(মসিদা হৌখিবা পুং ২৪ দা থোকখিবা কোবিদ -১৯গা মরী লৈনবা চেফোংশিং, ফিল্দ ওফিসশিংদগী ফংবা পাউশিং, অমসুং পি.আই.বি.না লৌখৎপা ফেক্ত চেকশিং য়াওরি )

ভারতকী অপুনবা ফগৎখ্রবা কেসনা হৌজিক এক্তিব কেসশিংগী শরুক অনি ওইরে; অপুনবা ফগৎখিবশিং লাখ ১২.৩ লানখ্রে; ফগৎপগী চাং ৬৬.৩১%দা হেনগৎখ্রে; কেস ফেতেলিতী রেৎ মখা তানা হন্থরক্তুনা ২.১%দা লৈরে

ঙসি ফাওবদা অপুনবা ফগৎখিবশিং ১২,৩০,৫০৯ শুখিবগা লোয়ননা, ভারতী ফগৎলকখিবা কেসশিংনা এক্তিব কেসকী শরুক অনি ওইরে। হৌখিবা পুং ২৪দা মীওই ৪৪,৩০৬ লায়েংদুনা ফগৎখ্রে। মসিনা কোবিদ-১৯ নাবা মীওইশিংগী মরক্তা ফগৎপগী চাং অসি ৬৬.৩১% য়ৌহনখ্রে। কেন্দ্র অমদু রাজ্য/য়ু.তি. সরকারশিংনা কোবিদ-১৯ লাকশিন্নবা লালোং পুন্না লৌখৎপা অমদি ফ্রন্তলাইন হেল্থ ৱর্ক পুম্নমক্না কত্থোকপগা লোয়ননা হোৎনবনা লেপ্তনা ফগৎলকপশিং ৱাংখৎলকপা ঙম্বনি। এক্তিব কেসশিংনা (৫,৮৬,২৯৮) অপুনবা পোজিতিব কেসশিংগী ৩১.৫৯% ওইতি অমদি মখোয় পুম্নমক লায়েং চত্থরি। মোর্তেলিতী এনালাইসিসকী হৌজিক পীরিবা দেতা অসিনা উৎলি মদুদি শীখিবা ৫০%দি চহি ৬০ শুরবা অমদি মথক্কী কাংলুপ্তা ওইরি; শীখিবা ৩৭%না চহি ৪৫দগী ৬০ ফাওবগী কাংলুপ্তা ওইরি; অদুগা শীখিবা ১১%না ২৬-৪৪গী চহিগী কাংলুপ্তা ওইরি। মসিনা চহি ৪৫গী মথক্তা লৈবা মীইশিং খুদোংথিবা য়াবা কাংলুপ ওইরি অমসুং লৈবাক অসিগী লায়না লাকশিন্নবা লালোংদা মসিগী কাংলুপ অসিদা মীৎয়েং চংলি। জেন্দরদা য়েংলগা য়েন্থোকপদা, শীরিবা মীওইগী ৬৮%না নুপা ওই অমদি ৩২%না নুপী ওইখি।

হৌখিবা পুং ২৪দা ভারত্তা সেম্পল লাখ ৬.৬ হেন্না তেস্ত তৌখি; রাজ্য/য়ু.তি. ২৮ নোঙমদা তেস্ত পর মিলিয়ন ১৪০ হেন্না পাঙথোক্লি; রাজ্য/য়ু.তি. ২৮গী পোজিতি ওইবগী রেৎ অসি ১০%দগী তাথনা লৈরি

