প্রধান মন্ত্রী শ্রী নরেন্দ্র মোদীনা ওগস্ত ২৮, ২০১৪দা হৌদোকখিবা প্রধান মন্ত্রী জন ধন য়োজনা (PMJDY) অসিনা হৌজিক ভারতকী শেন-থুমগী লমদা অহোংবা পুরকপa চহি ১১ মপুং ফারে। মালেমগী খ্বাইদগী চাউবা ফাইনান্সিএল ইনক্লুজন ইনিসিএতিব ওইনা, PMJDYনা মখা তানা খুদোংচাবা ফংদ্রিবা প্রজা মিলিয়ন কয়াগীদমক বেঙ্কিংগী খুদোংচাবশিং ফংহনবগী মওং অসি নৌনা মশক তাক্লি।

থৌরম অদুদা, কেন্দ্রগী শেল-থুম অমসুং কোর্পোরেৎ এফিয়র্সকী মন্ত্রী শ্রীমতি নির্মলা সিতারমননা পাউজেল অমদা হায়খি, "ফাইনান্সিএল ইনক্লুজন অসি ইকনোমিক গ্রোথ অমসুং দিবেলপমেন্তকী মরুওইবা দ্রাইভর অমনি। বেঙ্ক একাউন্তশিংদা য়ুনিভর্সেল এক্সেস ফংহনবনা লায়রবশিং অমসুং শোত্থরবশিংবু ফোর্মেল ইকনোমীদা মপুং ফানা শরুক য়াবা অমসুং মসিগী খুদোংচাবশিংদগী কান্নবা ফংবা ঙমহল্লি।”

“PMJDYনা দাইরেক্ত বেনিফিৎ ত্রান্সফর (DBT) শিজিন্নদুনা তোঙান তোঙানবা স্কিমশিংগী মখাদা কান্নবা ফংহন্নবা, ক্রেদিৎ ফেসিলিতীশিং, সোসিএল সেক্যুরিতী, অমসুং সেভিং অমসুং ইনভেস্তমেন্ত হেনগৎহন্নবা মরুওইবা চেনেল অমা ওইরি," হায়না কেন্দ্রগী শেলথুম মন্ত্রীনা ফোংদোকখি।

“হৌখিবা চহি ১১দা, জন ধন একাউন্ত করোর ৫৬ হেন্না হাংদোকখ্রে, অপুনবা দিপোজিৎ বেলেন্স লুপা করোর লাখ ২.৬৮ য়ৌখি। দিজিতেল ত্রাঞ্জেক্সনশিং লায়থোকহন্নবা রুপে কার্দ করোর ৩৮ হেন্না লেম্না ফংহনখ্রে,” শ্রীমতি মোদী সিতারমননা হায়খি।

“PMJDYগী মখাদা, একাউন্তশিংগী ৬৭%দি খুঙ্গংগী নৎত্রগা সেমি-অর্বান এরিয়াশিংদা হাংদোক্লি, অমসুং হাংলিবা একাউন্তশিংগী ৫৬%দি নুপীশিংনা ওইরি, মসিনা লৈবাক অসিগী মনুং হঞ্জিনবা মফমশিংদা লৈরিবা লায়রবা মীওইশিংবু করম্না ফোর্মেল ফাইনান্সিএল সেক্তরদা পুরকখিবগে হায়বদু উৎলি,” হায়না কেন্দ্রগী শেলথুম মন্ত্রীনা ফোংদোকখি।

থৌরম অসিদা মহাক্কী পাউজেলদা, কেন্দ্রগী শেল-থুমগী রাজ্য মন্ত্রী শ্রী পঙ্কজ চৌধরীনা হায়খি, “PMJDY অসি লৈবাক অসিদা খক্তা নত্তনা মালেম পুম্বদা খ্বাইদগী মায় পাকপা ফাইনান্সিএল ইনক্লুজন ইনিসিএতিবশিংগী মরক্তগী অমনি। জন ধন য়োজনা অসি ইকাই খুম্নবা, শক্তি পীবা অমসুং খুদোংচাবা পীবা অদুনি।”

