(মসিদা হৌখিবা পুং ২৪ দা থোকখিবা কোবিদ -১৯গা মরী লৈনবা চেফোংশিং, ফিল্দ ওফিসশিংদগী ফংবা পাউশিং, অমসুং পি.আই.বি.না লৌখৎপা ফেক্ত চেকশিং য়াওরি )

• হৌখিবা নুমিৎ হুমনি অসিদগী ভারতকী এক্তিব কেসশিংনা অপুনবা কেসশিংগী ১০%গী মখাদা লৈখ্রে
• হৌখিবা নুমিৎ হুমনি অসিদা নোংমদা পোজিতিব ওইবগী চাং অসি ৫%গী মখাদা লৈখ্রে
• হৌখিবা পুং ২৪ অসিদা অনাবা মীওই ৭৯,৪১৫ নাবা ফগৎখ্রে অমদি দিসচার্জ তৌখ্রে অমরোমদা অনৌবা কনফর্ম কেসশিংনা ৫৫,৮৩৯ ওইখি
• লৈবাক অসিগী নাবা ফগৎলকপগী চাংনা ৮৯.২০%দা হেনগৎখ্রে
• ভারত্তা চংলকপা নত্রগা থোকখিবা পাম্বা মীরৈবাক মচাশিং অমসুং ভারত মচাশিংগী অহেনবা কেতগোরীশিংগী ওইনা ভীজা অমসুং লম চৎপদা অথিংবশিং লৈরম্বা অদু হৌজিক্তি তাঙ্কক নাইবা মওং অমদা কোমথোক্নবা সরকারনা ফিরেপ লৌখ্রে

#Unite2FightCorona

#IndiaFightsCorona

হৌখিবা নুমিৎ হুমনি অসিদগী ভারতকী এক্তিব কেসশিংনা অপুনবা কেসশিংগী ১০%গী মখাদা লৈখ্রে, হৌখিবা নুমিৎ হুমনি অসিদা নোংমদা পোজিতিব ওইবগী চাং অসি ৫%গী মখাদা লৈখ্রে

ভারতকী এক্তিব কেসশিং তপ্না-তপ্না হন্থরকপগী খোঙচৎ অসিদা অকায়বা লৈতনা মখা তানা চংশিল্লি। হৌখিবা নুমিৎ হুমনি অসিদা এক্তিব কেসশিংনা অপুনবা কেসশিংগী ১০%গী মখাদা লৈদুনা লৈবাক শিনবা থুংনা লৈরিবা কোবিদ-১৯ নাবা মীওইশিংগী কেস ১০গী মনুংদা ১ খক্তনা এক্তিব ওই হায়বা তাক্লি। হৌজিক্কী ওইনা এক্তিব কেসশিং অসি ৭,১৫,৮১২ ওইদুনা লৈবাক অসিগী অপুনবা পোজিতিব কেসশিংগী ৯.২৯% খক্তা ওইরি। অতোপ্পা মাই পাকপগী তনফম অমসু রেজিস্তর তৌরদুনা কেন্দ্রগী অমসুং রাজ্যশিং/য়ু.তি.শিংগী অকনবা লালোংশিং অমসুং খোঙথাংশিংগী খুত্থাংদা লাইনা অসি শন্দোকপা মপুং ফানা লাকশিনবা ঙম্লে হায়বা উৎলদুনা হৌখিবা নুমিৎ হুমনি অসিদা নোংমদা পোজিতিব ওইবগী চাং অসি ৫%গী মখাদা লৈহনবা ঙমখ্রে। ঙসিগী ওইনা নোংমদা পোজিতিব ওইবগী চাং অসি ৩.৮% ওই হায়না রিপোর্ত তৌরকখি। নোংমদা পোজিতিব ওইবগী চাংদা হন্থরকপা অসি হন্থরক্লিবা এক্তিব কেসশিংগা চপ মান্ননা মেপ তৌখি, মসি ঙসি লাখ ৭.৭ (৭,১৫,৮১২)কী মখাদা লৈখি। পুন্নবা নাবা ফগৎখিবা কেসশিং অসি লাখ ৬৯ (৬৮,৭৪,৫১৮)গী ময়া য়ৌখ্রে। এক্তিব কেসশিং অমসুং নাবা ফগৎখ্রবা কেসশিংগী মরক্তা লৈবা খেৎনবা অসি লেপ্তনা হেনগৎলক্লি অমদি ঙসি ৬১,৫৮,৭০৬ শুখ্রে। হৌখিবা পুং ২৪ অসিদা অনাবা মীওই ৭৯,৪১৫ নাবা ফগৎখ্রে অমদি দিসচার্জ তৌখ্রে অমরোমদা অনৌবা কনফর্ম কেসশিংনা ৫৫,৮৩৯ ওইখি। লৈবাক অসিগী নাবা ফগৎলকপগী চাংনা ৮৯.২০%দা হেনগৎখ্রে। নৌনা নাবা ফগৎখিবা কেসশিংগী ৮১%দি রাজ্য/য়ু.তি. ১০দগী ওইখি। নোংমদা নাবা ফগৎলকপগী মশিং অসি মহারাস্ত্রদগী ২৩,০০০গী মথক্তা ওইখি। হৌখিবা পুং ২৪গী মনুংদা অনৌবা কনফর্ম কেস ৫৫,৮৩৯ রেকোর্দ তৌখি। মসিগী মনুংদা ৭৮%দি রাজ্য অমসুং য়ু.তি. ১০দগী ওইখি। মহারাস্ত্র অমসুং কেরেলাদা কেস ৮,০০০/৮,০০০গী মথক্তা থেংনবগা লোয়ননা অনৌবা কেসশিংগী মশিং খ্বাইদগী য়াম্না রিপোর্ত তৌরকপা ওইখি অমদি কেস ৫,০০০গী মথক্তা থেংবগা লোয়ননা কর্নাতকানা মতুং ইনখি। হৌখিবা পুং ২৪দা কেস ৭০২ শীখিবগী রিপোর্ত তৌরকখি। মসিগী মনুংদা ৮২%গী ময়ানা রাজ্য/য়ু.তি. তরাদগী ওইখি। নৌনা শীখিবগী রিপোর্ত তৌরকখিবগী ২৫%গী মথক্তদি মহারাস্ত্রদগী ওইখি (শীখিবা ১৮০)।