হৌখিবা পুং ২৪দা মশক থোকনিংঙাই ওইবা থৌওং অমদা কোবিদ-১৯ সেম্পল ৬,৬১,৮৯২ হেন্না তেস্ত তৌখ্রে। মসিনা অপুনবা তেস্ত তৌবগী সেম্পল মশিং অসি ২,০৮,৬৪,৭৫০ য়ৌহল্লে অমসুং তেস্ত পর মিলিয়ন (তি.পি.এম.)না ১৫,১১৯দা লৈহল্লে। ভারতনা চাংচত্তা তেস্ত পর মিলিয়ন ৪৭৯ পাঙথোকপা মতমদা ভারতকী রাজ্য/য়ু.তি. ২৮দি দবল্যু.ঐচ.ও.গী কাংলোনগী মতুং ইন্না নোঙ্মদা তেস্ত পর মিলিয়ন ১৪০ হেন্না পাঙথোক্লি।  হৌজিক ভারতকী রাজ্য/য়ু.তি. ২৮গী পোজিতি ওইবগী রেৎ অসি ১০%দগী তাথনা লৈরি অমসুং মসিনা তাকপদি চত্থরিবা থৌরাংশিং অসি মায় পাক্লে হায়বনি। কেন্দ্র অমসুং রাজ্য/য়ু.তি.সরকারগী হৌজিক্কী ওইবা মরু ওইবা পান্দমদি পোজিতিব ওইবগী চাং অসি ৫%দা হন্থহল্লকপনি। নোঙমদা তেস্ত মশিং লাখ ১০ তেস্ত তৌবা ঙম্নবা লৈবাক অসিগী তেস্ত তৌবা ঙম্বগী চাং অসি হেনগৎহন্নবা লেপ্তনা হোৎনরি। লৈবাক অসিদা লৈরিবা তেস্ত তৌনবা লেবসু সরকারগী লেব ৯১৭ অমসুং প্রাইবেৎ লেব ৪৩৯ শুরবগা লোইননা লৈবাক অসিদা অপুনবা ওইনা ১৩৫৬ শুদুনা মপাঙ্গল কনখৎলক্লি।

অসমনা মশাগী ২৪/৭ ওইবা দুরদর্শন চেনেল লৈখ্রে

কেন্দ্রগী ইনফোর্মেসন এন্দ বোর্দকাস্তিং মন্ত্রী শ্রী প্রকাশ জাবদেকরনা ন্যু দিল্লিদগী ঙসি ভিদিও কনফরেন্সকী থোংদা পুং ২৪ শন্দোক্কদবা রাজ্য অসিগী দুরদর্শন অসম হৌদোকখ্রে। থৌরম অসিদা ৱা ঙাংলদুনা মন্ত্রী অসিনা হায় “ চেনেল অসি অসম মীয়ামদা তম্বা খুদোল অমনি অমসুং চেনেল অসিনা অসমগী মীয়াম পুম্নমক্তা য়ৌহনগনি অমসুং য়াম্না পাম্নগনি।” আই.বি. মন্ত্রালয়গী সেক্রেতরী শ্রী অমিৎ খরেনা ন্যু দিল্লিগী দুরদর্শন কেন্দ্রদগী ৱা ঙাংলদুনা হায় মমাং চহিদা প্রধান মন্ত্রীনা দি দি অরুন প্রভা লোঞ্চ তৌখিবদগী হৌনা মন্ত্রালয় অসিনা দি দি নোর্থ ইস্ত অসিদগী অসম খক্তগী ওইবা অনৌবা চেনেল অমা হৌদোক্নবা খন্নখি। শ্রী খরেনা হায় অসম অসি অৱাং-নোংপোক্কী গেৎৱে ওইরি অমদি অৱাং নোংপোক অসিনা অসিয়ন লৈবাকশিং গেৎৱে ওইরি, মখা তারদুনা মহাক্না হায় রাজ্য অসিনা ভারত অমদি অসিয়নগী মরক্তা অচৌবা মরী অমা থম্বা ঙমহনগনি। সেক্রেতরীনা হায় “দি দি অসমনা লমদম অসিদা লৈরিবা হৌগৎলক্লিবা তেলেন্তকী অনৌবা ফমপাক অমা পীরগনি অমসুং লেমহৌরিবা ভারত অসি অৱাং-নোংপোক্কা নকশিলহল্লগনি অমসুং অৱাং-নোংপোক্কী তেলেন্ত অসি ভারত পুম্বদা উৎপসু ঙম্লগনি।”হৌজিক ওইরিবা কোবিদ-১৯গী খুদোংথিবা মনুং অসিদা, মতম খরগী ওইবা খোঙথাং অমা ওইনা অৱাং-নোংপোক্কী রাজ্যশিংদগী শন্দোরকপা চেনেলশিংগী অপলিঙ্কিং অসি নুমিৎ চুপ্পা তৌরি। এপ্রিল ২০২০দগী হৌদুনা, দি.দি. নাগালেন্দ, দি.দি. ত্রিপুরা, দি.দি. মনিপুর, দি.দি. মেঘালয়, দি.দি. মিজোরাম অসি অহানবগী ওইনা ২৪x৭গী চেনেলশিং ওইনা অককনবা পুংশিংগী চেনেলশিং ওইনা মশা মশাগী কেন্দ্রশিংগী লৈরিবা অককনবা রিসোর্স পীদুনা দি.দি. ন্যুস/দি.দি. ইন্দিয়ানা শন্দোক্লি। মসিনা চেনেল খুদিংমক ব্লেঙ্ক ওইদনবা অমসুং দি.দি. চেনেল পুম্নমক ২৪x৭ অসি লোকেল ন্যুস/কন্তেন্তশিং অখন্নবা পুংশিংদা শন্দোক্লি অমসুং নেস্নেল ন্যুস মতম অয়াম্বদা শন্দোক্লি।

