ভারত সরকারনা রাজ্য/য়ু.তি.শিংগা লোইননা কোবিদ-১৯ ঙাকথোক্ননবা, নমথনবা অমসুং লাকশিন্ননবা খোংথাং কয়ামরুম অমা লৌখৎখ্রে। মসিবু চাং নাইনা য়েংশিল্লি অমসুং অৱাংবা থাক্তা মোনিতর তৌরি।

এক্সন প্লানশিং ইম্প্লিমেন্ত তৌবা অসিনা রাজ্য/য়ু.তি. ২৩গী জিলা ৪৭তা অফবা ফল পুরকপা ঙমখ্রে। কুদাগ্গু (কর্নাতকা) জিলা অসি লিস্ত অসিগী মনুংদা য়াওরকপা অনৌবা জিলানি মসিগা লোইননা য়াওরক্লিবা মাহে (মহারাস্ত্রা) জিলা অসিদা হৌখিবা নুমিৎ ২৮নিদা অনৌবা কেসশিং অমত্তা থোরক্ত্রি। হৌখিবা নুমিৎ ১৪নিদা রাজ্য ১২গী জিলা ২২দা অনৌবা কেস থোরকপগী পাউ অমত্তা লৈত্রি,

হায়রিবশিং অদুদি:

• বিহারদা লখিসরাই, গোপালগঞ্জ, ভাগলপুর
• রাজস্থানদা ধোলপুর & উদয়পুর
• জে. & কে.দা পুলৱামা
• মনিপুরদা থৌবাল
• কর্নাতকাদা চিত্রদু্র্গা
• পঞ্জাবতা হোশিয়ার্পুর
• হরিয়ানাদা রোহতক & চর্খি দাদ্রী
• অরুনাচল প্রদেশতা লোহিত
• ওরিশাদা ভার্দক, পুরী
• অসমদা করিমগঞ্জ, গোলাঘাত, কামরুপ রুরেল, নলবারী & সালমরা
• ৱেস্ত বেঙ্গলদা জলপাইগুরী অমসুং কালিমপোং
• আন্ধ্র প্রদেশতা ৱিশাখাপতনম

হৌজিক ফাওবদা কোবিদ-১৯দগী শিবগী চাং অসি ৩.৩%নি। দেতা অদু মখা তানা নৈনবা মতমদা উৎলিবা অদুদি শিখ্রবশিং অদুগী মনুংদা:

• মীশিং অদুগী ১৪.৪%দি চহি ০-৪৫গী চহি কাংলুপ্তনি
• ১০.৩%দি চহি ৪৫-৬০গী চহি কাংলুপ্তনি
• ৩৩.১%দি চহি ৬০-৭৫গী চহি কাংলুপ্তনি
• ৪২.২%না চহি ৭৫ অমসুংঅসিগী মথক্কী চহি কাংলুপ্তগীনি

দেতা অসিনা উৎলি মদুদি কেসশিং অদুগী ৭৫.৩%দি চহি ৬০গী কেতেগোরী মনুং চন্না লৈবশিং অদুগীনি। অসিদা নত্তনা কেসশিং অদুগী ৮৩%দি হান্নদগী কো-মোর্বিদিতীশিং লৈবা কাংবুনি হায়নসু উবা ফংখি। মসিনা মমাংদা উৎখিবা ফেক্তশিং অদু, মরু ওইনা অহল ওইরবা মীওইশিং অমসুং কো-মোর্বিদিতীশিং লৈবা মীওইশিংনা হেন্না য়াম্না খুদোংথিনীংঙাই ওই হায়বদু ময়েক শেংনা তাক্লি।

ৱর্লদ ৱাইদ তেস্তিং মেথোদোলোজী নীংথিনা নৈনরবা মতুংদা, আই.সি.এম.আর.গী নেস্নেল তাস্কফোর্সনা রাজ্য পুম্বদা গাইদলাইনশিং থোকখ্রে। গাইদলাইনশিংগী অকুপ্পা মরোলশিং অদু:

https://www.mohfw.gov.in/pdf/ProtocolRapidAntibodytest.pdfতা য়েংবা য়াগনি।

মসিগা লোইননা, রেপিদ তেস্ত হৌদ্রিঙৈদা, রাজ্যশিংনা কোবিদ-১৯গীদমক্তা তৌবা তেস্তশিংগা মরী লৈনবা দেতা খুদিংমক আই.সি.এম.আর.গী ৱেবসাইত (covid19cc.nic.in/ICMR)দা রেজিস্তর তৌগদবনি।

লেবাক অসিদা কোবিদ-১৯গী অপুনবা কনফর্ম তৌরবা কেস ১৪,৩৭৮ রিপোর্ত তৌখি। য়াম্লবদা মীওই ১৯৯২, হায়বদি অপুনবা কেসশিংগী ১৩.৮২%দি লাইনা অসিদগী ফখ্রে/লাইনা অসিদগী ফগৎলবা মতুংদা দিসচার্জ তৌখ্রে।

কোবিদ-১৯গা মরী লৈনবা তেক্নিকেল ইসুশিং, গাইলাইনশিং & এদভাইজরীশিংগী ওইবা তশেংবা & অপদেত তৌরবা ই-পাউশিংগীদমক্তা চাং নাইনা https://www.mohfw.gov.in/দা য়েংবীয়ু।

কোবিদ-১৯গা মরি লৈনবা তেক্নিকেলগী ওইবা ৱাহং-পাউহংশিং লৈরবদি technicalquery.covid19[at]gov[dot]inদা  ই-মেল তৌবীয়ু অমসুং অতৈ অতোপ্পা ৱাহং-পাউহংশিংগী ওইনা ncov2019[at]gov[dot]inদা ই-মেল থাবীরকউ।

কোবিদ-১৯গী মতাংদা ৱাহং-পাউহংশিং লৈরগদি, হক-শেল অমসুং য়াইফ-য়ুম্বাল মন্ত্রালয়গী হেল্পলাইন নম্বর +৯১-১১-২৩৯৭৮০৪৬ নত্ত্রগা ১০৭৫ (তোল-ফ্রী) অসিদা কোল তৌবীয়ু। কোবিদ-১৯গী ওইনা রাজ্য/য়ু.তি.শিংগী হেল্পলাইন নম্বরশিংগী লিস্তসু  https://www.mohfw.gov.in/pdf/coronvavirushelplinenumber.pdf অসিদা ফংবিগনি।