PIB Headquarters

কোবিদ-১৯গী মতাংদা নুমিৎ খুদিংগী ফোংবা পি.আই.বি.গী বুলেতিন

Posted On: 15 JUN 2020 6:28PM by PIB Imphal

  

(মসিদা হৌখিবা পুং ২৪ দা থোকখিবা কোবিদ -১৯গা মরী লৈনবা চেফোংশিং, ফিল্দ ওফিসশিংদগী ফংবা পাউশিং, অমসুং পি.আই.বি.না লৌখৎপা ফেক্ত চেকশিং য়াওরি )

  • হৌখিবা পুং ২৪দা কোবিদ-১৯গী অনাবা মীওই ৭৪১৯ নাবা ফদুনা অপুনবা মশিং ১,৬৯,৭৯৭ য়ৌখ্রে অমসুং রিকোবরী রেৎনা ৫১.০৮% ওইখ্রে
  • এক্তিব কেস ১,৫৩,১০৬ অসি হৌজিক লায়ংলি
  • ভারত্তা দেদিকেতেদ লেব ৯০০ হেনবনা কোবিদ-১৯গী তেস্ত তৌরি
  • কেন্দ্রগী গৃহ মন্ত্রীনা লৈবাক্কী কোনুংগী কোবিদ-১৯গী ফিভম য়েংশিন্নবা দিল্লীগী রাজনিতী পারতী খুদিংমক্কী মীফম অমদা চেয়র তৌখ্রে
  • কোবিদ-১৯ পব্লিক গ্রাইবেন্সকী ফীদবেক কোল সেন্তর হৌদোকখ্রে
  • তমিল নাদু সরকারনা চেন্নই, তিরুভল্লুর, কাঞ্চিপুরম অমসুং চেঙ্গালপত্তু জিলাশিংদা জুন ১৯দগী ৩০ ফাওবদা তোতেল লোকদাউন লাউথোকখ্রে

Image

কোবিদ-১৯গী অপদেৎ; নাবা ফগৎপগী চাং চাদা ৫১.০৮ য়ৌখ্রে; হৌজিক্কী ওইনা কোবিদ-১৯গী তেস্তিং তৌনবা দেদিকেতেদ লেব ৯০০ হেন্না লৈরে

হৌখিবা পুং ২৪দা কোবিদ-১৯না নাবা মীওই ৭৪১৯ ফগৎহনখিবগা লোয়ননা ফগৎহনখ্রে। হৌজিক ফাওবদা পুন্না কোবিদ-১৯না নারবা পুন্না মীওই ১,৬৯,৭৯৭ ফগৎখ্রে। পোজিতিব কেসশিংগী তঙ্খাই অমা হেন্না লায়না অসি ফগৎহনখ্রে হায়বা তাক্তুনা ফগৎলকখিবগী চাং অসি চাদা ৫০.০৮ হেনখ্রে। হৌজিক-হৌজিক এক্তিব ওইবা কেস ১,৫৩,১০৬ লায়েং চত্থরি। আই.সি.এম.আর.না মহীক মহীক চংলবা মীশিংদা নোভেল কোরোনাভাইরস অসি খংদোক্নবা আই.সি.এম.আর.গী তেস্ত তৌবগী চাং অসি লেপ্তনা হেনগৎলক্লি। সরকারগী লেবশিং অসি ৬৫৩দা হেনগৎখ্রে অমসুং লন্নাইগী লেবশিংনা ২৪৮ য়ৌনা হেনগৎখ্রে (পুন্না ৯০১)। হৌখিবা পুং ২৪সিদা সেম্পল ১,১৫,৫১৯ তেস্ত তৌখ্রে। হৌজিক ফাওবদা পুন্না সেম্পল ৫৭,৭৪,১৩৩ তেস্ত তৌখ্রে।

অকুপ্পা মরোলগীদমকঃ https://pib.gov.in/PressReleasePage.aspx?PRID=1631689

কেন্দ্রগী গৃহ মন্ত্রী শ্রী অমিৎ শাহনা দিল্লীগী রাজনিতী পারতী খুদিংগী মীফম অমদা চেয়র তৌখ্রে অমসুং মীফমদুদা লৈবাক্কী কোনুংদা ওইরিবা কোবিদ-১৯গী ফিভমগী মতাংদা খন্নখ্রে

