Press Information Bureau

PIB Headquarters

पत्र सूचना कार्यालयाचे कोविड-19 संबंधित दैनंदिन बातमीपत्र

Posted On: 22 OCT 2020 7:55PM by PIB Mumbai

Coat of arms of India PNG images free download

(कोविड-19 संबंधी पत्र सूचना कार्यालयाद्वारे जारी बातम्‍या आणि सत्‍यता पडताळणी बातम्‍या समाविष्‍ट)

#Unite2FightCorona

#IndiaFightsCorona

दिल्ली-मुंबई, 22 ऑक्टोबर 2020

आरोग्य मंत्रालयाची कोविड-19 घडामोडींवरील माहिती :

देशात सक्रीय रुग्ण संख्येत सातत्याने घसरणीचा कल कायम आहे. गेल्या तीन दिवसांपासून भारताची सक्रिय रुग्णांची संख्या एकूण संख्येच्या 10% पेक्षा कमी असून त्यावरून असे सूचित होते की देशभरात 10 पैकी केवळ 1 कोविड-19 रुग्ण सक्रिय आहे .

सध्या देशात एकूण बाधित रुग्णांपैकी केवळ 9.29 टक्केच सक्रिय रुग्ण असून ही संख्या 7,15,812 इतकी आहे.

आणखी एक महत्त्वाचा टप्पा नोंदवताना, रोजचा रुग्ण आढळण्याचा दरही गेले तीन दिवस 5% पेक्षा कमी कायम राहिला आहे. यावरून असे दिसून येते की केंद्र आणि राज्ये / केंद्रशासित प्रदेशांच्या केंद्रित धोरणे आणि कृतीद्वारे संसर्गाचा प्रसार प्रभावीपणे रोखणे शक्य झाले आहे. आज, दैनंदिन सकारात्मकता दर 3.8% नोंदला गेला आहे.

रोजच्या सकारात्मक दरातील घट आणि एकूण सक्रिय रुग्णांची घटती संख्या यांची तुलना केली जाते. सक्रिय रुग्णांची संख्या 7.5 लाखाच्या (7,15,812) खाली आहे

भारतात बरे झालेल्या रुग्णांची एकूण संख्या आज 69 लाखाजवळ (68,74,518) पोहचली आहे. सक्रिय रुग्ण आणि बरे झालेले रुग्ण यांच्यातील अंतर सातत्याने वाढत असून ते आज 61,58,706 इतके आहे.

गेल्या 24 तासांत,79,415 रूग्ण बरे झाले आहेत आणि त्यांना घरी सोडण्यात आले आहे, तर 55,839.नवीन रुग्णांची नोंद झाली आहे. बरे होण्यासंदर्भातला राष्ट्रीय दर वाढून 89.20% वर गेला आहे.

बरे झालेल्यांपैकी 81% व्यक्ति10 राज्ये/ केंद्रशासित प्रदेशातील आहेत.

एकाच दिवसात बरे झालेल्यांच्या संख्येत महाराष्ट्राचे 23,000 हून अधिक योगदान आहे. गेल्या 24 तासात 55,839 नव्या रुग्णांची नोंद झाली आहे.

यापैकी 78 % रुग्ण 10 राज्ये आणि केंद्रशासित प्रदेशांमधील आहेत. महाराष्ट्र आणि केरळमध्ये अद्याप नवीन रुग्णांची संख्या मोठी असून महाराष्ट्रात 8,000 हून अधिक तर कर्नाटकात 5,000 हून अधिक रुग्ण आढळले आहेत.

गेल्या 24 तासांत 702 रुग्णांचा मृत्यू झाला आहे. त्यापैकी जवळपास 82% दहा राज्ये / केंद्रशासित प्रदेशात आहेत. 25 % पेक्षा जास्त नवीन मृत्यू महाराष्ट्रातील आहेत (180 मृत्यू).

