(মসিদা হৌখিবা পুং ২৪ দা থোকখিবা কোবিদ -১৯গা মরী লৈনবা চেফোংশিং, ফিল্দ ওফিসশিংদগী ফংবা পাউশিং, অমসুং পি.আই.বি.না লৌখৎপা ফেক্ত চেকশিং য়াওরি )

• প্রধান মন্ত্রীনা ঙসি লৈবাক অসিদা কোবিদ ১৯গী ফিভম য়েংশিখ্রে।
• হৌখিবা পুং  ২৪দা ১৯,৮৭০ য়াওনা কোবিদ-১৯ পেসেন্ত ৫,১৫,৩৮৫ নাবা ফখ্রে।
• নাবা ফরবা মশিংনা এক্তিব কেসকী মশিংদগী লাখ ২,৩১,৯৭৮ হেল্লি; রিকোবরী রেৎশু মখা তানা ৬২.৭৮%দা হেনগৎলে।
• এক্তিব কেস ২,৮৩,৪০৭ লৈরি।
• ময়ায় ওইরপ অমসুং অরুবা কোবিদ-১৯গী অনাবশিংদা আইতোলিজুমেব অসি রেস্ত্রিক্তেদ ইমর্জেন্সী ওইনা শিজিন্নবগী অয়াবা পীখ্রে।
• “ফোকস ইন্তরভেন্সন্স ফোর ‘মেক ইন ইন্দিয়া’দা: পোস্ত কোবিদ ১৯’গী মতাংদা তি.আই.এফ.এ.সি.না পুথোকপা হ্বাইত পেপর ফোঙখ্রে।

হকশেল অমসুং য়াইফ-য়ুম্বাল মন্ত্রালয়দগী কোবিদ-১৯দা অপদেৎ: নাবা ফরবা কেস মশিং চাউরাক্না লাখ ৫ শুরে; এক্তিব কেস মশিংদগী লাখ ২.৩১ হেল্লে; নাবা ফগৎলকপগী চাং চাউরাক্না ৬৩% য়ৌরে

কোবিদ-১৯দগী নাবা ফগৎলকপা মীওইশিংগী মশিং লাখ ৫ হেনখ্রে। হৌজিক পুন্না মীওই ৫,১৫,৩৮৫ নাবা ফরে অমসুং দিসচার্জ তৌখ্রে। নাবা ফরবা মশিংনা এক্তিব কেসকী মশিংদগী লাখ ২,৩১,৯৭৮ হেল্লি। মসিগী অফবা মওংদা অহাংবা হেনগৎলকপা অসিগা লোয়ননা রিকোবরী রেৎশু মখা তানা ৬২.৭৮%দা হেনগৎলে। হৌখিবা পুং ২৪দা কোবিদ-১৯গী অনাবা ১৯,৮৭০ নাবা ফদুনা দিসচার্জ তৌখ্রে। হৌজিক এক্তিব কেস মশিং ২,৮৩,৪০৭ লৈরি অমসুং অকনবা লাইওং উৎপা অনাবশিংনা কেন্দ্রগী নত্ত্রগা রাজ্য সরকারগী হোস্পিতালশিংদা কন্না লায়েংলি অমসুং সিম্পতম উত্তবা অমসুং ময়ায় ওইবা সিম্পতম উৎপা মীওইশিংনা য়ুমদা আইসোলেসন তৌদুনা লৈরি। হৌজিক ফাওবদা লৈবাক শিনবা থুংনা লৈবা আই.সি.এম.আর.গী লেব ১১৮০গী দাইগ্নোস্তিক নেতৱর্ক অসিগী মখাদা লৈবা সরকারগী অমসুং লন্নাইগী লেবশিংনা পুন্না সেম্পল ১,১৩,০৭,০০২ লৌখৎপা ঙমখি।

অকুপ্পা ৱারোলগীদমক: https://pib.gov.in/PressReleasePage.aspx?PRID=1637987

প্রধান মন্ত্রীনা ময়াই তাংবল লৌদুনা তমথিরবা কোবিদ-১৯ লায়চৎকী থৌরাংশিংগী মতাংদা য়েংশিন মীফম পাংথোকখ্রে