অকুপ্পা ৱারোলগীদমক :

কেন্দ্র মন্ত্রী দোক্তর হর্ষ বর্ধন্না সি.এস.আই.আর.-এন.সি.এল. পুনেদা মহৌশাগা চুশিন্নবা, মতিং লৈবা অমদি দি.এম.ই.না মৈচাক পীবা “অদিতি উর্জা সঞ্চ” য়ুনিৎ হৌদোকখ্রে

সাইন্স অমসুং তেক্নোলোজী অমদি আর্থ সাইন্সেসকী কেন্দ্র মন্ত্রী দোক্তর হর্ষ বর্ধন্না ঙসি সি.এস.আই.আর.-এন.সি.এল.দা দি.এম.ই.না মৈচাক পীবা “অদিতি উর্জা সঞ্চ” অমদি দি.এম.ই.-এল.পি.জি. পুনশিনবা থাউ সিলিন্দর শঙ্গাদুনা মীচম মীয়ামদা অমদি সি.এস.আই.আর.-এন.সি.এল. (নেসনেল কেমিকেল লেবোরেতরী) কান্তীনদা চাংয়েং ওইনা শীজিন্ননবা ভিদিও কন্ফরেন্সিংগী খুত্থাঙদা খুৎশিন্নখ্রে‍। দোক্তর হর্ষ বর্ধন্না মহাক্কী ৱারোলদা, “বর্নর অসি পুথোরকপসিনা সিলিন্দর, গ্যাস স্তোব, রিগুলেতর অমসুং গ্যাস মরী শারিবশিং লমদমসিগী ঙাক্তা ওইবা মরম্না ‘মেক ইন ইন্দিয়া’ কেম্পেনদা মশক থোক্না ইনোৎ হাপ্লগনি‍। অসিগুম্বা থৌওংসিনা দিমান্দ অমসুং সপ্লাইগী মরক্তা লৈরিবা খেন্নবা মেনশিল্লগনি অমদি লৈবাকসিদা ইনর্জীগী সিক্যুরিতী পীগনি‍,” হায়না ফোঙদোকখি‍।

অকুপ্পা ৱারোলগীদমক:

ৱার্ল্দ বেঙ্ক-আই.এম.এফ চহিগী মীফম ২০২০দা দোক্তর হর্স ভরধন্না ভর্চুএল ওইনা ৱা ঙাংখ্রে