কেন্দ্রগী গৃহ মন্ত্রী শ্রী অমিৎ শাহনা হায়খিবদা ভারত সরকারনা দিল্লীদা কোবিদ-১৯ সশন্দোরকপা থিংনবা খোংথাং খুদিংমক লৌখৎকনি। লৈবাক্কী কোনুংদা ওইরিবা কোবিদ-১৯গী ফিভমগী মতাংদা খন্নবা ওইনা দিল্লীগী রাজনিতী পারতী খুদিংগী মীফম অমদা চেয়র তৌরদুনা মহাক্না হায়খিবদা লায়চৎ অসি থেংননবগীদমক্তা ঐখোয় পুম্নমক প্রধান মন্ত্রী শ্রী নরেন্দ্র মোদীগী লুচিং মখাদা অমত্তা ওইবা তাবনি। ঙরাং মহাক্না লুচিংদুনা ফমখিবা পারতী পুম্নক্কী ওইবা মীফম অমদা মরু ওইবা ৱারেপ কয়া অমা লৌখি অমসুং পারতী খুদিংদা ৱারেপশিং অসি গ্রাউন্দ লেবেলদা অথুবা মতমদা থবক্তা ওথোক্নবসু হায়খি। শ্রী অমিৎ শাহনা পারতীগী থৌমী খুদিংবু কেন্দ্র সরকারনা লৌখিবা ৱারেপশিং অদুবু দিল্লীগী মীয়ামশিংগী য়াইফনবা মতেং পাংবা ওইনা থবক্তা ওন্থোক্নবা শিজিন্নৌ হায়খ্রে। অমগা অমগগী খেৎনবা কাউথোক্তুনা মীয়ামগী শাফনবা থবক তৌমিন্নরসি হায়না শ্রী অমিৎ শাহনা হায়খি।

অকুপ্পা মরোলগীদমকঃ https://pib.gov.in/PressReleasePage.aspx?PRID=1631667

সি.বি.আই.সি.না সি.জি.এস.তি. অমসুং কস্তম ওফিস খুদিংদা ই.-ওফিস শিজিন্নবা হৌখ্রে

সেন্ত্রেল বোর্দ ওফ ইন্দাইরেক্ত তেক্স এন্দ কস্তমস (সি.বি.আই.সি.)গী চেয়রমেন্না ঙসি ভারত পুম্বগী ওইনা সি.জি.এস.তি. অমসুং কস্তমস ওফিস ৫০০ হেনবগী ই.-ওফিস এপ্লিকেসন হৌদোকখ্রে। ই.-ওফিস হৌদোকখিবা অসিনা সি.বি.আই.সি.না ‘ফেসলেস, কন্তেকতলেস এন্দ পেপরলেস’ ইন্দাইরেক্ত এদ্মিনিস্ত্রেসন পীনবাগীদমক তেক্নোলোজী শিজিন্নবগী খোংথাং অমনি। সি.জি.এস.তি. অমসুং কস্তমস ওফিস্না ই.-ওফিস শিজিন্নবদা থবক কয়া অমগী অথুবা ৱারেপ লৌবা ঙম্বা, ত্রান্সপরেন্সী লৈবা, একাউন্তেবিলিতী লৈবা অমসুং চে শিজিন্নবা হন্থদুনা অকোয়বদসু কান্নবা ওইগনি। হৌজিক্কী ওইরিবা কোবিদ-১৯গী ইরাং অসিগী ওইনসু ই.-ওফিস অসি শিজিন্নবদা অমগা অমগা শোক্ন শম্নবগী চাং হন্থহন্দুনা ভাইরস শন্দোকপা থিংবদশু তেংবাংগনি। মসিদা নত্তনা ই.-ওফিস শিজিন্নবনা ফাইল অমা শেমদোকপা নত্ত্রগা বেক-দেতেদ তৌবা য়াহল্লোই অমসুং মসিনা অফবা সেক্যুরিতী অমসু পীরগনি। মসিগী মনুংদা য়াওবা ইন-বিল্ত মেকানিজম অমনা মফম কদায়দা ফাইল অমা পন্দুনা লৈরে খংহন্দুনা অথুবা মতমদা থবক পাংথোকহন্দুনা অথুবা ৱারেপ লৌহনবদসু মতেং পাংগনি।