ইকাই খুম্নরবা প্রধান মন্ত্রীনা লৈবাক অসিদা ওইরিবা কোবিদ-১৯গী ফীভমশিং ঙসি য়েংশিনখ্রে। য়েংশিন মীফম অদুদা য়াওখিবশিংদি ইকাই খুম্নরবা কেন্দ্রগী গৃহ মন্ত্রী শ্রী অমিৎ শাহ, কেন্দ্রগী হকশেলগী মন্ত্রী শ্রী হর্শ বর্ধন, নীতি আয়োগকী মীহুৎ, কেবিনেৎ সেক্রতরী অমসুং ভারত সরকারগী অতৈ মকোক থোংবা ওফিসিএলশিংনি। প্রধান মন্ত্রীনা লৈবাক অসিগী তোঙান-তোঙানবা শরুকশিংদা ওইরিবা ফীভমশিং অমসুং থৌরাংশিং অদু য়েংশিনখি। মীয়াম তিনবা মফমশিংগী পর্সোনেল হাইজিন অমসুং সোসিএল দিসিপ্লিন ঙাক্না চৎকদবশিং অদু হঞ্জিন-হঞ্জিন খংহনবগী মথৌ তাই হায়না প্রধান মন্ত্রীনা ফোংদোকখি। কোবিদকী মতাংদা ইনগদবা চেকশিন-থৌরাংশিং অদু পাক্তক্ননা খংহনগদবনি অমসুং লায়চৎ অসি শন্দোরকপা থিংনবা লেপ্তনা হোৎনগদবনি হায়বগী ৱাফম থমখি। মসিগী মতাংদা করিগুম্বা মখল অমত্তদা ইংথদুনা লৈথোকপগী মফম লৈতে হায়না মহাক্না ফোংদোকখি।

অকুপ্পা ৱারোলগীদমক: https://pib.gov.in/PressReleasePage.aspx?PRID=1637938

দি.জি.সি.আই.না ময়ায় ওইরপ অমসুং অরুবা কোবিদ-১৯গী অনাবশিংদা আইতোলিজুমেব অসি রেস্ত্রিক্তেদ ইমর্জেন্সী ওইনা শিজিন্নবগী অয়াবা পীখ্রে

মতম কুইনদগী শাথিনা নারবা সোরিয়াসিসকীদমক্তা শিজিন্নবগী অয়াবা পীখ্রবা মোনোক্লোনেল এনিতিবোদী ওইরিবা আইতোজুমেব (আর.দি.এন.এ. ওরিজিন) অসি দ্রগস কন্ত্রোল্লর জেনেরেল ওফ ইন্দিয়া (দি.জি.সি.আই.)না ক্লিনিকেল ত্রাএলগী দেতাশিংদা য়ুম্ফম ওইদুনা রেস্ত্রিক্তেদ ইমর্জেন্সী ওইনা শিজিন্নবগী অয়াবা পীখ্রে। এম./এস. বাইওকোন্না ইং ২০১৩দগী হৌনা মতম কুইনা নাগনবা সোরিয়াসিসনা ময়ায় ওইরপ্না নত্ত্রগা শাথিনা নারবা অনাবশিংদা শিজিন্ননবা হায়দুনা ‘অলজুমেব’ হায়না মিংথোন্দুনা শাবা অমসুং য়োনবগী থবক চত্থদুনা লাক্লি। মসিগী লমদমসিদা শাজবা হিদাক অসি হৌজিক্তি কোবিদ-১৯গীদমক্তা শিজিন্নরগনি। দি.জি.সি.আই.না হিদাক অসিবু রেস্ত্রিক্তেদ ইমর্জেন্সী য়ুজকী মখাদা কোবিদ-১৯না নাহনবা মীওইশিংদা ময়ায় ওইরপ নত্ত্রগা শাথিবা এক্যুত রেস্পিরেতরী দিস্ত্রেস সিন্দ্রোম (এ.আর.দি.এস.)কী সাইতোকাইন রিলীজ সিন্দ্রোম (সি.আর.এস.) লায়েংনবগী য়োনবগী অয়াবা পীখিবনি।