ঙসি ৱার্ল্দ বেঙ্ক-আই.এম.এফ চহিগী মীফমদা হেল্থ অমসুং ফেমিলি ৱেলফিয়ারগী য়ুনিয়ন মিনিস্তর দোক্তর হর্স ভরধন্না ভর্চুএল ওইনা ৱা ঙাংখ্রে। মীফম অদুগী পান্দমদি “পুম্নমক্কীদমক মীওইবগী লৌশিং শীজিন্নদুনা খা এসিয়াগী চহিচা মনিংতমহনবা’ অমসুং “কোবিদ-১৯ তিকা অমসুং মরুওইবা অনা-লায়েংগী থবকশিংদা শেন থাদবা” হায়বা অসিনি। লাইচৎ মনুংদা ভারতকী থৌদাংগী মতাংদা দোক্তর হর্স ভরধন্না হায়খি ভারতনা থবক পায়খৎপদা মী খুদিংমক কোনশিনবা অসিনা হৌজিক লাইচৎ লাকশিনবদা ঐখোয় লমজিংলি। কোবিদ লাইচৎনা অকাই-অতোই থোকহল্লে অদুবু হেন্না অৱাবা খাংবা ঙম্বা অমসুং তুংগীদমক থৌরাং তৌনবগী অনৌবা পারা অমা ঐখোয়দা তম্বীরে।মরী লৈনবশিংনা হোৎনবদগী হায়রিবা থবকশিং অসি পাংথোকপা ঙম্বনি। মালেমগী লাইচৎ অসিনা পীরিবা চৈথেং থেংন্নবা খুন্নাই অমসুং সরকারনা কন্না হোৎনবদগী ভারতনা অকনবা মওংদা থৌনা লৈনা থবক পায়খৎপনি। মহাক্না হায়খি লাইচৎ অসিনা মরম ওইদুনা মালেম্না মমাংদা অমুক্তা থেংনখিদ্রিবা খুদোংচাদবশিং মায়োক্নবা মরম্না, কোবিদ লাকশিন্নবা থবক খুদিংমক্তা ভারতনা ভর্চুএল ওইনা ইনফোর্মেসন তেক্নোলোজি শীজিন্নরি, খুদোংথিনিংঙাই ওইবা মফমশিংদা থিজিন্নবা অমসুং মশক খঙদোক্নবা অমসুং খোঙ্গুল লিনবা তেক্নোলোজি ইতিহাস অমসুং অরোগ্যাসেতু এপ্প শীজিন্নরে। তেস্ত তৌনবা আর.তি-পি.সি.আর এপ্প, মিং চল্লবা অনাবশিংগী ই-পাউ লৌনবা এপ্প অমসুং খুদিংমক পুনশিল্লবা অমতা ওইরবা কোবিদ পোর্তেল শীজিন্নরে। মহাক্না হায়খি মমল হোংবা তিকা ফংহনবা অমসুং তিকা অদু মীচং-মীখাই নাইদনা য়েন্থোক্নবা হোৎনবা অসি হৌজিক কোবিদ-১৯গী থিজিল্লিবা অসিগী পান্দমনি। হৌজিক ভারতকী ফার্মা কম্পেনি অহুম মপান লৈবাকশিংগী/লৈবাক মনুংগী রিছর্স ইন্সতিতুৎশিংগা পুন্না থবক তৌমিন্নদুনা তিকাগী চাংয়েং কন্না চৎথরি।

অকুপ্পা ৱারোলগীদমক:

ভীজা অমসুং লম চৎপদা লৈরম্বা অথিংবশিং তাঙ্কক নাইবা মওংদা কোমথোকপা

কোবিদ-১৯ লায়চৎ অসিনা ওইহল্লক্লিবা ফীভম অসি য়েংলগা ভারত সরকারনা ফেব্রুৱারী ২০২০দগী হৌনা ইন্তরনেস্নেল পেসেঞ্জরশিংনা চংলক্নবা অমসুং থোকখিনবগী চত্থোক চৎশিন তৌবা হন্থহন্নবা খোঙথাং কয়া লৌখৎখি। ভারত্তা চংলকপা নত্রগা থোকখিবা পাম্বা মীরৈবাক মচাশিং অমসুং ভারত মচাশিংগী অহেনবা কেতগোরীশিংগী ওইনা ভীজা অমসুং লম চৎপদা অথিংবশিং লৈরম্বা অদু হৌজিক্তি তাঙ্কক নাইবা মওং অমদা কোমথোক্নবা সরকারনা ফিরেপ লৌখ্রে। মরম অসিনা তুরিস্ত ভীজা নত্তনা মরম অমা হেক্তগী ভারত্তা লাকপা পাম্বা ও.সি.আই. অমসুং পি.আই.ও. কার্দ হোল্দরশিং অমসুং অতোপ্পা মীরৈবাক মচাশিংনা ওথোরাইজ তৌরবা এয়রপোর্তশিং অমসুং সীপোর্তকী ইম্মিগ্রেসন চেক পোস্তশিংগী খুত্থাংদা নোংথক্তা নত্রগা ঈশিংগী লম্বেলদা লাকপদা অয়াবা পীনবা ৱারেপ লৌখ্রে। মসিদা ভন্দে ভারত মিসন, এয়র ত্রান্সপোর্ত ববলগী শিল্লি-লাংলিবা অসিগী মখাদা পাইরিবা ফ্লাইৎশিং নত্রগা সিবিল এভিএসন মন্ত্রালয়না অয়াবা পীবা নন সেদ্যুল্দ কম্মর্সিএল ফ্লাইৎশিং য়াওরি। হায়রিবা অসিদা তোংলিবা মীওই পুম্নমক্না অদুম ওইনমক হকশেল অমসুং য়াইফ-য়ুম্বাল মন্ত্রালয়না ক্বারেন্তিন তৌবগী অমদি অতোপ্পা হকশেল/কোবিদ-১৯গী হিরমশিংগী মতাংদা পীবা গাইদলাইনশিং চেকশিন্না ঙাক্না চৎকদবনি।