অকুপ্পা মরোলগীদমকঃ https://pib.gov.in/PressReleasePage.aspx?PRID=1631668

কেন্দ্রগী মন্ত্রী দাক্তর জিতেন্দ্র সিংহনা “ফীদবেক কোল সেন্তর ওন কোবিদ-১৯ পব্লিক গ্রাইবেন্সস” হৌদোকখ্রে অমসুং মীয়ামগা লাইবতা ৱারী শানখ্রে
পরসোন্নেল, পি.জি. অমসুং পেন্সনগী কেন্দ্রগী মন্ত্রী দাক্তর জিতেন্দ্র সিংহনা ঙসি “ফীদবেক কোল সেন্তর ওন কোবিদ-১৯ পব্লিক গ্রাইবেন্সস” হৌদোকখ্রে অমসুং কোবিদ-১৯ নেস্নেল মোনিতর ফোর পব্লিক গ্রাইবেন্সস্তা মায় পাক্না পীশিনখ্রবা মীয়ামগা লাইবতা ৱারী শান্নখ্রে। দাক্তর জিতেন্দ্র সিংহনা দি.এ.আর.পি.জি.বু কোবিদ-১৯ পব্লিক গারিবেন্স লাখ ১ য়ৌবগী থাগৎপা ফোংদোকখি। মসিনা কোবিদ-১৯গী মতমদা গ্রাইবেন্স ফাইল তৌখ্রবা মীয়ামগা সরকারগী সেনিয়র মন্ত্রী অমগা ৱারী শানবা অহানবনি অমসুং তুংদা অতোপ্পা মন্ত্রীশিংনসু ফীদবেক মেকানিজম অমগা লোয়ননা অফবা মওংদা মীয়ামগী গ্রাইবেন্সকা মরী লৈনবা থবকশিং পায়খৎনবা লম্বী শেমখ্রে।

অকুপ্পা মরোলগীদমকঃ https://pib.gov.in/PressReleasePage.aspx?PRID=1631668

ইমপ্লোয়ী প্রোবিদেন্ত ফন্দ ওর্গানাইজেসন্না মেম্বর ক্লেম পীথোক্নবা হায়দুনা মলতি লোকেসন ক্লেম সেতলমেন্ত হৌদোকখ্রে

লৈবাক শিনবা থুংনা সেবা পীবদা চাং মান্নবা থাক্তা পীবা য়াহন্না অচৌবা খোংথাং অমা থাংবা অমসুং কোবিদ-১৯গী লায়চত মনুংসিদা ৱর্কফোর্সশিং মতিক চানা শিজিন্ননবা হায়দুনা ই.পি.এফ.ও.না হন্দক্তা মলতি লোকেসন ক্লেম ফেসিলিতী অমা হৌদোকখ্রে। ফেসিলিতী অসিনা ই.পি.এফ.ও. ওফিসশিংনা লৈবাক শিনবা থুংনা লৈবা মখোয়গী রিজনেল ওফিস অমা হেক্তদগী ক্লেমশিং ওনলাইন্দা সেতল তৌবা য়াহন্দুনা অচৌবা অহোঙবা অমা পুরক্লগনি। প্রোবিদেন্ত ফন্দ, পেন্সন, পারসিএল ৱিথদ্রোৱেল অমদি ক্লেম অমসুং ত্রান্সফর ক্লেমগুম্বা ওনলাইন্দা তৌবা য়াবা ক্লেম খুদিংমক মসিগী খোংথাং অসিগী মখাদা পাংথোকপা য়ারগনি।

