दिल्ली-मुंबई, 4  ऑगस्ट 2020

(कोविड-19 संबंधी पत्र सूचना कार्यालयाद्वारे जारी बातम्‍या आणि सत्‍यता पडताळणी बातम्‍या समाविष्‍ट)

अयोध्येत उद्या श्रीराम जन्मभूमी मंदिराचा शिलान्यास होणार असून, पंतप्रधान नरेंद्र मोदी या कार्यक्रमाला उपस्थित राहणार आहेत.

या कार्यक्रमाआधी, हनुमानगढी येथे होणारी पूजा आणि दर्शन सोहळ्यालाही पंतप्रधान उपस्थित राहणार आहेत. त्यानंतर ते रामजन्मभूमीस्थळी जातील, तिथे ते ‘भगवान श्री रामलला विराजमान’इथे होणारी पूजा आणि दर्शनात देखील सहभागी होतील. त्यानंतर ते पारिजातकाचं रोप लावतील आणि नंतर त्यांच्या हस्ते भूमीपूजन होईल.

यावेळी पंतप्रधानांच्या हस्ते शिलान्यास होईल. तसेच ‘श्री राम जन्मभूमी मंदिरा’विषयीच्या विशेष टपाल तिकिटाचं प्रकाशन देखील पंतप्रधान करतील.

आरोग्य मंत्रालयाची कोविड-19घडामोडींवरील माहिती :

गेल्या 24 तासांत विक्रमी 6,61,892 नमुन्यांची चाचणी घेण्यात आली. आतापर्यंत एकूण 2,08,64,750 नमुन्यांची चाचणी करण्यात आली आहे.  प्रति दहा लाख लोकसंख्येमागे 15,119 नमुन्यांची चाचणी करण्यात येत आहे. 28 राज्ये/केंद्रशासित प्रदेशांत दररोज दर दशलक्ष लोकसंख्येमागे 140 पेक्षा जास्त कोविड19 तपासण्या करण्यात येत आहेत.

कोविडचे एकूण 12,30,509 रुग्ण बरे झाले असून देशात बरे झालेल्या रुग्णांची संख्या सक्रिय रुग्णांपेक्षा दुप्पट आहे. गेल्या 24 तासात 44,306 रुग्ण बरे झाले आहेत. यामुळे रुग्ण बरे होण्याचा दर66.31 टक्के इतका झाला आहे.

आता कोरोनामुक्त झालेल्यांची संख्या, कोरोनावर उपचार घेत असलेल्या रुग्णांच्या संख्येच्या दुप्पट झाली आहे. 25 मार्चच्या पहिल्या लॉकडाऊन पासून विचार करता, कोरोना आजार बळावून रुग्ण मरण पावण्याचे प्रमाण आता सर्वात कमी झाले आहे. कोविड19 साठीची तयारी आणि यासंदर्भातील माहिती यावरील पत्रकार परिषद आज आयोजित करण्यात आली होती, त्यावेळी आरोग्य मंत्रालयाने ही माहीती दिली. अनेक राज्यांनी आर.टी.-पी.सी.आर. आणि जलद अँटिजेन दोन्ही प्रकारची तपासणी क्षमता वाढवली आहे. अनेक राज्यांत तपासण्यांचे प्रमाण, राष्ट्रीय सरासरीपेक्षा जास्त आहे.

देशात कोविड19 वर उपचार घेत असलेल्यांची संख्या आजमितीला 5,86,298 इतकी आहे. तर आजवर 12 लाखांहून अधिक व्यक्ती पूर्णपणे कोरोनामुक्त झाल्या आहेत अशी माहिती आरोग्य सचिवांनी यावेळी दिली. पहिल्या लॉकडाऊनपासून विचार करता, कोरोनामुळे रुग्णाचा मृत्यू ओढवण्याचे प्रमाण, आज प्रथमच सर्वात कमी म्हणजे 2.10% इतके झाले आहे. हे प्रमाण दिवसेंदिवस सातत्याने घटत चालले आहे. हे अत्यंत चांगले लक्षण आहे, असे ते म्हणाले.

आपण 2 कोटींपेक्षा अधिक कोविड19 तपासण्या केल्या आहेत. मोठ्या प्रमाणावर प्रयोगशाळा उभारण्यातही आपण यशस्वी झालो आहोत. काल 6.6 लाख  तपासण्या करण्यात आल्या, असे आयसीएमआरचे महासंचालकांनी यावेळी सांगितले. 60,000 व्हेंटिलेटर्सपैकी 50,000 व्हेंटिलेटर्सना  पीएम केअर फंडातून अंदाजे 2,000 कोटी रुपयांचे अर्थसाह्य मिळाले आहे.