অকুপ্পা ৱারোলগীদমক :

ইলিজিবল ওইবা নন-গেজেতেদ রেলৱে কর্মচারী খুদিংমক্কী শেনবা চহি ২০১৯-২০২০গী ওইনা নুমিৎ ৭৮গী খুশুমলশিংগা মান্নবা প্রদক্তিবিতী লিঙ্ক বোনস (পি.এল.বি.)

চাউরাক্না নন-গেজেতেদ রেলৱে কর্মচারী ১১.৫৮দা শেনবা চহি ২০১৯-২০২০গী ওইনা নুমিৎ ৭৮গী খুশুমলশিংগা মান্নবা বোনস পীনবা অয়াবা পীখ্রে। মসিগী রেলৱে কর্মারীশিংদা পীবা প্রদক্তিবিতী লিঙ্ক বোনস অসি লুপা করোর ২০৮১.৬৮ ওইগনি। ২১.১০.২০২০দা পাংথোকখিবা কেন্দ্রগী মন্ত্রী মন্দল মীফম্না (আর.পি.এফ./আর.পি.এস.এফ. পর্সনেলশিং য়াওদনা) ইলিজিবল ওইবা নন-গেজেতেদ রেলৱে কর্মচারী খুদিংমক্কী শেনবা চহি ২০১৯-২০২০গী ওইনা নুমিৎ ৭৮গা মান্নবা প্রদক্তিবিতী লিঙ্ক বোনস (পি.এল.বি.) পীনবা রেলৱেজ মন্ত্রালয়গী প্রপোজল অয়াবা পীখ্রে।

অকুপ্পা ৱারোলগীদমক :

ই.সি.আই.না চাদিং হেন্না তৌবগী হিরমদা য়েংশিন্নবা কম্মিতি অমা শেমখ্রে

ইলেকসন কম্মিসন্না শ্রী হারিশ কুমার, এক্স আই.আর.এস. অমসুং দি.জি. (ইনভেস্তিগেসন) শ্রী উমেশ সিনহা, সেক্রেতরি জেনেরেল অমসুং দি.জি. (এক্সপেন্দিচর) য়াওনা কেন্দিদেৎনা চাদিং হেন্না তৌবা হায়রিবা অসি ইলেক্তর মশিং হেনগৎলকপা অমসুং কোস্ত ওফ ইনফ্লেসন ইন্দেক্স হেনগৎলকপা অমসুং অতৈ মরমশিং অসি য়েংশিন্নবা কম্মিতি অমা শেমখ্রে। কোবিদ-১৯গী ফিবম অসি য়েংলগা, লো অমসুং জস্তিসগী মিনিস্ত্রীনা ১৯.১০.২০২০দা রুল ৯০ ওফ কন্দক্ত ওফ ইলেকসন্স রুলস, ১৯৬১গী এমেন্দমেন্দ অমা নোতিশ থোক্তুনা হান্ননা লৈরিবা চাদিংদগী লিমিৎ অসি ১০%দা হেনগৎহনখ্রে। মসিগী ১০% হেনগৎপা অসি হৌজিক চৎথরিবা ইলেকসন অসিগীদমক খুদক্তা চৎনরগনি। কেন্দিদেৎকী এক্সপেন্দিচর লিমিৎ অসি ২০১৪গী নোতিফিকেসন তারিক ২৮.০২.২০১৪দা শেমদোকখ্রে, অমনা অন্ধ্র প্রদেশ অমসুং তেলঙ্গানাগী ওইনদি নোতিফিকেসন তারিক ১০.১০.২০১৪দা অমুক হন্না শেমখিবনি। চহি তরুক অসিদা ইলেক্তোরেৎ অসি ২০১৯দা মিলিয়ন ৮৩৪দগী মিলিয়ন ৯১০দা হেনগৎখিবা অদুগা হৌজিক্না মিলিয়ন ৯২১ ওইরবসু লিমিৎ অসি হেনগৎখিবা লৈত্রি। মখা তানা কোস্ত ইনফ্লেসন ইন্দেক্স অসি মনুংদা ২০১৯দা ২২০দগী ২৮০ ফাওবদা হৌজিক্না ৩০১দা হেনগৎখি।

