(মসিদা হৌখিবা পুং ২৪ দা থোকখিবা কোবিদ -১৯গা মরী লৈনবা চেফোংশিং, ফিল্দ ওফিসশিংদগী ফংবা পাউশিং, অমসুং পি.আই.বি.না লৌখৎপা ফেক্ত চেকশিং য়াওরি )

• রিকোবরী রেৎ অসি ৫০% মার্ক হেল্লে; মমাংগী পুং ২৪গী ৮০৪৯ থারগা হৌজিক ফাওবদা পুন্না ১৬২৩৭৮ নাবা ফরে
• প্রধান মন্ত্রীনা অতোপ্পা সেনিয়র মন্ত্রী অমসুং ওফিসিএলশিংগা লোয়ননা ভারতনা কোবিদ-১৯গী মায়োক্তা লান্থেংনরিবা অসি য়েংশিনখ্রে
• কেন্দ্রগী গৃহ মন্ত্রীনা দিল্লীগী ওইরিবা কোবিদ-১৯গী ফিভমগী মতাংদা য়েংশিন্নবা মীফম ফমখ্রে; লৈবাক্কী কোনুংদা কোবিদ-১৯ তেস্ত তৌবসি নুমিত ২দা শরুক অনি অমসুং নুমিৎ ৬তা শরুক অহুম হেনগৎলগনি
• হকশেলগী মন্ত্রীনা রেমদেসিভির হিদাক অসি অকক্না খুদক্কী ওইবশিংগীখক্ত ইনবেস্তিগেস্নেল থেরাপী ওইনা হাপ্পনি হায়খ্রে

কোবিদ-১৯গী অপদেৎ; নাবা ফগৎখিবগী চাং অসি চাদা ৫০ হেনখ্রে; পুন্না কোবিদ-১৯না নাবা মী ১,৬২,৩৭৮ ফগৎপা ঙমখ্রে

হৌখিবা পুং ২৪দা কোবিদ-১৯না নাবা মীওই ৮,০৪৯ ফগৎহনখিবগা লোয়ননা ফগৎপগী চাং অসি চাদা ৫০ হেনখ্রে। হৌজিক ফাওবদা কোবিদ-১৯না নারবা পুন্না মীওই ১,৬২,৩৭৮ ফগৎখ্রে। হৌজিক ফগৎপগী চাং অসি চাদা ৫০.৬০নি। কোবিদ-১৯গী অপুনবা কেসশিংগীদগী তঙ্খাই অমা লায়না অসিদগী ফগৎপা ঙমখ্রে হায়বসি মসিনা তাকই। মতম চানা মশক খংদোকপা অমসুং নিংথিজনা লায়েং চত্থবনা ফগৎলক্নবগী মরম ওইরি। হৌজিক-হৌজিক এক্তিব ওইবা কেস ১,৪৯,৩৪৮ নিংথিজনা লায়েং চত্থরি। মহীক চংলবা মীশিংদা নোভেল কোরোনাভাইরস অসি খংদোক্নবা আই.সি.এম.আর.গী তেস্ত তৌবগী চাং অসি লেপ্তনা হেনগৎলক্লি। সরকারগী লেবশিং অসি ৬৪৬তা হেনগৎখ্রে অমসুং লন্নাইগী লেবশিংনা ২৪৭ য়ৌনা হেনগৎখ্রে (পুন্না ৮৯৩)। হৌখিবা পুং ২৪ সিদা সেম্পল ১,৫১,৪৩২ তেস্ত তৌখ্রে। তেস্ত তৌখ্রবা সেম্পলগী মশিং অসি হৌজিক ফাওবদা পুন্না ৫৬,৫৮,৬১৪নি।