অকুপ্পা মরোলগীদমকঃ https://pib.gov.in/PressReleasePage.aspx?PRID=1631691

মিসন সাগর : আই.এন.এস. কেসরি মোরিসসকী লুইস হিথাংফমদা হল্লকখ্রে

মিসন সাগরগী শরুক অমা ওইনা, ইন্দিয়ন নেভীগী জহাজ কেসরিনা মহাক্কী মমাংগী লুইস হিথাংফম খোংচৎতা ২০২০গী মে ২৩দা থম্লম্বা ইন্দিয়ন নেভীগী মেদিকেল তিম লৌরুনবগীদমক ২০২০গী জুন ১৪দা মোরিসসকী হিথাংফমদা হল্লকখ্রে৷ স্পিসিয়েলিস্ত দোক্তরশিং অমসুং পেরামেদিকেলশিং য়াওরিবা মীওই ১৪না শাবা মেদিকেল তিম অদুনা কোবিদ-১৯ লাইচৎ থেংনবদা মতেং পাংনবগী ৱাখল্লোনদা অমসুং লাইনা শন্দোকপা থিংবদা অমসুং পুন্সিগী খুদোংথিবশিং হন্থহনবদা মতেং পাংনবগীদমক্তা হৈ শিংলবা মীওই কয়া লুইস হিথাংফমদা থুংখিবনি৷ তিম অদুনা লেবেল খুদিংমক্তা লৈরিবা হেল্থকেয়র লান্থেংনরিবশিংগা তাথোক তাশিন তৌখ্রে অমসুং কোবিদ-১৯ লাইয়েংবদা করম্বা খ্বাইদগী ফবা থবকশিং তৌগদগে হায়বা হিরম অসিদা য়াম্না চেকশিন্না তাথোক তাশিন তৌখ্রে৷

অকুপ্পা মরোলগীদমকঃ https://pib.gov.in/PressReleasePage.aspx?PRID=1631562

পঞ্জাবকী ফিরোজপুরদা এম./ও. সোসিএল জস্তিস অমসুং এম্পাৱরমেন্তগী মখাদা লৈবা এ.দি.আই.পি. স্কিমনা দিব্যাংগঞ্জশিং মতেং পীনবা এদশিং অমসুং দিভাইজশিং ভর্চ্যুয়ল প্লেৎফোর্মগী খুত্থাংদা অহানবা ওইনা য়েন্থোকপা

কোবিদ-১৯গী লায়না লাইচৎনা মরম ওইদুনা সমাজ অসিদা তংদু লৈতদ্রবা ফীভম ওইহল্লিবা অসিগী চৈরক্তা, মীমান্নদ্রবা মীওইশিং (দিবয়াঙ্গজন)গীদমক য়াইফ থৌরাং স্কিমনা লেপ্পা লৈতনা কান্নবা ফঙহন্নবা ভারত সরকারনা অখন্নবা থৌরাংশিং লৌখৎলি। মসি ফঙহন্নবা হোৎনবদা চেকশিন থৌরাং পুম্নমক লৌখৎতুনা, ভারত সরকারগী এ.দি.আই.পি. স্কিমগী মখাদা ব্লোক লেবেলগী থক্তা দিবয়াঙ্গজনশিংগীদমক পঞ্জাবকী ফিরোজপুর জিলাগী তালৱান্দি ভাই ব্লোকতা এ.দি.আই.পি.গী ভর্চ্যুয়ল কেম্প অমা পাঙথোক্তুনা মতেং পীনবা এদশিং অমসুং দিভাইজশিং লেম্না য়েন্থোকখ্রে। মসি ভারত সরকারগী এ.দি.আই.পি. স্কিমগী মখাদা এম./ও. সোসিএল জস্তিস অমসুং এম্পাৱর্মেন্তগী দি.ই.পি.দবল্যু.দি.গী মখাদা লৈবা এ.এল.আই.এম.সি.ও.না ভারত সরকারনা পীবা স্তেনদর্দ ওপরেতিং প্রোসিদ্যুর (এস.ও.পি.)গা লোয়ননা লোকদাউন কোমথোক্লবা মতুংগী অহানবা ওইনা শীনবা কেম্পনি।

অকুপ্পা মরোলগীদমকঃ https://pib.gov.in/PressReleasePage.aspx?PRID=1631647

এস.ই.আর.না লৈবাক শিনবা থুংনা লোকদাউন লৈরিঙৈ মরক্তা তঙাই ফদবা পোৎলমশিং মীয়ামদা ফংহন্নবা পারসেল এক্সপ্রেস ত্রেনগী ত্রিপ ১৭৩৯ চেনখি