 অকুপ্পা মরোল

ভারত লান্মীদা নুপী ওফিসারশিং পর্মনেন্ত কমিসন পীবা: এপ্লিকেসনশিং পীশিন্নবা আর্মি হেদক্বাতরনা অকুপ্পা মরোলশিং থোকখ্রে

ভারত লান্মীদা নুপী ওফিসারশিংদা পর্মনেন্ত কমিসন(পি সি)পীনবা সরকারদগী অয়াবা চেরোল ফংবদগী মখা তারকপা ওইনা পি.সি পীনবা নুপী ওফিসারশিং খন্নবা স্পিসিএল নম্বর ৫ সেলেক্সন বোর্দ অমা ফম্নবা আর্মি হেদক্বাতরনা থৌরাং তৌরে। বোর্দনা খন্ননবা এপ্লিকেসনশিং পীশিননবা নুপী ওফিসারশিংদা চৎন-কাংলোনশিং খঙহনখ্রে। কোবিদকী ফিবম অসিনা থেংনরিবা অথিংবশিং অসিনা মরম ওইদুনা, নুপী ওফিসারশিংদা হায়রিবা চে-চাংশিং য়ৌহন্নবা তোঙান-তোঙানবা পাম্বৈশিং শীজিন্নখি। এপ্লিকেসনশিং ফংলবা অমসুং য়েংশিল্লবা মতুংদা সেলেক্সন বোর্দনা খুদক্তা মতম লেপকনি।

অকুপ্পা মরোল

য়ুনিয়ন ঐস.আর.দি. মিনিস্তরনা এন.সি.ই.আর.তি.গী হপ্তা নিপালগী ওইবা এম.ঐস.আর.দি মিয়েং মখাদা শেমগৎপা অপ্পর প্রাইমারি থাক্কী অখননবা কেলেন্দর অমা ফোংখ্রে

হুমেন রিসোর্স দিবলবমেন্তকী য়ুনিয়ন মিনিস্তর শ্রী রামেশ পোখ্রিয়াল ‘নিশঙ্ক’না অপ্পর প্রাইমারি থাক্কী অল্তর্নেতিব একাদেমিক কেলেন্দর অমা ঙসি ফোংখ্রে। কেলেন্দর অসি এন.সি.ই.আর.তি.না এম.ঐস.আর.দি মিয়েং মখাদা লৈবা অপ্পর প্রাইমারি থাক্কী ছাত্রশিংনা মপা-মমাগা, ওজাশিংগী মতেংগা লোয়ননা কোভিদ-১৯না মরম ওইরদুনা য়ুমদা লৈরিঙৈদা হেননা মহৈ য়ানবা অমা ওইনবা অখননবা কেলেন্দর অসি শেমগৎপনি। থৌরম অদু্দা ৱা ঙাংলদুনা মিনিস্তরনা হায় মদুদি কেলেন্দর অসিনা ঐখোয়গী ছাত্র,ওজা, স্কুলগী প্রিন্সিপাল অমসুং মমা-মপাশিংদা কান্নবা পীগনি লোয়ন-লোননা অমসুং মমা মপাশিংনা ওন-লাইন তিচিং শিজিন্দুনা কোভিদ-১৯গী মনুং অসিদা অফবা মায়কৈরোমদা চংশিনবা ঙমগনি অমসুং য়ুমদা নিংথিনা হোৎনদুনা স্কুলদা তম্বিবা অদুগুম্না ফগৎপা ঙম্লগনি। মহাক্না মখা তানা হায়খি মদুদি কেলেন্দর অসি অপ্পর প্রাইমারি থাক্কী ( ক্লাস ৬দগীনা ৮শুবা) চয়োল মরিগী ওইনা ফোংবনি। মহাক্না মখা তানা হায়খি মদুদি কেলেন্দর অসি ওজাশিংগী ওইবা গাইদলাইন কয়া অমা হায়বদি শানন শাননা, নুঙাইবা মওংদা শেম্লবা শেমতেক্নোলোজিকেল খুলাইশিং অমসুং সোসিএল মেদিয়াদী খুলাইশিং অসিনা তম্লিবশিং, মমা মপাশিং অমসুং ওজাশিংনা ইরাই লাইনা য়ুম্দা শিজিনবা য়াহনগনী।

