(মসিদা হৌখিবা পুং ২৪ দা থোকখিবা কোবিদ -১৯গা মরী লৈনবা চেফোংশিং, ফিল্দ ওফিসশিংদগী ফংবা পাউশিং, অমসুং পি.আই.বি.না লৌখৎপা ফেক্ত চেকশিং য়াওরি )

• দবল্যু.ঐচ.ও.গী রিপোর্তনা ভারতনা মীওই লাখ অমগী মনুংদা খ্বাইদগী নেম্বা শিবগী চাং লৈ হায়রি
• হৌখিবা পুং ২৪দা নাবা ফরকপা ১০,৯৯৪ য়াওনা অনাবা ২,৪৮,১৮৯ নাবা ফদুনা কোবিদ-১৯গদী রিকোবরী তৌবগী রেৎ অসি ৫৬.৩৮% ওইরে
• হৌজিক হোউজিক কোবিদ-১৯গী এক্তিব কেস ১,৭৮,০১৪ লৈরি
• ‘মেদ-ইন-ইন্দিয়া’ ভেন্তিলেতর ৫০০০০ শানবা পি.এম. কেয়র্স ফন্দ ত্রস্তনা লুপা করোর ২০০০ খাক্তুনা থম্লে; মাইগ্রেন্ত শিন্মীশিংগী য়াইফ য়ুম্বালগীদমক লুপা কোতি ১০০০ থাদখ্রে
• ইকোনোমিক এক্তিবিতী হেনগৎলকপনা ইকোনোমিক ইন্দিকেতরশিংগী ফিভম ফগৎহল্লক্লে
• কোরোনাগী লায়চৎসিনা মরম ওইদুনা ভারতকী মুস্লিমশিং হজতা চৎলরোয়
• হকশেল মন্ত্রীনা ওরিশা অমসুং পঞ্জাবনা কোবিদ-১৯ থেংননবা অচুম্বা লাল্লোং শিজিন্নরি হায়খ্রে

হকশেল অমসুং য়াইফ য়ুম্বাল মন্ত্রাল্যগী কোবিদ-১৯গী অপদেৎঃমালেমগী ওইনা মীওই লাখ খুদিংগী মী শিবগী চাং খ্বাইদগী নেম্বশিংগী মরক্তা ভারতসু ওইরি

মীওই লাখ খুদিংগী মী শিবগী চাং খ্বাইদগী নেম্বশিংগী মরক্তা ভারত অমা ওইরি হায়না জুন ২২, ২০২০দা ফোঙখিবা দবল্যু.ঐচ.ও.গী সিচুএসন রিপোর্ত ১৫৪দা উৎলি‍। ভারতকী ওইনা মীওই লাখ খুদিংদা মী শিবগী চাং অসি ১.০০ ওইরি অদুগা মালেমগী ওইবা চাংদি মসিদগী শরুক তরুক ওইদুনা ৬.০৪দা লৈরি‍। য়ু. কে.দা মীওই লাখ খুদিংগী কোবিদ-১৯গা মরী লৈনননা শিবা মীশিং ৬৩.১৩নি অদুগা স্পেন, ইতালী অমদি য়ু. এস.কীনা মথংশিৎনা ৬০.৬০, ৫৭.১৯ অমদি ৩৬.৩০ ওইরি‍।

অনাবা ফগৎলকপগী চাংসু ফীভম অসুম অসুম ফগৎলক্লি‍। ঙসিফাওবদা কোবিদ-১৯ অনাবা মীশিংগী চাদা ৫৬.৩৮ ফখ্রে‍। হৌজিকফাওবদা অনাবা মীওই ২,৪৮,১৮৯ কোবিদ-১৯দগী ফখ্রে‍। হৌখিবা পুং ২৪সিদা পুন্না কোবিদ-১৯ নাবা মীওই ১০,৯৯৪ ফখ্রে‍। হৌজিক্কী ওইনা এক্তিভ কেস ১,৭৮,০১৪ লৈরি অমদি মখোয় পুম্নমক চেকশিন্না লায়েংদুনা থম্লি ‍। লৈঙাক্কী লেব মশীং ৭২৬ অমদি লনাইগী লেবনা ২৬৬ ওইদুনা পুন্না ৯৯২ লৈরে‍।

অকুপ্পা মরোলগীদমকঃ https://www.pib.gov.in/PressReleseDetail.aspx?PRID=1633577

পি.এম. কেয়র্স ফন্দগী মখাদা ভারত্তা শাবা ভেন্তিলেতর ৫০,০০০না কোবিদ-১৯ থেংনগনি

রাজ্যশিং/য়ু.তি.শিংদা লৈরিবা সরকারগী কোবিদ হোস্পিতালশিংদা পীনবা ‘মেদ-ইন-ইন্দিয়া’ ভেন্তিলেতর ৫০০০০ শানবা পি.এম. কেয়র্স ফন্দ ত্রস্তনা লুপা করোর ২০০০ খাক্তুনা থম্লে। মখা তানা, শিন্মীশিংগী য়াইফনবা থবক পায়খৎনবা লুপা করোর ১০০০ খাক্তুনা থম্লে। ভেন্তিলেতর ৫০০০০গী মনুংদা, ভেন্তিলেতর ৩০০০০ এম./এস. ভারত ইলেকত্রোনিক্স লিমিতেৎনা শাগনি। লেমহৌরিবা ভেন্তিলেতর ২০০০০না অগভা হেল্থকেয়র, এমতিজ বেসিক (৫৬৬০), এমতিজ হাই এন্দ (৪০০০) অমসুং এল্লাইদ মেদিকেল (৪৫০)না শাগনি। হৌজিক ফাওবদা ভেন্তিলেতর ২৯২৩ শাখ্রে অমসুং মসিগী মনুংদা ভেন্তিলেতর ১৩৪০ রাজ্যশিং/য়ু.তি.শিংদা য়েন্থোকখ্রে। ভেন্তিলেতরশিং ফংখিবা রাজ্যশিংদি মহারাস্ত্রা (২৭৫), দিল্লী (২৭৫), গুজরাত (১৭৫), বিহার (১০০), কর্নাতক (৯০), রাজস্থান (৭৫)নি। ২০২০গী জুন থা লোইরকপদা অহেনবা ভেন্তিলেতর ১৪,০০০ রাজ্যশিং/য়ু.তি.শিংদা য়েন্থোক্কনি।

