প্রধানমন্ত্রীগী লোইশঙ
প্রধান মন্ত্রীনা দাঃ বালাসাহেব ভিখলে পাতিলগী মশানা ইজবা মশাগী ৱারী ফোঙলগনি অমসুং মহাকপু ইকায় খুম্নবা ওইনা প্রবারা রুরেল এজুকেসন সোসাইতীসু মিং ওল্লগনি
प्रविष्टि तिथि:
12 OCT 2020 7:35PM by PIB Imphal
প্রধান মন্ত্রী শ্রী নরেন্দ্র মোদীনা ওক্তোবর ১৩গী অয়ুক্কী পুং ১১দা ভিদিও কনফরেন্সিংগী খুত্থাংদা দাঃ বালাসাহেব ভিখলে পাতিলগী মশানা ইজবা মশাগী ৱারী ফোঙলগনি অমসুং মহাকপু ইকায় খুম্নবা ওইনা প্রবারা রুরেল এজুকেসন সোসাইতী অসিবু ‘লোকনেতে দাঃ বালাসাহেব ভিখলে পাতিল প্রবারা রুরেল এজুকেসন সোসাইতী’ হায়না মিং ওল্লগনি।
দাঃ বালাসাহেব ভিখলে পাতিলনা লোক সভাগী মেম্বর ওইনা কয়ারক সেবা তৌরমখি। লেম্লবা থবক অমগীদমক্তা মীওই অমগী পুন্সি কত্থোকপা হায়বা ‘দেহ ভেচ্বা কারানি’ হায়না মিংথোনবা মহাক্কী মশানা ইজবা মশাগী ৱারী অসিগী মমিং অসি য়াম্না চুননা থোনবা মমিংনি মরমদি মহাক্না মহাক্কী মপুন্সি অসি লৌউ-শিংউবা অমসুং কো-ওপরেতিবকী হীরমশিং য়াওনা তোঙান তোঙানবা লমশিংদা মশক থোকপা থবক কয়া পাঙথোকখিবগী খুত্থাংদা খুন্নাইগী অফবা অমসুং নুংঙাইবা ওইনবা কত্থোকখ্রবনি।
প্রবারা রুরেল এজুকেসন সোসাইতী অসি ইং ১৯৬৪দা অহমদনগর জিলাগী লোনিদা খুঙ্গংগী মীওইশিংদা মালেমগী থাক্তা লৈবা মহৈ-মশিং তম্বীনবা অমসুং নুপীমচাশিংবু মপাঙ্গল হাপ্পগী পান্দমগা লোয়ননা লিংখৎখিবনি। সোসাইতী অসিনা হৌজিক হৌজিক মহৈ-মশিং তম্বগী, খুন্নাইগী, শেন্মিৎলোনগী, নাৎকী, মহৈরোয়শিংগী হকচাংগী অমসুং ৱাখলগী ফিভম ফগৎহনবগী মরু ওইবা হীরমশিংগী মতাংদা থবক তৌরি।
****
(रिलीज़ आईडी: 1663850)
आगंतुक पटल : 176
इस विज्ञप्ति को इन भाषाओं में पढ़ें:
Telugu
,
English
,
Urdu
,
Marathi
,
हिन्दी
,
Bengali
,
Assamese
,
Punjabi
,
Gujarati
,
Odia
,
Tamil
,
Kannada
,
Malayalam