অকুপ্পা ৱারোলগীদমক: https://pib.gov.in/PressReleasePage.aspx?PRID=1637926

কোবিদ-১৯গীদমক্তা লায়েং চত্থবা য়েংশিন্নবা লাল্লোংশিং চেকশিন্না য়েংশিনবগী থাক

কোবিদ-১৯গী লায়েং চত্থবগী ৱাফম অসি হৌজিক ফাওবা লায়েং অমত্তা লৈতবনা য়াম্না চাওনা লাইওং অমত্তা উত্তবা অমদি শৌগৎপীদুনা য়েংশিনবদা য়ুম্ফম ওই। নিংথিজনা হাইদ্রেসন তৌহনবা অসিসু য়াম্না মরু ওই। লাইওং উৎপগী মতুং ইন্না কোবিদ০১৯ অসি কাংলুপ ৩ থোক্না খাইদোকপা য়াইঃ অতপ্পা, ময়ায় ওইবা অমসুং য়াম্না শাথিবা। ১০.০৭.২০২০দা রাজ্যশিংগা পাংথোকখিবা ভিদিও অমদি ১০.০৭.২০২০দা কনফরেন্স অমদি ১০.০৭.২০২০দা  "রাজ্যশিং / য়ুনিয়ন তেরিতোরীশিংদা সেন্তর্স ওফ এক্সেলেন্সনা কোবিদকী কেসশিং য়েংশিনবা"গী মতাংদা পাংথোকখিবা ভর্চুএল ওইবা মীফম অমদা আই.সি.এম. অমসুং এমস, ন্যু দিল্লীনা লায়েং অমা লৈতবনা হকশেল অমসুং য়াইফ য়ুম্বাল মন্ত্রালয়(এম.ও.ঐচ.এফ.দব্লয়ু.)গী লায়েং চত্থনবগী প্রোতোকোলদা ময়েক শেংনা পীরিবা অদুগুম্না অতপ্পা, ময়ায় ওইবা অমসুং শাথিবা কেসশিংগী লায়েং চত্থনবগী থাক অসিনা খ্বাইদগী হেন্না ফগনি হায়বা থীম অথোইবা মীৎয়েং থমখি।  ‘থিজিন্নিংঙাই ওইবা লায়েংশিং’ পুম্নমক ওইরকপা য়াবা অরুবশিং অদু য়েংশিনবা ঙম্বা অনাবশিং অদু নক্না য়েংশিনবা য়াবা হেল্থ কেয়র ফেসিলিতীশিংদা নিংথিনা পাংথোকপগী মথৌ তাই।   

অকুপ্পা ৱারোলগীদমক: https://pib.gov.in/PressReleasePage.aspx?PRID=1637996

খরিফ মহৈ-মরোংশিংগী মখাদা মমাং চহিগা চাংদম্নবদা হৱাই থাবা মফমশিংনা শরুক ২.৫ হেনখ্রে; চেং, অপৌবা মহৈ-মরোং অমসুং লশিং থাবসু হেনগৎখ্রে

ভারত সরকারগী এগ্রিকলচর, কোওপরেসন এন্দ ফার্মরস ৱেলফিবর বিভাগনা কোবিদ-১৯ লায়চৎকী মরক্তা লৌমীশিং অমসুং লৌউ-শিংউগী থবক-থৌরমশিং হেনগৎনবা মখল কয়াগী খোংথাংশিং লৌখৎলি। খরিফ মহৈ মরোংশিংগী মখাদা থারিবা মফমশিংনা কোনশিল্লিবা লম অসি হেন্না খুমাং চাওশিল্লি।

অকুপ্পা ৱারোলগীদমক: https://pib.gov.in/PressReleasePage.aspx?PRID=1637864

দা. হর্শ বর্ধননা “ফোকস ইন্তরভেন্সন্স ফোর ‘মেক ইন ইন্দিয়া’: পোস্ত কোবিদ ১৯’গী মতাংদা তি.আই.এফ.এ.সি.না পুথোকপা হ্বাইত পেপর ফোঙখ্রে