অকুপ্পা মরোলগীদমকঃ https://www.pib.gov.in/PressReleseDetail.aspx?PRID=1633516

ওরিশাদা খুন্নাইনা শরুক য়াদুনা অমসুং দিজিতেলগী খোংথাং কয়ানা কোবিদ-১৯গা হকথেংননা লান্থেংনবা

ওরিশানা কোবিদকা মায়োক্ননবা আই.তি. মফম চানা শিজিন্নবা, মফম মফমশিংগী সর্পঞ্চশিংবু মপাঙ্গল হাপ্পা, খুন্নাইনা শরুক য়াহনবগী খুত্থাংদা হৈ-শিংলবা হেলথকেয়রগী কাংবু শেমগৎপা অমসুং অশোয় অঙাম নংবা য়াবা কাংলুপশিংবু ঙাক শেনবদা মীৎয়েং চংবা থবক থৌরম কয়া অমা চত্থরক্লি। মসিনা লায়না অসিদগী মীওই লৈতবগী মশিং হন্থহন্দুনা কান্নবা কয়া পীরি। মরু ওইবা থবকশিংগী মনুং চনবশিংদি- কুইনদগী নারকপা লায়না লৈবা মীওইশিং অমসুং অহলশিংদা সচেতাক এপকী খুত্থাংদা তেংবাংবা, সর্পঞ্চশিংবু মপাঙ্গল হাপ্তুনা নিংথিনা য়েংশিনবা ঙমহনবা, তেলেমেদিসিন সর্বিস ফংহনবা অমসুং মেদিকেলগী মীওইশিংগী তৌবা ঙম্বা হেনগৎহনবনি।

অকুপ্পা মরোলগীদমকঃ https://pib.gov.in/PressReleasePage.aspx?PRID=1633657

লাকশিন্নবদা চেৎশিনবা অমসুং কো-মোর্বিলিতী য়েংশিনবদা মীৎয়েং চংবনা পঞ্জাবতা কোবিদ-১৯গী অনাবশিং ফগৎহনবদা মতেং ওইরি;

পঞ্জাবনা ভাইরস শন্দোকপা লাকশিনবদা খোংজেল য়াংবা উবা ফঙলে। স্তেৎ অসিগী ফগৎপগী চাং লেপ্পা লৈতনা ৱাংখৎলক্লি। পঞ্জাবকী তোঙান তোঙানবা মখলগী ললোংগী মরু ওইরিবা অসি কন্তেনমেন্ত জোনশিংদগী রিস্ক ৱাংবা/নারকপা য়াবা মীশিং সরকসরগী ক্বারন্তিনদা থম্বা অসিনি। পঞ্জাবনা লাকশিন্ননবা অকনবা ললোং অমা লৌখৎখি। কন্তেনমেন্ত জোনশিং অসি লম্বী অমা নত্রগা থংনবা লম্বী অনি, লৈকাই অমা নত্রগা রেসিদেন্সিএল সোসাইতী অমা ওইনা ময়েক শেংনা খাইদোকই।হৌজিক ফাওবদা মীশিং ২৫০০০রোম লৈবা জিলা ৮দা কন্তেনমেন্ত জোন ১৯ লীংখৎখ্রে।“ঘর ঘর নিগ্রানি” অসি পঞ্জাব সরকারনা পুথোকখিবা কোবিদ-১৯ শন্দোকপা য়েংশিন্নবা মোবাইল বেজ- এপ অমনি। য়ুম অমদগী য়ুম অমদা পাংথোকপা সর্ভে অসি আশা ৱার্কশিং/কম্ম্যুনিতি ভোলুন্তিয়রশিংগী মতেংনা ঙন্না খঙদোক্নবা অমসুং মতম চানা তেস্ত তৌনবা পাংথোক্লি। প্ঞ্জাবনা তেস্ত তৌবগী চাং হেনগৎহনখ্রে; হৌজিক নোংমদা ৮০০০ তেস্ত তৌরি।

অকুপ্পা মরোলগীদমকঃ https://www.pib.gov.in/PressReleseDetail.aspx?PRID=1633415

পতাঞ্জলি অয়ুর্বেদনা কোবিদ-১৯ লায়েংবা ঙম্লে হায়বা ৱাফমগী মতাংদা আয়ুশ মন্ত্রালয়গী ৱারোল

পতাঞ্জলি অয়ুর্বেদ লিমিতেদ, হরিদ্বারনা পুথোকপা অয়ুর্বেদকী হিদাক্না কোবিদ-১৯ লায়েংবা ঙম্লে হায়দুনা মীদিয়াদা পাউদমল্কলিবা অসি আয়ুশ মন্ত্রালয়নসু তারে। হায়রিবা ক্লেম অসিগী অকুপ্পা ৱারোলশিং অমসুং সাইন্তিফিক স্তদী তৌখিবগী অকুপ্পা মরোল অমত্তা মন্ত্রালয়না তাখিদ্রি। কম্পেনী অসিদা অসিগুম্বা হিদাক্কী এদবর্তিজমেন্ত তৌবা অসি দ্রগ এন্দ মেজিক রেমেদিজ (ওবজেক্সনেবল এদবর্তিজমেন্ত) এক্ত, ১৯৫৪ অমসুং মসিগী মনুং চনবা কাংলোনশিংগী মনুং চল্লি হায়বা খংহনখ্রে। আয়ুশকী থৌওং নত্ত্রগা হিদাক শিজিন্নদুনা কোবিদ-১৯গী মতাংদা চত্থগদবা রিসর্চ স্তদীজ করম্বা মওংদা অমসুং মসিদা চংগদবা তঙাইফদবশিংগী হীরমদা মন্ত্রালয় অসিনা গেজেৎ অমসু ফোংখ্রবনি। হায়রিবা পাউ উমসুং ক্লেম অসিগী অচুম্বশিং অসি মন্ত্রালয়দা খংহন্নবা হায়দুনা পতাঞ্জলি অয়ুর্বেদ লিমিতেদতা থুবা মতমদা কোবিদ লায়েংবা ঙম্মি হায়রিবা হিদাক অসি শাবদা চংবা মচলগী মমিং অমসুং কম্পোজিসন; রিসর্চ স্তদী পাংথোকখিবা মফম/হোস্পিতালগী মমিং; প্রোতোকোল, সেম্পল সাইজ, ইন্সতিত্যুস্নেল ইথিক্স কম্মিত্তী ক্লিয়ারেন্স, সি.তি.আর.আই. রেজিস্ত্রেসন অমসুং স্তদী অসিগী রিজল্ত দেতা পীরক্নবা খংহনখ্রে। লোয়ননা হীরমশিং অসি নিংথিনা য়েংশিন্দ্রিবা ফাওবা অসিগুম্বা ক্লেম নত্ত্রগা এদবর্তিজমেন্ত অসি লেপ্নবসু খংহনখ্রে।