অকুপ্পা মরোলগীদমকঃ https://pib.gov.in/PressReleasePage.aspx?PRID=1631508 

কোবিদ-১৯গী অপদেৎ - রেমদেসিভিরগী হৌজিক ওইরিবা ফিভম

মীদিয়াগী সেক্সন খরদা রেমদেসিভির অসি কোবিদ-১৯গী ক্লিনিকেল মেনেজমেন্ত প্রোতোকোলগী শরুক অমা ওইনা শিজিন্নবা অমসুং ভারত্তা ফংবগী মতাংদা পাউদম কয়া থোক্লক্লি। হকশেল অমসুং য়াইফ য়ুম্বাল মন্ত্রালয়না জুন ১৩, ২০২০দা অপদেৎ ওইরবা কোবিদ-১৯গী ক্লিনিকেল মেনেজমেন্ত প্রোতোকোল অমা ফোংখিবদুদা রেমদেসিভির হিদাক অসি তোসীলিজুমাব অমসুং কনবালেসেন্ত প্লাস্মাগা লোয়ননা ওফ লেবেল ওইনা অকক্নবা অথুবগী “ইনবেস্তিগেস্নেল থেরাপী” খক্তদা শিজিন্ননবা হায়খিবনি। হায়রিবা প্রোতোকোল অসিনা থেরাপী অসি হৌজিক লৈরিবা ইবিদেন্স অমসুং ফংবদা য়ুম্ফম ওইনা শিজিন্নগদবনি হায়না শেংনা পল্লি। রেমদেসিভির অসি ময়ায় ওইবা লায়নানা নাবা (ওক্সিজেন থাজিন্দুনা লৈরিবা) অদুবু য়াম্না অখন্নবা নুংঙাইতবদি লৈতবা মীওইশিংদা ইমর্জেন্সী ওইনা শিজিন্নবা য়াই।

অকুপ্পা মরোলগীদমকঃ https://pib.gov.in/PressReleasePage.aspx?PRID=1631509 

ভারতনা কোবিদ-১৯গী মায়োক্তা লান্থেংনরিবা অসি প্রধান মন্ত্রীনা য়েংশিনখ্রে

ভারতনা কোবিদ-১৯গী লাইচৎ অসি লান্থেংনরিবা অসি য়েংশিন্নবা প্রধান মন্ত্রীনা মকোক থোংবা মন্ত্রীশিং অমসুং ওফিসিএলশিংগা লোয়ননা কুপ্না খন্ননবা মীফম অমা পাঙথোকখ্রে। মীফম অসিদা লাইচৎ অসিগী নেস্নলগী থাক্তা ওইরিবা ফীভম অমসুং লৌখৎলিবা থৌরাং অদু য়েংশিনখি। মীফম অসিনা দিল্লী য়াওনা তোঙান তোঙানবা স্তেৎশিং অমসুং য়ু.তি.শিংদা ওইরিবা ফীভম অদুসু খন্নখি। লৈবাক্কী কোনুংদা কোবিদ১৯ লায়না অসিনা হৌজিক অমসুং থোকহল্লকপা য়াবা ফীভম অদু খন্নদুনা অমসুং লাক্কদৌরিবা থা ২অসিগী প্রোজেক্সনশিং অদুসু চেকশিন্না খন্নখি। হোম পুবা মন্ত্রী অমসুং হকশেল মন্ত্রীনা এল.তি. গভর্নর, এন.সি.তি. দিল্লী সরকারগী চীফ মিনিস্তরগা লোয়ননা ভারত সরকারগী, দিল্লী সরকারগী মকোক থোংবা ওফিসিএলশিং অমসুং দিল্লীগী ম্যুনিসিপাল কোর্পরেসনগী ওফিসিএলশিং য়াওনা কোবিদ-১৯গী কেস হেনগৎলকপা অসিনা থোকহল্লকপা খুদোংথিবা অসি মায়োকননবা চপ মান্ননা অমসুং হীরম শুনা য়াওবা পোরম অমা য়াৎনবা ইমর্জেন্সী মীফম অমা কৌনবা প্রধান মন্ত্রীনা অপাম্বা ফোঙদোকখ্রে। 