সাইন্স অমসুং তেক্নোলোজী, হকশেল অমসুং য়াইফ-য়ুম্বাল, অমদি আর্থ সাইন্সকী কেন্দ্র মন্ত্রী দা. হর্শ বর্ধননা ঙসি মফমসিদা পাঙথোকপা ভর্চুএল ফংসন অমদা “ফোকস ইন্তরভেন্সন্স ফোর ‘মেক ইন ইন্দিয়া’: পোস্ত কোবিদ ১৯” অমসুং “এক্তিব ফার্মাসিউতিকেল ইনগ্রিদেন্ত্স: স্তেতস, ইসুজ, তেক্নোলোজী রেদীনেস অমসুং চেলেঞ্জেস” হায়বা হীরমদা তেক্নোলোজী ইন্ফোর্মেসন, ফোরকাস্তিং এন্দ এসেসমেন্ত কাউন্সিল (তি,আই.এফ.এ.সি.) না পুথোকপা হ্বাইত পেপর অমা ফোঙখ্রে‍। হ্বাইত পেপর অসিনা অকক্নবা সেক্তরশিংগী মপাঙ্গল, কৈথেলগী ওইরিবা মচৎ, অমসুং সপ্প্লাই অমদি দিমান্দ, ইশানা কোন্নজবা অমদি পাক্তক্ননা পোত্থোক পুথোকপা হায়বসিদা য়ুম্ফম ওইরগা হকশেল, মেছিনরী, আই.সি.তি., লৌউ-শিংউ, পোত্থোক শাবা, অমদি ইলেক্ত্রোনিক য়াওনা লৈবাকসিগী মীৎয়েংদা য়াম্না মরুওইবা সেক্তর মঙাদা লৈরিবা খুদোংচাবশিং উৎলি‍। মসিনা মরুওইনা মীয়ামগী হকশেলগী সিস্তেম, এম.এস.এম.ই. সেক্তর, মালেমগী মরী: এফ.দি.আই., অমুক হন্না চুশিন্নহল্লবা লল্লোন ইতিক্কী ফীভম, অনৌবা মতমগী তোক্নোলোগী অসিনচিংবদা পায়খৎপা য়াবা খুজিন থৌরাংশিংসু মশক খঙদোক্লে‍। রিকমেন্দেসনশিং অসি ভারতপু “আত্মনিরভর” ওইহন্নবগীদমক্তা তেক্নোলোজী অমদি খুজিন থৌরাংদা খুদমক্কী ওইবা শাফু পীননবা মায়কৈদা পীবনি‍। তোঙান তোঙানবা সেক্তরশিংগী আউতপুতশিংগী মরক্তা লৈনবা মরী অমদি অমনা অমদা তাংদুনা লৈরিবা অসিদা য়ুম্ফম ওইদুনা তোঙান তোঙানবা সেক্তরশিংগী আউতপুত হেনগৎহন্নবা অমদি ইনপুত হেনগৎহন্নবা ৱাফমশিংসু পেপর অসিদা পীরি‍।

অকুপ্পা ৱারোলগীদমক: https://www.pib.gov.in/PressReleseDetail.aspx?PRID=1637806

অকোয়বগী ফিবম শোকহল্লোইদবা য়ুমশারোল শীজিন্ননবা উপ-রাস্ত্রপতিনা তকশিল্লি

ঙসি ভারতকী উপ-রাস্ত্রপতি এম ভেনকিয়া নাইদুনা হায়খি লৈবাক অসিগী য়ুমশাবশিংনা অকোয়বগী ফিবম কাইহন্দবা য়ুমশারোল শীজিন্নগদবনি। পায়খৎকদৌরিবা য়ুম শাবগী প্রোজেকশিংদা নুমিৎ মঙাল শীজিন্নবা য়াওনা রিনিউএবল ইনর্জি শীজিন্নগদবনি। কোবিদ-১৯ লাইচৎনা হকশেলগী লমদা অমসুং মীওই কয়াগী হিংনবগী লম্বী ফংহন্দ্রিবা অসিগী মতাংদা উপ-রাস্ত্রপতিনা হায়খি লাইচৎ অসিনা য়ুম-কৈ শাবগী থবকশিংদা চাউনা অকাইবা থোকহল্লে অমসুং লাইচৎ অসিনা পীরিবা চৈথেং অসি ঙাকথোক্নবা আর্কিতেকশিং অমসুং দিজাইন্নরশিংনা থবক পায়খৎকদবনি। লাইচৎ অমসুং মসিগী মতুং তারকপদা ফিবম থেংননবা পাম্বৈশিং থিনবা আর্কিতেকশিংনা অনৌবা ৱাখল্লোনশিং পুথোকপা দরকার ওই।

