नवी दिल्ली,22 सप्टेंबर 2026

पंतप्रधान नरेंद्र मोदी यांच्या संकल्पनेनुसार राष्ट्रीय कार्यक्रमांना पारंपरिक स्थळांपुरते मर्यादित स्वरुप बहाल न करता त्यांना देशातील विविध स्थळांशी जोडण्यासाठी राष्ट्रीय चित्रपट पुरस्कार आता देशातील सर्वोत्तम पर्यटन स्थळांपर्यंत नेले जातील असे केंद्रीय माहिती आणि प्रसारणमंत्री अश्विनी वैष्णव यांनी सांगितले. 

🎬 Taking the National Film Awards to India’s finest tourist destinations! 🇮🇳 ✨ ◉ Guided by the vision of Prime Minister @narendramodi, we are taking the #NationalFilmAwards to some of the finest tourist destinations across the country. ◉ #EktaNagar is renowned across the world, home to the #StatueofUnity and surrounded by scenic beauty. ◉ When the Hon’ble President of India and leading personalities from the film fraternity come together at such a renowned tourist destination, it gives people an opportunity to discover and explore the destination even more. ◉ Our endeavour is to take the National Film Awards beyond a conference room and closer to the people, while promoting tourism alongside it. ◉ I invite all states to submit proposals for their finest tourism destinations, along with plans for world-class facilities and 360-degree development. The state whose proposal is selected will host the next National Film Awards at that tourist destination. - Union Minister @AshwiniVaishnaw #NFA #FilmsThatUnite #IndiaCelebratesCinema @MIB_India @nfdcindia

— PIB India (@PIB_India) September 22, 2026

प्रसारमाध्यमांशी बोलताना अश्विनी वैष्णव म्हणाले की पंतप्रधान नरेंद्र मोदी यांच्या प्रेरणेनुसार आम्ही राष्ट्रीय चित्रपट पुरस्कार देशातील सर्वोत्तम पर्यटन स्थळांपर्यंत नेणार आहोत.

एकता नगर ला जगभरात ओळख प्राप्त झाली असून तिथे सरदार वल्लभभाई पटेल यांचा जगातील सर्वात उंच पुतळा असल्याने हे स्थळ पर्यटकांच्या आकर्षणाचे केंद्र झाले आहे, असे ते म्हणाले. ज्यावेळी राष्ट्रपती आणि भारतीय चित्रपट सृष्टीतील प्रतिथयश मान्यवर इतक्या प्रसिद्ध पर्यटन स्थळाला भेट देतील, त्यावेळी अधिक लोकांना त्याविषयी आणि तेथील अनुभवाविषयी माहिती मिळण्याची संधी उपलब्ध होईल, असे त्यांनी सांगितले. 

राष्ट्रीय चित्रपट पुरस्कारांना सभागृहापुरते सीमित न ठेवता त्यांना नागरिकांच्या अधिक समीप नेतानाच  पर्यटनाच्या माध्यमातून त्यांचा प्रचार आणि  विकास करण्याचा प्रयत्न आहे, असे वैष्णव यांनी सांगितले.

सर्व राज्यांनी आपापल्या राज्यातील सर्वोत्कृष्ट पर्यटन स्थळांना ओळखून राष्ट्रीय चित्रपट पुरस्कारांच्या आयोजनासाठी तसा प्रस्ताव सादर करावा, असे आवाहन अश्विनी वैष्णव यांनी केले. या प्रस्तावामध्ये तिथे उपलब्ध असलेल्या सर्वोत्तम सुविधा आणि त्या पर्यटन स्थळाच्या सर्वांगीण विकासाचा आराखडा यांचा समावेश असावा, असे ते म्हणाले. ज्या राज्याचा प्रस्ताव स्वीकारला जाईल, त्या राज्यातील प्रस्तावित पर्यटन स्थळी पुढील राष्ट्रीय चित्रपट पुरस्कार वितरण समारंभ आयोजित केला जाईल अशी माहिती त्यांनी दिली.

ज्यावेळी पंतप्रधान नरेंद्र मोदी यांनी जी ट्वेन्टी परिषदेचे आयोजन केले होते, त्यावेळी देशातील विविध भागांमध्ये आणि अनेक राज्यांमध्ये उपक्रम आयोजित करण्यात आले होते, याचे स्मरण त्यांनी करुन दिले. त्याचप्रमाणे चित्रपट उद्योग आणि पर्यटन यांची सांगड कशाप्रकारे घालता येईल या वैचारिक प्रक्रियेचा एक भाग म्हणून राष्ट्रीय चित्रपट पुरस्कार देखील संपूर्ण देशभरात विविध ठिकाणी आयोजित केले जातील.

अश्विनी वैष्णव यांनी सांगितले की, चित्रपट आणि पर्यटन यांना एकत्र आणल्याने पर्यटनस्थळांना फायदा होईल, तसेच राष्ट्रीय चित्रपट पुरस्कारांना केवळ सभागृह पुरते मर्यादित न राहता देशभरातील प्रत्यक्ष पर्यटनस्थळांपर्यंत पोहोचण्यास मदत होईल.

नेहा कुलकर्णी/भक्ती सोनटक्के/प्रिती मालंडकर 

सोशल मिडियावर आम्हाला फॉलो करा:@PIBMumbai    /PIBMumbai    /pibmumbai  pibmumbai[at]gmail[dot]com  /PIBMumbai    /pibmumbai