অকুপ্পা ৱারোলগীদমক:

লৈবাক শীনবা থুংনা ত্রেনিং মখা চৎথবা হৌরকপদগী, তোঙান-তোঙানবা ত্রেনিং সেন্তরশিংদা হল্লক্নবা সাইনা ত্রেনিশিংগী চৎথোক-চৎশিনগী থৌরাং তৌগনি

তোকিও ওলেম্পিক্স অমসুং পেরালেম্পিক্সশিংদা মিৎয়েং থমদুনা, নবেম্বর ১দগী লৈবাক শীনবা থুংনা লৈরিবা সাই ত্রেনিং সেন্তরশিংদা শান্ন-খোৎনবগী থবকশিং মখা চৎথরগনি। কোবিদ-১৯গী ফিবম য়েংলগা অমসুং শান্নরোয়শিং ভাইরসতগী ঙাকথোক্নবা, মখোয়গী ত্রেনিং সেন্তরশিংদা লাক্নবা এন.সি.ও.ইশিং/সাই ত্রেনিং সেন্তরশিংগী শান্নরোয়শিংগী চৎথোক-চৎশিনগী থৌরাং তৌনবা স্পোর্তস ওথোরিতি ওফ ইন্দিয়ানা ৱারেপ লৌরে। চহি অসিগী মার্চ থাদা খঙহৌদনা লাকপা কোরোনাভাইরসকী ফিবম্না মরম ওইদুনা শান্নরোয়শিং ময়ুমদা থাখিবদগী থবক অসি পায়খৎলকপনি। কিলোমিতর ৫০০ হেন্না থাপ্পা মফমদগী লাক্কদবা শান্নরোয়শিংদা এয়র তিকেৎ পীনবা অমসুং কিলোমিতর ৫০০গী মখাদা লৈবা মফমদগী লাক্কদবশিংনা থার্দ এ.সিগী ত্রেন তিকেৎ পীবা হায়না সাইনা ৱারেপ লৌরে। সাই সেন্তরশিংদা ত্রেনিং মখা চৎথনবা বাইও-ববল শেম্নবা, এন.সি.ও.ইশিং/সাই ত্রেনিং সেন্তরশিংদা কোচশিং অমসুং অতৈ স্তাফশিং লৈফম পীনবা সাইনা ৱারেপ লৌরে। রিগুলার অমসুং কন্ত্রেক স্তাফশিং সরকারনা শেন পুথোক্লগা লৈফম পীগনি।

অকুপ্পা ৱারোলগীদমক :

ইন্দিয়ন ইন্সতিত্যুত ওফ পব্লিক এদমিনিস্ত্রেসন (আই.আই.পি.এ.)গী ৩১৭শুবা একজিক্যুতিব কাউন্সিলগী মীফমদা এম.ও.এস. (পি.পি.) দা. জিতেন্দ্র সিংহনা অনৌবা চিয়রমেন ওইনা ময়াই তাংবল লৌখ্রে