অকুপ্পা মরোলগীদমকঃ https://www.pib.gov.in/PressReleseDetail.aspx?PRID=1633690

ইকোনোমিক এক্তিবিতী হেনগৎলকপা – ইকোনোমিক ইন্দিকেতরশিংগী ফিভম ফগৎলকপা

থৱায় ময়াম কন্ননবগী তঙাইফদবা ফীভম্না লমজিংদুনা – ‘জান হে তো জহান হে’, ভারতনা লৈবাকসিদা কোবিদ-১৯ হৌগৎলকপা মতমদা লাইচৎ অসি শন্দোরকপা থিংননবগীদমক মার্চ ২৪, ২০২০দগী হৌরগা নুমিৎ ২১নিগী অকনবা লোকদাউন অমা থমখি‍। অদুম ওইনমক অকনবা লোকদাউন অমদি সোসিএল দিস্তেন্সিং থৌরাংশিং অসিনা শেন্মিৎলোনদা চৈথেং অমদি পীরি‍। পুন্সিসু কনবা হিংননবগী লম্বীসু কনবা হায়বা থৌশিলগী মায়কৈরোমদা তপ্না তপ্না ওনশিল্লক্তুনা – ‘জান ভি জহান ভি’, ভারতনা তাঙ্কক নাইনা সর্ভিসেস অমদি বিজিনেসশিং মখা চত্থহন্দুনা জুন ১দগী , ‘অনলোক ইন্দিয়া’ তাঙ্কক্তা চঙশিল্লক্লে‍। লৈঙাক অমসুং আর. বি. আই.না থৌশিল থৌরাংশিং খুৎলৈ থুনা – অতেনবা মতমগী অমদি অশাংবা মতমগী অনিমক য়াওনা – অমাঙ অতা য়াম্না থোকহন্দনা শেন্মিৎলোন ফিভম ফগৎহন্নবা খোঙথাং মান্না লৌখৎখি‍।ভারতকী মেনুফেকচরিংগী হান্নগী ফিভমদা হঞ্জিল্লকপা ঙম্বগী মঙম অসি থা ২গী মতমসিদা করিসু লৈরমদবা ফিভমদগী হৌগৎলক্লগা মালেমগী ওইনা পর্সোনেল প্রোতেক্তিভ ইকুইপমেন্ত (পি. পি. ই.) খ্বাইদগী মশীং য়াম্না পুথোকপা অনিশুবা লৈবাক ওইবা ঙম্লিবসিনা তাক্লি‍। ইলেক্ত্রিসিতী অমদি থাউ শীজিন্নবা, পোত্থোকশিং স্তেত মশেলগী মরক্তা অমদি স্তেত মনুংদা পুথোক পুশিন তৌবা, রিতেল ফাইনান্সিএল ত্রাঞ্জেক্সনদা ফিভম ফগৎলকপা উরক্লিবনচিংবা তশেং তশেংবা এক্তিবিতী ইন্দিকেতরশিংগা লোয়ননা মে অমদি জুন থাদা শেন্মিৎলোন হিঙ্গৎলক্নবগী অশঙবা ময়োলশিং উরক্লে‍।

অকুপ্পা মরোলগীদমকঃ https://www.pib.gov.in/PressReleseDetail.aspx?PRID=1633531

এম. এস. এম. ই.শিং অমদি এন. বি. এফ. সি.শিংগীমক লৈরিবা লৈঙাক্কী স্কিমশিংনা মশক থোকপা ইনোৎ হাপ্লি

লৈঙাক্না এম. এস. এম. ই.শিংগীদমক লৌখৎলিবা থৌরাংশিং খোঙজেল য়াঙনা চঙশিল্লি‍। লৈঙাক্কী গরেন্তীনা ঙাক্লৌ পীরিবা ইমর্জেন্সী ক্রেদিৎকী মখাদা পব্লি ক অমদি প্রাইভেত সেক্তরশিংগী বেঙ্কশিংনা জুন ২০, ২০২০ ফাওবদা লুপা করোর ৭৯,০০০ হেনবগী লোন অয়াবা পীখ্রে অদুগী মদুগী মনুংদা লুপরয়া করোর ৩৫,০০০ হেনবদি থাদোকখ্রে‍। তোখায়বা থৌরাং অমা ওইনা, মার্চ-এপ্রিল ২০২০দা লাউথোকখিবা আর. বি. আই.গী অখন্নবা লিকুইদিতী ফেসিলিতীগী মখাদা এস. আই. দি. বি. আই.না এন. বি. এফ. সি.শিং, মাইক্রো ফাইনান্স ইনস্তিত্যুসনশিং অমদি বেঙ্কশিংদা লুপা করোর ১০,২২০ এম. এস. এম. ই.শিং অমদি অপিকপা বিজিনেসশিংদা থাদনবগীদমক পীথরকখ্রে ‍। নেসনেল হাউজিং বেঙ্ক (এন. ঐচ. বি.)না মখোয়গী লুপা করোর ১০,০০০গী অপুনবা ফেসিলি হাউজিং ফাইনান্স কম্পেনীশিংদা থাদখ্রে‍। এস. আই. দি. বি. আই. অমদি এন. ঐচ. বি.না রিফাইনান্স তৌরিবা অসি লুপা করোর ৩০,০০০ হেন্না থাদখ্রবা হান্ননা লৈজরবা স্কিমশিংগী মথক্তনি‍।