“২০২১গী নীংতম্বা নুমিৎকী মহাক্কী ৱারোলদা প্রধান মন্ত্রীনা ইমুং খুদিংমক্তা বেঙ্ক একাউন্ত অমা লৈগদবনি অমসুং অহল ওইরবা মীওই খুদিংমক্তা ইন্সুরেন্স অমসুং পেন্সন ফংহনগদবনি হায়না লাউথোকখি। লৈবাক শিনবা থুংনা পায়খৎলিবা তোঙান তোঙানবা সেচুরেসন দ্রাইবশিংগী খুত্থাংদা মসিগী মায়কৈ অসিদা লেপ্পা লৈতনা হোৎনবগা লোয়ননা, ঐখোয়না বেঙ্ক একাউন্তশিংদা সেচুরেসন ফংগদবা নকশিল্লে অমসুং লৈবাক শিনবা থুংনা ইন্সুরেন্স অমসুং পেন্সনগী কভরেজ লেপ্তনা হেনগৎলক্লি," হায়না শ্রী পঙ্কজ চৌধরীনা হায়খি।

“ঐখোয়না সেচুরেসন কেম্পেন অমা হৌদোক্লে। লৈবাক অসিদা লৈরিবা GP ২.৭ লাখ অসিদা য়ামদ্রবদা কেম্প অমা পাংথোক্কনি। মসিদা ইলিজিবল ওইবা মীওইশিংনা PMJDYগী একাউন্ত হাংবা, জন সুরক্ষা স্কিমগী মখাদা এনরোল তৌবা অমসুং মখোয়গী বেঙ্ক একাউন্তশিংদা মখোয়গী e-KYC অমসুং নোমিনেসনশিং  অপদেৎ তৌবা য়াগনি। ঐখোয়না হোৎনরিবসি শেল-থুমগী সর্ভিসশিং অসি মীচম প্রজাগী য়ুমথোংদা য়ৌহনবনি। সেপ্তেম্বর ৩০দা সেচুরেসন দ্রাইব অসি মপুং ফারক্লগনি, অহানবা রিপোর্তশিং অসি পুক্নিং থৌগৎনিংঙাইনি অমসুং ঐহাক্না ময়াম পুম্নমকপু কেম্পেন অসিদগী মপুং ফানা কান্নবা লৌনবা হায়জরি," হায়না শেলথুমগী MoSনা ফোংদোকখি।

“স্তেকহোল্দর, বেঙ্কশিং, ইন্সুরেন্স কম্পনীশিং অমসুং রাজ্য সরকার পুম্নমক্কী মতেংগা লোয়ননা ঐখোয়না শেল-থুমগী লমদা হেন্না ইনক্লুসিব ওইবা খুন্নাই অমগী মায়কৈদা চংশিল্লি। অমসুং PMJDY অসি মতম চুপ্পদা লৈবাক অসিগী ফাইনান্সিএল ইনক্লুজনগীদমক গেম চেঞ্জর অমা ওইনা নীংশিংদুনা লৈহৌরগনি। প্রধান মন্ত্রী জনধন য়োজনা অসি মিসন মোদতা লৈঙাকপগী মরুওইবা খুদম অমা ওইবতা নত্তনা মীয়ামগী য়াইফনবা সরকারনা কত্থোক্লবদি করি তৌবা ঙম্বগে হায়বদুসু উৎলি," হায়না শ্রী পঙ্কজ চৌধরীনা হায়খি।

ফাইনান্সিএল ইনক্লুজন পাকথোক চাউথোক্লি:

শেল-থুম মন্ত্রালয়না লায়রবা অমসুং শেলথুমদা খুদোংচাদবা ফীভমদা লৈবা কাংলুপশিংবু ফাইনান্সিএল ইনক্লুজনগী স্ত্রেতেজীশিংগী খুত্থাংদা মতেং পাংনবা লেপ্লি। PMJDYনা বেঙ্কতা একাউন্ত লৈতবা চহি শুরবা মীওই খুদিংমক্না বেসিক বেঙ্ক একাউন্ত অমা লৈহনবা ঙমহল্লি – মসি জিরো বেলেন্স ওই অমসুং মেন্তেনেন্স চার্জ লৌদে।

