اطلاعات و نشریات کے مرکزی وزیر جناب اشونی ویشنو نے انڈیا اے آئی امپیکٹ سمٹ 2026 کے دوسرے دن ویوز کریئیٹرز کارنر کا افتتاح کیا ۔ یہ پویلین ایک مکمل طور پر فعال اور عملی اختراعی ورک اسپیس کے طور پر تیار کیا گیا ہے، تاکہ اے وی جی سی- ایکس آر(اینیمیشن، وی ا یف ایکس ، گیمنگ، کامکس اور ایکسٹینڈڈ ریئیلٹی)ایکو سسٹم کے اندر مصنوعی ذہانت  کی انقلابی ایپلی کیشنز کا مظاہرہ کیاجاسکے۔

افتتاحی تقریب کے دوران ، وزیر موصوف نے اس بات پر زور دیا کہ ویوز کریئیٹرز کارنر وزارت کے کلیدی اقدامات بشمول ویو ایکس ، ویوز بازار  اور کریٹ ان انڈیا چیلنجز کی اسٹریٹجک توسیع کے طور پر کام کرتا ہے ۔  جناب ویشنو نے پویلین کا ایک وسیع معائنہ کیا ، ویوایکس اسٹارٹ اپ سے متعلق ابھرتے ہوئے صنعت کاروں اور ایڈوب ، نیٹ فلکس ، سونی اور ایمیزون جیسے عالمی اداروں کی سینئر قیادت کے ساتھ بات چیت کی ۔

51 اسٹارٹ اپس کی نمائش

میڈیا اور تفریحی ماحولیاتی نظام کو ایک اہم فروغ دیتے ہوئے ، ویوایکس کے تعاون سے 51 امید افزا اے وی جی سی-ایکس آر اور میڈیا ٹیک اسٹارٹ اپس پویلین میں اے آئی سے چلنے والے حل اور عمیق ٹیکنالوجیز کی نمائش کر رہے ہیں ۔  جناب اشونی ویشنو نے بھاشا سیتو اور کلا سیتو چیلنجز کے فاتحین سمیت ان کاروباریوں کے ساتھ بات چیت کی ۔

شردھا شرما کے ساتھ فائر سائیڈ چیٹ

وزیر موصوف نے میڈیا لاؤنج میں یور اسٹوری کی شردھا شرما کے ساتھ ایک ہائی پروفائل فائر سائیڈ گفتگو میں بھی حصہ لیا ۔ اس سیشن میں ، انہوں نے معاشرے پر اے آئی کے گہرے اثرات پر اپنا نقطہ نظر کا اشتراک کیا ، جس میں اس بات پر روشنی ڈالی گئی کہ کس طرح ٹیکنالوجی عالمی معیار کے اسٹارٹ اپ قائم کرنے کے لیے دیہی ہندوستان سے ہنر  کے فرق کو ختم کر رہی ہے ۔

ویوز کریئیٹرز کارنرکی اہم تکنیکی جھلکیاں

پویلین میں ریئل ٹائم گیم ڈیولپمنٹ اور پرامپٹ ٹو سنیما لائیو اسٹوڈیو سے لے کر اے ڈبلیو ایس اور بھارت -جین کے ذریعہ ایک ایجنٹک اے آئی سے چلنے والے نیوز روم تک خودکار ادارتی ورک فلو کو فعال کرنے والے جدید ترین اے آئی تجربات کی نمائش کی گئی ۔  اختراعات میں سروم کی ریئل ٹائم وائس کلوننگ اور کثیر لسانی رابطے کے لیے انڈس چیٹ ایپ ، این ایف ڈی سی کے ذریعے تیار کردہ 270 ڈگری اے آئی فلم اسکریننگ ، سونی ریسرچ انڈیا کی فیس اینڈ وائس ری ایجنگ ٹیکنالوجی  اور ڈی ایس ایل آر یا آئی فون کا استعمال کرتے ہوئے وہسلنگ ووڈس انٹرنیشنل کی مارکر لیس موشن کیپچر شامل ہیں۔

صلاحیت سازی اور مستقبل کی تیاری:

 وزیر موصوف نے آئی آئی سی ٹی کی تخلیقی تعلیم میں مصنوعی ذہانت کو مربوط کرنے کے لیے تعریف کی تاکہ طلباء کو صنعت کی مانگ کو پورا کرنے کے لیے اس کے مطابق انہیں آراستہ کیا جا سکے ۔

ویوز کریئیٹرز کارنر:

اس  پلیٹ فارم پر سمٹ کے دوران عالمی رہنماؤں کے ذریعے ماہر مکالموں ، فلم سازوں کی ماسٹر کلاسز اور تکنیکی اجلاس کی میزبانی کا سلسلہ جاری رہے گا۔

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

 (ش ح ۔  م ش۔ع ن)

U. No. 2622