ইন্দিয়ন ইন্সতিত্যুত ওফ পব্লিক এদমিনিস্ত্রেসন (আই.আই.পি.এ.)গী ৩১৭শুবা একজিক্যুতিব কাউন্সিলগী মীফমদা কেন্দ্রগী এম.ও.এস. (আই/সি) দোনর, এম.ও.এস. (পি.পি.) দা. জিতেন্দ্র সিংহনা ঙসি অনৌবা চিয়রমেন ওইনা ময়াই তাংবল লৌখ্রে। চিয়রমেন ওইনা ফম পুরবা মতুং মহাক্কী অহানবা একজিক্যুতিব কাউন্সিলগী মীফমদা দা. জিতেন্দ্র সিংহনা আই.আই.পি.এ.গী লাইফ মেম্বরশীপ জানুৱারী ১, ২০২১দগী হৌরগনি হায়না য়াম্না মরুওইবা এনাউন্সমেন্ত অমা লাউথোকখি। মহাক্না মথৌ তৌরিবা ওফিসর মশিং কয়ানা আই.আই.পি.এ.গী মেম্বরশীপ অসি য়াওনবা হোৎনগদবনি হায়নসু ফোঙদোকখি অমদি সরকারগী সর্ভিস রুলশিংগী মতুং ইন্না মথৌ তৌরিবা ওফিসিএল অমনা আই.আই.পি.এ.গী মেম্বর ওইবদা অকায়বা লৈতে হায়নসু ফোঙদোকখি। আই.আই.পি.এ.গী ফেকল্তী অমসুং ওফিসিএলশিংবু থাগৎপা ফোঙদোক্লদুনা দা.জিতেন্দ্র সিংহনা হায় আই.আই.পি.এ.গী কত্থোকপা অমসুং হোৎনবা কনবগী খুদম অসি কোবিদ লায়চৎ অসিগী অৱাবা মতম অসিদা মখোয়না ওনলাইন ক্লাসশিং লৌনবা দিজিতেল ক্লাসরুম অমা শেমগৎতুনা করিকুলমদা অকাইবা থোকহনখিদবা অসিনা খ্বাইদগী ফরবা খুদম অমনি। মহাক্না হায়, লোকদাউন অমসুং লোকদাউনগী মতুংদা আই.আই.পি.এ.না তোঙান তোঙানবা সর্ভিসশিংদগী ওফিসরশিংগী ওনলাইন ত্রেনিং প্রোগ্রাম ১৪ পাংথোকখিবা অসি অচৌবা মাই পাকপা অমনি। মসি খক্তা নত্তনা কোবিদকী অপনবশিংগী মরক্তা হৌখিবা চহি অমা অসিদা রিসর্চ প্রোজেক্তসু মপুংফানা লোইশিনখ্রে হায়না মহাক্না ফোঙদোকখি।

অকুপ্পা ৱারোলগীদমক :

পি.আই.বি. ফিল্দ ওফিসশিংদগী ফংবা পাউ

•           হিমাচল প্রদেশ: গোবর্নর বান্দারু দত্তত্রয়ানা ঙরাং রাজ ভাৱনদা কোবিদ-১৯গী সোসিয়েল এৱেয়রনেসকীদমক্তা শিম্লা পিলিসনা শেম্বা কত-আউত অদু মাইখুম হাংদোকখ্রে। গোবর্নর অনৌবা খোংথাং অসিগীদমক্তা থাগৎপা ফোংদোকখি অমসুং হায়খি মদুদি কোরোনা লাইচৎ অসিগী মনুংদা, পুলিস পার্সোনেলনা ফ্রন্তলাইন ৱারিয়রস ওইনা কোবিদ-১৯ লান্থেংনবদা য়াম্না শিংথানীংঙাই ওইবা থবক তৌখি। কোরোনা লাইচৎকী মায়োক্তা লান্থেংনবা অসি লোইদ্রি হায়না মহাক্না হায়খি। মহাক্না কোবিদ-১৯গী মায়োক্তা প্রধান মন্ত্রীগী মাস মুভমেন্ত অপীলদা তেংবা পীনবগীদমক্তা ময়ামদা হায়খি।

•          মহারাস্ত্র: মহারাস্ত্রদা য়ুমশকৈশা নুমিত্তা ভাইরেল ইনফেক্সন অসিদগী পেসেন্ত ২৩,৩৭১ ফগৎখিদুনা এক্তিব কেসশিংগী মশিং অদু লাখ ১.৫৮তা হন্থহল্লবা ফাওবদা, অনৌবা কেস ৮,১৪২ থেংনখি।মুম্বাইদা কোবিদকী আনৌবা কেস ১,৬০৯ থেংনখি অমসুং সিতী অসিদা এক্তিব কেসশিংগী মশিং অদু হৌজিক ১৯,২৪৫তা লৈরি।

•          গুজরাত: গুজরাত্তা ফগৎলকপগী চাং অসি চাদা ৮৯.০৩ ফাওবা য়ৌখ্রে। রাজ্য অসিদা হৌখিবা পুং ২৪দা অনৌবা কেস ১,১৩৭ থেংনখি অমসুং ১,১৮০ ফগৎলকখিবা লৈখি, মসিনা এক্তিব কেসশিংগী অপুনবা মশিং অদু ১৪,২১৫ য়ৌহনখি। মসিগী মনুংদা পেসেন্ত ৭৫দি ভেন্তিলেতর সপোর্ত্তা লৈরি। রাজ্য অসিনা হৌজিক ফাওবদা কোবিদকা মরী লৈননা ৩,৬৬৩ শিখিবা থেংনখি।