অকুপ্পা মরোলগীদমকঃ https://pib.gov.in/PressReleasePage.aspx?PRID=1633595

মেক ইন ইন্দিয়া অমসুং আত্মানির্ভর ভারত খুমাং চাউশিলহন্নবা হায়দুনা জি.ই.এম.দা পোৎ য়োনবশিংনা পোৎশিংগী হৌরকফমগী লৈবাক্কী ৱারোল পনবা তঙাই ফদবা ওইরে

কম্মর্স অমসুং ইন্দস্ত্রী মন্ত্রালয়গী মখাদা লৈবা অখন্নবা মশা অমা ওইরিবা গবর্ন্মেন্ত ই.-মার্কেৎপ্লেস (জি.ই.এম.)না মখোয়দা অনৌবা পোৎ রেজিস্ততর তৌবা মতমদা পোৎ য়োনবশিংনা পোৎশিংগী হৌরকফমগী লৈবাক্কী ৱারোল পনবা তঙাই ফদবা ওইরে। মখা তাবা ওইনা জি.ই.এম.দা হায়রিবা মওং অসি হাপত্রিঙৈগী মমাংদা অপ্লোদ তৌখ্রবা পোৎশিংগী ওইনসু হৌরকফম ওইরিবা লৈবাক্কী ৱারোল হাপকৎলক্নবা খংহনখ্রে । জি.ই.এম.না খোংথাং অসি মেক ইন ইন্দিয়া অমসুং আত্মানির্ভর ভারত খুমাং চাউশিলহন্নবা হায়দুনা পায়খৎপনি।জি.ই.এম.না য়াওরিবা পোৎশিং অদুদা লৈবাক্কী ওইবা পোত্থোক চাদা কয়াম্না য়াওই খংনবা পথাপ অমসু হাপ্পি। মসিগী অনৌবা মওং অসিগী মতুং ইন্না হৌরকফম ওইরিবা লৈবাক অমসুং লোকেলগী পোত্থোকশিংগী চাদা ওইবা মশিং অসি মার্কেৎপ্লেস্তা উবা ফংলে।হেন্না মরু ওইবা অমা ওইনা পোর্তেল অসিদা ‘মেক ইন ইন্দিয়া’গী ফিলতর অমসু হাপ্লে।

অকুপ্পা মরোলগীদমকঃ https://pib.gov.in/PressReleasePage.aspx?PRID=1633511

হজ ২০২০ পাংথোক্নবা ভারতকী মুস্লিমশিং সাউদি অরাবিয়াদা চৎলরোই

মাইনোরিতী এফিয়র্সকী য়ুনিয়ন মিনিস্তর মুক্তার অব্বাস নাগবিনা ঙসি হায়খি কোরোনা লাইচৎকী শিংনবনা মরম ওইদুনা সাউদি অরাবিয়া সরকারগী ৱারেপ ইকায়খুম্নদুনা অমসুং মীয়ামগী হকশেলগী য়াইফনবা খন্দুনা , হজ ২০২০ পাংথোক্নবা ভারতকী মুস্লিমশিং সাউদি অরাবিয়াদা চৎতনবা ৱারেপ লৌরে।ঙসি মহাক্না মেদিয়াদা ৱাফম অসি ফোংদোকখিবনি। মহাক্না হায়খি , মহাক্না সাউদি অরাবিয়াগী হজ অমসুং উমরাহ মিনিস্তর দোক্তর মোহমদ সালে বি তহির বেন্তেনদগী ফোন কোল অমা ঙরাং ফংখি অমসুং কোরোনা লাইচৎনা মরম ওইদুনা ভারত্তগী হজ শরুক য়াগদবা মীওইশিং থারক্তনবা সাউদি অরাবিয়ানা খঙহল্লকখি।

অকুপ্পা মরোলগীদমকঃ https://www.pib.gov.in/PressReleseDetail.aspx?PRID=1633561

ভারত রেলৱেজগী কোবিদ কেয়ার কোচশিং শীজিন্নবা হৌরে; রাজ্য ৫দা ভারত রেলৱেজনা কোবিদ কিয়র কোচ ৯৬০ থমখ্রে

কোবিদ-১৯ থেংননবা, তোঙান-তোঙানবা রাজ্যশিংদা থম্লিবা কোবিদ কেয়ার কোচশিংদা লৈনবা থারক্লবা কোরোনা অনাবা মীওইশিং ভারতনা রেলৱেজনা লায়েংবা হৌরে ।রাজ্য সরকারশিংনা পায়খৎলিবা লায়েংবগী থবকশিংদা ভারত রেলৱেজনা মতেং পাংলি । রাজ্যশিংদা ভারত রেলৱেজনা মসিগী কোবিদ কেয়ার কোচ ৫২৩১ পীরবা থৌরাং তৌরে । ফিবম ফরিবা অনাবশিং থম্নবা জোনেল রেলৱেজশিংনা মখোয়গী কোচশিং কোবিদ কেয়ার কোচশিং ওন্থোক্লে । দিল্লি, উত্তর প্রদেস, অন্ধ্র প্রদেস, তেলঙ্গানা অমসুং মৈধ্য প্রদেসতা হৌজিক ভারত রেলৱেজনা কোবিদ কেয়ার কোচ ৯৬০ থমখ্রে । অপুনবা কোবিদ কেয়ার কোচ ৯৬০ অসিগী মনুংদা, দিল্লিদা কোচ ৫০৩, অন্ধ্র প্রদেসতা ২০, তেলঙ্গানাদা ৬০, উত্তর প্রদেসতা ৩৭২ অমসুং মৈধ্য প্রদেসতা ৫ থমখ্রে ।

অকুপ্পা মরোলগীদমকঃ https://pib.gov.in/PressReleasePage.aspx?PRID=1633386

কেন্দ্রগী মন্ত্রী দোক্তর জিতেন্দ্রা সিংহনা নেসনল মেদিকেল তীচিং ইন্সতিত্যুৎশিংগী মকোকশিং অমসুং মীহুৎশিংগী ভর্চ্যুয়ল কনফরেন্স অমদা ৱা ঙাংখি