লৈবাক অসিগী কোবিদ-১৯ লানথেংনবগী শরুক অমা ওইনা সাউথ ইস্তর্ন রেলৱে (এস.ই.আর.)না লৈবাক অসিগী তোঙান তোঙানবা মফমশিংদা তাইম তেবল্দ পারসেল এক্সপ্রেস ত্রেন চেন্নবা শেম শাবা লোয়দুনা লৈরে। এস.ই.আর.না চানবা চিঞ্জাক, গ্রোসরী, হিদাক-লাংথক, পি.পি.ই., মাস্ক, সেনিতাইজর, কোবর ওল, গ্লোব য়াওনা মেদিকেলগী খুৎলায়শিং, ঙা, উহৈ, লশিং, বোরা, মনা-মশিং, তিলহৌ, শিঙ, চনম অমসুং নোংমদা চংবা অতোপ্পা পোৎ-লমশিং পুদুনা লৈবাক অসিগী মফম কয়াদা এপ্রিল ২, ২০২০দগী জুন ১৩, ২০২০ ফাওবা খোংচৎ ১৭৩৯ চৎখ্রবনি। এস.ই.আর.না পল্লিবা মতম অসিদা লৈবাক শিনবা থুংনা পেকেজ ৯৯৭১৪৫ য়াওবা পারসেল ত্রাফিক তোন ২৬৩৩৫ পুখ্রবনি।

অকুপ্পা মরোলগীদমকঃ https://pib.gov.in/PressReleasePage.aspx?PRID=1631560

পি.আই.বি. ফিল্দ ওফিসশিংদগী লাকপা ইনপুৎশিং

 