অকুপ্পা ৱারোলগীদমক: https://www.pib.gov.in/PressReleseDetail.aspx?PRID=1637925

কোবিদ-১৯ থেংননবা , আর.সি.এফ.না অনৌবা পোৎথোক অমা পুথোক্লে : খুৎ হাম্নবা আইসো প্রোপাইল অলকোহল (আই.পি.এ.)না শাবা জেল

অকুপ্পা ৱারোলগীদমক: https://www.pib.gov.in/PressReleseDetail.aspx?PRID=1637935

পি.আই.বি. ফিল্দ ওফিসশিংদগী ফংবা পাউ

• পঞ্জাব: পঞ্জাব সরকারনা ক্লাস XII, ওপন স্কুল অমসুং রিএপিয়র অমদি গোল্দন চাঞ্চ মহৈরোইশিং য়াওনা তোঙান-তোঙানবা অতোপ্পা কেতেগোরীশিংগী পন্দুনা লৈরিবা পরিখাশিং কেন্সেল তৌনবা ৱারেপ লৌরে। ৱারেপ অসি কোবিদ-১৯ লাইচৎকী য়েংদুনা লৌবনি।
• হরিয়ানা: মুখ্য মন্ত্রীনা প্রেস কনফরেন্স অমদা হায়খি মদুদি, কোবিদ-১৯ লাইচৎনা মরম ওইদুনা অপনবা পীরম্বা থবক থৌরম পুম্নমক হৌজিক তপ্না-তপ্না হান্নগী ফিভমদা হঞ্জিল্লক্লে।  কোবিদ-১৯ লাকশিন্নবা রাজ্য সরকারনা তোঙান-তোঙানবা খোংথাং কয়া লৌখৎলি।  অনলোক-২গী মনুংদা থবক থৌরম পুম্নমক খোংজেল য়াংশিল্লে।  মহাক্না হায়খি মদুদি হৌজিক ফাওবদা কোবিদ-১৯ লাইচৎ মনুংদা রাজ্য সরকারনা লুপা করোর ৩০০০গী ময়া চাদিং তৌখ্রে।
• কেরলা: কোবিদ-১৯ কেসকী লোকেল স্প্রেদকী অনৌবা ইপিসেন্তর পুনথুরাদা ক্বিক রেস্পোন্স তিম অমা শেম্লে।  ইর্নাকুলমদা ইরাই নুমিত্তা কার্দিক এরেস্তনা শিখিবা অমা কোবিদ-১৯ পোজিতিব ওইরম্লে।  চের্থালা তালুক হোস্পিতালদা গাইনোকোলোজিস্ত অমা য়াওনা মীওই নিপাল পোজিতিব ওইরে। ঙরাং রাজ্য অসিদা কোবিদ-১৯গী অনৌবা কেস ৪১৬ লৈখি মদুগী মনুংদা ২০৪দি লোকেল ত্রান্সমিসন্নি।  তোঙান তোঙানবা জিলাশিংদা মীওই ১,৮৪,১১২ সর্বিলেন্সকী মখাদা থম্লি।
• তমিল নাদু: অনৌবা কেস ৬৪গা লোয়ননা পোদুচেরীদা কোবিদ-১৯ মশিং ১৩৩৭ য়ৌরে; অমা শিখ্বগী রিপোর্তকা লোয়ননা শিখিবা মশিং ১৮ শুরে।  জহাজদা মফম চন্দবনা মরম ওইদুনা ইরান্দা থমলম্লবা লেমহৌরিবা ঙামী ৪০ অদু পুরক্নবা মুখ্য মন্ত্রীনা কেন্দ্রদা তকশিনখ্রে, ঙামী ৬৮১ ময়ুমদা পুরকখ্রে।  ঙরাং অনৌবা কেস ৩৬৮০, নাবা ফখিবা ৪১৬৩ অমসুং ৬৪ শিখিবগী রিপোর্ত তৌরক্লি।  অপুনবা কেস: ১,৩০,২৬১ এক্তিব কেস:   ৪৬,১০৫ শিখিবা: ১৮২৯, চেন্নাইদা এক্তিব কেস ১৮,৬১৬