কেন্দ্রগী মন্ত্রী দোক্তর জিতেন্দ্রা সিংহনা কোবিদ থোকখ্রবগী মতুং তারকপদা লৌনগনবা লায়নশিংদা থীজিন্নবা অমসুং য়েংশিন্নবা অনৌবা মীৎয়েং চংলগনি হায়না মহাক্না ঙসি হায়খি অমসুং মেদিকেলগী করিকুলমদসু মসিগী মতুং ইন্না ঙাকনা চৎকদবনি। ওল ইন্দিয়া ইন্সতিত্যুৎ ওফ মেদিকেল সাইন্সেস (এমস) ন্যু দিল্লী, পি.জি.আই. চন্দিগর, রিজনেল ইন্সতিত্যুৎ ওফ মেদিকেল সাইন্সেস (রিমস) মনিপুর, নোর্থ ইস্তর্ন ইন্দিরা গান্ধী রিজনেল ইন্সতিত্যুৎ ওফ হেলথ অমসুং মেদিকেল সাইন্সেস (নেইগ্রীমস) শীল্লোং অমসুং শের-ই-কাশমির ইন্সতিত্যুৎ ওফ মেদিকেল সাইন্সেস, শ্রীনাগর য়াওনা নেসনল মেদিকেল তীচিং ইন্সতিত্যুৎশিংগী মকোকশিং অমসুং মীহুৎশিংগা লোয়ননা ভর্চ্যুয়ল কনফরেন্স অমদা দোক্তর জিতেন্দ্রা সিংহনা ৱা ঙাংখ্রে। নোংচুপলোমগী শরুকশিং অসিদগী ভারতকী মেদিকেলগী লমনা হেন্না খুদোংচাবা অমা লৈরি মরমদি হাইজিন অমসুং লৌনবদগী ঙাকথোক্নবা হোৎনবদা য়ুম্ফম ওইরগা হীদাক লাংথককী চাংয়েং তৌবদগী হীদাক ওইনা থাবদা ওনখিবনি হায়না দোক্তর জিতেন্দ্রা সিংহনা হায়খি।

অকুপ্পা মরোলগীদমকঃ https://pib.gov.in/PressReleasePage.aspx?PRID=1633423

বিল্দিং এন্দ অদর কন্সত্রক্সন ৱর্করস (বি.ও.সি.দবল্যু.) কোতি অনিনা লোকদাউন মনুংদা শেলগী তেংবাং ওইনা লুপা কোতি ৪৯৫৭ ফঙখ্রে

শীংথানিঙাই ওইবা খোংথাং অমা ওইনা লেবর অমসুং এমপ্লোইমেন্ত মন্ত্রালয়না মার্চকী তাং ২৪, ২০২০দা থোকখিবা এদবাইজরিগী পাউখুম ওইনা স্তেৎ সরকারনা হৌজিক ফাওবদা লুপা কোতি ৪৯৫৭গী য়াম্লবা শেনফম অমা লোকদাউন মনুংদা লৈবাক অসিগী রিজিস্তর তৌরবা কন্সত্রক্সনগী শিন্মী চাওরাক্না কোতি অনিদা য়েন্থোকখ্রে। দাইরেক্ত বেনিফিৎ ত্রান্সফর (দি.বি.তি.)গী খুত্থাংদা শিন্মীশিংগী বেঙ্ক একাউন্তদা হকথেংননা কোতি ১.৭৫ ত্রাঞ্জেক্সন তৌখি। লোকদাউন মনুংদা মীওই অমদা শেলগী কান্নবা লুপা ১০০০দগী লুপা ৬০০০ ফাওবা ফঙবগী মথক্তা স্তেৎ খরনা মখোয়গী শিন্মীশিংদা চাননবা চিঞ্জাক অমসুং রসনসু পীখি। লেবর অমসুং ইমপ্লোয়মেন্ত মন্ত্রালয়না কোবিদ-১৯গী লোকদাউনগী খুদোংচাদবা তানফম অসিগী মনুংদা মখোয়না খ্বাইদগী মথৌ তাবা মতমদা শেলশিং মখোয়দা মতম চানা ত্রান্সফর তৌনবা হোৎনরি।

অকুপ্পা মরোলগীদমকঃ https://pib.gov.in/PressReleasePage.aspx?PRID=1633546

এন.আই.পি.ই.আর., মোহালিনা পুথোকপা ইম্ম্যুন কনখৎহন্নবা হর্বলগী চা

নেস্নেল ইন্সতিত্যুৎ ওফ ফার্মাস্যুতিকেল এজুকেসন এন্দ রিসর্স (এন.আই.পি.ই.আর.)না কোবিদ-১৯গা লান্থেংনবা ঙম্নবা সেফতী দিবাইস, সেনিতাইজর অমসুং মাস্ককুম্বা অনৌবা পোত্থোক কয়া পুথোকখ্রে। মসিগা লোয়ননা লায়না অসি চংহন্দনবা হায়দুনা হকচাংগী রেজিস্তেন্স হেনগৎহন্নবা ইম্ম্যুন বুস্তর ওইবা হর্বলগী চা অমসু পুথোরক্লে।

