প্রধান মন্ত্রী শ্রী নরেন্দ্র মোদীনা লুচিংবা মন্ত্রী মন্দলনা কোলকতা হিথাংফম্বু শ্যমা প্রসাদ মুখর্জী হিথাংফম হায়না মিং ওনবগী অয়াবা পীখ্রে।

কোলকতা হিথাংফম ত্রস্তকী ত্রস্তীশিংগী বোর্দনা ফেব্রুৱারী ২৫, ২০২০দা ফমখিবা মীফমদা শ্যমা প্রসাদ মুখর্জীগী মমিং চৎপা জ্যুরিস্ত, একাদমিসিয়ন, ৱাখল খনবা অমসুং মীয়ামগী লুচিংবা ওইবগী য়াম্লবা শক্লোনশিং অদু য়েংলদুনা কোলকতা হিথাংফম্বু শ্যমা প্রসাদ মুখর্জী হিথাংফম হায়না মিং ওনবগী ৱারোইশিন তাখি।

কোলকতা হিথাংফমগী ১৫০শুবা থৌরম ওইনা জনুৱারী ১২, ২০২০দা পাংথোকখিবা থৌরম হৌদোকপদা নোংচুপ বেঙ্গলগী মীয়ামগী অপাম্ববু য়েংলদুনা কোলকতা হিথাংফম অসি নোংচুপ বেঙ্গলগী খ্বাইদগী মতিক চাবা মপারী, লৈবাক পুন্সিনবদা মাংজিল থানা চৎখিবা, বেঙ্গল চাউখৎপগী মংলান মংখিবা, ইন্দস্ত্রিয়েলাইজেসনগী ইথিল পীরম্বা অমসুং লৈবাক অমগী আইন অমা লৈগদবনি হায়খিবা দাক্তর শ্যমা প্রসাদ মুখর্জীগী মিং লৌদুনা মিং ওল্লগনি লাউথোকখি।

য়ুম্ফমঃ

কোলকতা হিথাংফম অসি মরু ওইবা অহানবা হিথাংফম্নি অমসুং লৈবাক অসিগী অমখক্তং ওইনা তুরেলদা লৈবা হিথাংফম অমনি। মসি ওক্তোবর ১৭, ১৮৭০দগী ১৮৭০গী এক্ত ৫গী মতুং ইন্না কলকত্তা হিথাংফম ফগৎহন্নবা কম্মিসনর অমা হাপ্তুনা ত্রস্তনা য়েংশিনবা হৌরকখি। মসি মেজর পোর্তস ওফ ইন্দিয়ন পোর্তস এক্তকী পারত-১গী অহানবা সেদ্যুলগী খ্বাইদগী মকোক্তা লৈ অমসুং মেজর পোর্ত ত্রস্ত এক্ত, ১৯৬৩না য়েংশিল্লি। কোলকতা হিথাংফম অসি চহী ১৫০ শুরে অমসুং মতমসিগী মনুংদা মসিনা ভারতকী ললোন-ইতিক, কম্মর্স অমসুং শেন্মিৎলোন চাউখৎপগী থোংজিল ওইদুনা লাকখি। মসিনা ভারতকী নীংতম্বগী লান, মালেমগী অহানবা অমসুং অনিশুবা লাঞ্জাও অমসুং লৈবাক অসিদা ওইরকখিবা সোসিও-কলচরেলগী অহোংবা, মরু ওইনা নোংপোক ভারত্তা, কয়া থেংনখি।

চৎনবী অমা ওইনা ভারত্তা লৈবা হিথাংফমশিং অসি মখোয়না লৈরিবা শহরশিংগী মিং লৌদুনা থোন্নৈ। তৌবতবু হিথাংফম খরদি অখন্নবা মরম খরদগী মমাংদা লৈরম্বা মমিং চৎপা লুচিংবশিংনা পাংথোক্লম্বা অফবা থৌওং কয়া য়েংলদুনা মখোয়গী মিং লৌদুনসু থোল্লি। সরকারনা ১৯৮৯দা নহাভা শেভা পোর্ত ত্রস্ত অসি জৱাহরলাল নেহরু পোর্ত ত্রস্ত হায়না মিং ওনখি। ইং ২০১১দা তুতিকোরিন পোর্ত ত্রস্ত অসি ভি.ও. চিদম্বরানর পোর্ত ত্রস্ত হায়না মিং ওনখি অমসুং এন্নোর পোর্ত লিমিতেদ অসি মমিং চৎলবা নীংতম লান্মী অমসুং হান্নগী তমিল নাদুগী মুখ্য মন্ত্রী ওইরম্ববা শ্রী কে. কমারাজরবু ইকাই খুম্নবা ওইনা কমারাজর পোর্ত লিমিতেদ হায়না মিং ওনখি। হন্দক্তসু ইং ২০১৭দা কান্দলা হিথাংফম অসি দীন্দয়াল হিথাংফম হায়না মিং ওনখি। মসিদা নত্তনা এয়র্পোর্ত কয়া অমসু ভারতকী অফাউবা লুচিংবশিংগী মিং লৌদুনা থোন্নরি।

***