•          রাজস্থান: থংনা-থংননা নুমিৎ নিপাননি, রাজস্থানদা অনৌবা কোবিদ ইনফেক্সনশিংদগী ফগৎলকপনা হেনখিবা থেংনখি। রাজ্য আসিদা ফগৎখিবা ২,৮৬৫কী মায়োক্তা অনৌবা কেস ১,৮১০ থেংনখি। জয়পুরদগী অনৌবা কেস খ্বাইদগী য়াম্না ৩৪৯ থেংনখি, মথংদা কেস ৩০৩গা লোইননা জোধপুর অমসুং অলৱারদগী অনৌবা কেস ১৭৮ থেংনখি।

•          ছত্তিসগর: মেম্বর অহুমগী সেন্ত্রেল তীম অমা কোবিদ-১৯গী ফিভম অসি মায়োক্ননবা লৈরিবা ফেসিলিতীশিং অদু য়েংশিন্নবা ছত্তিসগরদা চৎখ্রে। তীম অসিনা রায়পুরগী গোভর্নমেন্ত মেদিকেল কোলেজ অমসুং হোসপিতাল অমসুং রায়পুর অমসুং দুর্গ জিলাদা লৈবা দিস্ত্রিক্ত হোসপিতালশিং অমসুং কোবিদ কেয়র সেন্তরশিংদসু চৎখি অমসুং সরকারগী প্রপেয়র্দনেস অদুবু য়েংশিনখি। ছত্তিসগরদা হৌজিক্কী ওইনদি এক্তিব কেস ২৫,৭৯৫ লৈরি।

•          কেরলা: রাজ্য অসিনা কোবিদকী লাইচৎ অসিদগী থোক্লকপা ইকোনোমিক খ্রাইসিস অদুনা মরম ওইরগা য়াম্লবা ফিস্কেল দিফিসিৎ মায়োক্নরি। হন্দক্কী ফাইনান্সিয়েল য়িয়রগী অহানবা ক্বর্তরগীদমক্তা তৌখিবা ইভাল্যুৱেশন অদুগী মনুংদা, রাজ্য অসিগী ফিস্কেল দিফিসিৎ অসি চাদা ১১২.৯দা লৈরে হায়বসি খঙবা ঙমখি, মসি চাউরাক্না করোর ১০,৫৭৮কী ময়া নক্না ওইখি। মরক অসিদা, রাজ্য সরকার দা য়াম্না চাউনা খুদোংচাদবা অমদা, স্প্রিংক্লর দীল য়েংশিন্নবা শিন্নখিবা মেম্বর অনিগী কমিশন অদুদা অশোইবা থেংনখি। রিপোর্ত আদুনা হায় মুখ্য মন্ত্রীগী হান্নগী প্রিন্সিপাল সেক্রেতরীনা দীল অসিবু ৱারোইশিন পুরকপদা য়াম্না চানদনা থুজিনখি, মসিদা কোবিদ-১৯গী পেসেন্তশিংগী অকুপ্পা মরোল অদু স্প্রিংক্লর ইঙ্কতা ত্রান্সফর তৌখি।

•          তামিল নাদু: পুদুচেরীগী য়ুনিয়ন তেরিতোরীদা কোবিদ-১৯ ইনফেক্সনগী ফেতেলিতী রেত অসি ২% হনেখ্রে, মসি লৈবাক অসিগী চাংচৎ ১.৬%দগী য়াম্না হেনখি। চেন্নাইদা মেত্রো ত্রেনশিং অমসুং স্তেশনশিং অদু য়াম্না কনবা কেমিকেলশিং অদুদগী স্তাফপু ঙাকথোক্নবা স্তেন্দার্দ দিসিনফেক্তেন্তকী মহুত্তা হৌজিক্তি এক্বস-স্তেবিলাজদ ওজোন্না দিসইনফেক্ত তৌখ্রে। রেলৱেনা কুম্হৈগী পন্থা অসিদা চৎথোক-চৎশিন তৌবদা কোম্নবা মদগাওন, এর্নাকুলম জঙ্কশন, থিরুনাৱান্থাপুরম সেন্ত্রেল অমসুং নাগরকোইল তাউন ফাওদুনা গান্ধিথাম অমসুং তিরুনেলভেলিগী মরক্তা ফেস্তিভল স্পেসিয়েল সুপরফাসত ত্রেন সার্বিস লাউথোকখ্রে। থংন-থংননা নুমিৎ মরিনি শুবা ওইনা, তামিল নাদুদা য়ুমশকৈশা নুমিত্তা ভাইরস অসিগীদমক্তা মীওই ৩,০৮৬ পোজিতিব ওইখিবগা লোইননা কোবিদ-১৯ কেস ৪,০০০দগী তানা থেংনখি। রাজ্য অসিদা ৩৯ শিখিবগীসু পাউ লৈখি।