অকুপ্পা মরোলগীদমকঃ https://pib.gov.in/PressReleasePage.aspx?PRID=1631389

কেন্দ্রগী গৃহ মন্ত্রী শ্রী অমিৎ শাহনা দিল্লীগী ওইরিবা কোবিদ-১৯গী ফিভমগী মতাংদা য়েংশিন্নবা মীফম ফমখ্রে

মীফম অসিদা কেন্দ্রগী হকশেল মন্ত্রী দাক্তর হর্শ বর্ধন, দিল্লী এল.জি. শ্রী অনিল বাইজাল, সি.এম. শ্রী অর্বিন কেজ্রিৱাল অমসুং এ.আই.আই.এম.এস.কী দাইরেক্তর অমসুং অতোপ্পা সেনিয়র ওফিসিএলশিংনা শরুক য়াখি। কেন্দ্রগী গৃহ মন্ত্রীনা হায়খিবদা কেন্দ্র সরকারনা দিল্লীদা কোবিদ-১৯ শন্দোরকপা থিংদুনা লৈবাক্কী কোনুং অসি তেক্ত কায়দনা থম্নবা হোৎনরি। মহাক্না হায়খিবদামোদী সরকারনা শেমদোকখ্রবা রেল কোচ ৫০০ খুদক্তা দিল্লী সরকারদা পীরগনি অমসিং মসিনা কোবিদ-১৯নাবা মীওইশিংগী অহেনবা ফমুং ৮০০০ পীরগনি। নুমিৎ ২দা কোবিদ-১৯গী তেস্ত শরুক অনি হেনগৎনা অমসুং নুমিৎ ৬নিদা শরুক অহুম হেনগৎনা তৌরগনি হায়খ্রে। নিতি আয়োগকী মেম্বর দাক্তর ভি.কে. পাউলগী লুচিং মখাদা লন্নাইগী হোস্পিতালশিংনা মখোয়গী লৈজবা ফমুংগী ৬০% কোরোনাগী ওইনা অহোংবা মমলদা থম্নবা অমসুং কোরোনা তেস্ত তৌবা অমসুং লায়েংবগী মমল লেপ্নবা কম্মিত্তী অমস শেমখ্রে হায়না শ্রী শাহনা মখা তানা হায়খি। কম্মিত্তী অসিনা হয়েং ফাওবগী মনুংদা রিপোর্ত পীরগনি।

অকুপ্পা মরোলগীদমকঃ https://pib.gov.in/PressReleasePage.aspx?PRID=1631512

কেন্দ্রগী লৌউ-শিংউ অমসুং লৌউবশিংগী য়াইফ য়ুম্বালগী মন্ত্রী শ্রী নরেন্দ্র সিংহ তোমারনা লৌউ-শিংউবগী সেক্তরদা লন্নাইগী মীওইনা শেল থাদবা হেনগৎহন্নবগী তঙাই ফদবগী মতাংদা হায়খ্রে