অকুপ্পা মরোল

 ফিল্দ ওফিসশিংদগী লাকপা ইনপুৎশিং

• মহারাস্ত্রাঃ লোবকাউন কোম্থোকপগী অচৌবা থৌওং অমদা ম্যুনিসিপাল কোর্পোরেসন ওফ গ্রেতর মুম্বাই (এম.সি.জি.এম.)না য়ুমশকৈশা নুমিত্তগী শহরগী মফমশিংদা লৈবা দুকান পুম্নমক হাংবা য়ারগনি হায়খ্রে। মোল অমসুন কৈথেলশিং অয়ুক্কী পুং ৯দগী নুমিদাংগী পুং ৭ ফাওবা হাংবা য়াহনখ্রে। তৌবতবু থীএতর, চানবা মফমশিং অমসুং রেস্তোরেন্তশিংদা থিংখিগনি। শহর অসিদা কোবিদ লায়না শন্দোরকপা অসি তপথরক্লে অমসুং নোঙমদা কেস ১০০০দগী হেন্না তাথনা লাক্লে। রাজ্যসিদা হৌজিক এক্তিব কেস লাখ ১.৪৭ লৈরি।
• গুজরাতঃ অহমেদবাদ ম্যুনিসিপাল কাউন্সিলনা (এ.এম.সি.) মাইক্রো কন্তেনমেন্ত জোন্দা মফম মরি অমগা হাপচিনখ্রে।  হায়রিবা মফমশিং অসিদা ঙসি, লৈবাকপোকপা, নুমিত্তগী হৌদুনা য়ুম্থোং খুদিং চত্তুনা তেস্ত তৌবগী থবক পাঙথোক্কনি। এ.এম.সি. শহর অসিগী অলফা মোল অসি সোসিএল দিস্তেন্সিংগী কাঙলোন ইনদবগী থিংজিনখ্রে। নিংথৌকাবা নুমিত্তা রাজ্যসিদা অনৌবা কেস ১০০৯ অমসুং নাবা ফবা মীওই ৯৭৪ লৈবগী রিপোর্ত লাকখি অমসুং মসিগী তুংদা এক্তিব কেস মশিং ১৪৬১৪ য়ৌখ্রে।
• রাজস্থানঃ রাজ্যসিদা অনৌবা কেস ১১৪৫ লাক্তুনা অপুনবা কেস মশিং ৪৫৫৫৫ য়ৌখ্রে। তৌবতবু এক্তিব কেসকী মশিং অসি ১২৮৭৫নি। রাজ্য সরকারনা অলৱার, বারমের অমসুং বিকানের জিলাদা লোকদাউন থম্বগী থৌরাং য়াৎলি।
• মধ্য প্রদেশঃ রাজ্যসিদা ওফিসিএল য়াওনা পুলিস্কী মীওই ৫৮৮ কোবিদ পোজিতিব ওইখ্রে অমসুং ২০০০মুক্না ক্বারেন্তাইন তৌহনখ্রে। নিংথৌকাবা নুমিত্তা রাজ্যসিদা অনৌবা কেস ৭৫০ লাকখি।
• ছতিসগরঃ আর.তি.-পি.সি.আর.দা য়ুম্ফম ওইবা কোবিদ তেস্ত তৌবগী থৌওং অসি ঙসিদগী অম্বিকাপুর মেদিকেল কোলেজদা চত্থবা হৌখ্রে। অম্বিকাপুর, বিলাসপুর অমসুং রাজনন্দগাওদা লৈবা মেদিকেল কোলেজ অহুমগী নৌনা শাবা অৱাংবা থাক্কী বি.এস.এল.-২ লেবতা আই.সি.এম.আর.না আর.তি.-পি.সি.আর. তেস্ত তৌবগী অয়াবা হন্দক্তা পীখ্রে। রাজ্যসিদা হৌজিক এক্তিব কেস ২৫০৩ লৈরি।