  • পঞ্জাবঃ কোবিদকী ইরাং অসিগী য়েংলদুনা নেস্নেল ফুদ সেক্যুরিতী এক্তকী মখাদা বেনিফিসরীশিংদা গেহু অমসুং হ্ৱাই লেম্না ফংহন্নবা প্রধান মন্ত্রী গরীব কলয়ান অন্না য়োজনা (পি.এম.জি.কে.এ.ৱাই.)গী মখাদা কান্নবা ফংলিবসি থা তরুক অমগা শাংথহন্নবা মুখ্য মন্ত্রীনা প্রধান মন্ত্রী শ্রী নরেন্দ্র মোদীদা হায়জখ্রে।
  • হরয়ানাঃ রাজ্য সরকারনা হোম আইসোলেসন তৌদুনা লৈরিবা কেসশিংদা মতম চানা হকশেলগী সেবাশিং ফংলিবরা, হোম আইসোলেসনগী ওইনা ইনদগবা কাংলোনশিং ইল্লিবরা, খুদোংচাদবা করি থেংনবগে, হকশেল বিভাগতগী করি তেংবাং পাম্বগে, হিদাক চরিবরা, মাস্ক উপ্লিবরা হায়বগী ফীদবেক লৌনবা খোংথাং অমা পায়খৎপা হৌখ্রে। মসিগী কেসশিং অসি কোল তৌনবগীদমক্তা হরয়ানা হেলপলাইন ১০৭৫কী কোল সেন্তর শিজিন্নরি। মখোয়দা কোল তৌদুনা ফীদবেক লৌবতা নত্তনা মখোয়গী খুদোংচাদবশিংগী ৱারোইশিন্সু পীরি। হৌজিক্কী কোবিদ ইরাং অসিগী খ্বাইদগী মরু ওইরিবা কোবিদকা মরী লৈনবা স্ত্রেস অমসুং এংজাইতী হন্থহন্নবা কোল তৌরিবা মীওইশিংনা সাইকোলোজিকেল কাউন্সেলিংশু পীরি। মথংগী থা অহুমগী ৱাখলগী ওইবা হকশেলগী ফিভমদা তেংবাংনবা হয়দুনা রাজ্য সরকারনা ই.-সাইকিক (মতিক চারবা অমসুং হৈরবা সাইকোলোজিস্তশিংগী প্লেৎফোর্ম অমা)কা খুৎশম্নদুনা কোল সেন্তর ১০৭৫গী খুত্থাংদা কাউন্সেলিং পীনবা খুৎশম্নখ্রে।
  • হিমাচল প্রদেশঃ চাউখৎ থৌরংগী থবকশিং য়াওনা শেন্মিৎলোন নৌনা অমুক শেমগৎপা হৌনবা জিলাশিংগী প্লানশিং অমসুং জিলাশিংদা কোবিদ-১৯ শন্দোরকপা লাকশিন্নবা পায়খৎলিবা থবকশিং য়েংশিন্নবা রাজ্যসিগী জিলা খুদিংদা পাংথোক্কদবা য়েংশিনবগী মীফম ফম্বগী অয়াবা মুখ্য পন্ত্রীনা পীখ্রে। মসিগী য়েংশিনবগী মীফমশিং অসি স্পীকর, মন্ত্রীশিং, দিপ্যুতী স্পীকরশিং, দিপ্যুতী চেয়রমেনশিং অমসুং চীফ ৱ্হীপশিংনা চেয়র তৌগনি। জিলাগী থাক্ত ফমগদৌরিবা মীফমশিং অসিগী মরুওইবা পান্দমশিংগী মনুংদা অয়াবা পীখ্রবশিংদি কোবিদ-১৯ লাকশিন্ননবা পায়খৎলিবা থবকশিং, কেন্দ্র অমসুং রাজ্য সরকারনা চলায়রিবা ফ্লেগশিপ প্রোগ্রামশিংগী হঙ্গৎনা য়েংবা, শিজিন্নদ্রিবা শেনফমশিং শিজিন্নথোকপা, মুখ্য মন্ত্রীনা লাউথোকখিবশিংগী স্তেতস, মুখ্য মন্ত্রীনা স্কিম কয়াগী উরুপ উয়ুং তৌখিবশিংগী হৌজিক্কী ওইবা ফিভম্নচিংবা য়াওরি।