কেন্দ্রগী লৌউ-শিংউ অমসুং লৌউবশিংগী য়াইফ য়ুম্বালগী মন্ত্রী শ্রী নরেন্দ্র সিংহ তোমারনা লৌউ-শিংউবগী হীরমদা লন্নাইগী মীওইনা শেল থাদবা হেনগৎহন্নবগী তঙাই ফদবগী মতাংদা হায়খ্রে। মসিনা লৌউ-শিংউবগী সেক্তরদা চাউখৎপা পুরক্কনি অমসুং মসিনা ভারতপু চাউখৎহনবতা নত্তনা মরোমদোম লেপচবা ঙমহনবদসু তেংবাংগনি। মহাক্না সাইন্তিস্তশিংদা লৌউ-শিংউগী পোত্থোক হেনগৎহনবদা মতেং পাংউ অমসুং খুদোংচাদবা থেংনরকপদসু মতেং পাংউ হায়খ্রে। শ্রী তোমারনা হায়খিবদা কোরোনাগী ইরাং অসিনা মালেমগী শেম্নিৎলোনগী খোংজেল তপথহল্লিঙৈ মতমসিদা ভারতকী লৌউবশিংনা খুঙ্গংগী মফমদা লৈজরিবা রিসোর্সশিং অসিদগী বম্পর ক্রোপশিং পুথোক্লি অমসুং লোকদাউন মনুংদসু মহৌশাগুম্না মহৈ-মরোং লোক্তুনা মমাং চহীদগী হেন্না মহৈ-মরোং পুথোক্তুনা মমাংগী চহীদগী খরিফকী মহৈ-মরোং ৪৫% হেন্না পুথোক্লি। মসিনা ঐখোয়গী লৌউবশিং অমসুং খুঙ্গংগী মীওইশিংনা খুদোংচাদবশিং মায়থিবা পীবা ঙম্বগী মতৌ উৎলি।

অকুপ্পা মরোলগীদমকঃ https://pib.gov.in/PressReleasePage.aspx?PRID=1631442

বি.এ.আর.সি.দা ক্বালিতী ৱাংবা, মমল তাংদবা ফেস মাস্ক পুথোকখ্রে: দা. জিতেন্দ্রা সিংহ

এতোমিক ইনর্জীগী বিভাগতা এফিলিএদ তৌবা মুম্বাইগী ভাভা এতোমিক রিসর্চ সেন্তর (বি.এ.আর.সি.)না ক্বালিতী ৱাংবা ফেস মাস্ক পুথোকখ্রে। মাস্ক অসি ঐচ.ই.পি.এ. ফিল্তর শীজিন্নদুনা মাস্ক অসি পুথোকখি অমসুং মসি মমলসু তাংলোই হায়না পান্নরি। হৌখিবা চহি অমরোম অসিগী মনুংদা বিভাগ অসিনা চাওনা মাইপাকখিনা খরা পল্লদুনা অৱাং নোংপোক লমদমগী য়াইফ থৌরাং (দোনর), এম.ও.এস. পি.এম.ও., পর্সনেল, পব্লিক গ্রিবেন্সেস, পেন্সনস, এতোমিক ইনর্জী অমসুং স্পেসকী মন্ত্রালয়গী কেন্দ্রগী মন্ত্রী (ইনদিপেন্দেন্ত চার্জ) দোক্তর জিতেন্দ্রা সিংহনা মসি ফোঙদোকখি। হৌখিবা চহি অমা অসিগী মনুংদা এতোমিক ইনর্জী বিভাগনা তৌখিবা অচৌবা থবক থৌরমশিং অমসুং খোংথাংশিং খরা পল্লদুনা, দোক্তর জিতেন্দ্রা সিংহনা সাইন্সকী থবক তৌরিবা ইচিল ইনাওশিংনা কোবিদ-১৯গী লাইচৎ থোকলকপগা ইরোইননা সমাজ অসিগী মতেং পাংনবা থোকলকপা অসিবু থগৎপা ফোঙদোকখি। ক্বালিতী ৱাংবা ফেস মাস্ককী মথক্তা এতোমিক/ন্যুক্লিয়র সাইন্তিস্তশিংনা পর্সনেল প্রোতেক্তিব ইক্ব্যুপমেন্ত (পি.পি.ই.শিং) রেদিএসন স্তেরিলাইজেসন তৌরগা অমুক হন্না শীজিন্নবা য়ানবা প্রোতোকল পুথোকখি হায়না মহাক্না খঙহনখি। হায়রিবা অসিগী এস.ও.পি. অসি কেন্দ্রগী হকশেল অমসুং য়াইফ য়ুম্বালগী মন্ত্রালয়না খন্নবিনবা ঙাইরি হায়না মহাক্না ফোঙদোকখি।

