15শুবা VTB রসিয়া কোল্লিং ইনভেস্তমেন্ত ফোরমদা রাস্ত্রপতি ভ্লাদিমির পুতিন্না প্রধান মন্ত্রী শ্রী নরেন্দ্র মোদীগী "ইন্দিয়া ফার্স্ত" পোলিসী অমসুং "মেক ইন ইন্দিয়া" ইনিসি‌এতিবপু শীংথাখ্রে। রাস্ত্রপতি পুতিন্না ভারতকী চাউখৎ-থৌরাংগীদমক স্তেবল এনভাইর্নমেন্ত অমা শেমগৎনবা ভারতকী খোঙথাংশিং অদু শকখঙখি।

মেনুফেকচরিং হেনগৎহনবা অমসুং ফোরেন ইনভেস্তমেন্ত লাকহন্নবা পান্দম থম্লিবা "মেক ইন ইন্দিয়া" ইনিসিএতিব অসিনা মালেমগী শেন্মিৎলোনদা ভারতকী থাক অসি মপাঙ্গল কনখৎহনবদা মরুওইবা থৌদাং অমা লৌরি হায়না মহাক্না ফোংদোকখি। রাস্ত্রপতি পুতিনগী ৱারোল অসিনা প্রধান মন্ত্রী মোদীগী লুচিং মখাদা ভারতকী শেন্মিৎলোনগী খুমাং চাউশিল্লকপগী মশক তাক্লি। মহাক্না ভারত সরকারবু অমসুং স্মোল এন্দ মেদিয়ম-সাইজ ইন্তরপ্রাইজ (SME)শিংগীদমক "মরোমদোম লেপচাবা ঙম্বা ফিভম" শেমগৎনবা হোৎনরিবা অদু থাগৎপা ফোংদোকখি। "মেক ইন ইন্দিয়া" প্রোগ্রামদা অখন্নবা মীৎয়েং থমদুনা প্রধান মন্ত্রী নরেন্দ্র মোদীনা লুচিংবা ইকোনোমিক ইনিসিএতিবশিং অদু মহাক্না মরুওইনা পনখি।

রাস্ত্রপতি পুতিন্না রসিয়াগী ইম্পোর্ত সবস্তিত্যুসন প্রোগ্রাম অমসুং ভারতকী "মেক ইন ইন্দিয়া" ইনিসিএতিব চাংদম্নখি অমসুং ভারত্তা মেনুফেকচরিং ওপরেসনশিং লিংখৎনবা রসিয়াগী অপাম্বা ফোংদোকখি। ভারত্তা ইনভেস্তমেন্ত তৌবা অসি কান্নবা ফংই হায়না মহাক্না মখা তাখি। ভারতকী লুচিংবশিংনা মাগী নেস্নেল ইন্তরেস্তপু মরুওইনা লৌবদা মীৎয়েং চংলি হায়না মহাক্না অকনবা ৱাফম থমখি।

“প্রধান মন্ত্রী মোদীনা মেক ইন ইন্দিয়া কৌবা মান্নবা প্রোগ্রাম অমা লৈরি। ঐখোয়না ভারত্তা ঐখোয়গী মেনুফেকচরিং ওপরেসনশিং লিংখৎনবা শেম-শারি। প্রধান মন্ত্রীগী লুচিং মখাদা ভারত সরকারনা ইন্দিয়া ফার্স্ত পোলিসীনা লমজিংদুনা স্তেবল ওইবা এনভাইর্নমেন্ত অমা শেমগৎলি। ঐখোয়না থাজৈ মদুদি ভারত্তা শেল থাদবনা কান্নবা ফংগনি," হায়না রসিয়াগী রাস্ত্রপতিনা হায়খি। মহাক্না মসিসু হায়খি মদুদি রসিয়ন কম্পনী রোসনেফ্তনা লৈবাক অসিদা দোল্লর বিলিয়ন 20 ইনভেস্ত তৌখ্রে।