  • কেরলাঃ রাজ্য সরকারনা মপানগী মীওইশিংনা মফমসিদা লাকপগী অনৌবা গাইদলাইন ফোংখ্রে। মতম খরগী ওইনা লাকপা মীওইশিংনা নুমিৎ ৭নিদগী হেন্না লৈবা য়ারোই। রাজ্যসিদা লাকপা ওফিসিএলশিং অমসুং প্রোফেস্নেলশিংগী ওইনদি ক্বারেন্তাইন তৌরোই হায়না লাউথোকখ্রবনি। হৌজিক্তি মসিগী মনুংদা একজাম থাবা লাকপা মীওইশিংশু য়াওহনখ্রে। মখোয়না মখোয়গী লৈফমশিংদা হকথেংননা চৎকদবনি অমসুং অয়াবা য়াওদনা অতোপ্পা মফমশিংদা চৎপা য়ারোই। লোকদাউন মনুংদা স্তেত ইলেক্ত্রিসিতী বোর্দনা কস্তমরশিংদগী অৱাংবা তারিফ লৌবগী মায়োক্তা থাংগৎলক্লিবা ৱাকৎকী হাই কোর্তনা স্তেত ইলেক্ত্রিসিতী বোর্দত্তা শন্দোক্না তাক্নবা হায়খ্রে। য়ুমদা হনবগী ত্রেন তিকেৎ পীরি হায়বা অরানবা পাউ অমদগী কোচিগী মনাক্তা লৈবা পেরুম্বাভুরদা মাইগ্রেন্ত শিন্মী ময়াম অমা তান্থোক্নবা হোৎনবদা পুলিস্না মীয়ামদুদা চৈনা কনখ্রে। রাজ্যসিদা ঙরাং পোজিতিব কেস ৫৪ অমসুং নাবা ফখিবা মীওই ৫৬কী রিপোর্ত লাকখি। লায়নাসিনা নাবা মীওই ১৩৪০ হৌজিক লায়েংলি।
  • তমিল নাদুঃ রাজ্য সরকারনা জুন ১৯দগী জুন ৩০ ফাওবা চেন্নই, তিরাভল্লুর, কাঞ্চিপুরম অমসুং চেঙ্গালপত্তু জিলাদা তোতেল লোকদাউন লাওথোকখ্রে। য়ু.তি. অসিওদা লাকপা অনৌবা কেস ৮গী মনুংদা পুদুচেরী আতস বস দ্রাইবর অমা য়াওদুনা অপুনবা মশিং ২০২ য়ৌখ্রে। কেস মশিং হেনগৎলকপগা লোয়ননা সরকারনা ময়ায় ওইরপ্না নাবা মীওইশিংগী কোবিদ-১৯ কেয়র সেন্তর শেম্নবা মফম য়েংবা হৌখ্রে। ঙরাং রাজ্যসিনা নোংমদা কেস খ্বাইদগী ৱাংবা ওইখিঃ অনৌবা কেস ১৯৭৪ অমসুং লৈখিদবা ৩৮ ওইখি। চেন্নইদগী কেস ১৪১৫ লাকখি। অপুনবা কেস-৪৪৬৬১ , এক্তিব কেস-১৯৬৭৬ , লৈখিদবা-৩৮। চেন্নইগী এক্তিব কেস-১৪৬৬৭।
  • করনাতকাঃ সি.এম.না শিবামোগাদা লুপা কোতি ২২০গী এয়রপোর্তকী ফাইন্দেসন স্তোন হাংদোকখ্রে। কোরোনা শন্দোকপা থিংনবা অমসুং ক্বারেন্তাইন ফেসিলিতীশিং য়েংশিন্নবা বুথ লেবেল তাস্কফোর্স ৮০০ শেম্নবা রাজ্যনা ৱারেপ লৌখ্রে। রাজ্যনা শগোলশেল নুমিত্তা সেলেব্রিতি অমসুং শান্ন-খোৎনবগী মীওইশিং য়াওদুনা রাজ্য শিনবা থুংনা মাস্ক দে শিনগদৌরি। হৌজিক ফাওবদা তেস্ত ৪৪০৬৮৪ তৌখ্রে অমসুং এক্তিব কেস ২৯৫৬ লৈরে। অনৌবা কেস ১৭৬, দিসচার্জ তৌখ্রবা ৩১২ অমসুং লৈখিদবা ৫গী রিপোর্ত ঙরাং লাকখি। অপুনবা পোজিতিব কেস- ৭০০০, লৈখিদবা-৮৬ অমসুং দিসচার্জ-৩৯৫৫ ।