অকুপ্পা মরোলগীদমকঃ https://pib.gov.in/PressReleasePage.aspx?PRID=1631440

পি.আই.বি. ফিল্দ ওফিসশিংদগী লাকপা ইনপুৎশিং

• কেরলাঃ হকশেলগী মন্ত্রী কে.কে. শাইলাজানা লৈবাকপোকপা নুমিত্তা চার্তর্দ ফ্লাইৎ তোংদুনা মপান লমদগী হল্লকপা মীওইশিংনা তঙাই ফদনা কোবিদ-১৯ নেগেতিব সর্তিফিকেৎ পায়রমকপগী মতাংদা রাজ্য সরকারনা পি.এম.গা ৱারী শন্নরবা মতুংদা ৱারেপ অমা লৌরগনি। মন্ত্রীনা হায়খিবদা রাজ্য অসিনা হৌজিক ফাওবদা কম্ম্যুনিতী ত্রান্সমিসন থীংদুনা লাক্লি অমসুং লোকদাউন কোম্থোক্লবা মতুংদা মীওই ১০% খক্তনা কম্ম্যুনিতী ত্রান্সমিসনগী খুত্থাংদা লায়না অসি লৌনখি। রাজ্যগী হকশেলগী বিভাগনা মশিং অসি ৫%দা হন্থহন্নবা কন্না হোৎনরি হায়না মহাক্না হায়খি। কেরলাইৎ তরুক, মঙা অমনা গল্ফতা অমসুং অমনা মুম্বাইদা, কোবিদ-১৯দগী লৈখিদ্রে। মসিগা লোয়ননা গল্ফতা লৈখিদবা অপুনবা কেরলাইৎ ২২৫ শুখ্রে। ঙরাং রাজ্যসিদা কোবিদ-১৯না নাবা মীওই ৮৫ লৈখি। অনাবা মীওই ১৩৪২ হৌজিক লায়ংদুনা লৈরি।
• তমিল নাদুঃ পুদুচেরীদা অনৌবা মীওই ১৮ কোবিদ-১৯না নাদুনা অপুনবা মশিং ১৯৪ য়ৌখ্রে; মীওই ৪ লৈখিদ্রে। তি.এন.গী সি.এম.না কোবিদ-১৯না নারবা এ.আই.এ.দি.এম.কে.গী এম.এল.এ.দা মেদিকেল তেংবাং খুদিংমক পীগনি হায়বগী থাজবা পীখ্রে। কোইম্বাতোরদা অনৌবা মীওই ১৮ কোবিদ-১৯গী তেস্ততা পোজিতিব ওইখ্রে। ঙরাং অনৌবা কেস ১৯৮৯, নাবা ফরবা ১৩৬২ অমসুং লৈখিদবা ৩০গী রিপোর্ত লাকখি। চেন্নইগী অপুনবা কেস ১৪৮৪ ওইরে। অপুনবা কেস-৪২৬৮৭, এক্তিব কেস-১৮৮৭৮, লৈখিদ্রবা-৩৯৭, দিসচার্জ তৌখ্রবা-২২০৪৭ অমসুং চেন্নইগী এক্তিব কেস-১৪১৮০নি।
• করনাতকাঃ মীয়াম্না ঙাংনরিঙৈ অসিগী মরক্তা মেদিকেল ইদুকেসন মন্ত্রী শ্রী কে. সুধাকরনা সরকারনা লোকদাউন নৌনা থম্বগী হৌদোকপা লৈত্রি হায়খ্রে। সরকারনা ওনলাইন ক্লাস থীংলিবা অসি অশেংবনি হায়না ইদুকেসন মন্ত্রী সুরেশ কুমারনা হায়খ্রে। ঙরাং অনৌবা কেস-৩০৮ অমসুং মীওই ৩ লৈখিদবগী রিপোর্ত লাকখি। অপুনবা পোজিতিব কেস- ৬৮২৪, এক্তিব কেস-৩০৯২, লৈখিদ্রবা-৮১ অমসুং দিসচার্জ তৌখ্রবা-৩৬৪৮নি।