অকুপ্পা মরোলগীদমকঃ https://www.pib.gov.in/PressReleseDetail.aspx?PRID=1633597

পি.আই.বি. ফিল্দ ওফিসতগী ফংবা ইনপুৎশিং

• চান্দিগরঃ চান্দিগর য়ু.তি.গী এদমিনিস্ত্রেতরনা মমাংগী মতম খরদা কোবিদকী পোজিতিব কেসশিং অসি মপান্দগী লাকপা মীওিশিংনা অয়াম্বা ওইখি হায়খি। মহাক্না লোকেলগী মফমশিংদা লৈবা মীওইশিংগী য়াইফ য়ুম্বাল লুপশিং, বোলুন্তরী এজেন্সীশিং, সোসিএল ৱর্করশিংদা মপান্দগী লাকপা মীওইশিংনা লৈবা মফমশিং অমসুং মখোয়না চত্থোক চৎশিন তৌবদা য়েংশিল্লিবা হেলথ অমসুং পুলিস্কী মীওইশিংদা মতেং পাংবিয়ু হায়না হায়খ্রে। করিগুম্বা সিম্পতম অমা হেক উবা মতমদা হকশেলগী মীওইশিংদা খুদক্তা পাউ পীরক্নবসু হায়খ্রে। অসিগুম্বা মরু ওইবা ই-পাউ লোৎশিনবা অসিনা লায়না অসি মখা তানা শন্দোরকপগী মরম ওইগনি হায়খি।
• পঞ্জাবঃ কোবিদ লায়চৎ অসিগী মনুংদা ওন্তোপ্রিনরশিংদা খরা হেন্না নুংঙাইহনবা ওইনা পঞ্জাব কেবিনেৎনা দিসেম্বর ৩১, ২০২০ ফাওবগী মনুংদা পঞ্জাব স্তেত ইন্দস্ত্রিএল দিবেলপমেন্ত কোর্পোরেসন অমসুং পঞ্জাব ফাইনেন্সিএল কোর্পোরেসন্দা পীগদবা ৱান-তাইম সেত্তলমেন্তকী অৱাৎপা দ্যু পীবগী মতম শাংদোকখ্রে। অসিগুম্বা লুরবা মতম অসিদা ইন্দস্ত্রীশিংদা মতেং পাংবগী তঙাই ফদবা লৈবগী মতুং ইন্না থাংলিবা খোংথাং অসি য়াম্না মরু ওইনা হায়না মুখ্য মন্ত্রীনা হায়খ্রে। খোংথাং অসিনা পন্দুনা লৈরবা ইন্দস্ত্রীগী শেল থাদগদবশিং অমসুং এসেৎশিং থাদোকপদা তেংবাংগনি অমসুং মার্চতা হৌখিবা লোকদাউন্দগী লোন্দুনা লৈখ্রবা ইন্দস্ত্রীশিং অসি কান্নবা মওংদা অমুক হন্না রাজ্যনা শিজিন্নবা য়াগনি।
• হরয়ানাঃ তোঙান তোঙানবা বিভাগ কয়ানা লোকদাউন মনুংদা কোরোনাগা মরী লৈনবা ই-পাউ কয়া ফাওননবা শেমখিবা রাজ্যগী থাক্তা লৈবা কন্ত্রোল-রুম অসিদা পুন্না কোল ৪৭৮৩৬৯ লাকখি অমসুং মার্চ ২৪দগী জুন ২১, ২০২০ ফাওবগী মনুংদা কোল ৪৫৪০০০গী পাউখুম পীখি। ঙাইবগী মতম অসি চাংচত্তা সেকেন্দ ১০ লৈদুনা অপুনবা কোলগী চাদা ৯৫দি মায় পাক্না পাউখুম পীখি। মসি মান্নবা মওংদা মীওই ৩১৫৯২দা তেলে কাউন্সেল্লিংশু পীখি। কেন্দ্রগী গৃহ মন্ত্রীনা লুচিংদুনা পাংথোকখিবা মুখ্য মন্ত্রীশিংগী মীফমদা কোবিদ-১৯গী মনুংদা রাজ্যসিগী সরকারনা নিংথিনা শিল লাংনবা অমসুং মীয়াম্বু তেংবাংনবগীদমক্তা শেমখিবা রাজ্যগী থাক্কী ওইবা কন্ত্রোল-রুম শেমখিবগী থৌওং অসিবু হেলথ সেক্রেতরীনা থাগৎপা ফোংদোকখিবা অদু পনবদা য়াম্না চাউথোকচনিংঙাই ওই।
• হিমাচল প্রদেশঃ মুখ্য মন্ত্রীনা লুচিংদুনা ভিদিও কনফরেন্সিংগী খুত্থাংদা পাংথোকখিবা দীপ্যুতী কম্মিস্নরশিং, পুলিস্কী সুপ্রিন্তেন্দেন্তশিং অমসুং চীফ মেদিকেল ওফিসারশিংগী মীফমদা হোম ক্বারেন্তাইনগী মেকানিজম অসি য়াম্না কনখৎহন্দুনা নিংথিনা য়েংশিন্দুনা মীওই অমত্তনা হোম ক্বারেন্তাইন্দগী নান্থোক্তুনা চেনবা ঙমদনবা হোৎনগদবনি হায়খ্রে। করিগুম্বা আই.এল.আই.গী সিম্পতম লৈবা মীওই মশিং হেনগৎলকপা মতমদা ফমুংগী অৱাৎপা লৈতনবা ইন্সতিত্যুস্নেল ক্বারেন্তাইনগী ফেসিলিতী মশিং হেনগৎহনবগী তঙাই ফদবা লৈ হায়না হায়খি। রেদ জোন্দগী লাকপা মীওইশিং অসি ইন্সতিত্যুস্নেল ক্বারেন্তাইন্দা শোয়দনা থমগদবনি অমসুং নুমিৎ ৪-৫নিগী মতুংদা তেস্ত তৌগনি অমসুং মদুদা নেগেতিক লয়াক্লবদি ময়ুমদা হলহন্দুনা হোম ক্বারেন্তাইন তৌহনগদবনি হায়না মুখ্য মন্ত্রীনা হায়খি।