• কেরলাঃ রাজ্যসিদা কোবিদনা মীওই ৩ লৈখিদবদগী অপুনবা মশিং ৮৭ শুখ্রে। সরকারনা কোবিদ থেংনবগী থবক অসি পুলিস্তা শিন্নখিবগী মায়োক্তা হেলথ সেক্তরগী মনুংদা লুপ কয়ানা য়ানিংদবা ফোঙদোকখ্রে। আই.এম.এ., কেরলা সরকারগী মেদিকেল ওফিসারশিংগী এসোসিএসন, হেলথ ইন্সপেক্তরশিংগী য়ুনিয়ন্না ৱারেপ অসিবু য়ানিংদবা ফোঙদোকখি। তাল্লক অসিদা কোবিদ থেংননবা থবক কয়াগী রাজ্যগী থাক্তা লৈবা নোদেল ওফিসার, আই.পি.এস. বিজয় সাখারেনা পুলিসনা লায়না অসি শন্দোকপা থিংনবা শোয়দনা ক্বারেন্তাইন তৌহনবা, হৌরকফম খঙদোকপা অমসুং অচুম্বা পান্দমগা লোয়ননা কন্তেনমেন্ত জোন মশক খঙদোকপনচিংবা থৌওং কয়াগী মতুং ইন্না থেংনগনি হায়খ্রে। ঙরাং রাজ্যসিদা কনফর্ম কেস অনৌবা ৯৬২ লাকখি। হৌজিক অনাবা ১১৪৮৪ লায়েং চত্থরি অমসুং রাজ্য শিনবা থুংনা মীওই লাখ ১.৪৫ অসি য়েংশিন্দুনা থম্লি।
• তামিল নাদুঃ আই.আই.তি.-এম. অমসুং হেলথকেয়র স্তার্ত-অপ অমনা পুন্না অনাবা মোনিতর তৌনবা খুৎলায় পুথোকখ্রে; মমল হোংবা খুৎলাই অসি শহরসিগী অনাবা ২০০০ মোনিতর তৌনবা শিজিন্নবা হৌখ্রে। থবক তৌনবা মীওই ৱাৎপা অমসুং ভাইরস লিবদগী মীয়াম্না মপান্দা চাক চাবা থোক্নদ্রে অমসুং শহর অসিগী হোতেলগী শরুক ২০ খক্তনা কস্তমর চংহল্লি। কোবিদ পোজিতিব ওইবগী চাং অসি কোইম্বাতোরদা ৮.৩৮%দা হেনগৎলে অমসুং মসিগী মশিং হেনগৎলকপা অসি অনৌবা হোৎ-স্পোৎ থোক্লকপদগীনি। ঙরাং অনৌবা কেস ৫৬০৯, নাবা ফবা ৫৮০০ অমসুং লৈখিদবা ১০৯গী পাউ লাকখি। অপুনবা কেস-২৬৩২২২, এক্তিব কেস-৫৬৬৯৮ অমসুং লৈখিদবা-৪২৪১।
• করনাতকাঃ বি.এস. য়েদিয়ুরপ্পা কোবিদ-১৯ পোজিতিব ওইখ্রবা তুংদা রাজ্যসিগী হান্নগী সি.এম. সিদারামৈয়াসু পোজিতিব ওইখ্রে। অথুবা মতমদা কোর্তপু নীংথিনা মথৌ তৌহনবদা অৱাবা ওইগনি হায়না করনাতকা ঐচ.সি.না হায়খ্রে। করনাতকা ঐচ.সি.না নিংথৌকাবা নুমিত্তা আরোগ্য সেতু তৌদবা মীওইশিংদা সেবা ফংহনগনি ফংহল্লোই হায়বগী মতাংদা কেন্দ্র অমসুং রাজ্য সরকারদা ৱাফম খরা হঙখ্রে। এক্তিব কেস য়াম্না লৈবগী মনুংদা রাজ্যসিনা অহুমশুবা থাক্তা লোইরে; রাজ্যসিগী রিকোবরী রেৎসু ৪২.৮১%দগী ৪৪.৭৮%দা হেনগৎলক্লে। ঙরাং অনৌবা কেস ৪৭৫২, দিসচার্জ তৌখিবা ৪৭৭৬ অমসুং লৈখিদবা ৯৮গী পাউ লাকখি। অপুনবা কেস ১৩৯৫৭১, এক্তিব কেস ৭৪৪৬৯ অমসুং লৈখিদবা ২৫৯৪ শুরে।
