ক্ৰমান্বয়ে প্ৰতিযোগিতামূলক সম্প্ৰচাৰৰ পৰিৱেশত দূৰদৰ্শন আৰু আকাশবাণীৰ কাৰ্যক্ষমতা আৰু দৰ্শকৰ প্ৰসাৰ শক্তিশালী কৰাৰ বাবে ভাৰত চৰকাৰে স্থায়ী ব্যৱস্থা গ্ৰহণ কৰিছে।

বিষয়বস্তুৰ মানদণ্ড আৰু বৈচিত্ৰ্য উন্নত কৰিবলৈ ২০২৪ চনত সৰলীকৃত বিষয়বস্তুৰ উৎস নীতি প্ৰৱৰ্তন কৰা হৈছিল যাতে বহল অংশগ্ৰহণ আৰু কাৰ্যসূচীসমূহৰ দ্ৰুত অধিগ্ৰহণ সম্ভৱ হয়।

নিয়মিতভাৱে নতুন কাৰ্যসূচী আৰম্ভ কৰা হয় আৰু আঞ্চলিক আৰু ৰাজ্যিক কেন্দ্ৰসমূহে আঞ্চলিক ভাষাত বিষয়বস্তু প্ৰস্তুত কৰিবলৈ স্থানীয় শিল্পীসকলক নিয়োজিত কৰে। উন্নত প্ৰতিভাক আকৰ্ষণ কৰিবলৈ আৰু শেষত দূৰদৰ্শনৰ ৬৬টা প্ৰগ্ৰেম প্ৰডাকচন চেণ্টাৰত মানসম্পন্ন স্থানীয় বিষয়বস্তু সমৰ্থন কৰিবলৈ শিল্পী আৰু কেজুৱেল এচাইনীৰ হাৰো সংশোধন কৰা হৈছে।

ব্যাপক জনসাধাৰণৰ প্ৰচাৰ নিশ্চিত কৰিবলৈ ৰাষ্ট্ৰীয় ডাঙৰ ডাঙৰ অনুষ্ঠানসমূহৰ লাইভ কভাৰেজ নিয়মিতভাৱে গ্ৰহণ কৰা হয়। ইয়াৰে কিছুমান উদাহৰণ হ’ল মহাকুম্ভ ২০২৫ (প্ৰয়াগৰাজ), ৱেভছ ২০২৫ (মুম্বাই) আৰু ইছৰোৰ উপগ্ৰহ উৎক্ষেপণ।

প্ৰযুক্তিগত উন্নীতকৰণৰ ভিতৰত আছে হাই ডেফিনিচন (এইচডি)ত কেইবাটাও ডিডি চেনেলৰ টেলিকাষ্ট, আৰু অ’টিটি প্লেটফৰ্ম “ৱেভছ” মুকলিৰ জৰিয়তে ডিজিটেল উপস্থিতি সৱল কৰা। ডিডি আৰু অন্যান্য চেনেলসমূহ ৱেভছ অ’টিটি, অনলাইন নিউজঅনএআইআৰ মোবাইল এপ, ইত্যাদিত একত্ৰিত কৰা হৈছে।

আকাশবাণীয়ে দৃশ্য-শ্ৰাব্য প’ডকাষ্ট ধাৰাবাহিক ক্ৰমে “আকাশবাণী প’ডকাষ্ট” আৰু “আকাশবাণী অৰিজিনেলছ”ও মুকলি কৰিছে।

আকাশবাণীত গাঁথনিগত সংস্কাৰ কৰা হৈছে, য’ত ক্লাষ্টাৰ মুৰব্বী/কাৰ্যালয়ৰ মুৰব্বীৰ বাবে নিৰ্ধাৰিত ভূমিকা, ৰাজহ আহৰণ, বিষয়বস্তু উন্নয়ন আৰু বজাৰ প্ৰসাৰত গুৰুত্ব দিয়া হৈছে।

ক্ৰছ-চেনেল প্ৰচাৰ আৰু সমন্বিত বিপণন প্ৰচেষ্টাৰ দ্বাৰা সমৰ্থিত বিকল্প সম্প্ৰচাৰ পদ্ধতি যেনে এপ, অ’টিটি আৰু ছ’চিয়েল মিডিয়াৰ সহায় লোৱা হৈছে।

প্ৰসাৰ ভাৰতীৰ আধুনিকীকৰণ আৰু উন্নীতকৰণ সম্প্ৰচাৰ আন্তঃগাঁথনি আৰু নেটৱৰ্ক উন্নয়ন (বিআইএনড) আঁচনি (২০২১-২৬)ৰ অধীনত ২,৫৩৯.৬১ কোটি টকা ব্যয়ৰে কৰা হৈছে।

ই ডিজিটেলাইজেচন, লিগেচি চিষ্টেম সলনি কৰা, ষ্টুডিঅ’ আৰু ট্ৰেন্সমিটাৰ উন্নীতকৰণ, কভাৰেজ সম্প্ৰসাৰণ আৰু নতুন প্ৰযুক্তি গ্ৰহণৰ ওপৰত গুৰুত্ব আৰোপ কৰে।

ৰাজহ অধিক বৃদ্ধিৰ ব্যৱস্থাসমূহৰ ভিতৰত ক্লায়েণ্টৰ উন্নত সংযোগ, ৰাজহ-মুখী বিষয়বস্তু পৰিকল্পনা, বহু-প্লেটফৰ্ম প্ৰচাৰ আৰু সংহত বিজ্ঞাপন কৌশল আদিও অন্তৰ্ভুক্ত কৰা হৈছে।

২০২২–২৫ চনৰ ভিতৰত বেচৰকাৰী বিজ্ঞাপন খণ্ডৰ পৰা আকাশবাণী আৰু দূৰদৰ্শনে লাভ কৰা মুঠ ৰাজহ হৈছে ৫৮৭.৭৮ কোটি টকা।

তথ্য আৰু সম্প্ৰচাৰ আৰু সংসদীয় পৰিক্ৰমা বিভাগৰ ৰাজ্যিক মন্ত্ৰী ড° এল মুৰুগানে শ্ৰী পৰশোত্তমভাই ৰূপালাই উত্থাপন কৰা এক প্ৰশ্নৰ উত্তৰত ১৭.১২.২৫ তাৰিখে লোকসভাত এই তথ্য প্ৰদান কৰে।

******

Mahesh Kumar / Vivek Vishwash/AA