একাউন্ত খুদিংমক্তা রুপে দেবিৎ কার্দ অমা য়াওরি, মসিনা দিজিতেল ত্রান্সসেক্সনশিং অমসুং শেল-থুমগী সেক্যুরিতী পীনবা, লুপা লাখ ২গী এক্সিদেন্ত ইন্সুরেন্স কভর ফংহল্লি। একাউন্ত হোল্দরশিং অসি ইমর্জেন্সীগী মতমদা সেফতী নেৎ অমা পীনবা, লুপা ১০,০০০ ফাওবগী ওভরদ্রাফ্ত ফেসিলিতীগীদমক ইলিজিবল ওই।

PMJDY একাউন্তশিংগী ফীচরশিং:

• মপুং ফানা KYC কমপ্লাইন্ত ওইরবা PMJDY একাউন্তশিংদা বেলেন্স নত্ত্রগা ত্রাঞ্জেক্সনশিংগী চাংগী অথিংবা লৈতে। মসি BSBDগী একাউন্ত অমনি। PMJDYগী একাউন্ত হোল্দরশিংদা মখাদা পীরিবা ফেসিলিতীশিং অসি লেম্না পীরি:
• বেঙ্ক ব্রাঞ্চ অমসুং ATM/CDMশিংদা কেশ দিপোজিৎ তৌবা।
• ইলেক্ত্রোনিক চেনেল অমা হেক্তগী খুত্থাংদা শেল লাকহনবা/ক্রেদিৎ তৌবা য়াহল্লি নত্ত্রগা সেন্ত্রেল/স্তেৎ সরকারগী এজেন্সীশিং অমসুং দিপার্তমেন্তশিংনা পীবা চেকশিং দিপোজিৎ তৌবা/ কল্লেক্সন তৌবা য়াহল্লি।
• থা অমদা তৌবা য়াবা দিপোজিৎশিংগী মশিং অমসুং ভেল্যুদা লিমিৎ লৈতে।
• মেত্রো ATMশিং য়াওনা ATM অমা হেক্তদগী ফ্রি ওইনা থা অমদা য়ামদ্রবদা ৱিদ্রোৱেল মরি য়াই। মতুং তারকপদা লৌথোকপদা বেঙ্কশিংনা চার্জ লৌবা য়াই।
• লুপা লাখ ২গী ইনবিল্ত এক্সিদেন্স ইন্সুরেন্স কোভরেজগা লোয়ননা ফ্রী রুপে দেবিৎ কার্দ।

অওনবা পুরকপগী কিকেদ অমা হেল্লে:

হৌখিবা চহি ১১ অসিদা, PMJDYনা ত্রান্সফোর্মেস্নেল অমসুং দিরেক্সনেল অনিমক শেমগৎলকখি। মসিনা খ্বাইদগী লায়রবা অমসুং খ্বাইদগী মনুং হঞ্জিন্না লৈবা নাগরিকশিং ফাওবদা মতেং পাংনবা বেঙ্কিং ইকোসিস্তেমবু মপাঙ্গল কনখৎহনখি। মসিনা সরকারগী সবসিদী অমসুং পেমেন্তশিং ত্রান্সপরেন্ত, ইফিসেন্ত অমসুং করপ্সন য়াওদনা পীবা ঙমহল্লিবা দাইরেক্ত বেনেফিৎ ত্রান্সফর (DBT)গী য়ুম্ফম ওইরক্লি।

PMJDYগী একাউন্তশিংনা জন সুরক্ষা স্কিমশিং- প্রধান মন্ত্রী জীবন জ্যোতি বিমা য়োজনা অমসুং প্রধান মন্ত্রী সুরক্ষা বিমা য়োজনাগুম্বা স্কিমশিংগী খুত্থাংদা অনওর্গনাইজ সেক্তরগী শিন্মী মিলিয়ন কয়াদা পুন্সি অমসুং এক্সিদেন্ত ইন্সুরেন্স ফংহনবদা মরু ওইবা থৌদাং লৌরি।

JAM ত্রিনিতী: গেম চেঞ্জর অমা:

PMJDYনা মাগী য়ুম্ফম ওইবগা লোয়ননা জন-ধন-আধার-মোবাইল (JAM) ত্রিনিতীনা সবসিদী দেলিভরীগীদমক দাইভর্জন-প্রুফ মেকানিজম অমা ওইরি। JAMগী খুত্থাংদা সরকারনা মায় পাক্না কান্নবা ফংলবশিংগী বেঙ্ক একাউন্তশিংদা হকথেংননা ত্রান্সফর তৌদুনা ইন্তরমিদিয়রীশিং অমসুং দিলে লৈহন্দ্রে। শেনবা চহি ২০২৪-২৫গী মনুংদা অপুনবা শেনফম লুপা করোর ৬.৯ অসি তোঙান তোঙানবা DBT স্কিমশিংগী মখাদা বেঙ্ক একাউন্তশিংদা ক্রেদিৎ তৌখি।

ফাইনান্সিএল ইনক্লুজন স্কিমশিংগী সেচুরেসন কেম্পেন (০১.০৭.২০২৫-৩০.০৯.২০২৫): ফাইনান্সিএল ইনক্লুজন স্কিম সেচুরেসন কেম্পেন (০১.০৭.২০২৫ - ৩০.০৯.২০২৫): বেঙ্কশিংনা KYCগী অকুপ্পা মরোলশিং অপদেৎ তৌনবা, অনৌবা একাউন্তশিং হাংদোক্নবা অমসুং মাইক্রো-ইন্সুরেন্স অমসুং পেন্সন স্কিমশিং প্রমোৎ তৌনবা জুলাই ১, ২০২৫দগী সেপ্তেম্বর ৩০, ২০২৫ ফাওবা কেম্পশিং পাংথোক্লি। একাউন্ত হোল্দরশিংবু বেঙ্কিং সর্ভিসশিং খ্বাইদগী হেন্না শিজিন্ননবা অমসুং বেঙ্কিং সর্ভিসশিং থিংনবা এজুকেসন পীবদা মখা তানা মিৎয়েং থম্লি। বেঙ্কশিংনা PMJDYগী মখাদা ইনএক্তিব একাউন্তশিং হন্থহন্নবা একাউন্ত হোল্দরশিংগা পাউ ফাওদুনা হোৎনরি। ২০২৫গী জুলাই ১দা কেম্পেন অসি হৌদোকখিবদগী, মরুওইবা স্কিমশিংগী মখাদা বেনিফিসরী এনরোলমেন্ত লাইথোকহন্নবা অমসুং ফাইনান্সিএল লিতরেসী প্রমোৎ তৌনবা তোঙান তোঙানবা জিলাশিংদা অপুনবা কেম্প ১,৭৭,১০২ পাঙথোকখ্রে।

মরু ওইবা পন্দুপশিং অমসুং মায়পাকপশিং:

1. PMJDY একাউন্তশিং: করোর ৫৬.১৬ (ওগস্ত ১৩, ২০২৫ ফাওবদা)

২০২৫গী ওগস্ত ১৩ ফাওবদা, PMJDYগী অপুনবা একাউন্ত মশিং অসি করোর ৫৬.১৬ য়ৌখ্রে; জন-ধন একাউন্ত হোল্দরশিংগী ৫৫.৭% (করোর ৩১.৩১) অসি নুপীশিংনি অমসুং জন-ধন একাউন্তশিংগী ৬৬.৭% (করোর ৩৭.৪৮) অসি রুরেল অমসুং সেমি-অর্বান এরিয়াশিংদা লৈরি।

2. PMJDY একাউন্তশিংগী মখাদা তৌরিবা দিপোজিৎ – করোর লাখ ২.৬৮ (ওগস্ত ১৩, ২০২৫ ফাওবদা)

প্রধান মন্ত্রী জন ধন য়োজনা (PMJDY) গী একাউন্তশিংগী মখাদা লৈরিবা অপুনবা দিপোজিৎ বেলেন্স অসি লুপা করোর ২,৬৭,৭৫৬ য়ৌখ্রে। একাউন্ত মশিং অসি শরুক অহুম হেনগৎলকপা মতমদা অপুনবা দিপোজিৎনা চাউরাক্না শরুক ১২ হেনগৎলক্লি। (ওগস্ত ২৫ / ওগস্ত ১৫)