• কর্নাতকা: বেঙ্গলোরদা কোবিদ-১৯ কেস লেপ্পা লৈতনা হেঙ্গৎলকপনা রাজ্য সরকারনা ঙসিদগী শহরদা রেপিদ এন্তিজেন্ত তেস্ত হৌদোক্লে।, মদুনা মিনিৎ ৩০দা রিজল্ত পীরগনি।  রাজ্যসিদা শিখিবা মশিং ৫০০ য়ৌরে। ঙরাং অনৌবা  কেস ২৩১৩, দিচার্জ ১০০৩ অমসুং ৫৭ শিখিবগী রিপোর্ত তৌরকখি।  অপুনবা পোজিতিব কেস: ৩৩,৪১৮ এক্তিব কেস: ১৯,০৩৫ শিখিবা: ৫৪৩
• আন্ধ্র প্রদেশ: রাজ্যনা জিলা ১৩দা ফমুং ৪৫,২৪০গা লোয়ননা কোবিদ কেয়র সেন্তর ৭৬ মশক খংদোক্তুনা জিলা খুদিংদা ফমুং ৩০০০ ফংহল্লে।  তোইলেৎ ফেসিলিতী, মেদিকেল ইক্বিপমেন্ত, এক্স-রে, ই.সি.জি. অমসুং অতোপ্পা লেব ইক্বিপমেন্তশিং য়াওনা হোস্পিতাল প্রেমিসেসশিংগী ফিভম ফগৎহন্নবা লুপা কোতি অমা কায়থোকখ্রে। অপুনবা কেস: ২৫,৪২২ এক্তিব কেস: ১১,৯৩৬ শিখিবা: ২৯২
• তেলঙ্গনা: রাজ্য সরকারনা রাজ্যদা কোবিদ-১৯ য়েংশিন্নবা মেম্বর ১১গী মেদিকেল তিম অমা এপোইন্ত তৌখ্রে।  ঙরাং ফাওবদা রিপোর্ত তৌরকখিবা অপুনবা কেস: ৩২,২২৪ এক্তিব কেস: ১২,৬৮০ শিখিবা: ৩৩৯ দিসচার্জ: ১৯,২০৫
• অসম: লোকদাউন্না মরম ওইদুনা লাইরবশিংনা মায়োক্নরিবা খুদোংচাদবা অদু য়েংদুনা অসমগী মুখ্য মন্ত্রী শ্রী সর্বনন্দা সোনোৱালনা সমাজকী লাইরবা কাংলুপ্তা চিঞ্জাক ফংহন্নবা চীফ সেক্রেতরীদা খংহনখ্রে।
• মনিপুর: থঙ্গাল কৈথেল, মনিপুরদা দুকানশিং হাংবগী চৎন কাংলোনশিং ফোংখ্রে।
• মেঘালয়: ঙসি মেঘালয়দা মীওই ৭৬ অমগা কোবিদ-১৯ পোজিতিব ওইখ্রে। রাজ্যদা অপুনবা এক্তিব কেস ২১৫ শুরে অমদি হৌজিক ফাওবদা ৪৫ রিকোবর তৌখ্রে।
• মিজোরম: ঙসি মিজোরমদা কোবিদ-১৯ নাবা ফরবা মীওই তরেৎ দিসচার্জ তৌখ্রে। রাজ্যদা অপুনবা এক্তিব কেস ৭৬ লৈরি অদুগা হৌজিক ফাওবদা মীওই ১৫০ নাবা ফখ্রে।
• নাগালেন্দ: নাগালেন্দদা কোবিদ-১৯গী শক্তি লৈরবা কমিতীনা হকশেল বিভাগতা রাজ্যদা হেল্থ কেয়র সিস্তেম মপাঙ্গল কনখৎহন্নবগীদমক অহেনবা দোক্তর অমসুং নর্সশিং লৌনবা খংহনখ্রে।