•          কর্নাতকা: কর্নাতকানা ঙরাং নোংমা খক্তদা লেব ১৫৫দা কোবিদ তেস্ত ১,০৮,২৪১ পাংথোকখি, হৌজিক ফাওবদা ৫.৪২%গি পোজিতিব ওইবগী চাংগা লোইননা তেস্ত ৬৯,৫২,৮৩৫ পাংথোকখি। এক্তিব কেস ১,০০,৪৪০গী মনুংদা পেসেন্ত ৯৪৭, হায়বদি কেস ০.৯৪% আই.সি.য়ু.দা লাইয়েংলি। রাজ্যগী কেস ফেতেলিতী রেত অসি ১.৪৯%দা লৈরি হায়না হকশেল অমসুং য়াইফ-য়ুম্বালগী মন্ত্রী, দা. কে.সুধাকরনা মহাক্কী ত্বীত্তা হায়খি।

•          অন্ধ্র প্রদেশ: রাজ্যগী এজুউকেশন মন্ত্রী, অদিমুলাপু সুরেশনা অমুক্কসু হন্না হায়খি মদুদি স্কুল অদু চেকশিন-থৌরাং পুম্নমক লৌখত্তুনা নোবেম্বর ২দগী হৌরগনি। মহাক্না হায়খি গ্রেদ ১,৩,৫,৭,৯গীদমক্তা ক্লাসশিং অদু নুমিৎ অমদা তৌরগনি অমসুং ২,৪,৬,৮,১০গীদমক্তা ক্লাসশিং অদুনা অতোপ্পা নুমিৎ অমদা তৌরগনি, হায়রিবশিং অসি ওদ-ইভন বেসিসতা পাংথোক্কনি। ওজাশিং অদু স্কুলশিংদা কোবিদকা চুনগদবা লিচৎ-শাজৎ অমসুং  প্রোতোকোলশিং অদু চৎনহন্নবা অমসুং য়েংশিন্নবা দি.এম.ঐচ.ও.গী খুত্থাংদা ত্রেন তৌখ্রে হায়না মন্ত্রী অসিনা হায়খি।

•          তেলঙ্গনা: তেলঙ্গনাদা হৌখিবা পুং ২৪দা অনৌবা কেস ১৪৫৬ লৈখি, ১৭১৭ ফগৎখি অমসুং ৫ শিখি; কেস ১৪৫৬কী মনুংদা জি.ঐচ.এম.সি.দগী কেস ২৫৪ থেংনখি। অপুনবা কেসশিং: ২,২৭,৫৮০; এক্তিব কেসশিং: ২০,১৮৩; শিখিবশিং: ১২৯২; দিসচার্জ তৌখিবশিং: ২,০৬,১০৫। তেলঙ্গনাগী হান্নগী মন্ত্রী, নায়িনিনরসিম্হা রেদ্দী, পোস্ত কোবিদ কমপ্লিকেশন্না মরম ওইরগা লৈখিদ্রে।

•          অসাম: অসামদা ঙরাং কোবিদ-১৯গীদমক্তা তেস্ত তৌবদা মীওই ৭০১ অমুক পোজিতিব ওইবা থেংনখ্রে অমসুং পেসেন্ত ১৬৬৪না দিসচার্জ তৌখ্রে। অপুনবা কেস মশিং ২০২৭৭৪দা হেনগৎখ্রে, ১৭৬০৭৫ দিসচার্জ তৌখ্রে অমসুং ৮৮৯ লৈখিদ্রে।

•          মঘালয়া: মঘালয়াগী রাজ্য অসিদা ঙসি কোবিদ-১৯দগী পেসেন্ত ১৭৭ ফগৎখি। এক্তিব কেসশিংগী অপুনবা মশিং ১৮৭০নি অমসুং ফগৎখিবশিংগী অপুনবা মশিংনা ৬৬৭৪নি।

•          নাগালেন্দ: নাগালেন্দগী কোবিদ-১৯গী কেস অসি ৮১৩৯ শুখ্রে, ৩৬১৩দি আর্মদ পার্সোনেলদগীনি, ২৫১২না ত্রেস তৌখিবা কন্তেক্তশিংদগীনি, ১৬১৭না হল্লকখিবশিংদগীনি অমসুং ফ্রন্তলাইন ৱার্করশিংদগী ৩৯৭ ওইখি।

•          সিক্কিম: সিক্কিমদা, কোবিদ-১৯গীদমক্তা তেস্ত তৌবদা মীওই ৪৯ অমুক পোজিতিব ওইখ্রে, এক্তিব কেস ২৫২ লৈরি অমসুং পুন্না ৩৩২৮ দিসচার্জ তৌখ্রে।

ফেক্ত চেক

*****