इतर अपडेट्स:

कोविड-19 साथीने निर्माण होणारी परिस्थिती लक्षात घेता, फेब्रुवारी, 2020 पासून आंतरराष्ट्रीय प्रवाशांची वाहतूक कमी करण्यासाठी भारत सरकारने अनेक पावले उचलली होती. आता भारतात येणाऱ्या आणि भारताबाहेर जाणाऱ्या परदेशी आणि भारतीय नागरिकांच्या अधिक प्रवर्गासाठी व्हिसा आणि वाहतुकीतील निर्बंधांमध्ये वर्गवारीनुसार शिथिलता आणण्याचा निर्णय सरकारने घेतला आहे.
केंद्रीय आरोग्य आणि कुटुंब कल्याण मंत्री डॉ. हर्ष वर्धन यांनी नवी दिल्लीत व्हिडिओ कॉन्फरन्सच्या माध्यमातून जागतिक बँक-आंतरराष्ट्रीय नाणेनिधीच्या वार्षिक बैठकीला संबोधित केले. “मानवी भांडवलाच्या माध्यमातून सर्वांसाठी दक्षिण आशियाई शतक खुले करणे ” आणि “कोविड -19 लस आणि प्राथमिक आरोग्य सेवा वितरण प्रणालीत गुंतवणूक करणे” ही या बैठकीची संकल्पना होती.
पंतप्रधान नरेंद्र मोदी यांच्या दूरदृष्टी नेतृत्वामुळे देशात कोरोनाचा प्रसार रोखण्यात मोठ्या प्रमाणात यश आले आहे, असे प्रतिपादन केंद्रीय आयुष राज्यमंत्री (स्वतंत्र प्रभार) आणि संरक्षण राज्यमंत्री श्रीपाद नाईक यांनी केले. श्रीपाद नाईक यांच्या हस्ते आज केशव साधना शाळा, डिचोली आणि मणिपाल रुग्णालय, बांबोळी येथे कोरोना योद्ध्यांचा सत्कार करण्यात आला, त्याप्रसंगी ते बोलत होते.
केंद्रीय श्रम आणि रोजगार राज्यमंत्री संतोष कुमार गंगवार यांच्या हस्ते आज औद्योगिक कामगारांसाठीच्या ग्राहक किंमत निर्देशांकाच्या 2016 या आधारभूत वर्षानुसार नव्या मालिकेचे प्रकाशन झाले. श्रम विभागाने हा नवा निर्देशांक तयार केला आहे. आधीच्या 2001=100 या , म्हणजे आधारभूत वर्ष 2001 असलेल्या निर्देशाकांच्या जागी हा नवा 2016=100 निर्देशांक असेल. या कार्यक्रमाला श्रम आणि रोजगार मंत्रालयाचे सर्व वरिष्ठ अधिकारीही उपस्थित होते.
2020च्या ऑगस्ट अखेरीपासून कांद्याच्या किरकोळ किमतीत वाढ दिसून आली आहे. गेल्या दहा दिवसात कांद्याच्या भावात किलोमागे 11.56 रुपयांची वाढ झाल्याने देश पातळीवर कांद्याची किरकोळ किंमत 51.95 रुपये प्रती किलो झाली आहे. ही किंमत गेल्या वर्षीच्या 46.33 रुपये प्रती किलोच्या तुलनेत 12.13% जास्त आहे.
आर्थिक वर्ष 2019-20 साठी रेल्वेच्या 11.58 लाख अराजपत्रित कर्मचाऱ्यांना रेल्वेने 78 दिवसांच्या वेतना इतका बोनस जाहीर केला आहे. हा उत्पादकता-आधारित बोनस देण्यासाठी 2081.68 कोटी रुपयांचा खर्च अपेक्षित आहे.

महाराष्ट्र अपडेट्स :

महाराष्ट्रात बुधवारी 8,142 नवीन कोविड रुग्णांची नोंद झाली, तर 23,371 रुग्ण या आजारातून बरे झाले. यामुळे सक्रिय रुग्णांची संख्या कमी होऊन 1.58 लाख इतकी झाली आहे. मुंबईत 1,609 नवीन रुग्ण आढळले असून शहरातील सक्रिय रुग्णांची संख्या 19,245 इतकी झाली आहे. तथापि, प्राथमिक आरोग्य केंद्रात 'पोस्ट कोविड केअर सेंटर' सुरू करणारा नागपूर हा राज्यातील पहिला जिल्हा ठरला आहे.

FACT CHECK