• সিক্কিম: এস.তি.এন.এম. হোস্পিতাল হেদ ওফ দিপার্তমেন্ত (মেদিসিন), সিক্কিমনা খংহল্লি মদুদি খ্বাইদগী অহল ওইরবা অনাবা (চহি ৬৫) অমসুং খ্বাইদগী নহা ওইরিবা অনাবা (চহি ২) এস.তি.এন.এম. হোস্পিতালদা দেজিগনেতেদ কোবিদ-১৯ সেন্তরদা মায় পাক্না লায়েংলি।  
• মহারাস্ত্র: মহারাস্ত্রদা অনৌবা পোজিতিব কেস ৭,৮৬২ অমা হেঙ্গৎলক্তুনা রাজ্যদা  কোবিদ ১৯ কেস ২,৩৮,৪৬১ য়ৌরে।  রাজ্যদা অপুনবা নাবা ফখিবা মশিং ১,৩২,৬২৫ য়ৌখ্রে।  হৌজিক্কী ওইনা এক্তিব পেসেন্ত ৯৫,৬৪৭ লৈরি।  পুনে, থানে, কল্যান অমসুং মিরা-ভান্দ্রাগুম্বা শহরশিংদা কোবিদ-১৯ নাবা মশিং তপ্না তপ্না হেঙ্গৎলকপা উবা ফংলি।
• গুজরাত: গুজরাত্তা, কোবিদ-১৯গী মশিং লিশিং ৪০ হেনখ্রে।  হৌখিবা পুং ২৪দা অনৌবা কেস ৮৭৫ ফংখিবগা লোয়ননা হৌজিক মসি ৪০,১৫৫ শুরে।  কোবিদ-১৯না মরম ওইদুনা অনাবা ১৪না মখোয়গী পুন্সী পীখম্নখিদুনা রাজ্যদা শিখিবা মশিং ২,০২৪ শুরে। খ্বাইদগী য়াম্না সুরত্তা ২০২ রিপোর্ত তৌরক্লি অমদি অহমদাবাদতা অনৌবা কেস ১৬৫ রিপোর্ত তৌরক্লি।
• রাজস্থান: রাজ্য অসিদা কোবিদ-১৯গী মশিং ২৩,৩৪৪ য়ৌখিবগা লোয়ননা ঙসি অয়ুক অনৌবা কেস ১৭০ অমসুং ২ শিখিবগী রিপোর্ত তৌরক্লি।  ঙসি অলৱারা জিলাদা অনৌবা কেস ৪০, জয়পুরদা কেস ৩৩ অমসুং উদয়পুরদা কেস ৩১ রিপোর্ত তৌরকখি। হৌজিক এক্তিব কেস ৫২১১ লৈরি।  রাজ্য অসিদা নাবা ফখিবা মশিং ১৭,৬৩৪ শুরে অমদি শিখিবা মশিং ৪৯৯ শুরে।
• মধ্য প্রদেশ: অনৌবা অনাবা ৩১৬কা লোয়ননা মধ্য প্রদেশতা কোবিদ-১৯ কেস ১৬,৬৫৭ য়ৌরে।  খ্বাইদগী ৱাংনা গ্বালিয়রদা কেস ৬০ রিপোর্ত তৌরকখি, মদুগী মতুংদা ভোপালদা ৫৭ অমসুং ইন্দোরদা ৪৪ রিপোর্ত তৌরকখি।  অদুম ওইনমক মধ্য প্রদেশতা হৌজিক এক্তিব কেস মশিং ৩৫৩৮ ওইরি।  নাবা ফখিবা মশিং ১২,৪৮১ য়ৌরে।
• ছতিসগর: ইরাই নুমিত্তা কোবিদ-১৯ পোজিতিব ওইরবা অনাবা ১৬৬ মশক খংদোকখ্রে, মদুনা কোরোনাভাইরস পোজিতিব পেসেন্ত ৩৮৩২ শুরে।  
• গোৱা: ইরাই নুমিত্তা অনৌবা মীওই ১০০ কোবিদ-১৯ পোজিতিব ওইখ্রে, মদুনা রাজ্য অসিদা  কোরোনাভাইরসনা নাহল্লবা অপুনবা মীওইগী মশিং ২২৫১ শুরে।  নাবা ফখ্রবা মশিং ১৩৪৭ অমসুং এক্তিব কেস মশিং ৮৯৫ ওইরে।

ফেক্ত চেক

******