• আন্ধ্র প্রদেশঃ এ.পি. এসেম্বলী সেক্রেতরীনা এসেম্বলী সেসনগী মনুংদা গাইদলাইন ফোংখ্রে, এম.এল.এ.গী স্তফশিংগী অয়াবা পীখিদ্রে। বি.জে.পি.গী লুচিংবা সুব্রামনিয়ম স্বামিনা তি.তি.দি.গী মতাংদা তিরুমলা লায়শংবু রাজ্য সরকারগী মখাদা লৈহন্দনবা এ.পি. হাই কোর্ত্তা থাখিবা পেতিসন অদু অরোয়বা থাক্তা লৈরে হায়না ত্বীত তৌখ্রে। হৌখিবা পুং ২৪দা সেম্পল ১৫৬৩৩ তেস্ত তৌরবা মতুংদা অনৌবা কেস ২৫৩ অমসুং লৈখিদবা মীওই অনি অমসুং দিসচার্জ তৌখিবা ৮২গী রিপোর্ত লাকখি। অপুনবা কেস-৪৮৪১, এক্তিব-২০৩৪, নাবা ফরবা-২৭২৩ অমসুং লৈখিদবা-৮৪নি।
• তেলঙ্গানাঃ দিস্ত্রিক্ত হোস্পিতালশিংনা কোবিদ-১৯গী মরকসিদা দাক্তর ৬০% ৱাৎলি। মাইগ্রেন্ত ৱর্কর কয়া, লমকোয়বা, মহৈরোয়শিংবু পুনবা সাউথ সেন্ত্রেল রেলৱেজনা মফমসিদগী শ্রামিক স্পিসিএল ত্রেন ২৪০ চেনগনি। শ্রামিক ত্রেনশিং থাবগী মথক্তা মফমসিদা শ্রামিক স্পিসিএল ত্রেন কয়া অমসু ফাওদুনা চৎকনি। হৌজিক অপুনবা কেস মশিং ৪৭৩৪ লৈ অমসুং অপুনবা লৈখিদ্রবা মশিংনা ১৮২ লৈরি। ওফিসিএল দেতাগী মতুং ইন্না কেস অয়াম্বশিং অসি গ্রেতর হাইদ্রবাদ ম্যুনিসিপাল কোর্পোরেসন্দগীনি।
• মহারস্ত্রাঃ রাজ্য অসিনা কোবিদ-১৯গী কেস য়াম্না হেনগৎপা ওইনা অনৌবা কেস ৩৪২৭ লাক্তুনা রাজ্যসিগী অপুনবা মশিং অসি ১০৪৫৬৮ য়ৌখ্রে। মুম্বাইনা কেস মশিং হেনগৎলকপা খরদি থিংবা ঙম্লে অদুবু সোলাপুর, ঔরঙ্গাবাদ, য়াবাৎমল, জালগাওন জিলাশিংদা কেস মশিং হেনগৎলপদা লৈঙাক্লোইশিংদা মিপাইবা পোকহল্লি।
• গুজরাতঃ রাজ্যসিগী ওইনা জুন থা অসি কোবিদ-১৯গী মশিংগী অনৌবা অৱাংবা অমা ওইরে। থা অসিদা অহানবা ওইনা নোংমদা কেস মশিং ৫০০ হেনখ্রে অমসুং হেল্লকখিনি। অনৌবা কেস ৫১৭ রাজ্যসিদা লাক্তুনা অপুনবা কেস ২৩০৭৯ য়ৌখ্রে অমসুং মীওই ৩৩ নৌনা লৈখিদবা য়াওরগা পুন্না ১৪৪৯ শুখ্রে। জুন থাগী নুমিৎ ১৩দা রাজ্যসিদা কেস ৬২৮৫ লাকখি।