 

  • আন্ধ্র প্রদেশঃ ভিশাখাপত্নমগী কিং জোর্জ হোস্পিতাল (কে.জি.ঐচ.)গী ফোরেন্সিক মেদীকেল দিপার্তমেন্তকী পি.জি. দাক্তর অমস কোবিদ-১৯ পোজিতিব ওইবদগী মতম খরগী ওইনা মোর্গ থিংজিনখ্রে। চিত্তুরগী কনিপকম বিনায়কা স্বামি লায়শংগী থোং ঙাকপা মীওই অমা কোবিদ পোজিতিব ওইবদগী নুমিৎ নিনিগী ওইনা লায়শং অসি থিংজিনখ্রে। হৌখিবা পুং ২৪দা সেম্পল ১৫১৭৩ তেস্ত তৌবদা অনৌবা কেস ২৪৬, লৈখিদবা ২গী রিপোর্ত লাকখি অমসুং মীওই ৪৭ দিসচার্জ তৌখ্রে। অপুনবা কেস-৫০৮৭, এক্তিব-২২৩১, নাবা ফরবা-২৭৭০, লৈখিদবা-৮৬নি।
  • তেলঙ্গানাঃ রাজ্য সরকারনা লন্নাইগী লেবতা কোবিদ-১৯ তেস্ত তৌবগী মমল লুপা ২২০০, নোর্মেল আইসোলেসনগী লুপা ৪০০০, বেন্তিলেতর য়াওদনা কোবিদকী লায়েংবগী নোংমদা লুপা ৭৫০০ অমসুং বেন্তিলেতর য়াওরগনা লুপা ৯০০০দা লেপখ্রে। মসিগী মতাংগী অকুপ্পা গাইদলাইন কোন্না ফোংগনি। জুন ১৫ ফাওবগী অপুনবা কেস ৪৯৭৪গী মনুংদা ২৪১২দি এক্তিব কেসনি।
  • মহারাস্ত্রাঃ রাজ্যসিদা অনৌবা কোবিদ-১৯ কেস ৩৩৯০গী রিপোর্ত লাক্তুনা অপুনবা কেস ১০৭৯৫৮ য়ৌখ্রে অমসুং মসিগী মনুংদা ৫৩০৩০দি এক্তিব কেসনি। হোৎস্পোৎ মুম্বাইদা অনৌবা কেস ১৩৯৫ লাক্তুনা শহরসিগী অপুনবা কেস ৫৮১৩৫ য়ৌখ্রে। ধারাবি স্লমদা কোবিদ-১৯ শন্দোকপগী চাং অসি তপথখিবগী মওংদা লৈরে অমসুং হৌখিবা পুং ২৪দা মীওই ১৩খক পোজিতিব ওইখি অমসুং মীওই অমত্তা শিখিদে। মুম্বাইদা অখন্নবা সবঅর্বান সর্বিস খরা ঙসি অয়ুক্তগী হৌখ্রে অমসুং ৱেস্তর্ন অমসুং সেন্ত্রেল রেলৱেজগী মথক অমসুং মখাদা চৎপা লম্বিশিংদি রাজ্য সরকারগী ইসেন্সিএল স্তাফখক্তগীনি। মসিগী অখন্নবা সবঅর্বান সর্বিস অসি মীয়ামশিংগী ওইনদি ফংখিরোই।
  • গুজরাতঃ হৌখিবা পুং ২৪দা অনৌবা কেস ৫১১ লাক্তুনা কোবিদ-১৯না নাবা অপুনবা মীওই ২৩০১৭ য়ৌখ্রে। মীওই ২৯ লৈখিদবগা লোয়ননা অপুনবা মশিং ১৪৭৮ য়ৌখ্রে।
  • রাজস্থানঃ ঙসি অনৌবা কেস ৭৮ লাক্তুনা অপুনবা কেস মশিং ১২৭৭২ য়ৌখ্রে। ঙসি ফাওবদা মীওই ৯৬৩১ নাবা ফখ্রে অমসুং এক্তিব কেসনা ২৮৪৭ লৈরি। অনৌবা কেস অয়াম্বনা জয়পুর অমসুং ঝুনজুনু জিলাদগীনি।
  • মধ্য প্রদেশঃ হৌখিবা পুং ২৪দা অনৌবা কেস ১৬১ লাক্তুনা অপুনবা কেস ১০৮০৮ য়ৌখ্রে অমসুং মীওই ৪ লৈখিদ্রে। রাজ্যসিগী খ্বাইদগী শোকপা জিলা, ইন্দোরগী অপুনবা কেস মশিং ৪০৬৩ য়ৌখ্রে। রাজ্যগী কোনুং ভোপালদা হৌজিক ফাওবদা কোবিদ-১৯গী অনাবা ২১৯৫ লৈবগী রিপোর্ত লাক্লি। এম.পি. সরকারনা রাজ্যসিগী কোরোনাইভারিরসকী ইরাং থেংনবদা তেংবাংনবা ‘কোবিদ মিত্র’ হায়না মিংথোনবা ভোলুন্তিয়রশিং লৌনবা হৌদোকখ্রে। ‘কোবিদ মিত্র’শিংদা মীয়ামগী ওক্সিজেনগী থাক খংনবা ওক্সিমীতর পীগনি। চহী ৪৫ ফাওবগী মনুংদা লৈবা মীওই নত্ত্রগা অর্বানগী মফমদগী সোসিএল/ভোলুন্তরী ওরগানাইজেসনগী মীওই অমা হেক্তনা ‘কোবিদ মিত্র’ ওইবা য়াগনি।
  • ছতিসগরঃ নোংমাইজিং নুমিত্তা অনৌবা কেস ১১৩ লাকখি। নুমিৎসিদা তোঙান তোঙানবা হোস্পিতালদগী মীওই ৮৪ নাবা ফরবা মতুংদা দিসচার্জ তৌখি। রাজ্যসিগী অপুনবা কেস মশিং ১৬৬২ ওইরি।
  • গোৱা: নোংমাইজিং নুমিত্তা রাজ্যসিদা অনৌবা কোবিদ-১৯গী কেস ৪১ লাক্তুনা অপুনবা মশিং ৫৬৪ য়ৌখ্রে অমসুং মসিগী মনুংদা মীওই ৭৪ নাবা ফগৎখ্রে। 

ফেক্ত চেক

*****

 



(Release ID: 1631810) Visitor Counter : 12