৭০ দিসচার্জ তৌখ্রে। কনফর্ম কেসশিংগী অপুনবা মশিং অসি ১,৯৮৯ য়ৌখ্রে।
• মহারাস্ত্র: রাজ্য অসিদা য়ুমশকৈশা নুমিত্তা খ্বাইদগী হেন্না মশিং ৱাংলবা কোরোনাভাইরসকী অনৌবা কেস ২৩,৮১৬ থেংনখি অমসুং মসিগা লোইননা রাজ্য অসিগী মশিং অসি ৯,৬৭,৩৪৯দা ৱাংখৎখ্রে। রাজ্যগী হেল্থ দিপার্তমেন্তনা থাদোরকপা খ্বাইদগী নৌবা পাউগী মতুং ইন্না মীওই ৩২৫ অমসুং ইনফেক্সন্না মরম ওইরগা লৈখিদবগা লোইননা রাজ্য অসিদা কোবিদ-১৯না মরম ওইরগা লৈখিদবশিংগী মশিং অসি ২৭,৭৩২ য়ৌখ্রে অমসুং এক্তিব কেসশিংগী মশিংনা ২,৫২,৭৩৪ য়ৌহনখ্রে। য়ুমশকৈশা নুমিত্তা মুম্বাইদা অনৌবা কেস ২,২২৭ থেংনখি অমসুং মসিগা লোইননা অয়াম্বা সিতীগী কেসশিংগী মশিং অসি ১,৬০,৭৪৪দা হেনগৎখ্রে। ভাইরস অসিনা মরম ওইরগা পেসেন্ত ৪৩ অমসু লৈখিদ্রে , মসিনা শিখিবশিংগী অপুনবা মশিং অদু ৭,৯৮২ য়ৌহনখ্রে। মসিগী ওন্নতৈনবদা হৌজিক ফাওবদা পেসেন্ত ১,২৬,৭৪৫ ফগৎখ্রে অমসুং সিতী অসিদা লৈরিবা এক্তিব কেসশিংগী মশিং অসি ২৫,৬৫৯ শুখ্রে।
• গুজরাত: রাজ্যগী বি.জে.পি. প্রসিদেন্ত অমসুং নৱসারি এম.পি. সি.আর.পাতিল কোবিদ-১৯ পোজিতিব ওইখ্রে। য়ুমশকৈশা নুমিত্তা গুজরাত্তা অনোবা কেস ১,৩২৯ থেংনখি অমসুং রাজ্য অসিদা এক্তিব কেস লোদ ১৬,২৯৬ লৈরি।
• মধ্য প্রদেশ: মধ্য প্রদেশতা কোবিদ ফগৎলকপগী চাং অসি চাদা ৭৬তা হেনগৎলকখ্রে। শিবগী চাংসু চাদা ২.৪দগী চাদা ১.৪দা হন্থরকখ্রে। মরক অসিদা রাজ্য অসিদা কোবিদ-১৯ কেস শিংগী মশিং অসি হৌখিবা পুং ২৪দা অনৌবা কেস ১,৮৬৯ থেংনখ্রবা মতুংদা ৭৯,১৯২দা হেনগৎলকখ্রে। রাজ্য অসিদা হৌজিক এক্তিব কেস ১৭,৭০২ লৈরি।
• গোৱা: গোৱাগী সাউথ গোৱা দিস্ত্রিক্ত হোসপিতালদা ফমুং ২৫০ লৈবা কোবিদ ত্রীৎমেন্ত ফেসিলিতী অদু ইরাই নুমিত্তগী মথৌ তৌবা হৌরগনি। গোৱা সরকারনা রাজ্য অসিদা কোরোনাভাইরস কেসশিংগী মশিং ৱাংখৎলকপা অসিনা মরম ওইরগা থোরকপশিং অদুগী ওইনা মদগাওন হোসপিতালদা ফমুং ৫০০গী মনুংদা ফমুং ২৫০ ওন্থোক্নবা ৱারেপ লৌখ্রে।
• কেরলা: রাজ্য হকশেল মন্ত্রী, কে.কে. শাইলাজানা চেকশিন্নবা খঙহল্লকখ্রে মদুদি অথিংবা থম্লিবসি মকাতানা লৌথোকপগা লোইননা রাজ্য অসিদা কোবিদ-১৯না মরম ওইরগা শিবগী মশিং হেনগৎলকপা য়াই হায়খি। মহাক্না খঙহল্লকখি মদুদি করিগুম্বা ইনফেক্সন অসি হেন্না শন্দোরক্লবদি ভেন্তিলেতরশিংগী মশিং অমুক হেন্না ৱাৎলগনি মরমদি হান্নদগী ইক্যুইপমেন্ত অসিগী অৱাৎপা লৈ। মুখ্য মন্ত্রী পিনরায়ি ৱিজায়ন্না এসেম্বলী সীত অনিগী বাই-ইলেক্সন তোক্নবগী মতাংদা অয়াবা অমা পুরক্নবা পার্তীগী অপুনবা মীফম অমা কৌখ্রে। মরক অসিদা ঙসি রাজ্য অসিদা মীওই অহুম অমুক ভাইরস অসিনা মরম ওইরগা লৈখিদ্রে, মসিনা শিখিবশিংগী মশিং অদু ৩৮৭ য়ৌহনখ্রে। অনৌবা ইনফেক্সন ৩,৪০২ থেংনখিবগা লোইননা কেরলাদা ঙরাং কোবিদ-১৯গী য়াম্লবা মশিং থেংনখি। হৌজিক পেসেন্ত ২৪,৫৪৯ লাইয়েংদুনা লৈরি অমসুং রাজ্য শিনবা থুংনা পুন্না মীওই লাখ ২.০২ ওবজার্ভেশন তৌদুনা লৈরি।