• রাজস্থানঃ স্তেৎ হেলথ ওফিসিএলগী মতুং ইন্না নোংমাইজিং নুমিত্তা রাজ্যসিদা অনৌবা কেস ১৩১ লাক্তুনা কোবিদ-১৯গী অপুনবা কেস মশিং ১২৫৩২ য়ৌখ্রে অমসুং লৈখিদবগী মশিংনা ২৮৬ য়ৌখ্রে। অনৌবা কেস অসি ধোল্পুর (৪০), ভারতপুর (৩৪), অলৱর (১৫) অমসুং জয়পুর (১২)দগীনি।
• এম.পি.: ভোপাল লৈঙাক্লোইশিংনা নিংথৌকাবা নুমিত্তগী ধর্মগী মফমশিং হাংদোকপগী অয়াবা পীখ্রে। ঙসি ফাওবদা ভোপালদা কোবিদ-১৯ কেস ২১৪৫ অমসুং লৈখিদবা ৬৯গী রিপোর্ত লাকখি। হৌখিবা পুং ২৪দা অনৌবা কেস ১৯৮ লাকপদগী রাজ্যসিগী অপুনবা কেস মশিং ১০৬৪১ য়ৌখ্রে।
• ছতিসগরঃ রাজ্যসিনা অনৌবা কোবিদ-১৯ কেস ১০৫ রিপোর্ত তৌদুনা অপুনবা কেস মশিং ১৫৫০ য়ৌখ্রে। এক্তিব কেস মশিং ৯১৩ লৈ।
• অসমঃ রাজ্যসিদা অনৌবা কোবিদ-১৯ কেস ৪৩ লাকখি। অপুনবা কেস-৩৯৪৩, এক্তিব কেস-২১২৭, নাবা ফখ্রবা-১৮০৫ অমসুং লৈখিদ্রবা ৮ নি।
• মনিপুরঃ মপান্দগী হল্লকপা মীওইশিংগী তেস্ত থুনা তৌনবা হায়দুনা মনিপুর সরকারনা নোংমদা কোবিদ-১৯গী সেম্পল ৩০০০দগী ৪০০০ ফাওবা তেস্ত তৌবা ঙম্বা অনৌবা খুৎলায় অমা থম্লগনি। মনিপুরগী সি.এম.না কোবিদ-১৯ স্তেৎ কন্সলতেতিব কম্মিত্তীগী মীফম চেয়র তৌখ্রে, অথুবা মতমদা মপান্দগী হল্লকপা মীওইশিং লোয়নমক তেস্ত তৌনবা খন্নখ্রে।
• মিজোরমঃ মিজোরমগী পুলিসনা ক্বারেন্তাইন সেন্তরদা দ্রগ অমসুং য়ু পীনবা হোৎনরম্বা মীওই তরুক ফাখ্রে।
• নাগালেন্দঃ মপান্দগী হল্লকপা মীওই তরুক কোবিদ-১৯ পোজিতিব ওইবদগী মোন জিলাগী লৈঙাক্লোইশিংনা ৱাংখাউ গবর্ন্মেন্ত কোলেজ অমসুং আই.তি.আই. কেম্পসকী অকোয়বগী কিলোমীতর ১গী মনুংদা চংবগী অথিংবা থমখ্রে। স্তেৎ তোবেকো সেলনা তোবেকো ফ্রী বিলেজ মশক খংবগী থবক চত্থরি অমসুং রাজ্য শিনবা থুংনা মীয়াম তিনবা মফমদা তিন শিৎপা থিংখ্রে।
• সিক্কিমঃ রাজ্যসিদা কোবিদ-১৯গী অনৌবা কেস মঙা লাকখ্রে। মখোয় লোয়নমক মপান্দগী হল্লকপা মীওই ঙাক্তনি। রাজ্যসিগী অপুনবা কেস মশিং ৬৩নি। 

ফেক্ত চেক

******