3. PMJDY একাউন্ত অমদা তৌবা এভরেজ দিপোজিৎ –লুপা ৪৭৬৮ (ওগস্ত ১৩, ২০২৫ ফাওবদা)

একাউন্ত অমদা এভরেজ দিপোজিৎ অসি ১৩.০৮.২০২৫ ফাওবদা লুপা ৪,৭৬৮ ওইরি। একাউন্ত অমমমদা লৈরিবা অপুনবা দিপোজিৎ অসি ওগস্ত ২০১৫গা চাংদম্নবদা শরুক ৩.৭ হেনগৎখ্রে। এভরেজ দিপোজিৎ হেনগৎলকপা অসিসু একাউন্ত শিজিন্নবগী চাং হেনগৎলকপা অমসুং একাউন্ত হোল্দরশিংগী মরক্তা সেভিংগী চৎনবী লৈরকপগী অতোপ্পা খুদম অমনি ।

4. PMJDY একাউন্ত হোল্দরশিংদা রুপে কার্দ ইসু তৌখিবা: করোর ৩৮.৬৮ (ওগস্ত ১৩, ২০২৫ ফাওবদা)

PMJDYগী একাউন্ত হোল্দরশিংদা রুপে কার্দ করোর ৩৮.৬৮ ইসু তৌখ্রে: রুপে কার্দশিংগী মশিং অমসুং মখোয়গী শীজিন্নবগী চাং অসি মতমগী মতুং ইন্না হেনগৎলক্লি।

PMJDYগী মখাদা রুপে দেবিৎ কার্দ করোর ৩৮.৬৮ হেন্না ইসু তৌবা, PoS/mPoS মেছিন করোর ১.১১ ইনস্তোল তৌখি অমসুং UPIগুম্বা মোবাইলদা য়ুম্ফম ওইবা পেমেন্ত সিস্তেমশিং হৌদোকপগা লোয়ননা, দিজিতেল ত্রাঞ্জেক্সনশিংগী অপুনবা মশিং অসি শেনবা চহি ২০১৮-১৯দা করোর ২.৩৩৮ ওইরম্বদগী শেনবা চহি ২০২৪-২৫দা করোর ২২.১৯৮দা হেনগৎখ্রে। UPI ফাইনান্সিএল ত্রাঞ্জেক্সনশিংগী অপুনবা মশিং অসি শেনবা চহি ২০১৮-১৯দা করোর ৫৩৫দগী শেনবা চহি ২০২৪-২৫দা করোর ১৮,৫৮৭ ওইখি। মসিগা মান্ননা, PoS অমসুং ই-কমর্সতা রুপে কার্দ ত্রাঞ্জেক্সনগী অপুনবা মশিং অসি শেনবা চহি ২০১৭-১৮দা করোর ৬৭ ওইরম্বদগী শেনবা চহি ২০২৪-২৫দা করোর ৯৩.৮৫দা হেনগৎলে।

PMJDYগী মায় পাকপা অসি মাগী মিসন মোদ এপ্রোচ, রেগ্যুলেতরী বেকিং, পব্লিক-প্রাইবেৎ পার্তনরশিপ অমসুং বাইওমেত্রিক ভেরিফিকেসনগীদমক আধারগুম্বা দিজিতেল পব্লিক ইনফ্রাস্ত্রকচর পুনশিনবদগী ওইরি।

মসিনা মমাংদা ফোর্মেল ফাইনান্সিংদা য়াওরমদবা মীওইশিংদা সেভিং অমসুং ক্রেদিৎ এক্সেস ফংহল্লে। মশক থোকপা সেভিং পেতর্নশিংগা লোয়ননা একাউন্ত হোল্দরশিংনা মুদ্রা লোন য়াওনা লোনশিংসু লৌদুনা মখোয়গী ইনকম হেনগৎহন্নবা অমসুং শেল-থুমগী ফীভম ফগৎহন্নবা হোৎনরি।

PMJDYনা মাগী ১২শুবা চহিদা চঙশিল্লকপদা, মসি ইনক্লুসিব গ্রোথ, দিজিতেল ইনোবেসন অমসুং ইকনোমিক এম্পাৱরমেন্তকী মঙাল অমা ওইদুনা লৈরি। মসিগী তুং কোইগদবা মায় পাকপা অসিনা শেল-থুমগী মনিংতম্বা ফংনবগী খোঙচৎ অসিদা লৈবাক অসিগী মীওই অমত্তা চীথবা তৌহন্দনবা ভারতনা লৌখৎলিবা থৌদাং অদু উৎলি।

*****