BRICSকী ইভোলুসনগী মতাংদা রসিয়াগী ইম্পোর্ত সবস্তিত্যুসন প্রোগ্রামগী মরুওইবা অদুসু রাস্ত্রপতি পুতিন্না ফোংদোকখি। মহাক্না SMEশিংগী গ্রোথতা মীৎয়েং থমখি অমসুং BRICS+ লৈবাকশিংদা SMEশিংগীদমক্তা অফবা বিজিনেস ত্রাঞ্জেক্সনশিং পাংথোক্নবগীদমক রেপিদ দিস্প্যুৎ রিজোল্যুসন মেকানিজম অমা মথৌ তাই হায়না ফোংদোকখি।

মহাক্না মার্কেৎতগী থোকখ্রবা নোংচুপ্লোমগী ব্রান্দশিংগী মহুৎ শিনবা অনৌবা রসিয়ন ব্রান্দশিং থোরকপগী মতাংদা পনখি অমসুং কঞ্জ্যুমর গুদস, IT, হাই-তেক, অমসুং লৌউ-শিংউগুম্বা সেক্তরশিংদা লমদমসিগী রসিয়ন মেনুফেকচররশিংনা মায় পাকপগী মতাংদা পনখি।

"ঐখোয়গীদমক্তদি, মসি ঐখোয়গী ইম্পোর্ত সবস্তিত্যুসন প্রোগ্রামগী শরুক অমা ওইনা মরুওই। অনৌবা রুসিয়ন ব্রেন্দশিং থোরকপনা ঐখোয়গী কৈথেলদগী মশাগী ইথিলগী মতুং ইন্না থোকখ্রবা নোংচুপলোমগী কম্পনীশিংবু মহুৎ শিনবদা মতেং পাংলি। ঐখোয়গী লোকেল মেনুফেকচররশিংনা কঞ্জ্যুমর গুদসতা নত্তনা IT অমসুং হাই-তেক ইন্দস্ত্রীশিংদসু মশক থোকপা মায় পাকপা অমা ফংলে," হায়না মহাক্না ফোংদোকখি।

BRICS লৈবাকশিংগী মরক্তা SMEশিং চাউখৎহনবদা মতেং পাংনবা অমসুং মথং চহিদা ব্রাজিলদা পাংথোক্কদৌরিবা মীফমদা মরুওইবা লমশিং মশক খঙদোক্নবা মেম্বর লৈবাকশিংবু রাস্ত্রপতি পুতিন্না তকশিনখি। BRICSকা লোয়ননা রসিয়ানা শেমগৎলিবা ইনভেস্তমেন্ত প্লেৎফোর্মগী মতাংদা পল্লদুনা রাস্ত্রপতি পুতিন্না হায়খি মদুদি মসিনা পার্তনর লৈবাক পুম্নমক্তা কান্নবা পীবা ঙম্মি অমসুং মসিনা ঐখোয়গী ইকোনোমীদা মতেং পাংনবা অমসুং গ্লোবেল সাউথ অমসুং ইস্তকী লৈবাকশিংদা শেলগী মতেং পীনবগী মরুওইবা খুৎলাই অমা ওইরকপা য়াই হায়না পানরি।

"মহাক্না মখা তাখি, "ঐহাক্না BRICSকী ঐহাক্কী মরুপশিংবু মরুওইবা লমশিংদা হৌজিক ওইরিবা ফিভম অসি য়েংশিন্নবা হায়জরি, অমসুং ঐখোয়না ব্রাজিলগী ঐখোয়গী মরুপশিং, মথং চহিদা BRICSপু লুচিংগদৌরিবা অসিগী মরমদা খঙহনগনি," হায়না মহাক্না মখা তাখি

অকুপ্পা মারোল মসিদা য়েংবীয়ূ http://en.kremlin.ru/events/president/news/75751

***