ইনফোর্মেসন অমসুং ব্রোদকাস্তিং মন্ত্রালয়
নেস্নেল ফিল্ম এৱার্দসনা লৈবাক অসিগী খ্বাইদগী ফজবা তুরিস্ত দেস্তিনেসনশিংদা য়ৌহল্লগনি
য়ুনিয়ন মিনিস্তর অশ্বিনী বৈস্নবনা মথংগী নেস্নেল ফিল্ম এৱার্দসকীদমক স্তেতশিংদা মখোয়গী খ্বাইদগী ফজবা ত্যুরিজম দেস্তিনেসনশিং প্রপোজ তৌনবা কৌখ্রে
নেস্নেল ফিল্ম এৱার্দসনা কনফরেন্স রুমশিংগী ৱাংম লান্না চৎকনি অমসুং মীয়ামদা য়ৌহনগনি: অশ্বিনী বৈস্নব
থাগৎখিবা:
22 SEP 2026 1:09PM by PIB Imphal
ইনফোর্মেসন এন্দ ব্রোদকাস্তিংগী য়ুনিয়ন মিনিস্তর, শ্রী অশ্বিনী বৈস্নবনা ঙসি হায়খ্রে মদুদি নেস্নেল ইভেন্তশিংবু মহৌশাগী মফমশিংগী ৱাংমদা পুদুনা লৈবাক শিনবা থুংনা লৈরিবা দেস্তিনেসনশিংগা শম্নহন্নবা প্রধান মন্ত্রী, শ্রী নরেন্দ্র মোদীগী ভিজন্না পুক্নিং থৌগত্তুনা নেস্নেল ফিল্ম এৱার্দস অসি লৈবাক অসিগী খ্বাইদগী ফজবা তুরিস্ত দেস্তিনেসনশিংদা পাংথোক্লগনি।
মীদিয়াগা ৱারি-ৱাতায় শান্নরদুনা, শ্রী অশ্বিনী বৈস্নবনা হায়খি, "ইকায়খুম্নজরবা প্রধান মন্ত্রী, শ্রী নরেন্দ্র মোদী জীনা পুক্নিং থৌগত্তুনা, ঐখোয়না নেস্নেল ফিল্ম এৱার্দস অসি লৈবাক অসিগী খ্বাইদগী ফজবা তুরিস্ত দেস্তিনেসনশিংদা পাংথোক্লগনি।"
মহাক্না হায়খি মদুদি একতা নগরনা মালেম শিনবা থুংনা মশক খঙখ্রে অমসুং মসি য়াম্না পুক্নিং চিংশিন্নিংঙাই ওইবা দেস্তিনেসন অমনি, মফম অসিদা মালেমগী খ্বাইদগী ৱাংবা সর্দার বল্লবভাই পতেলগী মীতম লৈরি। মহাক্না মখাতানা হায়খি মদুদি ভারতকী ইকায়খুম্নজরবা প্রসিদেন্ত অমসুং লৈবাক শিনবা থুংনদগী ভারতকী ফিল্ম ইন্দস্ত্রীগী শক্নাইরবা মীওইশিংনা অসিগুম্বা মমিং চৎলবা তুরিস্ত দেস্তিনেসন অমদা চৎপা মতমদা, মসিনা মীওই কয়ামরুমদা দেস্তিনেসন অসিগী মতাংদা খঙনবগী অমসুং উনবগী খুদোংচাবা অমা ফংহনগনি।
মিনিস্তরনা হায়খি মদুদি নেস্নেল ফিল্ম এৱার্দস অসি কনফরেন্স রুম অমগী ৱাংমদা পুদুনা মীয়ামগা হেন্না নকশিনহনবা, অমসুং ত্যুরিজমগী খুত্থাংদা মসিবু প্রমোত তৌবা অমসুং মাংলোমদা পুখৎপগী পান্দম থম্লি।
শ্রী অশ্বিনী বৈস্নবনা নেস্নেল ফিল্ম এৱার্দস পাংথোক্নবগীদমক মখোয়গী খ্বাইদগী ফজরবা ত্যুরিজম দেস্তিনেসনশিং মশক খঙদোক্লদুনা প্রপোজলশিং পীশিন্নবা স্তেত পুম্নমক্তা কৌখ্রে। মহাক্না হায়খি মদুদি প্রপোজলশিং অদুদা খ্বাইদগী ফবা ফেসিলিতীশিং অমসুং দেস্তিনেসন অদুগী ৩৬০-দিগ্রী দেবেলপমেন্তকী থৌরাং অমা য়াওগদবনি। প্রপোজল খল্লবা স্তেত অদুনা মথংগী নেস্নেল ফিল্ম এৱার্দস অদু প্রপোজ তৌরিবা তুরিস্ত দেস্তিনেসন অদুদা পাংথোক্কনি।
মিনিস্তরনা নিংশিংখি মদুদি প্রধান মন্ত্রী, শ্রী নরেন্দ্র মোদীনা জি-২০ (G20) পাংথোকপা মতমদা, মসিগী থৌরমশিং অদু লৈবাক অসিগী তোঙান-তোঙানবা মফমশিংদা পুখি অমসুং তোঙান-তোঙানবা স্তেতশিংদা পাংথোকখি। মহাক্না হায়খি মদুদি ফিল্ম অমসুং ত্যুরিজম করম্না পুন্না পুশিন্নবা ঙমগদবগে হায়বা অদু থীনবা হেন্না চাউবা ৱাখল্লোনগী শরুক অমা ওইনা নেস্নেল ফিল্ম এৱার্দস অসি লৈবাক শিনবা থুংনা পাংথোক্লগনি।
শ্রী অশ্বিনী বৈস্নবনা হায়খি মদুদি ফিল্ম অমসুং ত্যুরিজম পুন্না পুশিন্নবনা তুরিস্ত দেস্তিনেসন অদুদা কান্নবা ফংহনগনি অমসুং নেস্নেল ফিল্ম এৱার্দস অসি কনফরেন্স রুম অমগী ৱাংমদা চৎপা অমসুং লৈবাক শিনবা থুংনা লৈরিবা অশেংবা ফিজিকেল দেস্তিনেসনশিংদা য়ৌবা ঙমহনগনি।
*****
(রিলিজ আই.দি.: 2313596)
ভিজিতর কাউন্তর : 3
রিলিজ অসি মসিদা পাবীয়ু:
English
,
Urdu
,
Nepali
,
Marathi
,
हिन्दी
,
Bengali-TR
,
Bengali
,
Assamese
,
Punjabi
,
Gujarati
,
Odia
,
Tamil
,
Telugu
,
Kannada
,
Malayalam