• মহারস্ত্রাঃ হৌখিবা পুং ২৪দা অনৌবা অনাবা মীওই ৩৭২১ লাক্তুনা রাজ্যসিগী অপুনবা কোবিদ-১৯গী অনাবা মশিং ১৩৫৭৯৬ য়ৌখ্রে। নাবা ফখ্রবা অপুনবা মীওই মশিং অসি ৬৭৭০৬ নি অমসুং এক্তিব কেস অপুনবা মশিংনা ৬১৭৯৩নি। ইন্দিয়ন নেভীগী মকোক থোংবা ত্রেনিং তৌফম অমা ওইরিবা আই.এম.এস. শিবাজি, লোনাবলাগী ত্রেনী কেদেৎ ৮ কোরোনা ভাইরসকী পোজিতিব ওইখ্রে। মখোয়শিং অসি ত্রেনী ১৫০গী কাংলুপ অমাগী শরুক অমনি। পোজিতিব ওইরবা কেদেৎশিং অসু পুনেগী ৱানোৱারি মিলিতরী হোস্পিতালদা থমখ্রে।
• গুজরাতঃ হৌখিবা পুং ২৪দা অনৌবা কেস ৫৬৩ লাক্তুনা রাজ্যসিগী কোবিদ-১৯গী অপুনবা কেস মশিং ২৭৮৮০ য়ৌখ্রে। মসিগা লোয়ননা মতমসিগী মনুংদা মীওই ২১ লৈখিদ্রে অমসুং মসিদগী রাজ্যসিগী অপুনবা লৈখিদবা মশিং ১৬৮৫ য়ৌখ্রে।
• রাজস্থানঃ চাউরাকপা নুমিৎ ১৫নিগী মনুংদা রাজ্যসিগী অপুনবা এক্তিব কেস মশিং ৩০০০ হেনখ্রে। পব্লিক হেলথ দিপার্তমেন্তনা ফোংখিবা রিপোর্ত অমগী মতুং ইন্না ঙসি অনৌবা কেস ১৯৯ লাকখি হায়রি। অপুনবা অনাবা মশিং ১৫৪৩১ শুখ্রে।
• মধ্য প্রদেশঃ হৌখিবা পুং ২৪দা অনৌবা কোরোনাগী অনাবা ১৭৫ লাকখি অমসুং মীওই ২০০ নাবা ফদুনা য়ুমদা হন্নখ্রে। হৌজিক ফাওবদা অপুনবা কেস ১২০৭৮ শুরে অমসুং পোজিতিব কেসকী মশিংদি ২৩৪২ খক্তনি।
• অরুনাচল প্রদেশঃ রাজ্যসিদা লৈবা এক্তিব কেস ১২৬কী মনুংদা কেস ৭৪দি চাংলাংদগীনি, ২০না কেপিতেল কমপ্লেক্স ইতানগরদগীনি অমসুং ১২না নোঙচুপ কামেং জিলাদগীনি। রাজ্যসিগী হকশেলগী বিভাগনা এস.ও.পি. নিংথিনা ইন্দুনা চৎলি অমসুং রাজ্য অসি হৌজিক গ্রীন জোন্দা লৈরি হায়খি।
• মনিপুরঃ ঙসি ফাওবগী ওইনা মীওই ৫০০০ ওফিসিএল ক্বারেন্তাইন্দা লৈরি, মীওই ১৪০০০না কম্ম্যুনিতী ক্বারেন্তাইন্দা লৈরি অমসুং মীওই ৫৫০০না পেদ ক্বারেন্তাইন ফেসিলিতীশিংদা লৈরি। রাজ্যসিনা নোংমদা তেস্ত তৌবগী মশিং ২২০০দা হেনগৎখ্রে। হৌজিক ফাওবদা রাজ্যসিদা পুন্না তেস্ত ৩৮০০০ তৌখ্রে।
• মিজোরমঃ জোরম মেদিকেল কোলেজতগী কোবিদ-১৯গী অনাবা মীওই ৭ অমসু দিসচার্জ তৌখ্রে। রাজ্যসিগী অপুনবা নাবা ফরবা মীওইগী মশিং ১৯ শুখ্রে অমসুং এক্তিব কেস্না ১২৩দা লৈরি।
• নাগালেন্দঃ হৌখিবা পুং ২৪দা সেম্পল ৩১২ তেস্ত তৌবদা রাজ্যসিদা অনৌবা কোবিদ পোজিতিব কেস ৫০ লাকখ্রে। অপুনবা পোজিতিব কেস মশিং ৩৩০ লৈরি অমসুং মসিগী মনুংদা ১৮৯ এক্তিব কেস অমসুং নাবা ফরবা মীওইগী মশিং ১৪১ শুখ্রে।
• সিক্কিমঃ জুন ২৫দা গেংতোক্তা পাংথোক্কদবা ‘সেল্যুৎ তু ব্রেবহার্তস’ থৌরমগী খুত্থাংদা হন্দক্তা লদাখকী গলৱন্দা লৈবাক্কীদমক্তা থৱায় থাখিবা লান্মী ২০দা সিক্কিম সরকারনা শ্রধাঞ্জলি কৎকদৌরি হায়না চীফ সেক্রেতরীনা হায়খ্রে।
• ছতিসগরঃ নিংথৌকাবা নুমিত্তা মীওই ৪৬ কোবিদ-১৯ পোজিতিব ওইবদগী রাজ্যসিগী অপুনবা অনাবা মশিং ২৩০২ য়ৌখ্রে। হৌজিক ফাওবদা রাজ্যসিদা লায়না অসিদগী মীওই ১২ লৈখিদ্রে।
• গোৱা: রাজ্যসিদা অনৌবা কোবিদ-১৯গী কেস ৪৬ মশক খংদুনা অপুনবা মশিং ৮৬৪ য়ৌখ্রে অমসুং হৌজিক রাজ্যসিদা এক্তিব কেস ৭১১ লৈরি।
• কেরলাঃ ঙসি রাজ্যসিদা কোবিদ-১৯গী অনাবা অমগা অমুক লৈখিদ্রে। মসিগা লোয়ননা লৈখিদবা মশিং অপুনবা অসি ২৩ শুখ্রে। ক্বারেন্তাইন্দা লৈবা চহী ৬৮ শুরবা নুপা অমা ঙসি কোঝিকোদেদা লৈখিদ্রে। মহাক্কী স্বাব সেম্পল অদু তেস্ত তৌনবা থাখ্রে। মুম্বাইদগী হল্লক্তুনা কন্নুরগী ইন্সতিত্যুস্নেল ক্বারেন্তাইন সেন্তরদা লৈবা মীওই অমা ক্বারেন্তাইনগী নুমিৎ ২৪শুবা নুমিত্তা পোজিতিব ওইখ্রে। কেরলা সরকারনা মপান্দগী হল্লকপা মীওইশিংবু ত্রু-নেৎ তেস্ত তৌবিয়ূ হায়জরকপা অদু কেন্দ্র সরকারনা তোঙান তোঙানবা লৈবাকশিংদা লৈবা ভারতকী ইম্বেসিশিংগা খন্নরবা মতুংদা য়াখিদ্রে; মদু য়াম্না প্রেক্তিকেল ওইদবা থৌওংনি হায়খ্রে। কোবিদ নারে খংলবা মপান্দগী লাক্কদবা মীওইখক্কী ওইবা অখন্নবা ফ্লাইৎ অমগী অয়াবা পীবিয়ু হায়না রাজ্যসিনা হায়জরকপা অদসু অয়াবা পীখিদ্রে। অতোপ্পা পাউ অমনা ঙসি কোচিদা তোঙান তোঙানবা লৈবাকশিংদগী মীওই ২০০০ হেন্না থুংলগনি। হৌখিবা নুমিৎ ৪নিদগী হেনগৎপগী মওং অমা ওইনা ঙরাং রাজ্যসিদা অনৌবা কোবিদ কেস ১৩৮কি রিপোর্ত লাকখি। হৌজিক হৌজিক রাজ্যসিগী তোঙান তোঙানবা মফমশিংদা মীওই ১৫৪০ লায়েংদুনা লৈরি।