• আন্ধ্র প্রদেশঃ কোরোনানা অৱাবা তাহল্লবা ইমুং মনুংদা তেংবাংনবা রাজ্যনা অয়াবা পীখ্রে। লায়না অসিদগী লৈখিদবা মীওইশিংগী মথৌ-মঙম পাঙথোক্নবা অমসুং প্লাস্মা পীরকপা মীওইশিংদা লুপা ১৫০০০গী তেংবাং পীনবা কল্লেক্তরশিংদা খঙহনখ্রে। কেন্দ্র সরকারনা অনন্তপুর জিলাগী কল্লেক্তরবু লায়না অসি লাকশিন্নবা থবক পায়খৎপগী থাগৎপা ফোঙদোকখ্রে। ঙরাং অনৌবা কেস ৭৮২২, দিসচার্জ ৫৭৮৬ অমসুং মীওই ৬৩ লৈখিদবগী পাউ লাকখি। অপুনবা কেস-১৬৬৫৮৬, এক্তিব কেস-৭৬৩৭৭ অমসুং লৈখিদবা ১৫৩৭ শুরে।
• তেলঙ্গানাঃ সেন্তর ফোর সেল্ল্যুলার অমসুং মোলিক্যুলার বাইওলোজী (সি.সি.এম.বি.), হায়দ্রবাদনা হোল জীনোম সিক্বেন্স ৪০০ দিকোদ তৌদুনা সারস-কোভ-২ (কোরোনাভাইরস)কী দেতাবেজতা পীশিনখ্রে। জি.আই.এস.এ.আই.দি.দা ভারত্তগী পীশিনখিবা জীনোম সিক্বেন্স ২০০০গী মনুংদা অয়াম্বদি সি.সি.এম.বি.দগীনি। ঙরাং অনৌবা কেস ১২৮৬, দিসচার্জ ১০৬৬ অমসুং মীওই ১২ লৈখিদবগী পাউ লাকখি অমসুং মসিগী মনুংদা অনৌবা কেস ৩৯১দি জি.ঐচ.এম.সি.দগীনি। অপুনবা কেস-৬৮৯৪৬, এক্তিব কেস-১৮৭০৮ অমসুং লৈখিদবা ৫৬৩ অমসুং নাবা ফরবা ৪৯৭৬৫ শুরে।
• মনিপুরঃ রাজ্যগী হকশেল অমসুং য়াইফ য়ুম্বাল মন্ত্রী শ্রী কিপগেন নেমচানা কাংপোকপিগী লৈকোপ্তা লৈবা দাইত সেন্তরদা কোবিদ কেয়র সেন্তর শঙ্গাখ্রে। রাজ্যসিগী জেনিমস হোস্পিতালগী ওথোরিতীনা মখোয়গী হেলথ কেয়রগী থৌমীশিংদা মতিক চাবা পি.পি.ই., এন.৯৫ মাস্ক, ফেস শিল্দ অমসুং হেন্দ সেনিতাইজর পীদুনা শোয়বদগী লায়না অসি নাদনবা থবক পায়খৎখ্রে।
• মিজোরমঃ ঙসি তুরিজমগী মন্ত্রী (আই.সি.) শ্রী প্রহলাদ সিংহ পতেলনা মতম কুইনদগী ঙাইরক্লবা “থেঞ্জাউল গোলস রিজোর্ত” শঙ্গাখ্রে। প্রোজেক্ত অসি স্বদেশ দর্শন স্কিমগী মখাদা পায়খপনি।
• নাগালেন্দঃ ঙসি রাজ্যসিদা অনৌবা কনফর্ম কেস ২৭৬ লাকখি। মসিগী মনুংদগী ১৮৭তি দিমাপুরদগীনি অমসুং ৮৯না মোনদগীনি।
• সিক্কিমঃ রাজ্যসিদা ঙসি কোবিদ-১৯গী অনৌবা কেস ৯৫ লাকখি। রাজ্যসিগী অপুনবা এক্তিব কেস মশিং ৪৭৩ লৈরি। অপুনবা কেস মশিং অসি মীওই ১ লৈখিদবা য়াওরগা ৭৬১নি। হৌজিক ফাওবদা অপুনবা তেস্ত ২৮০৮৯ পাঙথোকখ্রে।

*********