• তামিল নাদু: মুখ্য মন্ত্রী এদাপ্পদি কে. পালানিস্বামীনা আয়কি মদুদি রাজ্য অসিদা স্কুলশিং অমুক হাংদোকপগী মতাংদা ৱারেপ খুদিংমক পারেন্তশিংগী চেকশিন-থৌরাংশিংগী মতুং ইন্না লেপকনি। তামিল নাদুদা সেপ্তেম্বর ২১দগী ২৫ ফাওবা স্কুলগী মহৈরোইশিংগীদমক্তা ওনলাইন ক্লাসশিং অমত্তা তৌররোই। তামিল নাদুদা ঙরাং ৬,৫১৬ দিসচার্জ তৌখিবগা লোইননা মীওই ৫,৫৮৪ পোজিতিব ওইবা থেংনখি; রাজ্য অসিদা ৭৮ শিখিবা থেংনখি, মসিনা শিবগী মশিং অদু ৮,০৯০ য়ৌহনখ্রে; জিলা ১৪দা কেস ১০০গী মথক্তা থেংনখি।
• কর্নাতকা: রজা্যগী এনিমল হসবেন্দরী মন্ত্রী, প্রভু ছাৱন কোবিদ-১৯ পোজিতিব ওইখি। কর্নাতকা হাই কোর্তনা য়ুমশকৈশা নুমিত্তা লনাইগী হোসপিতালশিং অমসুং কোবিদ কেয়র সেন্তরশিংদা লৈরিবা ফেসিলিতীশিংগী মতাংদা রিপোর্ত অমা স্তেত লেভেল কমিতী ওন কোবিদতা পীশিন্নবা তাক্লকখ্রে। য়ু.কেদা ওক্সফোর্দ ভেক্সিনগী চাংয়েং লেপখ্রে, অদুবু চাংয়েং নীথিনা চত্থরিবা মাইসুরুদা লৈবা জে.এস.এস. একাদেমী ওফ হায়র এজুকেশন অমসুং রিসর্চনা চাংয়েং অসি মকাতানা চত্থবগী মতাংদা পাউ ফাোরকপা ঙাইরি।
• অন্ধ্র প্রদেশ: রাজ্য অসি শিনবা থুংনা লৈরিবা কোবিদ হোসপিতালশিংগী অখন্নবা মফম ১৯দা পীখিবা ফেসিলিতীশিংগী মতাংদা পাংথোকখিবা সর্ভে অমদা ৱিশাখাপতনম জিলানা মকো থোংবা ওইখি। নেল্লোর জিলা এদমিনিস্ত্রেশন্না য়ুমশকৈশা নুমিত্তা সতিশ ধাৱন স্পেস সেন্তরদা কোবিদকী অনৌবা কেস ৪৭ থেংনখিবনা মরম ওইরগা কোবিদ-১৯ তেস্ত তৌবা হেনগৎহন্নবা স্রিহরিকোতা স্পেস সেন্তরদা ‘সঞ্জীৱিনি’ বস চেলহনখি।
• তেলঙ্গানা: তেলঙ্গানাদা অনৌবা কেস ২৫৩৪ থেংনখিবগা লোইননা কোবিদ -১৯ কেসকী মশিং অদু লাখ ১.৫ হেনখ্রে, হৌখিবা পুং ২৪দা ২০৭১ ফগৎখ্রে অমসুং ১১ শিখিবগী পাউ লৈখি; কেস ২৫৩৪গী মনুংদা জি.ঐচ.এম.সি.দগী কেস ৩২৭ থেংনখি; এক্তিব কেসশিং: ৩২,১০৬; শিখিবশিং: ৯২৭; দিসচার্জ তৌখিবশিং: ১,১৭,১৪৩। লৈবাক অসিদা লৈরিবা কোবিদ-১৯ ৱারিয়রশিংগীদমক্তা ইহান-হানবা ইন্সেন্তিভ প্রোগ্রাম হৌদোকখিবা তেলঙ্গানা সরকারনা থা খরগীদমক্তা শেলগী ওইবা অহেনবা কান্নবা মখাতানা পীখিবা য়াই।
ফেক্ত চেক
![](https://static.pib.gov.in/WriteReadData/userfiles/image/image00711K7.jpg)
*****
(Release ID: 1653158)
Visitor Counter : 152