• তমিল নাদুঃ কেস মশিং হেনগৎলকপদগী মদুরাইদা অহেনবা ফমুংগী তঙাই ফদবা লৈরে; এক্তিব কেস মশিং (৪৫২)কী মতুং ইন্না মসিনা রাজ্যসিগী তরুকশুবা মফমদা লৈবা জিলা ওইরে। জুন ৩০ ফাওবা মদুরাই অমসুং অকোয়বা মফমশিংদা য়ুমশকৈশা নুমিত্তগী অকনবা লোকদাউন হৌরগনি। মদ্রাস হাই কোর্তকী মদুরাই বেঞ্চনা রাজ্য সরকারদা কোবিদ-১৯গী দ্যুতী তৌরিবা পুলিস্কী মীওই খুদিংদা ফেস সিল্দ পীবা য়াবা য়াদবগী মতাংদা পাউখুম পীরক্নবা খংহনখ্রে। ঙরাং অনৌবা কেস ২৭১০ লাকখিবগা লোয়ননা রাজ্যসিগী অপুনবা অনাবা মশিং অসি ৬০০০০ হেনখ্রে। ঙরাং নাবা ফবা ১৩৫৮ অমসুং লৈখিদবা মীওই ৩৭কী রিপোর্ত লাকখি। চেন্নইদগী কেস ১৪৮৭ লাকখি। অপুনবা এক্তিব কেস-২৭১৭৮, লৈখিদবা-৭৯৪ অমসুং চেন্নইগী এক্তিব কেস-১৮৩৭২নি।
• করনাতকাঃ রাজ্য সরকারনা লন্নাইগী হোস্পিতালশিংদা কোবিদ-১৯গী অনাবা লায়েংবগী মমল লেপ্পা ওর্দর অমা থোকখ্রে। ওর্দর অসিগী মতুং ইন্না কোবিদ-১৯ লায়েংবগী ফেসিলিতী লৈবা লন্নাইগী হোস্পিতালগী ফমুংগী ৫০%দি পব্লিক ওথোরিতিশিংনা হায়রকপগী ওইনা খাক্কনি। ঙরাং অনৌবা কেস ২৪৯, দিসচার্জ তৌখিবা ১১১ অমসুং লৈখিদবা ৫গী রিপোর্ত লাকখি। অপুনবা পোজিতিব কেস-৯৩৯৯, এক্তিব কেস-৩৫২৩, লৈখিদবা-১৪২ অমসুং দিসচার্জ তৌখ্রবা-৫৭৩০নি।
• আন্ধ্র প্রদেশঃ সরকার পায়রিবা ৱাই.এস.আর. কংগ্রেস পার্তীগী স্রুংগাভারাপুকোতা (ভিজিয়ানগরম জিলা)দগী এম.এল.এ. কে. স্রিনিভাস রাও অমসুং মহাক্কী সেক্যুরিতী ওফিসার জুন ২২দা কোবিদ-১৯ পোজিতিব ওইখ্রে। এম.এল.এ. অসি হন্দক য়ু.এস.তগী হল্লকখিবনি অমসুং সেলফ আইসোলেসন্দা লৈরকখিবনি। সি.এম.না নুমিৎ ৯০নিগী মনুংদা লৈরিবা এম্বুলেন্স ১০৪ অসি শিজিন্নদুনা ইমুং খুদিংমক য়াওদুনা পাক শন্না স্ক্রীনিং উমসুং তেস্ত তৌনবা হায়খ্রে। কৃষ্ণ জিলাগী লৈঙাক্লোইশিংনা জিলা অসিদা য়ামদ্রবদা কোবিদ-১৯গী তেস্ত ২০০০ তৌনবা অমসুং স্বাব সেম্পল লৌনবা অমসুং তেস্ত তৌনবা আই.এম.এ.এস.ক্যু. (ইন্তেল্লিজেন্ত মোনিতরিং এনালাইসিস সর্বিস ক্বারেন্তাইন) গী বস ১০ শিল লাংনবা ৱারেপ লৌখ্রে। কোবিদ-১৯গী লোকদাউন্না মরম ওইদুনা য়ৈথোকখ্রবা এ.পি.পি.এস.সি. ২০২০গী একজামগী অনৌবা নুমিৎকী ৱারোল অমা এ.পি. পব্লিক সর্বিস কম্মিসন্না ফোংখ্রে। হৌখিবা পুং ২৪দা অনৌবা কেস ৪৬২, দিসচার্জ তৌখিবা ১২৯ অমসুং লৈখিদবা ৫গী রিপোর্ত লাকখি। অনৌবা কেস ৪০৭কী ম্নুংদা ৪০ অমদি রাজ্য মনুংদগী লাকপা কেসনি অমসুং ১৫না মপান লমদগী লাকপনি। অপুনবা কেস-৯৮৩৪, এক্তিব কেস-৫১২৩, দিসচার্জ তৌখ্রবা-৪৫৯২ অমসুং লৈখিদ্রবা-১১৯নি।
• তেলঙ্গানাঃ হকশেল মন্ত্রী, ইতেলা রেজেন্দরনা লন্নাইগী দাইগ্নোস্তিক সেন্তরশিংদা কোবিদ-১৯গী তেস্ত তৌবা মতমদা মীয়ামদগী অহেনবা খুদোংচাবা লৌদনা খংহনখ্রে। পাকিস্তান্দগী কৌজেং শঙ্গু অমা পায়শিল্লকপগী পাউ লৈবগী মতুং ইন্না জুন ২৫দা তেলঙ্গানাদা কৌজেংনা লান্দারকপা য়াবগী চেকশিনৱা হায়খ্রে। অপুনবা কেস-৮৬৭৪, এক্তিব কেস-৪৪৫২, লৈখিদ্রবা-২১৭ অমসুং নাবা ফরবা-৪০০৫নি।

ফেক্ত চেক

***