इतर अपडेट्स:

• संपूर्ण देशभरामध्ये कोविड-19 महामारीचा झालेला उद्रेक लक्षात घेवून विद्यार्थी वर्गाला शाळेत न जाता घरामध्ये रहावे लागत आहे, त्यामुळे त्यांना पालक आणि शिक्षक यांच्या मदतीने शैक्षणिक उपक्रमाच्या माध्यमातून व्यस्त ठेवण्यासाठी पाऊल उचलण्यात आले आहे. यासाठी मनुष्यबळ विकास मंत्रालयाच्या मार्गदर्शनाखाली तयार करण्यात आलेल्या ‘एनसीईआरटी’च्या उच्च प्राथमिक इयत्तांसाठी आठ आठवड्याच्या वैकल्पिक शैक्षणिक दिनदर्शिकेचे प्रकाशन मनुष्यबळ विकास मंत्री रमेश पोखरियाल ‘निशंक’ यांच्या हस्ते करण्यात आले. यामध्ये प्राथमिक आणि उच्च प्राथमिकपर्यंतच्या मुलांना शिकवता येणार आहे.
• "आत्मनिर्भर भारत मोहिमे"अंतर्गत देशाला संरक्षण सामग्री उत्पादन क्षेत्रात स्वयंपूर्ण होण्याला चालना देण्यासाठी विविध घोषणा जाहीर करण्यात आल्या. या धोरणाची रचना  करण्यासाठी आणि देशाला संरक्षण आणि तसेच  अंतराळ क्षेत्रात जगात आघाडीच्या स्थानी नेण्यासाठी संरक्षण मंत्रालयाने  संरक्षण सामग्री आणि निर्यात विस्तार धोरणाची रचना केली आहे. (डिफेन्स प्राँडक्शन अँड एक्स्पोर्ट प्रमोशन पाँलिसी 2020,DPEPP2020) द डीपीईपीपी 2020 हे संरक्षण मंत्रालयाचे महत्त्वाचे मार्गदर्शक दस्तऐवज असून त्या योगे संरक्षण सामुग्री क्षेत्रात  विशेष ,संरचनात्मक  ,हेतुपूर्ण जोर देत  स्वयंपूर्ण होणे आणि निर्यात वाढवणे ही उद्दिष्टे साकार करण्याचे उद्दिष्ट आहे.
• 600 आयकर अधिकाऱ्यांसह 3,130 आयकर कर्मचारी फेसलेस (ओळखविरहित) ई-मूल्यांकन योजनेच्या अंमलबजावणीत व्यग्र आहेत.फेसलेस मूल्यांकनसाठी निवडलेल्या, 58,319 प्रकरणांपैकी 8,700 प्रकरणांचा आधीच निपटारा करण्यात आला आहे. अर्थमंत्री निर्मला सीतारामन यांनी 2019 च्या अर्थसंकल्पीय भाषणात प्रथम जाहीर केलेली ही योजना म्हणजे पारदर्शक कर प्रशासनाकडे मोठी झेप म्हणून पाहिले जात आहे.
• भारतीय लष्करात महिला अधिकाऱ्यांची स्थायी कमिशनवर नियुक्ती करण्यास केंद्र सरकारने दिलेल्या मंजुरीनुसार, अशा नियुक्तीसाठी पात्र महिला अधिकाऱ्यांची निवड करण्यासाठी, लष्करी मुख्यालयाने कार्यवाही सुरु केली आहे. या निवड प्रक्रीयेसाठी विशेष क्रमांक 5 निवड मंडळ स्थापन करण्याची प्रक्रियाही सुरु करण्यात आली आहे. याच प्रक्रीयेचा भाग म्हणून सर्व महिला अधिकाऱ्यांना, या निवड मंडळाकडे सादर करण्याच्या आवेदनपत्राची सूचनावली पाठवण्यात आली आहे.
• आसाम राज्यासाठी दूरदर्शन आसाम या 24 तास समर्पित वाहिनीचे केंद्रीय माहिती व प्रसारण मंत्री प्रकाश जावडेकर यांनी आज नवी दिल्लीहून व्हिडिओ कॉन्फरन्सिंगद्वारे उद्‌घाटन केले. "ही वाहिनी आसामच्या लोकांसाठी एक भेट असून ही वाहिनी आसाममधल्या सर्व स्तरातील लोकांपर्यंत पोहचेल आणि ती खूप लोकप्रिय होईल”, असा विश्वास जावडेकरांनी यावेळी व्यक्त केला.

महाराष्ट्र अपडेट्स :

371 खाटांच्या कोविड सुविधा केंद्राचे मिरा भाईंदर येथे सोमवारी उदघाटन करण्यात आले.  लॉक डाउन च्या नियमांमध्ये मोठी शिथिलता आणत, सम-विषम नियम बदलून मुंबईतील सर्व दुकने यापुढे सुरू ठेवण्याची परवानगी मुंबई महापालिका प्रशासनाने दिली आहे. तसेच बुधवारपासून मॉल्स आणि व्यापारी संकुले सकाळी 9 ते सायंकाळी 7 या वेळेत सुरू ठेवण्याची परवानगी देण्यात आली आहे. दरम्यान सिनेमागृह, फूड कोर्टस/रेस्टॉरंट बंदच राहतील.

महाराष्ट्रातील कोविड परिस्थिती (सोमवार)

नवीन रुग्ण - 8968

बरे झालेले रुग्ण - 10,221

मृत्यू - 266

सक्रीय रुग्ण - 1,47,018

एकूण रुग्ण - 4,50,196

एकूण बरे झाले रुग्ण - 2,87,030

एकूण मृत्यू - 15,842

BG/ST/PM

सोशल मिडियावर आम्हाला फॉलो करा@PIBMumbai    /PIBMumbai    /pibmumbai  pibmumbai[at]gmail[dot]com